شعریمیز
یازار : " تؤرک دیلینی اؤیره نین، چونکو اونلارین حاکمیتی چوخ اوزون سؤره جکدیر." پیامبر اکرم
+0 چره جلی
آذربایجان
دوداقلاردان کســیلیبدی گولوشــلر
بـؤلگه لــره بولونوبدی اؤروشــلر
قیــامته قالـــیب بـیزیم گــؤروشــلر
آغلی ییب دئییـرم حیرانام حیــران
سنه قـوربان جـانیم،آی آذربایجــان
آزدیریب کورپه اوشـاقلار دیـلیـنی
غــم کـــــدر اییــب آتالار بـئلیـنــی
آرپا چای گؤسـتریب ،سارا تئلینی
گؤزو آغلارقالیب آغلار خان چوبان
سـنه قـوربان جــانیم،آی آذربایجــان
هانــی بیزیـم ســـاوالان، تبریزیمـیز
دومان آلیب گؤرونمور خــط ایزیمیز
تـاقتـدن دوشــوبدو بیزیم دیزیمیــز
هاوارسالیب ائله قارا باغ شیروان
سنه قوربـان جانیم،آی آذربایجــان
گونو گـوندن ایـره لی گون قارالــیر
آچان گوللر سـولور رنگی سارالـیـر
غـمه بوغور دوشمن اوخلا یارالیـر
نه یـاتمیسـان آییل غـفلتدن اویـان
سنه قوربان جــانیم،آی آذربایجــان
ایسته میریک باخاق اؤزگه حرمدن
(وفا) یـــارالانـیــب درد و الــمــدن
خیلاص ائیله بیزی کدردن غمـدن
گئجه گوندوزوموز ناله دی افغـان
سنه قوربان جــانیم،آی آذربایجــان
شعریمیز
زامان زامان گزر بوتون دونیانی
دیریلیک سویوندان ایچن شعریمیز
سارماشیق تک دولاشار یوکسک لره
بولودلاردان اوجا بیتن شعریمیز
اصلیمیزین نسلیمیزین دیلیدی
آذربایجان شهریارین ائلیدی
بیزی آییردان خان آرازین سئلیدی
آرپادا سارای تک چیمن شعریمیز
اود سالیر اوره گه ، واحید غزلدن
تای تاپیلماز فضولییه ازلدن
صفا گولوستانی گویچک گوزلدن
اوندا گئییر یاشیل چمن شعریمیز
قاطار قاطار سینه لری گزندی
قلم له ظالیم باشینی ازندی
هردم لاله کیمی قانا بزه ندی
ساواش گونو گئیدی کفن شعریمیز
شعرله مظلوملاری هایلا، هارایلا
اومود یولون گوستر اولدوزلا، آیلا
وفانی باریشدیر چشمه ایله چایلا
قاووشسون دیوانا کوسن شعریمیز
گوناهکار ائیله مه
گولشنی خزانا چکیب
ساری گوناهکار ائیله مه
گول غنچه سی خندان اولوب
خاری گوناهکار ائیله مه
داغلارین مین دره سی وار
سوتون قیماق کره سی وار
قیشین سازاق شه له سی وار
قاری گوناهکار ائیله مه
اینجیتمه یارین گویلون آل
قوللاریوی بوینونا سال
هئجرینده تار کامان دا چال
یاری گوناهکار ائیله مه
هرشاهین بیر گداسی وار
هرسازین اوز هاواسی وار
نئی یین سینیق نواسی وار
تاری گوناهکار ائیله مه
واردی بیزده مهر و صفا
بیر کور ووردی نارو، جفا
یولون چاشاندا بو «وفا»
کاری گوناهکار ائیله مه
قولون ای غصه ندن حلقه ی دار ائیلمیسن
قفسین ایچره منی زار و نزار ائیلمیسن
قلبیمی هئی توتوسان اوخلانشانه گوزلیم
اوره گین قانینی سن بؤیله آخارائیلمیسن
اؤل ایشیق گونلریمی ظلمته دؤندردین عجب
منه یانماقلیغی هر گونده قرار ائیلمیسن
گول کیمی چهره می سولدورموسان ای غصه بوجور
گولو پژمرده ائدیب همدم خار ائیلمیسن
یاش آخارکن ئوزومه گوزلریمی ائتدی ضایف
سن ایشیق گونلریمی بیر دفه تار ائیلمیسن
پارچالانمیش اوره گین سیررینی جارائتدی(وفا)
غمین عشقینده منی زار و نزار ائیلمیسن
باشین ساغ اولسون آذربایجان
باشی بلالی وطنیم
فلکین قهرینه دوشدی
زلزله آدلی قارا دئو
اهرین شهرینه دوشدی
استاد صفرعلی یوسفی اقدم متخلص به (شاهباز)درسال ۱۳۲۵درروستای الهوردی کندی شهرستان قره ضیاءالدین دیده به جهان گشود ایشان ازسنین نوجوانی علاقه خاصی به آهنگهای آشیقی وشعرهای فولکولور داشت واز همان زمان سرودن شعرهای فولکولور در وجود ایشان جرقه زد با اینکه او بیسواد بود ولی طی سالها فعالیت در عرصه شعر مقامها وتقدیرنامه های متعددی در سطح استان در کارنامه خود ثبت نمود وهم اکنون یکی از آثارش به نام (فلک لر یاندی آهیمدان)آماده چاپ بود ولی متاسفانه اجل مهلت نداد
استاد در تاریخ۲۱/۵/۱۳۹۱در لیالی قدر همراه دخترش به دیار باقی پر کشیدند.
