آغلاما اورگیم

بیلمزدین عذابلار چكجكسن سن،

بیلمزدین دیریلیب اؤله‌جكسن سن.

آغلاماقدان واللاه توكنه‌جیسن،

آغلاما اورگیم آغلاما داها.

قویما دوشمنلرین باخیب گولسونلر،

قویما درت سرینی اونلار بیلسینلر.

ایزین وئر گؤز یاشین دوستلار سیلسینلر،

آغلاما اورگیم آغلاما داها.

عشقی-شیكایت

كولكلر حسرتی گتیردی منه،

بیر یارپاق میثالی تیترگیر قلبیم.

گؤزلریم باخدیقجا اؤتوب كئچنه،

قانادیم قیریلیر، قالماییر صبریم.

باهار چیچكلرله عومور بزه‌ییر،

من نییه بو قدر چیركین قالمیشام؟

سئوگینی بیلمه‌ین گزیب ایله‌نیر،

اینتیظار اودویلا صاباحلامیشام

بو شعر، میصراعلار قلبیمین سسی،

بو سسه بیر جاواب وئرمك اولارمی؟

یوللاریم بیتیبدیر، چاره قالماییب،

عونوانسیز منزیله گئتمك اولارمی؟

سن اولدون

قلبیم زده‌لنن، سینان بیر واختدا،

سن گلدین، قلبیمه ملهم سن اولدون

باشینا تاج قویوب، اوتورتدوم تاختدا

او تاجی كیرله‌دن، آتان سن اولدون.

قلبیمده شاهزادم بؤیوتدوم سنی،

اؤزونو قول ائدن یئنه سن اولدون

گؤزومده بیر پری گؤروردوم سنی

گؤزومو كور ائدن یئنه سن اولدون.

سئویرم دئییردین، پوچ اولدو عومروم،

عومرومو پوچ ائدن اینان سن اولدون.

ایستمیر سئوگینی قاچیر بو كؤنلوم

قاچماغی اؤیره‌دن بیل كی، سن اولدون.

بیلمه‌دین قدرینی بو صاف سئوگیمین،

یالانلا آلدادان، یالان سن اولدون

قیمتین اؤلدوردون اولوی عشقیمین

بو عشقه لكنی سالان سن اولدون.

بیر زامان یالانسیز دونیام اولموشدوم،

ایندی یالان جهنّمیم یئنه سن اولدون

سن منه یالانچی، شور‌گؤز دئییردین،

منه یالان دئین ائله سن اولدون

بلكه ده سئوگیمه اینانمادین سن،

آمما كی، سئویرم، دئین سن اولدون

بلكه ده یالاندان اوتانمادین سن

آمما یالان دئمه ائدین سن اولدون.

عشقی-شیكایت

كولكلر حسرتی گتیردی منه،

بیر یارپاق میثالی تیترگیر قلبیم.

گؤزلریم باخدیقجا اؤتوب كئچنه،

قانادیم قیریلیر، قالماییر صبریم.

باهار چیچكلرله عومور بزه‌ییر،

من نییه بو قدر چیركین قالمیشام؟

سئوگینی بیلمه‌ین گزیب ایله‌نیر،

اینتیظار اودویلا صاباحلامیشام

بو شعر، میصراعلار قلبیمین سسی،

بو سسه بیر جاواب وئرمك اولارمی؟

یوللاریم بیتیبدیر، چاره قالماییب،

عونوانسیز منزیله گئتمك اولارمی؟

^{سنكی یوخسان یانیمدا}

^{یامان آجی سیزلاییر، كؤنلومده‌كی یارالار. 
بو یارالی كؤنولده جانیم، سنی هارایلار. 
سینمده‌كی دردلری، یالنیز سئوگین آنلایار. 
آغلاماییم نئیله‌ییم، سنكی یوخسان یانیمدا، 
قملی گؤزوم آختاریر، سنی دردلی آنیمدا.} 

^{گل اوز-اوزه دوراق بیز، باخ گؤزومده كدره. 
بیرجه كلمه سؤزونله، دؤنر جوشان سئللره، 
نه اولار گل اللر چك، قریبسه‌ین تئللره، 
آغلاماییم نئیله‌ییم، سنكی، یوخسان یانیمدا، 
قملی گؤزوم آختاریر، سنی دردلی آنیمدا.} 

^{سون دفعه‌‌ گؤروشنده، كدرله آیریلمادیق، 
منجه سئوگی یولوندا، بیز هئچده یانیلمادیق، 
آیریلیقدا اوشودوك، نه‌دندیر آنلامادیق، 
آغلاماییم نئیله‌ییم سنكی، یوخسان یانیمدا، 
قملی گؤزوم آختاریر، سنی دردلی آنیمدا.} 

^{“پروان”نین قلبینی، كیمسه یوخ سن بیلیرسن. 
بیلیرسن یارالییام، ائله سوال وئریرسن، 
گؤزلرین كدرلیدیر، نییه تئز-تئز دئییرسن؟ 
گؤزلر نئجه گولسون بس، سنكی یوخسان یانیمدا، 
قملی گؤزوم آختاریر، سنی دردلی آنیمدا.}

سن گئدندن آرتیق نئچه ایل كئچیب

هله ده اؤزومه گلمه‌میشم من

قلبیمه آدینی نئجه یازمیشام،

ائله ده قالیبدی، سیلمه‌میشم من.

