قرآن-نین تورکجه ترجومه سی‎ > ‎
17- الإسراء

ال-ایسرا (گئجه واختی سئیر) و یا بنی–یسرایل (ایسرایل اوغول‌لاری) سوره‌سی

(مککه‌ده نازیل اولموش‌دور، 111 آیه‌دیر)

باغیشلیلان و رحم ائدن تانری-نین آدینان

1. بعضی آیه‌لریمیزی (قودرتیمیزه دلالت ائدن قریبه‌لیک‌لری و اجایب‌لیک‌لری) گؤسترمک اوچون بنده‌سینی (پیغمبر علئیه سلامی) بیر گئجه (مککه‌دکی) مسجیدولحرام‌دان اطرافینی موبا‌رک ائتدیگیمیز (برکت وئردیگیمیز) مسجیدولقسایا (بئیتولموقدده‌سه) آپاران تانری پاک و موقددس‌دیر. او، دوغرودان دا، (هر شئیی) ائشی‌دن‌دیر، گؤرن‌دیر!

2. بیز موسایا کیتاب (تؤورات) وئردیک و: من‌دن باشقا هئچ بیر وکیل توتمایین (و یا تانری قبول ائتمیین) – دئیه، اونو ایسرایل اوغول‌لارینا (حاق یولو گؤسترن) بیر رهبر تعین ائتدیک.

3. ائی نوحلا بیرلیکده (گمییه) میندیریب آپاردیغیمیز (توفان‌دان خلاص ائتدیگیمیز) کس‌لرین نس‌لی! حقیقتن، او (نوح تانری-نین نعمت‌لرینه) چوخ شوکور ائدن بیر بنده ایدی!

4. بیز ایسرایل اوغول‌لارینا کیتابدا (تؤوراتدا): سیز یئر اوزونده (زکریانی، سونرا دا یحیانی اؤلدورمکله) ایکی دفعه فیتنه-فساد تؤره‌ده‌جک و چوخ دیکباش‌لیق (یاخود ظلم) ائدجکسینیز! – دئیه بیلدیردیک.

5. اونلاردان (او فیتنه-فسادین) بیرینجی‌سی‌نین (جزا) واختی گلنده اوستونوزه چوخ گوج‌لو قول‌لاریمیزی (بوختونسسری، یاخود جالوتو اوردولاری ایله بیرلیکده) گؤندردیک. اونلار (سیزی اؤلدورمک، اسیر آلماق و قارت ائتمک اوچون) ائولرینیزین آراسیندا گزیب دولاشیردی‌لار (سیزی تعقیب ائدیردی‌لر). بو وعد آرتیق یئرینه یئتیریلدی. (سیز زکریانی اؤلدوردونوز، اونلار دا سیزی قتل ائدیب، اسیر آلیب، یوردونوزو خارابا قویدولار).

6. (بون‌دان) سونرا سیزه اونلارین اوزرینده تکرار ظفر چالدیردیق، (یئنی‌دن) وار-دؤولت، اوغول-اوشاق وئرمکله یاردیم گؤستردیک و سایجا سیزی (اول اولدوغونوزدان و یا دوشمن‌لرینیزدن) داها چوخ ائتدیک.

7. یاخشی‌لیق دا ائتسه‌نیز، اؤزونوزه ائتمیش اولورسونوز، پیس‌لیک ده! ایکینجی فیتنه-فسادینیزین (جزا) واختی گلدیکده اوزونوزو قارا (سیزی خجیل) ائتمک، مسجیده (مسجیدولقسایا) بیرینجی دفعه گیردیک‌لری کیمی گیرمک و اله کئچیرتدیک‌لری هر شئیی بوسبوتون محو ائتمک اوچون (فارس و روم پادشاه‌لارینی) اوستونوزه گؤندردیک. (سیز یحیانی اؤلدوردونوز، اونلار دا اوزینده سیزی قتل ائدیب، معبدینیزی داغیدیب، یوردونوزو ویران قویدولار).

8. (توبه ائدجیینیز تق‌دیرده) اولا بیلسین کی، رببینیز سیزه رحم ائتسین! اگر سیز (یئنی‌دن یاراماز عمل‌لرینیزه) قاییتسانیز، بیز ده (سیزی یئنی‌دن جزالاندیرماغا) قاییداریق. بیز جهنمی کافیرلردن اؤترو بیر زین‌دان ائتدیک.

9. حقیقتن، بو قورآن (بوتون بشریتی) ان دوغرو یولا (ایسلاما) یؤنل‌دیر، یاخشی ایشلر گؤرن مؤمین‌لره بؤیوک بیر موکافاتا نایل اولا‌جاق‌لاری ایله موژده وئریر!

10. آخیرته اینانمایان‌لار اوچون ایسه شدت‌لی بیر عذاب حاضیرلامیشیق!

11. اینسان (اؤزونه) خئییر-دعا ائتدیگی کیمی، بد دعا دا ائدر. (آدامین هیرسی توتدوقدا اؤزونه، یاخود اؤولادینا بد دعا ائدر. اگر تانری همین شخصین دعاسینی قبول ائتسه، درحال اونون اؤزونو، یاخود اؤولادینی محو ائتمه‌لی‌دیر. لاکین تانری سبیرلی‌دیر، بنده‌لرینه عذاب وئرمکده تلسمز). اینسان (هر شئیده) تلسکن‌دیر (گؤردوگو ایشین عاقیبتینی دوشونمه‌یه هؤوسه‌له‌سی چاتماز).

12. بیز گئجه و گوندوزو (قودرتیمیزه دلالت ائدن) ایکی علامت مویین ائتدیک. رببینیزدن روزی دیلمه‌نیز، ایللرین سایینی و حسابی (واخت اؤلچولرینی) بیلمیینیز اوچون گئجه‌نین علامتینی (قاران‌لیغی) سیلیب (یئرینه) گوندوزون ایشیق‌لی (گؤرونن) علامتینی گتیردیک. بیز (احتیاج حیسس ائتدیگینیز) هر شئیی (قورآندا) موفصصل ایضاح ائتدیک.

13. بیز هر بیر اینسانین عملینی اؤز بوینون‌دان آسار و قیامت گونو (بوتون عمل‌لرینی) آچیق کیتاب کیمی قارشی‌سینا قویاریق.

14. (و اونا بئله دئیریک: ) اوخو، کیتابینی (عمل دفترینی). بو گون سن حاق-حساب چکمه‌یه اؤزون-اؤزونه (اؤزون اؤز عمل‌لری‌نین شاهیدی اولماغا) کیفایتسن!

15. دوغرو یول توتان یالنیز اؤزونه خئییر، حاق یول‌دان آزان دا آنجاق اؤزونه ضرر ائدر. هئچ بیر گوناهکار باشقاسی‌نین گوناهینی داشیماز. (هره اؤز گوناهینا جاوابدئه‌دیر). بیز، پیغمبر گؤندرممیش (هئچ بیر اوممته) عذاب وئرمریک!

16. بیز بیر مملکتی محو ائتمک ایستدیکده (پیغمبرلرین دیلی ایله) اونون ناز-نعمت ایچینده یاشایان باشچی‌لارینا (تانری-یاا اطاعت ائتمیی، ایمان گتیرمیی) امر ائدریک. لاکین اونلار (تانری-یاا آسی اولوب) پیس-پیس ایشلر تؤردرلر. بئله‌لیکله، (او مملکته عذاب وئریلمه‌سی حاقین‌داکی) حؤکم واجیب اولار و اونو یئرله یئکسان ائدریک.

17. بیز نوح‌دان سونرا نئچه-نئچه اوممت‌لری (نسیل‌لری) محو ائتدیک. (یا رسولوم!) رببی‌نین اؤز قول‌لاری‌نین گوناه‌لارینی بیلمه‌سی، گؤرمه‌سی (اونلارا جزا وئرمک اوچون) کیفایت ائدر.

18. هر کس فانی دونیانی ایسته‌سه، دیلدیگیمیز شخصه ایستدیگیمیز نعمتی اورادا تئزلیکله وئرریک. سونرا ایسه (آخیرتده) اونا جهنمی مسکن ائدریک. او، (جهنمه) قینانمیش، (تانری-نین مرحمتین‌دن) قووولموش بیر وضعیتده داخیل اولار!

19. مؤمین اولوب آخیرتی ایسته‌ین و اونون اوغروندا (جان-باشلا) چالیشان‌لارین زحمتی (تانری درگاهیندا) قبول اولونار.

20. اونلارین و بونلارین هر بیرینه رببی‌نین نعمتین‌دن وئرریک. رببی‌نین نعمتی (ایستر دونیادا، ایسترسه ده آخیرتده هئچ کسه) قاداغان دئییل‌دیر.

21. (یا پیغمبریم!) بیر گؤر (وار-دؤولت، جاه-جلال باخیمین‌دان دونیادا) اونلارین بیرینی دیگرین‌دن نئجه اوستون توتدوق؟ آخیرتده ایسه (دونیاداکین‌دان) داها یوکسک درجه‌لر، داها بؤیوک اوستونلوک‌لر واردیر!

22. تانریلا یاناشی باشقا تانری قبول ائتمه. یوخسا خار اولار، زلیل وضعیته دوشرسن!

23. رببین یالنیز اونا عبادت ائتمیی و والیدئین‌لره یاخشی‌لیق ائتمیی (اونلارا یاخشی باخیب گؤزل داورانماغی) بویورموش‌دور. اگر اونلارین بیری و یا هر ایکی‌سی سنین یانیندا (یاشاییب) قوجالیغین ان دوشگون چاغینا یئترسه، اونلارا: اوف! بئله دئمه، اوست‌لرینه قیشقیریب آجی سؤز سؤیلمه. اونلارلا خوش دانیش!

24. اونلارین هر ایکی‌سینه آجییا‌راق مرحمت قانادی‌نین آلتینا سالیب: ائی رببیم! اونلار منی کؤرپلیگیم‌دن (نوازیشله) تربییه ائدیب بسلدیک‌لری کیمی، سن ده اونلارا رحم ائت! – دئ.

25. رببینیز اورک‌لرینیزده اولان‌لاری (قلب‌لرینیزین سیرلرینی) ان یاخشی بیلن‌دیر. اگر املیسالئه اولسانیز (آتا-آنانیزا بیلمه‌دن ائتدیگینیز پیس‌لیک‌دن پئشمان اولوب توبه ائتسه‌نیز و بون‌دان سونرا اونلارلا یاخشی داورانسانیز، بیلین کی) رببینیز، حقیقتن، تؤوبکارلاری باغیشلایان‌دیر!

26. قوهوم-اقرابایا دا، میسکینه ده، (پولو قورتاریب یولدا قالان) موسیفیره ده حاقینی وئر. عینی زاماندا (مال-دؤولتینی ابس یئره) ساغا-سولا دا سپه‌لمه!

27. حقیقتن، (مالینی ابس یئره) ساغا-سولا سپه‌له‌ین‌لر شیطان‌لارین قارداش‌لاری‌دیر. شیطان ایسه رببینه قارشی نانکوردور!

28. اگر رببین‌دن دیلدیگین بیر مرحمتی (روزینی) گؤزلمک مقصدیله اونلاردان (یاردیم گؤستریلمه‌سی لازیم اولان شخص‌لردن) اوز چئویرمه‌لی اولسان (اونلارا بیر شئیله یاردیم ائتمک ایسته‌سن، لاکین ایمکانین اولمادیغی اوچون باجارماسان و بونا گؤره ده مجبوریت قارشی‌سیندا قالیب گؤزلرینه گؤرونمک ایستمه‌سن)، هئچ اولماسا، اونلارا ( داریخمایین، تانری منه روزی بخش ائدر، من ده سیزه وئررم! کیمی) خوش بیر سؤز دئ!

29. نه الدن چوخ برک اول، نه ده الینی تامامیله آچیب ایسرافچی‌لیق ائت. یوخسا هم قینانارسان، هم ده پئشمان اولارسان!

30. حقیقتن، رببین ایستدیگی شخصین روزی‌سینی آرتیرار دا، آزالدار دا. دوغرودان دا، او اؤز بنده‌لری‌نین حالین‌دان خبرداردیر، (هر شئیی) گؤرن‌دیر!

31. یوخسوللوق‌دان قورخوب (جاهیلیت دؤورونده اولدوغو کیمی) اؤولادلارینیزی (خصوصیله، قیز اوشاق‌لارینی) اؤلدورمیین. بیز اونلارین دا، سیزین ده روزینیزی وئریریک. اونلاری اؤلدورمک، حقیقتن، بؤیوک گوناهدیر!

32. زینایا دا یاخین دوشمیین. چونکی او، چوخ چیرکین بیر عمل و پیس بیر یول‌دور!

33. تانری-نین حرام بویوردوغو جانا حاق‌سیز یئره قصد ائتمیین. (اونو یالنیز و یالنیز بؤیوک بیر گوناه ایشلدیکده، مسئلن، ایمان گتیردیک‌دن سونرا کوفره دوشدوکده، یاخود زیناکارلیق ائتدیکده اؤلدورمک اولار). حاق‌سیز یئره اؤلدورولن مزلوم بیر شخصین صاحبینه (و یا واریثینه قاتیل باره‌سینده) بیر ایختیار وئردیک (ایسته‌سه، قاتیل‌دن قیساس آلار، ایسته‌سه، باغیشلایار و یا قانباهاسی طلب ائدر). لاکین او دا قتل ائتمکده ایفراتا وارماسین (قیساس آلما‌لی اولسا، یالنیز قاتی‌لی اؤلدورمکله کیفایتلنسین)! چونکی (شریعتین بو حؤکم‌لری ایله) اونا آرتیق یاردیم اولونموش‌دور.

34. یاخشی نیت استثنا اولماقلا، یئتیمین مالینا حدی-بولوغا چاتانا قدر یاخین دوشمیین. (بو مالا آنجاق اونو قوروماق، آرتیریب چوخالتماق و یئتیمین اؤز خئیرینه ایستیفاده ائتمک مقصدیله ال وورماق اولار). عهده وفا ائدین. چونکی (اینسان) عهد باره‌سینده (قیامت گونو) جاوابدئه‌دیر. (اینسان وئردیگی عهدی یئرینه یئتیریب-یئتیرمدیگی حاقدا سورغو-سوالا توتولا‌جاق‌دیر).

35. اؤلچنده اؤلچوده دوز اولون، (چکنده) دوزگون ترزی ایله چکین. بو (سیزین اوچون) داها خئییرلی و نتیجه ائعتیباریله داها یاخشی‌دیر!

36. (ائی اینسان!) بیلمدیگین بیر شئیین آردینجا گئتمه (باجارمادیغین بیر ایشی گؤرمه، بیلمدیگین بیر سؤزو ده دئمه). چونکی قولار، گؤز و اورک–بونلارین هامی‌سی (صاحبی‌نین ائتدیگی عمل، دئدیگی سؤز باره‌سینده) سورغو-سوال اولونا‌جاق‌دیر.

37. یئر اوزونده تکببورله گزیب دولانما. چونکی سن نه یئری یارا بیلر، نه ده (بویجا) یوکسلیب داغ‌لارا چاتا بیلرسن

38. بوتون بون‌لار رببی‌نین درگاهیندا بینیلمه‌ین (مکروه)، پیس شئی‌لردیر.

39. (یا رسولوم!) بون‌لار رببی‌نین سنه وحی ائتدیگی حیکمت‌لردن‌دیر. تانریلا یاناشی باشقا تانری قبول ائتمه، یوخسا قینانمیش و (تانری-نین مرحمتین‌دن) کنار ائدیلمیش بیر حالدا جهنمه آتی‌لارسان!

40. (ائی: ملک‌لر تانری-نین قیزلاری‌دیر! – دئین موشریک‌لر!) مگر رببینیز اوغلان‌لاری سیزین اوچون سئچیب، اؤزو اوچون ملک‌لردن قیزلاریمی (اؤولادلیغا) گؤتوردو؟! حقیقتن، (اؤزونوزه روا بیلمدیگینیز شئیی تانری-یاا ایسناد ائتمکله) بؤیوک-بؤیوک دانیشیرسینیز!

41. اینسان‌لار دوشونوب عیبرت آلسین‌لار دئیه، بیز بو قورآندا (تانری-نین وهدانیت اقیده‌سینی جوربجور دلیل‌لرله، موختلیف مثال‌لارلا) ایضاح ائتدیک. لاکین (بو ایضاحات) اونلارین یالنیز نیفرتینی آرتیردی (ایسلام‌دان داها چوخ اوز دؤندردی‌لر).

42. (یا رسولوم!) دئ: اگر تانریلا یاناشی، (موشریک‌لرین) دئدیک‌لری کیمی، تانری‌لار اولسا ایدی، اونلار عرش صاحبینه (یاخین دوشمک، یاخود اونونلا ووروشماق اوچون) بیر یول آختاراردی‌لار .

43. تانری اونلارین دئدیک‌لرین‌دن چوخ اوجا (پاک) و چوخ یوکسک‌دیر!

44. یئددی گؤی، یئر و اونلاردا اولان‌لار (بوتون مخلوقات) تانری-یاا تقدیس ائدیر. ائله بیر شئی یوخ‌دور کی، تانری-یاا تعریف دئییب اونا شوکور ائتمه‌سین، لاکین سیز اونلارین (دیل‌لرینی بیلمدیگینیز اوچون) تقدی‌سینی آنلامازسینیز. (تانری) حقیقتن، هلیم‌دیر، باغیشلایان‌دیر!

45. (یا رسولوم!) سن قورآن اوخودوغون زامان سنینله آخیرته اینانمایان‌لارین آراسینا گؤرونمز بیر پرده چکریک (اونلار سنی گؤرمز و سنه هئچ بیر ختر یئتیره بیلمزلر)

46. (قورآنی) آنلاماسین‌لار دئیه، اونلارین قلب‌لرینه پرده چکیب قولاق‌لارینا انگل قویدوق (کار ائتدیک). سن قورآندا رببینی بیر تک تانری اولا‌راق آندیغین زامان اونلار نیفرت علامتی اولا‌راق آرخا‌لارینی چئویریب گئدرلر.

47. (سن قورآن اوخویاندا) اونلار سنه قولاق آسدیق‌لاری زامان نیی دینلدیک‌لرینی و ظالم‌لارین (درونندوه‌ده) اؤز آرا‌لاریندا گیزلی-گیزلی دانیشیب: سیز آنجاق اووسونلانمیش بیر آداما اویورسونوز! – دئدیک‌لرینی ده بیلیریک.

48. بیر گؤر (موشریک‌لر) سنی کیم‌لره بنزتدی‌لر (سنه شاعر، کاهین، سئحرباز، مجنون، دیوانه و س. دئدی‌لر)! اونلار یول‌دان آزدی‌لار و بیر داها دوغرو یولو تاپا بیلمزلر!

49. اونلار: بیز سور-سوموک، چوروگوب اووخالانمیش تورپاق اولدوغوموز حالدا، دیریلدیلیب یئنی مخلوقمو اولاجاغیق؟ – دئییرلر.

50. (یا رسولوم!) دئ: (ایستر) داش اولون، یاخود دمیر!

51. و یا اوریینیزده (اؤزونوزو داغ‌لار، گؤی‌لر کیمی) بؤیوک بیر مخلوق بیلین! (یئنه دیریلجکسینیز!) . اونلار دئیه‌جک‌لر: او حالدا بیزی کیم (یئنی‌دن دیریلدیب حیاتا) قایتارا‌جاق‌دیر؟ (یا رسولوم!) دئ: ایلک دفعه سیزی یوخ‌دان یارا‌دان (تانری)! اونلار (ایستئهزا ایله) سنه باش‌لارینی بولاییب: بو نه واخت اولا‌جاق‌دیر؟ – دئیه سوروشا‌جاق‌لار. دئ: بلکه ده، بو یاخین زاماندا!

52. او گون کی، تانری سیزی (حاق-حساب اوچون اؤز حضورونا) چاغیرا‌جاق‌دیر. سیز ده اونا (اطاعتله یاناشی) شوکور ائده‌رک (قبیرلرینیزدن) درحال چاغیریشینا جاواب وئرجکسینیز و سیزه ائله گله‌جک‌دیر کی، (دونیادا) چوخ آز قالدینیز!

53. (یا رسولوم!) بنده‌لریمه دئ: (دانیشدیق‌لاری زامان لا ایلاهه ایللاللاه؛ یرهموکللاه؛ یغفیرو لکللاه کیمی) گؤزل سؤزلر سؤیله‌سین‌لر (و یا موشریک‌لری ایمانا دعوت ائدرکن اونلارلا خوش دانیشسین‌لار!) شیطان اونلارین آراسینا فیتنه-فساد سالا بیلر. حقیقتن، شیطان اینسانین آچیق-آشکار دوشمنی‌دیر!

54. رببینیز سیزی داها یاخشی تانییار (کیمین مؤمین، کیمین کافیر اولدوغونو چوخ گؤزل بیلیر). ایسته‌سه، سیزه رحم ائدر، ایسته‌سه، عذاب وئرر. بیز سنی اونلارا وکیل گؤزدرممیشیک. (سنین وظیفن یالنیز ایسلامی تبلیغ ائتمک‌دیر).

55. (یا رسولوم!) رببین گؤی‌لرده و یئرده اولان‌لاری (اؤزونون بوتون یاراتدیق‌لارینی) چوخ گؤزل تانیییر. بیز پیغمبرلرین بعضی‌سینی دیگرلرین‌دن اوستون ائتدیک و داوودا زبور وئردیک.

56. دئ: (تانری دان) باشقا تانری گومان ائتدیک‌لرینیزی (یاردیما) چاغیرین. اونلار سیزی نه مؤهنت‌دن قوروماغا، نه ده اونو دییشمه‌یه (سیزدن سوووشدوروب باشقاسینا طرف یؤنلتمه‌یه) قادیر دئییل‌لر!

57. اونلارین تاپیندیق‌لاری تانری‌لارین اؤزلرین‌دن هر هانسی بیری (تانری درگاهینا) داها یاخین اولسون دئیه، رببینه وسیله آختاریر، اونون رحمتینی اومور، عذابین‌دان قورخور. حقیقتن، رببی‌نین عذابی قورخولودور!

58. ائله بیر مملکت یوخ‌دور کی، قیامت گونون‌دن اول بیز اونون اها‌لی‌سینی محو ائتمیک و یا اونو شدت‌لی عذابا دوچار ائتمیک. بو، کیتابدا (لؤوحی-محفوظدا) یازیلمیش‌دیر!

59. بیزه نشانه ‌لر گؤندرمه‌یه مانع اولان شئی آنجاق اوولکی‌لرین (کئچمیش اوممت‌لرین) اونلاری یالان حساب ائتمه‌لری‌دیر. بیز ثمود طایفه‌سینا آچیق-آشکار بیر نشانه  اولا‌راق دیشی (مایا) بیر دوه وئردیک، لاکین اونلار اونا ظلم ائتدی‌لر (دونی توتوب کسدی‌لر). بیز نشانه ‌لری یالنیز (بنده‌لریمیزی) قورخوتماق اوچون گؤندریریک.

60. (یا رسولوم!) یادینا سال کی، بیر زامان سنه: رببین (اؤز ازه‌لی علمی و قودرتی ایله) اینسان‌لاری ائهتیوا ائتمیش‌دیر (اونلارین ایختیاری تانری-نین الینده اولدوغو اوچون سنه هئچ بیر شئی ائده بیلمزلر!) –دئمیشدیک. (ایسرا گئجه‌سی) سنه گؤستردیگیمیز منزرنی و قورآندا لعنمیش (جهنم‌دکی زققوم آدلی) آغاجی اینسان‌لار (مککه اهلی) اوچون یالنیز بیر ایمتاهان ائتدیک (گؤرک سنین سؤزونه اینانا‌جاق‌لار، یا یوخ). بیز اونلاری قورخودوروق، لاکین بو قورخوتماق اونلارین طغیانینی آرتیرماق‌دان باشقا بیر شئیه کارا گلمیر!

