پان ترک
یازار : " تؤرک دیلینی اؤیره نین، چونکو اونلارین حاکمیتی چوخ اوزون سؤره جکدیر." پیامبر اکرم
+0 چره جلی
پان ترک
ددیلر سانکی منه پان تورکم
من ددیم سهو اله دیز خان تورکم
الیمین دوشمانینا اوخ سوونگی
الیمین دوستونا من جان تورکم
شانلی تاریخیم اولوپ گچمیشده
الیه ن دونیانی حیران تورکم
گون به گون شانیم اوجالماقدادی چون
شانلی دورانه گیرن شان تورکم
منه جان جان دییه نه جان جان تورک
منه قان قان دییه نه قان تورکم
داییم اینسانلیق اولوپ آمالیم
اینسانا سایقیلی اینسان تورکم
دده مین اوغلویام ایلکین گوندن
دده می من تانیدان تورکم
منه یولسوز دمه سین یولسوزلار
یولوم آیدیندی من اعیان تورکم
بیر گون اولدوم سومر بیر گون ماد
من اورارتور ایله مهران تورکم
بیر گون ایران دا من اولدوم مدنی
ماننایام قوتییم اشکان تورکم
ایسلامین بیر زامان اولدوم قیلیجی
ایسلاما جارچی موسلمان تورکم
منه یولسوز دییه نه ذولفقارام
سالارام مولکونه طوفان تورکم
سلجوقام غزنویم من صفوی
افشارام درک اله شیروان تورکم
پارچا پارچا اولور آذربایجان
سانکی من بوردا سیخیلقان تورکم
خوراساندان قوما ، قومدان خلیجه
ایصفاهان شوش طبریستان تورکم
لوت کویرینده سوسوز قالسامدا
بیر یاشیل ئولکه ده گیلان تورکم
کیرمان اولموشدی منه تورک وطنی
چارماحال ایله خوزیستان تورکم
باخ تنگیستانین اوغلانلارینا
باخ خزر ساحیلی تورکمان تورکم
گیروه کوردیستانا پای اولموشسا
آتمارام قزوینی تهران تورکم
ایندی یاد اوغلی منه یاد دمه سین
گوزی گورسین بوتون ایران تورکم
تولکی اسلانی ایله گیرمز ساواشا
گری دورسون کی من اسلان تورکم
بیر قیغیلجیم اونا اود پوسگورسم
دودمانی گدر آسان تورکم
عاقیل اینسان کی دولاشماز تورکه
یوخسا من یوردونا وولکان تورکم
وطنیم یاد لارا یورد اولمیاجاق
وطنیم ایچره خورامان تورکم
یوردومون توپراقینا گوز تیکنی
ایله ین گونده هراسان تورکم
وطنیمدیر وطنیمدیر وطنیم
وطنیم آذربایجان تورکم
