لا فتـی الا علی، لا سیـف الا ذوالفقار

 ساقیا دور باده وئر آچیلدی گول گلدی بهار

ابر رحمت ائیله دی صحرا و باغی لاله زار

ناله چك بولبول كیمی دور رقصه گل دیوانه وار

مست و مستانه بو اسمی سؤیله هردم آشیكار:

شاه مردان ، شیر یزدان ، حیدر دولدول سوار

لافَتـی الا علی، لاسیـف الا ذوالفقار

 ***

بالیغین قارنیندا یونس اولدو چون زار و حزین،

طاقتی طاق اولدو صبری گئتدی اولدو چوخ غمین

حاضیر اولدو اول زامان یانیندا جبریل امین،

سؤیله دی غمدن خلاص اول ائیله بو ذكری همین:

شاه مردان ، شیر یزدان ، حیدر دولدول سوار

لافَتـی الا علی، لاسیـف الا ذوالفقار

 ***

ماه كنعانی چو ائتدی رنج زندان بیقرار

اولدو زنجیر جفادان جیسم پاكی پاره پار

حددن اؤتدو چونكی محنت تاپمادی بیر غمگسار

اوز دوتوب درگاه حققه، سؤیله دی بی اختیار:

شاه مردان ، شیر یزدان ، حیدر دولدول سوار

لافَتـی الا علی، لاسیـف الا ذوالفقار

 ***

حضرت ایوبی چون ائتـدی بلای حق نزار،

نیش كرمان ائیله دی جان ضعیفین زخمدار

چونكی تابی قالمادی، گئتـدی الیندن اختیار،

تا كی ذكر ائتدی بو اسمی اولدو غمدن رستگار

شاه مردان ، شیر یزدان ، حیدر دولدول سوار

لافَتـی الا علی، لاسیـف الا ذوالفقار

 ***

آدمی شیطان چو ائتدی باغ رضواندان جدا 

بی كس و تنها و سرگردان گزیردی  هریانا

بیر طرف حوا فراقی بیر طرف رنج و عنا

عاقبت بو ذكری ائتدی، اولدو هیجراندان رها:

شاه مردان ، شیر یزدان ، حیدر دولدول سوار

لافَتـی الا علی، لاسیـف الا ذوالفقار

 ***

ایسته دی یاندیرسین ابراهیمی تا نمرود دون

منجنیقه قویدو آتدی نار و نوره سرنگون

تا كی دوشدو آتشه، اول دم او مرد ذوفنون

آتشی ائتدی گولوستان سویله دی بو اسمی چون:

شاه مردان ، شیر یزدان ، حیدر دولدول سوار

لافَتـی الا علی، لاسیـف الا ذوالفقار

 ***

چونكی خیبر قلعه سیندن قالدی عاجز مصطفی(ص) 

نا اومید اولدو كه حاصیل اولماز اولدو مدّعا

گلدی تا كی جبرئیل و گئتدی فرمان خدا

سؤیله دی بو ذكری تكرار ائت كه گلسین مرتضی(ع):

شاه مردان ، شیر یزدان ، حیدر دولدول سوار

لافَتـی الا علی، لاسیـف الا ذوالفقار

 ***

حیدر صفدر قوپاردی چونكی باب خیبری

قیلدی قالخان باشینا اونو ارنلر سروری

ایكی بولدو شیر تك اول دم ده عمر و عشری

سؤیله دی گؤیده ملكلر یئرده انسان و پری:

شاه مردان ، شیر یزدان ، حیدر دولدول سوار

لافَتـی الا علی، لاسیـف الا ذوالفقار

 ***

دشت ارجینده چو ائتدی شیر، سلمانی اسیر

عاجز و بیچاره قالدی تاپمادی بیر دستگیر

اوز توتوب درگاه حققه آغلادی اول مرد پیر

ظاهیر اولدو اوندا ناگه شهسوار شیرگیر

شاه مردان ، شیر یزدان ، حیدر دولدول سوار

لافَتـی الا علی، لاسیـف الا ذوالفقار

 ***

چون سلاسیل قلعه سیندن اولدو احمد بیمدار

نازل اولدو پیك رحمان، جبرئیل نامدار

سؤیله دی قوی منجنیقه آت علینی بیقرار

فتح ائدر بیر لحظه ده سؤیله بو اسمی آشیكار:

شاه مردان ، شیر یزدان ، حیدر دولدول سوار

لافَتـی الا علی، لاسیـف الا ذوالفقار

 ***

چونكی پیغمبر  احد رزمینده قالدی بی پناه

گوهر دندانی سیندی اولدو حالی چوخ تباه

لشگری بولدو هزیمت گئتدی الدن دستگاه

ذكر ائدیب بو اسم پاكی چكدی جانیندن بیر آه

شاه مردان ، شیر یزدان ، حیدر دولدول سوار

لافَتـی الا علی، لاسیـف الا ذوالفقار

 ***

روز اوّل جبرئیلدن تا كی حق ائتدی سؤال،

سن نه كیمسن من كیمم سؤیله جوابیم اولما لال

دئدی سن، سن؛ من منم، اود دوتدو یاندی پرّ و بال

ملتجی اولدو بو اسمه تا كی رفع اولدو ملال

شاه مردان ، شیر یزدان ، حیدر دولدول سوار

لافَتـی الا علی، لاسیـف الا ذوالفقار

 ***

ای نباتی! مدح شاهی دایم ائیله آشكار 

تا كی اولسونلار خوارجلر حسددن كور و كار

حاصیل اولدو تا مرادین غافیل اولما زینهار!

سؤیله بو اسم عظیمی دم به دم بی اختیار:

شاه مردان ، شیر یزدان ، حیدر دولدول سوار

لافَتـی الا علی، لاسیـف الا ذوالفقار

سید ابوالقاسم نباتی

غدیر زلالی

 ( شعر در سبك زلال )

چیچكله نیــر بو گون محبّت الی

گؤزللیك ایله قاووشمیش نه گؤر عدالت الی

اؤزون نیشان وئریر  آنجاق گونشله نركن ایستی سئوگیمیزی

سالام یاغیــر گونو گوندن اومود باغی ، قانادلانیر  آخیر  جماعت  الــی

قانیم جوشور یئنه دویغوم دامارلاریمدا یانغی یانغی یازیـــــر:

گركـدیــــر آسمان اوزالـدا حقّـه بئیـعت الـــی

ائدیبدیر عشقدن اطاعت علی(ع)

 دادا بیلوردی