سن گئتمك ایسته‌دین، من قوجاقلادیم

"گئتمه، یالواریرام" دئییب ساخلادیم

یادیندامی او گون نئجه آغلادیم؟

او زاماندان بری، گولمه‌میشم من.

هز آلیردین منی اله سالماقدان

ایچیمدن سیرریمی بیر-بیر آلماقدان

دئینده "قورخورام تنها قالماقدان"

قورورلا دئییردین "اؤلمه‌میشم من".

گئدیرسن گئت

داها سنه یالوارمیرام،

گئدیرسن گئت، قالیرسان قال.

آرخانجا سو تك آخمیرام،

گئدیرسن گئت، قالیرسان قال.

اگر منی سئومیرسنسه،

درد-سریمی بؤلمورسنسه،

اگر منسیز اؤلمورسنسه،

گئدیرسن گئت، قالیرسان قال.

یالان عشقین نه فایداسی،

آغلاماق گؤزون قایداسی.

هئچ نه دیَیشمز، قاداسی،

گئدیرسن گئت، قالیرسان قال.

لاقئیدلیكله منی یاخما،

اورگیمی بئله سیخما.

گؤزلریمده یاشا باخما،

گئدیرسن گئت، قالیرسان قال.

بولاق كیمی قایناما، گل،

اورك آدلی آیناما گل.

طالعییمله اویناما گل.

گئدیرسن گئت، قالیرسان قال.

بو نه جور سئوگیدیر، بو نه جور عشقدیر؟

هله باشلامامیش سونو گؤرونور.

سنی سندن آیری دوشونن زامان

قلبیم پارچالانیب یوزه بؤلونور.

بو اورك بیر داها اؤزونه گلمز

حیات اونا آغیر ضربه‌‌ ووروبدور

منی وورماق اوچون او گؤزللیگین

حیاتین الینده سلاح اولوبدور.

اگر مندن آیری گزسن بیر زامان

بو قملی گؤزلریم یاشلا دولاجاق

سئوگینه قلبیمده قوردوغوم سارای

ائله همین آندا ویران اولاجاق

بلكه‌ده بو سئوگی بیر طرفلیدیر

بلكه‌ده سن منی هئچ سئومه‌ییرسن

هر دقیقه سنین اوچون ووران قلبیمین

بلكه‌ده آغریسین حیسس ائتمه‌ییرسن

نئیله‌یك بیزیم كی، بورا قدرمیش

بؤیوك سئوگیلرین سونو كدرمیش،

نیسگیل حیاتیما ساكیت گلن یار،

بیر گون بو حیاتدان ساكیت گئدرمیش.

گؤرورسنمی؟ حیات چوخ قریبه‌دیر؟

حاقی حاقسیزلیقدا گوناهلاندیریر.

بیلمیرم هئچ منیم گوناهیم نه دیر؟

حیات منی بئله جزالاندیریر.

سنه قارشی اولان بؤیوك حیسسلریم،

حیاتدا ایكینجی محبتیمدیر.

اونو عذابلارلا چتین اونوتدوم،

سنی ایسه اونوتماق داها چتیندیر.

سئوه‌رم سنی

گؤیده یاغیش اولوب یاغسان قلبیمه،

پارلاق گونش اولوب ساچسان قلبیمه،

سرین بولاق اولون آخسان قلبیمه،

قلبیمین آیناسی بیله‌رم سنی،

اولكی تك ایستر، سئوه‌رم سنی.

دونوب گلسن، یئنه سئوسن نه اولار؟

اولدوزوم، آییمسان دئسن نه اولار؟

اورگینی بؤلوب وئرسن نه اولار؟

یالواریب تانریدان دیله‌رم سنی،

اولكی تك ایستر، سئوه‌رم سنی.

اومود وئریب منه، دؤنه‌جم دئسن ،

گلنده گؤزوندن اؤپه‌جم دئسن،

سنی عومروم بویو سئوه‌جم دئسن،

همیشه یانیمدا بیله‌رم سنی،

اولكی تك ایستر، سئوه‌رم سنی.

ایچیمی یاندیریب، باخسان گؤزومو،

دردیندن اؤلورم، دئسن اوزومه.

دؤزه‌رم وئردیگین عذابا، ظلمه،

عومرومون معناسی بیله‌رم سنی،

اولكی تك ایستر، سئوه‌رم سنی.

آیلی بیر گئجه‌ده توتسان ائلیمی،

اودلو آتش كیمی یاخسان ایچیمی،

ووران اورگیمین دویسان سسینی،

قلبیمین آیناسی بیله‌رم سنی

اولكی تك ایستر، سئوه‌رم سنی.

باغیشلا منی

گوناهیم سئومكدیرسه باغیشلا منی

بیر گون ترك ائده‌رم گولوم، من سنی.

اولموشام عشقیندن من آرتیق دلی

گوناهیم سئومكدیرسه باغیشلا منی!

عشقیندیر حیاتدا یاشادان منی،

عشقسیز اینسانین نه دردی قمی؟

اولموشام عشقی‌نین بو گون اسیری

باغیشلا سئوگیلیم باغیشلا منی!

