گوزل و اشیتملی سوزلر تركی دیلیجه
یازار : " تؤرک دیلینی اؤیره نین، چونکو اونلارین حاکمیتی چوخ اوزون سؤره جکدیر." پیامبر اکرم
+0 چره جلی
گوزل و اشیتملی سوزلر تركی دیلیجه
*****
فلكین چرخی اگر حیكمتینه كج دولانا
آچیلار باغلی قاپی انسان اگر دوز دولانا
*****
محبت یاشا باخماز / آقارمیش باشا باخماز
اگرگول گوزل اولسا / باخان داغ داشا باخماز
*****
كاغاذین آغینا باخ / سینمین داغینا باخ
گویلون منی ایستسه / محبت داغینا باخ
*****
گرچه عشق اهلی ایچیر باده نی جان سالیغینا
ایچیرم جام شرابی یارادان سالیغینا
ایچیرم سل ده سارا داغدا چوبان سالیغینا
ایچیرم مین گول ایچینده بیر تیكان سالیغینا
جوانی آیریلیق آخیرده قوجالدار بیلیرم
ایچیرم بیر قوجا شكلینده جوان ساغلیغنا
*****
گئجلر تك اوتوروب تك قالاسان عالمی وار
او گچن گونلره تك آغلیاسان عالمی وار
منده بیر گون بوتون عاشیقلر ایچینده یاشادیم
عاشیقین گوز یاشینا آغلیاسان عالمی وار
*****
كومور یانار كوز آقلار / دیل آلیشار سوز آقلار
دوست دوستان آیریلاندا / اورك یانار گوز آقلار
*****
چمن قورور داش قالار
گوز یومولار یاش قالار
هامی گلیب گئدندی
یولداشا یولداش قالار
*****
گوزدن آخان یاشا دونسم
بیر قانادسیز قوشا دونسم
انتظاردان داشا دونسم
سنی یادان چیخاتمارام
*****
یاقیش یاقار داشلارا
كیرپیك دییر قاشلارا
دیین اوچان قوشلارا
آپارسین بیزدن سلام
وفالی یولداشلارا
*****
قاشلارین اوخدی سنین / عاشقین چوخدی سنین
من سنی چوخ سویرم / خبرین یوخدی سنین
*****
بیچاره گوزوم هر گجه سنسیز باخار آقلار
صبحه كیمین اولدوزلاری بیر بیر سایار آقلار
سن آیریلیقی خوشلادین آما گجه گوندوز
دفترده قلم شرح فراقون یازار آقلار
*****
بی عطر سنبل اولماز / بی نغمه بلبل اولماز
دنیا بوتون گل آچسا / سنین كیمی گل اولماز
*****
عومور گچدی بیر شاد اولوب گولمه دیم
غم توزونی اورگیمدن سیلمدیم
گورچین تك بیر قوشوموش جوانلیق
نجه گلدی نجه گتدی بیلمدیم
*****
بولوتوز یاغار اولسون
سولاریز آخار اولسون
اوجاقیز یانار اولسون
نوروز بایرامیز موبارك اولسون
*****
گوزل اینسانلارگوزل گونلرده یادا دوشرلر
بو گوزل گونده دونیانین بوتون گوزلیك لری سیزین اولسون
بایرامیز مبارك
*****
گنه گلیر نازلی باهار نازلی یاز
هامیمیزین یازیسین بو ایل یاغلی یاز
جان سالیغی،جیب وارلیقی،اولوم آز
مهربان آللاهیم بئله یازی یاز
(تازا ایلیز موبارك اولسون)
*****
بولوتوز یاغار اولسون
سولاریز آخار اولسون
اوجاقیز یانار اولسون
چیلله گئجه ییز موبارك اولسون
*****
دنیادا 3 زادی چوخ ایسترم:
داغدا داشی
گوزده یاشی
سنین كیمین ناز یولداشی
*****
چشمه لر آخار گدر / دورنالار اوچار گدر
قوربانام وفالیا / وفاسیز باخار گدر
*****
داغلارین داشینا / چیخارام باشینا
سنین كیمین دوستون / دولاننام باشینا
*****
آنا زحمتین
آتا نصیحتین
