قورآن اوخوماغین فضیلتلری
یازار : " تؤرک دیلینی اؤیره نین، چونکو اونلارین حاکمیتی چوخ اوزون سؤره جکدیر." پیامبر اکرم
+0 چره جلی
قورآن اوخوماغین فضیلتلری
حاضرلایان: معصومه اسدی
قورآن بشریتین دونیا و آخیرت حیاتی‌نین خوشبختلیگینی تأمین ائدن ابدی
ایلاهی قانوندور. اونون آیه‌لری هدایت، بیان ائتدیگی هر بیر ایفاده ایسه
رحمت و سعادت منبعی‌دیر. هر کیم بو ایکی دونیادا خوشبخت حیاتا نایل اولماق
ایسته‌سه، گئجه و گوندوز قورآنلا انسیتده اولما‌لی و اونو اؤزونده
یاشاتما‌لی‌دیر. هر گون اونونلا اؤز عهد-پیمانینی تزه‌لمه‌لی و عهدینه
وفادار اولما‌لی‌دیر. قورآنلا اؤز علاقه‌سینی داها دا گوجلندیرن و اونو اؤز
حافظه‌سینه کؤچورن شخص‌لر، آتدیقلاری بؤیوک آددیم‌لاری قورآنلا آتار و
گؤردوک‌لری بوتون ایشلری قورآنلا یئرینه یئتیررلر. قورآن تلاوتی‌نین فضیلتی
باره‌سینده اونلارلا حدیث و روایت نقل اولونموشدور. بیز بورادا اونلاردان
یالنیز بیر نئچه‌سینی تقدیم ائدیریک.
امام باقر (ع)-دان نقل اولونموش حدیثده دئییلیر: پیغمبر (ص) قورآن
تلاوتی‌نین فضیلتی حاقدا بویورموشدور: «هر آخشام اون آیه قورآن اوخویان
شخص‌لر، غافل و آللاهینی اونوتموش کسلردن حساب اولونمازلار، اللی آیه
اوخویانلارین آدی عمل دفترینه دایم آللاهی یاد ائدن شخص‌لر کیمی یازیلار،
یوز آیه اوخویان عبادت ائدنلردن، ایکی یوز آیه اوخویان قلباً عبادته
قاپیلان و خالصانه بنده‌لیک ائدنلردن، اوچ یوز آیه اوخویان سعادته نایل
اولانلاردان، بئش یوز آیه اوخویان (محشرده) عبادته تله‌سن و بو یولدا
قالمیش کسلر کیمی تانینارلار. مین آیه اوخویان کسلر ایسه، سانکی الله
یولوندا سای‌سیز-حساب‌سیز قیزیل-گوموش صدقه وئرمیش اولارلار.(اصول
کافی،قورآنین فضیلتی). امام صادق (ع)-دان نقل اولونموش حدیثده دئییلیر:
»قورآن بشریتین سعادت و خوشبختلیگینی تأمین ائدن حیات قانونودور. بو قانون
توپلوسو الله طرفیندن ترتیب اولونموش و ان مکمل شکیلده اونلارین اختیارینا
قویولموشدور. حقیقی مسلمان او کسدیر کی، بو حیات پروقرامینا دقت یئتیرمکله،
هر گون ان آزی اللی آیه اوخوموش اولسون.« (اصول کافی قورآنین فضیلتی).۱٫
قورآنین اوزوندن اوخونماسی نقل اولونموش حدیث‌لرین بیر قسمی، قورآنین
اوزوندن اوخونماسی‌نین اونون ازبر اوخونماسیندان داها فضیلتلی اولدوغونا
دلالت ائدیر. بو مضموندا نقل اولونموش روایتلردن بیرینده دئییلیر: اسحاق
ابن عمار امام صادق (ع)-دان سوروشور. من قورآنی آرتیق حفظ ائتمیشم
(ازبرلمیشم)، اونو ازبر اولا‌راق اوخوسام یاخشی‌دیر، یوخسا اوزوندن؟ امام
(ع) بویوردو:»اوزوندن اوخو، بونون ثوابی داها چوخدور. و بیل کی، قورآنین
یازیلارینا باخماق اؤزو بیر عبادت‌دیر.«
امام صادق (ع)-دان نقل اولونموش باشقا بیر حدیثده دئییلیر: «قورآنی اوزوندن
اوخویان شخصلرین گؤزلری ده قورآندان بهرلنر. آتا-آناسی‌نین گوناهلاری کوفر
ایله دونیا‌دان کؤچسه‌لر بئله، آزا‌لار.» قورآنین اوزوندن اوخونماسینا
مسلمان‌لارین سوق ائتدیریلمه‌سی‌نین بیر نئچه سبب و سیرری واردیر.
