هوشنگ جعفری
یازار : " تؤرک دیلینی اؤیره نین، چونکو اونلارین حاکمیتی چوخ اوزون سؤره جکدیر." پیامبر اکرم
+0 چره جلی
یانیما بیر گلیب گئده نیم اولمور
گلن لر سیخیلیر گیدن سین سییر
حالیمی دوشونوب بیلنیم اولمور
گل مئین دورنالار بیزیم كندیمیز
چیسگینلی. دومانلی شاختالی كند دیر
یوللاری تیكانلی ائولری هیسلی
قالا تك قاپیسی. تاختالی كند دی
وطنیم دوستاقدی باخیشیم گئنیش
اوره گیم داریخیر .سیخیلیرام من
قولومدان ساخلایین حالیمی سورون.
ائل گوجو اولماسا یخیلیرام من
اورمونون گولوتك یا لقیزام یالقیز
كسیلیب داماردا ن قانیم ای ائللر
كویره دونورم اذربایجان تك
دویما ساز چیخاجاق جانیم ای ائللر
بیر الدی بیلمیرم یا .نئچه اللر
ال اله وئریبلر-الیم كسیل سین
بیلمیرم كیمدی لر؟بیر ایش گوردولر
گئده نیم سینسی سین گلیم كسیل سین
بیرنفر سوروشمور ائلجه بیله ندن
باش وئریب الی سیز جسمیدن جانی
اذر ائل قورویوب شوره زار اولسا
نی نیسیز؟نی نیسیز؟باش سیز ایرانی
دیندیرمه- دولویام .دولویام .دؤلو
گئدیرم ظلمتین كوكون یولدورام
اؤقه دراغلیام اورمو گولونده
گؤز یاشلا –اورمونون گولون دولدورام
هوشنگ جعفری