61. یئنه یادینا سال کی، بیر زامان ملک‌لره: آدمه سجده ائدین! – دئیه امر ائتمیشدیک. ایبلیس‌دن باشقا هامی‌سی سجده ائتمیشدی. (ایبلیس: ) سنین پالچیق‌دان یاراتدیغینا من سجده ائدرممی؟! – دئمیشدی.

62. (ایبلیس) همچی‌نین: (پروردیگارا!) بیر دئ گؤرک (منی اوددان، بو آدمی تورپاق‌دان یاراتدیغین حالدا) نه اوچون اونو من‌دن اوستون توتدون؟ اگر (منی اؤلدورمه‌ییب) قیامت گونونه قدر منه مؤهلت وئرسن، آز بیر قیسمی استثنا اولماقلا، اونون نسلینی اؤز حؤکموم آلتینا آلارام (و یا یول‌دان چیخاریب کؤکونو کسرم) .

63. (تانری) بویوردو: چیخ گئت! (سنه قیامته قدر مؤهلت وئردیم!) اونلاردان هر کس سنه اویسا، (بیل کی) جزانیز جهنم‌دیر. اؤزو ده تامام-کمال بیر جزا!

64. اونلاردان کیمی باجاریرسانسا، سسینله (وسوه‌سنله) یئرین‌دن اوینات، آتلی و پیا‌دانی اونلارا قارشی سفربر ائت، (اونلاری حراما، زیانا سؤوق ائتمکله) مال‌لارینا و اؤولادلارینا اورتاق اول، اونلارا جوربجور (یالان) وعدلر وئر. شیطان (اونا اویان‌لارا) یالنیز یالان وعد وئرر!

65. دوغروسو، منیم (مؤمین) بنده‌لریم اوزرینده سنین هئچ بیر حؤکمون اولا بیلمز. رببی‌نین وکیل اولماسی (سنین شرین‌دن و وسفه‌سن‌دن اونلاری قوروماسی) کیفایت ائدر!

66. سیزین اوچون (بول) نعمتین‌دن اؤزونوزه روزی آختارماق (قازانماق) مقصدیله دنیزده گمی‌لری حرکته گتیرن محض رببینیزدیر! حقیقتن، رببینیز سیزه قارشی رحم‌لی‌دیر!

67. سیزه دنیزده بیر چتین‌لیک (باتماق تهلوکه‌سی) اوز وئردیگی زامان (تانری دان) قئیری عبادت ائتدیگینیز بوت‌لر قئیب اولار. لاکین او سیزی خلاص ائدیب قورویا چیخارتدیقدا (اطاعتین‌دن) اوز دؤندریرسینیز. اینسان نانکوردور!

68. مگر (تانری نین) قورودا سیزی یئره باتیرمایاجاغینا، یاخود (گؤی‌دن) باشینیزا داش یاغدیرمایاجاغینا امینسینیزمی؟! سونرا هئچ سیزی قورویان دا تاپیلماز (تاپا بیلمزسینیز).

69. یوخسا (تانری نین) بیر ده سیزی دنیزه قایتارمایاجاغینا، شدت‌لی بیر فیرتینا گؤندریب سیزی باتیرمایاجاغینا آرخایینسینیز؟ سونرا سیزدن اؤترو بیزدن اینتیقام آلا‌جاق (و یا بیزه قارشی سیزه یاردیم ائده‌جک) بیر کس ده تاپا بیلمزسینیز.

70. بیز، آدم اؤولادینی شرف‌لی و حؤرمت‌لی ائلدیک، اونلاری سودا و قورودا (گمی‌لره، حیوان‌لارا و باشقا نقلیات واسطه‌لرینه) میندیریب صاحب ائتدیک، اؤزلرینه (جوربجور نعمت‌لردن) تمیز روزی وئردیک و اونلاری یاراتدیغیمیز مخلوقاتین چوخون‌دان خئی‌لی اوستون ائتدیک. (اینسان شعور، نیتق قابیلیتی، گؤزل صورت، بوی-بوخون، تانری یئمک و س. بو کیمی مزیت‌لرینه گؤره همیشه تانری-یاا شوکور ائدیب یالنیز اونا تاپینما‌لی، رببینه هئچ بیر شریک قوشماما‌لی‌دیر!)

71. بیر گون (قیامت گونو) بوتون اینسان‌لاری اؤز ایمام‌لاری (آردینجا گئتدیک‌لری رهبرلری، یاخود پیغمبرلری و یا عمل دفترلری) ایله بیرلیکده (حضوروموزا) چاغیراجاغیق. عمل دفترلری ساغ اللرینه وئریلن‌لر اونو اوخویار (شاد اولارلار). اونلارا توک (خورما چردیی‌نین یاریغین‌داکی تئل) قدر حاق‌سیزلیق ائدیلمز.

72. بو دونیادا (تانری-نین دلیل‌لرینی، نشانه ‌لرینی گؤرمه‌ییب گؤزو و قلبی) کور اولان آخیرتده ده کور اولار و (حاق) یول‌دان داها چوخ آزار!

73. (یا رسولوم! قورآن‌دان) قئیری بیر شئیی یالان‌دان بیزه ایستیناد ائده‌سن (ایفتیرا یاخاسان) دئیه، (موشریک‌لر) سنی هارداسا او سنه وحی ائتدیگیمیزدن ساپ‌دیرا‌جاقدی‌لار. بئله اولاجاغی تق‌دیرده، سنی، سؤزسوز کی، اؤزلرینه دوست توتا‌جاق‌دیرلار.

74. اگر بیز سنه سبات وئرمسیدیک، یقین کی، آز دا اولسا، اونلارا اویاجاقدین!

75. (بئله اولاجاغی تدیرده) سنه حیاتین و اؤلومون ایکیقات عذابینی داددیراردیق. سونرا بیزه قارشی اؤزونه بیر یاردیم ائدن ده تاپا بیلمزسن. (هئچ کس سنی عذابیمیزدان قورتارا بیلمز).

76. (موشریک‌لر) سنی اورا‌دان (مککه‌دن) چیخارتماق اوچون آز قالمیشدی کی، سنی او یئرده فیتنه‌یه سالسین‌لار (ناراحات ائله‌سین‌لر، دونیانی باشینا دار ائتسین‌لر). اگر اونلار بئله ائتسیدی‌لر، سن‌دن سونرا (مککه‌ده) یالنیز آز بیر مدت قالا بیلردی‌لر.

77. سن‌دن اول گؤندردیگیمیز پیغمبرلر باره‌سین‌ده کی قایدا-قانونا مووافیق اولا‌راق. (اونلارین دؤورونده ده بئله ائتمیشدیک). سن بیزیم قایدا-قانونوموزدا هئچ بیر دییشیک‌لیک تاپا بیلمزسن! (سن‌دن اوولکی اوممت‌لر اؤز پیغمبرلرینه اذیت وئریب اؤلکه‌لرین‌دن قووان کیمی اونلارا عذاب گؤندرر، هامی‌سینی محو ائدردیک. اگر مککه موشریک‌لری بئله ائتسیدی‌لر، همین موصیبت اونلارین دا باشینا گله‌جکدی).

78. گونورتا‌دان (گون باتماغا مئیل ائدن‌دن) گئجه‌نین قارانلیغینادک ناماز (گونورتا، ایکیندی، آخشام و گئجه نامازلاری) قیل. صوبح نامازینی دا قیل. چونکی صوبح نامازی (گئجه و گوندوز ملک‌لری، همچی‌نین بیر چوخ اینسان طرفین‌دن) موشاهیده اولونور.

79. (یا رسولوم!) گئجه‌نین بیر واختی دوروب آنجاق سنه خاس اولان علاوه (تحججود) نامازی قیل. اولا بیلسین کی، رببین سنی (قیامت گونو هامی طرفین‌دن) بینیلیب تعریف‌لنن بیر مقاما (آخیرتده ان بؤیوک شفاعت مقامینا) گؤندرسین!

80. دئ: ائی رببیم! منی داخیل ائدجیین یئره (مدینه‌یه) خوشلوقلا داخیل ائت، منی چیخاراجاغین یئردن (مککه‌دن) ده خوشلوقلا چیخارت. اؤز درگاهین‌دان منه یاردیم ائده بیلن بیر دلیل وئر! (منه ائله بیر قودرت وئر کی، موشریک‌لر و کافیرلر همیشه اونون قارشی‌سیندا عاجیز قالسین‌لار!)

81. دئ: حاق (ایسلام) گلدی، باطیل (شیرک و کوفر) یوخ اولدو. چونکی باطیل (اؤز-اؤزلوگونده) یوخلوغا (هئچ‌لییه) محکوم‌دور!

82. بیز قورآن‌دان مؤمین‌لر اوچون شفا و مرحمت اولان آیه‌لر نازیل ائدیریک. او، ظالم‌لارین (کافیرلرین) آنجاق زیانینی آرتیریر.

83. اینسانا بیر نعمت (ساغلام‌لیق، وار-دؤولت) وئردیگیمیز زامان (بیزدن) اوز چئویریب اوزاق گزر. اونا بیر پیس‌لیک اوز وئردیکده ایسه معیوس اولار!

84. دئ: هره اؤز قابیلیتینه (خیسلتینه) گؤره ایش گؤرر. رببین کیمین داها دوغرو یولدا اولدوغونو داها یاخشی بیلیر!

85. (یا رسولوم!) سن‌دن روح (روحون ماهیتی و کئیفیتی) حاقیندا سوروشارلار. دئ: روح رببیمین امرینده‌دیر. (تانری-نین امری ایله یارادیلمیش‌دیر). سیزه (بو باره‌ده) یالنیز جوزیی (آز) بیر بیلیک وئریلمیش‌دیر!

86. اگر ایستسیدیک، سنه وحی ائتدیگیمیزی (قلبین‌دن) چیخاردیب آپاراردیق. سونرا بیزه قارشی اؤزون اوچون بیر مودافیچی (وکیل) ده تاپا بیلمزدین. (اگر بیز قورآنی سنه اونوتدورساق، یئنی‌دن هئچ کس اونو سنین یادینا سالا بیلمز).

87. لاکین (بونو ائتممییمیز) رببی‌نین یالنیز سنه قارشی بیر مرحمتی‌دیر. حقیقتن، اونون سنه اولان نعمتی بؤیوک‌دور!

88. (یا پیغمبریم!) دئ: اگر اینسان‌لار و جین‌لر بیر یئره ییغیشیب بو قرآنا بنزر بیر شئی گتیرمک اوچون بیر-بیرینه یاردیم ائتسه‌لر، یئنه ده اونا بنزرینی گتیره بیلمزلر .

89. بیز بو قورآندا اینسان‌لار اوچون هر جور مثل چکیب (تعبیرینن) اونلارا ایضاح ائتدیک. لاکین اونلارین (مککه اهلی‌نین) اکثریتی کوفردن باشقا بیر شئیه راضی اولمادی (نعمتیمیزه نانکور اولوب یالنیز کوفرو سئچدی).

90. (قورآنین عظمتی، فصاهت و بلاغتی قارشی‌سیندا عاجیز قالان، لاکین اؤزلرینی سیندیرمایان موشریک‌لر) بئله دئدی‌لر: بیزه یئردن (مککه‌دن) بیر بولاق چیخارمایینجا سنه ایمان گتیرمیجییک.

91. یاخود (آغاجلاری) آراسیندا شیریل-شیریل ایرماق‌لار آخان خورما و اوزوم باغین اولمایینجا؛

92. یاخود، ادعا ائتدیگین کیمی، گؤیو پارچا-پارچا ائدیب باشیمیزا ائندیرمیینجه، یاخود تانری-یاا و ملک‌لری (پیغمبرلیگی‌نین دوغرولوغونا شاهید اولا‌راق) آچیق-آشکار قارشیمیزا گتیرمیینجه؛

93. و یا قیزیل‌دان بیر ائوین اولمایینجا، یاخود سن گؤیه قالخمایینجا (بیز سنه ایمان گتیرمیجییک). اگر بیزه (سما‌دان) اوخویاجاغیمیز بیر کیتاب ائندیرمه‌سن، گؤیه قالخماغینا دا اصلا اینانمایاجاغیق! (یا رسولوم!) دئ: رببیم پاک‌دیر، موقددس‌دیر! (تانری گئدیب-گلمک، ائنیب-قالخماق کیمی مخلوقاتا عاید اولان خصوصیت‌لردن اوزاق‌دیر!) من ایسه یالنیز پیغمبر اولان بیر اینسانام! (تانری-نین ایزنی اولمایینجا، هئچ بیر پیغمبر سیزین دئدیک‌لرینیزی یئرینه یئتیرمه‌یه قادیر دئییل‌دیر!)

94. (قورئیش موشریک‌لری کیمی) اینسان‌لارا دوغرو یولو گؤسترن بیر رهبر گلدیگی زامان اونا ایمان گتیرمه‌یه مانع اولان شئی یالنیز اونلارین: تانری بیر اینسانیمی پیغمبر گؤندردی؟ – دئمه‌لری‌دیر. (موشریک‌لرین فیکرینجه، پیغمبر بشردن دئییل، ملک‌لردن گؤندریلمه‌لی‌دیر).

95. (یا رسولوم!) دئ: اگر یئر اوزونده (سیز اینسان‌لار کیمی) آرخایین گزیب دولاشان‌لار ملک‌لر اولسایدی (یئر اوزونون اها‌لی‌سی ملک‌لردن عبارت اولسایدی)، سؤزسوز کی، اونلارا بیر ملک پیغمبر گؤندرردیک!

96. دئ: منیمله سیزین آرانیزدا تکجه تانری-نین (پئیغمبرلیگیمین حقیقی‌لیگینه) شاهید اولماسی کیفایت ائدیر. شوبهه‌سیز کی، او، بنده‌لرین‌دن (بنده‌لری‌نین بوتون عمل‌لرین‌دن) خبرداردیر، (اونلارین گیزلینده و آشکاردا نلر ائتدیگینی) گؤرن‌دیر!

97. تانری-نین دوغرو یولا سالدیغی کس دوغرو یولدا‌دیر. تانری-نین یول‌دان چیخارتدیغی کس اوچونسه (تانری دان) باشقا دوست‌لار تاپا بیلمزسن. بیز قیامت گونو اونلاری اوزو اوسته سورونه-سورونه، کور، لال و کار کیمی محشر آیاغینا چکجییک. اونلارین دوشه‌جک‌لری یئر جهنم‌دیر. جهنم اودو آزالدیقجا اونلارین (بدن‌لری‌نین) آلووونو آرتیراجاغیق!

98. بو، آیه‌لریمیزی اینکار ائتدیک‌لرینه و: سور-سوموک، چوروگوب اووخالانمیش تورپاق اولدوغوموز حالدا، بیز دیریلدیلیب یئنی بیر مخلوقمو اولاجاغیق؟ – دئدیک‌لرینه گؤره اونلارین جزاسی‌دیر.

99. مگر اونلار (اؤلن‌دن سونرا بیر داها دیریله‌جک‌لرینی اینکار ائدن‌لر بو بؤیوکلوکده) گؤی‌لری و یئری (یوخ‌دان) یارا‌دان تانری-نین (بو کیچیک‌لیکده) اونلار کیمی‌سینی (یئنی‌دن، عینیله) یاراتماغا قادیر اولدوغونو گؤرمورلرمی؟! تانری اونلار اوچون بیر عجل (اؤلوم، یاخود عذابا دوچار اولما واختی) مویین ائتدی کی، اونا هئچ بیر شکک-شوبهه یوخ‌دور. ظالم‌لار (بئله بیر وضعیتده ده) آنجاق اؤز کوفرلرینده ایسرار ائدیب دورورلار (کوفردن باشقا بیر شئیه راضی اولمورلار).

100. (یا پیغمبریم، موشریک‌لره) دئ: اگر سیز رببیمین رحمت خزینه‌لرینه (وار-دؤولتینه) صاحب اولسایدینیز، یئنه ده (اونون) خرجلنیب توکنمه‌سین‌دن (سونرا دا سیزه یوخوللوق اوز وئرمه‌سین‌دن) قورخا‌راق خسیس‌لیک ائدردینیز. اینسان (نه قدر وارلی اولسا دا، طبیعتی ائعتیباریله) خسیس‌دیر!

101. بیز موسایا دوققوز آشکار نشانه  (اسا، گونش کیمی پارلایان یدی-بئیزا، چییرتکه و دیگر حشرات، قورباغا، قان، قیت‌لیق، داش‌لارین آراسین‌دان فوواره وئریب چیخان سو، دنیزین یاریلماسی و تور داغی‌نین قالدیریلیب ایسرایل اوغول‌لاری‌نین باش‌لاری اوستونده ساخلانیلماسی) وئردیک. ایسرایل اوغوللاریندان‌ سوروش: (موسی) اونلارین یانینا گلدیکده، فیرعون اونا: یا موسی! منه ائله گلیر کی، سن اووسونلانمیشسان (آغلین باشیندا دئییل‌دیر) ، - دئمیشدی.

102. (موسی دا) اونا: سن بون‌لاری محض گؤی‌لرین و یئرین رببی تردین‌دن آچیق-آشکار نشانه  اولا‌راق ائندیریلدیگینی، سؤزسوز کی، بیلیرسن. من ایسه، ائی فیرعون، سنی (کوفره دوشدوگونه گؤره) آرتیق محو اولموش زنن ائدیرم! – دئیه جاواب وئرمیشدی.

103. (فیرعون) اونلاری (مصر) تورپاغین‌دان قوووب چیخارتماق ایسته‌دی. بیز ایسه اونو (فیرعونو) و اونونلا بیرلیکده اولان‌لارین هامی‌سینی (سویا) غرق ائتدیک.

104. و بون‌دان سونرا ایسرایل اوغول‌لارینا دئدیک: سیز (شام) اراضی‌سینده ساکین اولون. آخیرت وعده‌سی (قیامت) گلیب چاتدیقدا سیزین هامینیزی (سیزی و فیرعون اهلینی، یاخود مؤمین‌لری و کافیرلری) بیرلیکده (بیر-بیرینیزه قاریشمیش حالدا محشره) گتیرجییک!

105. بیز (قورآنی) حاق اولا‌راق نازیل ائتدیک، او دا حاق اولا‌راق (هئچ بیر دییشیک‌لییه اوغراما‌دان) نازیل اولدو. سنی ده یالنیز (مؤمین‌لره جننتله) موژده وئرن و (کافیرلری جهنم عذابی ایله) قورخودان صیفتی ایله گؤندردیک.

106. اینسان‌لارا آراملا (یاواش-یاواش) اوخویاسان دئیه، بیز قورآنی حیسه‌لره آییریب (آیه-آیه، سوره-سوره) گؤندردیک. بیز اونو تدریجله، (ایگیرمی اوچ ایله یاخین بیر مدت عرضینده) نازیل ائتدیک.

107. (یا رسولوم، موشریک‌لره) دئ: ایستر (قرآنا) اینانین، ایسترسه ده اینانمایین. شوبهه یوخ‌دور کی، اوندان اول علم وئریلمیش کیمسه‌لر (اؤزلرینه تؤورات و اینجیل وئریلمیش کیتاب اهلی) یان‌لاریندا (قورآن) اوخوندوغو زامان اوزوسته سجده‌یه قاپانار.

108. و: رببیمیز پاک‌دیر، موقددس‌دیر! رببیمیزین (مؤمین‌لره موکافات، کافیرلره عذاب وئریلجیی باره‌سین‌ده کی) امری موطلق یئرینه یئته‌جک‌دیر! – دئیرلر.

109. اونلار اوزوسته سجده‌یه قاپانیب آغلایار، (قورآن‌داکی اؤیود-نصیحت ایسه) اونلارین (تانری-یاا) اطاعتینی داها دا آرتیرار.

110. (یا رسولوم!) دئ: ایستر تانری، ایسترسه ده رحمان دئییب چاغیرین (دعا ائدین). هانسینی دئسه‌نیز (فرقی یوخ‌دور)، چونکی ان گؤزل آدلار (اسمایی-حوسنا) یالنیز اونا مخصوص‌دور. (یا پیغمبریم!) ناماز قیلارکن سسینی نه چوخ قال‌دیر، نه ده چوخ آلچالت. بونون (بو ایکی‌سی‌نین) آراسیندا اورتا بیر یول توت!

111. و دئ: اؤزونه هئچ بیر اؤولاد گؤتورمه‌ین، مولکونده (سلطنتینده) هئچ بیر شریکی اولمایان، ضعیف (عاجیز) اولمادیغی اوچون (اونا یاردیم ائده‌جک) هئچ بیر دوستا (هامییه ده) احتیاجی اولمایان تانری-یاا حمد اولسون! و تانری-یاا (لاییقینجه) اوجا توت! (تانری-یاا بوتون عیب و نقصان‌لاردان اوزاق بیلیب تقدیس ائت، شأنینه تعریف‌لر دئ!)


قرآن-نین تورکجه ترجومه سی‎ > ‎
18-الکهف

ار-کهف (ماغارا) سوره‌سی

(مککه‌ده نازیل اولموش‌دور، 110 آیه‌دیر)

باغیشلیلان و رحم ائدن تانری-نین آدینان

1. حمد اولسون او تانری-یاا کی، کیتابی (قورآنی معناسیندا و سؤزلرینده) هئچ بیر ایری‌لییه (یانلیشلیغا و ضدیته) یول وئرمه‌دن اؤز بنده‌سینه (محمّده) نازیل ائتدی!

2. (تانری کافیرلری) اؤز درگاهین‌دان گله‌جک شدت‌لی بیر عذابلا قورخوتماق، یاخشی عمل‌لر ائدن مؤمین‌لره ایسه گؤزل موکافاتا (جننته) نایل اولا‌جاق‌لاری ایله موژده وئرمک اوچون اونو دوغرو-دوزگون (قیامته قدر بوتون بشریته حاق یولو گؤسترن بیر نور) اولا‌راق ائندیردی.

3. اونلار اورادا (جننتده) ابعدی قالا‌جاق‌لار!

4. او، هم ده (قورآنی): تانری اؤزونه اؤولاد گؤتوردو! – دئین‌لری قورخوتماق اوچون نازیل ائتدی.

5. بو باره‌ده نه اونلارین اؤزلری‌نین، نه ده (تقلید ائتدیک‌لری) آتا‌لاری‌نین هئچ بیر بیلیگی یوخ‌دور. اونلار چوخ بؤیوک-بؤیوک دانیشیرلار. (آغیزلاریندان‌ چیخان سؤز نئجه ده بؤیوک کوفردور). اونلار آنجاق یالان دئییرلر!

6. (یا رسولوم!) یوخسا (کافیرلر) بو قرآنا اینانماسا‌لار، (سن‌دن اوز دؤندریب گئتدیک‌لرینه گؤره) آرخا‌لارینجا تسسوفلنیب اؤزونو هلاک ائده‌جکسن؟!

7. بیز یئر اوزونده اولان‌لاری اونون (ساکین‌لری) اوچون (و یا اونون اؤزونه مخصوص) بیر زینت یاراتدیق کی، اونلاردان هانسی‌نین داها گؤزل عمل صاحبی اولدوغونو یوخلاییب آییرد ائدک.

8. (بو دا بیر حقیقت‌دیر کی) بیز یئر اوزونده اولان هر شئیی (واختی گلنده) محو ائدیب قوپقورو بیر تورپاغا دؤندرریک. (فانی دونیایا، اونون جاه-جلالینا ائعتیبار یوخ‌دور. یئر اوزونده اولان هئچ بیر شئی ابعدی دئییل‌دیر. مویین دؤوردن سونرا اورادا مؤوجود اولان هر شئی محو اولا‌جاق‌دیر).

9. (یا رسولوم!) یوخسا اسهابی-کهفین و رقیمین (ماغارا و رققیم اهلی‌نین) آیه‌لریمیزدن اجایب بیر شئی اولدوغونو گومان ائدیرسن؟ (خئیر، بو بیزیم قودرتیمیز قارشی‌سیندا آدی بیر ایشدیر).

