توركی نوحه لری.
یازار : " تؤرک دیلینی اؤیره نین، چونکو اونلارین حاکمیتی چوخ اوزون سؤره جکدیر." پیامبر اکرم
+0 چره جلی
عاشورا نوحه‌سی
عاشورا نوحه‌سی – شاعر: یحیوی
صحــرایــئ كــربــلاده، تــۇفانـدێ یـا محمـد
گؤنده‌ر كفه‌ن حۆسئینه، عوریاندێ یا محمد
یـوم-ی- عـزادی یـاران، یا روز-ی-عئیـد-ی-اضحـی
كـرب-وْ-بـلادی یـا رب، یا دشـت-ی-ذئبـح-ی-مینــا
برهـم دی نظـم-ی-عاله‌م، قان آغلار اهل-ی-معنا
ســر نئیــزه ده حـۆسئینیـن، باشـێ ائده‌ر تجه‌للا
گـــۆن بیر جیدانێـــن اۆستــه، تابانــدێ یا محمــد
عباسیمیــن كسیلـــدی، بــــازوی-ی-بــاوفــاســێ
باش كاسه‌سینده قاسیم، ایسلاتدێ توْی حناسێ
مئیــدانــدا یاتمێـــش اكبـــر، آغــلار قالێب آناســێ
خامــوش اوْلـــۇبـــدۇر اصغــر، حلقینده اوْخ یاراسێ
پئستـــان اوْ شیـــر-ی-خــواره، پئیكــاندی یا محمد
گلسیــن بــۇ سرزه‌میــن-ی-پــوْر اینقیـلابــه زهـــرا
گؤرسۆن حۆسئینین عوریان، دۆشمۆش توْرابه زهرا
سالسێــن یارالـــێ جیسمیــن تا رختیخـــابه زهـرا
غـرق ائیله‌سیـن یارسێن، سئیـل-ی-گــۆلابه زهــرا
فــرزنــده اشـــك-ی-مـــاده‌ر، درمــانــدی یا محمـد
شئمر-ی-جفا شوعارێن، آرتێرسێن حـق عذابیـن
یاندێردێ خئیمـــه‌گاهیــن، پیراهــه‌ن-وْ-طنــابیـن
تالان ائــدیب آپــاردێ، اجنــاس-ی-بی‌حئسـابین
پــرده‌نشیــن حره‌ملــه‌ر، الــده‌ن وئریـب نیقـابیـن
چؤللـــه‌رده باشـلار آچێــق، وئیــلانــدی یامحمـد
گل آخه‌ر اهل-ی-بئیتین، شامـه گئده‌ر پییاده
قوْلــلار طنــابه باغلـێ، غـرق-ی-غم-وْ-بـلاده
صـد پـاره نعشلـه‌ردیر، عوریـان دۆشـۆب آراده
وئرمیشله دسته-دسته، قۇشلار قاناد-قاناده
گۆلگــۆن بده‌نلــه‌ر اۆستـه، پررانـدی یا محمد
زهـرا نده‌ن دایانمێش، ترك ائیله‌مــه‌ز، جنانــی
بیلمــه‌ز مگــه‌ر اوْ خــاتۇن، اوْضاع-ی-كربــلانی
زینب قالێب كؤمه‌كسیز، سوزانـدی خانێمــانێ
اوْد دان چێخــاردا بیلمیـر، بیمــار-ی-ناتــوانــی
زینـب اوْ اوْد دان آرتێــق، سوزانــدی یا محمــد
بیــر آز قــابــاق گــؤرئیـدین، سـن نئینه‌وا چؤلینده
ضعف ائیله‌ییب حۆسئینین اؤز قانلێ مقتـه‌لینــده
نــه وار دیفــاعــه یــارا، نــه وار سیـــلاح الینـــده
نئیــزه بــرابــه‌رینـــده، اوْخــــلار مــوقــابیـلینـــده
سینـــه قێلێـــج دمینـــده، قلخــــانـدی یا محمــد
چكدین ایگیرمی اۆچ ایل، زحمه‌ت قییام-ی-دینده
وئرسین اوْ دینه تغییر، ایسته‌ردی ابن-ی-هینـده
بیر نئهضه‌ت ائتدی برپا، اوْغلۇن اوْ مـرد-ی-رینـده
سالـدێ اؤزۆن بـلایـه، ایسلامـی قێلــدێ زینـده
گــؤردۆ شریعــه‌تــونـــده،بـــوْحــرانـدێ یا محمـد
لوْمه‌عات-ی-طور-ی-سینا، گوْدال-ی-طوره گلمیـش
قــان پـرده-پــرده حاییــل، مئصبــاح-وْ-نــوره گلمیـش
معشوقینه یئتیشسین، عاشیـق حوضـوره گلمیـش
یوْخدۇر كمییه‌ت هرگیز، وحــده‌ت ظوهـوره گلمیــش
عبـدی اطعنـــی حتــــی، بـــــوْرهانــدێ یا محمــــد
شوْق-وْ-شعه‌فله تسلیم، اوْلدۇ حۆسئن قضایه
عبدیت-ی-خۇدانـی سئیـر ائتــدی پایــه-پایـــه
النفســـی مطمئنــــه شــأنینـــده دیــر بۇ آیه
فخر ائیله‌سین نقه‌دری، وار حققیــن انبیـایـــه
اوْغلۇن قبول اوْلۇنمۇش، قۇربانـدێ یا محمـــد
سن رحمه‌ت-ی-خۇداسان، محبوب-ی-ربی‌العزت
سن شافع-ی-جزاسان، دارای-ی-رحم-وْ-رأفه‌ت
اوْنــداكی حـؤكم-ی-حقلــه‌ن برپا اوْلۇر قییامه‌ت
اوْنــدا شفــاعـــه‌تۇنــلا قێــل یحیـوی‌نی راحه‌ت
مــوسته‌غـره‌ق-ی-خطـا-وْ-عوْصیاندی یا محمــد
بۇ نوحه‌ده ائله، قالارغێ نوحه‌له‌رده‌ن بیریدیر. و بۇنا یاخێن
"گــل كــربــلا چــؤلۆنــده مینــایه یا محمد
مظلوم حۆسئینون آغلار سققایه یا محمــد"
ایكی حماسی نوحه دیر. حاییفكی ایكینجی‌سین اله گتیرهنمهدیم. كیمده اوْلسا بۇ وبده یایێلماق اۆچۆن گؤنده‌رسه. تشه‌ككوروم وار
عاشورا شوعارلاری1
عاشورا گۆنۆنۆن شوعارلاری
آشاغێداكێ نوحه‌ده هر مئصره‌عده‌ن دالێ " ائی وای حۆسئینیم .وای" مئصره‌عی بۆتۆنلیكده تئكرار اوْلار.
خانێم زهرا (س) قتلگاهدا نوحه دئییر:
آغــــلار دییــــه‌ر زهـــرا ائی وای حۆسئینیم .وای
وای نور-ی-عئینیم وای ائی وای حۆسئینیم .وای
بۇ نــه گۆلۆستـانــدێــر گۆل شبنــه‌مــی قانــدێر
بۆلبۆل نـواخـوانـــدێــــر ائی وای حۆسئینیم .وای
ائی گۆل كیمی خندان ائی خئیمـه‌ســی تــالان
زهرا سنــــه قـــۇربـــان ائی وای حۆسئینیم .وای
غریب وطـه‌ن سیـزدیــر بۆلبــۆل چمــه‌ن سیـزدیر
نعشون كفـه‌ن سیزدیـر ائی وای حۆسئینیم .وای
صرصر-ی-ظۆلم اســدی بـــۇ غــم منــــه بســدی
كیم اللـــه‌رون كســـدی ائی وای حۆسئینیم .وای
آچ گــؤزلـــه‌رون یـاتمــا تـــوْپــــراغــــلارا باتمــــــا
زهــرانـــی آغــــلاتمــا ائی وای حۆسئینیم .وای
قان ایچره یاتدۇن سن گۆن كیمی باتـدۇن ســن
دینی اۇجاتـدۇن سـن ائی وای حۆسئینیم .وای
سن فــرق دینیــم سن نـــور-ی-دوْعئینیـــم ســن
بیكه‌س حۆسئینیم سن عطشان حۆسئنیـم ســن
مظلوم حۆسئینیـم سن ائی وای حۆسئینیـم .وای
بۇ چؤلده مــن قـــالام قـــوْل نعشیـــوه ســالام
گـــۆل عطـرینــی آلام ائی وای حۆسئینیم .وای
گۆن باتمامێش باتدۇن كۆل‌لــه‌ر اۆستــه یاتــدۇن
زهـرانــی آغــلاتــدۇن ائی وای حۆسئینیم .وای
مطبـه‌خده آی باتمــاز كۆل اۆستـه شــه یاتمــاز
كۆلۆ قان ایسلاتمـــاز ائی وای حۆسئینیم .وای
قوْی سینه‌مه باشـــۇن چــوْخ تؤكمـه گؤز یاشـۇن
بس هرادا قارداشـــۇن ائی وای حۆسئینیم .وای
چوْخ اینجیدیب دۆشمه‌ن ال چـكمــه‌دی سنـــده‌ن
كۆل اۆسته راحه‌ت سن ائی وای حۆسئینیم .وای
دیل سئودیگین ایسته‌ر ائی فرشــی خاكیستــه‌ر
ائت سینه‌می بستــه‌ر ائی وای حۆسئینیم .وای
شاه بئیتی دی آخـــه‌ر ائی وای حۆسئینیم .وای
عاشورا گۆنۆ بعض شئعرله‌ر اوْخۇنار، كی بۇلارا شوعار دئمه‌ك یاخچێ اوْلار، نئجه كی بیر نفه‌ر بۇ شعرله‌ری مئصره‌ع-مئصره‌ع اوْخۇیۇب و زنجیر وۇرانلار اوْنۇن بیر مئصره‌عی تئكرار ائده‌رله‌ر. بۇ شئعری اوْخۇیان چوْخلۇ ائله عادی آداملاردان و زنجیروۇرانلاردان بیر شخص اوْلا بیله‌ر. و لازیم دگیل شئعری بۆتۆن و ائله یازێلان كیمی اوْخۇیا.