گول تك قوینوندا سارالیب سولدوم

بو عشق یولوندا من هلاك اولدوم.

سنی سئوركن سئویلمز اولدوم

باغیشلا سئوگیلیم باغیشلا منی!

گونش تك قلبیمه نور اله‌دین سن

گؤیلرده سایریشان بیر اولدوزام من.

قلبینده آجی تك یاشاییرام من

باغیشلا سئوگیلیم باغیشلا منی!

سنه وورولان او گوندن بری

یاشاییر قلبیمده هیجران قمی

چاتیب سئوگیمیزین آیریلیق دمی

باغیشلا سئوگیلیم باغیشلا منی!

محبت

محبت عومرون هر بیر آنیندا

اونونلا یاشامیش اورك قانیندا

اینسانا گتیرمیش سئوینج و كدر

آیریلیق دؤنوكلوك ایستیین قدر

محبت وطنه آتا آنایا

نادینج اوشاقلارا كؤرپه بالایا

یاخین قوهوملارا دوغما قارداشا

حقیقی صمیمی دوستا سیرداشا

محبت دایمی اولوی سئوگییه

هر بیر عائله‌‌ده مؤحكم بیرلییه

یاشیل مئشه‌لره داغ یایلاقلارا

سولاری شفالی بوز بولاقلارا

محبت زحمتكئش هر بیر اینسانا

فحله‌یه كندلییه تمیز ویجدانا

عالیمه طبیبه علمی قانانا

مئمارا بننایا دایم قورآنا

محبت شاعره صمیمی سؤزه

اوخویان بولبوله هر گولن گؤزه

سحرلر آچیلان تزه تر گوله

كؤنلومو اوخشویان شیرین بیر دیله

محبت اینسانین چتین گونونده

اونا دایاق اولموش توی دویونوندو

اینسانین حیاتی بیر افسانه‌دیر

محبت سیز عومور بیر ویرانه‌دیر

سنی یاد اللره وئرن دئییلم

موباریز اولموشام سنی سئوندن،

سندن اؤزگه‌سینی سئون دئییلم.

سن یالنیز منیمسن بیر عومور قدر،

سنی یاد اللره وئرن دئییلم.

سنه هر دقیقه زنگ ائده‌جه‌یم،

هاردا اولدوغونو اؤیرنه‌جه‌یم.

سنی اولكیندن چوخ سئوه‌جه‌یم،

سنی یاد اللره وئرن دئییلم.

قویمارام بیر اؤزگه گؤز باخسین سنه،

اونلار دیَمز عشقین بیر ذره‌سینه.

هر زامان صادق اول عشقینه، منه،

سنی یاد اللره وئرن دئییلم.

عشقیندن اریگیب، دؤنسم ده سئله،

حسرتدن جان وئریب، اؤلسم ده بئله.

بیر شمتك اریگیب، سؤنسم ده بئله،

سنی یاد اللره وئرن دئییلم.

قوردوغوم خیاللار گئرچك اولاجاق،

گونش اوستوموزه شفق ساچاجاق.

هیجرانین یولونا سون قویولاجاق،

سنی یاد اللره وئرن دئییلم.

آنانی اؤزومه آنام بیله‌جم،

اینان كی، آتانی لاپ چوخ سئوه‌جم.

سیزینله سئوینیب، سیزله گوله‌جم،

سنی یاد اللره وئرن دئییلم.

بیلیرم، آنان دا منی سئوه‌جك،

او گوندن اؤزونه قیزی بیله‌جك.

پروانه دئدیگین بیل كی، ائده‌جك،

سنی یاد اللره وئرن دئییلم

وفاسیز یار

سئوگیلیم، سن منی آتیب گئدیرسن، 
سئوینجی كدره قاتیب گئدیرسن. 
گئت آی وفاسیز، خوشبخت اولگینن 
سن منی داش-قاشا ساتیب گئدیرسن. 

من سنینچون كئچردیم شیرین جانیمنان 
سن منی سایماییب، نئجه گئدیرسن، 
گئت ائی وفاسیز یار، دؤنمه گئرییه 
شیطان رؤیاسیندا یاتیب گئدیرسن.

ناكام سئوگیم

گؤرمور گؤزلریم سندن باشقا هئچ كسی

كور قویوب منی ناكام سئوگیمین ناله‌سی

داغ چكیر سینه‌مه "اونوت منی" كلمه‌سی

آل بو جانیمی اونسوز كسیلیب آرتیق نفه‌سی

ایزله‌ییر هر آن منی حسرتین قارا كؤلگه‌سی

بئزدیریب گئجه‌لری قلبیمین فریادلی سسی

قوووب یوخولاریمی خیالینا دالماق هوسی

سنسن منیمچون عشقین دیَیشمز قیبله‌سی.