10. (یا رسولوم!) خاطیرلا کی، او زامان گنج‌لر ماغارایا سیغینیب: ائی رببیمیز! بیزه اؤز درگاهین‌دان مرحمت بخش ائت و ایشیمیزه فرج وئر! (بیزی کافیرلرین بلاسین‌دان، دوشمن‌لرین تهلوکه‌سین‌دن قورو، بیزه روزی وئریب دوغرو یولا یؤنلت!) – دئمیشدی‌لر.

11. بیز اونلاری ماغارادا ایللرله (اوچ یوز دوققوز ایل) یوخویا وئردیک.

12. سونرا ایکی طایفه‌دان (مؤمین‌لردن و کافیرلردن) هانسی‌نین اونلارین (ماغارادا) قالدیق‌لاری مدتی داها دوزگون حئسابلادیق‌لارینی بیلمک اوچون اونلاری اویاتدیق.

13. (یا رسولوم!) بیز اونلارین خبرینی سنه دوغرو سؤیلییریک. اونلار رببینه ایمان گتیرمیش بیر نئچه گنج ایدی. بیز ده اونلارین هیدایتینی (ایمانینی، سباتینی و بصیرتینی) آرتیرمیشدیق.

14. اونلار (روم قئیسری بوت‌پرست دیقیانوسون حضوروندا) دوروب: رببیمیز گؤی‌لرین و یئرین رببی‌دیر. بیز اوندان باشقا هئچ بیر تانرییا عبادت ائتمیجییک. عکس تق‌دیرده، (تانری دان باشقاسینا تاپیناجاغیق، - سؤیلسک، کوفر) دانیشماقدا حدی آشمیش (ایفراتا وارمیش) اولاریق! – دئدیک‌لری زامان اونلارین اورک‌لرینه قوت (متانت) وئرمیشدیک.

15. بیزیم بو جاماعت (قوموموز) تانری دان باشقا تانری‌لار قبول ائتدی. ائله ایسه اونلار اؤز تانری‌لاری باره‌سینده (بوت‌لره عبادت ائتمیین دوزگون اولماسی حاقیندا) بیر دلیل گتیرمه‌لی دئییلدیلرمی؟ تانری-یاا قارشی یالان اویدوروب دوزل‌دن‌دن داها ظالم (اؤزونه ظلم ائدن) کیم اولا بیلر؟!

16. (گنج‌لرین باشچی‌سی، یاشجا بؤیوگو تملیخا یولداش‌لارینا بئله دئمیشدی: ) اونلاری و تانری دان باشقا تاپیندیق‌لاری تانری‌لاری ترک ائدیب گئتدیگینیز زامان ماغارایا چکیلین کی، رببینیز سیزه اؤز مرحمتین‌دن اتا ائتسین و ایشینیزده سیزین اوچون فایدا حاضرلاسین (سیزه کافیرلردن نجات وئرسین، دوشمن‌لردن قورویوب ساخلاسین) .

17. (یا رسولوم! اگر او زامان اونلارا باخسایدین) گونشین دوغدوغو زامان اونلارین ماغاراسی‌نین ساغ طرفینه مئیل ائتدیگینی، باتدیغی زامان ایسه اونلاری ترک ائدیب سول طرفه یؤنلدیگینی (ماغارانین ایچینه دوشوب اونلاری یاندیرمادیغینی)، اونلارین دا ماغارانین اورتاسیندا گئنیش بیر یئرده اولدوق‌لارینی (کولیین اونلاری اوخشادیغینی و راحت نفس آلدیق‌لارینی) گؤرردین. بو، تانری-نین نشانه ‌لرین‌دن‌دیر. تانری-نین دوغرو یولا سالدیغی کس دوغرو یولدا‌دیر. تانری-نین یول‌دان چیخارتدیغی (ذلالته سالدیغی) کیمسه‌یه ایسه اصلا دوغرو یولو گؤسترن بیر دوست (رهبر) تاپا بیلمزسن!

18. (گؤزلری آچیق اولدوغو اوچون) اونلار یوخودا ایکن سن اونلاری اویاق ساناردین. (تورپاغین روتوبتی بدن‌لرینی چوروتمه‌سین دئیه) بیز اونلاری ساغا-سولا چئویریردیک. اونلار ایتی ده ایکی الینی (قاباق پنجه‌لرینی ماغارانین) آستاناسینا اوزادیب یاتمیشدی. اگر سن اونلاری (بو وضعیتده) گؤرسیدین، یقین کی، (قورخودان) دؤنوب قاچار، دحشت سنی بورویردی.

19. (گنج‌لری ایللرله یاتیرتدیغیمیز کیمی) بئله‌جه ده اونلاری بیر-بیرین‌دن حال-اهوال توتسون‌لار دئیه، اویاتدیق. اونلارین بیری دئدی: (ماغارادا) نه قدر قالدینیز؟ اونلار: بیر گون و یا بیر گون‌دن آز! – دئیه جاواب وئردی‌لر. اونلاردان (بعضی‌لری ایسه) بئله دئدی: قالدیغینیز مدتی رببینیز داها یاخشی بیلیر. ایندی ایچرینیزدن بیرینی بو گوموش پولونوزلا شهره (ترسوسا و یا افسوسا) گؤندرین کی، گؤرسون ان تمیز تام هانسی‌دیرسا، اوندان سیزه روزی (یئمک آلیب) گتیرسین. او، چوخ احتیاط‌لی اولسون (عقل‌لی حرکت ائتسین) و سیزین باره‌نیزده هئچ کسه بیر خبر (نیشان) وئرمه‌سین!

20. دوغروسو، اونلار سیزی اله کئچیرسه‌لر یا سیزی داشقالاق ائده‌جک، یا دا اؤز دین‌لرینه دؤندره‌جک‌لر. بئله اولاجاغی تق‌دیرده، سیز (نه دونیادا، نه ده آخیرتده) نجات تاپا بیلمزسینیز!

21. (اینسانلاری–ترسوسون اها‌لی‌سینی) اونلارین حالی ایله بئله‌جه تانیش ائتدیک کی، تانری-نین (مخلوقاتین اؤلن‌دن سونرا دیریلجیی حاقین‌داکی) وعدی‌نین دوغرو اولدوغونو و قیامتین قوپاجاغینا اصلا شوبهه اولمادیغینی بیلسین‌لر. او زامان (ترسوصداکی مؤمین‌لر و کافیرلر) اؤز آرا‌لاریندا اونلارین (اسهابی-کهفین) ایشی (و یا اینسانین اؤلن‌دن سونرا دیریلیب-دیریلمیجیی، دیریلمه‌نین یالنیز روحلا، یاخود روح و بدنله بیرلیکده اولاجاغی کیمی دینی مسئله‌لر) باره‌سینده موباهیسه ائدیرلر. (نهایت، اسهابی-کهف اؤلدوک‌دن سونرا کافیرلر) دئدی‌لر: اونلارین اوستونده بیر بینا تیکین. رببی (اونلارین اؤلدوگونو، یاخود یئنی‌دن یوخویا گئتدیگینی و نیه اعتیقاد ائتدیگینی) داها یاخشی بیلیر! اونلارین (اسهابی-کهفین) حاقین‌داکی موباهیسه‌ده قالیب گلن‌لر (مؤمین‌لر) ایسه: اونلارین (مزاری) اوستونده (تانری-یاا عبادت ائتمک مقصدیله) بیر مسجید تیکجییک! – دئدی‌لر.

22. (کیتاب اهلین‌دن اسهابی-کهفین سایی باره‌سینده موباهیسه ائدن‌لر) سانکی قاران‌لیق یئره داش آتا‌راق: اونلار اوچدور، دؤردونجوسو کؤپک‌لری‌دیر! - دئیه‌جک‌لر. بعضی‌لری: اونلار بئش‌دیر، آلتینجی‌سی کؤپک‌لری‌دیر! – دئیه‌جک‌لر. دیگرلری (مؤمین‌لر) ایسه: اونلار یئددی‌دیر، سککیزینجی‌سی کؤپک‌لری‌دیر! – سؤیله‌یه‌جک‌لر. (یا رسولوم!) دئ: اونلارین سایینی رببیم داها یاخشی بیلیر. (اینسان‌لاردان ایسه) بونو بیلن چوخ آزدیر! (یا رسولوم! اسهابی-کهف) باره‌سینده یالنیز سنه آچیق-آشکار نازیل اولان آیه‌لره اساسلانیب اونلارلا موباهیسه ائت (قورآندا اولان‌لارلا کیفایتلنیب چوخ درینه گئتمه) و (کیتاب اهلی‌نین) هئچ بیرین‌دن اونلار حاقیندا بیر شئی سوروشما!

23. و هئچ بیر شئی باره‌سینده: من اونو ساباه ائده‌جه‌یم! – دئمه!

24. آنجاق: اینشاللاه (اگر تانری ایسته‌سه؛ تانری قویسا) دئیه‌جه‌یم! – دئ. (اینشاللاه دئمیی) اونوتدوغون زامان رببی‌نین یادا سالیب: اولا بیلسین کی، رببیم منی بون‌دان (اسهابی-کهفین احوالاتینا دایر خبرلردن) حاقا داها یاخین اولان بیر یولا یؤنلتسین (پئیغمبرلیگیمه داها چوخ دلالت ائدن بیر نشانه  وئسین!) – دئ.

25. اونلار ماغارادا اوچ یوز دوققوز ایل قالدی‌لار. (اوچ یوز ایل قالدی‌لار، اوستونه بیر دوققوز ایل ده آرتیردی‌لار).

26. (یا رسولوم!) دئ: اونلارین نه قدر قالدیق‌لارینی تانری داها یاخشی بیلیر. گؤی‌لرین و یئرین قئیبینی بیلمک آنجاق اونا مخصوص‌دور. او، هر شئیی نئجه گؤزل گؤرور، نئجه ده یاخشی ائشی‌دیر! اونلارین (یئر و گؤی اهلی‌نین) تانری دان باشقا هئچ بیر هامی‌سی یوخ‌دور. او، هئچ کسی اؤز حؤکمونه (سلطنتینه) شریک ائتمز! (چونکی تانری-نین هئچ بیر شریکه احتیاجی یوخ‌دور!)

27. رببی‌نین کیتابین‌دان سنه وحی اولونانی اوخو. اونون سؤزلرینی هئچ کس دییش‌دیره بیلمز. (تانری دان) باشقا هئچ بیر سیغینا‌جاق تاپا بیلمزسن! (پناه یالنیز تانری-یاا‌دیر!)

28. سحر-آخشام رببی‌نین رضاسینی دیله‌یه‌رک اونا عبادت ائدن‌لرله بیرلیکده اؤزونو سبیرلی آپار (نفسینی قورو). فانی دونیانین بر-بزیینی آرزو ائدیب نظرلرینی اونلاردان (یوخسول مؤمین‌لردن) چئویرمه. قلبینی بیزی (قورآنی) خاطیرلاماق‌دان قافیل ائتدیگیمیز، نفسی‌نین ایستک‌لرینه اویان و (هر) ایشینده ایفراتا واران بیر کیمسه‌یه اطاعت ائتمه!

29. و دئ: حاق رببینیزدن‌دیر. کیم ایستییر اینانسین، کیم ده ایستییر اینانماسین (کافیر اولسون). بیز ظالم‌لار اوچون ائله بیر آتش حاضیرلامیشیق کی، اونون پرده‌لری (دومان‌لاری) اونلاری بورویه‌جک‌دیر. (جهنمین قالین دیوارلاری ظالم‌لاری اهاته ائده‌جک‌دیر). اونلار ایمداد ایستدیکده اونلارا قتران (یاخود یارا‌دان آخان ایرین-قان) کیمی اوزلرینی بوریان ائدن بیر سو ایله یاردیم ائدیله‌جک‌دیر. او، نه پیس ایچکی، او (جهنم) نئجه ده پیس مسکن‌دیر!

30. ایمان گتیریب یاخشی عمل‌لر ائدن‌لره گلدیکده ایسه بیز (او جور) یاخشی ایشلر گؤرن‌لرین موکافاتینی زای ائتمریک!

31. اونلاری (آغاجلاری) آلتین‌دان چای‌لار آخان ادن جننت‌لری گؤزله ییر. اونلار اورادا تاخت‌لارا سؤیکنه‌رک قیزیل بیلرزیک‌لرله بزنه‌جک (آلتون قولباق‌لار تاخا‌جاق)، نازیک و قالین ایپک‌دن (تافتا‌دان و قوماش‌دان) یاشیل پالتارلار گئیه‌جک‌لر. او، نه گؤزل موکافات، او (جننت) نئجه ده گؤزل مکان‌دیر!

32. اونلارا (بیری مؤمین، دیگری کافیر اولان) ایکی آدامی مثال گتیر. اونلارین بیرینه (کافیره) ایکی اوزوم باغی وئریب اونلاری خورما‌لیق‌لارلا اهاته اهاته ائتدیک و آرا‌لاریندا اکین (زمی) سالدیق.

33. او باغ‌لارین هر ایکی‌سی اؤز بارینی وئردی و بو باردان هئچ بیر شئی اسکیلمه‌دی. بیز ده اونلارین آراسین‌دان بیر ایرماق آخیتدیق.

34. (بو آدامین) باشقا ثروتی (گلیری) ده وار ایدی. او اؤز (یوخسول مؤمین) یولداشی ایله صحبت ائدرکن (تکببورله) اونا دئدی: من سن‌دن داها دؤولت‌لی و اشیرتجه (قبیله، قوهوم-اقرابا، اؤولاد، قوللوقچو و س. جهت‌دن) سن‌دن داها قوت‌لییم!

35. او (کوفره دوشدوگو اوچون) اؤزونه ظلم ائده‌رک باغینا گیریب دئدی: (بو باغین) نه واختسا یوخ (محو) اولاجاغینی گومان ائتمیرم.

36. قیامتین ده قوپاجاغینی زنن ائتمیرم. اگر (دئدیگیم کیمی، دیریلیب) رببیمین حضورونا قایتاریلسام، اؤزومه بون‌دان دا یاخشی بیر مسکن (قاییدیش یئری) تاپارام!

37. اونونلا صحبت ائدن (مؤمن) یولداشی ایسه بئله دئدی: اولجه سنی (بابان آدمی) تورپاق‌دان، سونرا بیر قتره سودان (منی‌دن) یاراتمیش، داها سونرا سنی آدام شکلینه (اینسان قیافه‌سینه) سالمیش تانری-یاا اینکارمی ائدیرسن؟

38. لاکین (من اینانا‌راق دئییرم کی) تانری منیم رببیم‌دیر و من هئچ کسی رببیمه شریک قوشمارام!

39. باغینا گیردیگین زامان باری: ماشاللاه (تانری-نین ایستدیگی کیمی اولدو)، قوت (و قودرت) یالنیز تانری-یاا مخصوص‌دور! – دئییدین! اگر منی اؤزون‌دن داها آز مال-دؤولت و اؤولاد صاحبی گؤرورسنسه،

40. اولا بیلسین کی، رببیم منه سنین باغین‌دان داها یاخشی‌سینی وئرسین و سنین باغینا گؤی‌دن بیر بلا ائندیرسین کی، او، هامار (سوروشکن، آیاق باصیلاسی مومکون اولمایان، هئچ بیر شئی بیتمه‌ین قوپقورو) بیر یئر اولسون!

41. یاخود سویو (تامامیله) چکیلیب گئتسین و بیر ده اونو اصلا آختاریب تاپا بیلمه‌یه‌سن!

42. بئله‌لیکله، (گئجه گؤی‌دن گلن بیر ایلدیریم واسطه‌سیله) اونون (باغی‌نین) مئیوه‌سی (بوتون وار-دؤولتی) تلف ائدیلدی. (سحر او کافیر باغا گلدیگی زامان اونو بو وضعیتده گؤروب باغا) قویدوغو خرجه گؤره (پئشمانچی‌لیق‌دان) اللرینی اوووشدورماغا باشلادی. باغین تالوارلاری یئره چؤکوب ویران قالمیشدی. او (قارشی‌سین‌داکی منزره‌یه باخا‌راق): کاش رببیمه هئچ کسی شریک قوشمایایدیم! – دئییردی.

43. تانری دان باشقا اونا یاردیم ائده بیله‌جک کس‌لر یوخ ایدی و او دا (اؤز-اؤزونه) یاردیم ائده بیله‌جک بیر حالدا دئییلدی.

44. بئله بیر وضعیتده یاردیم گؤسترمک (و یا حؤکم،) آنجاق حاق اولان تانری-یاا مخصوص‌دور. موکافات وئرمکده ده، عاقیبت قیسمت ائتمکده ده ان خئییرلی‌سی اودور.

45. (یا رسولوم! سن‌دن یوخسول‌لاری اؤز مج‌لی‌سین‌دن قووماغی طلب ائدن تکببور صاحب‌لرینه) بو دونیانی مثال چک: (بو دونیا) گؤی‌دن یاغدیردیغیمیز یاغمورا بنزر. یئردکی بیتکی‌لر اونونلا قاریشیب (اونو ایچیب) یئتیشر، سونرا ایسه دؤنوب کولیین سوووردوغو قورو چؤر-چؤپ (هشم) اولار. تانری هر شئیه (هر شئیی یاراتماغا و محو ائتمه‌یه) قادیردیر!

46. (بعضی آدام‌لارین فخر ائتدیگی) مال-دؤولت، اوغول-اوشاق (اوغول‌لار) بو دونیانین بر-بزیی‌دیر. ابعدی قالان یاخشی عمل‌لر ایسه رببی‌نین یانیندا هم ثاواب، هم ده (تانری-نین مرحمتینه) اومید ائعتیباریله داها خئییرلی‌دیر!

47. او گون (قیامت گونو) داغ‌لاری (یئرین‌دن قوپاریب) حرکته گتیرجییک. (او واخت) یئری دوزدوز گؤره‌جکسن، (مؤمین‌لری و کافیرلری) بیر یئره توپلایا‌جاق، اونلارین هئچ بیرینی (کناردا) قویمایاجاغیق.

48. اونلار رببی‌نین حضورونا چرگه-جرگه (سف-سف) گتیریله‌جک‌لر. (اونلارا بئله دئییله‌جک: ) سیز بیزیم یانیمیزا سیزه ایلک دفعه یاراتدیغیمیز کیمی (لوت-اوریان، مال-دؤولت‌سیز) گلدینیز. لاکین سیز ائله گومان ائدیردینیز کی، بیز سیزه وئردیگیمیز وعدی (اؤلن‌دن سونرا دیریلجیینیزی) یئرینه یئتیرمیجییک!

49. (قیامت گونو هر کسین) عمل دفتری قارشی‌سینا قویولا‌جاق. (یا رسولوم! او زامان) گوناهکارلارین اورادا (یازیلمیش) اولان‌لاردان قورخدوق‌لارینی گؤره‌جکسن. اونلار بئله دئیه‌جک‌لر: وای حالیمیزا! بو نئجه بیر کیتاب ایمیش! او بیزیم هئچ بیر کیچیک و بؤیوک گوناهیمیزی گؤزدن قاچیرما‌دان هامی‌سینی ساییب یازمیش‌دیر کی! اونلار (دونیادا) ائتدیک‌لری بوتون عمل‌لرین (اؤز قارشی‌لاریندا) حاضر دوردوغونو گؤره‌جک‌لر. رببین هئچ کسه حاق‌سیزلیق ائتمز! (هر کس اؤز عملی‌نین جزاسینی آلا‌جاق‌دیر!)

50. (یا رسولوم!) خاطیرلا کی، بیر زامان ملک‌لره آدمه (تعظیم مقصدیله) سجده ائدین! – دئمیشدیک. ایبلیس‌دن باشقا هامی‌سی سجده ائتدی. او، جین‌لردن (جین طایفه‌سین‌دان) ایدی. او اؤز رببی‌نین امرین‌دن چیخدی. اونلار سیزین دوشمنینیز اولدوغو حالدا، سیز منی قویوب اونو و نسلینی (اؤولادینی اؤزونوزه) دوستمو توتورسونوز؟ بی، ظالم‌لار اوچون نئجه ده پیس دییش-دوگوش‌دور!

51. من اونلاری نه گؤی‌لرین، نه یئرین یارادیلیشینا، نه ده اؤز یارادیلیش‌لارینا شاهید ائتمدیم و من (اینسان‌لاری حاق یول‌دان) چیخاردان‌لاری اؤزومه یاردیمچی ده توتمادیم!

52. او گون (قیامت گونو تانری موشریک‌لره) بئله بویورا‌جاق: (منه اورتاق اولدوق‌لارینی) ادعا ائتدیگینیز شریک‌لریمی (سیزه شفاعت دیلمک‌دن اؤترو) چاغیرین! (موشریک‌لر) اؤز تانری‌لارینی (بوت‌لرینی) چاغیرا‌جاق، لاکین اونلار (موشریک‌لره) هئچ بیر جاواب وئرمه‌یه‌جک‌لر. بیز اونلارین آراسیندا (هامی‌سی‌نین بیرلیکده محو اولاجاغی) بیر جهنم دره‌سی برقرار ائدریک!

53. گوناهکارلار آتشی (جهنمی) گؤرونجه اونا دوشه‌جک‌لرینی یقین ائده‌جک و اورا‌دان باش گؤتوروب قاچماغا (کنارا چیخماغا) بیر یئر تاپا بیلمه‌یه‌جک‌لر.

54. بیز بو قورآندا اینسان‌لار اوچون جوربجور مثل‌لر چکدیک. اینسان ایسه (بوتون مخلوقات ایچه‌ری‌سینده ) ان چوخ موباهیسه ائدن‌دیر. (حاقا بویون قویماز، اؤیود-نصیحت قبول ائتمه‌ییب باطیله اویار).

55. اینسان‌لارا (مککه موشریک‌لرینه) دوغرو یول گؤسترن بیر رهبر (پیغمبر، تانری کلامی) گلدیگی زامان اونا ایمان گتیرمه‌یه و رببین‌دن باغیشلانما‌لارینی دیلمه‌یه مانع اولان شئی یالنیز اوولکی‌لرین باشینا گلن‌لرین (عادتیمیز عذره اوولکی اوممت‌لری دوچار ائتدیگیمیز موصیبت‌لرین) اونلارین دا باشینا گلمه‌سینی، یاخود دا گؤزلری باخا-باخا عذابین گلیب اونلارا یئتیشمه‌سینی گؤزلمه‌لی‌دیرلر.

56. بیز پیغمبرلری یالنیز (مؤمین‌لره جننتله) موژده وئرن‌لر و (کافیرلری جهنم عذابی ایله) قورخودان‌لار (خبردار ائدن‌لر) اولا‌راق گؤندردیک. کافیرلر ایسه باطیل (سؤزلری) ایله حاقی (قورآنی) یالانا چیخارتماق مقصدیله (پیغمبرله بوش-بوشونا) موباهیسه آپاریرلار. اونلار منیم آیه‌لریمی و (پیغمبر واسطه‌سیله) قورخودولدوق‌لاری عذابی مسخره‌یه قویورلار.

57. رببی‌نین آیه‌لری اؤزونه خاطیرلاندیریلارکن اونلاردان اوز دؤندرن، اولجه (اؤز اللری ایله) ائتدیگی گوناه‌لاری اونودان (اوولکی گوناهلاریندان‌ پئشمان اولوب توبه ائتمه‌ین) آدام‌دان داها ظالم کیم اولا بیلر؟! (بو جور آدام‌لار) اونو (قورآنی) آنلاماسین‌لار دئیه، بیز اونلارین قلب‌لرینه پرده چکیب، قولاق‌لارینا آغیرلیق وئردیک (مانعه قویدوق). سن اونلاری دوغرو یولا دعوت ائتسن بئله، اونلار اصلا حاق یولا گلمزلر (ایسلامی قبول ائتمزلر).

