شعر
یازار : " تؤرک دیلینی اؤیره نین، چونکو اونلارین حاکمیتی چوخ اوزون سؤره جکدیر." پیامبر اکرم
+0 چره جلی
ادبی(شعر استاد میرزا محمد بخشی)
قوی یازیم شعریمی قالسین یادگار
مندن سورا ساری تئـللر آغلاسین
شانـلی اولکه میزین بیر بـلبلیـدیم
اولکه فریاد ایدسین ایللر آغلاسین
********************
قـوی اولـوم خبـریـم یایـلسین داغـا
دنیـــا بــی وفـــادی یــالـوارمـا اونـا
سـاعـاتـدا گئینیـر میـن جـوره دونـا
بخشینین عوموری چـاتـانـدا سـونـا
نـاکسـلر سـوینسین کسـلر آغـلاسین
هاردا قالدون گلمدون؟
یول ایتیرمیش درنالارتک یولدا قالدون گلمدون
گوزلریم یول چکدی سن یوللاردا قالدون گلمدون
آی پریشان قانلی کونلوم، سنده تک گویدون منی
یا ایلیشدون ساچلاروندان داردا قالدون گلمدون
طابوتوم چیئنونده گتسین ،سنکی رازیدون بنا
ایندی کی چاتدون مراده هاردا قالدون گلمدون
سن هماتک یاد قوش اولدون، قونمادون ویرانمه
سفرامی دنسیز گوروب،دیواردا قالدون گلمدون
زخم ور کی دیللنیم منده سنخ سازلار کیمین
اوزگه اللرده تل اولدون هاردا قالدون گلمدون
سون نفسده گل عزیزیم ، گلمسون جان ورمرم
گویدون عزرائیلی معطل هاردا قالدون گلمدون
سیزلاییر احوالیما صبحه قدر تاریم منیم
یک قطعه شعر ترکی عاشقانه از استاد شهریار
سیزلاییر احوالیما صبحه قدر تاریم منیم
تکجه تاریم دیر قارا گونلرده غمخواریم منیم
چوخ وفالی دوستلاریم واردیر، یامان گون گلجه یین
تاردان اوزگه قالماییر یار وفاداریم منیم
یئر توتوب غمخانه ده، قیلدیم فراموش عالمی
من تارین غمخواری اولدوم، تار غمخواریم منیم
گوزلریمه هر تبسم سانجیلیر نئشتر کیمی
کیپریگی خنجردی، آه، اول بی وفا یاریم منیم
آسمان آلدی کناریمدان آی اوزلو یاریمی
یاش توکر اولدوز کیمی بو چشم خونباریم منیم
ای بو غملی کونلومون تاب و توانی، سویله بیر
عهد و پیمانین نه اولدو، نولدو ایلغاریم منیم
"شهریار"م گرچی من سوز مولکونون سلطانی یم
گوز یاشیمدان باشقا یوخدور در شهواریم منیم
ییخابیلمه زدی، فلک اولسایدی، ییخدی هیجرِ یار
شمع تک یاخدیـن منـی، پـروانـه لـر گـولسـون منـه
منـده یــالــواررام گــؤزوم یــاشیلــه، پیــر میکــده
ائیله مست ائیتسین منـی، مستـانـه لـر گـولسـون منـه
پرتوِ خـورشیـدِ روییـن جـام ِ مئـی ایچـره گـؤروب
آغـلارام، قـوی دؤره ده پیمـانـه لـر گـولســون منــه
قورخورام سّر دهانین، مئی ایچیـب فـاش ائیلـه یـم
مست اولام کیم، عارفِ میخـانـه لـر گـولسـون منـه
بـاغـلا اول زنجیـرِ زولفـونلـه مـنِ ســر گشتــه نــی
قویما کیم، صحـرا نشیـن دیـوانـه لـر گـولسـون منـه
لیلی وش زولفونـدن آیـری ایستـه رم، مجنـون اولام
قوی ائشیتسیـن بـو سـوزو فـرزانـه لـر گـولسـون منـه
ییخابیلمه زدی، فلک اولسایدی، ییخدی هیجرِ یار
واحـدم، قـوی سـاکـنِ ویـرانـه لـر گــولســون منــه