(روحشان شاد)
((یک قطره از دریای بی کران استاد))
اؤز بابام سلطاندی اؤز بابام خاندی
باش اگیره م اؤزگه سلطان خانا من
قهرمانلار بیر-بیر دوشور یادیما
عارسیز عارسیز یاشییرام آنا من
قویمازلار قاوزانا آذربایجانی
یازیلمیر تاریخه تورک قهرمانی
بابک یولو گئدین قوی گئتسین جانی
تنگیمیشم لاپ گلمیشم جانا من
عارسیز عارسیز یاشییرام آنا من
بابکین قالاسی قوشا تاغلیدی
باخساز سینه م اللی یئردن داغلیدی
جسدیم پلین دی دیلیم باغلیدی
لال اولموشام چکیلمیشم یانا من
عارسیز عارسیز یاشییرام آنا من
سئل آپاردی خان چوبانین ساراسین
بهرنگی نین قلمینین قاراسین
یادا سالسام من بابکین یاراسین
گؤز یاشینی گره ک قاتام قانا من
عارسیز عارسیز یاشییرام آنا من
ازل یاراناندا دوز آدام آتا
هانسی دیل اولار کی بو دیله چاتا
انصاف دییل بو دیل هئچ ایته باتا ؟
باتسا گره ک دوشم ناحاق قانا من
عارسیز عارسیز یاشییرام آنا من
(کتدی شاهباز) ماتم چکیر ایل بویو
من شعر دئییم معناسینی بیل بویو
الدن گئدیراعتبارلی دیل بویو
دیلیم یوخدو اوللام سفیه دانا من
عارسیز عارسیز یاشییرام آنا من
سینیردی سینماییردی
بیر اوره ک گوءردوم
شوءشه دن
سینیردی
سینماییردی
بیر اوره ک گوءردوم
سینماییردی
ایرماق* تکین
آخیردی داماردا
جان وئریردی روحا
لاختالانمیردی قان
قیزارمیردی گوءزلر
***
بیر اوره ک گوءردوم
سینیردی
اورتادان
شئشلی*
سَه هَنگه اوخشار سوزوردو
پارچا-پارچا دونموش
یوکون سالیب گوءزلره
آخیردی
***
بیر اوره ک گوءردوم
شوءشه دن
سینیردی
سینماییردی
ایرماق(آخارچای)
شئشلی(یاریق،چاتلاق)
عوءمور ساعتی
دنگ...دنگ.....
عوءمور ساعتی هر لحظه چالیر زنگ
قلبیمی نئشترله نئشترچی یاریر
جین بوغاناق گوءزده سالیبدیر دومان
میر غضب وورور روحوما هی چنگ..
عوءمور ساعتی هر لحظه چالیر زنگ..
گوءزلریمدن آسیلیر ساری پرده
دئییرم !!!
کئچه جکدی بو لحظه
اما.....
ساریلیک توتموش انسان کیمی
آلوده ائدیر روحومو درده
ایسته دیم چکه م
رسمین اول لحظه نین
دنگ....دنگ......
چالدی عومور ساعتی زنگ...
بو آندا قورتاریب ساعتین
رسیم چکمه یه البت
اولمویاجاق طاقتین
گاه تبسم ائدیب گاه آغلیرام
آما بولورم آغلاماقین
اولمویاجاق بیر ثمری
چون کی عوءمور ساعتی
او آندا چالیب زنگ....
حضرت علی اصغر(ع)
کوفه لی لر ائتدی جفا،کربلانی توتدو بلا
سو یوللارین، باغلادیلار قوم دغا
سولدو گلزار محمّد،
جان وئردی میداندا سوسوز آل عبا
***
اولدو ظهر عاشورا،
کربلاده اولدو اعجاز
قانلی میدانیده اکران اولدو نماز
ائیله دی معبوده حسین راز و نیاز
ئوزون توتدو سمت حجاز
باخدی یاتوب اصغرٍناز
نازیلن اصغرینی ،باغرینا آلدی
قارا معجر باشینا قیزلاری سالدی
ربابین ناله و افغانی اوجالدی
آغاروب عمّه سی نین ،زلفی قوجالدی
غصّه دن باشی تاج آلدی
گه تیردی حسین خیمه دن،سود امر کورپه سینی
تا وئره آلاهه آخیر تحفه سینی
باخدی اصغره، دیده ی خونباریله
گولدو اصغری ،چهره ی گلناریله
بو خطّه ی غمباریده
جنگ ائیلییه کفّاریله
***
حرمله اوچ پر اوخی، قویدو کمانه
علی اصغر بوغازین، توتدو نشانه
بویاندی شهپری قانه
عرشییان گلدی فغانه
گئیدی قارا قدسیان،فاطمه نی توتدو محن
کرب وبلا اولدو بیت الحزن
یاسه باتدی باغ و چمن
قان آغلادی یابن الحسن
قان آغلادی یابن الحسن
دونیا باغی
دونیا باغدیر ،بیزده اونون باغبانی
بسله ییریک اوندا گوزل گوللری
زاغ و زغن ترک ائیله سین باغچانی
اوندا آچاق شیرین شیرین دیللری
بو شن حیاتدا گئزدیرک دلبری
گئچیتمییه ک بوبش گونی سرسری
آشیق اولسون بو سوزلره مشتری
دیله گلسین تار کمانین تئللری
سئیره چخوب گوزللرین دولانسین
مهر و صفا اوره کلرده قالانسین
