شاه اسماعیل صفوی(ختایی)
یازار : " تؤرک دیلینی اؤیره نین، چونکو اونلارین حاکمیتی چوخ اوزون سؤره جکدیر." پیامبر اکرم
+0 چره جلی
شاعر: شاه اسماعیل صفوی(ختایی)
اوغرادیم ( اسیربلا )
بیر بلادان قاچیبان یوز مین بلایا اوچرادیم
بیر زامان شاد اولمادیم درد و بلایا اوچرادیم
قان یوتوب هر لحظه بیر درد و بلایا اوچرادیم
نئیله ییم اى دوستان من بی وفایا اوچرادیم
شول فلکین گردیشى، هئچ وقت منى شاد ائتمه دى
خسته کؤنلوم بیر بلادن، غمدن آزاد ائتمه دى
آیرى دوشدوم قوم و قارداشدان منى یاد ائتمه دى
من تکین بختى قارانى خانه ویران ائتمه دى
نئیله ییم اى دوستان، من بى وفایا اوچرادیم؟
گؤرسه لر احوالیمى هر موبتلا آغلار منه
آه و ناله مدن یانیب شاه و گدا آغلار منه
دال ائدیپ بیگانه لر هر آشینا آغلار منه
رحم ائدیب هر مفلس و هر بینوا آغلار منه
نئیله ییم ائى دوستان، من بى وفایا اوچرادیم؟
هئچ موسلمان اولماسین من تک غم ایچره موبتلا
لوطف ائدیب یا خیضرى پئیغمبر مدد ائت سن منا
قالمیشام دار و فنا، ایچره گیریفتار و بلا
نئیله ییم اى دوستان، من بى وفایا اوچرادیم؟
