بیر گون گولر آذربایجان
یازار : " تؤرک دیلینی اؤیره نین، چونکو اونلارین حاکمیتی چوخ اوزون سؤره جکدیر." پیامبر اکرم
+0 چره جلی
داریلماسین دؤزن اورك
بو دردلره بو داغلارا
گئجیكسه ده یاز گله جك
بو دوزلره بو داغلارا
اوسانماسین سازلی سؤزون
ایسلانماسین گؤزلر گؤزون
اسیرگه مه سؤزون دوزون
ده بولبوله ده باغلارا
قیش سونوندا یازدیر گلن
بولبوللردیر باغدا اؤتن
ائل اوبادیر دئییب گولن
آلقیش اولسون او چاغلارا
یار یاشماغین دوزر اوزه
جان یاراسی دوشر اوزه
مارال یئنر داغدان دوزه
بولبول قونار بوداغلارا
اسر یئنه ایلیق یئللر
گئجه بیتر اولار سحر
آزاد ائلیم دئییب گولر
گول اله نر بولاغلارا
یامان گوندور گولوم دایان
اؤز ائلینه گوون اینان
بیر گون گولر آذربایجان
گولوش دونر دوداغلارا
**اسماعیل جمیلی**