آخارسولارهرگون گوءروم سولانسین
ایگید آپارماسین اونون سئللری
عطیر سپسین، باغدا گوللر چیچکلر
حقیقتین یولون تاپسین دیله کلر
که سه نمه سین دوز یوللاری کولکلر
باتانماسین بیزه سازاق یئللری
گولوستانه گوءروم دوشمه سین خزان
قوجالارین روحو قالسین نوجوان
(وفا)اولسون داغدا بیر دلی چوبان
نئی یین هاواسیله گئزسین چوللری
ن
هارا قاچسین یازیق انسان
دونیاده شیطان الیندن
شیطان اوءزو حیران اولوب
مین ئوزلو انسان الیندن
بئله دیر دونیانین ایشی
سوراغیندا اولماز کیشی
باش آغاردیب توکر دیشی
قورخولو دوران الیندن
چاقال چوققال اولوب اصلان
اورمان قالیب مات و حیران
نئیله سین یارالی جیران
یرتیجی حیوان الیندن
دنیزلر دوءنوب سرابا
گولوستان قالیب خارابا
حسرتدی بولبول شرابا
پوزغون گولوستان الیندن
(وفا)نین ایستکلی یاری
چیخاتمور الیندن خاری
ساخلیوبدی باشدا داری
چاره سیز درمان الیندن
هیجران دردی
آنا داغلار نه باخیرسیز
هیجران دردینده دردینده
قانلار آخیر اوره گیمدن
هیجران دردینده دردینده
پارچالانیب داغ دوءزوموز
اوءره کده وارچوخ سوءزوموز
هئچ زادی گوءرمور گوءزوموز
هیجران دردینده دردینده
باغلایان یوخ یارامیزی
ساغ قویوبلار هارامیزی
سئل آپاریب سارامیزی
هیجران دردینده دردینده
گوءره نمیرم قارداشیمی
آتانمیرام غم داشیمی
ایتیرمیشم سیرداشیمی
هیجران دردینده دردینده
(وفا)عوءمرون بو چاغیندا
اوتوروب غم قوجاقیندا
یانیر زندان بوجاقیندا
هیجران دردینده دردینده
شعر یازیرام
دئشیرم غملریمی
شعر یازیرام
قازیرام بئینیمی
اینجه خیاللا
گزیرم روحومی
سؤزؤرم دویغولاری
واراق ـــ واراق
شعر یازیرام
اوخورام
نیسگیلینن نغمه لری
توخورام
دوشونجه لری ـــ کلمه لری
قالاق ــ قالاق
شعر یازیرام
آچیرام گؤزلریمی
دئشیلمه میش مصراعلاریم
حایخیریر
گؤزلریمین دالغالاریندا
اؤزگؤ ویریر قافیه لر
باغلانیب بیربیرینه
دویوق کلمه لر
شعر یازیرام
آچیرام دفتریمی
واراق ــ واراق
اوخورام غملریمی
سیلیرم گؤز یاشیمی
بیرده باخیب غملریمه
شعر یازیرام
گئتمه دور؛
یوللار کولکلی دیر
زیروه لر آلا چالپوو
اوجا داغلارین دونماسی وار
گوی کدردن قارالیر
سازاق جیلخایا تاخیلیر
گونشی ظولمت تیکه تیکه باغرینا باسیر
آی،آی باتاندا شاققالانیر
اولدوزلار گؤده مده چیبان چیخیر
باتی اوره ییمده دینجه لیر
قانیم آرازدا لاختالانیر
بارماقلاریم موغام چالیر
ساچلاریمی
دوداقلاریم شعیر سسله ییر
احساسیمی
هاوالار اوره ییمی دئشیر
سازیم سنیر
تبریزین مصللاسیندا
نغمه لریم ناغیل اولور
سوزجؤکلریم قاری ننه نین دوداقلاریندان سؤزور
بیری واردی ،بیری یوخدو
بیری واردی آدی نیفرت
بیری واردی آدی حسرت
بیری یوخدو آنام
بیری یوخدو کیملیگیم
کیملیگیم بوغازیمدا جان وئریر
کیملیگیم دیلیمدن آسیلیر
آرازین ماوی گؤزلرینده بوغولور
کرپیچ دووارلارا سؤیکه نیر
داریسقال کؤچه لرده باریت قوخویور
خیابانلار ،بومبا پارتلاییر کئچمیشیمی
یئر آغیز آچمیش
تاریخی گمیتله ییر
***
ایلایین سون نفسینده
گونش دوغودان اینتیحار ائدیر
فصیل لر دئییشیر
دوشونجه لر چیچک له نیر
اوزلؤگوم اوزؤمده گول آچیر
قاییدیرام منلییمه
دئییرم؛
دئییرم یاشاسین
دده عدالت
یاشاسین دوستاق
یاشاسین...
دئدیم،دئدی
دئدیم: ای گول، سنه بلبل من اولام، وارمی سؤزون؟
نه گؤزل سؤیلدی بلبل، گوله تیکمیشدی گؤزون
دئدیم: ای گول، سنی تعریف ائدرم بیر نفسه
دئدی: بلبل اوخوجاق، گول گله جکدیر هوسه
دئدیم: ای گول، اوخوسام نغمه می، کیم اوینایاجاق؟
دئدی: گولشنده کی گوللر، اوخو کی دویمایاجاق
دئدیم: ای غنچه-ی تر، باغریمی قان ائیله مه سن
دئدی: وصل ائیله مه سن، بوردا مکان ائیله مه سن!
