جهنمده بیتن گول
یازار : " تؤرک دیلینی اؤیره نین، چونکو اونلارین حاکمیتی چوخ اوزون سؤره جکدیر." پیامبر اکرم
+0 چره جلی
جهنمده بیتن گول
بو شعر "سورو" آدلی بیر قیزا دئییلیب کی قزوینین"الموت" کندین دن اوز سئوگیلیسین گورمه ک ایچون اردبیل شهرینه گئدیب و بیر دلی کیمین اردبیلین کوچه لرین اوز سئوگیسیندن اوتور گزیر. (ایندی ده قالیر)
جهنمده بیتن گول
فلکین قانلی الیندن بیر آتیلمیش یئره اندی،
بیر فلاکت آنانین جان شیره سیندن سودون امدی،
بوللو نیسگیل شله سی چیگنینه آلدی،
تای توشوندان دالی قالدی،
ساری گول مثلی سارالدی،
گونو تک باغری قارالدی.
خان چوبان سیز سئله تاپشیرسین اوزون،
یوردوموزا بیر سارا گلدی،
بیر وفاسیز یار الیندن سانا گلمز یاراگلدی،
بیریازیق قیز،
جان الینده ن جانا گلمز جانا گلدی،
گئچه جکده ((الموت)) دامنه سینده ن بورایا درمانا گلدی،
بیر آدامسیز ((سورو)) آدلی،
الی باغلی، دیلی باغلی!
((سورو)) کیمدیر؟
سورو بیر گول دو جهنمده بیتیبدیر،
سورو بیر دامجی دی گوزده ن آخاراق اوزده ایتیبدیر،
سورو یول یولچوسودوراگری ده یوخ دوزده ایتیبدیر،
سورو بیر مرثیه دیر اوخشایاراق سوزده ایتیبدیر،
او کونول لرده کی ایتمیش دی ازلدن،
اودو گوزده ن ده ایتیبدیر،
سورو بیر گوزلری باغلی،
اوزو داغلی، سوزو داغلی،
اولوب هاردان هارا باغلی؟
بوشلاییب دوغما دیارین،
اوموب البته یاریندان،
ال اوزوب هرنه واریندان،
قوخماییب شهریمیزین قیشدا آمانسیز بورانیندان،
نه قاریندان،
گزیر آواره تاپا یاندیریجی دردینه چاره،
تاپا بیلمیر،
چوخ سئویر عشقی باشیندان آتا،
آمما آتا بیلمیر،
اووا باخ اووچو دالینجا قاچیر آمما چاتا بیلمیر،
ایش دونوب لیلی دوشوب چوللره مجنون سوراغیندا،
شیرین الده تئشه داغ پارچالاییر فرهاد اوتورموش اوتاغیندا،
تشنه لب قو گور نئجه جان وئری دریا قیراقیندا،
وارلیقین سون اثری آز قالیر ایتسین یاناغیندا،
سانکی بیر کوزدو بورولموش کوله وارلیق اوجاغیندا،
کوزه ییر پیلته کیمین یاغ توکه نیب دیر چیراغیندا،
بوی آتیر رنج باغیندا، قوجالیر گنج چاغیندا،
بیر آدامسیز ((سورو)) آدلی، الی باغلی،
دیلی باغلی!
((سورو جان)) اومما فلکدن،
فلکین یوخدو وفاسی،
نه قدر یوخدو وفاسی، او قدر چوخدو جفاسی،
کوهنه رقاصه کیمین هر کسه بیر جوردور اداسی،
اوآیاقدان دوشه نی ایستیر آیاقدان سالان اولسون،
او تالانمیش لاری ایستیر گونو گوندن تالان اولسون،
او آتیلمیش لاری ایستیر هامیدان چوخ آتان اولسون،
او ساتیلمیش لاری ایستیر قول ائده رکن ساتان اولسون،
نئیله مک قورقو بوجوردور،
فلکین نظمی ازلدن اولوب اضدادینه باغلی،
قاراسیز آغلار اولانماز،
دره سیز داغلار اولانماز،
اولوسوز ساغلار اولانماز،
گره ک هر بیر گوزه له بیر دانا چیرکین ده یارانسین،
بیری انسین یئره گویدن بیری عرشه اوجالانسین،
بیری چالسین ال آیاق غم دنیزینده،
بیری ساحیلده سئوینج ایله دایانسین،
بیری ذلت پالازین باشه چکیب یاتسادا آنجاق،
بیری نین بختی اویانسین،
بیری قویلانسادا نعمت لره یئرسیز،
بیری ده قانه بویانسین،
آی آدامسیز سورو آدلی،
ساچلاریندان دارا باغلی!!
