اوشاق لار اوچون ناغیل
یازار : " تؤرک دیلینی اؤیره نین، چونکو اونلارین حاکمیتی چوخ اوزون سؤره جکدیر." پیامبر اکرم
+0 چره جلی
شاهین ایش گؤرمكی خوشلامیردی. اونا تاپشیریلان ایشی كؤنول‌سوز گؤرر، سونرا "یورولدوم" دئییب اوتوراردی.
بیر گون شاهین كنده - ننه‌سی‌نین یانینا گلیر. آخشام بیر آز اوشاق‌لارلا اوینایان كیمی ساعت سككیز اولمامیش یاتیر.
سحر ننه‌سی اونو نه قدر اویا‌دیرسا، شاهین یورولموشام دئییب دورمور.
ننه گون اورتایا یاخین تندیرده چؤرك یاپیب ائوه قاییداندا گؤرور كی، شاهین هله یاتیب. او، هیجانلا نوه‌سینی یوخودان اویا‌دیر:
- شاهین، بالا، دور آیاغا! ایندیه قدر ده آدام یاتار؟ تنبل‌لیك سنی خسته لندیرر كی...
- ننه، آدام نیه اسنه ییر؟
- اسنه‌ینده آدامین تنبل‌لیگی چیخیب گئدیر.
- نئجه گئدیر، هارا گئدیر؟... سن تنبل‌لیگی گؤرموسن؟
- یوخ، گؤرمه میشم. او، همیشه من‌دن گیزله نیر، قورخوب قاچیر.
- هاردا گیزله نیر؟
- او چوخ حیله‌گردیر. هر یئرده گیزلنه بیلیر. یویولمامیش قاب‌لارین آرخاسیندا، سوپورولمه میش زیبیل ین ایچری‌سینده، دوغرانمامیش اودون‌لارین آراسیندا، پالچیق‌لی باشماق آلتیندا، حتی فیرچالانمایان دیش‌لرین آراسیندا دا اؤزونه یئر تاپا بیلیر.
- ائله‌دیر كی وار. او، حتی زیانكاردیر دا.
اوشاق‌لاری تنبل لشدیریر، اونلار دیش‌لرینی فیرچالامیر، دیش‌لری خاراب اولور، چورویور. اوندا تنبل‌لیك سئوینیر. چونكی دیش‌لر خاراب اولاندا اونون یئری بؤیویور، خاراب دیش‌لرین آراسیندا اؤزونه یووا دوزل‌دیر. خاراب دیش‌لر آغریییر، تنبل‌لیك سئوینیر.
- البته! تنبل‌لیك بونو بیلیر، اونا گؤره ده گؤزومه گؤرونمور. ایندی ایسه قالخ، ال-اوزونو یو، دیش‌لرینی فیرچالا، تنبل‌لیگی قووالا!
- بو ساعت من اونا گؤستررم، – دئییب، شاهین حاماما كئچدی. همیشه كین‌دن فرق‌لی اولا‌راق ترتمیز یویوندو. سحر یئمگینی ده ایشتاها ایله یئدی.
بیر آز جیزگی فیلمینه باخدی. سونرا ایسه حیس ائله‌دی كی، گؤزلری یومولور. دئدی:
ننه سوروشدو:
- نه ایله میسن كی، یورولاسان؟
- دونن اوشاق‌لارلا چوخ‌لو فوتبال اوینامیشام، یورولموشام.
ننه گولدو:
- دونن اوینادیغین كئچمیشده قالدی. دونن‌دن یورغونلوق قالماز. یاتیب دوراندا یورغونلوق كئچیر.
اؤزونو یورغون حیس ائله ییرسن سه، دئمه‌لی تنبل‌لیك سنی اؤزونه چكیب دئییر: گل، گل من طرفه، دوستوم اول، دوست‌لاریمین سایی آرتسین!”.
- اوندا ائله ایسه توت آغاجی‌نین دیبینی بئل له، سونرا اونا سو وئر. تنبل‌لیك سودان قورخور. سویو الینده گؤرن كیمی قاچا‌جاق.
- بو ساعات، - دئییب شاهین باغا گئتدی. ننه‌سی دیین كیمی ائله‌دی. آغاجین دیبینی بئل له‌ییب اونا سو وئردی. آغاج ائله بیل جانلاندی.
اونون بوزوشموش یارپاق‌لاری آچیلدی، آغاج دیله گلیب دئدی:
- ساغ اول، اوغلان! منی سئویندیردین. یارپاق‌لاریم تنبل له شیب سولموشدو.
- یقین، تنبل‌لیك بو اودونون آلتیندا گیزله نیب، ایندی اونو قووارام.
اودون‌لاری دوغرادیق‌دان سونرا شاهین چیله ك كول‌لاری‌نین آراسین‌دان آلاق اوتلارینی تمیزله‌دی. او هر دفعه آلاق اوتونو قالدیراندا دئییردی:
- هارداسان، تنبل‌لیك! بو ساعت سنی تاپیب قووارام! گیزلنه بیلمزسن!
اما هئچ یئرده آختاردیغینی تاپا بیلمیردی.
بئله‌لیك له، شاهین بوتون گونو ایشله‌دی. ننه ائله سئوینیردی كی... آخی نوه‌سی تنبل‌لیك خسته لیگین‌دن ساغالیردی.
سونرا شاهین اوشاق‌لارلا اویناماغا گئتدی. اونلار چایا چیممه‌یه گئتدی‌لر. فوتبال اوینادی‌لار، آغاجا دیرماشیب آلچا یئدی‌لر، ائله ماراق‌لی اولدو كی...
- دور یات، یورولموسان! بو گون بوتون گونو ایشله میسن، اورا - بورا قاچمیسان!
- یوخ، آی ننه، یورولمامیشام! اما بیر شئی دئییم سنه، تنبل‌لیگی هئچ یئرده تاپا بیلمه دیم.
شاهین تامام دییشمیشدی.
- لاپ یاخشی، دئمه‌لی سن تنبل‌لیگی بیردفه‌لیك قووموسان!
شاهین چوخ سئویندی. چونكی او، تنبل‌لیگه غالیب گلمیشدی. داها حیله‌گر تنبل‌لیك هئچ واخت اونو آلدادا بیلمه‌یه‌جكدی.