دئدیم: آمــال-ی وصــالین، منه سودادی گولوم
دئدی: سئوداما یمین! وصلدی یا اینکه اؤلــؤم
سؤیله دیم: من سنی گولشنده گؤروب شاد اولورام
دئدی: من ده سنیلن،عشقه حیاتلان دولــورام
دئدیم: اودلار بورویوب، قلبیمی سنـلن یـانیرام
دئدی: گؤردوکجه سنی، دنیانی کؤکدن دانیرام
سؤیله دیم: مسکن ائدیبسن، اوره ییمده گل-ی ناز
دئدی: هر یئر منه پاییزدی، وجودون منه یــاز
دئدیم: ای گول، منه کیمدیر کی وفادار اولاجاق؟
دئدی: مندن سنه بیر سئوگیلی دلدار اولاجاق
"وفا"نین آرزولاری بوردا گول آچدی نازا باخ
آلدی حقدن نفسی، نازیلا بو اعجـــازا بـــاخ!
سلام و خوش گلدین بوتون بو حقیرین وبلاگینا گلنلره بو پستوم دا نئچه شاعردن آد آپارمیشام چون کی بیر شعرده محدود شکیلده آد آپارماق اولور اونا خاطیر بوتون عزیزلریمدن کی دئیرلی آدلاری قلمدن دوشوب عؤذر خواهلیق ائلییب و اللریزدن اوپورم
شانلی دیاردان اوخو
دفتری آچ شاعیر طبعین اویانسین
قیش سوووشوب گوللو باهاردان اوخو
چایپارادان چاغیر کتلی "شاهبازی"[i]
استادیمیز اول "شهریـاردان" اوخو
***
هانسی شاعیر اونون اوسته دوغولدو؟
دشمنلرین بیر-بیر بورنو اووولدو
"صمد" دوشوب مزاریندا بوغولدو
آراز کیمین جوشقون مزاردان اوخو
***
دئ "هاتیفین"شیرین دیللی دیلیندن
زنگبارین آشیب داشان سئلیندن
"مسعود" بَیین قوناق سئون ائلیندن
یاواش-یاواش سازلا "ائلدار"دان اوخو
***
گوللر آچیب بولبول چیخیر جفادان
صفا آلیرچایپارامیز "صـــفا"دان
وفالیدیر "آذر ائـــللی" وفــادان
یوردوم کیمین شانلی دیاردان اوخو
***
آراز کیمین "چنگیز"جوشوب چاغلاییر
آغ آتینان "هوشنگ" بره باغلاییر
لایلای آنام دئییب "سلطان" آغلاییر
یوخدو آنام اول گول عذاردان اوخو
***
"موغان اوغلو"گـزیر موغان دوزونده
مین معنا وار "زاویــه لی" سؤزونـده
"اسلامی"بی سؤزون دئییرگؤزونده
"بارز" کیمین غملی غباردان اوخو
***
"رضایی"بَی طنزین یازیب گولدوروب
ائل-اوبانین دردی "کویر" اؤلدوروب
آغلارگؤزدن قــانلی مئیی دولدوروب
مئی مستیدیر، ایچیب خوماردان اوخو
***
ائلچی گلیر "ائلچی"بیزیم ائـللره
"گرگرلی"نین آدی دوشور دیللره
آشیق وورور میضرابینی تــئللره
دویون گونو نازلی نگاردان اوخو
***
"قوجا" معللیمی یاددان چیخارتما
"یالقیز" قالیب گئت گؤر داها یوباتما
سن ده "وفــا" چوخ سؤزونو اوزاتما!
گئت بیر قیراقدا دور، کناردان اوخو!
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
یاز گلیر
زاغ و زغن ترک ائلییب بــاغچانی
شنلیک ائدین گوللر آچیب یاز گلیر
مژده وئرین گـوللره گولشانیده
بـلـبل اوچـوب بـاغـچایا آواز گـلـیر
***
بلبل اوخور باغدا گؤزل قوشــلارا
لاله چیخیب داغداکی یوققوشلارا
خان ننه نین کؤنلو دوشوب خوشلارا
عاشیقلارین سینه سینه ساز گلیر
***
بولاق سـئوینجیدن دوشور قایناغا
شنگول گلـیر قـوردآوادا اویناغا
ائلات کؤچور یاواش-یاواش یایلاغا
گؤلجوکلره دسـته-دسـته قاز گلیر
***
تازه گلین باشـدان آچیر لئچه یی
ائشمه-ائشمه هؤرور یاشیل بیرچه یی
باش قووزاییر دؤشونده قار چیچه یی
طبیـعته بـیـر دولو اعجـاز گــلیر
قاطار-قاطار اوچور گؤزل دورنالار
ایل دوغـومـون آیدینلادیر آینالار
"دهکردی"[i] آهنگین چالیر زیرنالار
هر نه قدر ناز ائیله سن آز گـــلیر
***
گونش بوسه وورور قار دوداغیندان
شـلالـه لر آخـیر داغ یـاناغیندان
دلی جیران ایچیر مئی بولاغیندان
اویناقلاییب چمنلره نـــاز گــلیر
***
«گـوللر آچیب عطیر ساچیر ائللره
قیزلار صف باغلییب باخیر سئللره
خشکنـابیـن آدی دوشور دیللره»
شهریارین دالیندا شهباز گـــلیر
***
گؤزل یوردوم جنًت کیمین پارلاییر
نئی له چوبان قویونلاری هایلاییر
یولدان کئچن آتلیلاری چایلاییر
"وفا" اوچون چؤللره دمساز گـلیر