58. رببین باغیشلایان‌دیر، مرحمت لی‌دیر. اگر (رببین) اونلاری گوناه‌لارینا گؤره جزالان‌دیرماق ایستسیدی، اونلارین عذابینی سورعتلندیرردی. لاکین اونلارین (اؤز عذاب) واختی واردیر (او زامان) اونلار (تانری-نین عذابین‌دان قاچیب جان‌لارینی قورتارماغا) اصلا بیر یئر تاپا بیلمزلر!

59. او مملکت‌لرین اها‌لی‌سینی (آد، ثمود طایفه‌‌لارینی) ظلم ائتدیک‌لری زامان محو ائتدیک. بیز اونلاری محو ائتمک اوچون واخت (وعده) مویین ائتمیشدیک.

60. (یا رسولوم!) یادینا سال کی، بیر زامان موسی اؤز گنج دوستونا (خیدمتینده اولان یوشه ابن نونا) بئله دئمیشدی: من (خیزیرلا گؤروشمک اوچون) ایکی دنیزینقوووشدوغو یئره چاتمایینجا و اوزون مدت گزیب دولانمایینجا (بو سفردن) گئری دؤنمه‌یه‌جه‌یم!

61. اونلار ایکی دنیزین قوووشدوغو یئره گلیب چاتدیقدا (یئمه‌یه گؤتوردوک‌لری) بالیغی اونوتموشدولار، بالیق ایسه (دیریلیب سویا آتیلمیش) دنیزده بیر یارغانا طرف اوز توتموشدو.

62. اونلار (ایکی دنیزین قوووشدوغو یئردن) کئچیب گئتدیک‌لری زامان (موسی) گنج دوستونا دئدی: ناهار یئمییمیزی گتیر. بو سفریمیز بیزی لاپ الدن سالدی!

63. او ایسه: گؤرورسنمی، بیز (همین یئرده) قایانین یانیندا گیزلندیگیمیز زامان من بالیغی اونوتدوم. دوغروسو، اونو خاطیرلاماغی منه یالنیز شیطان اونوت‌دوردو. (بالیق دیریلیب) اجایب بیر شکیلده دنیزه یوللانمیش‌دیر! – دئیه جاواب وئردی.

64. (موسی: ) ائله ایستدیگیمیز ده (آختاردیغیمیز دا) بودور! – دئدی و اونلار اؤز لپیرلری‌نین ایزینه دوشوب گلدیک‌لری یوللا گئری (ایکی دنیزین قوووشدوغو یئره) قاییتدی‌لار.

65. (موسی و یوشه اورادا) اؤز درگاهیمیزدان مرحمت (پیغمبرلیک و وحی، یاخود ایلهام و کرامت) اتا ائتدیگیمیز و اؤز طرفیمیزدن علم (غئیبه دایر بعضی بیلیک‌لر) اؤیرتدیگیمیز بنده‌لریمیزدن بیرینی (خیزیری) تاپدی‌لار.

66. موسی اوندان سوروشدو: اؤیردیلدیگین دوغرو یولو گؤسترن علم‌دن منه اؤیرتمک شرطیله سنه تابع اولوممو؟

67. (خیزیر) بئله جاواب وئردی: سن منیمله بیر یئرده اولسان (گؤرجییم ایشلره) اصلا دؤزه بیلمزسن. (سنین اونلارا صبرین چاتماز، چونکی من باتینی علمله ایش گؤرورم. سنین بیلدیگین ایسه آنجاق ظاهری علم‌دیر. سن پیغمبر اولدوغون اوچون من ظاهرن قاداغان اولونموش بیر ایش گؤردوکده اونا ائعتراض ائدیب علئیهیمه چیخا‌جاقسان).

68. آخی سن بیلمدیگین (باتی‌نینه، ماهیتینه بلد اولمادیغین) بیر شئیه نئجه دؤزه بیلرسن؟

69. (موسی) دئدی: اینشاللاه، سبیرلی اولدوغومو گؤره‌جکسن. سنین هئچ بیر امرین‌دن چیخمایاجاغام!

70. (خیزیر: ) اگر منه تابع اولا‌جاقسانسا، سببینی سنه ایضاح ائتمیینجه من‌دن هئچ بیر شئی حاقیندا سوروشما! – دئدی.

71. بون‌دان سونرا اونلار دوروب یولا دوشدولر. گمییه میندیک‌لری زامان (خیزیر) اونو دئشدی (گمی‌نین بیر-ایکی تاختاسینی سیندیریب چیخارتدی). (موسی) دئدی: سن گمیده اولان‌لاری سویا غرق ائتمک اوچونمو گمینی دئشدین؟ دوغروسو، (گوناهی) بؤیوک بیر شئی ائتدین (اولدوقجا چیرکین بیر ایش گؤردون) .

72. (خیزیر) بئله جاواب وئردی: سنه دئمدیممی کی، منیمله بیر یئرده اولاندا (گؤرجییم ایشلره) اصلا دؤزه بیلمزسن؟

73. (موسی) دئدی: اونوتدوغوم بیر شئیه گؤره منی دانلاما و منی اؤز ایشیمده (سنه تابع اولماقدا) چتین‌لییه سالما!

74. یئنه گئتدی‌لر، نهایت، بیر اوغلان اوشاغی ایله راستلاشدیقدا (خیزیر) درحال اونو اؤلدوردو. (موسی) دئدی: (هئچ بیر گوناه ایش توتمایان، بونا گؤره ده قیساسا لاییق اولمایان) پاک (معسوم) بیر جانامی قییدین؟ دوغرودان دا، چوخ پیس بیر شئی ائتدین (چوخ پیس بیر ایش گؤردون) .

75. (خیزیر) یئنه بئله جاواب وئردی: سنه دئمدیممی کی، منیمله بیرلیکده اولاندا (ائدجییم عمل‌لره) اصلا دؤزه بیلمزسن؟

76. (موسی) دئدی: اگر بون‌دان سونرا سن‌دن بیر شئی باره‌سینده خبر آلسام، بیر داها منیمله یولداش‌لیق ائتمه. (حرکت‌لرینه ائعتراض ائتدیگیم، سنی قینادیغیم اوچون) سن آرتیق منیم طرفیم‌دن عذرلوسن (منی آتیب گئتمه‌یه حاقین واردیر) .

77. سونرا یئنه یولا دوزلیب گئتدی‌لر. آخیردا بیر مملکت اهلینه یئتیشیب اونلاردان یئمه‌یه بیر شئی ایسته‌دی‌لر. اها‌لی اونلاری قوناق ائتمک (موسایا و خیزیرا یئمک وئرمک) ایستمه‌دی. اونلار اورادا ییخیلماق (اوچولماق) عذره اولان بیر دیوار گؤردولر. (خیزیر) اونو دوزلتدی. (موسی) دئدی: اگر ایستسیدین، سؤزسوز کی، بونون موقابیلینده بیر موزد (چؤرک پولو) آلاردین. . .

78. (خیزیر) دئدی: بو آرتیق منیمله سنین آراندا آیری‌لیق واختی‌دیر. (ظاهرن نامقبول اولدوغونو گؤردوگون اوچون) دؤزه بیلمدیگین شئی‌لرین یوزومونو (باتینینی، ایچ اوزونو) سنه خبر وئره‌جه‌یم!

79. بئله کی، گمی دنیزده چالیشیب-ووروشان بیر دسته یوخسولا منسوب ایدی. من اونو خاراب ائتمک ایستدیم، چونکی همین آدام‌لارین آراسیندا (یاخود قاباغیندا) هر بیر ساز گمینی زورلا اله کئچیرن بیر پادشاه وار ایدی.

80. اوغلانا گلدیکده، اونون آتا-آناسی مؤمین کیمسه‌لر ایدی. (من اونون آلنینا باخیب گؤردوم کی، حدی-بولوغا یئتیشنده کافیر اولا‌جاق) بونا گؤره ده بیز (اونون بؤیوینده) آتا-آناسینی دا (اؤز آرخاسینجا) آزغینلیغا و کوفره سوروکلمه‌سین‌دن قورخدوق.

81. و رببی‌نین اونون اوزینده اونلارا داها تمیز و (آتا-آناسینا قارشی) داها مرحمت لی اولان باشقا بیر اؤولاد وئرمه‌سینی ایستدیک.

82. دیوارا گلدیکده ایسه، او، شهرده اولان ایکی یئتیم اوغلانین ایدی. آلتیندا اونلارا چاتاسی بیر خزینه واردی. اونلارین آتاسی املیسالئه (بیر آدام) ایدی. رببین اونلارین حدی-بولوغا چاتما‌لارینی و رببین‌دن بیر مرحمت اولا‌راق اؤز خزینه‌لرینی تاپیب چیخارتما‌لارینی ایسته‌دی. (یا موسی!) من بون‌لاری اؤز-اؤزوم‌دن ائتمدیم (یالنیز تانری-نین امرینی یئرینه یئتیردیم). سنین صبر ائدیب دؤزه بیلمدیگین شئی‌لرین یوزومو (باتینی معناسی) بودور!

83. (یا رسولوم!) سن‌دن زولقرنئین باره‌سینده سوروشارلار. دئ: اونون باره‌سینده سیزه بیر حکایه (بعضی خبرلر) سؤیله‌یه‌جه‌یم!

84. بیز اونو یئر اوزرینده مؤحکملندیریب قووتلندیردیک و هر شئی وئردیک (هر شئیین یولونو اونا اؤیرتدیک).

85. او، (مغریبه چاتماق اوچون) یولا چیخدی. (توبه قاپی‌سی مغریبده اولدوغونا گؤره سفرینی اورا‌دان باشلادی).

86. نهایت، گونشین باتدیغی یئره گلیب چاتدیقدا اونو قارا پالچیق‌لی بیر چئشمه‌ده (لئهمه‌لی بیر سودا) باتان گؤردو. او، چئشمه‌نین یانیندا (تانری-یاا تانیمایان، کافیر) بیر طایفه‌دا گؤردو. بیز اونا بئله بویوردوق: یا زولقرنئین! سن اونلارا (ایمانا گلمه‌سه‌لر) عذاب دا وئره بیلرسن، (حاق یولا دعوت ائدیب) اونلارلا یاخشی رفتار دا ائده بیلرسن!

87. او (ایسگندر) بئله جاواب وئردی: ظلم (کوفر) ائدنه عذاب وئرجییک. سونرا او، رببی‌نین حضورونا قایتاریلا‌جاق. (رببی ده) اونا (جهنمده) گؤرونممیش بیر عذاب وئره‌جک‌دیر!

88. ایمان گتیریب یاخشی ایش گؤرن‌لری ایسه ان گؤزل موکافات (جننت) گؤزله ییر. بیز اونا آسان بیر شئی امر ائدجییک! (اونو تانری-یاا یاخینلاش‌دیرماق اوچون باجاردیغیمیز هر شئیی – اوروج، ناماز، زکات، جیهاد و س. اؤیره‌ده‌جک، گوجو چاتمایان بیر ایشی ایسه گؤرمه‌یه وادار ائتمیجییک).

89. سونرا او، باشقا بیر یولا (مشریقه) طرف اوز توتوب گئتدی.

90. نهایت، گونشین چیخدیغی یئره چاتدیقدا اونو بیر قوم اوزرینده دوغان گؤردو کی، اونلاردان اؤترو اونا (گونشه) قارشی هئچ بیر سیپر یاراتمامیشدیق. (یالنیز گونشین اؤزو اونلار اوچون سیپر ایدی).

91. (زولقرنئینین قودرت و سلطنتی، سیاهتی) بئله ایدی. بیز هله اونون یانیندا داها نلر اولدوغونو دا بیلیریک. (زولقرنئینین قودرتینی، نه قدر عسگرله سفره چیخدیغینی تانری دان باشقا هئچ کس دقیق بیلمز).

92. داها سونرا او (زولقرنئین) باشقا بیر یولا (جنوب‌دان شیمالا) اوز توتوب گئتدی.

93. نهایت، (سدد سالمیش اولدوغو آذربایجان‌داکی، یاخود تورکوستاندا یعجود–معجوج طایفه‌‌لاری یاشایان اراضی‌دکی) ایکی داغ آراسینا گلیب چاتدیقدا اونلارین اؤن طرفین‌دن آز قالا سؤز آنلامایان (یاخود دانیشیق‌لاری چوخ چتین باشا دوشولن) بیر طایفه‌گؤردو.

94. اونلار (ترجومچی واسطه‌سیله) دئدی‌لر: ائی زولقرنئین! یعجوج–معجوج (طایفه‌‌لاری) بو اراضیده فیتنه-فاساد تؤره‌دیرلر. بیزیمله اونلار آراسیندا بیر سدد چکمک اوچون سنه مویین مبلغ (یاخود خراج) وئرسک اولارمی؟

95. او (زولقرنئین) دئدی: رببیمین منه وئردیگی (قودرت و ثروت سیزین منه وئرجیینیز مبلغ‌دن) داها یاخشی‌دیر. گلین اؤز قوه‌نیزله (بننا، فهله، دولگر و س.) منه یاردیم ائدین، من ده سیزینله اونلار آراسیندا مؤحکم بیر سدد دوزلدیم!

96. منه دمیر پارچا‌لاری گتیرین! (اونلار گتیردی‌لر). او (زولقرنئین) ایکی داغین آراسینی (دمیر پارچا‌لاری ایله دولدوروب) برابرلش‌دیرن کیمی: (کؤروک‌لری) اوفورون! – دئدی. (اونلار کؤروک‌لری اوفوردولر). (زولقرنئین دمیری) اود حالینا سالینجا: منه اریمیش میس گتیرین، اونون اوستونه تؤکون! دئدی. (دمیر و میس بیر-بیرینه قاریشدی، اریمیش میس دیوارین دلیک‌لرینی دول‌دوردو و بئله‌لیکله، مؤحکم بیر سدد عمله گلدی).

97. (یعجوج–معجوج طایفه‌‌لاری) آرتیق نه (سددی) آشا بیلدی‌لر، نه ده اونو دلیب کئچه بیلدی‌لر.

98. او (زولقرنئین) دئدی: بو (سدد) رببیم‌دن بخش ائدیلن بیر مرحمتدیر. رببیمین تعین ائتدیگی واخت (قیامته یاخین یعجوج–معجوج طایفه‌‌لاری‌نین دونیانی بورویجیی زامان) گلدیکده ایسه (تانری) اونو یئرله یئکسان (دومدوز) ائده‌جک‌دیر. رببیمین وعدی حاق‌دیر! (تانری-نین بویوردوغو هر بیر شئی، او جمله‌دن ایسگندرین سددی‌نین داغیلماسی، یعجوج–معجوج طایفه‌‌لاری‌نین یئر اوزونون هر طرفینه سپلنمه‌سی، اورادا فیتنه-فساد تؤرتمه‌سی، نهایت بیر جور حشرات طرفین‌دن محو ائدیلمه‌سی موطلق باش وئره‌جک‌دیر).

99. او گون (حدین‌دن آرتیق چوخ اولدوق‌لارینا گؤره) اونلاری (یاخود بوتون اینسان‌لاری باش‌لی-باشینا) بوراخاریق. بئله کی، اونلار دالغا‌لار کیمی بیر-بیرینه قاریشارلار (حیرت اونلاری بورویر، اؤزلرینی ایتیریب نه ائتدیک‌لرینی بیلمزلر). سور چالینان کیمی اونلارین (مخلوقاتین) هامی‌سینی بیر یئره جمع ائدریک.

100. او گون بیز جهنمی (گتیریب) کافیرلره ایانن گؤسترریک.

101. او کس‌لر کی، گؤزلری منی آنماق‌دان قاپا‌لی (پرده‌لی) ایدی و ائشیتمه‌یه ده قادیر دئییلدی‌لر. (اونلار قورآنین اولویتینی، منیم آیه‌لریمی، قودرتیمه دلالت ائدن علامت‌لری گؤرمور، اؤیود-نصیحت‌لریمی ده ائشیتمیردی‌لر).

102. کافیرلر منی قویوب قول‌لاریمی (ملک‌لری، اوزئییری، عیسینی و باشقا‌لارینی) اؤزلرینه دوست (هامی) ائده‌جک‌لرینیمی گومان ائدیرلر؟ (خئیر، اونلار بنده‌لریمی منیم عذابیم‌دان اصلا قورتارا بیلمزلر). بیز جهنمی کافیرلر اوچون منزیل حاضیرلامیشیق!

103. (یا رسولوم!) دئ: سیزه عمل‌لری باخیمین‌دان (آخیرتده) ان چوخ زیانا اوغرایان‌لار باره‌سینده خبر وئریممی؟

104. او کس‌لر کی، اونلارین دونیا‌داکی زحمتی بوشا گئتمیش‌دیر. حال بوکی اونلار یاخشی ایشلر گؤردوک‌لرینی (و بونون موقابیلینده موکافاتا نایل اولا‌جاق‌لارینی) زنن ائدیردی‌لر.

105. اونلار او کس‌لردیر کی، رببی‌نین آیه‌لرینی و اونونلا قارشی‌لاشا‌جاق‌لارینی (قیامت گونو دیریلیب حاق-حساب اوچون اونون حضوروندا دورا‌جاق‌لارینی) اینکار ائتدی‌لر، بونونلا دا اونلارین بوتون عمل‌لری پوچا چیخدی. بونا گؤره ده بیز (قیامت گونو) اونلار اوچون بیر داش-ترزی قورمایاجاغیق!

106. کوفر ائتدیک‌لرینه، آیه‌لریمی و پیغمبرلریمی مسخره‌یه قویدوق‌لارینا گؤره بودور اونلارین جزاسی – جهنم!

107. ایمان گتیریب یاخشی ایشلر گؤرن‌لرین منزی‌لی ایسه فیردووس جننت‌لری اولا‌جاق‌دیر!

108. اونلار اورادا (او جننت‌لرده) ابعدی قالیب اورا‌دان آیریلماق (باشقا یئره گئتمک) ایستمه‌یه‌جک‌لر!

109. (یا رسولوم! قورآندا بویورولدوغو کیمی، سیزه چوخ آز علم وئریلمیش‌دیر، سؤیله‌ین یهودی‌لره) دئ: اگر رببیمین سؤزلرینی یازماق اوچون دریا مورککب اولسایدی و بیر او قدر ده اونا علاوه ائتسیدیک، یئنه ده رببیمین سؤزلری توکنمه‌دن اؤنجه اونلار توکنردی!

110. دئ: من ده سیزین کیمی آنجاق بیر اینسانام. منه وحی اولونور کی، سیزین تانرینیز یالنیز بیر اولان تانری‌دیر. کیم رببی ایله قارشیلاشاجاغینا (قیامت گونو دیریلیب حاق-حساب اوچون تانری-نین حضوروندا دوراجاغینا) اومید بسلییرسه (یاخود قیامت‌دن قورخورسا)، یاخشی ایش گؤرسون و رببینه ائتدیگی عبادته هئچ کسی شریک قوشماسین


قرآن-نین تورکجه ترجومه سی‎ > ‎
19-مریم

مریم سوره‌سی

(مککه‌ده نازیل اولموش‌دور، 98 آیه‌دیر)

باغیشلیلان و رحم ائدن تانری-نین آدینان

1. کاف، ها، یا، ائین، ساد!

2. (یا رسولوم!) بو سنین رببی‌نین اؤز قولو زکریایا اولان مرحمتی‌نین خاطیرلانماسی‌دیر!

3. (زکریایا) رببینه گیزلیجه دعا ائدیب یالواردیغی زامان

4. بئله دئمیشدی: ائی رببیم! آرتیق سوموگوم سوستالمیش، باشیم آغاپپاق آغارمیش‌دیر. ائی رببیم! سنه دعا ائتمکله هئچ واخت ناومید اولمامیشام. (نه دعا ائتمیشمسه، قبول اولونموش‌دور).

5. من اؤزوم‌دن سونرا گلن قوهوم-اقرابام‌دان (یئریمه کئچه‌جک امیوغ‌لولاریمین و دیگر وره‌سه‌لریمین مثلکیمی لیاقتله داوام ائتدیرمیجیین‌دن) قورخورام. زؤوجم ده کی، قیسیردیر. بونا گؤره ده منه اؤز درگاهین‌دان بیر اوغول (ولی) بخش ائت کی،

6. او هم منه، هم ده یعقوب نسلینه (اونلارا لوطف ائدیلمیش پیغمبرلییه) واریث اولسون. ائی رببیم! هم ده ائله ائت کی، او (اؤز اقیده‌سی، اطاعتی و گؤزل آخلاقی ایله) رضا (سنین رضانی) قازانمیش اولسون!

7. (تانری دان بئله بیر نیدا گلدی: ) ائی زکریا! سنه بیر اوغوللا (اوغلون اولاجاغی ایله) موژده وئریریک کی، آدی یحیا‌دیر. بیز بو آدی اول‌لر هئچ کسه وئرممیشیک!

8. (زکریا) دئدی: ائی رببیم! زؤوجم دوغمایان بیر قادین، من ده قوجالیب الدن دوشموش (سوموگو سوستالمیش بیر کیشی) ایکن منیم نئجه اوغلوم اولا بیلر؟

9. (تانری جبرایلین دیلی ایله بویوردو: ) دئدیگین کیمی‌دیر، لاکین رببین بویوردو کی، بو ایشی گؤرمک منیم اوچون آسان‌دیر. نئجه کی، ایلک اول سنی هئچ بیر شئی دئییلکن (یوخ‌دان) یاراتمیشدیم!

10. (زکریا) دئدی ائی رببیم! منیم اوچون (اورییم آرخایین اولسون دئیه، بو باره‌ده) بیر علامت مویین ائت! (تانری) بویوردو: علامتین بودور کی، سن ساغلام ایکن اوچ گون-اوچ گئجه آدام‌لارلا دانیشا بیلمه‌یه‌جکسن!

11. (نهایت، زکریانین دیلی توتولدوغو، اونا دانیشماق قاداغان ائدیلدیگی اوچون آرتیق زؤوجه‌سی‌نین حامیله اولدوغونو باشا دوشدو و تانری-نین اؤز عهدینه صادق اولدوغونا بیر داها امین اولوب اونا جانی-دیل‌دن شوکور ائتدی). سونرا (زکریا) مئحراب‌دان (معبددن) اؤز جاماعتی‌نین قاباغینا چیخیب (علی ایله) اونلارا بئله ایشاره ائتدی: سحر-آخشام (تانری-یاا) تقدیس ائدیب شأنینه تعریف‌لر دئیین! (و یا ناماز قیلین!)

12. (یحیا دونیایا گلدیک‌دن سونرا اونا دئدیک: ) ائی یحیا! کیتاب‌دان برک یاپیش (تؤوراتی مؤحکم توتوب اونون حؤکم‌لرینه جدی عمل ائت!). بیز اوشاق ایکن اونا حیکمت (تانری کلامی‌نین اینجه‌لیک‌لرینی آنلاماق، پیغمبرلیک) وئردیک.

13. بیز هم ده اونا اؤز درگاهیمیزدان بیر مرحمت (یاخود اینسان‌لارا قارشی شفقت) و (گوناه‌لاردان) پاک‌لیق بخش ائتدیک. او، (چوخ) موتتقی ایدی.

14. (یحیا) آتا-آناسینا قارشی دا اولدوقجا ایطاتکار (نوازیشکار) ایدی: ظالم، آسی (دیکباش) دئییلدی.

15. اونا دوغولدوغو گون ده، اؤلجیی گون ده (قیامتده) دیریلجیی (قبیردن دیری اولا‌راق قالدیریلاجاغی) گون ده سلام اولسون! (یحیا آنا‌دان اولدوغو گون شیطان شرین‌دن، وفات ائتدیکده قبیر عذابین‌دان، آخیرتده ایسه قیامت دحشتین‌دن سالامات اولسون!)

16. (یا رسولوم!) کیتابدا (قورآندا) مریمی ده یاد ائت. او زامان او، عائله‌سین‌دن آیریلیب (ائوی‌نین، یاخود بئیتولموقدده‌سین) شرق طرفینده (عبادت مقصدیله خلوت) بیر یئره چکیلمیشدی.

