نوحه حضرت عباس
یازار : " تؤرک دیلینی اؤیره نین، چونکو اونلارین حاکمیتی چوخ اوزون سؤره جکدیر." پیامبر اکرم
+0 چره جلی
سنه من قانه باتان ای دیرم
سینووی لاله لره تای دیرم
داش اتانلاردان اگر اولسا امان
توكرم گوز یاشی لایلای دیرم
قره معجرلریمون وای گونونه
صود امر اصغریمون وای گونونه
شرف الناسیم اویان گوزل عباسیم اویان
سرویمون لطمه دگوب خوللارینا
توكولوب قانی شرف یوللارینا
سنی اكبر جانی كیمدن سوروشوم
نه گلوب قارداشیمون قوللارینا
من ئوپن قاره گوزوندن اوخ ئوپوب
داش. گوزل سینووی مندن چوخ ئوپوب
شرف الناسیم اویان گوزل عباسیم اویان
دئمورم قارداشووام گویلومی ال
دئمورم دور گئدك اخیامیده قال
دیورم دشمنی گولدورمه منه
كسیلن قوللاریوی بوینوما سال
صاق گوزوندن توكولن قانه قسم
ایاقیم خیمیه گلمور قئیدم
شرف الناسیم اویان گوزل عباسیم اویان
یارالی باشووه قربان اولانیم
گوزووی اچ باشیووا من دولانیم
نجه سنسیز گئدرم خیمه لره
ئوزون انصاف ائله ای قهرمانیم
گوزووه پرده چكوب قان یارالی
نیه بو حاله قالوبسان یارالی
شرف الناسیم اویان گوزل عباسیم اویان
بویاما گل یوزووی گوز یاشووا
دیله گل ایله بیان قارداشووا
سنی زهرا ننمون جانی دانیش
نه اغیر یاره ووروبلار باشیووا
ئورگین اودلادیلار قارداشووین
بلیمی اگدی یاراسی باشووین
شرف الناسیم اویان گوزل عباسیم اویان
اسمان باشیمه غم گردی الور
سینمی ماتمووین تیری دلور
نقدر اختارورام یوخدی ننم
باشون اوستن ننمون عطری گلور
بو مبارك ئولومین وار نه غمی
خوش سنون حالووه گوردون ننمی
شرف الناسیم اویان گوزل عباسیم اویان
برگزیده از كتاب برات عاشورا اثر چهارم حسین غفاری اردبیلی
بسم الله الرحمن الرحیم
دوشموشم بـلایه گـل هرایـه قـارداش
جان ویرور وزیـرون گـل منایـه قـارداش
(اوخلانوب سو مشگیم گل)
(قان اولـوب سرشگیـم گل)
(یـالـقـوزام حسین جان)
(قولسوزام حسین جان)
قان آخور باشیمـدان قانلـی گـوزلـریمه
اوخ یاغـــــور هــوادن قـانلی پیكـریـمه
دگـمـیــوب سـو والله،تـشـنـه لبـلـریمه
بـوسـه ویـــردی خنجــر باغلی اللریمه
گـل اوپـوم الـونـدن بـاخ وفـایه قـارداش
گل حسین بـو چشم اشكبـاره بیر باخ
سـاقـی غـریب و شرمسـاره بیر بـاخ
پیكـریمـده زخـم بی شمـــاره بیر بـاخ
گــل ایـویـم یخلیـدی٬روزگـــاره بیر باخ