برچسب‌ها: دژبسطام , قاراساچلاربیاضلاندی
قارا ساچلار بیاضلاندی
آنــا داغــلار یاسـا باتــدی
یئنــه گــؤزلــر آرازلانــدی
وطن دئییب دردین چکدی
قــارا ساچلار بیاضلانــدی
آیریلیق اولـدو عزیــز پـای
بولدو گولوستان بیزه چای
گوگده بولودسالدی هارای
سیجاغ گونلر آیازلاندی
سالدی دومان قـارا یئللـر
زاریلــداییب ســازدا تئللـر
گـؤزو آغلار دئـــدی ائللــر
آزدی هوشوم دایازلاندی
بولبول دوشدو ناحق دارا
قــوجا قارتال گئیدی قــارا
اورتــامیزدا چــارپــاز یــارا
چاخناشیب بیزه نازلاندی
باغلاریمیز اولــدو تـــالان
گونلریمیز کئچدی یـــالان
یاد ائللرده تـوتـک چــالان
سه گاه چکیب آوازلاندی
3/6/1392
ــــــــــــــــــــــــــــــ
وفـــــا
قره ضیاء الدین در استان آذربایجان غربی قرار دارد
این قلعه با سلطه قوم ماد بر این منطقه به صورت متروک ماند و فقط در دوران قرون وسطی (همزمان با دوره مغول) توسط گروهی از مسیحیان مورد سکونت قرار گرفت که از آنها نقش صلیب‌هایی روی صخره‌‌ها نمایان است.
آثار دوره اورارتویی شامل ساختمان شرقی: محله مسکونی، قلعه، آثار پشت دژ و کانال آبرسانی است. کاوش‌های باستانی نشان می‌‌دهد که این قلعه طی 50 سال و در 3 مرحله ساخته شده و دارای معبد، بازار و مقر حکومتی، برج، بارو، دروازه و راه‌های مخفی ویژه‌ای است.
قلعه دارای دیوارهای مستحکم سنگی است که روی صخره‌‌ای بلند مشرف به دره‌‌ای بزرگ قرار دارد. سه اشکوب (طبق) با کارکردهای مختلف این قلعه عبارتند از:
- اشکوب تحتانی مشتمل بر دروازه، مهمانسرا، اصطبل و قرارگاه سربازان
- اشکوب میانی که معبدی است با اتاق‌های متعدد
- اشکوب فوقانی که اوج هنر معماری اورارتویی است و دارای سکونتگاه، مقر فرماندهی و راه‌های خروجی به بیرون از قلعه میباشد
این قلعه دارای 3 بخش عمده شامل ساختمان شرقی، محوطه مسکونی (که افسران و کارمندان عالی‌رتبه با خانواده‌هایشان در آنجا زندگی می‌کردند) و خود قلعه میباشد. ساختمان شرقی دارای یک دیوار سراسری پشت بندان است و محوطه حدود دو هکتار را در بر می‌گیرد.
بر اساس آثار اورارتویی دژ بسطام شامل یک پائین قلعه، یک میان قلعه که معبد خدایان اورارتو و یکی از انبارهای بزرگ آذوقه در آنجا قرار داشته است و یک بالا قلعه است.
بالا قلعه در بلندترین نقطه دژ قرار دارد و احتمالا کاخ حاکم در آنجا بوده است
حرمتلی گؤروش ائدنلر بو نئچه بند قوشمانی اؤز کندیم(بسطامین)حال و هواسیندا وکندیمیزین قالاسینی مخاطب قرار وئررکن یازمیشام اگر بیر زامان یولونوز بیزیم شهریمیزه و یا کندیمیزه دوشسه گؤزوموزون اوسته سیزه یئر ساخلامیشیق
شانلی قالا،حقدن سنه پای اولسون
ایشیلداییب اوزون گـؤزل آی اولسون
جــاوانلارین صــنوبـره تـــای اولسون
ایشیق ســــالسین گؤزل آدین دونیایا
هئچ دوشمه سین شانلی ائلین سودایا
شـانلی قالا، قویون لارین گلله سی
دادلـــی دوزلــو پنیرلــرین بلله سی
گؤزه ده یر کنــدیمیزین قـــلعه سی
اورارتــــوردان قــــالیب بیزه نشـــانـــه
آد شـــهرتین ســـالیب بوتون جهانــــه
دردن اوزاق غمسیز غمسیز یاشیردیق
غـــم غصه نی اؤره کلردن داشیردیق
چپیش کیمین داغــــدان داغا آشیردیق
گــــونلریمیز بیر بیریندن خــــوشودو
آتــــامیزین حاییف یئری بـــــوشودو
شــانلی قالا یـــاسا بـاتیب آغــــلاییر
وطـــن دئییب اؤره کـــلری داغـــلاییر
های هایینان آغ چای جوشوب چاغلاییر
دئییر آراز، آخـــدیقجا قـــان یاش تؤکـور
باشین چالیر داشدان داشا،داش سؤکور
چؤل کؤوشنین داغ تره سین دره ردیک
تمیزله ییب دام اوستونه ســره ردیک
گاهدان چیخیب گیزلین یئله وئره ردیک
بیردن گؤردوک آنام سه سین اوجالتدی
امـــا حــاییف فــــلک اونـــو قـوجالتدی
آچیل
آچیل ای صبحوم آچیل!