۱٫ قورآن نسخه‌لری چوخالیر و قدیم نسخه‌لرین محو اولوب آرا‌دان
گئتمه‌سی‌نین قارشی‌سی آلینیر. اگر مسلمانلار قورآنی حفظ ائده‌رک بو قایدا
ایله اوخویارلارسا، گئتدیکجه قورآن نسخه‌لرینه اولان احتیاج آزا‌لار و
نتیجه‌ده قورآن نادر نسخه‌لردن بیرینه چئوریلر.
۲٫ حدیث‌لرده قئید اولوندوغو کیمی، قورآنین اوزوندن اوخونماسی انسانین
معنویاتینا مثبت تأثیر گؤستریر. عینی زاماندا قورآن یازیلارینا باخماقدان
لذت آلیر و بیر چوخ حاللاردا گؤز آغریلاریندان آماندا قالیر.
۳٫ قورآنی اوزوندن اوخوماق، اوخوجونون قورآنا داها چوخ دقت یئتیرمه‌سینه
سبب اولور. بئله اولدوقدا، انسان قورآنین آچیلمایان سر و اینجه‌لیکلری
باره‌سینده داها چوخ آراشدیرما‌لار آپاریر. بئله کی، انسان اورک آچان
منظره‌یه دقتله باخدیقدا روحاً آرخایینلاشیر و اؤزونده معنوی راحتلیق حس
ائدیر.
قورآن آیه‌لرینه نظر سالا‌راق اونون درین معنا‌لارینی درک ائتمگه چالیشان
اوخوجو، اوندان وصف اولونماز لذتلر آلیر. نتیجه‌ده قلبی نورلانیر و معنوی
پاکلیغا نایل اولور. ۲٫ قورآنین ائولرده اوخونماسی بو مضموندا دا بیر نئچه
حدیث و روایت نقل اولونموشدور. حدیث‌لرین مضمونونا دقت یئتیردیکده،
مسلمان‌لارین ائولرده قورآن تلاوت ائتمه‌لرینه سوق اولونما‌لاری‌نین بیر
نئچه سببی‌نین و اونون بیر نئچه مثبت تأثیری‌نین شاهدی اولوروق.
۱٫ قورآنین ائولرده تلاوت اولونماسی، حاق کلمه‌سی‌نین (اسلام حؤکملری و
اخلاق نورما‌لاری‌نین) ائو ساکنلری طرفیندن دینلنه‌رک قبول اولونماسینا سبب
اولور. بئله کی، ائو صاحبی واختاشیری قورآن اوخویارسا، دیگر ائو ساکنلری
ده اونون تأثیری آلتینا دوشه‌رک بو گؤزل عادته میل ائدر و نتیجه‌ده قورآن
اوخویان شخصلرین سایی بیره اون آرتار. اگر مسلمانلار قورآن تلاوت ائتمک
اوچون معین زامان و یئر تعیین ائدرلرسه، طبیعی‌دیر کی، هامی‌نین عینی
زاماندا همین یئرده قورآن اوخوماسی ممکن اولمایا‌جاقدیر. بو سببدن ده
قورآنین ائولرده اوخونماسی اسلام حؤکملری‌نین هامی طرفیندن رغبتله قبول
اولونماسینا سبب اولور.
۲٫ ائولرده قورآن اوخونارسا، سحر-آخشام اورا‌دان قورآن سسی اوجا‌لار و اونو دینله‌ین شخصلرین قلبلری بونونلا تسکینلیک تاپار.
۳٫ قورآنین ائولرده اوخونماسی، همن ائوین داها دا برکتلی اولماسینا سبب
اولور. ملکلر بو ائولره نازل اولار، شیطانلار ایسه قورخویا دوشه‌رک
اورا‌دان اوزاق اولماق ایسته¬یرلر. اولدوزلار یئر اوزونو
ایشیقلاندیردیقلاری کیمی قورآن اوخونان ائولرده سما اهلینه نور ساچار.
قورآن اوخونمایان ائولرده برکت اولماز، ملکلر بو ائولره گلمکدن چکینر و
اورا‌لار شیطانلارین دایمی گئدیش-گلیش یئرینه چئوریلر. (اصول کافی، ۲-جی
جلد. «قورآنین اوخونما فضیلتی).