غـم یـاغـــور زمیـن نینــوایـه قــارداش
گل یامـان گونیمــدی ای ولی سبحــان
سون نفسدی قارداش آز قالور ویرم جان
گل ولی یول اوسته ای شه لب عطشان
قـوللاریمی گورسـون اولما چـوخ پریشان
خالی مشكی گورسون گل نوایـه قـارداش
باشیمـه حسین جـان یـاره چـوخ دگوبـدی
ساق گــوزیمـه قارداش اوچ پراوخ دگوبـدی
یـوخ سـوزیـم بـلا،هـر عاشیقـه گلـــوبـدی
مشـكیـمــه دگـن اوخ قـدّیـمـی ایـــوبـدی
قــــوم اشـقیــــاده بـاخ جفــایــه قــارداش
ای وجـــودی مـظـهــــر ذات ذولـجــلالــه
نــوكـــریوی گل گور سالــدیـلار نـه حـالـه
گوزلـــریمـه آی تك قـان ویـروبــدی هـالـه
آغـــــلاشـور ملـك لر لالـه گـون جـمـالـه
سنـده گـل بــو بــزم غـم فــزایـه قـارداش
شیریوی سـالـوبـلار دامــه گــل آمـانــدی
سینـدی قـول بوداغیم یـازگـونیم خزانــدی
نـاگــران گـــوزیمـدن گــوزیـاشیـم روانـدی
قتـلـگــاه عـــــشقـیــم ایلـه بیـر جنـانــدی
گــل آنـام گـــلوبــدی كـــربــلایـه قـارداش
سن بیلـه دیـردون كـه آنــــام جـوانــدی
دادیمـــه گــــلوبــدی قـامـتی كـمانــدی
صــورتی سُولـوبدی چوخـدا باغـریقانـدی
گول یـوزین گـورنـده صبر ایـویـم تــالانـدی
گــلمــوشـم اورگــدن آه و وایــه قـارداش
یوخــدی دادخــواهیــم٬یـار و یـاوریـم گـل
گل قالـوبـدی یولـدا قـانلی گـوزلـریـم گـل
باشیـمی كسوللر٬ یـوخـدی اللــریـم گـل
قطعـه قطعـه اولـــدی كُـل پیـكــریـم گـل
بـاشیمی سالـوبــلار مین بـلایـه قـارداش
پیكـریمــده قــارداش چـوخ جـراحـتـیـم وار
گل گـوریم جمـالـون تـا كی فــرصتـیـم وار
نـوكـــرم قـاپـونـدا٬شـأن و شـوكــتیــم وار
گـل سـنـه حـسیـنیـــم بیــر وصـیّتیــم وار
رونــق بیــان ویــر سـن(فتـایــه)قــارداش
قوْشار: سید تقی سیفی اردبیلی
اوْخۇیان: حاج سلیم موذن زاده اردبیلی
قاباقجا سید تقی سیفی اردبیلی گؤره دانێشدێق ایندیسه من هله‌لیك سوْن پوْست دا اوْندان بیر گؤزل نوحه، حاج سلیم موذن زاده‌نین ایفاسیلا گتیرره‌م. بۇ نوحه دئمه‌ك ائله بیزیم خالق اوْخشامالارێمێزدێر كی شاعیر اوْلارێ گؤزلجه دۆزۆب و قاباقجا اوْخشاما ترمینه گؤره دانێشاندا بۇلارا اشاره اوْلمۇشدۇ. بۇ شعری اوْخۇیۇب و حاج سلیم‌نین سسیله ائشیده‌نده اوْنۇن لطافت و گؤزللیگین داها آرتێق دۆشۆنمه‌ك اوْلۇر.
