" یـــاز اولـا بـیـلــمـــز "رضــا حیــدری(آیــدیــن)
یازار : " تؤرک دیلینی اؤیره نین، چونکو اونلارین حاکمیتی چوخ اوزون سؤره جکدیر." پیامبر اکرم
+0 چره جلی
" کــنـــار اولـــدو "
" مـــزاره گــلــســـین "
خــیـالیــم دولانــیــر ایـــزلـر کــوچــه سیـن
نـــه اولار سئــوگـیـلـیم قـــراره گــلـسیـن
گـــر کـوسـوب مـنـیـلـه بـاریـشــاق یـئـنـه
قـــدیم تـــک بــیــزلــره دوبـــاره گـلسیـن
خــزانــلار نــاواخــدیــر بـــورویـوب بــاغـی
ســینه مـین آهــلاری تیــتـره در داغــی
دای دؤزوم قـــالـماییــب ایــچـیرم آغــی
دسـتــه گــول اَلــینـده مـــزاره گـلسیـن
آیـــریلـیق کــؤنـلومـو بـؤلـوب میـن پــارا
سئـل کیـمیـن اؤزون دن قان تـؤکور یـارا
"آیـدینــام" سیــز دئــیـین وفــاسیـز یـارا
پــوزولــمـوش حــالیـما نـظـاره گـلسیـن.
گــؤزون نـورو سـؤنـوب بیـردن ، جاهـان دیدم ده تـــار اُولـدو
منه بو گئچمــیش عؤمـرومده ، ساوای غم کیمسه یـار اولدو
نه خوش گون گؤردوم عالمده ، نه همــدم غـم چـکن گــونده
نه من ال چکدیم عشقین دن ، نــه یــار عهـدینــده وار اولـدو
بو گــون دوســلاره دردیـم نن ، سـؤز آچـدیم حالـیما یانـسین
اوره کـــده گــیــزلین اسراریم ، صــابــاح دیلـلـرده جــار اولـدو
بـــاتیب گـون آی گـؤیه گلجک ، همیشه غـمـله نیب کـؤنـلوم
بیــر اَلــده خـط خطـی کــاغذ ، او بیــرسـی اَلــده تـار اولــدو
قــاباقــجان سـاده طیـفـلیدیم ، سـوروردوم عؤمرو شادلیق دا
بــو کــؤنـلوم آتـش ِ عشــقـه ، یــاری گـؤرجـک دوچــار اولـدو
خـــــداونـــدا گــؤزل آرزیـــــم ، سیـنمــده دفـن اُولـوب قـالدی
اوره ک ویرمیر نفس چیخسین ، دیلَـک شـهریم غــوبـار اولـدو
ازل گــونـدن دئــیـیب گـولـمک ، اولـوب جـین منــده بسم الله
بــوتـون درد و غــم ِ عـــــالــم ، ســینـم ایــچـره زومــار اولـدو
آ دوســـلار " آیــدیـنـام " والله ، گـومـانیـم یـوخ گـونـاهیــم وار
هَــنـیز بیلـمَم کـی اُول یـاریم ، نـــدن مـنـــدن کـــنــار اولـــدو.
یــئـدیم غــوصه ازل گـــوندن
آرا دوتـــدوم گـــؤزل گـــوندن
بـاهار کـؤچـدی خزل گــوندن
اوزوم گـول تک ســولان دونیا
"مــنــی مـنــدن آلــان دونــیـا"
***
اُولـوب قـان سئوگی لر باغری
بـوگون سولطان اولوب اُوغـرو
یــئـریـن الـدن وئـریب دُوغـرو
اُولوب هر شئی یـالان دونـیـا
"مــنــی مـنــدن آلــان دونــیـا"
***
عـلاج سیـز درده قالـدیم مـن
دئـنَــن سنــدن نـه آلـدیم من
جــوان قـالدین قـوجالـدیم من
عــؤمـور سـنـده تــالـان دونیـا
"مــنــی مـنــدن آلــان دونــیـا"
***
سئــون لـر چشـمینه نمـسن
گـئـجه اغـیـاره بیـر شمــسن
کـیمـه بـاشدان باشا غمسن
کیمه خوش گون اولـان دونیـا
"مــنــی مـنــدن آلــان دونــیـا"
***
منــیم تـک غـم چـکن یـئـرده
تــاپـانـمـازسـان یـقـین بـیـرده
عـــذاب و غــــوصّــــه و درده
اوشـاق لیقـدان سالـان دونیـا
"مــنــی مـنــدن آلــان دونــیـا"
***
سینَـمده مـین کتـاب سـؤز وار
خــزان اُولــدو بـوتـــون گـولـزار
قُـویوب چوخـلار آدیـن شاهـمار
سـوزوب خــفـدن چـالـان دونیـا
"مــنــی مـنــدن آلــان دونــیـا"
***
گـــؤزون یــولدا قُـویـوب آیـدین
خـــیــال لــاردا اویــوب آیـدین
داهــا سنــدن دُویـوب آیـدین
قــارآ گــئـیـسین خـالـان دونیـا
"مــنــی مـنــدن آلــان دونــیـا"
آی گـــؤزلیم گؤز یاشینی ائتمه سئل
انصاف ائـــله تــؤکمـه اوزه قـاره تــئل
شوخ باخیشین ناز یئریشین اینجه بئل
حیران ائدیب عشقه سالیب کؤنلومو
بخش ائله دیم سن گؤزه له عؤمرومو
سسله منی داغ سینه سین دلیم من
قــوش تـک اوچـوب تـئـز یانیوا گلیم من
قـــوربان اولوم قــابـاغـینـــدا اؤلـوم من
ثــابت اولا بلـــکه سنـــه دوز عشــقـیم
سَپمه کـؤنــول یاره سینـه دوز عشـقیم
ســال یـــادیــوا مـنـــدن اولان ایـزلــری
وعــده وئـریـب دانـیشـدیـقین سؤزلری
قـــویـما فـلک آیــری ســـالا بـیــزلــری
گَــه ل یـاشیاخ عـؤمــرومـوزو یـان یانـا
بلــکــه کـــؤنـول حســرتـیـــوه آز یانــا
جــــامـالینـا گــول اوزونــه مـن بــازام
وصــفـینه عـاجـیزدی قلـم سـؤز یـازام
هــئـچ بـیـلیسن بــایـراماجان سربـازام
یــار عکـسیمـی دیــوارا وور قــاب ائـله
یــیـرمـی بیـر آی خـیدمتیمه تــاب ائـله
سن اولماسان قالمیش عؤمور گئـچَر دار
"آیـدیـن" سنـی وئـرمه سه لر قاچـیـردار
وصــله چــاتــار غــم ائـویـــنـی اوچــوردار
اونــــدادی کـی اوزده گـولـوش اَی لـه نر
دیــلده بیـزیـم دوز عشـقیـمیز سـؤیـله نر .
