charehjale

وبلاگ-کد لوگو و بنر
فروردين 1395 | charehjale

آذربایجان-ارمنستان جبهه‌ خطینده سون دوروم

یازار : " تؤرک دیلینی اؤیره نین، چونکو اونلارین حاکمیتی چوخ اوزون سؤره جکدیر." پیامبر اکرم

+0 چره جلی
آذربایجان-ارمنستان جبهه‌ خطینده سون دوروم

آذربایجان ساوونما باخانلیغی رقم وئرمه‌دن چوخ ساییدا ارمنی عسگرین اؤلدورولدوگو و حربی تجهیزاتین یوخ ائدیلدیگینی بیلدیریر

آذربایجان اوردوسو

آذربایجان سایتلاریندا یئر آلان خبرلره گؤره، آخشام ساعاتلاریندان‌ ارمنی سیلاح‌لی بیرلشمه‌لری آذربایجان اراضی‌سینی، اؤزلیکله دینج ساکین‌لری آغیر سیلاح‌لارلا آتیشا توتدو. ترتر ساکین‌لری‌نین وئردیگی معلوماتا گؤره، گئجه ساعاتلاریندان‌ گوج‌لو آتیشما باشلادی. ارمنی‌لر دینج اها‌لی‌نین ائولرینی آتیشا توتودو‌لار. بونا گؤره ده وطنداشلار گئجه‌نی کوچه‌لرده گئچیرمه‌لی اولدو. آغدام‌دا دا وضعیت اولدوقجا گرگین‌دیر. ارمنی تخریباتینا باخمایا‌راق اوردو وضعیته نظارت ائدیر.

آذربایجان مدافعه باخانلیغی‌نین رسمی مقام‌لاری حاضیردا جبهه بؤلگه‌سینده‌دیر. غیر رسمی بیلگیلره گؤره، آتیشما زامانی غیر نظامی وطنداشلاردان اؤلنلر اولدو.

قاراباغ مئدیا سایتینین خبرینه گؤره، ارمنی سالدیریسینا قارشیلیق اولا‌راق آذربایجان سیلاح‌لی گوجلری گئنیش عکس هوجوما گئچمیش، بیر نئچه استراتژیک یوکسک‌لیگی اله گئچیره‌رک ارمنیلرین 70 دولاییندا عسگرینی، 7 تانک، 2 پیادا‌ ساواش ماشینی، 3 زره‌لی ماشینی، 4 اؤزویئریین توپچو قورغوسونو یوخ ائتدی‌لر. آذربایجان ساوونما باخانلیغی دا رقم وئرمه‌دن چوخ ساییدا ارمنی عسگرین اؤلدورولدوگو و حربی تجهیزاتین یوخ ائدیلدیگینی بیلدیریر. ساوونما باخانلیغی آیریجا ارمنیلرین بیر آذربایجان هلیکوپترینی دوشوردوگو ادعالارینی دا کسین بیر دیله ایله یالانلادی.

ساواشین داوام ائتدیگی بیلدیریلیر.


قاراباغ‌دا چاتیشما

یازار : " تؤرک دیلینی اؤیره نین، چونکو اونلارین حاکمیتی چوخ اوزون سؤره جکدیر." پیامبر اکرم

+0 چره جلی
قاراباغ‌دا چاتیشما

ارمنی سیلاح‌لی بؤلمه‌لری جبهه‌نین مختلیف ایستیقامت‌لرینده آغیر سیلاحلارلا گئجه بویو آتیش‌کس رژیمینی توپلام 127 دفعه پوزدو

قاراباغ‌دا آذربایجان و ارمنستان گوجلری آراسیندا چاتیشمالار یاشانیر.

آذربایجان مدافعه باخانلیغی‌ وئردیگی آچیقلامادا ارمنی سیلاح‌لی بؤلمه‌لرینین جبهه‌نین مختلیف ایستیقامت‌لرینده آغیر سیلاحلارلا گئجه بویو آتیش‌کس رژیمینی توپلام 127 دفعه پوزدوغونو بیلدیردی.

آچیقلامادا دئییلیر: "ارمنیستان ایجوان ائلچه‌سینین برکابر کندینده یئرلشن مؤوضع‌لردن قازاخ ائلچه‌سینین قیزیل‌حاجی‌لی کندینده، بئرد ائلچه‌سینین چیناری کندینده یئرلشن مؤوضع‌لردن توووز ائلچه‌سینین آغ‌بولاق کندینده، کراسنوسلسک ائلچه‌سی اراضی‌سین‌دکی آدسیز یوکسک‌لیک‌لرده یئرلشن مؤوضع‌لردن گئده‌بی ائلچه‌سی اراضی‌سین‌دکی آدسیز یوکسک‌لیک‌لرده یئرلشن مؤوضع‌لریمیز آتیشا توتولدو. گورانبوی ائلچه‌سینین گولوستان، ترتر ائلچه‌سینین گؤیارخ، یاریمجا، چیلبورت، آغدام ائلچه‌سینین شیخ‌لار، جواهیرلی، ساریجا‌لی، کنگرلی، نووروزلو، شوراآباد، یوسیفجان‌لی، نمیرلی، قاراقاش‌لی، مرزی‌لی، خوجاوند ائلچه‌سینین کوروپاتکینو، فضولی ائلچه‌سینین قاراخانبی‌لی، هورادیز، قورقان، آشاغی سیداحمدلی، جبراییل ائلچه‌سینین مهدی‌لی کندلری یاخینلیغیندا، آیریجا گؤیگؤل، گورانبوی، خوجاوند، فضولی و جبراییل ائلچه‌لری اراضی‌سین‌دکی آدسیز یوکسک‌لیک‌لرده یئرلشن مؤوضع‌لردن ده سیلاح‌لی گوج‌لریمیزین مؤوضع‌لری آتیشا توتولدو. آذربایجان سیلاح‌لی گوج‌لری عملیات شرایطینه اویغون اولا‌راق دوشمه‌نین مؤوضع‌لری و سنگرلرینه 130 دفعه ضربه‌ ائندیردی".