ابوالفضل ع باشی اوسته امام حسین ع سسله نیر:
علی اكبر حامد - منشور عاشورا جلد سه 197
ای عئشق میناسینده وئره ن جان آتام اوغلو
گلدیم یارالی جانیوه قوربان آتام اوغلو
بو باشدی عمودیله سینیب دورموری قانی
بو قان آپاریبدیر سنی ائی حیدر ثانی
اؤلدوردوله تا سن كیمی بیر شیر ژیانی
قارداشیوه ده ال تاپار عدوان آتام اوغلو
سو مشكویوی قارداش كیم ائدیبدیر بئیله پاره
بو قاندی باشوندان آخیری بئیله عذاره
بو جیسمیدی شام اهلی ووروب بیر بئله یاره
گول پئیكرون ائیلیبدیله شان شان آتام اوغلو
یاده كسیلمیش قولو سالدیقجا یانار دل
بیلمیب بو الین حورمه تینی فرقه-ی-باطل
صد حئیف اولا رحم ائتمه دی بو اللره قاتل
قطع ائیله دی اول ناكس دوران آتام اوغلو
باخماییبدی عدو قابل-ی-حورمت دی بو اللر
دین پئیكرینه بیر ید-ی-قدرتدی بو اللر
محشر گونو اسباب شفاعت دی بو اللر
زهرانین الینده اولو عنوان آتام اوغلو
بو چؤلده سوسوزلوق اودو چوخ دیللری دلدی
از بس كی آغیر قیمته قارداش باشا گلدی
بیر مشك سویون قیمتی آیا ایكی الدی
اوستونده ده باش ایستیری دونان آتام اوغلو
ائی آرخام ائلیم عترتیمین یاوری قارداش
دور قویما كمك سیز من بی لئشكری قارداش
وئردین سویا ال وورماغا بو اللری قارداش
كیم سن تك ائدیب ترك-ی- سر و جان آتام اوغلو
ابوالفضل ع نوحه سی - غمناك
كتاب: منشور عاشورا جلد سوم – ص 206
دور ای سوسوز وئره ن جان، كوی وفاده قارداش
قولسوز دوشوب قالان بو بحر-ی-بلاده قارداش
گلدیم بو بحر غمدن جسمون چكه م كناره
غرق اولموسان گلینجه من ایله ییم نه چاره
گلمه ز الیم الوندان ایمدی دوتام دوباره
گؤرره م الون اولور بو دردیم زیاده قارداش
دریا كیمی تلاطم ائیلیب گروه-ی كافر
غرق ائتدی پاره جیسمون، سئیلاب –ی-تیغ و خنجر
دور ای شكسته كشتی دریاده سالما لنگر
طوفاندی گردباد-ی-غمدن هواده قارداش
سؤز یوخدی حق یولوندا سن اؤز اؤزون آتیبسان
طی-ی-مراحل ائیلیب سر منزیله چاتیبسان
اما منه چتیندی بو نوعیله یاتیبسان
سن سیز گلیبدی گؤگلوم فریاد و داده قارداش
چاره م آزالدی سن سیز سیندی سیندی بئلیم برادر
یاتدی علم پوزولدو اوردو داغیلدی لئشگر
یالقیز اؤزوم بو قدری دوشمن نه یار و یاور
یوخ بیر كسیم یئتیشسین بو چؤلده داده قارداش
سینه زن – حضرت عباس
كاتب اردبیلی – دیوان كاتب جلد دوم – ص 172
تئشنه لر ناله سی قارداش گتیریب جانه منی
وئر اجازه یولا سال جانب-ی-میدانه منی
وار نه باكیم قوشونا یوخدو اگر حد-و-حئساب
الده كسگین قیلیجیم واردی ركابیمده عئقاب
گر شیاطین اولا بو قوم منه تیر –و- شهاب
وئر اجازه یولا سال جانب-ی-میدانه منی
هر قباییلده بیلیرسن آدیمین شؤهره تی وار
دوشمن و دوست بیلیر منده علی صولتی وار
زاده –ی شیر –ی-خدایم قولومون قوّتی وار
وئر اجازه یولا سال جانب-ی-میدانه منی
ائذن وئرسن گئده رم دوشمنیله جنگ ائده رم
حیدرانه قوشونا عرصه گهی تنگ ائده ره م
خون-ی-اعدانی تؤكوب بو چؤلو پررنگ ائده رم
وئر اجازه یولا سال جانب-ی-میدانه منی
گر ایمامیمده ن اولا اذن من-ی-خونجیگره
آچارام آب-ی-فراتین یولونو خئیمه لره
سو یتیرره م بو زامان عترت-ی-خیرالبشره
وئر اجازه یولا سال جانب-ی-میدانه منی
نه روا سو یولونا عترتون حسرتله باخا
اذن وئر عباس عقاب اوسته چیخا
صفلری برهم ائده لئشگری اوست اوسته ییخا
وئر اجازه یولا سال جانب-ی-میدانه منی
طاقتیم یوخدو گؤره م تئشنه علی اصغریمی
ائشیده م العطش عترت-ی-پئیغمبریمی
قویموشام من سو یولوندا ایكی اوزون اللریمی
وئر اجازه یولا سال جانب-ی-میدانه منی
دیوان كاتب جلد دوم – ص 187
ییخیب دوشمنلریم قارداش منی میدان آراسیندا
یئتیش فریادیمه قویما منی عدوان آراسیندا
گل ایندی گؤر علمداری
اولوب قانی سو تك جاری
خیامه سو گتیرمكده نه قدری سعی ائده ر دیم من
نه چاره اولمادی مومكون آلیب اطرافیمی دوشمن
نه قول قالدی نه سو مشكیم، خجالت اولدوم اصغردن
دگیب ازبسكه اوخ جسمیم قالیب پئیكان آراسیندا
سینیب شهپر دوچار اولدوم بو اعدای جفاجویه
قالیبدیر گؤزلریم یولدا باخار حسرتله هر سویه
اوره كده مطلبیم واردور باخام بیرده او مه رویه
گل ایندی قویما عباسی غم-ی-هجران آراسیندا
باغیشلا خئیمه گاهه من گله نمه م سن گل ایمداده
ستمله كسمه گه باشیم اولوب قاتللر آماده
قوشون دریا تك هریاندان گلوب موجه بو صحراده
قالیبدیر زورق-ی-جسمیم اخا طوفان آراسیندا
شكایت ائتمه رم دوشمن ایكی قوللاریمی سالدی
منی بو یاندیریر قارداش سكینه منتظر قالدی
او طفل-ی-مضطرون آخیر سوسوزلوق طاقه تین آلدی
رضایم غیرتیمدن من وئره م جان قان آراسیندا
دیوان كاتب جلد دوم – ص 198
آچ گؤزلرون نظر قیل صاحب-ی-علم ابالفضل
جرات تاپیبدی سن سیز قوم-ی-ظلم ابالفضل
یالقوز گؤروب حسینی آلمیش آرایه دشمن
گول جیسمینه وورارلار تیر و سنان ابالفضل
هانسی لعین ستمله سو مشكون اوخلاییبدیر
عطشان قالیب تماما" اهل-ی-حرم ابالفضل
سیندیردیلار بئلیمی یوخ طاقت –و –توانیم
هجرونده ائیله ییبلر قدّیمی خم ابالفضل
*******
دیوان كاتب – ص 201
سالدیلار قولوم قارداش
ساقیلا سولوم قارداش
تئز گل باشیم اوستونه
قوربانون اولوم قارداش
عاشورا نوحه سی
ایمامین باشێ اۆسته خانێم زهرا (س) نوحه دئییر-شاعر: مضطر
اوْغـلۇ اؤلــه‌ن آغلار بالا، مظلوم حۆسئینیم وای
قالدێ قاپێم باغلێ بالا، مظلوم حۆسئینیم وای
ائی گــۆل بــده‌نـی دوْغـرانان، عدوانه مئیداندا
اعضاسینین هر قیسمه‌تی، بیر گوشه مئیداندا
باشــێ تنــور-ی-خــولیده، جیسمــی بییابانـدا
اوْغلۇ اؤلـه‌ن آغلار بالا، مظلـوم حۆسئینیـم وای
اوْن یئتدی یئرده‌ن باشۇوا، ضربـه‌ت وۇرۇب اعـدا
سینه هارا؟ دؤرد مین یارا، یوْخ صاف یئری پئیدا
گؤرسین سنی بۇ حالیده، دؤزسین نئجـه زهرا
اوْغلۇ اؤله‌ن آغـلار بالا، مظلوم حۆسئینیـم وای
گـوْدال اوْلۇبدۇر مغسه‌لین، یاندێم حۆسئن یاندێم
نـاقیص اوْلۇب گؤرره‌م الون، یاندێم حۆسئن یاندێم
گئچسین چیراغی بجدلین، یاندێم حۆسئن یاندێم
اوْغلـۇ اؤلـه‌ن آغـلار بـالا، مظلـوم حـۆسئینیـم وای
پئیكـه‌ر هـارا؟ عـوریان قالا، زهرا سنه قۇربـان
تـوْپـراغلار اۆستینـده بـالا، زهــرا سنـه قۇربان
دۆشـدۆ حالیـم حالدان حالا، زهرا سنه قۇربان
اوْغلـۇ اؤله‌ن آغلار بالا، مظلوم حۆسئینیم وای
مئیلین ندیر اوْغلۇم حۆسئن؟ كشف ائیله زهرایه
بـۇردا قالێـم، یا مـن گئدیـم، مؤحنه‌تلـی صحرایـه
خولـــی تنورینــه و یــــا، دئیـــر-ی-نصـــارایـــــــه
اوْغلۇ اؤله‌ن آغـلار بالا، مظلــوم حۆسئینیــم وای
یــوْخ گئتسـه باشـۇن هر یانا، گلله‌م دالۇنجا من
زینب باجـۇنان یـان یــانــا، گللــه‌م دالــۇنجـا مـن
هیجــرانـه تـاب ائتمــه‌ز آنـا، گللـه‌م دالۇنجــا من
اوْغلـۇ اؤلـه‌ن آغـلار بالا، مظلوم حۆسئینیـم وای
گؤزه‌ل آدێ حۆسئین‌یمین، ذیكر اوْلسا هـر یئرده
زهــرا همــان مجلیســده‌دیر، قلبـی گلـــه‌ر درده
مضطــر تؤكــه‌ر گـؤز یاشێنـێ، ایندی همان فرده
اوْغلــۇ اؤلــه‌ن آغـلار بـالا، مظلوم حۆسئینیم وای
امام حسین ع نوحه لری
مرحوم هادی تبریزی
منشور عاشورا جلد سوم – 276
شاه عطشانی عدو بس تیر باران ائیله دی
دوالجناح اوسته ن سقوط اول شاه-ی-عطشان ائیله دی
وار یئری قان آغلاییب آهی چكم آه اوستونه
هر طرفدن یوز قویوب اعدای دین؛ شاه اوستونه
اوخ اوخ اوسته ن یاغدیریبلار حجت الله اوستونه
سن دئمه حالین رعایت قوم-ی-دونان ائیله دی
تا وئره عزت شه دین؛ كربلا صحراسینه
آشنا ائتدی ترابی صورت-ی-زیباسینه
قتلگهده غرقیدی هرچند قان دریاسینه
آننینی قویدو ترابه شوكر-ی-یزدان ائیله دی
درد-ی-عشقونده الهی واردی مین لرجه صفا
لوطف-ی-دردوندن تاپیب آیینه-ی-جانیم جلا
سن عنایت ائتدین اولدو عهدیوه مندن وفا
تا شهید انصاریمی بو قوم-ی-عدوان ائیله دی
لذّت-ی-دیداریله نه اصغریم نه اكبریم
افتخاریمدیر یولوندا اولدو شان شان پئیكریم
دلخوشام بوندان كی عئشقونده اولوب قان بستریم
موشكل-ی-وصلی حسینه لطفون آسان ائیله دی
قادر-ی قهاریدن خوف ائتمه ییبلر بیر زامان
دور –ی-شاهی آلدی یكسر شامیان و كوفیان
دللری مملوّ –ی-كینه الده شمشیر و سنان
ائتدیلر بیر ظولم، زهرا آه و افغان ائیله دی
مضطر
منشور عاشورا – جلد سوم ص 309
ائی شه –ی مظلوم حسین وای وای
بی كس و مغموم حسین وای وای
كرب و بلا مولكی سنه عرشیدی
ایستی قوم اوستو قورو یئر فرشیدی
زینب ون اؤلسون بو نئجه نعشیدی
ائی شه –ی مظلوم حسین وای وای
اؤلدو بو صحراده علی اكبرون
ظولمیله اوخلاندی علی اصغرون
قانه باتیب ظولمیله گول پئیكرون
ائی شه –ی مظلوم حسین وای وای
قوم-ی-عدودن سنه وار دور گله
قلبیمه اود ووردو منیم حرمله
عرض ائده رم گر دوشه فورصت اله
ائی شه –ی مظلوم حسین وای وای
آل-ی-رسوله یئیشیب چوخ ستم
یاندیریری قلبیمی بالله بو غم
اولموش علمدار قولو چون قلم
ائی شه –ی مظلوم حسین وای وای
قویدولا یالقیز سنی قوم-ی-ظلم
ظولمیله قانه بویانیبدی علم
قوللاری عباسین اولوبدور قلم
ائی شه –ی مظلوم حسین وای وای
دیوان كاتب- ص 282
عرصه-ی- حشره حسین قانینه غلطان گله جئك
ائتمه گه شیعه لرین دردینه درمان گله جئك
دؤنه جئك روی زمین كوره-ی-حداده او گون
اهل-ی-محشر گله جئك ناله و فریاده او گون
بیر بئله وقته حسین دیر یئته ن ایمداده او گون
جمله مجریملر اوچون شافع-ی-عصیان گله جئك
بیر طرفده ن وراجاق باشلاری الده شهدا
بیر طرف صف چكه جئك قوللاری باغلی اسرا
قویاجاق عرصه گه-ی-حشره قدم خیرالنّسا
حقدن ایسته یه جئك عدلیله دیوان گله جئك
دوتاجاق الده حسینین او كسیك اللرینی
بجده لین كسدیگی انگشت ایله انگشترینی
ایكی قوللاری ابالفضل-ی-وفاپرورینی
آیری محشر ائده جئك خلقه نمایان گله جئك
دوتاجاق قائمه عرشی او خواتون-ی-جزا
دییه جئك بار خدایا بو حسین بو شهدا
غفو قیل هركیم عزا ساخلاییب عالمده بونا
تعزیه داریلره مژده-ی-غفران گله جئك
انتقام ایسته جئك حضرت زهرا او زامان
تا معذب اولالار خصملری پیر و جوان
خولی و حرمله و شئمر و عمرسعد و سنان
دمبدم اونلار اوچون شعله –ی-نیران گله جئك
كاتبا غم یئمه گر اولسا گناهون نه قدر
اولی شافع سنه اول پاده-ی-تئشنه جیگر
ثبت قیل دفتره محنتلرینی شام و سحر
تا الینده محشر گونی عنوان گله جئك
دیوان كاتب – 304
مناجات شوری امام
