گیجه آی چیخمیش ایدی.من ایدیم،بیرده او كچمیش كوچه لر

بیرده تمام خاطره لر منله برابر،ینه سنله اولان گونریمیز یاده دوشوردی

او گوزل خاطره لرآیدینا گلدیكجه گوزومده،آلیشیب اوردا یانیردیم

دانیشیردیم آییلان اولدوزولان،چایلا،چیمنله

ینه بیچاره اورك دردینی آچدی،

ینه غم كاسه سی كونلومده جالاندی

ینه كونلوم یارالاندی

نه گوزل گونلریمیز سنله واریدی

حیف او سودا او محبت،بیله نیسگیلی قوتولدی

نیجه تیز خوش گونون عومری باشا گلدی

نیجه تیز عشقیمیزین  یاسی توتولدی

نه بیلردیك بیله دوران دونه جكمیش

نه بیلردیك یانار آتش سونه جكمیش

حیف اولاردی اوگوزل خاطره لر،دوندی غم اولدی

او پریشان دلی كونلوم نیجه مستانه سور

دوز دییبلر ایله دیوانه نی دیوانه سور

هره نین بختینه بیر سوگلی جانانه دوشر

گولو بولبول،سنی من،شمعی ده پروانه سور

قورخورام غم منی مجنون كیمی داغ داشا سالا

چون بو رسوانی نه مسجد نه ده میخانه سور

گه اوتو یا منی سن یا سنی من باشه سالیم

گورك آیا نیجه من تك سنی بیگانه سور؟

دا نصیحت  دیمرم عاشقه چون من گوردوم

من دیدیكجه اورگیم لاپ سنی جانانه سور

چوخ دییبلر كی وفاسیزدیر سوگی،گوزلمه یول

هانسی بولبول گوزلیم گولشنی ویرانه سور؟!

بیردیل قانماز اورگیم واركی،گتیریب زارا منی

دییر گرك یتیرسن اوجفالی یارا منی

منی یوروب باتمیش سسی،فقط اولوب زمزمه سی

یار كوچه سی!غیرموجه سی!

گور آپاریر هارامنی

گوروسن كی گیجه یاریسی، باشلانیری ادالاری

نه دیل قانیر،ن ده تانری،ایستیر قویا بارا منی

دییرم اونو بوراخ اونان سنه یانماز چیراخ

یانا یانا چكیر بیر آخ،ایدیر گونو قارامنی

دییرم كی باشلی داشلی

نه قالیبسان گوزو یاشلی

كاش اولاردی عشقی باشلیاخ

مین گل یاسینان عشقی نازلیاخ

كاش غم شیشه سین سیندراخ

اورك آلاخ نه بوكی اورك سیندراخ

مژده وئر ئولكه میزه،سئوملی بایرام گلدی

آتالاریادگاری،خوش گلیب آخشام گلدی

كهنه لیكدن آرادیب،ئولكه نی گویچك بزی یك

موتلولوقلار دولی، الده یئنی جام گلدی

بایرامینیز مبارك

دونن آخشام چاغی سنسیز منی آغلاتدی یاغیش

یادیما سالدی سنی مرادینا چاتی یاغیش

كوچه لر اولدو گوزومده یینه بیر آرپا چایی

منی سنسیز نئجه نیسگیل سئلینه آتدی یاغیش!!؟

سنه خاطیر گوزلیم دنیانی آلسام ساتارام

توتارام دامنوی هر نه غم اولسا آتارام

گئجه نی صبحه كیمی آغلیب آغلار یاتارام

تابماسام عشقیمه درمان ائوزومی من آسارام.

آغلاماق قویموری تا نظمه چكم ناله لری

دولدورام حسرتیلن غصه یه پیمانه لری

یانام عشقین اودونا یئل داغیدا كوللریمی

بو آلیشماقدا سالام حیرته پروانه لری

بار إلاها نه اولار آی دوشه بیر لحظه بیزیم دخمه میزه

آزالار شأنی مگر شه گزه ویرانه لری

من نئیلیـرم او دلبـری، شیـریـن دل اولمـاسـا؟

بولبول باهاره عشـق یئتیـرمـز گـول اولمـاسـا!

مجنونون عشقی لیلی نین آرتیـردی شهـرتیـن

قدری بیلینمزایدی گولون، بولبـول اولمـاسـا!