من سنین یولونو گؤزله‌یه‌جم

اللرین الیمه توخونمایینجا

تئللرین تئلیمه قاریشمایینجا

سئوگیلیم بوینوما ساریلمایینجا

من سنین یولونو گؤزله‌یه‌جم

هارایا گئدیرم گؤزلریمده‌سن

دؤیونن قلبیمده سؤزلریمده‌سن

من ایللر ایله گؤزلتسن ده سن

من سنین یولونو گؤزله‌یه‌جم

سنسن یاشادان بو اورگی

سن اولماسان داغیلار دونیام

من همیشه سنین اوچون وفادارام

نه اولار بو سئوگییه قاتما حرام

سنسن یاشادان بو اورگی

سئوگی نه دیر كی، منه قییمادین

ایندی او سئوگیدن هئچنه قالمادی

بو سئوگی منیم اوچون آرتیق یالاندی

سن ایدین یاشادان بو اورگی

من سئوه‌رم ایكیمیزین یئرینه

بو سئوگیدن سن قورخورسان عیبی یوخ،

من سئوه‌رم ایكیمیزین یئرینه

بو عشق اوچون بیر گون دارا چكسه‌لر

من گئده‌رم ایكیمیزین یئرینه

مین عذابدیر سنسیز كئچن هر گونوم،

اونوتموشام یاخشی-یامان فرقینی

بو سئوگی‌نین داغ اریدن دردینی،

من چكرم ایكیمیزین یئرینه

گول دئییرم، گول قلبینه دَ‌ییرم،

من سنینچون تانری یازان شعرم،

دوداقلارین اینجیمه‌سین دئییرم،

من اؤپه‌رم ایكیمیزین یئرین

مین عذابدیر سنسیز كئچن هر گونوم،

اونوتموشام یاخشی-یامان فرقینی

بو سئوگی‌نین داغ اریدن دردینی،

من چكرم ایكیمیزین یئرینه

طالعییمده سون آچیلان گولومسن

سوزوب قارا گؤزلرین كؤنلومسن

بو سئوگی‌نین سونو اگر اؤلومسه،

من اؤله‌رم ایكیمیزین یئرینه

دردیمی

یوخدور سندن اؤزگه كؤنول سیرداشیم،

سوروشا حالیمی، بیله دردیمی.

گؤرمه‌دیم فله‌یین سئوینج پایینی،

منه هدیه‌‌سی ائله دردیمی؟

دونیا چوخلارینا بال دولو پتك،

عومروم آریلارین ”سانجدیغی” چیچك.

ییغدیم قوجاغیما قمی بیر اتك،

یوكله‌دیم بوینوما شله دردیمی.

ائی منی بو قدر توخ گؤرن آدام،

دویمادیم بو درددن، یوخ، گؤرن آدام.

منه سئوینجیمی چوخ گؤرن آدام،

نه اولا چكمكدن اؤله دردیمی.

ائلناره، بو فلك نامرددیر یامان،

مرد اولان ایسته‌مز نامرددن آمان.

دردیم اورگیمی بؤلدویو زامان،

اولا بیر همدمیم، بؤله دردیمی.

آیریلیق

او سون گؤروش، او سون ویدا،

سالیرسانمی منی یادا؟

آیریلاندا بیر الویدا،

سؤیله‌مه‌دیك، سن ده، من ده.

سونو یوخ بو یالانلارین،

آچیلاجاق صاباحلارین،

آیری-آیری دونیالارین،

اینسانیییق، سن ده، من ده.

یازان یازیب یازیمیزی،

كیم چكجك نازیمیزی،

گل بو آیریلیغیمیزی،

قبول ائدك، سن ده، من ده.

سئوگی ناغیلی

اوزون ایللر اؤنجه جاوان اولاندا

تانیدیغیم بیر قیزا وورولدوم یامان

بیلیردیم كی، جانیم، سئوگیلیم ایدی

بیلمیردیم كی، ناغیل ایمیش او زامان.

سن دئمه بو سئوگی بیر ناغیل ایمیش

من اؤزوم-اؤزومو آلدادیرمیشام

بو سئوگی آغلیمی یامانجا آلمیش

آرتیق بو سئوگییله لعنتلنمیشم.

بوتون گونو دالاشیب، بیز باریشیردیق

سحرلر كوسوردوك، آخشام سئویشیردیك

هئچ كیم منه بو قدر درد وئرمه‌میشدی

هئچ كیم اورگیمه تئز گیرمه‌میشدی.

بیلمیرم نه ائتدیم، آیریلدیق بیردن

سوروشورام اونو گلن-گئدندن

لاكین بیر گؤزل گون من تاپسام اونو

سونسوز و مؤهتشم اولاجاق سونو.

سن دئمه بو سئوگی بیر ناغیل ایمیش

من اؤزوم-اؤزومو آلدادیرمیشام

بو سئوگی آغلیمی یامانجا آلمیش

آرتیق بو سئوگییله لعنتلنمیشم.

سن دئمه ناغیلمیش بوتون سئوگیلر

چوخ آغیر اولسا دا، بو حقیقتدیر

اینسانین آغلینی باشیندان آلیر

سئوگی گؤر بیزلری نه گونه سالیر.

شیرین یوخو

ایلاهی، بیر شیرین یوخو وئر منه،

ائله بیر یوخو كی، بیر عومور یاتیم.

اوچوب آرزولارین قانادلاریندا،

وصال منزیلینه بیر آندا چاتیم.

منه بیر یوخو وئر، یوخو وئر الله،

اینتیظار، گؤز یاشی قیسمت اولماسین.

اوندا سئوگی اولسون، محبت اولسون،

آیریلیق اولماسین، حسرت اولماسین.

