علی اصغر (ع) نؤوحه‌سی – شاعر: مضطر

ائــی غۆنچـه گۆللـه‌ر پـاره‌سـی، لایـلای علـی لا‌یـلای
وای بــوْش قـالان گهــواره‌سـی، لایـلای علـی لا‌یـلای

دونیـــا ســۇیــونــون داشێنـێ آتـدێــن، آنـان اؤلسـۆن
اكبـــر قانینـــا قــانێــــوی، قاتـــدێن آنــــان اؤلســــۆن
اۆچ گـۆنــدۆ یاتمێـردێــن نییـه؟، یاتــدێن آنـان اؤلسـۆن
اینجیــر بـوْغــازۇن یـاره‌ســی، لایــلای علــی لا‌یــلای

تاپـدێ سنـی پئیـك-ی-اجـه‌ل، دینجـه‌ل بالا دینه‌جـه‌ل
حلقــون یارادێـــر وۇرمــام ال، دینجــه‌ل بــالا دینجـــه‌ل
سۇ ایچمــه‌دیــن سـن لااقــه‌ل، دینجـه‌ل بـالا دینجـه‌ل
یوْخــدۇر سنــه سـۇ چـاره‌سـی، لایـلای علی لا‌یــلای

قالدێـن اوْغـۇل حسره‌ت سـۇیا، ســـۆد ایشتییاغینــده
سـوْلـدۇن سارالـدۇن گـۆل كیمـی، بۇ غۆنچه چاغینـده
گئت ایستیراحــه‌ت قێـــل آنــان زهـــرا قــۇجــاغینـــده
اوْلمــا فـــرات آواره‌ســـی، لایـــلای علـــــی لا‌یـــــلای

شامـــه گئــده‌ر بیكـــه‌س آنــان، اصغـــر خـۇداحافیـظ
آدێــن دیلیمــه ائتمیشــه‌م، ازبــــه‌ر خـــۇداحــافیـــظ
ســؤیلـــه دیلیمجـــه‌ن اكبـــره، اكبـــر خــۇداحافیـــظ
اوْلـــدۇم وطـــه‌ن آواره‌ســی، لایــلای علــی لا‌یــلای

آخـــه‌ر اسیـــره‌م نئیلـــه‌ییـــم، شئمـر-ی-جفــاكــاره
بــزم-ی-یــزیـــده یــا چكـــه‌ر یـــا كــوچـــــه بـــــازاره
مـنلــه‌ن اوْلــۇر یــوْل یــوْلـداشـــێ، لئیــلای بیـچــاره
باشێنـــدا اكبـــر قــاره‌ســـی، لایــلای علــی لا‌یـلای


مضطــر یـانـار بــۇ سـؤزلـــره هــر قلــب اوْلا داشــدان
آغــلار یقیــن نائـل اولــۇر، چــوْخ فئیضه گــؤز یـاشدان
چــوْخ آغــلاناق ایستــه‌ر اۆره‌ك باشـلا سؤزۆ باشـدان
ائـی غـۆنچه گۆللــه‌ر پاره‌ســی، لایــلای علـی لا‌یلای