استاد رحیم منزوی اردبیلی دن 18 گؤزل نوحه:

بۇرا نئینوادی زینب، بۇ مكان نواسیز اوْلماز

آدێ كربلا اوْلان یئر، بیلیره‌م بلاسیز اوْلماز

بــۇ بـلا چـؤلــۆ، حسینــه ابــدی وطـنــدی زیـنـب

آغاران ساچۇن بۇ چؤلده، من اۆچۆن كفندی زینب 

سجده‌گاه-ی-عئشقه سالدۇن، قانلێ جانـمازی قارداش

نـه بـابـام قێلێـب، نـه جددیم، سن قێلان نمازی قارداش

گؤز تیكیبدیر سنه قارداش، دم-ی-خنجر ده باشێـم

تئــز یئتیــش دادیمـه قــوْیما، قالا اللـــه‌رده باشێم

قـوْی ائـدیـم نظـر دوْیـۇنجا، بئله مه جماله قارداش

اوْخۇیۇم «و اِن یَكاد»ی، سوْرا گئت جیداله قارداش

بالام اوْخلانێب، الیمده سپه-ی-ظلامه یا ربّ

نـه یـۆزیلـه بــۇ بـالانێ، آپـارێم خییامـه یا ربّ

قـوْیـارام مـزاره اصغـر سنــی تا قییامت اوْلسۇن

بوْغازۇن بیچیلدی باری، بدنون سلامت اوْلسۇن

اوْد یاپێشدێ سینه‌مه، لب‌لروندان اصغریم

بوْشلا دؤشله‌ریم، اؤپۆم اللروندان اصغریم

ای غۆنچه دهن لای‌لای، پئكانی امه‌ن لای‌لای

قبری ننـه‌ده‌ن گیـزلیـن، قوْنداغـێ كفن لای‌لای

سن آت اۆسته پای-ی-پییاده من

نــه قــده‌ر قـاچێـم دایـانێــم بـابـا

سنـی عمّه‌میـن جانـی بیر دایان

بــاشــۇوا گلیــم دوْلانێــم بــابــا

قێزێم ایستیره‌م سیزی ترك ائده‌م

سفر اۆسته آغلاما قوْی گئدیم

منی چوْخ یۇباتما گره‌ك گئده‌م

سفر اۆسته آغلاما قوْی گئدیم

اؤلۆب اكبریـم آمـانـدێر، بابـا كارزاره گئتمـه

منی باشۇوا دوْلاندێر، اؤلۆره‌م كناره گئتمه

ای خاندان-ی-عیصمته، زهرای ثانی زینبیم

آخر وداعیمدیر چاغێر، آل-ی-عبانی زینبیم

سرعتله اوْلما عازم-ی-مئیدان حسینیم صبر ائله

جانیم گئده‌ن یوْللارۇوا، قۇربان حسینیم صبر ائله

اكبریم گلینجه اؤلسه‌م دفنیمی یۇباندێر عمّه

نعشیمی آلێب ال اۆسته، باشێنه دوْلاندێر عمّه

گئتـدون بـابـا اومـمیدیـلـه قـارداش دالـسێـجـا

تؤكدۆم من اۆره‌ك قانێنێ، گؤز یاش دالسێجـا

گئتدی عمون سكینه جان، قانه بوْیاندێ گلمه‌دی

وئردیگی اؤز سۇ قولونا، سنده‌ن اۇتاندێ گلمه‌دی

قوْشۇن خئیمییه دوْلدۇ گره‌ك نئیلییه زینب

قاچێر تلّیده دردین حسینه دییه زینب