ائله بیر یوخو كی، اونون الییله،

فله‌یین جؤورونو ایتیره بیلیم.

منه یوخو وئرسن، واخت دا وئر الله،

گؤردویوم یوخومو بیتیره بیلیم.

حسرت

هارا گئدیر بۇ یوْلون سوْنو بیلمیرم

هارا سۆروكله‌ییر بۇ سئودا بیزی

من سنده اۇزاقدا گؤزلریم یوْلدا

سن ده مندن آیری مندن خبرسیز

خاطیریمدن چێخمیر خیالین بیر آن

قلبیمده سیلینمز ایز بۇراخمیسان

منی آیریلیغین یاندیردی یاخدی

دۆباره اۆستدن حسرتین قدرسیز

سئوگیلیم

سنینله خوش كئچن او گؤروشلری،

عومرومون ان شیرین یوخوسو ساندیم.

سنی تانیدیغیم او گوندن بری،

ائله بیل یوخودان بیردن اویاندیم.

نه شیرین، نه گؤزل بیر رؤیا ایدی،

شیرین صؤحبتلرین، شیرین وصالین.

بو بیر دوستلوق ایدی، یا سئودا ایدی.

ایلیشیب كؤنلومده قالدی خیالین.

منی بو یوخودان اویاتماسینلار،

خیالین كؤنلومدن قوی سیلینمه‌سین.

یاندیرسین قلبیمی بو عشقین اودو،

یاندیرسین، آشكاردا هئچ بیلینمه‌سین.

یوخو

یوخودا گؤردوم كی،سئومیرسن منی،

باتان آرزولاریم پوچدور ناحاققدیر.

طالعییم سؤیله‌ییر كؤنلوم دئیه‌نی،

اللرین گؤزلرین مندن اوزاقدیر.

یوخودا گؤردوم كی، دوداقلاریندا،

منیم آدیم دئییل باشقا بیر آد وار،

عومرومون معنالی بو گنج چاغیندا،

منه دؤنوك چیخدی وفا اعتبار.

آییلدیم یوخودان قارالدی گؤزوم،

بورودو قلبیمی تنهالیق، قورخو.

دوشدو خاطیریمه سنین بو سؤزون،

عزیزیم ترسینه یوزولار یوخو.

یوخوما گلسیدین عذابلاریملا،

منیم چكدیگیمی سن تابلامازدین.

سئودیگین سئوسیدی سنی منیم تك،

اؤز ناكام عشقیمه من آغلامازدیم.

یوخوما گلسیدین اگر بیر آخشام،

دئیردیم قوی یوخوم ابدی اولسون،

من چپر چكردیم كیپریكلریمی،

یوخوما قویمازدیم داها هئچ كیمی.

سئوه بیلمیرم

هردنبیر قایناییر یادلارا قانیم

هردن ده قیریلیر اولان گومانیم

چوخدور سسله‌یه‌نیم چوخدور اومانیم

بیر سندن اومیدی اوزه بیلمیرم.

ظلمت گئجه‌لره قاریشسام دا من

كوسكون قیسمتیمله باریشسام دا من

هر یئری گزسم ده دولاشسام دا من

سن كئچن یئرلری گزه بیلمیرم.

ساختا تبسسومون یوخ اولسا بئله

یالان محبتین اوخ اولسا بئله

"سئویرم" دئیه‌نیم چوخ اولسا بئله

سن دئین یالانی دئیه بیلمیرم.

سئوگییه الویدا سؤیله‌سم ده من

نملی گؤزلریمی گیزله‌سم ده من

سندن قیصاص آلماق ایسته‌سم ده من

سندن اؤزگه‌سینی سئوه بیلمیرم.

من سئون كیمی

سنی سئون قلبی نه اوچون یاردین؟

اونو دا اؤزونله بیرگه آپاردین.

منی آغلاتماقدان لذت آلاردین.

بایرام ائیله‌یرسن من اؤلن كیمی.

اگر سئوینج كدر اولسا تن سنه.

وار دؤولت وئریلسه قفلتن سنه.

عیبی یوخ داریخما بیر گون من سنه.

باخیب گوله‌جه‌یم سن گولن كیمی.

منی اؤلدورون سسینی كسین.

عذابلا یاشاسین بو سون نفه‌سین.

منی سئومه‌سن ده سئوسن اؤزگه‌سین.

سنی سئومه‌یه‌جك من سئون كیمی.

وفاسیز

وفاسیز هئچ وفان یوخمودور سنین؟

سینه‌نین آلتیندا داشمیدیر سنین؟

گؤزلری یاشلیدیر سنی سئوه‌نین،

نه اولار گئرییه دؤنمه وفاسیز.

اونسوزدا گئرییه دؤنمه‌یه‌جه‌یم،

اولكی تك سنی سئومه‌یه‌جه‌یم،

بیر ده اوزونه گولمه‌یه‌جه‌یم،

نه اولار گئرییه دؤنمه وفاسیز.

ساغالدا بیلمیردین نه اوچون قاناتدین؟

سیله بیلمیردینسه نه اوچون آغلاتدین؟

منه یالنیز خاطیره‌لر بوراخدین،

نه اولار گئرییه دؤنمه وفاسیز.

آرخادا قالاجاق بیری

بیر عشق اویوندور باشیمدان كئچن،

هئچ زامان آچیلماز سئوگی‌نین سیرری.