نئیله مک ایش بئله گلمیش،
چور گلنده گوله گلمیش،
فلکین اگری کمانیندا اولان اوخ آتیلاندا دوزه دگمیش،
دیلسیزین باغرینی دلمیش،
اگری قالمیش دوز اگیلمیش،
اونو خوشلار بو فلک ائل ساراسین سئللر آپارسین،
بولبول حسرت چکه رک گول ثمرین یئللر آپارسین،
قئیسی چوللرده قویوب لیلی نی محمللر آپارسین،
خسرو،
شیرین ایله ال اله وئرسین فرهادین قامتین اگسین،
باخاراق چرخ زمان نشئه یه گلسین،
کئفه دولسون،
((سورولار)) سولسادا سولسون،
سیسقا بیر اولدوز اگر اولماسا اولدوزلار ایچینده،
بو سماء ظولمته باتماز،
داش آتان کول باشی قویموش داشینی اوزگه یه آتماز،
سن یئتیشسن هدفه اوندا فلک مقصده چاتماز،
داها افسانه یاراتماز،
((سورو)) آی باشی بلالی،
زامانین قانلی غزالی!
((سورو)) بیر قوشدور خزان آیری سالیبدیر یوواسیندان،
ال اوزوبدور آتاسیندان،
جوجه دیر حیف اولا سود گورمه ییب اصلأ آناسیندان،
او زلیخا کیمی یوسیف ایین آلمیر لیباسیندان،
بونا قانع دیر تنفس ائله ییر یار هاواسیندان،
درد وئره ن درده سالیب آمما خبر یوخ داواسیندان،
آغلاییب سیتقایاراق بهره آپارمیر دوعاسیندان،
او بیر آیینه دیر رسام چکیب اوستونه زنگار،
اوندا یوخ قدرت گفتار،
اوزو چیرکین دیلی بیمار،
گنج وقتینده دل آزار،
گوره سن کیمدی خطاکار،
گوره سن کیمدی خطاکار!؟
یازان: اردبیللی عاصم
بو شعر "سورو" آدلی بیر قیزا دئییلیب کی قزوینین"الموت" کندین دن اوز سئوگیلیسین گورمه ک ایچون اردبیل شهرینه گئدیب و بیر دلی کیمین اردبیلین کوچه لرین اوز سئوگیسیندن اوتور گزیر. (ایندی ده قالیر)
جهنمده بیتن گول
فلکین قانلی الیندن بیر آتیلمیش یئره اندی،
بیر فلاکت آنانین جان شیره سیندن سودون امدی،
بوللو نیسگیل شله سی چیگنینه آلدی،
تای توشوندان دالی قالدی،
ساری گول مثلی سارالدی،
گونو تک باغری قارالدی.
خان چوبان سیز سئله تاپشیرسین اوزون،
یوردوموزا بیر سارا گلدی،
بیر وفاسیز یار الیندن سانا گلمز یاراگلدی،
بیریازیق قیز،
جان الینده ن جانا گلمز جانا گلدی،
گئچه جکده ((الموت)) دامنه سینده ن بورایا درمانا گلدی،
بیر آدامسیز ((سورو)) آدلی،
الی باغلی، دیلی باغلی!
