اوستاد شهریارین تورکیه سفری (سفر استاد شهریار به ترکیه)
یازار : " تؤرک دیلینی اؤیره نین، چونکو اونلارین حاکمیتی چوخ اوزون سؤره جکدیر." پیامبر اکرم
+0 چره جلی
اوستاد شهریارین تورکیه سفری (سفر استاد شهریار به ترکیه)
اشاره : استاد شهریار در این شعر رسما به ترک بودن خویش و هم نژاد بود با دیگر ترکان اشاره می کند. این شعر در مورد سفرش به ترکیه و درد دل کردن با مردم ترکیه می باشد. حتما این شعر را بخوانید
گلمیشم نازلی هیلال اولکه سینه
فکرتین اینجه خیال اولکه سینه
آکفین مارشی یاشاردیپ گوزومو
باخیرام "یحیی کمال " اولکه سینه
اوت ایسلام اوجاغی تورکیادیر
بیر موسللاسی ایا صوفیادیر
بوردا رومی گیبی عاریفلر وار
صوفی لر عابیده سی قونیادیر
گورونور پرده سین آچدیقجا خیال
باشدا فیکرت له دوروپ یحیی کمال
سون ادیب لر صفیدیر، باخ نه جمال
شهریار دان نه آغیــر ایستیقبال
بیر هیلال پارلیاراق اولدو گونش
بیر ساچاقلی گونش، ایحلام آدلی
قول قانات آچری گئنیش بیر مولکه
امپراتوری تورکان آدلی
دنیزی قالدیریپ آلمیش بئلینه
سانکی سیمرغ خیالیم اوجالیر
لاکن اولدوق دا داها مست جمال
تییره ییر حملینی ایدیکده جالیر
باخیشیم قول قانات آچدیقجا اوچور
گوز دییر قوی هله باخدیقجا باخیم
بو افقلرده سئوینجک قاریشیپ
شفقین آرخینا آخدیقجا آخیم
دیــیـــرم آکفیله گاه جوماییم
افقون جیلویه ماوی یه تینه
گاه آتام دان قول آلیپ یوکسه له لیم
باخاییم فکرتین هوریـیـتـیـنـه
طومار آچتیقجا خیال فیلم لری
جالانیر بوردا آغیر بیر تاریخ
توزلی، قانلی، بوغوق توفانلار
سانکی گوزلر دومان ایچره مرریخ
هر یئرین توپراغی بیر شئی به سلر
بورا دا دوغروسو قیرت کانی دیر
بوردا داشدان چوق ایگیت لرسوموگو
چشمه دن بوللو شهیت لر قانی دیر
گورورم فاتحی ائتمکده هوجوم
اوخونوپ فاتحه ی دولت روم
شانلی داغلار اوجالیقلار گورورم
یینه بیر چوق دره لر، چوق اوچوروم
گورورم بیر ابدی عزت و شان
گله جک فخری اولان بیر گئچه جک
یوق بو میللت، بو ححقیقت اولمز
چاتاجاق خضرینه، جالمین ایچه جک
دوزولوپ سانکی بو بالکنلار دا
گینه شاهلار تاجی، بیگر فسیی دیر
قولاق آسسان بو افقلر ده هنوز
پاشالار نعره سی عسکر سی دیر
او گوزللر گوزلی ایستانبول
او دنیز لر قیزی، دریا گلینی
سانکی دریا چیچگی، نیلوفر
قول آچیپ، ساحیله آتمیش الینی
بوردا سون بیر مدنیت یارانیپ
نه بنالر یاپیلیپ، ال لر وار
نه جلالت، نه صلابت علمی
آتا تورک لر گیبی هیکللر وار
شرق و قربی مدنیت قاووشوپ
بیر اصیل نسلی بو توپراقدا دوغور
معرفتدن قول آلیپ عزت نفس
جهلی، فقری دوغولان یئرده بوغور
قوربت احساس ائیله مم من بوردا
سانکی اوز دوغما دیاریم دی منیم
نرده واردی قارینداشلاریمیز
آنا یوردومدی، حصاریمدی منیم
من ده آذر بالاسی تورک اوغلو
قوناقام دوغما قارینداشلاریما
دئمیشم آیری دوشن لشکریمی
گئدییم وصل ائدییم باشلاریما
دیلی دینی، قانی بیر قارداشیدیق
سوزو بیر دینله سه آغلار تاریخ
ایشده محکوم ائده رک باشچیلاری
قارا میللت لری داغلار تاریخ
بیز ده سیز تک دینه لاقید اولالی
گیتدی یئر لر بیزه گوک لر قالدی
شققه لندیک هره بیر تایدا دوشوپ
بیر کسیک باش گیبی سویلر قالدی
گل سیقاق بیر کره قارداشلیک الین
لئن ائدک نا خلف ایسلافیمیزه
بونو نادیر، او واقیت دویموشدی
قوی محبت قالا ایخلافیمیزه
اوبا لار شاعیری یم دردیمیزی
دویورام ، چوق دا درین دویقودو بو
باش توتا ، توتمایا ، اوز دویغوملا
اویورام چوق دا شیرین اویقودو بو
گوروروم آی نازلی هیلالیم سانجاق
پارلاسین گئت گئده بو سونمز اوجاق
دئمیرم قول ائدک دونیانی بیز
دونیا آرتیق بیزی اینسان ساناجاق