دوشدو آت اوسته ن یئره شافع-ی-یوم –ی-حئساب
عرش-ی-برین سؤیله دی، لیتنی كنت تراب
نئیزه دگیب اوخ دگیب اول بدن-ی-پاكینه
دوشدو گونون ایستی سی پئیكر-ی-صدچاكینه
قویدو مبارك یوزون كرب و بلا خاكینه
گرم مناجات اولوب او شه-ی-مالك رقاب
عرض ائله دی ائی خدا بو من و بو كربلا
بو شهدا بو فرات بو صف قوم دغا
من سنیله ائتدیگیم عهدیمه قیلدیم وفا
سنده وفا قیل اؤزون عهدیوه یا مستطاب
شوقیله وئردیم فدا یاور و انصاریمی
عفو ائله بو حالیمه جمله عزاداریمی
آتلی پیاده گله ن قبریمه زوّاریمی
قویما محبّیم گؤره حشر گونینده عذاب
دوغراسالار هر قدر پئیكریمی راضیم
شئمر سوسوز ذبح ائده حنجریمی راضیم
قطع ائلییه ساربان اللریمی راضیم
شایقم هر ظلم ائده قوم-ی-عدو بی حساب
یوخدو سؤزوم هر قدر بو بدنیم دوغرانا
راضیم ای دوالجناح خئیمه لریم اودلانا
آل-ی-علی قول قولا بیر ایپیله باغلانا
بزم-یزیده گئده جمله سی قولدا طناب
یئرده كفن سیز قالا اوچ گونه دین پئیكریم
شامه گئده ظلمیله نئیزه باشیندا سریم
شئمره اولا دستگیر عترت غم پروریم
ائتمییه محشر گونو شیعه لریم اضطراب
عاشورا رجزی
مرحوم ذهنی زاده (سائل ) تبریزلی:
كرب و بلا چؤلونده طوفاندی یا محمد
گؤندر كفن حسینه عوریاندی یا محمد
مئهمان ایدیبله دعوت قویموللا احترامین
سو ویرمئییبله بالله عطشاندی یا محمد
سقا گیدیب فراته قویموبلا سو گتیرسون
بیر شربه سو گتیرسه احساندی یا محمد
گل كربلا چؤلونده بیر اوغلووا نظر قیل
گول تك یئر اوسته جیسمی خنداندی یا محمد
ابری-ی-ظلام دوتموش دشت بلانی یكسر
بیر ابر باریشین گؤر پئیكاندی یا محمد
لئیلا نوایه گلمیش سسلر هرایه اوغلون
هجر آتشینده قلبی سوزاندی یا محمد
دوشموش یانان چادیردا اصغر آناسی بیهوش
جانین آلیبلا گویا بی جاندی یا محمد
داماد ماتمینده وار اؤزگه بیر حكایت
قاندان عروس زولفی الواندی یا محمد
بو كربلا چؤلونده گویا قیامت اولموش
دیللرده وا محمد عنواندی یا محمد
انگشتر اوسته بجدل قطع ایلیوب بیر انگشت
بو سرّه مین سلیمان حیراندی یا محمد
حضرت علی اكبر ع نوحه سی
حاج اسماعیل زرین – كتاب: منشور عاشورا جلد سوم – ص 174
دور باشون اوسته گلمیشه م، گؤزلریمه ضیا اوغول
گل دیله منله بیر دانیش، قلبیمه وئر صفا اوغول
گؤر نه چتیندی من گؤره م ظولمیله قانه باتمیسان
زخملی آهو تك دوشوب ایستی قوم اوسته یاتمیسان
سیل-ی-سرشگیمی آخان قانیوه یئرده قاتمیسان
بئیله ییخیلماغون ائده ر مرگیمه اكتفا اوغول
سن منه نور-ی-عئین سن، دیزلریمه توان و تاب
روحیم او قدری قالمیری آیریلا وئر منه جواب
صوره تیمی اوغول ائدیب باشدان آخان قانون خضاب
دور دورا بیلمیره م اؤزون اول الیمه عصا اوغول
گتدی او دم كی قاصید-ی-غم منه غملی بیر پیام
یعنی قولاقیمه یئتیب اوندا كی دلنشین سلام
بیلدیم او دمده قلبیمین بندینی قیردی اهل-ی-شام
دردینه قلبیمین داخی اولمایاجاق دوا اوغول
ائیله حیصار-ی-محنته لئشگر-ی- غم سالیب منی
قرب-ی-كناریده گؤزوم گؤرموری غصه دن سنی
عرشه اوجاتمیشم اودور داد و فغان و شیوه نی
گرچه گولور بو حالیمه دوشمنه بی حیا اوغول
من نئجه یانماییم اوغول سن كیمی نوجوانیمه
سن دانیشاندا هر زمان قوَت یئته ردی جانیمه
دست-ی-قضا سپیبدی غم توپراغی دودمانیمه
آغلایاجاق نه قدری وار عمَه باجی آنا اوغول
گؤر نه بو قوم –ی- كینه جو اولدولا حقده ن كنار
ائتدی پیمبر عتره تین بیر بئله غملره دوچار
جدیمه بنزه ین جوان یئرده دوشوبدو زخمدار
جسم لطیفیوون اولوب هر طرفی یارا اوغول
عاشورا صوبحو
حاج محمد حسین جنتی مقام (صحاف) – كتاب: منشور عاشورا جلد سوم – ص 154
چیخما ائی گون! گل بو گون ائیله حیمایت زینبه
آشكار اولسان اولور برپا قیامت زینبه
پرده-ی-ظلمتده ن اگر اولسان، سن بوگون ای گون كنار
آل-ی-طاهایه اولور اوضاع-ی-محشر آشكار
بیر بئله گونده اگر، بیلسه ن طلوعونده نه وار
ائیله سن مطلق بو صحراده اعانت زینبه
لئشگر-ی-كفر و ضلالت بئیرق-ی-ظولمین ووروب
بو بیاباندا مقابیل نوریله ظولمت دوروب
سن طلوع ائتسه ن بوگون زینب گونو ائیله ر غروب
كربلا دشتی اولور محشرده ن آیت زینبه
نوریویله سن اگر سالسان حجاباته شفق
غرق اولور دریای غمده ساكنان-ی-نه طبق
باش آچار زهرا گلیر فریاده و داده ما خلق
كشف اولور سرَ قیامتده ن علامت زینبه
بو گونون وضعیتینده ن اولسان ائی گون باخبر
اولماسان هرگز بو ظولمت پرده سینده ن جلوه گر
مشرق-ی-غمدن بو گون ای گون عیان اولسان اگر
ائیله سن بی شك هامی آفاقی ظولمت زینبه
عاشورا گئجه سی
بو گئجه آل-ی-علی یاتمادیلار
شیعه یاتسین نئجه راحت بوگئجه
عاشورا گئجه سی نوحه سی
استقبال شعری – محمود صادری(پارسا) – كتاب: منشور عاشورا – جلد سوم ص 148
«گول گولزار-ی- رسالت بوگئجه
شئمریده ایسته دی مؤهلت بوگئجه»
نه گئجه عالم –ی-محشر كیمی تار
خوف و تشویشه دوشوب خرد-و-كبار
نور اولوب دستخوش ظلمت و نار
چولقاییب عالمی ظلمت بوگئجه
قصد ائدیب مؤهلت آلا خسرو دین
افتخار و شرف-ی- اهل یقین
ییغا اؤز باشینه اهل-ی-حرمین
ائده قورآنی تلاوت بوگئجه
دئدی اصحابینه سولطان-ی-حجاز
سیزسیز عالمده منه محرم-ی-راز
حضرت حقه ائده ن راز و نیاز
تاپاجاق عین-ی-سعادت بوگئجه
نوش ائده ن باده-ی-پئیمانه عشق
یاناجاق چون پر-ی-پروانه عشق
قالاجاقدور آدی دیوانه-ی-عشق
چكه هركیمسه ریاضت بوگئجه
كربلا ایچره اولوب محشر عیان
گوئیا قوپدو قیامت بوگئجه
دوتدو دنیا یوزونو موج-ی-بلا
داشدی دریای-ی-مصیبت بو گئجه
بو گئجه آل-ی-علی یاتمادیلار
شیعه یاتسین نئجه راحت بوگئجه
مناجات امام -ع-
امام آت دان ییخیلیب
مرحوم ذهنی زاده – كتاب: منشور عاشورا جلد دو – ص 228
قطب-ی-عالم ذوالجناح اوسته ن اولان دمده نگون
قالدی اؤز دؤرینده سرگردان سپئهره-ی-واژگون
صدر زین توسنیندن اول خدیو-ی-مستطاب
قصد اجلال-ی-نزولیله تهی قیلدی ركاب
اختیار ائتدی ترابی نور-ی-چشم –ی-بوتراب
گؤرسه نیب چرخ-ی-شهادت آفتابینده سكون
كاش او ساعت كی ییخیلدی خسرو-ی-گردون مدار
اؤز مداریندن چیخیب عالم اولئیدی تار-و-مار
طئی ائدئیدی یئكسره طومار عمرون روزگار
لم یكن شیئا" اولئیدی كاینات و كاف و نون
ایستی گونده قوملار اوستونده شهنشاه-ی-حجاز
كثرت ایچره قوردو بیر خلوتگه-ی- راز و نیاز
سجده حالینده اولوب معبودیله سرگرم-ی-راز
عرض ائدیب یا منتهی الامال –ی- كّل العاملون
قوملار اوستو ایستی گون سوز-ی-عطش باس-ی-حدید
یاره لر سوزیشده نار ظولم حیدتلی شدید
هر یارام شوریله بیر قان آغلایان چشم-ی-امید
قانلی پئیكانلار او گؤزلر دورینه قانلی جفون
جناب قاسم نوحه سی
جناب قاسیم (ع) شهادتی نوحه سی
مرحوم محمد تقی وافی – كتاب: منشور عاشورا – جلد دو ص 142
قارداشیم حسن گولوستانینین گل باجی نیشانین گتیرمیشه م
وئر خبر بلاكئش آناسینا؛ قاسیم جوانین گتیرمیشه م
صحنه-ی-وجودینده باش وئره ن یاره لر آچیب گوا چمن كیمی
زینت ائبله ییب قاتلی پئیكرین نئیزه اوخ نسترن كیمی
بی نوا آناسی نئجه دؤزه ر گؤرسه اوغلونو من گؤره ن كیمی
من گؤره نده اود دوتموشام یانیب یاندیران زمانین گتیرمیشه م
گول دگیل بو گولزار-ی-حوسنو دور؛ وار یئری بونا گوللر آغلاسین
گوللری سولان مرغ-ی-زار-ی-تك شیوه نیله بولبوللر آغلاسین
فاطمه آنام قارداشیم حسن وای اوغول دئسین ائللر آغلاسین
گولستان-ی-اعزازیمین باجی آفت-ی-خزانین گتیرمیشه م
تئل به تئل باتان قانه زولفونو مه جمالینه هاله تك سالیب
زیر-ی-ابر-ی-ظولمتده گون كیمی بو ایشقلانان گوندوزم قالیب
جان وئریب اؤزو تئشنه لب منیم صبر و تابیمی دفعتا" آلیب
گل دوشوب بو گون نطقدن باجی جسم ناتوانین گتیرمیشه م
رجز
عاشورا گئجه سی رجزی
دیوان كاتب- جلد دوم ص 72
گؤره سن بو گئجه لئیلا نئجه راحت یاتاجاق
كی صباح نازلی علی اكبری قانه باتاجاق
بو گئجه زینب و كلثوم اؤپه ر عباس قولون
كی صباح لئشگر اعدا سالاجاق ساق سولون
بو گئجه شاه –ی-شهیدان دولانار خئیمه لری
بیر دویونجان گؤره تا عترت خونین جیگری
بو گئجه خئیمه لر اطرافینی عباس گزه ر
صولتیندن یاتا بیلمزلر اونون قوم كفر
بو گئجه شیعه رباب اصغره لایلای دیه جئك
كی صباح اوخلاناجاق اوندا اوغول وای دیه جئك
بو گئجه صوبحه كیمین باتمایاجاق شئمر-ی-دغا
كی صباح حلق-ی-حسینه قویاجاق تیغ-ی-جفا
بو گئجه كرب و بلا دشتی دولوب لئشگریله ن
كی صباح قان توكولور نئیزه و هم خنجریله ن
بو گئجه اهل-ی-حرم ائیله ر هامی آه-و-فغان
كی صباح قوللارینی باغلایاجاق شئمر-و-سنان
علی اكبر ع نوحه سی
كتاب منشور عاشورا (گلچین)– سید اكبر صدرالدینی
حضرت علی اكبر ع نوحه سی
قوشار: مولانا یتیم
قانون آخدیقجا یوزه زولف-ی-مطرّادن اوغول
آپاریر تاب و توانا دل-ی-لئیلادن اوغول
سن امامت گونونون كوكب-ی-رخشنده سی سن
نئجه كوكب اوگونون جلوه-ی-تابنده سی سن
جلوه دن دوشسه گونون علّت-ی-زیبنده سی سن
باتا سنسیز یئری وار مشرق-ی-اقصادن اوغول
گؤسته ریر یاره لرین خنجر-ی-فولاد اثری
گتدی اظهاره باشین نكته-ی-شقّ القمری
سنی بوحاله سالان ای دل-ی-لئیلا ثمری
بهره مند اولمایا هرگیز ایكی دونیادان اوغول
بسله میشدیم سنی بو سینه ده چوخ عزّتیله ن
سینه چاك اوللام اوغول ایمدی غم-ی-فرقتیله ن
بارخارام پئیكر-ی-صد پاره وه یوز حسرتیله ن
آه بو درد-ی- دل حسرت-ی-بی جادن اوغول
صورتون حُسن خدادادیله سرمایه سی وار
طیّ ائدیب حُسن-ی-جمالین نقدر پایه سی وار
عارضون قیرمیزی قاندان ائله پیرایه سی وار
گوی سبقت آپاریب هر رُخ-ی-زیبادن اوغول
ایستیره م ناله-ی-دلسوزیمی دلدار ائشیده
ایسته مم شیون و فریادیمی اغیار ائشیده
حئیف دیر بولبول و گول صحبتینی خار ائشیده
ناله هر چند برازنده دی ثكلادن اوغول
صص 181-183
شانی تبریزی
علمدار نوحه سی
بو مشكه دگن اوخ منی مایوس ایلدی چوخ
ای كاش دگئیدی گوزومه مشكه دگن اوخ
بستئیدی حیاتیم بو سووا جاندان اوساندیم
سو مشگیمه اوخ دگدی اوزوم جانه دایاندیم
اصغر عطشه من شرر خجلته یاندیم
ای كاش دگئیدی گوزومه مشكه دگن اوخ
من جان بكفم وقفدی بو جانیم حسینه
یوخ باكیم ئولومدن ولی ای لشكر كینه
ویر موشدی منه بو قوروموش مشگی سكینه
ای كاش دگئیدی گوزومه مشكه دگن اوخ
گوردوم عطشندن سارالوب صورت اصغر
پوزدی پوزولان حالتیمی حالت اصغر
آز یاره ویرون بسدی منه خجلت اصغر
ای كاش دگئیدی گوزومه مشكه دگن اوخ