گوناهكار من دئییل اؤزگه‌سین سئچن،

گئدیرم، آرخادا قالاجاق بیری !

سئوگی‌نین اودوندا عذابلار چكدیمیش،

بیلمه‌دیم اؤلویم، یوخسا من دیری،

گئجه‌لر اونون اوچون گؤز یاشی تؤكدوم.

گئدیرم، آرخادا قالاجاق بیری!

قلبیمه گؤمموشم قالماییب ایزی،

سئودیم خیانتسه عشقیم گلیری!

قورودو وفاسیز سئوگی دنیزی،

گئدیرم آرخادا قالاجاق بیری!

عومور بویو گؤزون قالسین یوللاردا،

عشقیم چئویرردی موما دمیری،

خوشبخت اول بی وفا اؤزگه قوللاردا،

گئدیرم آرخادا قالاجاق بیری!

وفاسیز گؤزل

سئوگیمه بودورمو سنین جاوابین؟

من سنی سئویردیم جانیمدان آرتیق.

یامان سؤنوك دوشوب آلووون-اودون،

من ایسه اولموشام سئوگیمه صادق.

بودورمو سئوقییه وئردیگین قییمت،

بودورمو عشقیندن منه پای گؤزل؟

سئوگیدن یارانیر سئونه حؤرمت،

سن نییه آلداتدین، منی، آی گؤزل!

ندندیر ایندی سن سئومیرسن منی؟

عشقینه یانانی گل آتما، گؤزل.

بئله اوجوز توتما سنی سئوه‌نی،

سئومیرسنسه منی آلداتما، گؤزل.

اگر بیلسیدیم من ازلدن بری،

سئوگیمه وئرمیسن بو جور قییمتی.

تؤكمزدیم بیر بئله شیرین دیللری،

وفاسیز گؤزه‌لی سئومزدیم قطعی.

اونوتموسان منی

گل منیم دلی سئوگیلیم،

دوغرا منی دیلیم-دیلیم.

اونوتموسانسا دئ بیلیم،

بیلیم، اونوتموسان منی.

نئجه اونودا بیلمیسن؟

یالواریرام منه دئنن

من ده سنی اورگیمدن

سیلیم، اونوتموسان منی.

سن كامانسان، منسه تارام

سن سوسورسان، یا من كارام؟

بس دئییردین "اونوتمارام"

گولوم، اونوتموسان منی

قوی سون كس باخیم گؤزونه

سون نفسده بو آرزو نه؟

قویوب باشیمی دیزینه

اؤلوم، اونوتموسان منی

سئویرم ایلك عشقیم سئویرم سنی

بیر یئرین آغریسا آغرییار جانیم،

ائی منیم داماردا آخان بو قانیم.

سنی سئودیگیمی دئ نئجه دانیم،

سئویرم ایلك عشقیم سئویرم سنی.

سنی سئومك اوچون یارانمیشام من،

سنی هر دقیقه بیل آنمیشام من.

دونیایا جاهانا سس سالمیشام من،

سئویرم ایلك عشقیم سئویرم سنی.

اونوتسان سن منی گور قازارام من،

اگر چیخیب گئتسن تئز آزارام من.

داغلارا داشلارا بیل یازارام من،

سئویرم ایلك عشقیم سئویرم سنی.

آغاجلار باش اییر منیم سئوگیمه،

عشقلر چاتا بیلمز منیم عشقیمه.

هر زامان دئیه‌جم سالیب دیلیمه،

سئویرم ایلك عشقیم سئویرم سنی.

چاتسا دا سئوگیمیز بیر گون بیل سونا،

قویمارام ایلك سئوگیم كول اولوب یانا.

آیریلان زامانی دئیه‌جم اونا،

سئویرم ایلك عشقیم سئویرم سنی.

یادلار آرا وورسا بیل سئویرم من،

گؤزون گؤزلریمده چوخ خوشبختم من.

اؤلورم گؤر یئنه نه دئییرم من،

سئویرم ایلك عشقیم سئویرم سنی .

عومرومه

داها شاختا منی دوندوران دئییل

گؤردویوم بو بوران او بوران دئییل

باهارا بیر داها یالواران دئییل

نه قدر قار یاغیر یاغسین عومرومه.

عومور وفا وئریر هیجران گیزله‌ییر

اورك گیلئی ائدیر عاغیل دینله‌ییر

كیم كی فاجعه‌لی بیر فیلم ایسته‌ییر

گلیب اؤن سیرادا باخسین عومرومه.

حیات بیر اویوندور سئوگی اویونجاق

كیم دئییر اودوزان سونرا اوداجاق؟

اللهدان دیله‌ییم بودور كی آنجاق

مومكونسه بیر اونو یازسین عومرومه.

گؤزومون یاشینی سیلمه‌یه‌جكسه

اوزومه سئوگییله گولمه‌یه‌جكسه

منیم سئودیگیمتك سئومه‌یه‌جكسه

چاغیرین بیر گولله چاخسین عومرومه.

نه من منم، نه سن سنسن...

بو سئوگی‌نین حسرتیندن

ساچلاریما دوشن دنسن.

یئتممیرم هارایینا،

داغ باشیندا دومان، چنسن.