بو اوره کلر گئجه لر یورغونودور
قورخودان رنگی قاچیب
سانکی آلار[i] وورغونودور
دیل دوشوب پئلتییه
داها دوزگون دانیشانمیر
و اوره کلر کوزه ریر
یئلله نیب دای آلیشانمیر
اود، آلوولا قاریشانمیر!
آچیل!
آچیل ای صبحوم آچیل!
شافاغین بوز یاناغی آغلا بویانسین
هر یانا قیرمیزی مرجان سپه لنسین
ظلمتین پرده سینی چک اودا یانسین
گولوجوکلر لپه لنسین...
قوجا قارتال اوجامان داغلارین اوستونده دایانسین
باشینا اولدوز النسین
قوچ ایگیدلر نشئه لنسین...
آچیل!
آچیل ای صبحوم آچیل!
قوچ کوراوغلو قیر آت اوستونده گلیب نعره نی چکسین
قان ایچن ظالیمی تختدن یئره سالسین
دده قورقود سازی چالسین
سسینی یئللر آپارسین
قوروسون ائللری بابک
نعشینی گوللر آپارسین
سارانی سئللر آپارسین
"وفا"نی دیللر آپارسین
آچیل!
آچیل ای صبحوم آچیل!
یاغی قورتارماسین آیدینلیغا سئودالی چیراقلار
چایی تاپسین یولون آزمیش گئجه بندینده بولاقلار
ابدیّت سویون ایچسین سویا حسرتلی دوداقلار
لاله-ریحانلا آرینسین
آللی-الوانلی یاناقلار
قاپیلار، پنجرهلر طاغ-طاغ آچیلدیقدا
بزنسین قوی اوتاقلار
آچیل!
آچیل ای صبحوم آچیل!
دئمه آسلانلاریمیز
باغیریرلار حله داردا
حله کهلیکلریمیز وار
سه ییره ن شاختادا، قاردا
"حیدر بابا"نی دئمه ائل دردی قوجالدار
حله نوروز گولو داغلاردان باش اوجالدار
بابکیم "بذ" قالاسیندا داش اوجالدار
آچیل...
بیر ده آچیل
قوی قیشیمیز یازا دؤنسون
اردکلریمیز قازا دؤنسون
تکه ترکمنده جنون
آوازا گلسین
عاشیقلار سازی چالسین
کوراوغلوموز نعره چکیب
ایوازی آلسین
آچیل...
اینجی-مرجانلا آچیل
هایخیریب دئسینلر
اوجادان داغلاریمیز
اورمو گؤلو درده دوشوب
بودالانمادادیر باغلاریمیز
آچیل
بیر ده آچیل
قوی دئمه سینلر بؤیوک دریام
آریقلیغا ماییل اولوبدور
بلکه من بیلمیرم هئچ
قوراقلیق اونا نازیل اولوبدور؟
یا کی آلان جانینی عزرائیل اولوبدور؟
آچیل
ظلمتی یار بیر ده آچیل
گؤزوموز گؤیلره باخماق دیله سین
دولوخسونوب اوره کلریمیز
داغلارا یاغماق دیله سین
سئل اولوب دوز داغینی
ییخماغا آخماق دیله سین
ظالمین باغرینی یارماق دیله سین
پارچالاییب یاره لری
دوزو باسماق دیله سین...
دئدیم،دئدی
دئدیم: ای گول، سنه بلبل من اولام، وارمی سؤزون؟
نه گؤزل سؤیلدی بلبل، گوله تیکمیشدی گؤزون
دئدیم: ای گول، سنی تعریف ائدرم بیر نفسه
دئدی: بلبل اوخوجاق، گول گله جکدیر هوسه
دئدیم: ای گول، اوخوسام نغمه می، کیم اوینایاجاق؟
دئدی: گولشنده کی گوللر، اوخو کی دویمایاجاق
دئدیم: ای غنچه-ی تر، باغریمی قان ائیله مه سن
دئدی: وصل ائیله مه سن، بوردا مکان ائیله مه سن!
دئدیم: آمــال-ی وصــالین، منه سودادی گولوم
دئدی: سئوداما یمین! وصلدی یا اینکه اؤلــؤم
سؤیله دیم: من سنی گولشنده گؤروب شاد اولورام
دئدی: من ده سنیلن،عشقه حیاتلان دولــورام
دئدیم: اودلار بورویوب، قلبیمی سنـلن یـانیرام
دئدی: گؤردوکجه سنی، دنیانی کؤکدن دانیرام
سؤیله دیم: مسکن ائدیبسن، اوره ییمده گل-ی ناز
دئدی: هر یئر منه پاییزدی، وجودون منه یــاز
دئدیم: ای گول، منه کیمدیر کی وفادار اولاجاق؟
دئدی: مندن سنه بیر سئوگیلی دلدار اولاجاق
"وفا"نین آرزولاری بوردا گول آچدی نازا باخ
آلدی حقدن نفسی، نازیلا بو اعجـــازا بـــاخ!