چون اهل وفا كوی وفاده منی یوخلار
تصدیق ویروب احسن ائدر عشقنه چوخلار
بیر گلشن فردوس ایلیوب سینمی اوخلار
ای كاش دگئیدی گوزومه مشكه دگن اوخ
اوخ جسمیمه مایلدی منیم من اوخا مایل
بو اوخ نیه بس گتدی خطا اولمادی حایل
مشگ اوسته دگوب زحمتیمی ایلدی زایل
ای كاش دگئیدی گوزومه مشكه دگن اوخ
جان ویرماقا جانانه بوگون تا هوسیم وار
داد ائتسم حسینیم كیمی بیر دادرسیم وار
عجز ایلمرم دشمنیمه تا نفسیم وار
ای كاش دگئیدی گوزومه مشكه دگن اوخ
لایق دگیل هر چند بو جان بو باش حسینه
اما منی ایتمیشدی آتام یولداش حسینه
من نوكرم هزگز دگلم قارداش حسینه
ای كاش دگئیدی گوزومه مشكه دگن اوخ
چوخ سعی و تلاش ایلدیم آخر اوز ایشیمده
قردیم نقدر دشمنی بو بیر یریشمده
قول گتدی دیردیم آپاروم مشگی دیشیمده
ای كاش دگئیدی گوزومه مشكه دگن اوخ
تا سو اله گلدی غم و دردیم آزالیشدی
مین همتیمون ضدینه بیر تیر آلیشدی
سو آخدی گوزوم باخدی اورك یاندی آلیشدی
ای كاش دگئیدی گوزومه مشكه دگن اوخ
سو وعده سینه چونكه دیمیشدیم گوزوم اوسته
تا سو واریدی من واریدیم اوز سوزوم اوسته
قالسیدی سوقولسوز سورونردیم یوزوم اوسته
ای كاش دگئیدی گوزومه مشكه دگن اوخ
مین جانیم اولا ویرماقا بیر ذره یوخ اكراه
لازمدی اولا باشدا نثار قدم شاه
قول گتدی باشیم قالدی بو دور علت دلخواه
ای كاش دگئیدی گوزومه مشكه دگن اوخ
بولمم یترم آخر عمرومده مرامه
لطفیله گلور شه اوزو دیدار غلامه
خوشدور بو باشی اوندا قویام پای امامه
ای كاش دگئیدی گوزومه مشكه دگن اوخ
هر چند چوخالدوقجا یارا خجلیت آزالماز
اما آزالور اوخ چوخی مندن صورا قالماز
دشمنده قالان اوخ مگر آراممی آلماز
ای كاش دگئیدی گوزومه مشكه دگن اوخ
چوخ سعی ایلدیم من بو سووون حفظنه مطلق
شاهد سوزومه بو كسیلن الدی بو بیرق
مقصود دله اولمادیم افسوس موفق
ای كاش دگئیدی گوزومه مشكه دگن اوخ
(شانی ) اوزووی صدقیله بو درگهه سالدون
مقصود دلون حضرت عباسدن آلدون
صد حیف بیر حسرتده او سرور كیمی قالدون
ای كاش دگئیدی گوزومه مشكه دگن اوخ
مدینه نوحه سی- راجی تبریزی
ایمامین مدینه‌ده‌ن چیخمه‌ك نؤحه‌سی- شاعر: تبریزلی راجی
قافلــه‌ی-ی-غــم دۆزۆلــدۆ سمـت-ی-راه-ی-نئینــوایـه
وقت اوْ وقت اوْلۇب كی گلسین، فاطیمه‌چی نئی‌نوایـه
اوْل مریضی گـؤردۆ ناگــه، جیلــوه‌لـــه‌نــدی پرتــوْ-ی-نور
صحن-ی-خانه‌ی-ی-پئیه‌مبه‌ر اوْلدۇ رشگ-ی-وادیئ طور
چۆن كلیم اوْ نورو گؤرجه‌ك، غش ائدیب اوْ زار-ی-مهجور
هوشه گلدی مثـل-ی-موسـی، تیكیـه ائیلـه‌دی عصایـه
دۆشدۆ تا گؤزۆ حۆسئینه، باشلێب اوْل زامان شیكایه‌ت
سـؤیلــه‌دی مگـه‌ر ائـده‌رلـه‌ر، نـاخـوْشـۇ بئلـه عییـاده‌ت
بیلمیـره‌م بـۇ گـۆن نه گـۆنـدۆر، اۆز وئـریب منه سعاده‌ت
روز-وْ-شب اوْگۆنـده‌ن اؤتـری، ال گـؤتـۆرمۆشه‌م دوعایـه
وصلـون ائتمیشـه‌م تمـه‌ننـا چـۆن خۇدای لـم یـزه‌لــده‌ن
یئمیشـه‌م مـوراده قوْیمـام دامـه‌ن-ی-ویصـالــۇن الــده‌ن
قــوْی گـؤرۆم یـۆزۆن دوْیـۆنجـا، قـوْرخـارام بـابا اجـه‌لـده‌ن
هیجـریـوی فلـه‌ك مبـادا تـــۆش ائـده بــۇ مــوبتــه‌لـایــه
ائیلـه‌ییب اوْنـۇ اوْ سروه‌ر، قیصصـه‌ی-ی-سفـه‌رده‌ن آگـاه
آیـرێلیــق آدێـن ائشیتجـه‌ك، قلبـده‌ن اوْ چكــدی بیــر آه
عرض قێلدێ چۆن گئدیرسه‌ن، ائی بابا منی سن آلـلاه
بـۇ مــدینـه ایچـــره تـاپشێــر، اوْل عمـــوی بـــا وفـایـــه
سؤیله‌ییب قێزێم وفا یوْخ، گردیش-ی-سئپئهر-ی-دوندا
ائیلییه غریق چیشمون، بـۇ سیریشـگ-ی-لالـه‌گـونــدا
مـن ایلـه گئــده‌ر عیـراقـــه، بــۇ مدینـــه‌ده‌ن عمــون دا
آفیتــابیـــده‌ن گـــؤرۆنمــه‌ز، آیــرێــلا جهــانــدا ســایـــه
عرض ائدیب بابا گئده‌رسیـز، ایندیكـی هامیـز زن-وْ-مرد
درد الینـده‌ن عابئـدینـون مـن تـك عـارئضـی اوْلــۇب زرد
بس گلیـن اوْنـۇ آپارمێــن، مـن اوْلـۇم اوْنـۇن-لا همـده‌رد
مئیـل ائـده‌ر همیشـه چۆنكی، برگ-ی-كاه-ی-كهروْبایه
فاطیمــه دئــدی خــولاصــه هــر جـــوان-ی-نـامــورادی
دفتــه‌ر-ی-سفــه‌رده گــؤردۆ، ثـبت اوْلــۇبـدۇ بیربیر آدێ
عرض ائدیبدی واردێ بیللــه‌م بـۇ سفـه‌ریـن ایمتیـدادی
باری قــوْی سكینــه قالسێـن تـا وئــره‌ك صــدا-صـدایه
...
چـۆن منـی قوْیۇب گئدیرسیز، ایندیكی مدینه‌ده‌ن سیـز
بۇ سفه‌رده غیفله‌ت ائتمین، باری بـۇ سكینـه‌ده‌ن سیـز
حیفظ ائدین اوْنۇ ائی عمه، ظۆلمئ اهلئ كینه‌ده‌ن سیز
قـوْیمایێـن گلینجـه یئتسیـن، درد-وْ-غــم اوْ مــه لیقـایـه
كیمسه‌ده‌ن بۇ دردی جۇرمۇن مومكون اوْلسا گر علاجی
كولل-ی-عاله‌مین حۆسئینه چۆنكـی واردێ ائحتییـاجـی
روز-ی-حشریـده گـومـانیـم، یــوْخ بیـر اؤزگـه زاده راجـی
اشكئ چشمئ خون فیشانده‌ن، توشه جمع قێل جزایه
كربلا نوحه سی- شاعر: دلخون
كربلا غمی- شاعر: دلخون
كربلا غمی نه غمدیر، مؤحنه‌تی شوماره گلمه‌ز
بئله باجی، بئیله قارداش، بیده روزیگاره گلمـه‌ز
آه اوْ وقتیده‌ن حۆسئین كیم، تئشنه لب قالێب آراده
دۆشـدۆ بــۇ خییالـه گئدسیـن، كوفییـانیلـه جهــاده
عرض ائدیب جناب-ی-زینب، وار سؤزۆم بۇ مودعاده
واردێ بیر سؤزۆم نهانی، دیله آشیكاره گلمه‌ز
گـره‌ك ائیلییــه‌م عمــه‌ل مــن، آنــامێـن وصیتـینـه
واریثــه‌م بـــراده‌ر اینــدی، آنـامێــن نییــابــه‌تینــه
بۇ حۆسئینین، ال تاپاندا اهل-ی-كین شهاده‌تینه
بئلــه وقـت بئلـه فۆرصــه‌ت، الیمــه دۇبــاره گلمــه‌ز
بۇ گۆن اهل-ی-كینه دوْیماز، بیلیره‌م داخی جفاده‌ن
آنــام اوْغلــۇ ائتمـه محـروم، منـی بئیلـه مدعـاده‌ن
گتی بیـر اؤپـۆم براده‌ر، بوسه گاه-ی-مصطفـی ده‌ن
ائیله‌مـه بۇ ایشده تأخیر، قارداش اینتیظاره گلمــه‌ز
غـره‌ض ایذن حاصیـل ائتـدی، اوْ بـلاكئـش-ی-زمانــه
آه-وْ-نالـه ایله بیر اوْد، سالدێ صفحـه‌ی-ی-جهـانــه
بوسه گاه-ی-مصطفی‌ده‌ن، اؤپدۆ اوْل دۆرر-ی-یئگانه
هئچ قضییه بۇ جاهاندا، بیر دئل-ی-فیكـاره گلمــه‌ز
بیرده ظۆلمیله زمانئ ظوهـریده بـۇ شـاه-ی-محشـه‌ر
قان ایچینده قتلگه‌هده، جیسمی دوْغرانێب سراسه‌ر
یئتیشیب اوْ حاله‌تیله، باشـێ اۆستـه شمر-ی-كافـه‌ر
دئدی یا حۆسئین یارالێ، صئیدگه‌ر شیكاره گلمه‌ز
دئدی بۇ سؤزۆ اوْظالێم، چۆن دۇتۇب ره-ی-جفانی
دۇتـمئییـر دیلیــم بیـانـه، گتیــره‌م بـۇ مـاجـه‌رانـی
چكدی خنجه‌ر-ی-جفاسین، اوْ جفای پیشه كانی
فیكر ائدیب دئدی دایانماق، ایندی بۇردا كاره گلمه‌ز
قوْیدۇ خنجه‌ر اوْل سیته‌مگه‌ر، بوسه گاه-ی-مصطفی‌یه
دۆشـدۆ اینقیـلاب-وْ-آشـۇب، عـرش-وْ-فرش-ی-كربلایه
ذیبـح ائدیـب ذبیــح-ی-حقــی، بـاخ ذبیـح-ی-كـربـلایـه
قتل-ی-بیر نفـه‌ر ذبیحـه، میـن نفــه‌ر سواره گلمـه‌ز
یا حـۆسئـن تلطف ائیله، اوْلمۇشام غمـۇندا مجنـون
مـن بـۇ روزیگـار الینـده، قالمێشـام ملـول-وْ-محـزون
ایسته قبریوه دۇباره، بیرده گلسین عاصی، دیلخـون
ذوْق-وْ-شوْقیلـه اوْ یئـرده، باش قـوْیـا مـزاره گلمـه‌ز
حضرت رقیه (س) – شاعر: منزوی
حضرت رقیه (س) – شاعر: منزوی
استاد رحیم منزوی در توصیف مصیبتها و بیان لطیف وقایع و صحنه‌های كوچك و ریز كربلا به همان اندازه كه جنگ و شهادت امام و یاران با وفایش را ترسیم می كند به خوبی به نظم در می آورد. در این پست دیدار حضرت رقیه با نعش بابای عزیزش را در شام غریبان می خوانیم. "یا رقیه"
ظۆلمه‌ت گئجه، آی دوْره‌سینه هاله گله‌نده
قوْرخار نئجه شخص اوْلسا، ائدر ناله گله‌نده
ایجـاد اوْلـۇنار موختـه‌لیف اشكال-وْ-عجاییب
تلّ اۆسته و یا اینكـه سییـه‌ه چـاله گلـه‌نده
ئوز كؤلگه‌سینه باخسا هراسان اوْلۇ اینسان
قوْرخـار گؤزۆنـه، هئیكـه‌ل-ی-ابطالـه گله‌نـده
بیلمه‌م اوْ حۆسئینین قێـزی اۆچ یاشـدا رقیّه
نـه حالیلـه گلـدی گئجــه گــوْدالــه گلــه‌نـده
وئردی یۇخۇیا دۆشمه‌نی دۇردۇ یوْلا دۆشـدۆ
قوْرخــدۇ دۇتــولا فـرقـه‌یئ جههــالـه گله‌نده
حتی ائله گلدی كی اوْنۇ گؤرمه‌دی بیر كس
سیررین دئمـه‌دی،عمّـی‌یه، اطفالـه گلـه‌نده
گلمیشدی همان یوْل كی اوْ زهرایئ سه ساله
حتمــه‌ن ایتیـره‌ر سـالك-ی- صـد سالـه گله‌نـده
فیكر ائیلمه كیم گتـدی اوْنـۇ مقتلـه بیر بـاش
عاشیق یـوْل ایتیرمـه‌ز رهـئ آمالــه گله‌نــده
زهـرا سسینی آلـدێ اوْ قێـز مقصـده چـاتدێ
زهـرایـه اؤزۆن ائیلــه‌دی هــم نالــه گلــه‌نــده
سس گلدی قێزیم سینه‌مه گل یاخشێ گلیبسه‌ن
تـۆش اولمـامێسـان شمر-ی-بــد افعـالــه گلـه‌نــده
دیققه‌تله باخێب گؤردۆ كی بیر نعشیدی بی‌سر
آهێ گلی چـۆن شعلـه‌‌ی-ی-جـووالـه گلـه‌نــده
سالــدێ اؤزۆنـۆ سینـه‌سینه ائیله‌دی فـــریاد
گـــؤر قالـدێ رقیّوْن بـابـا نـه حالــه گلــه‌نــده
گاهــی ایاغێــم داشـه دگیب گاه یێخیلدیــم
قان وئردی دیلیـــم دیده‌یئ سیّالــه گلـه‌نـده
امما بابا چۆن شمر یۇخۇدۇ باشێمێن اۆسته
صد شوكــر ائیله‌دیم ایندی بۇ مئنواله گله‌نده
عالـه‌م منـه رحم ائیله‌دی شمر ائله‌میر امما
تاپشێر منـی بـارێ سـن اوْ قتّـالــه گلـه‌نــده
یا قوْیسۇن اؤلۆم یا منی اؤز باشیمه قوْیسۇن
لای لای دئییــم اؤز اصغریمـه حالـه گـلـه‌نـده
سۆد گلمیشدی دؤشله‌ری دوْلمێشدێ ربابون
قالمێشـدێ آنـام آیـرێ بیــر احـوالــه گلــه‌نــده
بیر سؤزده دئییم قوْی بابا شمرین سیته‌میندن
گؤر ائتدی نه‌لـه‌ر خئیمـه‌ی-ی-ائجلالـه گله‌نـده
سجادی یۆزۆ اۆستـه سالێـب چكـدی رداسیـن
اوْد وۇردۇ خییامـه، طمــع-ی-مالـــه گلــه‌نــــده
پــر وۇردۇم اۇچــام بیــر طــره‌فه خئیمــه یانانـدا
اوْد شؤعلـه چكیـب دۆشـدۆ، پر-وْ-بالـه گلـه‌نـده
یانــدێ اتـه‌گیــم قـارداشێــم عابــد یــانـان اوْددا
یئـر گــؤی سیتـــه‌م-ی-شئمریله زیلزاله گله‌نـده
گـوشـواره چێخێنـجـا قـولاغێمـــدان منــی وۇردۇ
بیــداد ائلـــه‌دی غــاره‌ت-ی-امــوالــه گـلــه‌نـــده
سیلــی یئــری معلومیــدی، قمچـی یئـری امما
مـعلــوم اوْلـــۇ ویــرانییـــه، غسّــالـه گلــــه‌نـــده
غاره‌ت سیتــه‌میـن «منزوی» یاد ائلـه‌ییب آغــلار
سـارِیقلــه‌ر الـــی صفحــه-ی-«آماله» گلــه‌نـــده
حر نوحه سی- شاعر: خائف
حر نوحه سی- شاعر: خائف
برای دانلود دو قطعه از دو نوحه حاج جواد رسولی زنجانی درباره حربن‌ریاحی به پست "دانلود اوْخشاما،شاخسئی و نوحه" و یا به لینك پیوندها "دریافت فایل های صوتی وبلاگ" مراجعه نمایید.