سیــــز دئــیین یاریــمـه قبـریـم اوستـونـه
نـئی کیمین سیــزلایان دیـل گـتیرمه سین
گــؤزومـون یـاشـیـنـی سیــلمـه یـن گؤزل
ایــنـدی جه گـؤزونـده سئـل گـتیرمه سین
اوره گــیـم دایــانـیـب چــیــخـماییـر نــفس
فــایـدا یــوخ آغــلامــاق عــبـث دیــر عبـث
دونــیـــادا الــیــم دن دوتــمــایــان او کــس
تــابـیـتــدان دوتــمـاغـا ال گـتـیـرمه سـین
بـــاشـقا بیر بـولاق یوخ گـؤز یاشیم اوسته
جــوانـام یـیـرمـی دن اون یـاشـیـم اوستـه
"آیــدیـنام" نـئـیـلـیرم بـاش داشـیم اوسـته
دســته لـر بــاغــلادیب گـول گتیـرمه سین .
آی تکین پــارلاق جامال ظولمتده پیـــدا ایستـیرم
مین گــؤزل لــردن گـؤزل گولدنده زیبــا ایستـیرم
هــر گؤزل گؤیچک گــؤرم دیوانه یم بئــل باغلایام
مـــن فقط عشـقه دچـارو قلبی شیــدا ایستیـرم
هــرکسین اؤز یاری وار امثـالِ شــیرین فرهـادین
من کی مجنون اولموشــام عالمده لیــلا ایستـیرم
عؤمــرو سوردوم محنتِ هیجرانـدا ایشلر جــورله نر
بــی هدف دونیــامه یــاروصــلینــده معنــا ایستــیرم
قوربانام هرکیم سئویر یار وصلی گؤرسون سئوگی لر
آیــریلیق هر کیم سالیر هر یئــرده رســـوا ایستـیرم
"آیدینام" هئچ کس دییه نمز ایسته ییم ناحققی دیر
کــــورم الله دان فقـط جوت چشمِ بینـــا ایستــیرم.
عزیز و مهربان اوستادیم حاج مسعود بو شعره بئله جواب یازیبلار :
دویغولارلا شادیاشا،آیــــــــدین حیات افسانــــــه دی
دونیانین وارعشوه سی،نازی سراب غمخانــــــه دی
باخمــــــــا گورکئمده گوزه ل،تاولیـــــــرگوزللیکلربیزی
آللادیرعشوه نـــــازا ،شادلیــــــق بیزه بیگانــــــه دی
هرکسین ایستکلـــــــری ،واردیرجــــــــهان فـــــانیده
اونــــــلا باغلیرایلقـــــاری،چون شاپرک پروانــــــه دی
یاندیریراوزجیسمینی،شمع آتشینــــــــــده(مسعودا)
حال تاپــیرکــــــــوزآتشه،جاندان کئچیرجانانــــــه دی
محنــــــونا بئنـــــــــزرحالی،لیــــــلافراقینـــــــــدایانیر
یاندیریرلیـــلاسینــــــــی،دلــــــــــدادهءدیوانــــــه دی.
عـاشیق حالــی هیــــجــرانـدا بیـــرآن ســاز اولا بیلمز
دردلـــشـمه یه عشــق اهــلینه آچ سیرری آچیق دئه
هـرکـیــمـسه اوره ک سـیـرریـنه هــمــراز اولا بیلمز
نامـومکـونو مومکـون ائــله مه ک پـاک اوره ک ایسـتـیر
عشــقـــی هوســـه کـــیم قـــــاتـــا آخیـــرده اولار خوار
آلـــدانــــمـــا گـــؤزل صــــورتـــه مهپـــاره گؤروشــسه
عشــقیـن غـمی " آیـدیـن " یانار اود تک آلیشــار هی
بـو غــم گــونـو گــونــدن چــــوخــــالار آز اولا بیلمـــز.
رضـــا حــیــدری (آیــدیــن)اهـــر.