بو آرادا ارمنستان ساوونما باخانلیغی سؤزچوسو چاتیشما سونوجو هر ایکی طرفدن اؤلنلر اولدوغونو بیلدیردی.


12 آذربایجان عسگری شهید اولدو

یازار : " تؤرک دیلینی اؤیره نین، چونکو اونلارین حاکمیتی چوخ اوزون سؤره جکدیر." پیامبر اکرم

+0 چره جلی
12 آذربایجان عسگری شهید اولدو

'ارمنیستان ایله چیخان چاتیشما‌لاردا 12 عسگریمیز شهید اولدو'


آذربایجان-ارمنستان جبهه خطینده چاتیشما داوام ائدیر.
ارمنیستان اوردوسونون حربی مؤوضعلرین یانیندا جبهه خطینه یاخین بؤلگه‌لردکی یاشاییش یئر‌لرینی ده آتیشا توتدوغو، آذربایجان اوردوسونون دا قارشیلیق وئردیگی ایفاده ائدیلدی.
آذربایجان ساوونما باخانلیغین‌دان وئریلن آچیقلامادا، 'ارمنیستان ایله چیخان چاتیشما‌لاردا 12 عسگریمیز شهید اولدو' دئییلدی.
ائوینه توپ گولله‌سی اصابت ائدن بیر وطنداشین دا حیاتینی ایتیردیگینی بیلدریلدی.
جبهه خطینده آغدره، ترتر، آغدام، خوجاوند و فضولی بؤلگه‌لرینده شدت‌لی چاتیشما‌لارین یاشاندیغی آچیقلاندی.
ارمنیستان ساوونما باخانلیغی ایسه، هر ایکی طرف‌دن ده ایتکی‌لر اولدوغونو بیلدیردی.


100دن چوخ ارمنی عسگری اؤلدو یا دا یارالاندی

یازار : " تؤرک دیلینی اؤیره نین، چونکو اونلارین حاکمیتی چوخ اوزون سؤره جکدیر." پیامبر اکرم

+0 چره جلی
100دن چوخ ارمنی عسگری اؤلدو یا دا یارالاندی

"آتیشکس رژیمینین پوزولماسی تکرارا باش وئررسه دوشمنه وورولاجاق ضربه‌لر داها آغیر و سارسیدیجی اولاجاق‌دیر"

آذربایجان-ارمنستان جبهه خطینده چاتیشمالار داوام ائدیر.

آذربایجان ساوونما باخانلیغیندان وئریلن آچیقلامادا بو بیلگیله یئر وئریلدی: "دؤیوشلرده ارمنیلره مخصوص ۶تانک، ۱۵ دولایینداتوپچو قورغوسو و محکملندیریلمیش موهندیس قورغولاری محو ائدیلیب، او جمله‌دن یوزدن چوخ حربی قوللوق‌چوسو اؤلوب و یارالانیب. دوشمنله دؤیوشلرده سلاح‌لی قوه‌لریمیزین ۱۲ حربی قوللوق‌چوسو شهید اولوب. ارمنی مؤقعلرینه هاوا ضربه‌لری زامانی عملیاتا جلب اولونان ۱ ام آی-۲۴هلیکوپتری دوشمن طرفین‌دن وورولوب و ۱تانک مین پارتلاییشی زامانی سیرادان چیخیب. مدافعه ناظرلیینین رهبرلیگی دوشمنله دؤیوشلرده شهید اولان حربی قوللوق‌چولارین یاخینلارینا و عائله‌لرینه درین حوزونله باشساغ‌لیغی وئریر و صبر دیلییر. مدافعه ناظری دؤیوشلرده ایشتیراک ائد‌ن شخصی هیاتین دؤیوش قابیلیتینی، حربی تجروبه‌سینی و دؤیوش روحونو یوکسک قیمتلندیریب. مدافعه ناظرلیگی بیلدیریر کی، آتیشکس رژیمی حاقین‌دا آنلاشمانین ارمنیستان طرفین‌دن پوزولماسی تکرارا باش وئررسه دوشمنه وورولاجاق ضربه‌لر داها آغیر و سارسیدیجی اولاجاق‌دیر".


ایل تحویلی بایرام 95 اینجی ایل چره جلی گئندین مسجیدینده بو ایل هامیا موتلو اولسون

یازار : " تؤرک دیلینی اؤیره نین، چونکو اونلارین حاکمیتی چوخ اوزون سؤره جکدیر." پیامبر اکرم

+0 چره جلی
ایل تحویلی بایرام 95 اینجی ایل چره جلی گئندین مسجیدینده بو ایل هامیا موتلو اولسون

http://charehjale.arzublog.com/uploads/charehjale/DSC04220.jpg
http://charehjale.arzublog.com/uploads/charehjale/DSC04218.jpg
http://charehjale.arzublog.com/uploads/charehjale/DSC04224.jpghttp://charehjale.arzublog.com/uploads/charehjale/DSC04226.jpg

  • [ 1 ]

  • دریافت کد فیدخوان