اوشاق ادبیاتیندا شعر
یازار : " تؤرک دیلینی اؤیره نین، چونکو اونلارین حاکمیتی چوخ اوزون سؤره جکدیر." پیامبر اکرم
+0 چره جلی
گؤزه ل بیر اوغلان اوشاغی اولارام
گئجه یاتیب، تئز سحری دورارام
***
سلام وئریب،قارخیب اوزو یویاندا
داراغی تاپیب،ساچیما داراخ وورارام
***
سوفرا هانی؟من یئمه لی ایسته ره م
هالوا، پنیر، من قاتیغی سئوه ره م
***
یومورتا، بال، خاما، کره گتیرین
خوش اوشاغام، بیرده قالین(نانی مخصوص)گتیرین
***
من ییره ره م،گوجلو بیر اوغلان اوشاغی اولارام
دوشمن لری قووالیییب، داغلارا ده ک قووارام
قاشقای اوشاق شعری کیتابی یاییلدی
اؤیرنجی: قاشقای اوشاق ادبیاتیندا یئنی بیر کیتاب چاپا یئتیریلدی. بو کیتاب شعر شکلینده‌دیر. بو کیتابین شعرلری جناب ارسلان میرزایی جناب‌لارینداندیر؛ کیتابین شکیللرین‌ایسه سپیده خانیم کریمی فرد چکیبدیر. بو کیتاب انتشارات قشقایی شیراز طرفیندن یاییلیبدیر.
بیر شعر بو کیتابدان اوخویاق:
اوشاقلار آی اوشاقلار
اوشـاقــلار آی اوشـاقـــلار
گلینـگ تـا بئل باغــلایاگ
اؤزگه دیلی دؤشونده
تـورکـی دیلـی سـاخلایاگ
گنجشکه بیز قـوش دئره‌گ
آشنــایـا تـانیـش دئـره‌گ
ابـره بـولـوت سـؤیله ره‌گ
بـارانـا یــاغیـش دئــره‌گ
خـرگـوشه دووشان دئره‌گ
مـوشادا سیـچان دئـره‌گ
لاک پشت اولـور تــوسبـاغا
بیـز مــارا ایــلان دئــره‌گ
اوشــاقـلار آی اوشــاقــلار
گلینـگ تـا بیـز سـوروشاگ
آتــامیـــزدان، آنــــــادان
تــورکـو دیلــه دانیــشاگ
ســرمایـا ســوووق دئره‌گ
مرغــه ده تـوووق دئره‌گ
تورمـاگ بـاخـاگ ایـراقدان
نزدیکـه یــوووق دئــره‌گ
ده‌وه دئـده‌گ شتــــــرا
سنـگ دئمیـره گ کـوتورا
سـؤز دئیه‌ره‌گ اوره‌گدن
تا گـوینــونگـه اوتـــــورا
مـن اؤزگـه‌یـه جان دئمم
آنــامـا مـــامــــان دئمم
بــرف بیـلیــرم قـار اولــور
هئــچ کیمــه یــالان دئمم
هنـــدونه قـارپــیز اولـــور
نعنــادا یــارپـــیز اولــــور
آی هئـــچ زامان ماه اولمـاز
ستــــاره اولـــدوز اولـــور
بـورمـاغــا انگشـت دئمـــم
یـوموروغــا مشـت دئمــــم
اتیم تـؤکـولــور یـولـــداش
اتیمیـزه گــوشـت دئمــــم
اوشــاقــلار آی اوشــاقــلار
گلینـگ گئـــدگ اوینـایاگ
بیـر_ بیر اینان جوش یئیگ
قـازان تکیــن قــاینـایــاگ
اوشاق چؤلده اوینادی
اویناماقدان دویمادی
***
بیرده‌ن یومورتا تاپتدی
تویوغوندو ، او قاپدی
***
تویوق دئدی آی اوشاق
منیم دی بو ، بوش بوراق
***
بیر گون یومورتا سینار
جوجه‌م تئز اوندان چیخار
***
اوندا جوجه‌مه ده‌ن وئر
اَزمه ، اوْنا آمان وئر
***
بالامی سن قاچیدما
دام - دووارادا چالما
***
آنا تویوق گؤزله‌ییر
بالام یوخدو سؤیله ییر
***
بیز حیوانیق گوناحیق
محبت له قالاریق
شعر : منیم جئیرانیم
گؤزو قارا جئیرانیم
یولون هارا آی جانیم؟
داغی گه زه ن نازییلا
بوینوزو تک تاجییلا
یاواش- یاواش یئریرکن
داغی- داشی سئویرسن
بو داغ سنین مسکنین
هم منیم دی هم سنین
منیم ائویم "سولدوزوم"
گؤیده بیر تک اولدوزوم
سنین ائوین ده ره دی
قاشین- گؤزون قه ره دی
بیز بیر- بیری سئویریک
وطن یاشا دئییریک
تمیزاوُل
مَستان پیشیک داریخیر
یوماسا اَل - اوزونو .
پیشیکدَن بیر ایبرت آل
تمیز ساخلا اؤزونو .
قوشلاردا تمیز لَییر
دیمدیکله قانادینی .
دووشان قاچار ائشیدسه
پینتی لرین آدینی .
داغلاریما چَن دوشدو،
باشیما دا،دَن دوشدو،
تانری منی قوش ائله،
یادیما وطن دوشدو .
***
گول اوستونده یاش اوْلوم
ائللره سیرداش اولوم،
قربتده شاه اولونجا،
وطنیمده داش اولوم .
***
گؤیده بولود سیلینمز
اورکلر وار، بیلینمز،
یاغی دوشمن مین اولسا،
تورپاغیمیز بؤلونمز
***
شئح دوشوبدو چمنه
نرگیسه، یاسمنه
من بالاما قوربانام،
بالام قوربان وطنه .
***
منه وطن قالاندی
سنه وطن قالاندی
بیزگئده‌ریک دونیادان
یئنه،وطن قالاندی
