تبریزی دیندیرمه ، تبریز خسته دیر -------تبریز قان آغلاییر ، جانی اوسته دیر
یازار : " تؤرک دیلینی اؤیره نین، چونکو اونلارین حاکمیتی چوخ اوزون سؤره جکدیر." پیامبر اکرم
+0 چره جلی
تبریزی دیندیرمه ، تبریز خسته دیر
تبریز قان آغلاییر ، جانی اوسته دیر
نه اولار بیر گلین دویون تبریزی
تبریز یارالی دیر ، تبریز داغلی دیر
باكی آرزی سیدیر گلسین گؤروشه
گله بیلمیر آنجاق یوللار باغلی دیر
موغانیم گؤز یاشین بو گون آخیدیر
بو یاشلار یوللارا هی دویون سالیر
سمالر قارالیر ، بولوت آغلاییر
آراز عوصیان ائدیر ، جوشور چاغلاییر
آرازلار یارادیر ، آراز وطنده
گل – گئت یوللارینی چكیللر بنده
وطن سماسینا چؤكور دومانلار
دومانلاردا ایتیر بوتون گومانلار
آستارا آیریلیر ، همدان آیریلیر
اردبیل آیریلیر ، زنجان آیریلیر
اورمو آیریلسا گر جانان آیریلیر
اؤلوم گلیب روحوم جاندان آیریلیر
تبریزی دیندیرمه ، تبریز خسته دیر
تبریز قان آغلاییر ، جانی اوسته دیر
دؤزه بیلمیر اوره ك گوزوم آغلاییر
قلم سیزلاییر سؤزوم آغلاییر
(1324) وطن عونوانلی آذرده یئر سالمیش یازیم آغلاییر
تبریز خسته دوشوب قان تر بورویور
گاهدان سایاقلیدیر، گاهدان اویویور
سیز آللاه تبریزه مرهم گتیرین
مرهم هاردا وارسا چوخ تئز گتیرین
«ائلین شن گؤزه لی اویان تبریزیم
بیزله ویداع ائتمه دایان تبریزیم»
تبریز درده دولوب ، تبریز آغلاییر
آغیر بیر دردی وار اوره ك داغلاییر :
«سئون لر كوچوب لر دوزور هیجرانا
ایللردی كی دوزوب گلیب دیر جانا»
بیز بیر كؤرپه ییدیك او بیزه آنا
سیزی آند وئریره م الده قورانا
قویمایین تبریزی بویانسین قانا
تبریز آل قانینا بویانسا ایر
بو ائل گونده ن گونه تالانسا ایر
آیریلیق تونقالی قالانسا ایر
آذر ائلی اود توتاجاقدی
بو ائل كؤزه له نیب كول اولاجاقدی
یادلار بو كوللوكده یورد سالاجاقدی
تبریزی دیندیرمه ، تبریز خسته دیر
تبریز قان آغلاییر ، جانی اوسته دیر
آیریلیب گون به گون آیری دوشورسوز
گاهدان جان دئییرسیز جان ائشیدیرسیز
گاهدان دوشمان اولوب ساواش ائدیرسیز
تبریز خسته دوشوب ناچار قالیبدی
آیریلیق دردینه دوچار قالیبدی
بیرلیك مرهمی دیر اونو ساغالدان
بو درد قورتاراجاق ، قورتارسا هیجران
سیز بیرلیك ائتسز ایر ، تبریز سئوینر
گلین لیك دونونو بو گون گئیینه ر
تبریز قهریمانلار آداخلی سیدیر
تبریز ائل سئوه نلر نیشانلی سیدیر
سویچو:علی خئیرجو
