عوض احمدی

ای یامان گونده چاتان هر زمان امداده آنا‍!
ای حیاتیم بویو دونیاده یئتن داده،آنا!
یاتارام هر گئجه من فیکر و خیالینله سنین
گوره رم گول اوزیوی هر گئجهرویاده آنا!
***
جان ائوینده نئچه آی چکدین آنا زحمتیمی
یاتماییب صبحهقدر، هی چکیبن ذلتیمی
سود وئریب کورپه لیگیمدن گوروبن محنتیمی
وئردین اولادیناوچون عمرینی سن باده آنا!
***
منه روزی ائله دین جان شیره سین قانینایلن
مین جوره نازیمی چکدین باش ایلن جانین ایلن
یاتمادین، لایلا دئدین سنحزین افغانین ایلن
آغلیان دمده یئتیشدین نئجه , فریاده آنا!
***
صبحتئزده ن اپوبن سن منی بیدار ائله دین
اوزومه گولدون آنا! عالمی گلزار ائلهدین
منه اوز وئرسه کدر,سن اوزینی زار ائله دین
ای اولان جمله مشقتلره آماده آنا!
***
نه قدر تعریف ائده م آزدیر آنا!حرمتیوی
حقیوی سعیینی ,ائولاده چکن زحمتیوی
خالق آرتیرسین اوزو عزت ایله شوکتیوی
هم بو دنیاده و هم عالم عقباده آنا!

پیرتلاشـیق تئل کیمی قاریشمیشام مـن
قاریشــیـق علّتـــی سن ایــدین آنـا
محبّت اوْدونــدان آلیشــمیشام مـــن
عشقیمین اولفتـــی ســن ایـــدین آنا
***
هر زامـــان دئمیـــشم اوْلا امـکانیم
یاشاییش یوُردوندا جانیمسان جــانیم
سوموکده ایلیگیــم داماردا قانیــــم
حـیاتیم زینتی ســن ایدیـن آنـــــا
***
گئجه لر یوُخوسوز ، گونـوزلر یوْرغـون
من سنه وُورغونــام ، سـن منه وُورغون
عشقدن اینجه دیــــر آنالیق دوُیغـون
وارلیغین شوکتـــی سن ایــدین آنــا
***
دئمیرم چیلپــاغام ، دئمیـــرم آجـــام
یوز باشیم اوْلســا دا ، یئـــنه محتاجـام
سنسیز ائله بیل کـی بارسیــز آغاجـام
یاشـاییش عـزّتی سـن ایــدین آنــــا
***
سنسیز داریخمالی بیر قیش کیمی یـم
قفسده چیرپینان بیر قوُش کیمی یـــم
ظالمی توُتـماغا قارقـیش کیـمی یـــم
کیملیگیم حؤرمتی سـن ایـــدین آنـا
***
اخـتیارسیـز اوشاق ایـدیم دیریلتدین
الیم توُتوب آددیم ـ آددیم یئریتدیـن
جاوان عؤمرون منیم اوسته چوروتدون
بوکولموش قــامتی ســـن ایدین آنـا
***
آلنی آچیق ایسته دین هر آن اؤولادین
یارانـیش عـــزّتـی ، قهرمـان قــادین
من سندن آلمیشام» سارسیلماز« آدین
شعریمین قـدرتی ســن ایــدین آنــا.