«شهریار» دان بیر مرثیه شعری
یازار : " تؤرک دیلینی اؤیره نین، چونکو اونلارین حاکمیتی چوخ اوزون سؤره جکدیر." پیامبر اکرم
+0 چره جلی
«شهریار» دان بیر مرثیه شعری
«حۆسئینه» یئــرله‌ر، آغـلار گؤیلـه‌ر آغلار
«بتول»-وْ-«مرتضی»، «پئیغه‌مبه‌ر» آغلار
ـــــــــــــــــــــــــــــــــــــــــــــــــــــــــــــــــــ
«حۆسئینین» نؤوحه‌سین «دلریش» یازاندا
مۆسه‌لمـان سهـل دیـر كـی كافــه‌ر آغــلار
ـــــــــــــــــــــــــــــــــــــــــــــــــــــــــــــــــــ
كوْر اوْلمۇش گؤزله‌رین، قان دۆتدۆ «شیمرین»
كــی گـؤرســۆن اؤز الـینـــده خنـجــه‌ر آغــلار
ـــــــــــــــــــــــــــــــــــــــــــــــــــــــــــــــــــ
«حۆسئینین» كؤینه‌گی «زهرا» الینده
چكه‌ر قێهـا قییامـه‌ت، محشـه‌ر آغــلار
ـــــــــــــــــــــــــــــــــــــــــــــــــــــــــــــــــــ
آتـــانـــدا « حــرملــه »، اوْخ كـــربــــلاده
گؤرئیدین دۆشمه‌ن آغلار، لئشكه‌ر آغلار
ـــــــــــــــــــــــــــــــــــــــــــــــــــــــــــــــــــ
قــۇجـــاغێنـدا، گــؤرئیــــدین «ام لیــلا»
آلێــب نعــش-ی-«علــیّ‌اكبــر» آغـــلار
ـــــــــــــــــــــــــــــــــــــــــــــــــــــــــــــــــــ
«رباب»، نیسگیل دؤشۆنده سۆد گؤرنده
«علـــیّ‌اصغــری» یــاد ائیـلـــه‌ر آغــــلار
ـــــــــــــــــــــــــــــــــــــــــــــــــــــــــــــــــــ
باشێنــدا كاكــوْل-ی-«اكبر» هواسی
یئل آغلار، سۆنبۆل آغلار، عنبر آغـلار
ـــــــــــــــــــــــــــــــــــــــــــــــــــــــــــــــــــ
یازاندا «آل-ی-طاها» نؤوحه‌سیـن من
قله‌م گؤردۆم سێزێلدار ، دفته‌ر آغـلار
ـــــــــــــــــــــــــــــــــــــــــــــــــــــــــــــــــــ
«علی»، شقق-وْ-القمه‌ر، مئحراب تیلیت قان
قـۇلاق وئــر، مسجیـد اوْخشـار منبــه‌ر آغـلار
ـــــــــــــــــــــــــــــــــــــــــــــــــــــــــــــــــــ
«علــی» دن «شهریار»، سن بیر ایشاره
قۇجاقـلار قبــری ، «مالك اشــتر» آغــلار