باجی نعمتین
قارداش صداقتین
اهل طائفه شرافتین
دوستون حرمت ساخلیان انسانین قاداسین آلیم
*****
قیزیل گولی بیچرم اوستونده آند ایچرم
دونیا منه دوست اولا تهجه سنی سچرم
*****
داق باشیندا أكین اولماز / أكین اولسا بیچین اولماز
دنیادا مین گوزل اولسا / بیری سنین تكی اولماز
*****
استكانین داغ اولسون
ایچ داماغین چاق اولسون
دونیا مالین نینیرم دوستلار جانی ساق اولسون
*****
سنین ای نازنین دوستوم زیمیستانین باهار اولسون
سعادت تاجی باشیندا همیشه برقرار اولسون
امیدیم واردی او حقه نیازین اولماسین خلقه
سنی خار ایستین ظالیم ذلیل روزگار اولسون
*****
سو ایچرم چاناخدان / بال سوزولر دوداخدان
اوزوم گله بیلمسم / سلامیم وار اوزاخدان
*****
دوشنده لب لرین یاده الیمده آقلیار باده
حرام اولسون منه باده
شرابی ایچمرم دوست سیز
بهشته مسكنیم اولسا
بهشته گئدمرم دوست سیز
*****
پاییز گدیر اونان سورا بوران گلیر
سوفرالارا حالوا،قارپیز،نار گلیر
چیلله گئجه ائل اورگین شاد ادیب
بیزیم یوردا ائله بیر باهار گلیر
چیلله گئجه ییز موبارك اولسون
*****
دونیانی دولاندیم او باشدان بو باشا
گورمدیم من محبت باشدان آشا
سنین محبتین آشیب باشدان باشا
سویرم سن مین ایل یاشیاسان
*****
داغ اولاق،اوجا اولاق،آشمیاق
دریا اولاق،دولی اولاق،داشمیاق
عقرب اولوب،اونو بونو،ساشمیاق
دوست اولوب،نامرد اولوب،قاشمیاق
*****
عزیزیم آشا آشا / سو گلیر داشا داشا
بیر جانیم وار ثروتیم / اودا قربان داداشا
*****
محبت قوجالماز
عشق آزالماز
دوست آیریلماز
یاخچلیخ یرده قالماز
دوست دوستی آتماز
*****
غم آغاجی بیزه سایه سالماسین
عشقین غمی صبریمیزی آلماسین
من چكمیشم بوانتظار چتیندی
هچ عاشیقین گوزی یولدا قالماسین
*****
گنه آغلاتدی منی خان چوبانین آغلاماسی
سارانین سللره بل باغلاماسی
واردی هربیریارانین مرحمی تاپسان طبیبین
نجه درمان اولاجاق اولسا طبیبن یاراسی؟
*****
اولدوز گلیب آی اولماز / باهار گلیب یای اولماز
نجیبلرین ایچینده / هچكس سنه تای اولماز
*****
كوریاشلاریم شراب اولسا
امیدلریم سراب اولسا
جوانلیغیم خراب اولسا
عومروم تمام اولسا
یادان چیخاتمارام سنى
*****
دونن آخشام چاغی سنسیز منی آغلاتی یاغیش
یادیما سالدی سنی مطلبینه چاتی یاغیش
كوچه لر اولدو گوزومده ایله بیر آرپا چایی
منی سنسیز نئجه نیسگیل چاینا آتی یاغیش
*****
چیچه گیم سارالسا
یارپاقیم سولسا
ابدی سولمیان بهاریم سن سن
*****
گولی بیر گون سنی هر گون
گولی سولانا كیمین سنی اولانا كیمین سویرم
*****
تو را بس منتظر ماندم
اوتاندی لحظه لر مندن
بدان من دوستت دارم
اینان بو یاشلی گوزلردن
سفر از تو گذر از تو
فقط یول گوزلماخ مندن
فقط با یك نگاه تو اوچاردی غصه لر مندن
*****
من وفالی دوستلارین مبتلاسی اولموشام
آشنا بیگاننین انگشت نماسی اولموشام
ادعاسیز عاشیقم آچ سینمی باخ قلبیمه
