اسماعیل نعمتی پایدار:
دیلمیز دویغوموزون الحانی دیر
ان گؤزه ل دویغولارین مئیدانی دیر
گؤزه لیم سنده گؤوه ن اؤز دیلیوه
خوش اؤتن هر بولبولون جولانی دیر
چوخ دا زنگین دیر سئویملی ان شیرین
معرفت اولماماغین قوربانی دیر
گول چیچکلرله گؤزه للر رسمی دیر
نغمه سی هر خسته دل درمانی دیر
اولو ایسلام دینینین بیر دیلی دیر
سانما یونگول یا کی خود شیطانی دیر
تانری وئرمیش دیر پوزولماز بنده ده
هر کیمین لفظی کؤنلو دیوانی دیر
تانری وئرمیش هر شئیه حرمت گرک
اؤزلوگون دانماقدا کفر پیکانی دیر
مینلر ایلدیر آیاق آلتدا یاشاییر
یاشایار ،ساخلایانی،یارادانی دیر
چوخلو سؤزلر اؤکه ده دیل چون گئدیر
کیمسه لر عؤمرون دیله قوربان ائدیر
آی گولوم بیزلر فیرنگه چاتماریق
چاتماساقدا اؤلکه نی هئچ آتماریق
اسگی دووراندا قاباقدا کئتمیشیک
شرقیدن غربه نه جولان ائتمیشیک
ایندی هر کیمسه فیرنگ بؤرکو باشا
چیرپیری هر کیم باشین باشقاداشا
گر چی شیریندیر دیلیم یوخدور تایی
ان گؤزه ل دویغولارین آخار چایی
توپراغی آلتین ایگیتلر اویلاغی
اینجه لر مولکو پریلر یایلاغی
آلپیلار قوینو ستارلار یوردودور
دادلی سؤزلو شهریارلار یوردودور
باغ جنت دسته دسته بولبولو
تانری رسمی داغ داشی،اووو،گولو
آپاریر کؤنلو عاشیقلار هاواسی
بولاغیندان آخیری جان داواسی
تورکوموز بیر بیز تیکاندیر گؤزلره
چوخ دگرلی بیر عطاء دیر بیزلره
یوردووو آباد و اولغون ایسته سن
روحوویله قارنی دولغون ایسته سن
ایسته ییرسن سه وطن داشلا یاریش
اصفهان، شیراز، مشهد لفظی دانیش
چوخ ساغ اولون
+0 چره جلی