17. و عائله عضو‌لرین‌دن گیزلنمک (پالتارینی دییشمک، یاخود یویونوب تمیزلنمک) اوچون پرده توتموشدو. بیز ده اؤز روحوموزو (جبرای‌لی مریمین) یانینا گؤندردیک. اونا (مریمه) کامیل بیر اینسان قیافه‌سینده گؤروندو.

18. (مریم) دئدی: من سن‌دن رحمانا (تانری-یاا) پناه آپاریرام. اگر موتتقیسنسه (منه توخونما)!

19. (جبرایل: ) من سنه آنجاق تمیز (معسوم) بیر اوغلان باغیشلاماق اوچون رببی‌نین (گؤندردیگی) ائلچی‌سییم! – دئدی.

20. (مریم) دئدی: منیم نئجه اوغلوم اولا بیلر کی، منه ایندیدک بیر اینسان علی بئله توخونمامیش‌دیر. من زیناکار دا دئییلم!

21. (جبرایل) دئدی: ائله‌دیر، لاکین رببین بویوردو کی، بو منیم اوچون آسان‌دیر. بیز اونو اینسان‌لار اوچون (قودرتیمیزه دلالت ائدن) بیر نشانه ، (سنه و مؤمین‌لره ایسه) درگاهیمیزدان بیر مرحمت اولا‌راق ائدجییک. بو، عزل‌دن تق‌دیر اولونموش بیر حؤکم‌دور!

22. (مریم) آرتیق (جبرایلین اوفورمه‌سی ایله عیسییا) حامیله اولدو و اونونلا (بتنین‌دکی اوشاقلا) بیرلیکده اوزاق بیر یئره (خلوته) چکیلدی.

23. دوغوش سانجی‌سی اونو بیر خورما آغاجی‌نین گؤوده‌سینه سؤیکنمه‌یه مجبور ائتدی. (مریم اوشاق آنا‌دان اولان‌دان سونرا آتاسی بیلینمدیگی اوچون جاهیل اینسان‌لارین دئدی-قودوسونا سبب اولاجاغین‌دان اندیشه‌یه دوشوب) دئدی: کاش کی، من بون‌دان اول اؤلوب قورتارایدیم و یا تامامیله اونودولوب گئتمیش اولایدیم!

24. درحال (مریمین، یاخود خورما آغاجی‌نین) آلت طرفین‌دن اونا (جبرایل‌دن و یا دوغولماقدا اولان عیسی‌دان) بئله بیر نیدا گلدی: کدرلنمه، رببین سنین اوچون (آیاغی‌نین) آلتین‌دان بیر ایرماق آخیتدی (و یا بتنین‌دکی اوشاغی حؤرمت صاحبی ائتدی).

25. (قوروموش) خورما آغاجینی اؤزونه طرف سیلکه‌له، اوستونه تزه یئتیشمیش (خورما) تؤکولسون!

26. (خورما‌دان و سودان) یئ-ایچ، (بئله بیر اوشاق دوغدوغونا گؤره) گؤزون آیدین اولسون. اگر (سن‌دن بو اوشاق باره‌سینده سوروشان) بیر آدام گؤره‌جک اولسان، بئله دئ: من رحمان یولوندا اوروج (سوکوت اوروجو) توتماغی نزیر ائلمیشم، اونا گؤره ده بو گون هئچ کسله دانیشمایاجاغام!

27. (مریم) اوشاغی گؤتوروب اؤز آدام‌لاری‌نین یانینا گلدی. اونلار دئدی‌لر: ائی مریم! سن چوخ اجایب بیر شئیله (آتا‌سیز اوشاقلا) گلدین! (و یا چوخ چیرکین بیر ایش گؤردون!)

28. ائی هارونون باجی‌سی! آتان پیس کیشی، آنان دا زیناکار دئییلدی!

29. (مریم اونون اؤزو ایله دانیشین، دئیه) اونا (اوشاغا) ایشاره ائتدی. اونلار: بئشیکده اولان اوشاقلا نئجه دانیشا‌جاق؟ – دئدی‌لر.

30. (تانری دان بیر نشانه  اولا‌راق کؤرپه دیله گلیب) دئدی: من، حقیقتن، تانری-نین قولویام. او منه کیتاب (اینجیل) وئردی، اؤزومو ده پیغمبر ائتدی.

31. او، هارادا اولورامسا اولوم، منی موبا‌رک (همیشه هامییا خئییر وئرن، دینی حؤکم‌لری اؤیره‌دن) ائتدی و منه دیری اولدوقجا ناماز قیلیب زکات وئرمیی توصیه بویوردو.

32. او، همچی‌نین منی آناما قارشی اولدوقجا ایطاتکار (نوازیشکار) ائتدی، (هئچ کسه قارشی) زولمکار، آسی (دیکباش) ائلمه‌دی!

33. دوغولدوغوم گون ده، اؤلجییم گون ده، دیریلجییم (قبیردن دیری اولا‌راق قالدیریلاجاغیم) گون (قیامت گونو) ده (تانری دان) منه سلام اولسون!

34. بو، (یهودی‌لرین و خاچ‌پرست‌لرین باره‌سینده) شوبهه‌یه دوشدوک‌لری مریم اوغلو عیسی حاقیندا (تانری-نین بویوردوغو) حاق سؤزدور! [یاخود (یهودی‌لرین و خاچ‌پرست‌لرین) باره‌سینده شکک-شوبهه ائتدیک‌لری مریم اوغلو عیسی حاق سؤز اولا‌راق بودور].

35. تانری-یاا (اؤزو اوچون) اؤولاد گؤتورمک یاراشماز. او، پاک‌دیر، موقددس‌دیر. او، هر هانسی بیر شئیی یاراتماق ایستدیکده اونا یالنیز: اول! دئیر، او دا درحال اولار.

36. (عیسی سونرا بئله دئدی: ) تانری منیم ده، سیزین ده رببینیزدیر. یالنیز اونا عبادت ائدین. بو، دوغرو یول‌دور!

37. (خاچ‌پرست‌لردن اولان) فیرقه‌لر (عیسی تانری‌دیر، یاخود تانری-نین اوغلودور و س. سؤزلر دئیه‌رک) اؤز آرا‌لاریندا آنلاشیلمعزلیغا دوشدولر. وای او بؤیوک گونو (قیامت گونونو) گؤره‌جک کافیرلرین حالینا!

38. (سن ایندی اونلارین اؤزلرینی کارلیغا، کورلوغا وورما‌لارینا باخما!) اونلار بیزیم حضوروموزا گله‌جک‌لری گون (قیامت گونو هر شئیی) ائله یاخشی ائشیده‌جک، ائله یاخشی گؤره‌جک‌لر کی! لاکین ظالم‌لار بو گون آچیق-آشکار بیر ذلالت ایچینده‌دیرلر (حاق یول‌دان آشکار آزمیش‌لار).

39. (یا رسولوم!) غفلتده اولان‌لاری و ایمان گتیرمه‌ین‌لری ایشین بیتمیش اولاجاغی (حاق-حساب چکیلیب مؤمین‌لرین جننته، کافیرلرین ایسه جهنمه گیرجیی) پئشمانچی‌لیق گونو (اینسانین پیس عمل‌لرینه گؤره پئشمان اولاجاغی، لاکین بو پئشمانچیلیغین هئچ بیر فایدا وئرمیجیی قیامت گونو) ایله قورخوت!

40. (او گون بوتون) یئر اوزونه و اونون اوزرینده اولان هر شئیه یالنیز بیز واریث اولاجاغیق. (بیزدن باشقا هئچ کس و هئچ نه قالمایا‌جاق). اونلار (عمل‌لری‌نین جزاسینی آلماق اوچون) بیزیم حضوروموزا قایتاریلا‌جاق‌لار.

41. (یا رسولوم!) کیتابدا (قورآندا) ایبراهیمی ده یاد ائت (اونون حکایهینی ده اوممتینه سؤیله). حقیقتن، او، بوسبوتون دوغرو دانیشان کیمسه (سیددیق) – بیر پیغمبر ایدی.

42. او، بیر زامان آتاسینا بئله دئمیشدی: آتاجان! نه اوچون ائشیتمه‌ین، گؤرمه‌ین و سنه هئچ بیر فایدا و ضرر وئره بیلمه‌ین بوت‌لره عبادت ائدیرسن؟

43. آتاجان! حقیقتن، سنه گلمه‌ین بیر علم (پیغمبرلیک) منه گلمیش‌دیر (سنه مویسسر اولمایان بیر شئی منه مویسسر اولموش‌دور). آردیمجا گل کی، سنی (تانری-نین بویوردوغو) دوغرو بیر یولا چیخاردیم!

44. آتاجان! شیطانا عبادت ائتمه، حقیقتن، شیطان رحمانا (تانری-یاا) چوخ آسی اولموش‌دور!

45. آتاجان! قورخورام کی، (توبه ائتمه‌سن) رحمان‌دان سنه بیر عذاب توخونسون و بئله‌جه (جهنمده) شیطانا یولداش اولاسان!

46. (آتاسی آذر ایبراهیمه) دئدی: یا ایبراهیم! سن منیم تاپیندیغیم تانری‌لاردان اوزمو چئویریرسن؟ اگر (اونلارا قارشی پیس حرکت‌لرینه) سون قویماسان، سنی موطلق داشقالاق ائده‌جه‌یم (یاخود سنی تحقیر ائدیب آجی سؤزلر دئیه‌جه‌یم). بیر مدت من‌دن اوزاق اول (گؤزلریم سنی گؤرمه‌سین)!

47. (ایبراهیم) بئله جاواب وئردی: سنه سلام اولسون! (تانری اؤزو سنه رحم ائتسین. من‌دن سنه هئچ بیر پیس‌لیک گلمز!) من رببیم‌دن سنین باغیشلانماغینی دیله‌یه‌جه‌یم. او منه قارشی چوخ مئهریبان‌دیر (چوخ لوطفوکاردیر، دعامی قبول ائدر).

48. من سیزی و سیزین تانری دان باشقا تاپیندیغینیز بوت‌لری ترک ائدیب بیر کنارا چکیلیر و اؤز رببیمه دعا (عبادت) ائدیرم. اولا بیلسین کی، من رببیمه عبادت ائتمکله بدبخت (اونون مرحمتین‌دن ناومید، مهروم) اولماییم. (منیم تانری-یاا ائتدیگیم عبادت، سیزین بوت‌لره، تانری‌لارا ائتدیگینیز عبادت کیمی پوچا چیخماسین!)

49. (ایبراهیم موشریک‌لری) و اونلارین تانری دان باشقا تاپیندیق‌لاری بوت‌لری ترک ائدیب (شاما) گئتدیگی زامان بیز اونا (اوغلو) ایسهاقلا (نوح‌سی) یعقوبو بخش ائتدیک و اونلارین هر ایکی‌سینی پیغمبر ائتدیک.

50. (اونلارین اوچونو ده) اؤز مرحمتیمیزدن (روزیمیزدن) ائحسان بویوروب تعریف‌لرینی دیل‌لر ازبری ائتدیک. (بوتون دین صاحب‌لری‌نین، مؤمین‌لرین یانیندا اونلارین ائحتیرامینی و مرتبه‌سینی اوجالتدیق).

51. (یا رسولوم!) کیتابدا (قورآندا) موسینی دا یاد ائت! حقیقتن او، (اؤز عبادتینده) چوخ صمیمی ایدی. او (بیزیم طرفیمیزدن ایسرایل اوغول‌لارینا گؤندریلمیش) بیر ائلچی، بیر پیغمبر ایدی.

52. بیز (موسینی) تور داغی‌نین ساغ طرفین‌دن چاغیردیق و (تانریلا دانیشماق اوچون یالواریب) گیزلی دعا ائدرکن اؤزوموزه یاخینلاشدیردیق.

53. و اؤز مرحمتیمیزدن قارداشی هارونو دا بیر پیغمبر اولا‌راق اونا بخش ائتدیک.

54. (یا رسولوم!) کیتابدا (قورآندا) ایسمای‌لی ده یادا سال! او اؤز وعدینه صادق و (بیزیم طرفیمیزدن اؤز اوممتینه گؤندریلمیش) بیر ائلچی، بیر پیغمبر ایدی.

55. او اؤز اوممتینه ناماز قیلماغی، زکات وئرمیی امر ائدیردی. او، رببی‌نین رضاسینی قازانمیشدی. (ایسمایلین عملی تانری درگاهیندا بینیلمیشدی).

56. (یا رسولوم!) کیتابدا (قورآندا) ایدری‌سی ده یاد ائت! او، حقیقتن، بوسبوتون دوغرو دانیشان کیمسه (سیددیق) – بیر پیغمبر ایدی.

57. بیز اونو یوکسک بیر مقاما (جننته، یاخود دؤردونجو گؤیه) قالدیردیق.

58. بون‌لار آدمی و نوحلا گمییه میندیردیگیمیز آدام‌لارین نسلین‌دن، ایبراهیمین، ایسرایلین (یعقوبون) نسلین‌دن سئچیب حاق یولا یؤنلتدیگیمیز و تانری-نین نعمت بخش ائتدیگی پیغمبرلردن‌دیر. اونلار رحمانین (تانری نین) آیه‌لری اؤزلرینه اوخوندوغو زامان آغلایا‌راق سجده‌یه قاپانیردی‌لار. [ایدریس آدمین، نوح ایدری‌سین، ایبراهیم نوحون (و یا نوحون گمی‌سینده اولان‌لاردان بیری‌نین)، ایسمایل، ایسهاق، یعقوب ایبراهیمین نسلین‌دن، موسی، هارون، زکریا و عیسی ایسه یعقوبون نسلین‌دن اولان پیغمبرلردن‌دیر].

59. اونلاردان سونرا نامازی ترک ائدیب شهوته اویان بیر نسیل گلدی. اونلار (جهنم‌دکی) فیی دره‌سینه دوشه‌جک‌لر. (یاخود، اونلار دا اؤز عمل‌لری‌نین جزاسینی آلا‌جاق‌لار).

60. توبه ائدیب ایمان گتیرن و یاخشی ایشلر گؤرن‌لردن باشقا! اونلار هئچ بیر ظلم (حاق‌سیزلیق) گؤرمه‌دن جننته داخیل اولا‌جاق‌لار –

61. رحمانین (تانری نین) اؤز بنده‌لرینه وعد ائتدیگی و اونلارین گؤرمدیگی ادن جننت‌لرینه. اونون وعدی موطلق یئرینه یئته‌جک‌دیر.

62. اونلار اورادا بوش (لاغلاغی) صحبت‌لر دئییل، (ملک‌لردن و بیر-بیرین‌دن) آنجاق: سلام! ائشیدرلر. روزی‌لری ده سحر-آخشام (همیشه) اورادا‌دیر.

63. بو، همین او جننت‌دیر کی، بنده‌لریمیزدن موتتقی اولان‌لاری اونا واریث ائدجییک.

64. (جبرایلین بیر مدت یانینا گلممه‌سین‌دن خیففت چکن پیغمبره تانری-یاا یاخین اولان بو عظمت‌لی ملک بئله دئمیشدی: ) بیز (دونیایا) یالنیز سنین رببی‌نین امری ایله ائنیریک. اؤنوموزده، آرخامیزدا و اونلارین آراسیندا نه وارسا آنجاق اونا مخصوص‌دور. (کئچمیشه، ایندییه و گله‌جه‌یه عاید ایشلر، دونیا یارانان‌دان قیامت گونونه قدر باش وئره‌جک هر بیر شئی محض تانری-نین ایراده‌سینه تابع‌دیر). رببین (اؤز بنده‌لرینی) اونودان دئییل‌دیر . (جبرایل قورآنی محمّد پیغمبره اؤیرتمه‌یه تهکیم اولونسا دا، تانری-نین امری اولما‌دان یئره ائنیب هئچ بیر آیه گتیره بیلمز. اونون یئر اوزونه نه واخت ائنمه‌سی، هانسی آینی گتیرمه‌سی محض تانری-نین بویوروغو ایله‌دیر. تانری-یاا ایسه اینسان‌دان فرق‌لی اولا‌راق اونوتماق خصوصیتی یاددیر. او، هئچ زامان بنده‌لرینی اونوتماز. ایستدیگین بو و یا دیگر آیه‌نین، وحیین سنه درحال نازیل اولماماسی رببین‌دن باشقا هئچ کسین بیلمدیگی مویین بیر حیکمتی-ایلاهی ایله باغلی‌دیر. اونا گؤره ده بئله شئی‌دن اؤترو اوریینی قیسما!)

65. او، گؤی‌لرین و یئرین، اونلارین آراسیندا اولان هر شئیین رببی‌دیر! یالنیز اونا عبادت ائت و اونون عبادتینه سبیرلی اول! هئچ (تانری-نین اؤزون‌دن باشقا) اونا بنزرینی (اونون آدینی داشییان باشقا بیری‌سینی) گؤرموسنمی؟ (موشریک‌لر اؤز بوت‌لرینه تانری، ایلاهی دئسه‌لر ده، هئچ زامان اونلارا تانری آدینی وئرمزلر).

66. (قیامتی اینکار ائدن) اینسان: من اؤلدوک‌دن سونرا (قبیردن) دیریمی چیخاردیلاجاغام؟ – دئیه سوروشور.

67. مگر اینسان ایلک اؤنجه اونو هئچ بیر شئی دئییلکن (یوخ‌دان) یاراتدیغیمیزی خاطیرلامیرمی؟

68. (یا رسولوم!) رببینه آند اولسون کی، بیز اونلاری (اؤزلرینه دوست توتدوق‌لاری) شیطان‌لارلا بیرلیکده ییغیب محشره گتیره‌جک، سونرا اونلاری (قورخودان آیاق اوسته دورا بیلمه‌ییب) دیز اوسته چؤکموش حالدا جهنمین اطرافینا دوزجییک.

69. سونرا هر بیر فیرقه‌دن رحمانا ان چوخ آسی اولانی دارتیب چیخارداجاغیق (آرایا گتیرجییک).

70. سونرا (اونلاردان) جهنمه گیریب یانماغا ان چوخ لاییق اولان‌لاری، سؤزسوز کی، بیز داها یاخشی بیلیریک.

71. سیزدن ائله بیر کس اولماز کی، اورایا وارید اولماسین. بو، رببی‌نین (عزل‌دن) بویوردوغو واجیب بیر حؤکم‌دور. (بوتون اینسان‌لار جهنمین مودهیش منزره‌سینی اونون کؤرپوسو اوستون‌دن کئچرکن اؤز گؤزلری ایله گؤره‌جک‌لر. جننت‌لیک‌لر جهنم اودونون ایچین‌دن یانما‌دان، ساغ-سالامات کئچه‌جک، جهنم‌لیک‌لر ایسه اورا دوشوب ابعدی عذابا محکوم اولا‌جاق‌لار. بیر قیسم اینسان دا مویین مدت اورادا قالیب گوناهی تمیزلنه‌جک، سونرا جننته قاییدا‌جاق‌دیر).

72. سونرا بیز تانری دان قورخوب پیس عمل‌لردن چکیلن‌لره نجات وئره‌جک، ظالم‌لاری ایسه اورادا دیز اوسته چؤکموش حالدا ساخلایاجاغیق!

73. آیه‌لریمیز اؤزلرینه آچیق-آشکار اوخوندوغو زامان کافیر اولان‌لار ایمان گتیرن‌لردن: بو ایکی طایفه‌دان هانسی‌نین (بیزیم، یوخسا سیزین) مقامی داها یاخشی، هانسی‌نین مج‌لی‌سی داها گؤزل‌دیر؟ – دئیه سوروشارلار.

74. حال بوکی بیز اونلاردان اول نئچه-نئچه نسیل‌لری محو ائتدیک کی، اونلار مال-دؤولت و سیماجا (بو کافیرلردن) داها اوستون (داها گؤزل) ایدی‌لر.

75. (یا رسولوم!) دئ: (بیزدن و سیزدن) کیم ذلالت ایچینده‌دیرسه، قوی رحمان اونا (اؤز ذلالتینده قالماق اوچون) اوزون مدت مؤهلت وئرسین . نهایت، وعد اولوندوق‌لاری یا عذابی، یا دا قیامت گونونو گؤردوکده اونلار کیمین مقامی‌نین داها پیس، کیمین طرفدارلاری‌نین داها ضعیف اولدوغونو بیله‌جک‌لر.

76. تانری دوغرو یولدا اولان‌لارین دوغرولوغونو آرتیرار. ابعدی قالان یاخشی ایشلر ایسه رببی‌نین یانیندا ثاواب ائعتیباریله داها خئییرلی، نتیجه ائعتیباریله داها یاخشی‌دیر!

77. (یا رسولوم!) آیه‌لریمیزی اینکار ائدیب: (اگر قیامت قوپسا، آخیرتده) منه موطلق مال-دؤولت و اؤولاد وئریله‌جک‌دیر! – دئین آدامی (آس ابن وای‌لی) گؤردونمو؟

78. گؤره‌سن، او، غئیبه واقیف اولموش، یوخسا رحمان‌دان (بو باره‌ده) سؤز (عهد) آلمیش‌دیر؟!

79. خئیر، اونون دئدیک‌لرینی (عمل دفترینه) یازا‌جاق، عذابینی آرتیردیقجا آرتیراجاغیق.

80. اونون دئدیگی شئی‌لر (مال-دؤولتی، اؤولادی) بیزه قالا‌جاق و حضوروموزا تک-تنها گله‌جک‌دیر. (بوتون مالینی و اؤولادینی الین‌دن آلاجاغیق و او محشره ایلک دفعه دونیایا گلدیگی کیمی لوت-اوریان، هئچ کیم‌سیز و هئچ نسیز گله‌جک‌دیر).

81. (موشریک‌لر قیامت گونو) اونلار اوچون شفاعت دیله‌سین‌لر (یاخود تانری-نین عذابینی اونلاردان دف ائتسین‌لر) دئیه، تانری دان باشقا تانری‌لار قبول ائتدی‌لر.

82. خئیر، (قیامت گونو تانری‌لاری) اونلارین عبادتینی دانا‌جاق و اونلارا دوشمن اولا‌جاق‌لار.

83. (یا رسولوم!) مگر کافیرلرین اوستونه اونلاری یول‌دان چیخاریب گوناها سؤوق ائدن شیطان‌لاری گؤندردیگیمیزی گؤرمدینمی؟

84. ائله ایسه اونلاردان اؤترو (اونلارین تئزلیکله محو ائدیلمه‌سینه) تلسمه، چونکی بیز اونلارین گون‌لرینی بیر-بیر ساییریق. (قوی هله بیر آز دا یاشاییب داها چوخ گوناه ائتسین‌لر. بیز مویین مدت‌دن سونرا اونلارین جزاسینی وئرجییک).

85. او گون (قیامت گونو) بیز موتتقی‌لری رحمانین حضورونا مؤهترم ائلچی‌لر (شاهانه قافیله‌لرله گلن عزیز قوناق‌لار) کیمی جمع ائدریک.

86. گوناهکارلاری ایسه جهنمه سوسوز وضعیتده سوروکله‌ییب گتیرریک.

87. رحمان‌دان عهد آلمیش کس‌لر استثنا اولماقلا، قالان‌لاری (کافیرلر) شفاعت ائتمه‌یه قادیر اولمازلار. (یالنیز ایمان گتیریب یاخشی ایشلر گؤرن‌لر قیامت گونو رحمانین ایزنی ایله شفاعت ائتمه‌یه لاییق‌دیرلر).

88. (موشریک‌لر: ) رحمان اؤزونه اؤولاد گؤتورموش‌دور! – دئدی‌لر.

89. سیز، دوغرودان دا، اولدوقجا پیس بیر شئی ائتدینیز (چوخ بؤیوک-بؤیوک دانیشدینیز)!

90. بونا گؤره آز قالدی کی، گؤی‌لر پارچالانسین، یئر یاریلسین و داغ‌لار یئرین‌دن قوپوب اوچسون!-

91. (موشریک‌لرین) رحمانا اؤولاد ایسناد ائتدیک‌لرینه گؤره!