دوست بازام بامرام دوسلار فداسی اولموشام
*****
دوسلارا اولسون سلام
قوی كی دییم بیر كلام
ایستییرم من سنی
ایسته منی والسلام
تقدیم اولسون تامام دوسلارا
*****
دیدیم:گل سن غمیم اولماز جهاندا
دیدی:شادلیق فقط بش گون قوناقدی
*****
رنگی سولموش خزلیم یللره تاپشیرما منی
گوز یاشیمدان توره نن سیللره تاپشیرما منی
آند اولا عشقیمه بیر گون دوزه بیلمم سنسیز
آیلارا ، هفته لره ، ایللره تاپشیرما منی
*****
ای گول سنی دنیایه مقابیل توتارام
دنیا منیم اولسا سنه خاطیر ساتارام
*****
ندن ساقی صفا اهلی غم دنیادن آیریلماز؟
گتیر دولدور گنه جامی بالیخ دریادن آیریلماز
غنیمتدیر بو دم ساقی گتیر دولدور گنه جامی
جهاندا رسمدور عاشق می و مینادن آیریلماز
*****
سوگیلیم سن كی بیلیرسن بوغریب دنیا یالاندیر
اینانیرسان اوجا داغلار باشی چوخ شهلی دوماندیر
انسانین یاخچیلیقی تكجه بو دونیادا قالاندیر
بونو بیلسن بیلرم سن منی چوخداندی سویرسن
سویرم منده سنی چون بیلیرم یاخچی بیلیرسن
*****
یریم زندان اؤزوم یورقون
منی بیر یوخلیان سنسن
گئجه طوفانلی دریادا
ایشیقلی بیر چراغ سنسن
سنی قلبیمده من سؤدیم
اونی چیرپیندیران سنسن
*****
بایرام گوزللیك دیر گوزللیك لر سیزین اولسون
بایرام اوموددور اومودلریز گوچك اولسون
بایرام دوعادیر دوعالاریز قبول اولسون
رامازان بایرامینیز موبارك اولسون
*****
آیریلیق اولسادا مین جمله جمالون سویرم
سنه من دوست دیمیشم آیرى كسه دوست دیمرم
قلب بیماریمه مینلرده طبیب اولسا اگر
زهر ورسن ایچرم اوزگه دواسین ییمرم
*****
سئوگیلیم،عشق اولماسا،وارلیق بوتون افسانه دیر
عشقیــدن محــروم اولان،انسـانلیغا بیگانه دیر
سئوگیلیم بیرجه محبتــدیر حیــاتین جـوهــری
بیر اورك كی عشق ذوقین بیلمسه غمخــانه دیر
*****
دنیاده منیم تك گوزلیم یار سون اولماز
ثابت إلرم قدروی منجك بیلن اولماز
باخما كی جوان سان سنه قیمت وروب عالم
بور گون قوجالارسان سنی هچ دیندیرن اولماز
*****
داریخدیم دار فرقیدتن اجل قوربانووم تز گل
اولوم شیرین دی شربتدن اجل قوربانووم تز گل
نگاریم پیش چشمیمده گدیب اغیاره یار اولدی
جهنم خوشدی جنتن اجل قوربانووم تز گل
*****
یاری بویون قوجاخ لادیم یار آغلادی من آغلادیم
ییغیشدی قونشولار بوتون جار آغلادی من آغلادیم
دردیمی من دئدیم تارا سیملری اولدی پارا پارا
سیزلادی بالا بالا؛ تار آغلادی من آغلادیم
دئدیم كه حق منیم كی دی باشیمی چكدیلر دارا
كنف كسنده بوینومی دار آغلادی من آغلادیم
*****
ایستیرم گوزلروین نقشینی تصویره چكم
نیلییم سنسیز عزیزیم گنه دنیادا تكم
سن منیم نازلی گولومسن گوزلیم دردین آلیم
اوزون انصاف إله سنسیز نجه دنیاده قالیم
*****
فانوسه نه حاجت او زامان كه گونوز اولسا
اینسان اوزو بیر كعبه دیر اعمالى دوز اولسا
هرقلبیده آیینه كیمى اولماسا لكه
گر یاخشى گزیب آختاراسان اوردادى مكه
*****
باش اوجا یاشیاسیز
