غزل
یازار : " تؤرک دیلینی اؤیره نین، چونکو اونلارین حاکمیتی چوخ اوزون سؤره جکدیر." پیامبر اکرم
+0 چره جلی
غزل 1
اوزوك كیمین ایتیرمیشم قاشیمی
تاپانمیرام وفالی
یولداشیمی
بولود قویور باشینی داغ
چینینه
من قارا گون هارا قویوم
باشیمی
ایسمیرم یاریم گوروب
اینجی یه
گیزده دیرم گوزومده
گوزیاشیمی
باشماق كیمین زیوار سیزام
حیف اولا
تاپانمیرام دردیمه
كفاشیمی
نقاش اولوب خیالینده
چكیردیر
اول دوداغ ، سونرادا گوز
ـ قاشیمی
رنگی قوتولدی بوشلادی
طرحیمی
گورمدیم اوندان سورا
نقاشیمی
مسافر اولدوم ، حیف اولا
تانیش یوخ
ایق دالیمدا پیشیره آشیمی
غزل 2
گئنه غمخانه كیمیندیر منه
دونیا گئجه لر
سن كی یوخسان گوره سن
گوزلری دریا گئجه لر
بیر قرنلوق كوچه دی ، بیر
باجادی ، بیرده منم
كیم بیلر دردیمیزی همشه
یلدا گئجه لر
گوزلیم گوزلروی اولدوز
ائله گوزلریمه
بلكه اولسون یوخومون
كابوسی ، رویا گئجه لر
سن گئداندان سورا بیر
بوغضدی سالیب درده منی
گوزیاشیمنان ائله دیم
دردی مداوا گئجه لر
اورك اولدی پارالی ،
گوزلریم اولدی یارالی
یارادا هریاریا ائدی
مدارا گئجه لر
من پلنگ لر كیمینیدیم
آیین اون دورد گئجه سی
آیی اوخشادی سنه ائتدی
تماشا گئجه لر
گئزمه عشق معناسینی آیری
اوركلرده كی من
ائدمیشم صبحه كیمین
عشقیمی معنا گئجه لر
غزل 3
نـازلـی گولـوم مـنـنده بیـر یـاد ائـله
یـامـان گونـون الـیـنــدن آزاد ائـله
یـل كـیمین اس سـیپـیرگینن غملـری
مـنـی ده بـیــر گلـمـگوا شــاد ائـله
طوفان اولوب دریاده هئچ امـان یوخ
دادیـمه چـات گل مـنی امـدادائـله
سن سیز عمر گوزومده هئچ زاد اولوب
قیـل بیـر نـظـر عمـرمو بیـر زاد ائـله
سـندن سـورا كنـدیم خرابه اولـدی
گئنـه قـیـیــد كنـدیـمـی آبـاد ائـله
غزل ۴
عمور
منیلن ایسته میر بئش كلمه خوش دانیشا
هر
گون كی عمریمدن كئچیر بیر داشدی كی دئیر باشا
بیرجه منه دئسین بیری ، نیله میشم بو خلقه من
هر
كیمسه یولدان كئچینیر منیلن ایستیر ساواشا
قوش
كیمینم كی روزگار ، باقلاندیریب قاناتیمی
عقیل
دئیر قوی باشووی ، آمما اورك دئیر یاشا
نه
وقته جاق یازیم یازی ، نه وقته جاق چالیم سازی
دنیزلی یم ، دنیزلی یم ، دا طاقتیم گلیب باشا
ایسته ییرم بیر قوش اولام ، قانات چالام هر طرفه
گئدم اوزاقلاردان ائدم گونلریمی بیر تاماشا
غزل ۵
گوزلـرون آخ نه گوزلدیـر ، نه گوزل ، آی پاراسی
نـه اولاردی گئـیـنــم گوزلــروون آغ ـ قـاراسی
بو نـه گوزیاشدی كی طوفانلی ائدیب گوزلرووی
جـانیمـا دوشسـون اگر گوزلـروون وار یـاراسی
دامجـی دامجـی ییقیلیـر خیردا گوزه ، من نه دئیم
دنـیـزه بـنـزیـیــر آمـا ایـكـی كیپـریـك آراسی
ائلـه اولـدوز كیمـی گوزیـاشی یئره توكمه گوزل
ائلـه اولـدوزلارا دیـمـز گونـشـیـن گوشواراسی
آغلامـا ، بیـر ائلـه گوزیـاش ائله مه ، صبره دایان
قویمارام سئل لره دوشسون گئنه ده ائل ساراسی