92. حال بوکی رحمانا اؤزونه اؤولاد گؤتورمک یاراشماز.

93. چونکی گؤی‌لرده و یئرده اولان بوتون مخلوقات‌دان بیر ائله‌سی یوخ‌دور کی، (قیامت گونو) رحمانین حضورونا بیر قول کیمی گلمه‌سین.

94. آند اولسون کی، (تانری) اونلاری (بوتون یاراتدیق‌لارینی) حئسابلامیش و تکرار-تکرار سایمیش‌دیر.

95. اونلارین هامی‌سی قیامت گونو اونون حضورونا گله‌جک.

96. حقیقتن، ایمان گتیریب یاخشی ایشلر گؤرن‌لر اوچون رحمان (اورک‌لرده) بیر سئوگی یارادا‌جاق. (تانری هم اؤزو اونلاری دوست توتا‌جاق، هم ده اونلارین محببتینی هامی‌نین، او جمله‌دن مؤمین‌لرین قلبینه سالا‌جاق‌دیر).

97. (ائی محمّد!) بیز (قورآنی) سنین دیلینله آسان (هامییا مویسسر) ائتدیک کی، اونونلا آنجاق تانری دان قورخوب پیس عمل‌لردن چکیلن‌لره (جننتله) موژده وئره‌سن و اینادکار بیر جاماعتی (باطیل دلیل‌لرله موباهیسه آپاران مککه موشریک‌لرینی جهنمله) قورخوداسان.

98. بیز اونلاردان اول نئچه-نئچه نسیل‌لری محو ائتدیک. ایندی هئچ اونلاردان بیرینی گؤرور، یاخود اونلاردان بیر سس-سمیر ائشیدیرسنمی؟ (بو موشریک‌لری ده اونلار کیمی محو ائدیب کؤکونو کسجییک).



قرآن-نین تورکجه ترجومه سی‎ > ‎
20-طه

تاها سوره‌سی

(مککه‌ده نازیل اولموش‌دور، 135 آیه‌دیر)

باغیشلیلان و رحم ائدن تانری-نین آدینان

1. تا، ها!

2. بیز قورآنی سنه مشققت چکمیین اوچون نازیل ائتمدیک! (پیغمبر آیاق اوسته، بارماق‌لاری‌نین اوجوندا دوروب او قدر ناماز قیلمیشدی کی، موبا‌رک قیچ‌لاری شیشمیشدی).

3. (بیز اونو تانری-نین عذابین‌دان) قورخان بیر کیمسه‌یه یالنیز اؤیود-نصیحت اولا‌راق (گؤندردیک).

4. او، یئری و اوجا گؤی‌لری یارا‌دان‌دان (تانری دان) نازیل اولموش‌دور.

5. رحمان عرشی یارادیب حؤکمو آلتینا آلمیش‌دیر (عرشه حاکم‌دیر).

6. گؤی‌لرده و یئرده، اونلارین آراسیندا و تورپاغین آلتیندا (یئددی قات یئرده) نه وارسا (هامی‌سی) اونون‌دور.

7. (ائی اینسان!) سن (دعا ائدرکن) سسینی اوجالتساندا (اوجالتماسان دا، هئچ بیر فرقی یوخ‌دور). چونکی تانری سیرری ده، سیردن داها گیزلی اولانی دا (مخفینی ده) بیلیر. (تانری نینکی قلب‌لرین سیرلرین‌دن، حتی آنی اولا‌راق اورک‌لردن کئچن گیزلی نیت‌لردن ده خبرداردیر. بونا گؤره ده اؤزونو یوروب اوجا سسله دعا، یاخود ذکر ائتمه. اساس مسئله تانری-یاا ائدیلن عبادتین سمیمیتی‌دیر).

8. تانری دان باشقا هئچ بیر تانری یوخ‌دور. ان گؤزل آدلار (اسمایی-حوسنا) یالنیز اونا مخصوص‌دور!

9. موسینین حکایهی سنه گلیب چاتدیمی؟ (یاخود موسینین احوالاتی آرتیق سنه گلیب چاتدی).

10. (موسی شوئیبی مدینده قویوب آناسینا و قارداشینا باش چکمک اوچون زؤوجه‌سی ایله بیرلیکده مصره گئدرکن تور داغی‌نین قربینده یئرلشن تووا وادی‌سینده گئجه واختی بیر اوشاغی دونیایا گلمیشدی. اونلار زیل قاران‌لیق گئجه‌ده ایشیق‌سیز قالیب یولو ایتیرمیشدی‌لر). او زامان (موسی قارشیدا) بیر اود گؤروب عائله‌سینه بئله دئمیشدی: سیز (یئرینیزده) دورون. منیم گؤزومه بیر اود ساتاشدی. بلکه، اوندان سیزه بیر گؤز گتیردیم، یاخود اودون یانیندا بیر بلدچی تاپدیم!

11. (موسی) اودون یانینا یئتیشدیکده بئله بیر نیدا گلدی: یا موسی!

12. من، حقیقتن، سنین رببینم. نعلئینینی چیخارت، چونکی سن موقددس وادیده - توواداسان!

13. من سنی (پیغمبر) سئچدیم. (سنه) وحی اولونانی دینله!

14. من، حقیقتن، تانری-یاام. من‌دن باشقا هئچ بیر تانری یوخ‌دور. منه عبادت ائت و منی آنماق اوچون ناماز قیل!

15. او ساعت (قیامت ساعتی) موطلق گله‌جک‌دیر. منیم اونو آز قالا آچماغیم گلیر کی، هر کس ائتدیگی عملین اوزینی (موکافاتینی، یاخود جزاسینی) آلسین. (و یا: من اونو آز قالا اؤزوم‌دن بئله گیزلدیرم؛ و یا: من اونو اؤزوم‌دن باشقا هامی‌دان گیزلدیرم. یاخود: من اونو زورلا گیزلدیرم، چونکی قیامتین یاخینلاشماسی هر آددیمدا اؤزونو موختلیف علامت‌لرله بیروزه وئریر).

16. احتیاط‌لی اول کی، (قیامتی) دانیب نفسی‌نین ایستک‌لرینه اویان بیر کس سنی اونا اینانماق‌دان یاییندیرماسین، یوخسا محو اولارسان!

17. یا موسی! ساغ الین‌دکی ندیر؟

18. (موسی) دئدی: او منیم اسام‌دیر. اونا سؤیکنیر، اونونلا قویون‌لاریمی خزل سیلکلییرم. او، باشقا ایشلرده ده کاریما گلیر!

19. (تانری) بویوردو: یا موسی! اونو (عصا یئره) آت!

20. (موسی عصا یئره) آتان کیمی او، درحال بیر ایلان (اژداها) اولوب سورعتله سورونمه‌یه باشلادی.

21. (تانری) بویوردو: توت اونو، قورخما. بیز اونو قایتاریب اوولکی شکلینه سالاجاغیق!

22. الینی قولتوغونون آلتینا قوی کی، الین (اورا‌دان سنین پیغمبرلیگی‌نین حقیقی‌لیگینه دلالت ائدن) باشقا بیر نشانه  اولا‌راق عیب‌سیز-قوسورسوز، آغاپپاق چیخسین (گونش شواسی کیمی گؤزقاماشدیریجی شفق ساچسین).

23. و بیز ده (بونونلا) سنه ان بؤیوک نشانه ‌لریمیزدن (بیر نئچه‌سینی) گؤسته‌رک.

24. (یا موسی! بو نشانه ‌لرله بیر پیغمبر کیمی) فیرعونون یانینا گئت! او، حقیقتن، آزغینلاشیب حدینی آشمیش‌دیر (تانری‌لیق ادعاسینا دوشموش‌دور) .

25. (موسی) دئدی: ائی رببیم! (پیغمبرلیگی یئرینه یئرینه یئتیرمه‌یه قادیر اولماق، فیرعونلا دانیشماغا جورعت ائتمک و بو یولدا بوتون مشققت‌لره تاب گتیره بیلمک اوچون) کؤکسومو آچیب گئنیشلت؛

26. ایشیمی یونگوللش‌دیر؛

27. دیلیم‌دکی دوگونو آچ (پلتکلیگیمی گؤتور) کی،

28. سؤزومو یاخشی آنلاسین‌لار!

29. و منه اؤز عائلم‌دن بیر وزیر (یاردیمچی) وئر –

30. قارداشیم هارونو!

31. اونونلا آرخامی مؤحکملن‌دیر.

32. اونو ایشیمه اورتاق ائت (اونا دا پیغمبرلیک وئر) کی،

33. سنی چوخ تقدیس ائدیب شأنینه تعریف‌لر دئیک.

34. و سنی چوخ ذکر ائدک (دایم یادا سالیب شوکر-سنا ائدک).

35. سن، شوبهه‌سیز کی، بیزی گؤرورسن!

36. (تانری) بویوردو: دیلدیگین سنه وئریلدی، یا موسی!

37. سنه (بون‌دان اول ده) بیر دفعه نعمت بخش ائتمیشدیک

38. آنانا وحی اولونا‌جاق شئیی وحی ائتدیگیمیز زامان.

39. (او زامان کی، من آنانا بویورموشدوم: ) (موسینی) بیر ساندیغا قویوب چایا (نیله) آت. قوی چای اونو ساحله چیخارتسین و منه ده، اونا دوشمن اولان بیری‌سی (فیرعون) اونو (سودان تاپیب) گؤتورسون . (یا موسی!) گؤزومون قاباغیندا بویا-باشا چات‌دیریلاسان دئیه، اؤز طرفیم‌دن (اینسان‌لارین اورک‌لرینده) سنه بیر سئوگی یاراتدیم. (مرحمت نظریم هئچ واخت اوستون‌دن اسکیک اولمادی. ائله ائتدیم کی، فیرعون اؤزو، آروادی آسییه و اطرافین‌داکی‌لارین هامی‌سی سنی سئودی).

40. او زامان باجین (سنین آردینجا گویا یاد بیر آدام کیمی سارایا) گئدیب (اورا‌داکی‌لارا) دئییردی: سیزه اونا باخا بیله‌جک (سود وئره‌جک) بیری‌سینی گؤستریممی؟ (اونلار راضی‌لیق وئردی‌لر، آنان سارایا گلدی). آرتیق (سالامات قالماغینا گؤره) گؤزو آیدین اولسون و کدرلنمه‌سین دئیه، سنی آنانا قایتاردیق. سن (اون ایکی یاشیندا ایکن طایفه‌دان اولان بیر یهودی ایله موباهیسه ائدن) بیر نفری (بیر قیبتینی) ووروب اؤلدوردون. سونرا بیز سنی (مدینه قاچیرتماقلا) او قم‌دن قورتاردیق. بیز سنی بیر چوخ سیناق‌لاردان کئچیرتدیک (جوربجور بلا‌لارا، مؤهنت‌لره دوچار ائدیب هامی‌سین‌دان سالامات قورتاردیق). ایللرله مدین اهلی ایچینده (شوئیبین یانیندا) قالدین. سونرا دا مویین اولونموش واختا (قیرخ یاشینا) گلیب چاتدین، یا موسی!

41. و من سنی اؤزومه (پیغمبر) سئچدیم! (قیرخ یاشینا چاتان کیمی سنه پیغمبرلیک بخش ائدیب نشانه ‌لرله فیرعونون یانینا گؤندردیم).

42. سن و قارداشین نشانه ‌لریمله گئدین و منی ذکر ائتمکده ضعیف‌لیک گؤسترمیین. (بو سیزین اوریینیزه متانت، دیزینیزه قوت وئرر).

43. فیرعونون یانینا یوللانین. او (تانری‌لیق ادعاسینا دوشمکله)، حقیقتن، آزغینلاشیب حدینی آشمیش‌دیر.

44. اونونلا یومشاق دانیشین. بلکه، اؤیود-نصیحت قبول ائتسین، یاخود (رببین‌دن) قورخسون!

45. اونلار: ائی رببیمیز! (فیرعونون نشانه  گؤسترمییمیزه هؤوسه‌له‌سی چاتماییب) بیزه شدت‌لی جزا وئرمه‌سین‌دن و یا آزغینلاشا‌راق حدینی آشماسین‌دان (دیکباش‌لیق ائتمه‌سین‌دن) قورخوروق! – دئدی‌لر.

46. (تانری) بویوردو: قورخمایین، من ده سیزینله‌یم، (هر شئیی) ائشیدیرم و گؤرورم!

47. اونون یانینا گئدیب دئیین: بیز ایکیمیز ده سنین رببی‌نین پئیغمبریگیک. ایسرایل اوغول‌لارینی بیزیمله گؤندر (شاما گئتمک‌لرینه مانع اولما) و اونلارا ایشگنجه وئرمه. بیز سنین یانینا رببین‌دن دلیلله (نشانه  ایله) گلمیشیک. حاق یولو توتوب گئدن‌لره سلام اولسون!

48. بیزه وحی اولوندو کی، (تانری-نین وهدانیتینی و آیه‌لرینی، قیامتی و پیغمبرلری) یالان حساب ائدن‌لری و (حاق‌دان) اوز دؤندرن‌لری (آخیرتده) عذاب گؤزله ییر!

49. (فیرعون: ) ائله‌ده رببینیز کیم‌دیر، یا موسی؟ –دئیه سوروشدو.

50. (موسی) بئله جاواب وئردی: رببیمیز هر شئیه اؤز خیلقتینی وئرن، سونرا دا اونا دوغرو یولو گؤسترن‌دیر!

51. (فیرعون) سوروشدو: بس اوولکی نسیل‌لرین حالی نئجه‌دیر؟

52. (موسی) بئله جاواب وئردی: اونلارا دایر بیلیک یالنیز رببیمین درگاهیندا اولان بیر کیتابدا‌دیر (لؤوحی-محفوظدا‌دیر). رببیم (هئچ بیر شئیده) ختا ائتمز و (هئچ بیر شئیی) اونوتماز!

53. او (بؤیوک تانری) کی، یئر اوزونو سیزین اوچون دؤشمیش (دؤشک ائتمیش)، اورادا سیزین اوچون یول‌لار سالمیش، گؤی‌دن یاغمور یاغدیرمیش‌دیر. بیز او یاغمورلا نؤوبنؤو بیتکی‌لردن جوت‌لر یئتیشدیرمیشیک.

54. (اونلاردان نوشجان‌لیقلا) یئیین، هم ده حیوان‌لارینیزی اوتارین. حقیقتن، بوندا (گؤردوگوموز بو ایشلرده) عقل صاحب‌لری اوچون (تانری-نین وهدانیتینه، قودرتینه دلالت ائدن) علامت‌لر واردیر!

55. سیزی (اولو بابانیز آدمی) ده اوندا (او تورپاق‌دان) یاراتدیق. سیزی (اؤلن‌دن سونرا) اورا قایتارا‌جاق و (قیامت گونو) بیر داها اورا‌دان (دیریلدیب) چیخارداجاغیق.

56. بیز، آیه‌لریمیزین (دلیل‌لریمیزین و نشانه ‌لریمیزین) هامی‌سینی اونا (فیرعونا) گؤستردیک. لاکین (فیرعون) اونلاری یالان ساییب (هئچ بیرینی) قبول ائتمه‌دی.

57. (فیرعون) دئدی: یا موسی! سن سئحرینله بیزی اؤز تورپاغیمیزدان (مصردن) قوووب چیخارتماغا گلمیسن؟

58. ائله‌ده بیز سنه عینی ایله اونون کیمی بیر سئحر گؤسترجییک. بیزیمله اؤز آراندا بیر واخت تعین ائت. نه بیز، نه ده سن وعدیمیزه خیلاف چیخمایاق. بو (ایکیمیزه ده) الوئریش‌لی بیر یئرده اولسون! (گؤرک کیم-کیمه قالیب گله‌جک!)

59. (موسی) دئدی: سیزه وئریلن وعده سیزین بایرام گونونوز و جاماعتین (بیر یئره) توپلاشاجاغی گونورتا واختی‌دیر!

60. (بو صحبت‌دن سونرا) فیرعون دؤنوب گئتدی، نهایت، بوتون حیله (و سئحر) واسطه‌لرینی (سئحربازلارینی) ییغیب (وعد اولونموش واختدا همین یئره) گلدی.

61. موسی اونلارا (سئحربازلارا) دئدی: (آی یازیق‌لار!) وای سیزین حالینیزا! تانری-یاا ایفتیرا یاخمایین، یوخسا او سیزی عذابلا محو ائدر. (تانری-یاا) ایفتیرا یاخان ناومید اولار (مورادینا چاتماز) .

62. اونلار (بو موسی هئچ سئحربازا اوخشامیر؛ اگر قالیب گلسک، هئچ؛ یوخ اگر قالیب گله بیلمسک، اونا ایمان گتیرریک، دئیه) اؤز آرا‌لاریندا اؤز ایشلری باره‌ده موباهیسه ائدیر و خلوتجه پیچیلداشیردی‌لار.

63. اونلار (اوزون-اوزادی موباهیسه‌دن سونرا موسی‌دان و هارون‌دان قورخوب آستاجا بیر-بیرینه) دئدی‌لر: بو ایکی‌سی، البته، سئحربازدیر. اونلار اؤز سئحرلری ایله سیزی یوردونوزدان قوووب چیخارتماق و سیزین ان گؤزل یولونوزو (دینینیزی، تریقتینیزی) یوخ ائتمک (عیان-اشرافینیزی اؤز طرف‌لرینه چکمک) ایستییرلر.

64. اونا گؤره ده بوتون حیله (سئحر) واسطه‌لرینیزی توپلایین، سونرا دا (میدانا) سف-سف گلین. بو گون قالیب گلن نجات تاپا‌جاق‌دیر! (متلبینه یئتیشه‌جک‌دیر!)

65. اونلار دئدی‌لر: یا موسی! (اؤزون سئچ). یا سن (اولجه عصا یئره) توللا، یا دا بیز بیرینجی توللایاق!

66. او (موسی) دئدی: خئیر، (اولجه) سیز توللایین! (سئحربازلار اللریندکینی یئره آتان کیمی) اونلارین سئحری اوزون‌دن بیردن (موسایا) ائله گلدی کی، اونلارین ایپلری و دینک‌لری حرکته گلیب (ایلان کیمی قارنی اوسته) سورونور.

67. موسینین جانینا قورخو دوشدو. (او قورخدو کی، جاماعت سئحرله نشانه  آراسیندا فرق قویا بیلمه‌ییب ایمان گتیرمه‌سین).

68. بیز اونا بئله بویوردوق: قورخما، اوستون گله‌جک موطلق سنسن!

69. ساغ الین‌دکی عصا یئره توللا، اونلارین دوزوب قوشدوق‌لارینی (بوتون کن‌دیرلری و دینک‌لری بیر آندا) اودسون. اونلارین دوزلتدیک‌لری سئحرباز حیله‌سین‌دن (افسون‌دان) باشقا بیر شئی دئییل‌دیر. سئحرباز ایسه، هارا گئدیرسه گئتسین، متلبینه چاتماز!

70. (موسی اساسینی یئره آتان کیمی او بیر اژداهایا دؤنوب سئحربازلارین ایپلرینی، کن‌دیرلرینی و دینک‌لرینی یئرلی-دیب‌لی اوددو). نهایت، سئحربازلار: بیز هارونون و موسینین رببینه (رببول-عالمینه) ایمان گتیردیک! – دئییب سجده‌یه قاپاندی‌لار.

71. او (فیرعون) دئدی: من سیزه ایزین وئرممیش‌دن اول سیز اونا ایمان گتیردینیز، چونکی او، اصلینده سیزه سئحر اؤیره‌دن بؤیوگونوزدور. (هئچ ائیبی یوخ‌دور). من ده سیزین ال-آیاغینیزی چارپاز کسدیریب خورما آغاجلاری‌نین کؤتوک‌لرین‌دن آساجاغام. اوندا هانسیمیزین (من فیرعونون، یوخسا موسینین تانری نینین) عذابی‌نین داها شدت‌لی و داها سورک‌لی اولدوغونو بیلجکسینیز!

72. (سئحربازلار) دئدی‌لر: بیز هئچ واخت سنی بیزه گلن بو آچیق نشانه ‌لردن و بیزی یارا‌دان‌دان اوستون توتمایاجاغیق. ایندی نه حؤکم ائده‌جکسنسه، ائت. سن آنجاق بو دونیادا حؤکم ائده بیلرسن!

73. بیز، حقیقتن، رببیمیزه ایمان گتیردیک کی، او بیزی گوناه‌لاریمیزا و سنین بیزی مجبور ائتدیگین سئحره (سئحرله مشغول اولماغیمیزا) گؤره باغیشلاسین/ تانری (سن فیرعون‌دان) داها خئییرلی و (اونون گوناهکارلارا وئرجیی عذاب) داها باقی‌دیر!

74. کیم رببی‌نین حضورونا گوناهکار کیمی گلرسه، اونو جهنم (جهنم عذابی) گؤزله ییر. او، اورادا نه اؤلر، نه ده یاشایار. (جهنم اهلی نه اؤلو کیمی اؤلو، نه ده دیری کیمی دیری‌دیر، ابعدی عذابا دوچار اولوب بیر گون گؤرمز).

75. کیم (رببی‌نین حضورونا) یاخشی عمل‌لر ائتمیش بیر مؤمین کیمی اولا‌راق گلرسه، بئله‌لرینی ان یوکسک درجه‌لر گؤزله ییر –

76. ابعدی قالا‌جاق‌لاری، (آغاجلاری) آلتین‌دان چای‌لار آخان ادن جننت‌لری. بو، (گوناه‌لاردان) پاک اولان‌لارین (تمیزلنن‌لرین) موکافاتی‌دیر.

77. (عزت و جلالیما) آند اولسون کی، بیز موسایا بئله وحی ائتدیک: قول‌لاریملا گئجه یولا چیخ، (عصا سویا وورماقلا) اونلار اوچون دنیزده قورو بیر یول آچ. (فیرعونون) سیزه یئتیشمه‌سین‌دن قورخما، (سویا غرق اولماق‌دان دا) اندیشه‌یه دوشمه!

78. فیرعون اؤز اوردوسو ایله اونلاری تعقیب ائتدی، دانیز ده (شاهه قالخان دالغا‌لاری ایله) اونلاری (اونون عسگرلرینی) چولغاییب غرق ائتدی، اؤزو ده نئجه!

79. فیرعون (منم سیزین ان بؤیوک رببینیز، دئیه‌رک) اؤز طایفه‌سینی یول‌دان چیخارتدی و (اونلاری) دوغرو یولا آپارمادی.

80. ائی ایسرایل اوغول‌لاری! سیزی دوشمنینیزدن (فیرعونون الین‌دن) خلاص ائتدیک. (تؤوراتین نازیل اولماسی اوچون) سیزه تور داغی‌نین ساغ طرفینی وعد بویوردوق. سیزه (گؤی‌دن) قودرت هالواسی و بیلدیرچین ائندیردیک!

81. سیزه وئردیگیمیز روزی‌لرین تمیزین‌دن (حالالین‌دان) یئیین، لاکین بوندا حدی آشمایین (ایسرافچی‌لیق، خسیس‌لیک و نانکورلوق ائتمیین، احتیاجی اولانا شرعی قایدا عذره یاردیم گؤسترین)، یوخسا غضبیمه دوچار اولارسینیز. غضبیمه دوچار اولان ایسه موطلق اوچوروما دوشوب بدبخت (جهنم‌لیک) اولار.

82. شوبهه‌سیز کی، من هم ده توبه ائدیب ایمان گتیرنی یاخشی ایشلر گؤروب، سونرا دا دوغرو یولو توتانی چوخ باغیشلایانام!

83. (تانری بویوردو: ) یا موسی! سنی اؤز جاماعتین‌دان (تور داغینا گئتدیگین یئتمیش کیشی‌دن) آییریب (بو مقاما) تلس‌دیرن نه ایدی؟

84. (موسی) بئله جاواب وئردی: اونلار دا آرخامجا گلیرلر. ائی رببیم! من‌دن راضی قالاسان دئیه، حضورونا تلسدیم!

