آخیر چرشنبه نه دئمک دیر
یازار : " تؤرک دیلینی اؤیره نین، چونکو اونلارین حاکمیتی چوخ اوزون سؤره جکدیر." پیامبر اکرم
+0 چره جلی
آخیر چرشنبه نه دئمک دیر
اکبر سعادت
سوگلر آخار هارای!
توکولمز چارخا هارای!
ایگید غوربته دوشسه
چاغیرار آرخا هارای
آنا دیلیمیز: باهار هله قدیم زاماندان سئوگیخئییر برکت آیی اولوب. هامی بو
آیدا آرزو نیت ائدیب،اونا گوره ده باهارا باخیب همین ایلین برکتلی
اولاجاغینی تخمین ائدیب بابالاریمیز. نووروز بایرامی بوتون دونیا تورکلرینی
بیر-بیرینه باغلایان بیر آتشدیر،هئچ سؤنمه دن ایللرجه یانیر.
قیش فصلی‌نین آخیرینجی آیی بوز آیی دیر.(بایرام آیی دا آدلانیر) بو آیدا
هاوا قیزاریر گاهدان یاغیش دا یاغیر، گاهدان دا گون چیخیر. بونا گوره ده
بابالاریمیز بوز آیی دورد چرشنبه‌یه بیلیب لر. آنلاییشا گوره ، اولو
تانری ایلک اینسانی یارادارکن تورپاغا سو قاتیب ، پالچیق‌دان اینسان شکلی
دوزه لدیب ، سونرا اونا ایستی نفس وئریب ، باهاردا چیچکلری ، اوت
لاریآغاج‌لاری اویا‌دان یئل‌لره امر وئریب اونو جانلاندیریب .. ائله بو سبب
دن ، یعنی بو دورد عونصوردن یاراندیغی اوچون اینسان همین دورد عونصورو
موقدس لشدیریب ، هره سینه بیر گون آییریب . بئله‌جه بو چرشنبه‌لر سو، اود ،
یئل ، تورپاق چرشنبه‌سی کیمی قئید ائدیلیب
نه زماندان کی، نوروز بایرامی برپا اولونوب و اود یاندیرما مراسمی نوروز
بایرامیندا باب اولوبدورسا, او زماندان بو شنلیکلر تورک ائللرینده
وارایمیش, ممکن‌ایدی آدی چرشنبه اولمویایدی آیری آد اولایدی
آنجاق بو مراسملر تامامی‌ایله و عینا اجرا اولارمیش. بو اود یاندیرما
شنلیکلری نوروز مراسملریندن آیریلمایان بیر مراسم‌دیر. مینلر ایل دوام
ائدیب و هئچ دولت، حاکم، دین و اعتقادلار اونو آرادان آپارا بیلمه‌ییبلر،
بلکه‌ده اوزونو نکولشدیریبلر، اونا گوره بو مراسم ده او پایدار و دائمی
مراسم‌لردن بیری اولوبدور.
اود چرشنبه سی :باهارا دوغرو گونش یاواش یاواش تورپاغی قیزدیریر،
ایسیندیریر، اونو یاراتماق اوچون حاضیرلاییر. اود چرشنبه سینده تونقال‌لار
قالایاردی‌لار . هر عائله عضوونون آدینا بیر ده نه شام یاندیراردیلار.
خونچا‌لار دوزه لده ردیلر.بو مراسیم گون اورتا دان سونرا باشلانیر و عائله
بیرلیک ده گونش باتانا یاخین بایرام پالتارلارینی گئیب دام اوستونه
چیخارلار و هابئله دامین اطرافینی بیر دمیر شئی ایله جیزیق لاییب تا بلکه
اوز عائیله لرین شیطانین و پیس روح لارین قصدیندن قوروسونلار .سونرا بویوک
تونقال قالاییب و گونش باتدیقدان سونرا ادو یاندیرارلارو بیرلیکده بو
اودون دووره سینه یئغیشیب شنلیگ ائده رلر.سو چرشنبه سی:آغیرلیغیم-
اوغورلوغوم سویا
آزاریم – بئزاریم سویا،آغیرلیغیم –اوغورلوغوم،دوشسون سو اوستونه.یعنی
باهارا دوغرو چای‌لارین آزاجیق بوز باغلایان یئرلری ارییب چای‌لارا توکولور
. تورپاق یاواش یاواش ایسلانماغا باشلاییر . قیزلار بولاق‌لاردان سرین،
شیرین سو گتیره ردیلر، ائوین اطرافینا چیله ییردیلر، اوزلرینی
یویاردیلار.سوچرشنبه سینه “یالانچی چرشبنه”ده دئیللر.اینانج بئله دیر کی
بوچرشنبه آدام هرنه ائشیدیرسه یالان اولار!! آذربایجانلی لار ائولرینده ایل
بویو بیرچوخ شئیی ائودن وئرمزلر اورنک اولاراق دوز،مایا،وبونلارا تای
بونلاری ائوین”مایاسی” آدلاندیرالار.آنجاق اونوتماق لازیم دئییل کی، سو
شففافلیق، آیدینلیق و تمیزلیک دئمکدیر. ایلک اونجه ایسه سویون حیات منبعیی
اولدوغونو هئچ واخت یاددان چیخارماق اولماز
یئل چرشنبه سی:یئل چرشنبه‌سی‌دیر. بعضی بولگه لریمیزده چوخ عزیز توتولور.
یعنی یئل آرتیق آزاجیق اویانمیش تورپاغی ، تزه جه گلمیش یازا حسرت گول
لری ترپه دیر، چیچک له نن آغاج‌لاری یئلله‌دیر.تورپاق چرشنبه سی:ایلین
سون آینین ان اونملی اولان چرشنبه سی “توپراق چرشنبه” سی دیر.”توپراق
چرشنبه”"آخیر چرشنبه”"یئر چرشنبه”" چرشنبه سوری”"آخیر تک”"کوله
چرشنبه”"لوطی چرشنبه”آدلاری ایله ده بیلنیر.تورپاغی آنا طبیعت سو ایله
ایسلاتدی گونش له ایسیتدی ، اونو یاراتماغا حاضیرلادی. اونا گوره ده ایلک
یاز اکینینی خیشلا کوتانلا محض تورپاق چرشنبه‌سی گونونده باشلایاردی‌لار.
خان ننه لریمیز “سمنی، ساخلا منی، ایلده گویرده ره م سنی” دئییب بوغدا
ایسلاداردی‌لار.
