سنه قربان 

گجه گوردوم قورولوب مجلس اعیان سنه قربان 
نجه مجلس دیه سن روضه ی رضوان سنه قربان 
بیر طرفده اوتوروب مفته یین لر هاموسی 
بیر طرفده سالنیب سفره ی الوان سنه قربان 
بیر اوجا صوتیله گوردوم که چاووش سسلنیری 
مکه دن گلده جماعت حاجی بهمان سنه قربان 
من ده چیخدیم کوچه یه تا کی گورم وار نه خبر 
گوردوم اطرافه آلیب قیز گلین اوغلان سنه قربان 
صف چکیب دوره لیب چاپلوس آداملار حاجی نی 
هچ ولایتده پوزولماز بیله بوستان سنه قربان 
او جماعت آراسیندا آق عرقچینده حاجی 
گوبلک تک باش آچیب اولدی نمایان سنه قربان 
حاجی پول خرج ایلیب آلدی لقب اولدی حاجی 
عیبی یوخدور اولا یا اولمویا ایمان سنه قربان 
خبر آلدیم حاجیدان شیطانا داش وورماقینی 
دیدی آتدیم داشی گولدو منه شیطان سنه قربان

شکوه لی سوز
بیلمم نیه هر یاندا بلا پس بیزی توتدی 
هر بیر یانار اوت دوشدی گولستانی قوروتدی
بیلمم نیه نعمت بولاغین قاینادان الله
یوسقوللاری بس بیر بیله نعمت دن اونوتدی
بیلمم نیچون یوسوفه حُسنی ورن الله
عشق آتشینه قلب ذولیخانی چوروتدی
دوستلار نه خطا ایلدی دوستلوخدان علاوه
دوست اوستونه دوشمنلری دائم یوگوروتدی
دولتلیه رضواندی جهان یوخسولا زندان
ایپ سالدی بو یوخسوللاری زندانه سوروتدی
صابر اشیدیپ بو سوزی باخدی منه گولدی
عرض اتدی بالا بیزلری بیگانه چوروتدی
احساسیله اویناتدی بیزی عقلیمیز آزدی
ئوزباشینا بو میللتین ئوز داشینی سورتدی
پابند اولوپ بس کی خرافاته مسلمان
غفلتده گالیپ چشمه ی تقوانی چوروتدی
بیگانه چالیپ لای لایه خلق یوخلادی یاتدی
ئوز بارماقینی میللتین ئوز گوزونه دورتدی
دیدیم حاضر اولا بیلدون کسن اسماعیلیوی 
دیدی فکر ایله مدیم بو ایشه اصلان سنه قربان 
آللادیب آللاداجاق ملته تزویرچی لر 
آللانیب آلاناجاخ قیز ، گلین ، اوغلان سنه قربان 
خواب غفلتده یاتیپ خورنا چکر ملت هامو 
باسیپ حتما بو گجه ملتی یورقان سنه قربان
ایتیمیز قورتا دونوپدور قویونون وای حالینا 
داها مشکل تاپیلا ایچماقا ایران سنه قربان 
دره لر خلوت اولوپدور ، تولکی لر بیگ بزنیب 
یازلیپدیر خروزین قتلینه فرمان سنه قربان 
زور و تزویریله زر باخ کی نجه ال بیر اولوب 
جالیب یر أوزونه ، سو یرینه قان سنه قربان 
دمکراسی هارا بس کنده و زنجیره هارا 
روا بیلمز بو ایشی حیوانا حیوان سنه قربان 
وار امیدیم داغیلا بتکده بتلار سینالار 
اولا تا کاخ ستم خاکیله یکسان سنه قربان

قناری جان
قناری جان نیچون چوخلو غمگین سن
منم قلبیم کیکین سنده یفقین در فکر تسکین سن
قناری جان غموندن یاخشه درکیم وار
باشیوندا اوچما فکرون وار
اوچوپ قاشماخ ارا اشماخ
دورگنیدن دوروییدناوزاخلاشماخ
قناری جان چوخ ایستردیم اوچایدون سن
اوجایرلرده سیرادمیش قانادلاروناچایدون سن
اوجایردن اوجا فریادیلان فریادادیدون کاش
هامه نامرد لرین رویالرین برباد ادیدون کاش
که ای سیزلر مین لر گجه یلدا سیزه لای لای چالبده 
سیز یوخلایب سیز دوریزه دوشمن الیبده
یاتان لار خواب غفلتده
یاتیپ قالدیز جهالتده
چکین سیز ال بو عادتدن
دورین خواب جهالتدن 
دورین خواب جهالتدن