بۇ اجرانی دانلود اۆچۆن یازێنێن باش عونوانی اۆستۆنه كلیك ائدین
حضرت علی اصغر(ع) آناسێ رباب بالاسێنا اوْخشایێر:
عؤمرۆم حیـاتیـم عــلــــی
شـور-وْ-نشاطیـم عــلــی
لایلای سینـه‌مین گۆلـــۆ
ائللـه‌ریمــه ســؤیگــۆلــۆ*
* سئوگیلی
طرّه‌سی تئل-تئل ایپـه‌ك
دؤشلۆگۆ قانلێ چیچـه‌ك
گئتـدون سـۇوا گلمــه‌دون
مـن اوْلـدۇم قــاره لچــه‌ك
حوسنون یئتیشمه‌ز سانـا
بنــزه‌ر بـوْیـــۇن جـئیــرانــا
هئجرون آلێب جـانیـمــی
قـالـمــێشــام یـانـا-یـانــا
فلـك وفـا یــوْخــلامـاز
غملـی نوا ساخلامــاز
اوْغـلــۇ اؤلــه‌ن آنـانێـن
آغلار گؤزۆ یـۇخــلامــاز
بوْش بئشیگـون بـزه‌ره‌م
اۆستـۆنـه گـۆل دۆزه‌ره‌م
چؤللـری سنده‌ن سارێ
مـلــه‌ر-مـلــه‌ر گــزه‌ره‌م
عئشقـووۇن دیلبنــدی‌یـم
درده پــنــــاهَــنـــدی‌یــــم
قول باغلـێ اؤلمـه‌گۆنـدان
اؤلــۆنـجـه شـرمـنـدی‌‌یــم
اقبــالیمـیـــن اۇلــــدۇزۇ
عؤمـرۆمــۆن دادێ دۇزۇ
كیم گؤرۆبدی اوْخــلانــا
سن كیمی املیك قۇزۇ
اۆره گیمین پاره‌سـی
غملریمین چاره‌سـی
باغلانمادێ اصغریـــم
بوْغازۇوۇن یـاره‌ســی
مـن گــۆل اكیــب درمــه‌دیــم
اوْغـۇل دادێــن بیلـمـــه‌دیـــم
های دۆشدۆ اوْخـلانمێســان
اوْخ یــاره‌وی گــؤرمـــه‌دیــــم
باغلێ قالێـب اللــرون
پارچالانێــب حنجــرون
گۆلمه‌دی بیر یوْل منه
اوْخا گۆلـه‌ن لـب‌لـرون
غملریمــی سـانـــارام
زۆلـف‌لـریمــی یـوْنـارام
گهــواره‌وی تـرپــه‌دیــب
لایلای چالێب یـانـارام
آهـو كیمـی ملـــه‌ره‌م
قان یاش گؤزه الـه‌ره‌م
سنی سالێـب یادیمـه
قوْنداق آچێب بلـه‌ره‌م
اۇلدۇز گـؤگـه دۇزۇلــر
خـۇمار گؤزلر سۆزۆلــر
آهو مله‌ر سس گلــه‌ر
منیــم قلـبیـــم اۆزۆلــر
عئشقون آچێب منظـره
آدۇن دۆشـــۆب دیـللــره
قلبـــی یـارالــێ آنــــوْن
قۇربـان خـۇمـار گـؤزلــره
آلنــۇنــدا قـــاره تئـلـــون
گؤرمه‌دیم شیرین دیلـۇن
قالـدێ سنـده‌ن یادیـگـار
سینه‌مـده دێرناق یئـرون
گۆنـدۆز گئجــه آغــلارام
اۆره‌ك باشێن داغـلارام
گلسوْن منیم سینه‌مـه
اوْخ یــاره‌وی بـاغـــلارام
سێنێـب منیــم شهپــریــم
قان اوْلـۇب اشـك-ی-تریــم
سۇ ایچمیشه‌م سۆد گلیب
اَلــوْو وئــریــر دؤشلــه‌ریــم
اینجیدیب عالـم منــی
درده سالێب غم منی
دؤشۆمۆ سۆد آغرێـدار
گل سینه‌مـه ام منـی
باغچادا گۆل درمیشـه‌م
دیلبره گـؤنـده‌رمیشــه‌م
بیـــر اوْلان آلــلاهیـمـــه
سنی قۇربان وئرمیشه‌م
فلـك دانێـب دۇزۇمــۇ
باتێـرێب اۇلــدۇزۇمـــۇ
تارێ قبول ائلـه‌سیـن
منیـم املیـك قۇزۇمـۇ
ظالیــم گـؤزۆ اۇیمــادێ
آنـوْن سنـده‌ن دوْیمادێ
آیـاق دۇتــۇب گـزمـه‌گـه
فلـك سنـی قــوْیمـادێ
آنــوْن زۆلفــۆن هــؤرمئییــب
سنسیز آغ گـۆن گؤرمئییـب
هئچ قـانـادێ باغلــێ قـۇش
سـن كیمـی جـان وئـرمئییب
سـۆرمه‌دون دورانیـوێ
آلدێ عطـش جـانیـوێ
اوْخ وۇران صـیّـادیــده‌ن
تــارێ آلار قــــانیـــوێ
