چتیندیر!
یازار : " تؤرک دیلینی اؤیره نین، چونکو اونلارین حاکمیتی چوخ اوزون سؤره جکدیر." پیامبر اکرم
+0 چره جلی
چتیندیر!
درد و غمین اوركده ائتمك نهان چتیندیر
سؤز قانمایان جمع ایچره داد و فغان چتیندیر
چوخ یارهلر دگیبدیر بو جیسم زاره لیكن
اوخ یارهسیندن ای دل! زخم زبان چتیندیر
ای زندگی سورنلر ناز و رفاه ایچینده
بحران ایچینده عؤمرو سورمك یامان چتیندیر!
داغدان بؤیوكدو دردیم، آمما نهدیر علاجیم!
غملر دونوب ایچیمده آتشفشان چتیندیر
عشق عالمینده گویا، خوشلوق حرامدی منچین
بو مكتب و كلاسدا هر امتحان چتیندیر
زر بازاریندا ایكن دایم سود ائیلهییرسن
جان بازاریندا بیل كی، ائتمك زیان چتیندیر
عبدالصّمد! غزللن سرّ دل آچماق اولماز
وئرمك بو ماجرانی شرح و بیان چتیندیر
عبدالعلی صمدی ( عبدالصمد حمزه خانی )