قضا
قضا انسانلاره مغرور ادیبده
ریاست گوزلرینی کور ادببده 
چالیپ چالخاشدریپ اوضانه تاکه
بساط عیش ونوشین جور ادیبده
توتوپ گرد وغباره زور وتزویر
که قلبین گور نجه مستور ادیبده
الیب اطرافین افرادی طمع کار
حقیقتدن گوزینی دور ادیبده
عنان دست نادانه ورنده
قلوب ملته رنجور البده
قورندا زورویلن دارلحکومه
هر ایشده دوستلارین منظور دیبده
بویرده چونکه اشپز ایکی اولده
غذانه بی نمک یا شور ادیبده
بو امره مات وهیران قالموشم من
سیزه کیم بوایشه مجبور ایدیبده
قرانلوقدا چکیب باشیزه یاتدیز 
ایوخ دشمن سیزه محسور ایدیبده
سیزیلار نی تکین همواره صابر
ولاکن حق سوزن منشور ادیبده

گرفتار
هر عاشق اولان عشقه گرفتار اولابیلمز
هر خورما ساتان میثم تمار اولابیلمز
مخلوق خداوند اوزونه اولمیان عاشیق
حق عاشقه تک صاحب ایثار اولابیلمز
دونیا مالونا شهرتینه وورقون اولانلار
انفاق ایلهمز طالب دیدار اولابیلمز 
ماموره اگر رشوه یماخ اولماسا عادات
مظلوملارین قاننه ظالم سورا بیمزا
میمون تکین هر سوزه تقلید ایلینلر
اندیشه ادیب صاحب افکار اولابلمز
صابر یمه غم هر گونین ئوز قصه سه واردور
مفرق پاراسه گوهر شهوار اولابیلمز


با هالخدان
الله ئوزون حفظ ایله جهانه باهالخدان 
حفظ ایله ئوزون خردو کلانه باهالخدان
بوبرهه ده انصاف ومروت ویجه گلمز
ایمان ازالیپ یوخدو یالانه با هالخدان
افسوس حقیقت اوزونه چکدیلر پرده
ایمانه اولان قلبلره گتدیلر درده
هر یرکه گونش اولدو قوروت سردیلر اوردا
هی زالو گیمین سوردولر قانه باهالخدان
فرلانده عومور اهیله افغانیله گدی
یغده برکت سفره سین احسانیله گدی
مال غارت اولوپ اوغرو دایرقانیله گدی
گتدی اپاروپ شرم وحیانی باهالخدان
چوخ چوخ سوروخ گونده بیزه هی گله مهمان
مهمان گله خوشحال اولار مردم ایران
اما باهالوخ جامعه نی ایله ده بحران
خلق انده باسیر باغرا سوغانه باهالوخدان
امکان اولا ای کاش قیده بیرده اوجوزلوخ 
مردم شاد اولا ایلیه عمرون اونا قللخ
بوشرطیله که باشلامیا بیرده فضوللوخ
تا توتمویالار شیشه یه قانین باهالوخدان
افسوس گچن گونلریمیز بیرده قیتمز
حرمت که سینیب خلق اولوب افسرده قیتمز
عرض ایلیرم بوسوزو بی پرده قیتمز
گنده چکیلیب دونیای فانی باهالخدان
هی گونده دیدوخ مردم ایران دوشوننده
حق بنده سی ده حق سوزون هریاندا دینده 
گوردوخ باباجان داش قوتاریپ قوزدا توکنده
دیبدن قورویوب نطق وبیانه باهالخدان
بواولکه ده دای دین وشریعت ویجه گلمز 
ایمان قوجالیب دای قوجا ایمان گوجه گلمز
یوخدور سوروشان ای بابا صابر نجه گلمز

عقلون لاپ ازیپ یازما یالان باهالخدان