التوبه ائی شه-ی-دین، بیر حرره قێل نظاره
لۆطفیله بیر نظه‌ر قیـل، آقـا بـۇ شرمیسـاره
گـرچـه یـۆزۆم قـرادێـر، اممـا سنـه دخیلــه‌م
بــۇ درگـه‌هـونده آقـا بیـر بنـده‌ی-ی-ذلیلــه‌م
قارداشیمیله اوْغلۇم، گلله‌م سنه قۇل اوْللام
قـوْومـا منـی قـاپۇنـدان، دردیمـه ائیلـه چـاره
گرچه اؤزۆم موقئرره‌م، چوْخدۇر منیم گۆناهێــم
بۇ قاپۇدان بیر آیـرێ، یـوْخـدۇر اۇمــۇدیـگـاهیــم
لۆطف ائتگیلهن بۇ حورره، آقا سن اوْل پناهیم
تقصریمی باغێشلا، اوْل طیفل-ی-شیر-ی-خاره
آقا سیزی گتیردیم، من دشت-ی-كـربلایـه
آل-ی-عبانی سالدێم، بۇ غملی ماجه‌رایه
من باعیثه‌م بۇ امـره، بـۇ درد-ی-بـی‌دوایـه
لۆطف ائیله قیل محبت، آقـا بـۇ توبـه كـاره
من موجریمه‌م اگه‌رچه، سن معدن-ی-عطاسن
مـن بنـده‌ام و لیكــه‌ن، سنــده منــه آقـــاســن
مجموع-ی-مومـكینـاتـه، عـالـه‌مـده پیشـواسـن
عفــو ائیلــه‌ر هــر گـۆنـاهـی، آقـا بـۇ تـوبه كـاره
مـن تـازه میـهیـمـانـه‌م، اولاد-ی-مصطفـــی‌یــه
یۆز قوْیمۇشام آقاجان، بـۇ تـۆربـه‌ت-ی-شفایــه
چوْخدۇر منیم اۇمۇدۇم، بئللاهی خاك-ی-پایـه
ال دامه‌نۇنـدان اۆزمـه‌م، تـا ائتمـه‌یینجـه چـاره
گؤردۆ یۆزۆن قوْیۇبدۇر، توْپراغه زار-وْ-مغموم
فرماییش ائتدی حورره، لۆطفیله شاه-ی-مظلوم
غم چكمه هئچ كیم اوْلماز، بۇ درگه‌هیمده محروم
اوْلسا گۆناه-وْ-جورمو، هر قدرئ بی‌شوماره
بۇ آستان ازه‌لده‌ن، وار آستان-ی-رحمه‌ت
هر كس دخیل اوْلسا، واردێر اوْنا شفاعه‌ت
مأیوس اوْلماز هئچ كیم، هر قدر اوْلسا حاجه‌ت
عفو ائیله‌دیم گۆناهون، اوْل حی‌یئ كئردیگاره
بۇ شرطله‌ن كی زینب، اوْلسۇن ریضا بۇ امره
سرخئیل دیر بۇ چؤلده، چۆنكی حره‌مله‌ر ایچره
قلبی سێنێبدێ سنده‌ن، اوْل زار-ی-غم كئشیده
گئت خئیمه‌ده تسه‌للی، وئر سن اوْ دیلفیكاره
...
فرماییش ائتدی حورره زینب بئآه-وْ-افغان
هر قدر اوْلسا جورمون، عفو ائیله‌ره‌م زئ ائحسان
توْپراغێدان گؤتۆر باش، غم چكمه اوْلما گیریان
بۇ آستان-ی-حقده، قێل رحمه‌ته نیظاره
...
ائیله نصیب یارب مجموع-ی-حاضئرینه
هم بانی‌یئ بۇ بزم-وْ-راثی-وْ-ذاكرینه
خائف دخیل اوْلۇبدۇر، بۇ چاكر-ی-كمینه
محشه‌رده ائیله‌سینله‌ر، لۆطفیله بیر ایشاره
نوحه طفلان مسلم-شاعر:نائح
مسلم اۇشاغلارێنێن نوحه‌سی-نوحه طفلان مسلم-شاعر:نائح
برای دانلود قطعه ای از نوحه حاج جواد رسولی زنجانی درباره طفلان معصوم مسلم و همچینین اوخْشامای حاج جواد رسولی زنجانی و حاج اصغر زنجانی –مداح دلسوخته- به پست "دانلود اوْخشاما،شاخسئی و نوحه" و یا به لینك پیوندها "دریافت فایل های صوتی وبلاگ" مراجعه نمایید.
آللاه ریضاسی رحم ائت، بیز بینه‌وایه حاریـث
دوْران بیزی سالێبـدێر، یۆز میـن بـلایه حاریث
ائتـمـــه بیــزه اذیــت، سـالمـــا بیـــزی ایــاغـــه
هئچ كیمسه اؤز ائوینده، ظۆلم ائیله‌مه‌ز قوْناغــه
ظالێــم مــروت ائیلــه، ایكــی یتیــم اۇشــاغـــه
بیر كیمسه یوْخ یئتیشسین، آخه‌ر هرایه حاریث
ال ساخـلا چكـمه خنجـه‌ر، پئیغـه‌مبه‌ره باغێشـلا
شیر-ی-خۇدایـه گـل گئـچ، اول سروه‌ره باغێشـلا
قان یاش تؤكه‌ن سیته‌مده‌ن بۇ گؤزلـه‌ره باغێشـلا
اوْلسـا گـۆنـاهێمێـز گئـچ، خیـر-وْ-النسایـه حاریث
دهرین سیته‌مله‌رینده‌ن، گؤز یاشێ قان اوْلۇرمۇش
آیری دۆشه‌ن وطه‌نده‌ن، شوغلی فغان اوْلۇرمۇش
دۆشمه‌ن الینده قالدێق، غۆربه‌ت یامان اوْلۇرمۇش
اؤلسـه‌ك بیــری تاپێلـمــاز، گلسیـن عزایه حاریث
ائــی كاش گلمییئیـدیــك، بیــز بــــۇ دییـــاره آخــــه‌ر
قـــوْم-وْ-قبیلــــه‌میــزده‌ن دۆشـــدۆك كنـــاره آخـــه‌ر
رحــم ائیلــه حـــق ریضاســـی، بــۇ آه-وْ-زاره آخــه‌ر
شیوه‌ن سسی یئتیشمیش، اوْج-ی-سمایه حاریث
یـوْخ اۆستـۆمۆزده آچسێن، بیكه‌س آنام باشێنـێ
زولفیـن یوْلـۇب یۆزینـه، تؤكسـۆن گـؤزۆن یاشێنێ
قارداش یانێنـدا ظالێــم، اؤلـدۆرمـه قــارداشێنــێ
دۇر بیــر خییـال ائیلـه بــۇ مـاجــه‌رایــه حــاریـــث
غــۆربه‌ت ویــلایـه‌ت ایچـره، كیمسـه پناهیمیــز یوْخ
چـاره یـوْلـۇ كسیلـمیــش، بیــر دادخـــاهیمیــز یــوْخ
اؤلدۆرمه بیز یتیمی، بئلله‌ه [باللـه] گۆناهیمیـز یـوْخ
قلبیــن نـده‌نــدی یانمــاز، بـــۇ آه-وْ-وایـــه حــاریــث
ائتــدی بیــزی وطـه‌نــده‌ن، بــۇ گردیشــئ زمـانه
قوـْم-وْ-قبیلــه گؤرمــه‌ك، گلمــه‌ز داخێ گمــانــه
كس زولفیمیــزی گـؤنــــده‌ر، باجێمیــزا نیشــانــه
قارداش دئسیــن دالێجـا، باتسێــن قرایـه حاریـث
اوْلسـا گـۆناهێمیـز گئـچ، سن خالیق-ی-جلیله
گـل بیــر ثــواب ائیلــه، اوْل بیـزلـــه‌ره وسیـلــه
تیكمیـش یـوْلــۇمــوزا گــؤز، بــاجــێ آنـا قبیلــه
رحم ائیله‌مه: یئتیمه، خوْشدۇر خۇدایـه حـاریث
دۆشمــۆش غــم-وْ-بـلایـه، بـۇ نائح-ی-پریشان
نوحه یازار همیشـه، شوغلـی اوْلۇبــدۇر افغـان
محشه‌ر گۆنۆ باغێشلا، جورمین خـۇدای مننـان
اوْلمـۇش دخیـل ازه‌لــده‌ن، آل-ی-عبایـه حاریث
نوحه قتلگاه- یحیوی
زینب(س) فتلگه‌هده قارداشێنا نوحه دئییر- شاعر: یحیوی
در این نوحه كه روز عاشورا خوانده می شود، مصراع " حۆسئینیم وای حۆسئینیم وای" بعد از هر مصراع تكرار می شود و هنگامی كه دسته عزاداری ظهر عاشورا وارد مسجد می شود، نوحه خوانی این نوحه را مداوم و بدون اینكه شاه‌بیئت آن توسط سینه زنان تكرار شود. خوانده میشود. و مناجات نیز گفته می شود. و این نوحه نیز از آن ماندگارهای ادبیات مرثیه است كه اكثر مردم ترك لااقل بیتی از آن را حفظ هستند.
حۆسئینیم وای حۆسئینیم وای
حۆسئینیم وای حۆسئینیم وای
یــــارالارۇن آخــــــار قانــــــــــێ
ائــده‌ر گـــۆلنـــارێ مئیــدانــــێ
باجـۇن قۇربان باشــۇن هـانـــێ
حۆسئینیم وای حۆسئینیم وای
سینــوْن اۆستـه یاروْن چـوْخـدۇر
تمـــامـــــی نیــــزه-وْ-اوْخـــــدۇر
اؤپــه‌م بۆســه یئـــری یــوْخــدۇر
حۆسئینیـم وای حۆسئینیـم وای
سـۇسـۇز الـده اؤلــه‌ن قــارداش
یـارالـــێ جــان وئــره‌ن قــارداش
هانــێ اوْل پیـره‌هــه‌ن قارداش؟
حۆسئینیم وای حۆسئینیم وای
سن اؤلـدۆن دۆشمنـۇن قالــدێ
سنـــی اؤلـــدۆردۆ كـــام آلــدێ
یــۆزۆ اۆستـــه نـده‌ن ســالــدێ
حۆسئینیم وای حۆسئینیم وای
گـــره‌ك قـــان آغـلاسێـن زینـب
جـهــانــی داغـــلاسێــن زینــب
سنـه یاس ساخـلاسێــن زینـب
حۆسئینیم وای حۆسئینیـم وای
باشــۇن یـــوْخ ایشتیــاغـۇنـدان
اؤپـــه‌م قــارداش دوْداغــۇنــدان
اؤپــۆم قــوْی مــن آیاغــۇنـــدان
حۆسئینیم وای حۆسئینیم وای
یئتیــــرره‌م نالـــه‌مـی عــرشــه
سینـوْن گـؤرره‌م دؤنـۆب فــرشه
آیــاق رددی ســالێـــب نقشـــه
حۆسئینیم وای حۆسئینیم وای
بـۇلـود تك دوْلمــایایێــم نئیلیــم
پریشــان اوْلمـــایێــــم نئیلیــــم
باش آچێـب یوْلمــایێــم نئیلیــم
حۆسئینیم وای حۆسئینیم وای
نـه بــی‌اینصـافیـمـیــش عــدوان
لیبــاســـۇن ائیلـئـیـیــــب تــالان
قـوْیــۇبــدور نعشــۇوو عــوریــان
حۆسئینیم وای حۆسئینیم وای
ائدیــم قــوْی قانیلــه‌ن رنـگیـــن
بــۇ زۆلفیــم تــا تـاپـام تسـكیـن
تاپـام تسكیــن دگیــل مومـكون
حۆسئینیم وای حۆسئینیم وای
بۇ نوحه‌نی عاشورا گۆنۆ دسته مچیده قایێدان دان سوْرا اوْخۇرلار و میناجات دا دییه‌رله‌ر، هامی قان آغلار، اۆره‌گ یاندیران بیر نوحه، اۆره‌گ یاندێران بیر دۇرۇمدا اوْخۇنسا اۆره‌گ قالار. بو نوحه ده ائله اوْ قالان آثاردان بیریدی، تۆرك تاپمازسان بۇندان لاپ آزێ بیر بئیت حیفظ اوْلمایا.
نوحه شهادت امام- حسینی
ایمامین شهاده‌تی نوحه‌سی – شاعر: حسینی
بیر یوْلداش ایسته‌میشدی حاج سلیم اوْخۇیان نوحه‌له‌رده‌ن یازام. بۇ نوحه‌نی ده حاجی ایجرا ائدیب امما حاییف كی اوْندان بیر صوتی فایل هله‌لیك اله گتیرهنمهدیم. و ائله نوحه‌نین متنین یازا بیلدیم.
