قالمیشیق آسیلی یئریوردوموزدان
باشی میز قایناییر، قویروقدور بوزدان
دنیزین ایچینده یاندیق سوسوزدان
باغلانیب دیلیمیز ،دیل یوخ دانیشاق

ندن  گونش توتولور ، یئر کولگه سالیر
ایری استون ئولوب دوزلوک داغیلیر
ئولکه میز قویون تک یادا ساغیلیر
ئورگیم یول وئرمیر هاردان باریشاق

دیلیم یاساق دوشوب ، جانیم اینجی ییر
سوی داشیم کولوق تک ،دام دام دامجی ییر
دد درد اوسته قالانیب ،جانی سانجی ییر
قایناسا قاریشماز نجه قاریشاق

دیلیمیز ساتی لیر ، توپراق ساتیلیر
کولتوردور ساتیلیر ، قیناق ساتیلیر
ایگیتلیک ساتیلیر، غیرت ساتیلیر
نیلدیم  یاپیشمیر، ندن یاپیشاق

قیلینجلار پاسلانیب ، قینیندا قالیب
بابک ستتارائلین  ، یادائللر آلیب
ساغلیم ایگیتلری، سانجیا سالیب
آز قالیر بو اودا بیزده ،  الیشاق

بیزه دییلیر کی ترکی دئمه یین
آب ا سو ، نان ئوچون چورک دئمه یین
مادره سوینجله آنا دئمه یین
نه سایاق اولورکی ، بونلا باریشاق

دیلیم شیشمیراولوب کسر یاد ائلین
دوست توتار الیمدن توتماز یاد الین
قوشوللام  سئلینه، آپارسا سئلین
دیل آچدیق دانیشاق، قویمور دانیشاق

واقتدی دوراق، یوخی جانی اینجی دیر
قارانلیقدیر ایشیق گونی سین سیدیر
وطن اوغلون، جانین  یاد ائللی دیدیر
قویموری جان سوزون ،دوستا دانیشاق

زامان انسان ئوزون  کدر ایلیییب
آغزین شیرین دادین زهر   ایلییب
دوستی دوشمانین دان بتر ایلییب
بیر بیله زامانلان ، ندن باریشاق

یاواش گئدسن گیج قویاللار آدینی
یرین گئدسن بیج سویلللر یادینی
سئچ مگ اولمور اوغلان قیزی ، قادینی
ائله اولآو دوشوب ، بیزده آلیشاق"

سیاوشم گوللم ، فلک ایشینه
گلمیشینه گئچمیشینه پئشینه
قیفیل دوشن، مرد ایگیتین ایشینه
نجه کیشی دئییب بونلا قاریشاق