ایچیمیزدکی تاغوت
یازار : " تؤرک دیلینی اؤیره نین، چونکو اونلارین حاکمیتی چوخ اوزون سؤره جکدیر." پیامبر اکرم
+0 چره جلی
ایچیمیزدکی تاغوت
ایچیمیزدکی تاغوتالله حیات کیتابیمیز اولان قورانی-کریمده بئله بویورور:
بیز هر اوممته: "اللها عبادت ائدین, تاغوت‌دان ئوزاق اولون"– دئیه, پیغمبر گؤندردیک.(نحل سوره‌سی, آیه 36)
دیگر بیر آیده ایسه ئوجا الله بئله بویورور:
سنه نازیل ائدیلنه و سن‌دن اول نازیل ائدیلن‌لره ایمان گتیردیک‌لرینی ادعا ائدن‌لری گؤرمه‌دینمی? اونلار موحاکیمه اولونما‌لاری اوچون تاغوتا موراجیت ائتمک ایستییر‌لر. حالبوکی اونلارا تاغوتا اینانماماق امر اولونموشدور. شیطان ایسه اونلاری درین بیر آزغینلیغا سالماق ایستییر.(نیسه سوره‌سی, آیه 60)
تاغوت‌لاری رد ائتمدیکجه ایمانین قبول اولونمایاجاغی آچیق بیر شکیلده آیه‌لرده ایفاده اولونور. تاغوت دئدیکده, اللهین ائندیردییی حؤکم‌لره موخالیف اولان و بو حؤکم‌لرین اوزینه اوز حؤکم‌لرینی ایجاد ائدن هر بیر وارلیق تاغوتدور. تاغوت همچی‌نین اللها (س.ت) قارشی عصیان ائتمکله برابر, اونون قول‌لارینی اوزونه قول ائتمک ادعا‌سیندا اولان‌لار‌دیر. بو ایسه شیطان, دینی و سییاسی بیر لیدئر و یا بیر کرال اولا بیلر. اللها قارشی حددینی آشمیش هر بیر وارلیق تاغوتدور. قئیب‌دن خبر وئرن, فالچیلیقلا مشغول اولان, جادوگرلیک ائدن هر بیر کس ده تاغوت حؤکمونده‌دیر.
بو سبب‌دن هر هانسی بیر اینسانین حقیقی موسلمان اولماسی اوچون تاغوتو رد ائتمه‌سی لازیم‌دیر. چونکی ئوجا اللها ایمان ائتممیش‌دن اونجه بوتون تاغوت‌لاری اینکار ائتمک شرط‌دیر. یعنی تاغوت‌لاری اینکار ائتمه‌دن, اللها ایمان گتیره‌نین ایمانی یانلیش‌دیر. بورایا قدر آنلاتدیغیمیز تاغوت‌لار بیز‌دن خاریجده اولان تاغوت‌لار‌دیر. و هر بیر ایمان گتیرن اینسانین دا بو خاریجی تاغوت‌لار‌دان چکینیب, اللها یؤنلمه‌سی لازیم‌دیر.
لاکین بو گون بیز اینسان‌لارین داخیلینده اولان تاغوت‌دان دانیشماق ایستییریک. اینسان اوز داخیلیندکی تاغوتو رد ائتدیکده او خاریجده اولان تاغوت‌لاری دا اینکار ائتمک گوجونده اولور. محض بونا گؤره ده اینسان ایلک اونجه داخیلیندکی تاغوتو تانیمالی‌دیر. تاغوتو تانیما‌دان اونو اینکار ائتمک ده مومکون دئییل‌دیر. بس بو ایچیمیزده, داخیلیمیزده اولان تاغوت ندیر? بو ائله بیر تاغوتدور کی, اینسان‌لاری عبادت‌دن, اللها قوللوق‌دان, ایمان‌دان کنار ائدیر. بو نفس‌دیر! نفس ائله بیر تاغوتدور کی, او اینسانی دونیایا و دونیا نعمت‌لرینه آلوده ائدیر. نتیجده ایسه دونیا نعمت‌لرینه هریس اولان اینسان, بو نعمت‌لره نایل اولماق اوچون یالان دانیشماغا, اوغورلوق ائتمیه, روشوت آلماغا حتی اینسان جانینا بئله قصد ائتمیه مجبور اولور.
نفس اونو ائله بیر سوییییه گتیری کی, او حیوان‌دان فرقلنمز حالا دوشور. نه گلدی یئییر, حالال-حرام بیلمیر و بو جور عمل‌لری "قوچاقلیق” , "زمانیله آیاقلاشماق” کیمی ایفاده‌لرله حاق قازان‌دیریر. حالبوکی, بوتون بو عمل‌لری شیطان اونا حرام و گوناه عمل‌لر کیمی دئییل, "باجاریق” کیمی تلقین ائدیر. و نتیجده نفسینه تابع اولوب ذلالته دوغرو آددیملاییر.