عشق بیر دریا من ده قاییق.

هئی اوزورم آییق-ساییق،

بیز كی اؤزگه بیر دونیاییق،

نه من صنم، نه سن منسن.

نه او عشقدن بیر قالدی،

سانما كی، بو او وصالدی،

ایللر بیزی آیری سالدی،

نه من منم، نه سن سنسن...

هارداسان

یامان داریخیرام یامان سنینچون

سؤیله منیم گولوم سؤیله هارداسان

سن منه گركسن یانیمدا یوخسان

میرواریم گؤوهریم لعلیم هارداسان ؟

سن ظلمت دونیاما نورسان ایشیقسان

كاسیب اوست-باشیما زر-یاراشیقسان

دیلیمه گوج وئرن نیطق دانیشیقسان

جومله‌ده موبتدام فئلیم هارداسان ؟

اللریم الینسیز بوزا دؤنوبدور

یئدیگیم زهره دوزا دؤنوبدور

ائویم بیر خرابه كوزه دؤنوبدور

جئیرانیم جویوروم قوزوم هارداسان ؟

سنسیز ویرانه‌دیر بو شهر منه

سوسوز چؤل-صحرادیر بو دونیا منه

سن اولسان گوج گلمز بیر كیمسه منه

قولومون قوتی گوجوم هارداسان ؟

شام اولایدیم كاش سنینچون یانایدیم

خیالیندا اعتبارلی عاشق كیمی قالایدیم

ایستمیرم تنها قالیب خیاللارا دالایدیم

سن قوشا وارلیغیم جوتوم هارداسان ؟

چوخدور بو دونیادا چوخدور اینسانلار

عاقیل اولوب یاخشی-پیسی قانانلار

بیر-بیریندن كئف-احوالین سورانلار

دوستوم آرخام منیم پیریم هارداسان ؟

گؤزلری‌نین قاراسیندان اؤپه‌رم

سن اولماسان گول-چیچك تك سولارام

بیر یئزیده بیر گاوورا دؤنه‌رم

آلاهیم-ایمانیم دینیم هارداسان ؟

سئیمورام شاهیدسن سونسوز سئوگیمه

چوخلاری حئیراندیر تمیز عشقیمه

آدینی یازمیشام گیزلی قلبیمه

ائی ایسمی-پونهانیم سیرریم هارداسان ؟

ابدی سئوگی

دیل دئیه بیلمیر اورك سئوه‌نی،

عشقین، محبتین حؤكمونه بیر باخ.

من سئوه بیلمیرم منی سئوه‌نی،

منیمسه سئودیگیم سئویر اؤزگه‌نی.

اوشاقلیق واختیندان سئویرم سنی،

سنده وفالی اول اونوتما منی،

اوركدن دئییرم بو 4 كلمه‌نی،

ابدی اولاراق سئویرم سنی.

من شاعر دئییلم باغیشلا منی.

من آنجاق یازیرام كؤنلوم دئیه‌نی

بو قیسا شعرله خاتیرلا منی

هله‌لیك، هله‌لیك اؤپورم سنی!

گؤزلری‌نین یاشینی سیل آغلاما

بیلیرم چتیندیر سندن آیریلماق

گؤزلری‌نین یاشینی سیل آغلاما.

سنه ده عذابدیر منسیز تك قالماق،

گؤزلری‌نین یاشینی سیل آغلاما.

سئوینجلی، كدرلی گونلر گؤرموشوك،

دردیمیز بیر اولوب بیرده بؤلموشوك.

بیز بیر-بیریمیزدن آیری قالمیشیق،

گؤزلری‌نین یاشینی سیل آغلاما.

بیلیرم یانیمدا اولمایاجاقسان،

بلكه ده سن منی اونوداجاقسان.

قبریمین اوستونده آغلایاجاقسان،

گؤزلری‌نین یاشینی سیل آغلاما.

سن منی گؤروب دلی اولاجاقسان،

حالیما بیر باخیب سن دوناجاقسان.

منیم یئریمه سن قوجالاجاقسان،

گؤزلری‌نین یاشینی سیل آغلاما.

بیر چتین یولدو عذابدی محبت،

گوندوزو پیس گونه قویدو محبت.

منی باخ بو حالا سالدی محبت،

گؤزلری‌نین یاشینی سیل آغلاما.

سنی سئومه‌ییمین معناسی یوخدور.

اونسوزدا سن یوخسان منیم قلبیمده،

سنی سئومه‌ییمین معناسی یوخدور.

من ایناندیم سنین محبتینه،

سنی سئومه‌ییمین معناسی یوخدور.

نئچه ایللر حسرتینه دؤزموشم،

یوخلوغوندا وارلیغینی گؤرموشم.

من هر زامان اؤز-اؤزومه دئمیشم،

سنی سئومه‌ییمین معناسی یوخدور.

اللریمده چیچك قاپینا گلدیم،

سن منه آیریلاق، آیریلاق دئدین.

سیمانا باخیب سنه من سؤیله‌دیم،

سنی سئومه‌ییمین معناسی یوخدور.

من سندن گؤرموشم قم، كدر، نیفرت

یاخشی كی، سن منه اولمادین قیسمت.