گؤردۆ قوْدسییان جان وئریر حۆسئن، گیزله‌نیر نفه‌س تازه قان گلیر
دسته-دسته نئیزه وۇران گئدیر، ائیله‌ییب هوجوم اوْخ آتان گلیر
بیر نفه‌ر دئمیر بۇ كؤمه‌كسیزی بیر بئله جماعـه‌ت نــده‌ن وۇرۇر
نه گۆناهی وار بۇ اوْغۇلسۇزۇن، اشقییایـئ دوْر-وْ-زمه‌ن وۇرۇر
قربتا" الـی‌الله خییالـی وار، هر گلــه‌ن وۇرۇ، هـر گئــده‌ن وۇرۇ
العطه‌ش دئییر شاه-ی-مشرئقئین، اوْخ وۇران گئدیر، داش وۇران گلیر
بیـر سئپئهــریـدی قانلـێ پئیكــه‌ری، وار یـارالاریلـه كـواكئبــی
بیر یارالێ قێرخ مین نفه‌ر قوْشۇن، گؤر بۇ مطله‌بین وار تناسوبی
وۇرمــاق اۆستــه وحشی عره‌بله‌رین، بیربیرینـه واردێر تعاقوبی
وئرمیــری امـان قوْم-ی-كوفییان، حرمه‌له گئده‌نده سنان گلیر
شام-وْ-كوفه‌نین قان تؤكه‌نله‌ىی دوْر-وْ-برده چۆن حلقه‌یئ نئگین
بیر یارالێ‌نێن دوْره‌سین آلێب، دیلده ائقتئلو، الده تیغ-ی-كین
بۇ هوجومه ووْسعه‌ت وئریر مگه‌ر، قیطعه-قیطعه بیر جیسمئ نازه‌نین
عیلله‌تی بۇدۇر مونته‌ظیر دۇرۇب، شامییان گئده‌ر، كوفییان گلیر
جددی خاتم‌الانبیا ائده‌ر، باشێ اۆسته قۇرآن تلاوه‌تی
نوْه فله‌ك ده افلاكییان گؤرۆر، كربلاده برپا قییامه‌تی
رسمدیر كی اوْغلۇ اؤله‌نله‌ره، هر گله‌ن وئریر باش سلامه‌تی
وئرمه‌گه تسه‌للی پئیه‌مبه‌‌ره، خوْلدییان گئده‌ر، قوْدسییان گله‌‌ر
فاطیمه آچێب باشێنێ گلیر، اوْغلۇنۇن سیله قانلێ گؤز یاشێن
قتلگه‌هده امما دۇرانمۇرێ، چۆن گؤرۆر كسیر شئمر اوْغۇل باشێن
خئیمه‌ده‌نده زولفین یۆزه سالێب، گؤرمه‌گه گلیر باجێ قارداشێن
قتلگه‌هده وار چوْخ گلیب گئده‌ن، زولف آچان گئدیر، باش آچان گلیر
فاطیمه قێزی زینبین آلێب، دوْره‌سین بلا میثلئ داییره
وامحمدا دیلده گه قاچار، قارداشێ حۆسئن جان وئره‌ن یئره
گه گلیر خییام-ی-ایمامه‌ته، خێردا قێزلارا تسلییه‌ت وئره
گئتمه‌گی حزین، گلمه‌گی غمین، باغرێقان گئدیر، خونفیشان گلیر
خئیمه‌له‌ر‌ده‌ن عوْلیا موكه‌رره‌مه، قتلگاهه بیر باش اوْلۇر روان
باشدا اللـه‌ری، یۆزده زولفله‌ری، روحی موضطرب، جیسمی ناتوان
قاردشا حیمایه‌ت ائده‌نمیری، امر ائدیر قایێت شاه-ی-اینس-وْ-جان
سرزه‌نان قوْیۇر خئیمه‌گاهه یۆز، ناتوان گئدیر، سرزه‌نان گلیر
موخته‌لیف خییالیله چوْخلارێ،ائیلیری تره‌ددود اوْمقته‌له
قبض-ی-روحه عزرائیل آختارێر، سالیم عضوینی سالماغا اله
زینبی گلیر جانفیشانلێغا، كسمه‌گه باشێن شئمر-وْ-حرمه‌له
عرصه‌یئ قییامه‌تدی قتلگه، جانفیشان گئدیر، جانسیتان گلیر
وار حۆسئن عزاخانه‌سینده چوْخ، شوْكه‌ت-وْ-جلال، عیززه‌ت-وْ-شره‌ف
ظۆلمدیر حسینی اؤز عؤمرینی، اؤزگه یئرده هر كس ائده تله‌ف
باطئنه‌ن مله‌كله‌ر نوزول ائده‌ر، كسب-ی-فئیضه بۇ بزمه صف‌بئصه‌ف
ظاهیره‌ن گؤره‌ر بۇردا اگله‌شه‌ن، روضه‌خوان گئدیر، نوحه‌خوان گلیر
نوحه حضرت زینب(س)
قوْشۇن تؤكۆلۆب اخیامه اخا- زینبین یاردێم ایسته‌مه نوحه‌سی
استمداد حضرت زینب از برادر-شاعر: یحیوی
گل هارداسان قارداش آمان، تئز گل حۆسئینیم گل
دوْلدۇ خییامه كوفییان، تئز گل حۆسئینیم گل
آتلێ پییاده یۆز قوْیۇب، اخیامه هر یئرده‌ن
چێخمێش سمایه قوْرخۇلۇ، سسله‌ر عره‌بله‌رده‌ن
خێردا بالالار قوْرخۇشۇر، قارداش بۇ سسله‌رده‌ن
تا ائیله‌مه‌زله‌ر بیر زامان، تئز گل حۆسئینیم گل
بۇ های-وْ-هو، بۇ كئشمه‌كئش، زینب نده‌ن اؤلمه‌ز
سنده‌ن سوای هئچ كس منیم، احوالیمی بیلمه‌ز
هئی سسله‌ره‌م باعیث ندیر، قارداش سسین گلمه‌ز
گر یاتمێسان، یاتما اوْیان، تئز گل حۆسئینیم گل
بۇ خئیمه‌لرده بیر بؤلۆك اهل-ی-عیالون وار
السیز ایاغسیز طیفل وار، باشێ بلالون وار
تأخیر ائدیرسه‌ن بیلمیره‌م، هانسێ خییالون وار؟
بۇ سیرره باغرێم اوْلدۇ قان، تئز گل حۆسئینیم گل
عوْره‌ت‌له‌ره شرعه‌ن جهاد اوْلسئیدی ائیله‌ردیم
من دوْخته‌ر-ی-شیر-ی-خۇدایه‌م، جنگی باشلاردێم
حمله ائدیب بۇ لئشگه‌ری، نابود ائیله‌ردیم
اشراره وئرمه‌زدیم آمان، تئز گل حۆسئینیم گل
صبر ائت باجێ، صبر ائت باجی، ائی زار-وْ-دیلخه‌سته
ایمدادیوه گلله‌م سنین، آهیسته-آهیسته
دۇرماغا یارا یوْخ، سۆرۆنله‌م اللــه‌ریم اۆسته
قلبیم یانێر ائتمه بیان، تئز گل حۆسئینیم گل
بۇ هیممه‌ته، بۇ غئیره‌ته قۇربان باجۇن زینب
گلمه بۇ نوعی ریققه‌ته، قۇربان باجۇن زینب
چوْخدۇر یاران گئت راحه‌ته، قۇربان باجۇن زینب
بیره دییه‌م ائتمه گۆمان، تئز گل حۆسئینیم گل
یاز یحیوی ائفرادله‌ر، ایسته ولی حاجه‌ت
قصد-ی-زییاره‌تله مقام-ی-پاكه قێل نیت
بیر اربه‌عین باب-ی-حۆسئین اوْلسا سنه قیسمه‌ت
قبرینده قێل وئرد-ی-زبان، تئز گل حۆسئینیم گل
سون وداع نوحه سی
ایمام سوْن ویداعدا باجێ‌سێ زینب بئله دئییر- نوحه وداع- شاعر:یحیوی
بۇ نوحه‌نی حاج سلیم مؤذن چوْخ گؤزه‌ل اوْخۇیوب (اینشاءالله الیمه گلسه اوندان بیر كیچیك صوتی فایل وئبه قویارام)
منیم پناهێم اۇمۇدێ‌قاهێم، دایان حۆسئینیم سنه سؤزۆم وار
اؤپــۆم آیاغـۇن یانـان دوْداغـۇن، آمان حۆسئینیم سنه سؤزۆم
دایــان بـــراده‌ر عــزیــز-ی-مــاده‌ر، گلیـر دالــۇنجـا پییـاده زینب
هـارا گئدیرسن؟ شێتاب ائدیرسن، قالۇبدێ بحر-ی-بلاده زینب
نـه چــاره ائیلیــم یانـێـر بـۇ قلبیـم، چكیبدی دردی زییاده زینب
وێداع-ی-آخێر توقف ائت بیر، زامان حۆسئینیم سنه سؤزۆم وار
باجۇوا لۆطف ائت بیر آز دایان گئت، آماندێ قارداش آماندێ اؤللـه‌م
گـؤزۆمده یاشێـم آغـاردێ باشێم، غمیم بیلیرسن گێراندێ اؤللـه‌م
اَییلدی قددیم، یارالێ قلبیم خـده‌نـگ-ی-ظۆلمــه نشاندێـر اؤللـه‌م
تـره‌ححــوم ائیلــه آتــۇوا وئرمه، عنان حۆسئینیم سنـه سـؤزۆم وار
بــۇ عیــدده قێــزلار غمــه گێریفتــار، حره‌مسـراده قالێبـدیـر آغـلار
اوْ فوْجــێ آیــا بــۇ چــؤلـده تنهــا، بلالـێ زینب نه نؤعـی ساخـلار
تعـه‌جــوبیـم وار مگـــه‌ر آتــالار، بالالارێنـــێ بــۇ نحـــوی یـــوْخــلار
كؤمه‌كله‌ری یوْخ، بلاله‌ری چوْخ، اینان حۆسئینیم سنه سـؤزۆم وار
اگه‌ر بـراده‌ر قــایێتمـاغێــن وار، اوْ كؤهنــه كـؤینــه‌ك ندیـر بـده‌نـده
اۆره‌ك سێخیلدی ائویم یێخیلدی، اوْ كؤینـه‌گی سن آلێب گییه‌نـده
منــه بس اوْلـدۇ، مشخـص اوْلدۇ، سنـی سـوْیارلار یقیـن اؤلـه‌نـده
همیشه مغموم همیشه مظلوم، اوْلان حۆسئینیم سنه سؤزۆم وار
قێــزۇن رقیــه دییــه‌نــده عمـه، هـانـێ بابام بس ائـــدیم نـه چـاره
نئجــه دئییــم مــن گئــدیبدیر الان، خیامــه گلمـــه‌ز بابــوْن دۇبــاره
اوْ باغــرێ قـانـــلار اوْ آغــلایـانــلار، بـالالارۇنـــدۇر ائـــدیـــر نظـــاره
آتێب گئدیرسن اوْلارا سن سن، گۆمان حۆسئینیم سنه سؤزۆم وار
قتلگاه نوحه‌سی-شاعر: دلكش
قتلگاه نوحه‌سی-شاعر: دلكش
دئ مرتضی‌یه ائی صبا حۆسئن یارالێ جان وئریر
اله‌ست ده ائتمیش عهدینین، وفاسینی نیشان وئریر
علی ولی-ی-ذوْالجلال، فله‌كده دود-ی-آهه باخ
رعییته قوْناق گله‌ن، كره‌ملی پادیشاهه باخ
اگه‌ر حۆسئینین ایستیسه‌ن، گل گوْد-ی-قتلگاهه باخ
گۆن ایستیسه‌نده تئشنه لب، خۇدایه ایمته‌حان وئریر
دوْلۇبدۇ كربلا چؤلۆ صئدای های-وْ-هوییله
قوْشۇن ائده‌للــه‌ر هلهه‌له، عجیبه گوْفتئگو ایله
حۆسئن دۆشۆبدۆ سجده‌یه، خوضوعیله خوشوعیله
خۇدای لامكانه اؤز، مرامینی نیشان وئریر
حۆسئینیوین قیتالینه، سیپاه-ی-كوْفر ائدیب قییام
قێلیج وۇراندێ اوْخ آتان، دۇتۇبدۇ دوْره‌سین تمام
نه اوْغلۇ وار نه قارداشێ، وحید دیر غریب ایمام
عداوه‌ت-ی-قدیمینی نیشان اوْ شامییان وئریر
بصیره‌تیله گؤرمیری، بیری شرار-ی-آهێ‌نێ
قوْیۇبلا چشم-ی-تر هامێ، عیال-ی-بی‌پناهینی
داشیله داش اۆره‌كلی‌له‌ر، وۇرۇبلا سجده‌گاهینی
صئدای وامحمدا، تمام-ی-قوْدسییان وئریر
خییال ائدیبدی شاه-ی-دین، وئره نمازه ایمتییاز
آلێبدێ قانیله وضو، قێلا اوْ حالیده نماز
قۇرۇب اوْ گیرداریده، چوْخۇر یئر اۆزره بزم-ی-راز
نهان-ی-سیرری عاله‌مه، اوْ نوعیله نیشان وئریر
شهین اوْ قانلێ صۆره‌تی، اوْلۇبدۇ جیلوه‌گاهئ نور
كلیم وارئثی ائدیب، چۇخۇر یئری مئثال-ی-طور
یۆزۆن قوْیۇبدۇ توْپراغا، دیلینده ذكر-ی-یا غفور
نجات-ی-امته دوعا، اوْ شاه-ی-اینس-وْ-جان وئریر
یئتیشدی جئبره‌ئیل اوْ دم، قانادێن ائتدی سایه‌بان
گؤز آچدێ حال-ی-سجده‌ده، عزیز-ی-حی‌یئ لامكان
گؤره‌ن كیمی اوْ سایه‌نی بۇیۇردۇ كیمسه‌ن، ائت بیان
سنین بۇ سایه سالماغێن، ویجودیمی نهان وئریر
ایمام-ی-كۆلل-ی-عاله‌مه، جواب وئردی جئبره‌ئیل
كه ائی ویجودی طییئبی، اوْلان یارانمێشا دلیل
امین-ی-وحی-ی-خالئقه‌م، بۇ گۆنده گلمیشه‌م دخیل
ازه‌ل كی دایه شهپه‌رین، بۇ گۆنده سایه‌بان وئریر
بۇیۇردۇ شاه-ی-اینس-وْ-جان، چكیل كناره جبره‌ئیل!
