بو یازی فیکرینیزی که‌سین ده‌ییشه‌جک
یازار : " تؤرک دیلینی اؤیره نین، چونکو اونلارین حاکمیتی چوخ اوزون سؤره جکدیر." پیامبر اکرم
+0 چره جلی
سیزین حیاتینیزی ده‌ییشدیره بیله‌جک بیر قیسا یازی تقدیم ائدیر.
پروفسور الینه سو دولو ایستکانی گؤتوروب اؤیرنجی‌لردن سوروشدو:
- سیز نئجه دوشونورسونوز، بو ایستکانین آغیرلیغی نه قدردیر؟
سالن‌دان چئشیدلی [مختلف] جاواب‌لار ائشیدیلدی:
- تقریباً ۲۰۰ قرام!
- یوخ، ۳۰۰ قرام!
- بلکه ده ۵۰۰ قرام.
پروفسور دئدی:
- من اؤزوم ده دقیق بیلمیرم. چکمه‌میشم دئیه بیلمرم. آما ایندی اساس مسئله بو دئییل. منیم سوالیم باشقا‌دیر: من بو ایستکانی بیر نئچه دقیقه علیمده توتسام، نه باش وئره‌جک؟
- هئچ نه! – اؤیرنجی‌لر دئدی.
- دوغرودور! – پروفئسسور داوام ائله‌دی. بس بو ایستکانی الیمده ۲ ساعات توتسام، او زامان نه اولار؟
- الینیز آغریماغا باشلایا‌جاق.
- بس بوتون گون؟
- الینیز کئیییه‌جک. عضله‌لرینیزده آغری‌لار اولا‌جاق. حتی خسته‌خانایا دا دوشه بیلرسینیز.
پروفسور داوام ائله‌دی:
- بس سیزجه من اونو بوتون گونو الیمده توتسام، ایستکانین آغیرلیغی آزالاجاقمی؟
- خئیر! – اؤیرنجی‌لر آرخایینلیق‌لا جاواب وئردیلر.
- بس بوتون بو چه‌تینلییی حل ائتمک اوچون نه ائتمک لازیمدی؟
- ساده‌جه ایستکانی ماسانین اوستونه قویون. – اؤیرنجی‌لردن بیری گوله-گوله دئدی.
- دقیق! – سئوینجک پروفسور جاواب وئردی. – باخ حیات‌داکی چه‌تین‌لیک‌لرله ده بئله داورانماق لازیم‌دیر. بیر موشکول حاقدا بیر نئچه دقیقه دوشون و آرتیق او موشکول سنله‌دیر. اونون حاقدا بیر نئچه ساعت دوشون، او سنه هوپماغا باشلایا‌جاق. سن او چه‌تینلیک حاقدا بوتون گونو دوشونسن، اوندا سنی ایفلیج [فلج] ائده‌جک. موشکول حاقدا دوشونمک اولار، آما بو اونون حل ائدیلمه‌یینه گتیریب چیخارمایا‌جاق. اونون “چکی‌سی” آزالمایا‌جاق. چه‌تینلییین حللی آنجاق حرکتله مومکون اولور. یا اونو حل ائت، یا دا گئجیکدیر [تاخیره سال]. سنی ایفلیج ائده‌جک آغیر داشی اوریینده داشیماغا احتیاج یوخدور.
قایناق: بیلیم سسی