اوغلوم دایان!گئتمه دور؛
یوللار کولکلی دیر
زیروه لر آلا چالپوو
اوجا داغلارین دونماسی وار
گوی کدردن قارالیر
سازاق جیلخایا تاخیلیر
گونشی ظولمت تیکه تیکه باغرینا باسیر
آی،آی باتاندا شاققالانیر
اولدوزلار گؤده مده چیبان چیخیر
باتی اوره ییمده دینجه لیر
قانیم آرازدا لاختالانیر
بارماقلاریم موغام چالیر
ساچلاریمی
دوداقلاریم شعیر سسله ییر
احساسیمی
هاوالار اوره ییمی دئشیر
سازیم سنیر
تبریزین مصللاسیندا
نغمه لریم ناغیل اولور
سوزجؤکلریم قاری ننه نین دوداقلاریندان سؤزور
بیری واردی ،بیری یوخدو
بیری واردی آدی نیفرت
بیری واردی آدی حسرت
بیری یوخدو آنام
بیری یوخدو کیملیگیم
کیملیگیم بوغازیمدا جان وئریر
کیملیگیم دیلیمدن آسیلیر
آرازین ماوی گؤزلرینده بوغولور
کرپیچ دووارلارا سؤیکه نیر
داریسقال کؤچه لرده باریت قوخویور
خیابانلار ،بومبا پارتلاییر کئچمیشیمی
یئر آغیز آچمیش
تاریخی گمیتله ییر
***
ایلایین سون نفسینده
گونش دوغودان اینتیحار ائدیر
فصیل لر دئییشیر
دوشونجه لر چیچک له نیر
اوزلؤگوم اوزؤمده گول آچیر
قاییدیرام منلییمه
دئییرم؛
دئییرم یاشاسین
دده عدالت
یاشاسین دوستاق
یاشاسین..
قلعه یا دژ بسطام در نزدیکی روستای بسطام در ۷کیلومتری غرب شهرستان
قره ضیاء الدین در استان آذربایجان غربی قرار دارد
این قلعه با سلطه قوم ماد بر این منطقه به صورت متروک ماند و فقط در دوران قرون وسطی (همزمان با دوره مغول) توسط گروهی از مسیحیان مورد سکونت قرار گرفت که از آنها نقش صلیب‌هایی روی صخره‌‌ها نمایان است.
آثار دوره اورارتویی شامل ساختمان شرقی: محله مسکونی، قلعه، آثار پشت دژ و کانال آبرسانی است. کاوش‌های باستانی نشان می‌‌دهد که این قلعه طی 50 سال و در 3 مرحله ساخته شده و دارای معبد، بازار و مقر حکومتی، برج، بارو، دروازه و راه‌های مخفی ویژه‌ای است.
قلعه دارای دیوارهای مستحکم سنگی است که روی صخره‌‌ای بلند مشرف به دره‌‌ای بزرگ قرار دارد. سه اشکوب (طبق) با کارکردهای مختلف این قلعه عبارتند از:
- اشکوب تحتانی مشتمل بر دروازه، مهمانسرا، اصطبل و قرارگاه سربازان
- اشکوب میانی که معبدی است با اتاق‌های متعدد
- اشکوب فوقانی که اوج هنر معماری اورارتویی است و دارای سکونتگاه، مقر فرماندهی و راه‌های خروجی به بیرون از قلعه میباشد
این قلعه دارای 3 بخش عمده شامل ساختمان شرقی، محوطه مسکونی (که افسران و کارمندان عالی‌رتبه با خانواده‌هایشان در آنجا زندگی می‌کردند) و خود قلعه میباشد. ساختمان شرقی دارای یک دیوار سراسری پشت بندان است و محوطه حدود دو هکتار را در بر می‌گیرد.
بر اساس آثار اورارتویی دژ بسطام شامل یک پائین قلعه، یک میان قلعه که معبد خدایان اورارتو و یکی از انبارهای بزرگ آذوقه در آنجا قرار داشته است و یک بالا قلعه است.
بالا قلعه در بلندترین نقطه دژ قرار دارد و احتمالا کاخ حاکم در آنجا بوده است
حرمتلی گؤروش ائدنلر بو نئچه بند قوشمانی اؤز کندیم(بسطامین)حال و هواسیندا وکندیمیزین قالاسینی مخاطب قرار وئررکن یازمیشام اگر بیر زامان یولونوز بیزیم شهریمیزه و یا کندیمیزه دوشسه گؤزوموزون اوسته سیزه یئر ساخلامیشیق
شانلی قالا،حقدن سنه پای اولسون
ایشیلداییب اوزون گـؤزل آی اولسون
جــاوانلارین صــنوبـره تـــای اولسون
ایشیق ســــالسین گؤزل آدین دونیایا
هئچ دوشمه سین شانلی ائلین سودایا
شـانلی قالا، قویون لارین گلله سی
دادلـــی دوزلــو پنیرلــرین بلله سی
گؤزه ده یر کنــدیمیزین قـــلعه سی
اورارتــــوردان قــــالیب بیزه نشـــانـــه
آد شـــهرتین ســـالیب بوتون جهانــــه
دردن اوزاق غمسیز غمسیز یاشیردیق
غـــم غصه نی اؤره کلردن داشیردیق
چپیش کیمین داغــــدان داغا آشیردیق
گــــونلریمیز بیر بیریندن خــــوشودو
آتــــامیزین حاییف یئری بـــــوشودو
شــانلی قالا یـــاسا بـاتیب آغــــلاییر