عهد ائتمیشم كی، هر گوزه له مایـل اولمـاییـم

منسیز بـلالـی كـؤنلـوم ا گـر مـایـل اولمـاسـا!

درد فــراقــه بــاده اؤزو بیــر عـــلاج ائـــدر

یوخسا بو درده كیم دایانار، غافیل اولمـاسـا؟! 

هانی بیر یار وفا دار كی بیزه یار اولسون

دیلی مجروح یمیزه دیل وئریب زار اولسون

وئرمه نادانه كونول سیرینی آگاه ائتمه

دئمه عشق اهلی گئرك دهرده بی عار اولسون 

شول فلكین گردیشى٫ هئچ وقت منى شاد ائتمه دى

خسته كؤنلوم بیر بلادن٫ غمدن آزاد ائتمه دى

آیرى دوشدوم قووم و قارداشدان منى یاد ائتمه دى

من تكین بخت-ى قارانى خانه ویران ائتمه دى

نئیله ییم ائى دوستان٫ من بى وفایا اوغرادیم؟ 

دویدون نیه تئز عاجز اولان همسفروندن

مندن اورگون اینجیدی سالدون نظروندن

یول یولداشی آهسته گئدر یولداشا خاطیر

یوخلا منی بو قانلی اولان گوز یاشا خاطیر 

قلبیم ده سنین منده سنین جان دا سنین دیر

ییخسان داغیدیب محو ائدیب آتسان دا سنین دیر

گوندوزلری هیجرانینا یوخ تابی-توانیم

هیجران گئجه سینده نه جفا چكمه دی جانیم!



سن گول منه گول! گول بوحیاتین اوءزو گولسون

بال شهدی-لبیندن سوزولوب شعره توءكولسون

آچ زولفونو قوی دان یئری چوءهره نده سوءكولسون

قوربان دیله سین جان دیله سین جان دا سنین دیر 

داش نه بیلیرمن بلالی باشیم وار

بو قبر اوسته آخان بیر گوز یاشیم وار

ارزی-گورزی تاریخجه سیندن قالان

بورداانجاق بیر یازیلی داشیم وار

فاتحه نی اونوتمایون كه بوردا

منیم ده بیر یارالی قارداشیم وار

من كاسب بیر اوغلانام هچ كیم سایا سالمیر منی!

كور فلك اوز چوندریب آغوشینه آلمیر منی!

دونیادا بیر یار سوركن دوشدوم عشقین ذوقینه!

من فقیر او بیر غنی باخ من فقیرین شوقینه!!!!!!

شعری از غملی لرباغچاسی 

كیمسه بیلمز اورگیم سررینی دونیادا منیم

یاز قلم دورما كی سنسن منه محرم گئجه لر

یارالی كونلومه كوندور وورولان یاره لره

مهربان یار الی ایستر قویا مرهم گئجه لر

نه وئرر گوندوزو مهلت منه هیجران ستمی

نه قویار باش یئره بیر لحظه قویام غم گئجه لر 

تانریم منی شوخ یارادیب سئوینمیه بخت ورمییب

تانریم منی ساز یارادیب چالماقا عاشیق ورمییب

تانریم منی سوز یارادیب قوشماقا ماهنی ورمییب

تانریم منی زر یارادیب دویماقا زرگر ورمییب

تانریم منی نار یارادیب اما نار حیات ورمییب

تانریم منده قلب یارادیب دولدورماقا عشق ورمییب

گورون منی نیه یارادیب یامانجا پشمان الییب

نامرد فلك بیر گولی كی چوخ گوزل اولسا

گلزاری خزان ایلیه جخ تا بیر گول آپارسین

چرخ فلكین قاباقین هچ كیم آلا بیلمز

بو عادت اولوبدور طبیعته تا

غنچه وریب بیر گول آپارسین 

بیچاره گوزوم هر گئجه سنسیز باخار آغلار..

قان یاشلی،اولدوزلاری بیر بیر سایارآغلار..

شیمشك باخیشیم، قانلی بَبـَك‌دن چاغار آغلار

سن آیریلیغی خوشلادین امٌا،گئجه - گوندوز.. 

دفترده،قلم شرح فراقین یازار آغلار...

یانقین قلمیم، بیر سینه دفتر، یاخار آغلار

استاد گلدسته(قوجا)