((سورو)) کیمدیر؟
سورو بیر گول دو جهنمده بیتیبدیر،
سورو بیر دامجی دی گوزده ن آخاراق اوزده ایتیبدیر،
سورو یول یولچوسودوراگری ده یوخ دوزده ایتیبدیر،
سورو بیر مرثیه دیر اوخشایاراق سوزده ایتیبدیر،
او کونول لرده کی ایتمیش دی ازلدن،
اودو گوزده ن ده ایتیبدیر،
سورو بیر گوزلری باغلی،
اوزو داغلی، سوزو داغلی،
اولوب هاردان هارا باغلی؟
بوشلاییب دوغما دیارین،
اوموب البته یاریندان،
ال اوزوب هرنه واریندان،
قوخماییب شهریمیزین قیشدا آمانسیز بورانیندان،
نه قاریندان،
گزیر آواره تاپا یاندیریجی دردینه چاره،
تاپا بیلمیر،
چوخ سئویر عشقی باشیندان آتا،
آمما آتا بیلمیر،
اووا باخ اووچو دالینجا قاچیر آمما چاتا بیلمیر،
ایش دونوب لیلی دوشوب چوللره مجنون سوراغیندا،
شیرین الده تئشه داغ پارچالاییر فرهاد اوتورموش اوتاغیندا،
تشنه لب قو گور نئجه جان وئری دریا قیراقیندا،
وارلیقین سون اثری آز قالیر ایتسین یاناغیندا،
سانکی بیر کوزدو بورولموش کوله وارلیق اوجاغیندا،
کوزه ییر پیلته کیمین یاغ توکه نیب دیر چیراغیندا،
بوی آتیر رنج باغیندا، قوجالیر گنج چاغیندا،
بیر آدامسیز ((سورو)) آدلی، الی باغلی،
دیلی باغلی!
((سورو جان)) اومما فلکدن،
فلکین یوخدو وفاسی،
نه قدر یوخدو وفاسی، او قدر چوخدو جفاسی،
کوهنه رقاصه کیمین هر کسه بیر جوردور اداسی،
اوآیاقدان دوشه نی ایستیر آیاقدان سالان اولسون،
او تالانمیش لاری ایستیر گونو گوندن تالان اولسون،
او آتیلمیش لاری ایستیر هامیدان چوخ آتان اولسون،
او ساتیلمیش لاری ایستیر قول ائده رکن ساتان اولسون،
نئیله مک قورقو بوجوردور،
فلکین نظمی ازلدن اولوب اضدادینه باغلی،
قاراسیز آغلار اولانماز،
دره سیز داغلار اولانماز،
اولوسوز ساغلار اولانماز،
گره ک هر بیر گوزه له بیر دانا چیرکین ده یارانسین،
بیری انسین یئره گویدن بیری عرشه اوجالانسین،
بیری چالسین ال آیاق غم دنیزینده،
بیری ساحیلده سئوینج ایله دایانسین،
بیری ذلت پالازین باشه چکیب یاتسادا آنجاق،
بیری نین بختی اویانسین،
بیری قویلانسادا نعمت لره یئرسیز،
بیری ده قانه بویانسین،
آی آدامسیز سورو آدلی،
ساچلاریندان دارا باغلی!!
نئیله مک ایش بئله گلمیش،
چور گلنده گوله گلمیش،
فلکین اگری کمانیندا اولان اوخ آتیلاندا دوزه دگمیش،
دیلسیزین باغرینی دلمیش،
اگری قالمیش دوز اگیلمیش،
اونو خوشلار بو فلک ائل ساراسین سئللر آپارسین،
بولبول حسرت چکه رک گول ثمرین یئللر آپارسین،
قئیسی چوللرده قویوب لیلی نی محمللر آپارسین،
خسرو،
شیرین ایله ال اله وئرسین فرهادین قامتین اگسین،
باخاراق چرخ زمان نشئه یه گلسین،
کئفه دولسون،
((سورولار)) سولسادا سولسون،
سیسقا بیر اولدوز اگر اولماسا اولدوزلار ایچینده،
بو سماء ظولمته باتماز،
داش آتان کول باشی قویموش داشینی اوزگه یه آتماز،
سن یئتیشسن هدفه اوندا فلک مقصده چاتماز،
داها افسانه یاراتماز،
((سورو)) آی باشی بلالی،
زامانین قانلی غزالی!
((سورو)) بیر قوشدور خزان آیری سالیبدیر یوواسیندان،
ال اوزوبدور آتاسیندان،
جوجه دیر حیف اولا سود گورمه ییب اصلأ آناسیندان،
او زلیخا کیمی یوسیف ایین آلمیر لیباسیندان،
بونا قانع دیر تنفس ائله ییر یار هاواسیندان،
درد وئره ن درده سالیب آمما خبر یوخ داواسیندان،
آغلاییب سیتقایاراق بهره آپارمیر دوعاسیندان،
او بیر آیینه دیر رسام چکیب اوستونه زنگار،
اوندا یوخ قدرت گفتار،
اوزو چیرکین دیلی بیمار،
گنج وقتینده دل آزار،
گوره سن کیمدی خطاکار،
گوره سن کیمدی خطاکار!؟
یازان: اردبیللی عاصم