وطـــن دئییب اؤره کـــلری داغـــلاییر
های هایینان آغ چای جوشوب چاغلاییر
دئییر آراز، آخـــدیقجا قـــان یاش تؤکـور
باشین چالیر داشدان داشا،داش سؤکور
چؤل کؤوشنین داغ تره سین دره ردیک
تمیزله ییب دام اوستونه ســره ردیک
گاهدان چیخیب گیزلین یئله وئره ردیک
بیردن گؤردوک آنام سه سین اوجالتدی
امـــا حــاییف فــــلک اونـــو قـوجالتدی
قارا ساچلار بیاضلاندی
آنــا داغــلار یاسـا باتــدی
یئنــه گــؤزلــر آرازلانــدی
وطن دئییب دردین چکدی
قــارا ساچلار بیاضلانــدی
آیریلیق اولـدو عزیــز پـای
بولدو گولوستان بیزه چای
گوگده بولودسالدی هارای
سیجاغ گونلر آیازلاندی
سالدی دومان قـارا یئللـر
زاریلــداییب ســازدا تئللـر
گـؤزو آغلار دئـــدی ائللــر
آزدی هوشوم دایازلاندی
بولبول دوشدو ناحق دارا
قــوجا قارتال گئیدی قــارا
اورتــامیزدا چــارپــاز یــارا
چاخناشیب بیزه نازلاندی
باغلاریمیز اولــدو تـــالان
گونلریمیز کئچدی یـــالان
یاد ائللرده تـوتـک چــالان
سه گاه چکیب آوازلاندی
یاز گلیر
زاغ و زغن ترک ائلییب بــاغچانی
شنلیک ائدین گوللر آچیب یاز گلیر
مژده وئرین گـوللره گولشانیده
بـلـبل اوچـوب بـاغـچایا آواز گـلـیر
***
بلبل اوخور باغدا گؤزل قوشــلارا
لاله چیخیب داغداکی یوققوشلارا
خان ننه نین کؤنلو دوشوب خوشلارا
عاشیقلارین سینه سینه ساز گلیر
***
بولاق سـئوینجیدن دوشور قایناغا
شنگول گلـیر قـوردآوادا اویناغا
ائلات کؤچور یاواش-یاواش یایلاغا
گؤلجوکلره دسـته-دسـته قاز گلیر
***
تازه گلین باشـدان آچیر لئچه یی
ائشمه-ائشمه هؤرور یاشیل بیرچه یی
باش قووزاییر دؤشونده قار چیچه یی
طبیـعته بـیـر دولو اعجـاز گــلیر
قاطار-قاطار اوچور گؤزل دورنالار
ایل دوغـومـون آیدینلادیر آینالار
"دهکردی"[i] آهنگین چالیر زیرنالار
هر نه قدر ناز ائیله سن آز گـــلیر
***
گونش بوسه وورور قار دوداغیندان
شـلالـه لر آخـیر داغ یـاناغیندان
دلی جیران ایچیر مئی بولاغیندان
اویناقلاییب چمنلره نـــاز گــلیر
***
«گـوللر آچیب عطیر ساچیر ائللره
قیزلار صف باغلییب باخیر سئللره
خشکنـابیـن آدی دوشور دیللره»
شهریارین دالیندا شهباز گـــلیر
***
گؤزل یوردوم جنًت کیمین پارلاییر
نئی له چوبان قویونلاری هایلاییر
یولدان کئچن آتلیلاری چایلاییر
"وفا" اوچون چؤللره دمساز گـلیر
شانلی دیاردان اوخو
دفتری آچ شاعیر طبعین اویانسین
قیش سوووشوب گوللو باهاردان اوخو
چایپارادان چاغیر کتلی "شاهبازی"[i]
استادیمیز اول "شهریـاردان" اوخو
***
هانسی شاعیر اونون اوسته دوغولدو؟
دشمنلرین بیر-بیر بورنو اووولدو
"صمد" دوشوب مزاریندا بوغولدو
آراز کیمین جوشقون مزاردان اوخو
***
دئ "هاتیفین"شیرین دیللی دیلیندن
زنگبارین آشیب داشان سئلیندن
"مسعود" بَیین قوناق سئون ائلیندن
یاواش-یاواش سازلا "ائلدار"دان اوخو
***
گوللر آچیب بولبول چیخیر جفادان
صفا آلیرچایپارامیز "صـــفا"دان
وفالیدیر "آذر ائـــللی" وفــادان
یوردوم کیمین شانلی دیاردان اوخو
***
آراز کیمین "چنگیز"جوشوب چاغلاییر
آغ آتینان "هوشنگ" بره باغلاییر
لایلای آنام دئییب "سلطان" آغلاییر
یوخدو آنام اول گول عذاردان اوخو
***
"موغان اوغلو"گـزیر موغان دوزونده
مین معنا وار "زاویــه لی" سؤزونـده
"اسلامی"بی سؤزون دئییرگؤزونده
"بارز" کیمین غملی غباردان اوخو
***
"رضایی"بَی طنزین یازیب گولدوروب
ائل-اوبانین دردی "کویر" اؤلدوروب
آغلارگؤزدن قــانلی مئیی دولدوروب
مئی مستیدیر، ایچیب خوماردان اوخو
***
ائلچی گلیر "ائلچی"بیزیم ائـللره
"گرگرلی"نین آدی دوشور دیللره
آشیق وورور میضرابینی تــئللره
دویون گونو نازلی نگاردان اوخو
***
"قوجا" معللیمی یاددان چیخارتما
"یالقیز" قالیب گئت گؤر داها یوباتما
سن ده "وفــا" چوخ سؤزونو اوزاتما!
گئت بیر قیراقدا دور، کناردان اوخو!