خاریجدکی تاغوت‌لار ایلاهیلش‌دیریلدییی کیمی, داخی‌لی تاغوت اولان نفس ده ایلاهیلش‌دیریل بیلر. و نتیجده اینسان اوز نفسینی اوزونه ایلاه سئچیر. و الله‌دان قئیریسینی اوزونه ایلاه سئچدییی اوچون کافیر اولور. ئوجا الله اوز رسولونا بو خیسلت‌لی اینسان‌لار بارسینده بئله موراجیت ائدیر:
نفسی‌نین ایستیینی ایلاهیلش‌دیرهن کیم‌سنی گؤردونمو? (ال-فورقان, 43)
گونوموزده بو جور اینسان‌لارا چوخ راست گلمک مومکوندور. اونلار نفس‌لری‌نین ایستک‌لرینه تابع اولوب, دونیا حیاتینا کؤله اولموش‌لار. حالبوکی اونلار اللها قوللوق ائتسیدی‌لر, الله اونلارا بو دونیادا دا , آخیرت دونیا‌سیندا دا گؤزللیک‌لر بخش ائدردی. البتدکی ئوجا الله بو دونیادا موسلمانا دا, کافیره ده رحملی‌دیر. بو دونیاداکی نعمت‌لرین ذرره قدر قییمتی اولسایدی, کافیره بیر قورتوم سو بئله وئریلمزدی. آخیرت گونونده ایسه ئوجا الله یالنیز موسلمان‌لارا رحیم‌لی اولاجاق. جننت نعمت‌لری ایسه یالنیز بو دونیادا اونا ایمان گتیریب و تاغوت‌لار‌دان چکینن‌لر اوچون اولاجاق‌دیر.
ئوجا الله بو بارده بئله بویورور:
قادین‌لارین, ئوشاق‌لارین, ییغین-ییغین قیزیل-گوموشون, یاخشی جینس آتلارین, مال-قارانین و اکین یئر‌لری‌نین وئردییی ذؤوق‌لره اولان ایستک اینسان‌لارین گؤزونه گؤزل گؤستریلمیش‌دیر. بون‌لار, دونیا حیاتینین کئچیجی ذؤوقودور, گؤزل قاییدیش یئری ایسه الله یانیندا‌دیر.(آل-عمران, 14)
اینسان آنلامالی‌دیر کی, بو دونیا یاشاماق و ذؤوق اوچون بیر مکان دئییل. بو دونیا ایمتاحان دونیاسی‌دیر. بو دونیاداکی نعمت‌لر یالنیز اوندان ایستیفاده ائدیب, ایمتاحانا حاضرلاشماق اوچوندور. چونکی قارشیدا بؤیوک بیر ایمتاحان وار. بو ایمتاحان‌دان موفووقیییتله کئچه بیلمک اوچون بوتون تاغوت‌لاری دیل ایله, عمل ایله رد ائدیب, اللها ایمان گتیرمک لازیم‌دیر. بونون اوچون ایسه ایلک نؤوبه‌ده داخیلیمیزده اولان نفس آدیندا تاغوتو رد ائتمک لازیم‌دیر. داخیلیندکی تاغوتو رد ائتمه‌دن , خاریجی تاغوت‌لاری رد ائتمک مومکون دئییل‌دیر. اگر مومکوندورسه ده بو یالنیز دیلده اولاجاق. عملده ایسه هئچ بیر دییشیکلیک اولمایاجاق‌دیر.
بو معنادا گلین بیر داها بیزی اللها عبادت‌دن ئوزاقلاش‌دیران نفسی ایستک‌لری ترک ائدک. داخیلیمیزدکی نفس آدینداکی تاغوتو و خاریجیمیزدکی تاغوت‌لاری ترک ائدک کی, اللها حقیقی معنادا ایمان گتیرک. گلین داخیلمیزدکی و خاریجیمیزدکی تاغوت‌لاری ایلاهلش‌دیریب اونلارا عبادت ائتمیک. گلین یئرین و گؤی‌لرین حقیقی رببی اولان اللهی ایلاهیلش‌دیرهک و اونا دا عبادت ائدک.
سوندا گلین ئوجا اللهین بیز‌لره بو بارده موراجیت‌لرینه بیر داها نظر سالاق:
هر کس تاغوتو اینکار ائدیب اللها ایمان گتیررسه, هئچ واخت قیریلمایان ان مؤحکم دستک‌دن یاپیشمیش اولار. الله ائشیدن‌دیر, بیلن‌دیر. (بقره, 256)
تاغوتا عبادت ائتمک‌دن چکینیب اللها اوز توتان‌لارا موژده وار‌دیر. قول‌لاریمی موژدله!(ذومر,17)
نفسینی گوناه‌دان تمیزلین ئوغور قازانمیش‌دیر.(شمس,9)
الله بوتون موسلمان‌لاری نفس‌دن و اونون شررین‌دن قوروسون. آمین
