منیم آی غملی دیلیم !
یازار : " تؤرک دیلینی اؤیره نین، چونکو اونلارین حاکمیتی چوخ اوزون سؤره جکدیر." پیامبر اکرم
+0 چره جلی
منیم آی غملی دیلیم !
درده بورونموش
سنه چوخ دردلی سؤزوم وار
سنه ایللر بویو قان آغلاماغا بیل کی گؤزوم وار
داخی دوستاقلی گؤنول ایچره کؤزوم وار
سن آتامین دیلیسن ، هم ده آنامین
ائلیمین ، میللتیمین ، کیملیییمین
بایراغی سَنسَه ن
تؤرکلویون شانلی نیشانی
اُولاماز نازلی دیلیم من سنی آتام
اؤزگه لر دیلینه ، یاد ائللرینه من سنی ساتام
سنی آلداتماییرام
سنی ایچدن سئویره م
سن اگر سولغون اولاسان ، سولاسان
گؤزلریم گؤز یاشینی دالغالارام
ظولمه قارشی آخارام
کؤزه ره ن گؤکسوم اودیله یاخارام
ظولمه سون نوقطه سینی قویمالییام
سنه من آند ایچَه ره م
آی م نیم غملی دیلیم !
درده بورونموش
سنه من آند ایچه ره م
سنه من آند ایچه ره م...
ایفتیخاریم بودورکی "تورکــــمـ"
و دامارلاریمدا تورک قانی حرکتده
ـــــــــــــــــــــــــــــ
آذربایجان سنسن منیم
حورّییتیم شان شؤهرتیم
آدین منیم اؤز آدیمدیر،
سنسیز منیم نه قئیمتیم
آذربایجان آذربایجان،
یاشا یاشا آذربایجان. . .
ـــــــــــــــــــــــــــ
دیلیم دیلیم دوغرا قیزیل آلمانی
وئر هرگلن یئسین اوندان بیر دیلیم
اوچ کلمه دیر، وارلیغیمی بیلدیرن
بیر "کیملیگیم"
بیر "وطنیم"
بیر "دیــلیــــــــــــــــــــم"
ــــــــــــــــــــــــــ
مـــن اینسانام
وطنیم وار، ائلیم وار
اَن بؤیوک...
حقیقتی، آزادلیغی، محبتی، نیفرتی...
سؤیله مَیه قادیر اولان
دیـــــــــــــــــلیــــم وار
ـــــــــــــــــــــــــــــ
هرکیم ایتیره اصلینی، اینسان اولا بیلمز
قارتال نه قدر آج قالا، ترلان اولا بیلمز
اؤرگتدی آنام لای لای ایله تورکو بئشیگده
تورک اوغلو ندن ال چکه اوندان، اولا بیلمز