گره‌ك بۇ حالیمه بابام، ائده نیظاره جبره‌ئیل
گؤره نه نوع سان وئریر، بده‌نده یاره جبره‌ئیل
بئله منه نئجه جفا، بۇ گۆن بۇ كوفییان وئریر
...
همیشه دلكئش ائتگیلهن توه‌سسول آل-ی-حئیده‌ره
حۆسئن دامه‌نین تۇتان، اوْلۇر اۇمۇد اوْ سروه‌ره
مودام نوحه یازگێلان، عزیزه شاه-ی-محشه‌ره
خۇدا اوْنۇن جزاسینه، بئهشت-ی-جاودان وئریر
زینب نوحه سی
سكینه خاتون ساریبانلار عممه‌سی زینبی وۇراندا بئله دیلله‌نیر:
شاعر: لاادری؟
ائـی ساریبانـلار وۇرمـایێن عممـه‌م حیالـی زینبی
رحم ائیله‌یین، اینجیتمه‌یین، یاسلێ عزالێ زینبی
فـریـاد-وْ-دادێـن ائتمـه‌یین، الـده بهـانـه وۇرمـایێن
دؤنده‌رمه‌یین گؤز یاشێنێ، ظۆلمیله قانه وۇرمایێن
بسدیر اسیر ائتدیز داخێ، چوْخ تازییانه وۇرمایێـن
معصومـه‌دیر فرض ائتمه‌یین، سیز لااوْبالێ زینبی
زولفیـن آنـام زهـرا كیمــی، آلسا اله چكسـه فغـان
تشكیل-ی-دونیانی پوْزار، شور-وْ-نشور ائیله‌ر عیـان
امما اؤزۆ عهد ائیله‌ییب، وئرسین بابام تك ایمته‌حان
اوْ [ ... ... ... ]* ائله‌ییب، صبــــره وفـالـــی زینبـــی
بــدر-وْ-اوْحــوْد قئیـدینـده ائــی، آل-ی-امیـه قالمـایێــن
شیر-ی-خۇدا هر قان تؤكۆب، دادێن بی‌بیمده‌ن آلمایێن
اینصـاف ائدیـن ائـی كـوفییان، جبره‌ن ایاغدان سالمایێن
بــاغ-ی-ویــلایـه‌تـده اوْلان عیصمــه‌ت نهــالـــی زینبــی
الـده‌ن گئـدیب قارداشـلارێ، یـوْخ چـاره‌سی بیچاره‌دیر
از بـس وۇرۇبسـۇز كـؤینــه‌گی، اگنینــده پـاره-پاره‌دیــر
قـــوْلـــلارێ [.... ]*، نیلــــی اوْلـــۇبـــدۇر یــــاره‌دیـــر
قانیلــه قمچــی ائیلــه‌ییــب، باشــێ حنــالـی زینبـی
مـؤهلـه‌ت وئـرین بـۇ بینـه‌وا، ائتسیــن دؤیــۆنجــا آه-وْ-وا
قـارداش دییـه‌نـده وۇرمـایێـن، آز ائیلـه‌ییــن جـور-وْ-جفـا
قـارداش یانێنـدا باجێنــێ، وۇرمـاق دگیـل شـرعـه‌ن روا
یـوْخسا مـوسه‌لمـان بیلمیسیز، باشــێ بلالـی زینبی
ایخطـار ائدیــب بــۇ امتـه، جـددیم رسـول-ی-كردیـگـار
وار حۆرمه‌تی هر كیم حره‌م، آهۇسینی ائتسـه شیكار
جددیمـده‌ن اصلــه‌ن ائتمه‌دیز، ائی بیحیا‌له‌‌ر ننگ-وْ-عار
سالدێــز بــۇ دام-ی-زیللــه‌تــه، كعبـــه غزالــی زینبی
قــارداش غمینـه هــر باجـێ، لازێمـدێ سینه داغلاسێن
سیـزی وئرمیسـیز بارێ امان، عممه‌م دوْیۇنجـا آغلاسێن
یاره‌دی قـوْلـۇ عممـه‌میـن، كیم بس یاراسـێن باغلاسـێن
ائـی كـاش آنـام زهـرا گلیـب، گؤرســۆن یارالــێ زینبـی
تـاراج ائـدیبسـیــز معجــه‌رین، قانیلـه گــؤز یاشێـن قاتێب
قمچــی یئرنـــده‌ن قـان آخێـب، زولفـی یـۆزۆ قانــه باتێب
[ ]*، اؤز فیكـرینـی باشــدان آتێـب
فیكـر-ی-خییال-ی-اهل-ی-بئیت، ائیلیب خییالـی زینبـی
* - بو نوحه‌نی بیر ال-یازمادان، تایپ ائله‌میشه‌م آنجاق بیر نئچه یئرده اوْنۇن یازێلارێن اوْخۇیا بیلمه‌دیم
اربعین نوحه‌له‌ری
ائی پادیشاه-ی-ائنس-وْ-جان، قارداش حۆسئن گلدیم اوْیان
هئجرونده گؤگلۆم اوْلدۇ قان، قارداش حۆسئن گلدیم اوْیان
شاعر: دلریش
----------------
ائی گئچه‌ن ایكی قوْلۇندان، صاحیب-ی-عله‌م قارداش
شـامیــده‌ن گلیـب گئتسیـن، یثـریبــه حــرم قــارداش
شاعر: سعدی زمان
-----------------
یا حۆسئین آدێن فداسی، اربعین‌دی ماته‌میندیر
شیعه‌لـه‌ر گلیـب فغانه، موسئم-ی-زیارتیـن دیـر
شاعر: افقر
-----------------
قافیله‌یئ غم دوباره گلدی دشت-ی-نئینوایه
زینب-ی-سییاه معجـه‌ر، تازه‌ده‌ن باتێب قـرایه
شاعر: نائح
*******************************
یا حۆسئین آدێن فداسی، اربعین‌دی ماته‌میندیر
شیعه‌لـه‌ر گلیـب فغانه، موسئم-ی-زیارتیـن دیـر
ــــــــــــــــــــــــــــــــــ
ائی شه-ی-نجف بالاسێ، شیعه‌له‌ر آدۇن فداسی
خنجـه‌ر و قیلیـج یاراسێ، پئیكـه‌روندا نازه‌نیـن دیـر
ـــــــــــــــــــــــــــــــــــــ
هر غریبدیر كفه‌ن پوش، هر بلانی ائیله‌ییب نوش
آلتێ ساعه‌ت اولدۇ بیهوش، خلقه واضح-وْ-یقین دیر
ــــــــــــــــــــــــــــــــــ
آغلا بۇ حۆسئینه آغلا، بۇ غریبه یاس ساخلا
وۇر باشا دیزین قوْجاقلا، رحمت-ی-لئلعاله‌مین دیر
ــــــــــــــــــــــــــــــــــ
آغلا بۇ شه-ی-غریبه، بۇ غریب-ی-غم نصیبه
آغلا درد-ی-بی‌طبیبه، چون شفیع-ی-مذنبین دیر
ــــــــــــــــــــــــــــــــــ
شیعه وئر صدا صدایه، تئشنه كام –ی-كربلایه
بۇ عزاده بات قارایا، نوحه خوان روح-وْ-الامین دیر
ــــــــــــــــــــــــــــــــــ
راوی ائیله‌ییب ریوایه‌ت، بیرجه دیل غمین حیكایه‌ت
اربـعیـن گــۆنــۆ زیــارت، اینـدی كـربـلا غمیـن دیــر
ــــــــــــــــــــــــــــــــــ
زائــر-ی-مــدینـه جــابــر، كـــربـــلا چـــؤلینـده حـاضیــر
بیر طره‌فده‌ن اوْلدۇ ظاهیر، شور-ی-محشه‌ره قرین دیـر
ــــــــــــــــــــــــــــــــــ
جابر اوْل وفا نصیبی، گؤردۆ امر-ی-بۇ عجیبی
آستانیده حبیبی، باش قوْیۇب یاتێب امین دیر
ــــــــــــــــــــــــــــــــــ
اوْلدۇ شامی ده خرابه، منزل آل-ی-بۇترابه
باغلانێبدێلار طنابه، رئشته‌ی حبل المتین دیر
ــــــــــــــــــــــــــــــــــ
دۆشدۆ زینب اضطرابه، غش ائدیب دۆشۆب ترابه
احتیاجی یوْخ گولابه، كـربـلا چـوْخ عنبــریـن دیــر
ــــــــــــــــــــــــــــــــــ
افقــر ائیلــه شـــور-وْ-غــوغــا، كــربـلانـی ائیلـه مـأوا
شور-ی-محشه‌ره ائیله برپا، روضه‌یئ خلد-ی-برین دیر
شاعر: افقر
********************
قافیله‌یئ غم دوباره گلدی دشت-ی-نئینوایه
زینب-ی-سییاه معجـه‌ر، تازه‌ده‌ن باتێب قـرایه
ــــــــــــــــــــــــــــــــــ
قبــر-ی-پـاكـه یئتمـه‌میش كیـم، دۇردۇ بیــر ازه‌ل دایـانــدێ
رنگی سوْلدۇ دۆشدۆ بیهوش، بسكی قلب-ی-زاری یاندێ
سپــدی ســۇ یــۆزینــه بیمــار، آچــدێ گــؤزلـه‌رین اوْیاندێ
چكـدی تـا اؤزیـن یـئتیــردی، قبـــر-ی-شـــاه-ی-كربـــلایــه
ــــــــــــــــــــــــــــــــــ
دیل آچاندا اووه‌ل-ی-امر، اوْلمادێ دیلـی دانێشسێن
تـا گلیـب دئـدی بـراده‌ر، كاش كـی بـۇ زینب اؤلسۆن
من نئجه گؤرۆم مزارین، كاش گؤزله‌ریـم كوْر اوْلسۇن
هاردادێر اجه‌ل كی وئرسین، عؤمریمی منیـم فنایـه
ــــــــــــــــــــــــــــــــــ
مــن فــدا سنیـن وفـاوا، ائــی عـزیز-ی-جان براده‌ر
باش گؤتۆر مزاریده‌ن دۇر، باشێمه اوْلـۇب نه كۆللـه‌‌ر
سن اؤله‌ن سوْرا گؤرۆبدۆر، بۇ باجێن نه قاره گۆنله‌ر
دستگیر اوْلۇبدۇ شئمر-وْ-ائبن-ی-سعد-ی-بی‌حیایه
ــــــــــــــــــــــــــــــــــ
سن شهید اوْلۇب داغێلدێ، شؤكه‌ت-وْ-جلال-وْ-جاهێم
اۆستۆمه قوْشۇن تؤكۆلدۆ، یاندێ جۆمله خئیمه‌گاهیم
چادریــم تالانــدێ بــاشــدان، اوْلمــادێ بیــر پنـاهیـم
تـاپمـادێـم اومـۇد قـارداش، یـالـوارێب گئـدیـم هـارایـه
ــــــــــــــــــــــــــــــــــ
باش آچێــق بــۆره‌هنــه نــاقــه، زینبــون سـوار اوْلۇبدۇر
كوفه ده‌ن دییار-ی-شامه، شئمر-ی-دون دوْلانـدێرێبدیر
چارسوده خلق ایچینده، اهـل-ی-بئیتی ساخـلاییبـدیر
صف بئصه‌ف ائدیب تماشا، دۆشمه‌ن آل –ی مصطفی‌یه
ــــــــــــــــــــــــــــــــــ
جۆمله غمله‌رینده‌ن آرتێق، بیرجه غم منی آلێبـدێر
چوْخدۇ خیجله‌تیم براده‌ر، نه دئییم بیله‌ن نوْلۇبـدۇر
بیــر رقیــه آدلــێ نـازلـێ، خورداجا قێزین اؤلۆبدۆر
آج خرابه تــوْپـراق اۆستـه، دردی یئتمـه‌دی دوایـه
ــــــــــــــــــــــــــــــــــ
ساچـلارێــم آغـاردێ غمــده‌ن، بسكــی آه-وْ-نـالـه قێلدێم
گؤزله‌ریم دۆشۆب اێشیقده‌ن، آغلادێم زئ بس كوْر اوْلـدۇم
اؤز ائـویمـی یاخشـێ یێخــدێـم، من نئجه بۇ دشته گلدیم
اینـدی گــؤر قالێبـدێـر حســـره‌ت، لئیلـی تـك آنــا بـالایــه
ــــــــــــــــــــــــــــــــــ
نائحــا حــۆسئینــه هــر كــس، زائــر اوْلســا اربـعیــن ده
وار یقین اوْ شخص-ی-مؤمئن، یوْخ هراسی جان وئره‌نده
ائــی خــودا نصیــب ائیلــه، بیــرجــه اربعیــن گــۆنــۆنده
زائر اوْلسۇن اهل-ی-مجلیس، جۆمله شاه-ی-كـربـلایـه
شاعر: نائح
********************
ائی گئچه‌ن ایكی قوْلۇندان، صاحیب-ی-عله‌م قارداش
شـامیــده‌ن گلیـب گئتسیـن، یثـریبــه حــرم قــارداش
ــــــــــــــــــــــــــــــــــ
ائی آتام علی اوْغلۇ، ائی وفالی قارداشێم
دۇر پوْزۇلدۇ پرقاریم، ائی رشید عله‌مداریم
بیز گله‌نده یثریب ده‌ن بۇ بلالی صحرایه
پاسبانیدی یوْلدا، سن بنات-ی-زهرایه
ایندی یوْخ اوْلا اكبر، سرپرست-ی-لئیلایه
قالمایێب منه محره‌م، بیر نفه‌ر خده‌م قارداش
ــــــــــــــــــــــــــــــــــ
ائی آتام علی اوْغلۇ، ائی مه-ی-بنی هاشم
قئبله‌گاه-ی-آمالێم، ائی وفالی قارداشێم