ائتدین منه بیر اوغلانلا خیانت،

سنی سئومه‌ییمین معناسی یوخدور.

نه بیلیرسن نه‌لریم وار، نَییم یوخ

خسته‌یم من تانریدان دیله‌ییم چوخ.

آرتیق بو كایناتدا سئوگیلیم یوخ،

سنی سئومه‌ییمین معناسی یوخدور.

یاخشیلیغین وار، ائتدین منی شاعر

دردیندن یازیرام من قزل، شعر.

بونا باخمایاراق كی، دئییرم

سنی سئومه‌ییمین معناسی یوخدور.

سئچیم و خوشبختلیك

بیرینی سئویرسن جانیندان آرتیق،

بیر ده گؤرورسن كی، ائتدی خیانت.

قارشیدا بیر یول وار، آنجاق آیریلیق،

قارشیدا سئچیم وار: نیفرت، محبت.

سئچسن محبتی، قوروردان ال چك،

قورور اولان یئرده محبت نه دیر؟!

قلبینده بؤیوسون گیزلی بیر چیچك،

كیم نه دئییر-دئسین، بوش افسانه‌دیر.

ویجدانین آغلاسا، سئچسن نیفرتی،

اونوت او سئوگینی، او محبتی،

یولونوز، قلبینیز اولسون تام آیری،

آرزولار، اومیدلر، ایستك-كام آیری.

آغلینلا، فیكرینله سئچ بیر گؤزل قیز،

بلكه خوشبختلیگی سن تاپدین اوندا.

بلكه ده آخیردا قالاجان یالقیز،

خوشبختلیك بدبختلیك اولاجاق سوندا.

یوخ...بئله یاشاماق دئییلدیر حیات،

حقیقی حیاتلار قلبله یاشانیر.

دایما قلبی‌نین درینینه بات،

گؤر اورك ایسته‌ییر، یوخسا كی دانیر...

هر زامان قولاق آس قلبین سسینه،

اونوت دوشونمیی، سن بوش وئر باشا.

باخما كئچمیشینه، گله‌جه‌یینه،

بو آندا اولانی بو آندا یاشا.

خوشبختلیك دئییلدیر یاخشی یاشاماق،

خوشبختلیك اوركله یاشاماقدادیر.

خوشبختلیك عاغیللا دایم چارپیشماق،

خوشبختلیك حیاتلا ووروشماقدادیر...

سن منیمسن، من ده سنین

بیز سؤز وئریب عهد ائتمیشیك،

سن منیمسن، من ده سنین.

بو سئوگییه آند ایچمیشیك،

سن منیمسن، من ده سنین.

بیر گونشسن طالعییمده،

بیر اومیدسن دیله‌ییمده.

یازیلیبدیر اورگیمده:

سن منیمسن، من ده سنین.

سنسن آرزوم، ایسته‌ییم ده،

صاباحیم، گله‌جه‌ییم ده.

پیچیلداییر اورگیم ده:

سن منیمسن، من ده سنین.

هیجران گلیر، سینانیرام،

حسرتینله هئی یانیرام.

گولوم، سنه اینانیرام،

سن منیمسن، من ده سنین.

عشقیم، سن ده مندن دویما،

باشقا بیریسینه اویما.

منی سنسیزلیكده قویما،

سن منیمسن، من ده سنین.

گؤر نه دئییر دلی اورك،

بیر یئرده آغلایاق، گولك.

او گون اولسون دئیه بیلك:

سن منیمسن، من ده سنین

سئوگی

سنه دئییبلر كی، او سنی سئومیر.

اوزوندن، گؤزوندن اوخونمور سئوگی

آنچاق بونو دئین هئچ اؤزو بیلمیر

نه دیر صاف محبت ابدی سئوگی

سئوگی دیلده دئییل، هئی سؤیله‌یه‌سن

سئوگی گؤزده دئییل، گؤز سوزدوره‌سن

سئوگی اوركده‌دیر، گرك سئونده

هر كسدن گیزلیجه پونهان سئوه‌سن

بیلیرسن سنسیز نئجه داریخیرام ؟

نئچه واختی سنی گؤرمور گؤزلریم،

بیلیرسن سنسیز نئجه داریخیرام؟

سن یوخسان معناسیز اولوب سؤزلریم،

حسرتیندن آلوولانیب یانمیشام،

بیلیرسن سنسیز نئجه داریخیرام؟

فیكریمده، خیالیمدا، رؤیامداسان

باشقاسی‌نین یوخ، منیم دونیامداسان.

منیم واریم، دؤولتیم، حیاتیمسان.

سنسیز اؤلویم آرتیق یاشامیرام،

بیلیرسن سنسیز نئجه داریخیرام؟

گولمور اوزوم، آغلار گؤزوم، ائی كؤنول

یوخلوغونا نتر دؤزوم ائی كؤنول؟

من آزمیشام ایتیب ایزیم ائی كؤنول

سن نییه یانیمدا یوخسان هارداسان؟

بیلیرسن سنسیز نئجه داریخیرام؟

یازدی بو شعری گؤزلری نملی

گوندوز چوخ فیكیرلی، اورگی قملی.

من مجنون اولموشام سنده‌كی لئیلی

عشقده تك باشیما تنها قالمیشام،

بیلیرسن سنسیز نئجه داریخیرام؟