85. (تانری: ) سن‌دن سونرا اوممتینی ایمتاهانا چکدیک. سامیری اونلاری یول‌دان چیخارتدی (بوزووا سیتاییش ائتدی‌لر) ، - دئیه بویوردو.

86. موسی غضب‌لی، کدرلی حالدا جاماعتی‌نین یانینا قاییدیب دئدی: ائی اوممتیم! مگر رببینیز (تؤوراتی نازیل ائتمک، کئچمیش گوناه‌لارینیزی باغیشلاماق، گؤی‌دن قودرت هالواسی و بیلدیرچین ائندیرمک حاقیندا) سیزه گؤزل بیر وعد وئرممیشدیمی؟ یوخسا (منیم سیزدن آیریلماغیم‌دان) اوزون بیر مدت کئچدی؟ (نه تئز هر شئیی اونودوب نانکور اولدونوز؟) یاخود رببینیزدن سیزه بیر غضب گلمه‌سینی ایسته‌ییب منه وئردیگینیز وعده خیلاف چیخدینیز؟

87. اونلار دئدی‌لر: بیز سنه وئردیگیمیز وعده اؤز ایختیاریمیزلا خیلاف چیخمادیق. اما بیز (فیرعون) طایفه‌سی‌نین (بیر بایرام گونو امانت اولا‌راق آلدیغیمیز) زینت‌لرین‌دن عبارت آغیر بیر یوکله یوکلنمیشدیک. اونلاری ( امانته خیانت حرام‌دیر -دئیه‌رک گونعهدان قورتولماق مقصدیله اودا) آتدیق. سامیری ده بیزیم کیمی (اؤزونده اولان بزک شئی‌لرینی اودا) آتدی .

88. (اودا آتیلمیش قیزیل-گوموش اریدیک‌دن سونرا سامیری چوخورون ایچینده) اونلارا بؤیورن بیر بوزوو هیکلی (دوزلدیب) چیخارتدی. (سامیری و اونون یول‌دان چیخارتدیغی بیر نئچه کیشی) دئدی‌لر: (ائی ایسرایل اوغول‌لاری!) بو سیزین تانرینیزدیر. موسینین دا تانری‌سی بودور، لاکین اونوتموش‌دور . (موسی هیکلی ایتیرمیش، اونو آختاریب تاپماق‌دان اؤترو تور داغینا گئتمیش‌دیر).

89. (مگر بو جان‌سیز هیکله سیتاییش ائدن‌لر) بوزووون اونلارین هئچ بیر سؤزونه جاواب وئره بیلمدیگینی و اونلارا نه بیر ضرر، نه ده بیر خئییر وئرمه‌یه قادیر اولمادیغینی گؤرموردولرمی؟! (نه بؤیوک جهالت!)

90. هارون ایسه بون‌دان (موسی تور داغین‌دان قاییتمامیش‌دان) اول اونلارا بئله دئمیشدی: ائی اوممتیم! سیز بونونلا (هانسینیزین اقیده‌جه مؤحکم، هانسینیزین شککاک اولدوغونو آییرد ائتمک مقصدیله تانری طرفین‌دن) یالنیز ایمتاهانا چکیلدینیز. سیزین رببینیز، شوبهه‌سیز کی، رحمان‌دیر. منه تابع اولوب امریمه اطاعت ائدین!

91. اونلار: موسی (تور داغین‌دان) قاییدیب یانیمیزا گلنه قدر بو بوزووا سیتاییش ائتمک‌دن ال چکمیجییک! – دئیه جاواب وئرمیشدی‌لر.

92. (موسی اوممتی‌نین یانینا قاییتدیق‌دان سونرا) دئدی: یا هارون! اونلارین (حاق یول‌دان) آزدیق‌لارینی گؤردوگون زامان سنه نه مانع اولدو کی،

93. (مؤمین‌لری ده گؤتوروب) آرخامجا گلمدین؟ (منه بو باره‌ده هئچ بیر خبر وئرمدین، یاخود منیم یولوملا گئده‌رک بوته تاپینان‌لاری دانلاییب اونلارا قارشی هیددتلنمدین؟) امریمه آسیمی اولدون؟ (تانری دان باشقاسینا عبادت ائدن‌لرله بیر یئرده یاشاماغی اؤزونه نه جور روا بیلدین؟)

94. (هارون) بئله جاواب وئردی: ائی آنام اوغلو! ساچیم‌دان، ساققالیم‌دان توتما. (ساققالیمی، باشیما یولما). دوغروسو، سنین: ایسرایل اوغول‌لاری آراسینا آیری‌لیق سالدین، سؤزومه باخمادین! – دئیجیین‌دن قورخدوم.

95. (موسی: ) ائی سامیری! سنین (بو پیس، اجایب ایشی گؤرمکده) مقصدین نه ایدی؟ – دئیه سوروشدو.

96. (سامیری) بئله جاواب وئردی: من (ایسرایل اوغولاری‌نین) گؤرمدیک‌لرینی (جبرای‌لی) گؤردوم (یاخود بیلمدیک‌لرینی بیلدیم). من او رسولون (تانری ائلچی‌سی‌نین) لپیرین‌دن (جبرایلین آتی‌نین آیاغی دیدیگی یئردن) بیر اوووج تورپاق گؤتوردوم و اونو (چالا‌داکی اود ایچینده اریین بزک شئی‌لرینه) آتدیم (او دا دؤنوب بؤیورن بیر بوزوو اولدو). بئله‌جه، اؤز نفسیم منی بو ایشه سؤوق ائتدی . (نفسیم بو ایشی منه خوش گؤستردی، من ده اونا اویدون).

97. (موسی) دئدی: چیخ گئت بوردان. حیاتین بویو (جزا اولا‌راق): بیر کس منه توخونماسین (من ده بیر کسه توخونماییم)! – دئمه‌لی اولا‌جاقسان. (هئچ کس سنی دیندیرمه‌یه‌جک، سوفره‌سینه بوراخمایا‌جاق، سنینله آلیش-وئریش ائتمه‌یه‌جک. هئچ کسله اونسیت ائتمه‌ییب تامامایله تجرید اولونموش بیر وضعیتده یاشایا‌جاقسان. دحشت سنی بورویه‌جک). هله سنی اصلا قاچیب جانینی قورتارا بیلمیجیین داها بیر وعده (قیامت گونو) گؤزله ییر. ایندی تاپینیب دوردوغون تانرینا (بوتونه) باخ. بیز اونو یان‌دیرا‌جاق، سونرا دا (کولونو) دنیزه آتاجاغیق!

98. سیزین تانرینیز آنجاق او تانری‌دیر کی، اوندان باشقا هئچ بیر تانری یوخ‌دور. او، علم (اؤز ازه‌لی علمی) ایله هر شئیی ائهتیوا ائتمیش‌دیر!

99. (یا رسولوم!) کئچمیشین خبرلری‌نین (اولوب کئچن‌لرین) بیر قیسمینی سنه بئله نقل ائدیریک. سنه اؤز درگاهیمیزدان (اینسان‌لارین دوشونوب داشینماسی، عیبرت آلماسی اوچون) قورآن دا وئرمیشیک!

100. هر کس اوندان اوز دؤندرسه، شوبهه‌سیز کی، قیامت گونو آغیر بیر گوناها یوک‌لنه‌جک‌دیر.

101. بئله‌لری (او گوناه یوکونون) آلتیندا (یوکو ایله بیرلیکده جهنم عذابیندا) ابعدی قالا‌جاق‌لار. قیامت گونو اونلارین داشییاجاغی یوک نئجه ده پیس‌دیر!

102. سورون (ایکینجی دفعه) چالیناجاغی و گوناهکارلاری (قورخودان، یاخود سوسوزلوقا‌دان) گؤزلری گؤم-گؤی گؤیرمیش (و یا گؤزلری کور اولموش، اوزلری قاپقارا قارالمیش) حالدا محشره گتیرجییمیز گون

103. اونلار اؤز آرا‌لاریندا پیچیلداشیب بیر-بیرینه: (دونیادا) جمعی اون گون قالدینیز! دئیه‌جک‌لر.

104. بیز اونلارین نه دانیشا‌جاق‌لارینی دا یاخشی بیلیریک. اونلارین ان عقل‌لی‌سی: (دونیادا) جمعی‌سی بیر گون قالدینیز! – دئیه‌جک.

105. (یا رسولوم!) سن‌دن داغ‌لار (قیامت گونو داغ‌لارین نه جور اولاجاغی) حاقیندا سوروشارلار. دئ: رببیم اونلاری اووخالاییب هاوایا سووورا‌جاق؛

106. دومدوز (هامار) بیر یئر ائده‌جک (هئچ بیر شئی بیتمه‌ین قوپقورو تورپاق حالینا سالا‌جاق)؛

107. و سن اورادا هئچ بیر ائنیش-یوخوش (ایری‌لیک، کلکؤتورلوک) گؤرمه‌یه‌جکسن!

108. او گون اینسان‌لار (قبیرلرین‌دن قالخیب) هئچ بیر باشقا طرفه مئیل ائتمه‌دن جارچی‌نین (هامینی محشره چاغیران ایسرافیلین) آردینجا گئده‌جک‌لر. رحمانین (عظمتی، هئیبتی) قارشی‌سیندا سس‌لر کسیله‌جک، یالنیز پیچیلتی ائشیده‌جکسن!

109. او گون رحمانین ایزین وئردیگی و سؤز دانیشماغینا راضی اولدوغو کس‌لردن باشقا هئچ کیمین شفاعتی فایدا وئرمز!

110. (رببین) اونلارین کئچمیشینی ده، گلجیینی ده بیلیر. (تانری اینسان‌لارین نه ائتدیک‌لرینی، نه ائده‌جک‌لرینی، قازانا‌جاق‌لاری ثاواب‌لاری و گوناه‌لاری، دونیادا و آخیرتده عاقیبت‌لری‌نین نئجه اولاجاغینی اؤز ازه‌لی علمی ایله بیلیر). اونلارین علمی ایسه اونو (تانری-نین ذاتینی) اهاته ائدیب قاورایا بیلمز!

111. (او گون) اوزلر (بوتون اینسان‌لار) ازه‌لی، ابعدی اولان (مخلوقاتین هر ایشینی یولونا قویان، اونلاری دولان‌دیران) تانری-یاا تسلیم اولوب زلیل بیر گؤرکم آلار. ظلمه (گوناها) یوک‌لنن (تانری-یاا شریک قوشان، کوفر ائدن) زیانا دوشوب متلبینه یئتیشمز (اومیدسیزلییه اوغرایار).

112. مؤمین اولوب یاخشی ایشلر گؤرن کس ایسه نه ظلمه معروز قالماق‌دان، نه ده (موکافاتی‌نین) اسکیلمه‌سین‌دن قورخار!

113. (یا رسولوم!) بیز اونو (سنه گؤندریلن ایلاهی کیتابی) عربجه قورآن اولا‌راق نازیل ائتدیک. بیز اورادا (کافیرلره عذاب وئریلجیینه دایر) تهدیدلری (جوربجور مثال‌لارلا) تکرار-تکرار ایضاح ائتدیک کی، بلکه، اونلار پیس عمل‌لرین‌دن چکینسین‌لر، یاخود (اونو اؤیود-نصیحت‌لرین‌دن) عیبرت آلسین‌لار! (قورآن اونلارا اؤیود-نصیحت وئرسین!)

114. حقیقی حؤکمدار اولان تانری (هر شئی‌دن) اوجا‌دیر! (موشریک‌لرین اونا عاید ائتدیک‌لری صیفت‌لردن اوزاق‌دیر!) هم ده (ائی پیغمبریم! جبرایل طرفین‌دن) سنه تامام-کمال وحی اولونما‌دان اول قورآنی اوخوماغا تلسمه و: ائی رببیم! منیم علمیمی آرتیر! – دئ.

115. دوغروسو، بون‌دان اول آدمه ده (شیطانا اویماماغی) توصیه ائتمیشدیک. لاکین او (توصیه‌میزی) اونوتدو و بیز اوندا (عهدی قوروماغا) ازم (سبات) گؤرمدیک.

116. بیر زامان ملک‌لره: آدمه (تعظیم، حؤرمت مقصدیله) سجده ائدین! – دئیه بویورموشدوق. ایبلیس‌دن باشقا هامی‌سی سجده ائتدی. او، (سجده‌دن) بویون قاچیرتدی.

117. بیز ده بئله دئدیک: ائی آدم! بو (ایبلیس) سنین ده، اؤورتی‌نین ده دوشمنی‌دیر. (احتیاط‌لی اولون کی) سیزی (توولاییب) جننت‌دن چیخارتماسین، یوخسا (ائی آدم!) مشققته دوشوب بدبخت اولارسان! (گئجه-گوندوز اذیت چکیب اؤز الینین زحمتی ایله یاشاماغا مجبور اولارسان!)

118. حقیقتن، سن اورادا (جننتده) آجماق ندیر، چیلپاق اولماق ندیر بیلمزسن!

119. سن اورادا سوساماق ندیر، گونشین هرارتین‌دن اذیت چکمک ندیر، اونو دا بیلمزسن!

120. (تانری-نین بوتون بو خبردارلیغین‌دان سونرا) شیطان اونا (آدمه) وسوه‌سه ائدیب (پیچیلداییب) بئله دئدی: ائی آدم! سنه (مئیوه‌سین‌دن یئیجیین تق‌دیرده هئچ واخت اؤلمیجیین و همیشه جننتده یاشایاجاغین) ابدیت آغاجینی و کؤهنلیب خاراب اولمایا‌جاق (فنایا اوغرامایا‌جاق) بیر مولکو گؤستریممی؟

121. (آدم و حووا) اوندان (همین آغاجین مئیوه‌سین‌دن) یئدی‌لر و درحال هر ایکی‌سی‌نین آییب یئرلری گؤروندو. اونلار (لوت بدن‌لرینه) جننت آغاجلاری‌نین یارپاقلاریندان‌ یاپیشدیرماغا باشلادی‌لار. بئله‌لیکله، آدم رببی‌نین امرین‌دن چیخدی، اما متلبینه یئتمه‌دی. (آدم رببینه آسی اولدو و یول‌دان چیخدی. قاداغان اولونموش آغاجین مئیوه‌سین‌دن یئمک هئچ ده اونو جننتده ابعدی قالماق آرزوسونا چاتدیرمادی، عکسینه، حووا ایله بیرلیکده یئر اوزونه ائندیریلدی).

122. سونرا رببی (توبه ائتدیرمکله) اونو سئچدی (اؤزونه یاخینلاشدیردی)، توبه‌سینی قبول بویوردو و دوغرو یولا مووففق ائتدی.

123. (تانری آدمه و حووایا) بئله بویوردو: بیر-بیرینیزه (سیز ایبلیسه و نسلینه، ایبلیس ده سیزه و نسلینیزه) دوشمن کسیله‌رک هامینیز اورا‌دان (جننت‌دن یئره) ائنین. من‌دن سیزه دوغرو یولو گؤسترن بیر رهبر (کیتاب، یاخود پیغمبر) گلدیگی زامان هر کس منیم حاق یولومو توتوب گئتسه، نه (دونیادا) یولونو آزار، نه ده (آخیرتده) بدبخت اولار!

124. هر کس منیم اؤیود-نصیحتیم‌دن (قورآن‌دان) اوز دؤندرسه، گوزرانی دارا‌لار (یاخود قبیر ائوینده شدت‌لی عذابا دوچار اولار) و بیز قیامت گونو اونو محشره کور اولا‌راق گتیرریک!

125. او بئله دئیر: ائی رببیم! نه اوچون منی محشره کور اولا‌راق گتیردین، حال بوکی من (دونیادا هر شئیی) گؤروردوم!

126. (تانری) بویورار: ائله‌دیر، اما سنه آیه‌لریمیز (نشانه ‌لریمیز، قودرتیمیزه دلالت ائدن علامت‌لر) گلدی، سن ایسه (اؤزونو گؤرممزلییه ووروب) اونلاری اونوتدون (ایمان گتیرمدین). بو گون ائله‌جه ده سن اونودولا‌جاقسان!

127. بیز (تانری-یاا شریک قوشماقلا، کوفر ائتمکله) حدی آشان‌لاری و رببی‌نین آیه‌لرینه ایمان گتیرمه‌ین‌لری ده بئله جزالان‌دیریریق. آخیرت عذابی ایسه، شوبهه‌سیز کی، داها شدت‌لی، داها سورک‌لی‌دیر!

128. مگر (کافیرلره) بل‌لی اولمادیمی کی، بیز اونلاردان اول (ایندی) مسکن‌لرینده گزیب دولاندیق‌لاری نئچه-نئچه نسیل‌لری محو ائتدیک؟ حقیقتن، بوندا (کئچمیش اوممت‌لرین گیریفتار اولدوغو موصیبت و فلاکت‌لرده) عقل صاحب‌لری اوچون عیبرت‌لر واردیر!

129. اگر رببین‌دن (بو اوممتین عذابی‌نین آخیرته ساخلانیلماسی حاقدا) اؤنجه بیر سؤز (حؤکم) و (لؤوحی-محفوظدا بو کافیرلرین عذابی اوچون عزل‌دن) مویین ائدیلمیش بیر واخت اولماسایدی، شوبهه‌سیز کی، (دونیادا تئزلیکله) اونلارا دا (بئله بیر عذاب) وئریلمه‌سی لازیم گلردی.

130. (یا رسولوم! ائله‌ده مککه موشریک‌لری‌نین) دئدیک‌لرینه صبر ائت. گونش دوغمامیش‌دان و باتمامیش‌دان اول رببینه شوکور ائدیب شأنینه تعریف‌لر دئ (صوبح و عصر نامازلارینی قیل)، گئجه‌نین بیر وعده‌سینده (آخشام و گئجه ساعت‌لاریندا) و گونورتا راده‌لرینده ده رببینی اؤیوب تقدیس ائت (شام، گئجه و گونورتا نامازلارینی قیل) کی، (بونون موقابیلینده تانری-نین سنی بؤیوک ثاوابا، یوکسک درجه‌لره، یاخود اوممتین اوچون شفاعته نایل ائتمه‌سین‌دن) راضی (خوشهال) اولاسان!

131. (کافیرلرین) بعضی زومره‌لرینی سیناماق اوچون اونلارا دونیا حیاتی‌نین زینتی اولا‌راق وئردیگیمیز مال-دؤولته رغبت گؤزو ایله باخما! (گؤزونو دیکمه!) رببی‌نین روزی‌سی (برکتی) هم داها خئییرلی، هم ده داها باقی‌دیر (سورک‌لی‌دیر، ابعدی‌دیر)!

132. اهلینه (اهلی-بئیته و اوممتینه) ناماز قیلماغی امر ائت، اؤزون ده اونا (نامازا) سبیرله داوام ائت (یاخود میشت چتین‌لیک‌لرینه دؤز). بیز سن‌دن روزی ایستمیریک، (عکسینه) سنه روزی وئرن بیزیک. (گؤزل) عاقیبت تقوا صاحب‌لری‌نین‌دیر (موتتقی‌لرین‌دیر)!

133. (کافیرلر) دئدی‌لر: نه اوچون او (محمّد) رببین‌دن بیزه (حقیقی پیغمبر اولماسینا دلالت ائدن) بیر نشانه  گتیرمیر؟ مگر (قورآندا) اونلارا اوولکی (ایلاهی) کیتاب‌لاردا (کئچمیش اوممت‌لرین حیاتینا، کوفرلری اوزون‌دن دوچار اولدوق‌لاری موصیبت‌لره دایر) اولان‌لارین بیانی (یاخود آچیق-آشکار دلی‌لی) گلمدیمی؟!

134. اگر بیز اونلاری (مککه موشریک‌لرینی) بون‌دان (پیغمبر و قورآن گلمزدن) اول عذابلا محو ائتسیدیک، (قیامت گونو) موطلق بئله دئیه‌جکدی‌لر: ائی رببیمیز! نه اوچون زلیل و روسوای اولمازدان اول بیزه بیر پیغمبر گؤندرمدین کی، سنین آیه‌لرینه (حؤکم‌لرینه) تابع اولایدیق؟!

135. (یا رسولوم!) دئ: هامی (آخیرت) گؤزلمکده‌دیر، سیز ده گؤزلیین. (قیامت گونو) دوغرو یول صاحب‌لری‌نین کیم‌لر (بیز، یوخسا سیز) اولدوغونو و کیمین حاق یولو تاپدیغینی (هیدایته یئتیشدیگینی) بیلجکسینیز!


قرآن-نین تورکجه ترجومه سی‎ > ‎
21-الأنبیاء

ال-انبیا (پیغمبرلر) سوره‌سی

(مککه‌ده نازیل اولموش‌دور، 112 آیه‌دیر)

باغیشلیلان و رحم ائدن تانری-نین آدینان

1. اینسان‌لارین حاق-حساب واختی (قیامت گونو) یاخینلاشدی، اونلار ایسه هله ده غفلت ایچینده‌دیرلر و (قیامته اینانماق‌دان) اوز دؤندریرلر. (قیامت اینسان‌لار اوچون نه قدر اوزاق ایسه، تانری-نین درگاهیندا بیر او قدر یاخین‌دیر. فانی دونیایا، شان-شؤهرته اولان مئیل، وارلانماق هوه‌سی اینسان‌لارین باشینی ائله قاتمیش‌دیر کی، قیامت گونو باره‌سینده اصلا فیکیرلشمیرلر).

2. رببین‌دن اونلارا (بیر-بیری‌نین آردینجا) ائله بیر یئنی خبردارلیق (اؤیود-نصیحت) گلمز کی، اونو مسخره‌یه قویوب دینلمه‌سین‌لر؛

3. قلب‌لری غفلت ایچینده اولا‌راق (اونا قولاق آسماسین‌لار). ظالم‌لار اؤز آرا‌لاریندا گیزلی پیچیلداشیب (بیر-بیرینه): بو (محمّد) سیزین کیمی آنجاق آدی بیر اینسان‌دیر. (اونون گتیردیگی قورآن سئحردن، جادودان باشقا بیر شئی دئییل‌دیر). گؤزونوز گؤره-گؤره سئحرمی اویورسونوز؟ – دئدی‌لر.

4. (پیغمبر مککه موشریک‌لرینه) بئله دئدی: رببیم گؤیده و یئرده (سؤی‌لنن) هر سؤزو بیلیر. او، (هر شئیی) ائشی‌دن‌دیر، بیلن‌دیر!

5. اونلار (موختلیف فیکیرلره دوشه‌رک) بئله دئدی‌لر: خئیر، (بو قورآن) قارماقاریشیق یوخولاردیر؛ خئیر، اونو اؤزو اویدورموش‌دور؛ خئیر، او، بیر شاعردیر. (اگر او، حقیقی پیغمبردیرسه، بونو ثبوت ائتمک اوچون) قوی اوولکی پیغمبرلره گؤندریلن نشانه ‌لر کیمی بیزه بیر نشانه  گتیرسین!

6. اونلاردان اول محو ائتدیگیمیز هئچ بیر مملکت (اهلی نشانه ‌لرله گلمیش پیغمبرلرینه) ایمان گتیرمه‌دی. بونلارمی ایمان گتیره‌جک‌لر؟

7. (یا رسولوم! بیز سن‌دن اول ده هر بیر اوممته ملک دئییل) آنجاق کیشی‌لر (کیشی پیغمبرلر) گؤندردیک کی، اونلارا وحی ائدیردیک. اگر بیلمیرسینیزسه، ذکر (کیتاب) اهلین‌دن سوروشون!

8. بیز اونلاری (پیغمبرلری) یئمز-ایچمز (یئمک یئمز) بیر بدن یاراتمادیق. اونلار (دونیادا) ابعدی ده دئییل‌لر.

9. سونرا اونلارا وئردیگیمیز وعدی یئرینه یئتیردیک. (پیغمبرلره) و ایستدیگیمیز کس‌لره (اونلارا ایمان گتیرن‌لره) نجات وئردیک، (تانری-یاا شریک قوشماقلا، کوفر ائتمکله) حدی آشان‌لاری ایسه محو ائتدیک.