سن شهید اوْلان گۆنده‌ن، قان اوْلۇبدۇ گؤز یاشێم
دم‌بئده‌م گلیب موجه، گؤزله‌ریمده یم قارداش
ــــــــــــــــــــــــــــــــــ
تا بۇ غملی صحراده، تاپدێ ال سنه لئشگه‌ر
قارداشێم حۆسئن اؤلدۆ، یاندێ خئیمه‌له‌ر یئكسه‌ر
قالمادێ بنی هاشم، قێزلارێندا بیر معجه‌ر
سؤیدۆ آل-ی-اطهاری، فرقه‌یئ ظؤله‌م قارداش
ــــــــــــــــــــــــــــــــــ
هاشمی‌له‌ر اهل-ی-شامه، گؤر نه دستگیر اوْلدۇ
مه جبین بالا قێزلار، باش آچێق اسیر اوْلدۇ
پاسبان خاتونه، فرقه‌یئ شریر اوْلدۇ
سرو قددیمی ائتدی، بۇ قضیه خم قارداش
ــــــــــــــــــــــــــــــــــ
بۇ سفرده اندوهیم، گرچه چوْخ مزید اوْلدۇ
قددیمی بۆكه‌ن امما، مجلیس-ی-یزید اوْلدۇ
بیر مقامه ایش چاتدێ، دۇرماغێم شدید اوْلدۇ
زیر-ی-تار-ی-قلبیمده‌ن، اوْلدۇ ناله بیم قارداش
ــــــــــــــــــــــــــــــــــ
قلبیمی بۇ نیسگیل چوْخ، گتدی محنت و درده
جان خرابه ده وئردی، بیر بالام قۇرۇ یئرده
حالینه باخێب تؤكدۆم، گؤزیاشێ روْخ-ی-زرده
قالدێ بی‌كفه‌ن دوْخت-ی-شاه-ی-مؤحته‌شه‌م قارداش
ــــــــــــــــــــــــــــــــــ
گنج-ی-عیصمه‌ته مدفه‌ن، اوْلدۇ كوْنج-ی-ویرانه
آل حیدرین اشكین، دؤنده‌ریب بۇ غم قانه
اوْل گۆل ایله ویرانه، دؤندۆ بیر گۆلۆستانه
رشك ائده‌ر اوْ گۆلزاره، گۆلشه‌نه ارم-ی-قارداش
شاعر: سعدی زمان
********************
ائی پادیشاه-ی-ائنس-وْ-جان، قارداش حۆسئن گلدیم اوْیان
هئجرونده گؤگلۆم اوْلدۇ قان، قارداش حۆسئن گلدیم اوْیان
ـــــــــــــــــــــــــــــــــــــــــ
شامه گئده‌نده جیسمیوی، عوْریان قوْیۇب گئتدیم حۆسئن
گۆنله‌ر اؤنۆنده قانووا، غلطان قوْیۇب گئتدیم حۆسئن
قوْیمادێلار دفن ائیلییه‌م، عدوان قوْیۇب گئتدیم حۆسئن
شئمرین جفاسینده‌ن امان، قارداش حۆسئن گلدیم اوْیان
ـــــــــــــــــــــــــــــــــــــــــــــ
شام-ی-غریبان تۇتماغا، قوْیمادێ قارداش اهل-ی-كین
شامه كیمین قان آغلادێم، بۇ نیسگیله ائی شاه-ی-دین
هانسێ موصیبه‌تده‌ن سنه، تقریر ائدیم تۇتماز دیلیم
بۇندان شیكایه‌ت ائتمه‌ره‌م، ویرانه اوْلدۇ منزیلیم
چێخماز یادیمدان بۇ جفا، هرچند چوْخدۇر نیسگیلیم
گؤردۆم لبوندا خئیزه‌ران، قارداش حۆسئن گلدیم اوْیان
ــــــــــــــــــــــــــــــــــــــ
آلسان خبر گئتدیم نئجه، شامه براده‌ر حالی سن
ائتدیله نه جور-وْ-جفا، بۇندان سراسر حالی سن
منزیل بئ منزیل نئیله‌دی، اطفاله لئشگه‌ر حالی سن
وۇردێلا قمچی هر زمان، قارداش حۆسئن گلدیم اوْیان
ـــــــــــــــــــــــــــــــــــــ
هر رهگذرده شامییان، جوخه بئ جوخه دۇردێلار
سنگ-ی-شماته‌ت له گؤیۆل، آیینه‌سین سێندێردیلار
بعضی دئدیله‌ر خارئجی، بعضی‌سی طعنه وۇردێلار
گه كف زنان، گه دف زنان، قارداش حۆسئن گلدیم اوْیان
ـــــــــــــــــــــــــــــــ
سنده‌ن سوْرا چوْخ یانمێشام، پروانه وار اوْدلارا من
گه كوفه ده گه شامیده، گزدیم حۆسئن آواره من
گه بزم-ی-عامه گئتمیشه‌م، گه كوچه-وْ-بازاره من
اوْلدۇم عجب بی‌خانیمان، قارداش حۆسئن گلدیم اوْیان
ـــــــــــــــــــــــــــــــــــ
اهل-ی-حرم یئكسه‌ر گلیب، ماه-ی-مدینه گلمه‌ییب
راحه‌ت ائدیب غمده‌ن اؤزین، اوْل بی‌قرینه گلمه‌ییب
غۆربه‌ت مزار، اؤلدۆ قێزون، نازلێ رقیه گلمه‌ییب
وئردی قۇرۇ یئرله‌رده جان، قارداش حۆسئن گلدیم اوْیان
شاعر: دلریش
نوحه حضرت قاسم (ع)
نوحه عم اوْغلۇ حاج سلیم موذن - شاعر:سید تقی سیفی اردبیلی
عم اوغلێ صبریـم جالاندێ
خانــه‌‌ی-ی-بختیــم تالانـدێ
اوْوچێـــلارا اسیـــر اوْلــــدۇم
دادێمـه تئــز گــل آمــانـــدێ
باغرێم اوْلۇب قان عم اوْغلێ
گؤزلـه‌ره قـۇربان عـم اوْغلـێ*
حیجـلـه‌ســرا تالان اوْلـــدۇ
گلین‌لیــگیــم یالان اوْلــــدۇ
اۆستۆمه آد قوْیۇب گئتدین
دردیــن منــه قـالان اوْلـدۇ
باغرێم اوْلۇب قان عم اوْغلێ
گؤزلـه‌ره قـۇربان عـم اوْغلـێ*
فله‌ك سنه كمنـد آتـدێ
اوْلادی آرزییـــا چــاتـــدێ
سنین آدێن دیله دۆشدۆ
امما منیــم آدێــم باتــدێ
باغرێم اوْلۇب قان عم اوْغلێ
گؤزلـه‌ره قـۇربان عـم اوْغلـێ*
اۆره‌گیمده سؤزۆم قالدێ
نه قلبیمده دؤزۆم قالـدێ
كج باخێب آیرێلانـدا سـن
گؤزله‌روندا گؤزۆم قالــدێ
باغرێم اوْلۇب قان عم اوْغلێ
گؤزلـه‌ره قـۇربان عـم اوْغلـێ*
چاغماغێنێ فلـه‌ك چاخـدێ
گؤگده بیر اێلدیریم شاخ-دێ
چوْخـلار آیـدێنلێغــا چێخــدێ
منیم بخت اۇلــدۇزۇم یاتـدێ
باغرێم اوْلۇب قان عم اوْغلێ
گؤزلـه‌ره قـۇربان عـم اوْغلـێ*
سالدێ منی بـلا جانـــدان
ظۆلم-وْ-جفــای دوْرانـــدان
بزه‌ندی توی گـۆنـۆ سنیـن
آغ كؤینه‌گین قێزێل قاندان
باغرێم اوْلۇب قان عم اوْغلێ
گؤزلـه‌ره قـۇربان عـم اوْغلـێ*
خوْش گۆنۆ نئیلیره‌م سنسیز
گۆل بئجه‌ره‌م دره‌م سنسیز
چتیـــن گـــؤره ائـــل قبیلـــه‌م
زولفله‌ریمی هؤره‌م سنسیز
باغرێم اوْلۇب قان عم اوْغلێ
گؤزلـه‌ره قـۇربان عـم اوْغلـێ*
داغێلدێ ائللـه‌ریم گئتدی
سوْیۇلدۇم زیوه‌ریم گئتدی
سنده‌ن قالان نیشانئیدی
گلین‌لیك معجه‌ریم گئتدی
باغرێم اوْلۇب قان عم اوْغلێ
گؤزلـه‌ره قـۇربان عـم اوْغلـێ*
آهێـم الـــوْودان سئچیلمــــه‌ز
دردیــم اۆره‌كــده‌ن بیچیلمــه‌ز
سنده منـی گـؤزده‌ن آتســوْن
عئشقون اۆره‌كده‌ن كیچیلمه‌ز
باغرێم اوْلۇب قان عم اوْغلێ
گؤزلـه‌ره قـۇربان عـم اوْغلـێ*
كوفییـــه گلــدی قطـــاریــم
سارالدێ گۆل تك عوذاریم
قانلێ باشۇن جیدا اۆستـه
اوْلـدۇ منیــم هــم جواریــم
باغرێم اوْلۇب قان عم اوْغلێ
گؤزلـه‌ره قـۇربان عـم اوْغلـێ*
منه دۆشمــه‌ن ال چالانـدا
جان قوْیمادێ غم بۇ جانـدا
تارێ بیلیـر نـه چكـمیشـه‌م
نئی ده باشون داشلانانـدا
باغرێم اوْلۇب قان عم اوْغلێ
گؤزلـه‌ره قـۇربان عـم اوْغلـێ*
گۆلوستـانـدا تیكـان بیتـدی
گؤزه‌ل یاریم گؤزده‌ن ایتدی
دؤیۆلمه‌كده‌ن یوْرۇلمـازدێـم
منـی شماتــه‌ت اینجیتـدی
باغرێم اوْلۇب قان عم اوْغلێ
گؤزلـه‌ره قـۇربان عـم اوْغلـێ*
داشلانێـب چرخیـن جفاسـی
دردیمیــن یــوْخــدۇر داواسـێ
هـــر یـارایـــا مرهـــه‌م اوْلســا
ساغالمــاز هئـچ دیل یاراسێ
باغرێم اوْلۇب قان عم اوْغلێ
گؤزلـه‌ره قـۇربان عـم اوْغلـێ*
اوْوچـۇ كمـانـه اوْخ تــاخـــار
جئیران قاچـار دؤنه‌ر باخــار
تانێش داشێ اوْخدان بته‌ر
هم گؤینه‌ده‌ر هم ائو یێخـار
باغرێم اوْلۇب قان عم اوْغلێ
گؤزلـه‌ره قـۇربان عـم اوْغلـێ*
قیشده قـوْپـار دۇمــان یئــرده‌ن
اوره‌گ یـــانــار یامــان یئــــرده‌ن
كۆسمه‌گه حقلی‌سن منــده‌ن
كؤنۆل كۆســه‌ر اۇمـان یئــرده‌ن
باغرێم اوْلۇب قان عم اوْغلێ
گؤزلـه‌ره قـۇربان عـم اوْغلـێ*
بــۆلبـۆل اۇچـار گؤگـه بیلمه‌ز
گۆل تیكانلێق سئـوه بیلمـه‌ز**
آداخلێســێ اؤلــه‌ن گلیــن
هئچ قاپێنێ دؤیــه بیلمــه‌ز
باغرێم اوْلۇب قان عم اوْغلێ
گؤزلـه‌ره قـۇربان عـم اوْغلـێ*
غـم منــی زینهاره گتــدی
آغ گـۆنۆمــۆ قـــارا گتـــدی
فلــه‌ك قـوْلـۇمـو باغـلادێ
مجلس-ی-مئیخاره گتدی
باغرێم اوْلۇب قان عم اوْغلێ
گؤزلـه‌ره قـۇربان عـم اوْغلـێ*
هامـی یارین عـزیـز ایستـه‌ر
گلین گئـده ن جهیز ایستـه‌ر
گؤزله‌روننـان ایـراق اوْلسـۇن
دۆشمه‌ن منی كنیز ایسته‌ر
باغرێم اوْلۇب قان عم اوْغلێ
گؤزلـه‌ره قـۇربان عـم اوْغلـێ*
آخـــار ســۇدا بالێــــق اۆزه‌ر
آی باتـانـــدا اۇلــدوز سـۆزه‌ر
توْی گؤرمییه‌ن یاسلێ گلین
كنیــــزلیـگـــه نئـجــــه دؤزه‌ر
باغرێم اوْلۇب قان عم اوْغلێ
گؤزلـه‌ره قـۇربان عـم اوْغلـێ*
بۇ چـرخ سـوفلــه-وْ-دنـــی
بــلاده‌ن اینـجیــدیـب منـی
دۆشمه‌ن ائوینده گؤزله‌ریم
قــوْرخا-قـوْرخـا گزه‌ر سنـی
باغرێم اوْلۇب قان عم اوْغلێ
گؤزلـه‌ره قـۇربان عـم اوْغلـێ*
باغـلار قالێـب سئـل آلتێنــدا
سۆنبول سێنیب یئل آلتێنـدا
باغرێم قان اولـدو آزگلنـه‌ن؟؟
قانـــه بـاتــان تئـــل آلتێنــــدا
باغرێم اوْلۇب قان عم اوْغلێ
گؤزلـه‌ره قـۇربان عـم اوْغلـێ*
آچێقلامالار:
* حاج سلیم كاسئتینده بۇ شاه‌بئیت بئله اوْخۇنۇر:
وای عم اوْغلۇ، جان عم اوْغلۇ
مـن سنـه قـۇربان عـم اوْغلـۇ
**حاج سلیم كاسئتینده بۇ بئیت بئله اوْخۇنۇر:
هیجر اوْدو دیلده‌ن اسگیلمه‌ز
غۆصصه توْزۇن اؤزگه سیلمه‌ز
سید تقی سیفی اردبیلی: شاعری كه متاسفانه من اطلاعاتی از ایشان بدست نیاوردم. ولی استاد سلیم موذن در دو كاست زیبایشان از اشعار وی استفاده كرده اند. یكی همین كاست حضرت قاسم (ع) و دیگری نوار "علی اصغر و آهو" می باشد. كه قسمتهایی از آن را نیز در پست اوْخشاما و آغلاشما آورده‌ام. آنچه مشهود است اشعار ایشان بیشتر اوخشاما و خالص تر بوده كه سوز فراوانی نیز دارد و فراوانی كلمات عربی در آن اندك است.