10. حقیقتن، سیزه (قورئیش اهلینه) ائله بیر کیتاب نازیل ائتدیک کی، او سیزدن اؤترو بیر شرف‌دیر. (او سیزین قدیر-قیمتینیزی یوکسلدر، دینی و دونیوی احتیعجلارینیزی آرا‌دان قالدیرار، اورک‌دن اینانان‌لارا بئهیشت یولونو گؤسترر. حالال-حرامی دایم مؤمین‌لرین یادینا سالار). مگر درک ائتمیرسینیزمی؟

11. بیز ظالم اولان (کوفر ائدن) نئچه-نئچه مملکتی (مملکت اهلینی) محو ائتدیک و اونلاردان سونرا باشقا بیر قوم (جاماعت) یاراتدیق.

12. اونلار عذابیمیزی (اونلاری محو ائدجییمیزی) حیسس ائدن کیمی درحال اورا‌دان (اؤز یوردلاریندان‌) قاچماغا اوز قویدولار.

13. (ملک‌لر ایستئهزا ایله اونلارا بئله دئدی‌لر: ) قاچمایین، کئف چکدیگینیز یئره، مسکن‌لرینیزه قاییدین . یقین کی، (هارا گئتمیشدینیز؛ مال-دؤولتینیز، جه-جلالینیز نئجه اولدو، دئیه) سورغو-سوال ائدیلجکسینیز!

14. اونلار (نجات تاپماق‌دان اومیدلرینی اوزونجه): وای حالیمیزا! بیز، حقیقتن، ظالم اولموشوق (رببیمیزه کوفر ائتمکله اؤزوموز اؤزوموزه ظلم ائتمیشیک) ، - دئدی‌لر.

15. بیز اونلاری اوت کیمی بیچنه‌جن (کوله دؤندرنه‌جن) ائله بو سؤزلری دئییب دوروردولار (ناله چکیردی‌لر).

16. بیز گؤیو، یئری و اونلار آراسیندا اولان‌لاری اویون-اویونجاق یاراتمادیق. (کاینات ابس یئره دئییل، تانری-نین قودرتی‌نین تجسسومو کیمی یارادیلمیش‌دیر. بونا گؤره ده اینسان‌لار یالنیز اونون خالیقی تانری-یاا عبادت ائتمه‌لی‌دیرلر).

17. اگر بیز (اؤزوموزه) ایلنجه ائتمک (آرواد-اوشاق دوزلتمک) ایستسیدیک، اونو موطلق اؤز درگاهیمیزدان (ملک‌لردن، هوری‌لردن) ائدردیک. لاکین بیز (بونو) ائتمدیک. (چونکی تانری-یاا، اینسان‌لاردان فرق‌لی اولا‌راق، ایلنمک، اؤزونه اؤولاد گؤتورمک، یاخود کیمیسه اؤزونه یولداش ائتمک یاراشماز).

18. خئیر، بیز باطیلی حاقلا (کوفورو ایمانلا) رد ائدریک (حاقی باطیلین تپه‌سینه آتاریق) و او دا اونو (باطیلی) یوخ ائدر. (بیر ده باخیب گؤررسینیز کی) او یوخ اولوب گئتمیش‌دیر. (باطیل سؤزلرله تانری-یاا) ایسناد ائتدیگینیز صیفت‌لره گؤره وای حالینیزا!

19. گؤی‌لرده و یئرده اولان (بوتون) مخلوقات اونون‌دور (تانری-نین قودرت اثری‌دیر). اونون درگاهیندا اولان‌لار (روتبه و شرف ائعتیباریله من تانری-یاا یاخین ملک‌لر) اونا عبادت ائتمه‌یه تکببور گؤسترمز و (بو عبادت‌دن) یورولماق بیلمزلر.

20. اونلار گئجه-گوندوز، یورولوب-اوسانما‌دان (رببینی) تقدیس ائدیب شأنینه تعریف‌لر دئیرلر.

21. یوخسا (مککه موشریک‌لری) یئردن (یئرده مؤوجود اولان داش، قیزیل-گوموش و س. -دن اؤزلری اوچون) تانری‌لار قبول ائتدی‌لر کی، اونلار اؤلولری دیریلده‌جک‌لر؟ (خئیر، تانری دان باشقا هئچ کس (اؤلولری) دیریلدیب محشره گتیرمه‌یه قادیر دئییل‌دیر!)

22. اگر (یئرده و گؤیده) تانری دان باشقا تانری‌لار اولسا ایدی، اونلارین ایکی‌سی ده (مووازینت‌دن چیخیب) فسادا اوغرایاردی. عرشین صاحبی اولان تانری (موشریک‌لرین اونا) عاید ائتدیک‌لری صیفت‌لردن تامامیله اوزاق‌دیر!

23. (تانری) گؤردوگو ایشلر باره‌سینده سورغو-سوال اولونماز؛ اونلار (بوتون بنده‌لر) ایسه (توتدوق‌لاری عمل‌لره گؤره) سورغو-سوال ائدیله‌جک‌لر.

24. یوخسا (موشریک‌لر اؤزلری اوچون) اوندان (او تانری دان) باشقا تانری‌لار قبول ائتدی‌لر؟ (یا رسولوم!) دئ: (ائتدیگینیز عملین دوزگون‌لوگونو ثبوت ائدن) دلیلینیزی گتیرین. بو منیمله اونلارین (اوممتیمین) کیتابی (قورآن)، بو دا من‌دن اوولکی‌لرین کیتابی (تؤورات و اینجیل)! خئیر، اونلارین اکثریتی حاقی بیلمز و بونا گؤره ده (اوندان) اوز دؤندرر!

25. (یا رسولوم!) سن‌دن اول ائله بیر پیغمبر گؤندرمدیک کی، اونا: من‌دن باشقا هئچ بیر تانری یوخ‌دور. بونا گؤره ده یالنیز منه عبادت ائدین! – دئیه وحی ائتمیک.

26. (کافیرلر: ) رحمان (ملک‌لردن اؤزونه) اؤولاد گؤتوردو! – دئدی‌لر. او، پاک‌دیر، موقددس‌دیر! (بئله شئی‌لردن تامامیله اوزاق‌دیر!) خئیر، (ملک‌لر اونون اؤولادی دئییل، خلق ائتدیگی) مؤهترم قول‌لاردیر.

27. (ملک‌لر) اوندان قاباق سؤز دانیشماز، یالنیز اونون امری ایله ایش گؤررلر.

28. (تانری) اونلارین اؤندکی‌لرینی ده، آرخالارینداکینی دا (نه ائتدیک‌لرینی و نه ائده‌جک‌لرینی) بیلیر. اونلار یالنیز (تانری نین) راضی اولدوغو (ایزین وئردیگی) کس‌لردن اؤترو شفاعت ائده بیلر و اونون هئیبتین‌دن قورخارلار.

29. (ملک‌لردن) هئچ کس: من اوندان باشقا بیر تانرییام! – دئسه، اونو جهنمله جزالاندیراریق. بیز ظالم‌لارا بئله جزا وئریریک.

30. مگر کافیر اولان‌لار گؤیله یئر بیتیشیک ایکن بیزیم اونلاری آییردیغیمیزی، هر بیر جانلینی سودان یاراتدیغیمیزی بیلمیرلرمی؟! یئنه ده ایمان گتیرمزلر؟ (گؤی‌لر ایلک یارادیلیشدا بیر-بیرینه بیتیشیک بیر طبقه اولدوغو حالدا، اونلارین آراسی هاوا ایله آچیلیب یئددی طبقه‌یه آیریلمیش، یئر ده بیر طبقه ایکن سونرا یئددی طبقه‌یه بؤلونموش‌دور. بو، تانری-نین قودرتینی، عظمتینی ثبوت ائدن ان توتارلی دلیل‌لردن‌دیر).

31. یئر اونلاری سیلکه‌لمه‌سین (آتیب-توتماسین) دئیه، اورادا مؤحکم (دورموش) داغ‌لار یاراتدیق؛ اونلار (ایستدیک‌لری یئره) راحت گئدیب چاتا بیلسین‌لر دئیه، اورادا گئنیش یول‌لار عمله گتیردیک.

32. گؤیو (یئردن اؤترو و اونون اوستونه دوشمه‌سین دئیه) قورونوب ساخلانیلان بیر تاوان ائتدیک. حال بوکی (کافیرلر) آیه‌لریمیزدن (وهدانیتیمیزی، قودرتیمیزی ثبوت ائدن بو دلیل‌لردن) اوز دؤندردی‌لر.

33. گئجنی و گوندوزو ده، گونشی و آیی دا یارا‌دان اودور. اونلارین (همچی‌نین اولدوزلارین) هر بیری (اؤزونه مخصوص) بیر گؤیده اوزور (اؤز هدقه‌سینده، اؤز دایره‌سینده حرکت ائدیر).

34. (یا رسولوم!) سن‌دن اول ده (دونیادا) هئچ بیر بشره ابدیات (اؤلمزلیک) وئرمدیک. بئله اولدوغو تق‌دیرده، سن اؤلسن، اونلار دیریمی قالا‌جاق‌لار؟!

35. هر بیر کس (هر بیر جان‌لی) اؤلومو دادا‌جاق‌دیر. (دؤزوب-دؤزمیجیینیزی، شوکور ائدجیینیزی، یاخود نانکور اولاجاغینیزی) یوخلاماق مقصدیله بیز سیزی شر و خئییرله (خسته‌لیک، یوخسوللوق، احتیاج و ساغلام‌لیق، وار-دؤولت و جاه-جلاللا) ایمتاهانا چکریک. و سیز (قیامت گونو عمل‌لرینیزین اوزینی آلماق اوچون) آنجاق بیزیم حضوروموزا قایتاریلاجاقسینیز!

36. (یا رسولوم!) کافیر اولان‌لار سنی گؤردوک‌لری زامان آنجاق مسخره‌یه قویا‌راق (بیر-بیرینه): سیزین تانری‌لارینیزا طعنه ائدن بومودور؟ – دئیرلر. حال بوکی اونلار، محض اونلار رحمانین اؤیود-نصیحتینی (قورآنی) اینکار ائدیرلر.

37. اینسان تله‌سن (هؤوسه‌له‌سیز) یارادیلمیش‌دیر. (اینسان طبیعتی ائعتیباریله هؤوسه‌له‌سیزدیر، تلسکن‌دیر. تانری-نین عذابی‌نین تئز گلمه‌سینی ایسته‌ین موشریک‌لر کیمی). آیه‌لریمی (پیغمبرین دئدیگی سؤزلرین دوزگون اولماسینی، عذابیمی تئزلیکله) سیزه گؤستره‌جه‌یم. هله منی تلسدیرمیین!

38. اونلار (کافیرلر): اگر سیز دوغرو دانیشیرسینیزسا، بو وعدین (عذابین، یاخود قیامتین) نه واخت اولاجاغینی بیل‌دیرین! – دئییرلر.

39. کاش کافیرلر آتشی اوزلرین‌دن و آرخالاریندان‌ دف ائده بیلمه‌یه‌جک‌لری و اونلارا هئچ بیر یاردیم اولونمایاجاغی واختی (قیامتی) بیلیدی‌لر! (اگر بیلسیدی‌لر، بئله بیر سوال وئرمز، هم ده تانری-نین عذابی‌نین تئزلیکله گلمه‌سینی ایستمزدی‌لر).

40. خئیر، (قیامت) اونلاری گؤزلنیلمه‌دن یاخالایار و شاشیردار (مات-مبهوت ائدر). (کافیرلر) اونو اصلا گئری قایتارا بیلمزلر و اونلارا (توبه، عذرخاه‌لیق اوچون) مؤهلت ده وئریلمز!

41. (یا رسولوم!) سن‌دن اول ده پیغمبرلره ایستئهزا ائدیلمیشدی. ایستئهزا ائدن‌لری مسخره‌یه قویدوق‌لارین شئیین اؤزو (پیغمبرلرین اونلاری قورخوتدوغو عذاب) محو ائتدی.

42. دئ: سیزی گئجه (یاتدیغینیز واخت) و گوندوز (گزیب دولاندیغینیز زامان) رحمان‌دان (رحمانین عذابین‌دان) کیم قورتارا بیلر؟ اما اونلار رببی‌نین اؤیود-نصیحتین‌دن (قورآن‌دان) اوز دؤندردی‌لر.

43. یوخسا اونلارین بیزدن باشقا (عذابی) اونلاردان دف ائده بیله‌جک تانری‌لاری واردیر؟! اونلار (او تانری‌لار) هئچ اؤزلرینه بئله یاردیم ائتمه‌یه قادیر اولماز، بیزدن ده (عذابیمیزدان دا) قورونا بیلمزلر. (و یا: بیزدن ده دستک گؤره بیلمزلر).

44. دوغروسو، بیز بونونلا (بو کافیرلره) و آتا‌لارینا عؤمورلری اوزانینجایا قدر (دونیادا) گون-گوزران وئردیک. (اونلار فانی دونیا مالینا آلدانیب مغرور اولدولار). مگر بیزیم (اونلارین) تورپاغینا گیریب اونو هر طرف‌دن اسکیلتدیگیمیزی (گون‌دن-گونه یوردلاری‌نین موسلمان‌لارین الینه کئچدیگینی) گؤرمورلرمی؟ بئله اولدوقدا، قالیب اولان‌لار اونلارمی‌دیر؟!

45. (یا رسولوم!) دئ: من سیزی آنجاق وحی ایله قورخودورام . کارلار قورخودولدوغو زامان چاغیریشی ائشیتمزلر!

46. حقیقتن، اگر رببی‌نین عذابین‌دان آز بیر شئی اونلارا توخونسا، اونلار موطلق: وای حالیمیزا! بیز، دوغرودان دا، ظالم اولموشوق (تانری-یاا شریک قوشماقلا، کوفر ائتمکله اؤزوموز اؤزوموزه ظلم ائتمیشیک) – دئیه‌جک‌لر.

47. بیز قیامت گونو اوچون عدالت ترزی‌سی قوراریق. هئچ کسه اصلا حاق‌سیزلیق ائدیلمز. بیر خاردال دنه‌سی آغیرلیغیندا اولسا بئله اونو (هر هانسی بیر عملی ترزییه) گتیرریک. حاق-حساب چکمه‌یه بیز کیفایتیک.

48. بیز موسی و هارونا فورقانی (حاقی باطیل‌دن آییران تؤوراتی دوغرو یولو گؤسترن) بیر نور و موتتقی‌لردن اؤترو اؤیود-نصیحت اولا‌راق وئرمیشدیک.

49. او کس‌لردن اؤترو کی، اونلار اؤز رببین‌دن اونو گؤرمه‌دن (یاخود تانری-نین آخیرتده وئرجیی عذاب‌دان) قورخار و قیامت‌دن لرزه‌یه گلرلر.

50. بو (قورآن) نازیل ائتدیگیمیز موبا‌رک (اینسان‌لارا دایم خئییر-برکت گتیرن) بیر کیتاب‌دیر. ایندی سیز اونو اینکارمی ائدیرسینیز؟

51. بیز داها اؤنجه ایبراهیمه ده دوغرو یولو نصیب ائتمیشدیک (پیغمبرلیک ائحسان بویورموشدوق). بیز اونو (اونون بونا لاییق اولدوغونو) بیلیردیک.

52. (ایبراهیم) آتاسینا و طایفه‌سینا: سیزین تاپینیب دوردوغونوز بو هیکل‌لر ندیر؟ – دئدیگی زامان

53. اونلار: بیز آتا‌لاریمیزی اونلارا عبادت ائدن گؤردوک! – دئیه جاواب وئرمیشدی‌لر.

54. (ایبراهیم اونلارا: ) آند اولسون کی، سیز ده، آتا‌لارینیز دا (حاق یول‌دان) آچیق-آشکار آزمیسینیز! – دئمیشدی.

55. اونلار: سن بیزه جدی دئییرسن، یوخسا زارافات ائدیرسن؟ (سن بیزه حاقلامی گلدین، یوخسا اویونبعزلاردانسان؟) – دئیه سوروشدوقدا

56. (ایبراهیم) بئله جاواب وئرمیشدی: خئیر، رببینیز گؤی‌لرین و یئرین رببی‌دیر کی، اونلاری یاراتمیش‌دیر. من ده بونا شاهیدلیک ائدن‌لردنم!

57. تانری-یاا آند اولسون کی، سیز چیخیب گئتدیک‌دن سونرا بوت‌لرینیزه بیر هیه قوراجاغام! (باش‌لارینا بیر اویون آچاجاغام!)

58. (اونلار گئدن کیمی ایبراهیم بوت‌لری) پارچا-پارچا ائدیب یالنیز اونلارین بؤیوگونو ساخلادی کی، بلکه، قاییدیب اونا باش چکدی‌لر. (قوی آنلاسین‌لار کی، بو دیل‌سیز-عقل‌سیز بوت‌لر نینکی باشقا‌لارینی، حتی اؤزلرینی بئله قوروماغا قادیر دئییل‌لر. بونا گؤره ده اونلارا عبادت ائتمک ان بؤیوک گوناهدیر).

59. (اونلار قایی‌دان کیمی ایشین نه یئرده اولدوغونو گؤروب) دئدی‌لر: بونو تانری‌لاریمیزا کیم ائدیبسه، او، شوبهه‌سیز کی، ظالم‌لاردان‌دیر!

60. (موشریک‌لرین بعضی‌لری:) ایبراهیم دئییلن بیر گنجین اونلاری پیسلدیگینی ائشیتمیشیک! – دئدی‌لر.

61. (قالان‌لاری: ) بونلارین شاهیدلیک ائده بیلمه‌لری اوچون اونو (تاپیب) جاماعتین گؤزو قاباغینا گتیرین! – دئدی‌لر.

62. (موشریک‌لر ایبراهیمی تاپیب گتیره‌رک:) یا ایبراهیم! تانری‌لاریمیزی سنمی بو گونه سالدین؟ - دئیه سوروشدولار.

63. (ایبراهیم سیندیرمادیغی ایری بوتو گؤستریب:) بلکه، اونلارین بو بؤیوگو بونو ائتمیش‌دیر. اگر دانیشا بیلیرلرسه، اؤزلرین‌دن سوروشون! – دئیه جاواب وئردی.

64. بونون نتیجه‌سینده اونلار (عقل‌لارینی باش‌لارینا ییغیب) اؤز-اؤزلرینه مراجعتله: سیز، دوغرودان دا، زالیملارسینیز (دیل‌سیز-عقل‌سیز، هئچ اؤزلرینی بئله قوروماغا قادیر اولمایان بوت‌لره تاپینماقلا اؤزونوز اؤزونوزه ظلم ائدیرسینیز) ، - دئدی‌لر.

65. سونرا (موباهیسه‌ده عاجیز قالدیق‌لارینی گؤروب) یئنه ده اؤز کوفرلرینه (باش‌لاریندا اولان اسکی اعتیقادا) قاییدا‌راق (ایبراهیمه): آخی سن بیلیرسن کی، بون‌لار دانیشمیرلار! – دئدی‌لر.

66. (ایبراهیم) دئدی: ائله ایسه تانری-یاا قویوب سیزه هئچ بیر خئییر و ضرر وئره بیلمه‌ین بوت‌لرمی عبادت ائدیرسینیز؟

67. تفو سیزه ده، تانری دان باشقا عبادت ائتدیگینیز بوت‌لره ده! عجبا، (ائتدیگینیز عمل‌لرین قباهتینی) آنلامیرسینیز؟

68. (نمرود و اطرافین‌داکی‌لار اؤز جاماعتینا) بئله دئدی‌لر: اگر (تاپیندیق‌لارینیزا یاردیم گؤسترمک، اونلاری خلاص ائتمک اوچون) بیر ایش گؤرجکسینیزسه، اونو (ایبراهیمی) یان‌دیرین و تانری‌لارینیزا یاردیم ائدین!

69. بیز ده: ائی آتش! ایبراهیمه قارشی سرین و ضررسیز اول! (حتی سویوغون بئله اونا ضرر یئتیرمه‌سین!) – دئیه بویوردوق.

70. اونلار (ایبراهیمه) حیله قورماق ایسته‌دی‌لر، لاکین بیز اونلاری (جوربجور موصیبت‌لره دوچار ائتمکله، خصوصیله اوست‌لرینه اتلرینی یئییب قان‌لارینی ایچن حشرات گؤندرمکله) داها چوخ زیانا اوغراتدیق.

71. بیز اونو دا (ایبراهیمی ده)، (قارداشی اوغلو) لوتو دا (نمرود طایفه‌سی‌نین الین‌دن قورتاریب) عالم‌لر اوچون موبا‌رک ائتدیگیمیز (تورپاغیندا بشر اؤولادینا برکت‌لر وئردیگیمیز) یئره (شاما) قوووشدوردوق.

72. بیز اونا (ایبراهیمه) ایسهاقی، اوسته‌لیک یعقوبو دا بخش ائدیب اونلارین هامی‌سینی صالح کیمسه‌لر ائتدیک.

73. بیز اونلاری امریمیزله (اینسان‌لاری) دوغرو یولا گتیرن ایمام‌لار (رهبرلر) ائتدیک. بیز اونلاری خئییرلی ایشلر گؤرمیی، ناماز قیلماغی و زکات وئرمیی وحی ائتدیک. اونلار یالنیز بیزه عبادت ائدیردی‌لر.

74. بیز لوتا دا بیر حؤکم (حیکمت، پیغمبرلیک؛ چتین مسئله‌لری هلل ائدیب حؤکم چیخارتماق) و علم وئردیک، اونو (اها‌لی‌سی) چیرکین ایشلر گؤرن بیر مملکت‌دن (چیخاردیب) خلاص ائتدیک. حقیقتن، اونلار پیس، فاسیق (تانری-یاا آسی اولان، پوزغون) بیر طایفه‌ایدی‌لر.

75. بیز اونو مرحمتیمیزه قوووشدوردوق، چونکی او، دوغرودان دا، صالح کیمسه‌لردن ایدی.

76. (یا رسولوم!) نوحو دا (یاد ائت)! او داها اؤنجه (اؤز کافیر اوممتی‌نین عذابا دوچار اولماسی حاقیندا) یالواریب دعا ائتمیشدی. بیز اونون دعاسینی قبول بویورموش، اونو دا، عائله‌سینی ده بؤیوک فلاکت‌دن (توفان‌دان) قورتارمیشدیق!

77. بیز آیه‌لریمیزی یالان حساب ائدن بیر قومه قارشی اونا یاردیم گؤسترمیشدیک. اونلار، حقیقتن، پیس بیر جاماعت ایدی‌لر. بونا گؤره ده بیز اونلارین هامی‌سینی (سویا) غرق ائتدیک.

78. (یا رسولوم!) داوودو و سولئیمانی دا (یاد ائت)! او زامان کی، اونلار بیر طایفه‌نین قویون‌لاری‌نین گیریب خاراب ائتدیگی بیر اکین ساحه‌سی حاقیندا حؤکم وئریردی‌لر و بیز ده اونلارین حؤکمونه شاهید ایدیک.

79. بیز اونو (مسئله‌نین حؤکمونو) درحال سولئیمانا آنلاتدیق. و اونلارین هر بیرینه حؤکم (حیکمت، پیغمبرلیک) و علم (شریعتی درین‌دن بیلمک) وئردیک. بیز داغ‌لاری و قوش‌لاری داوودلا بیرلیکده (تانری-یاا) تقدیس ائدیب تعریفله‌سین‌لر دئیه اونا رام ائتدیک. بون‌لاری (سیزه تعجب‌لو گؤرونسه ده، لؤوحی-محفوظداکی ازه‌لی حؤکموموزله) بیز ائتمیشدیک.

80. بیز (داوودا) سیزی (دوشمنله) ووروشدا قوروماق اوچون زیرئه (توخوماق) صنعتینی اؤیرتدیک. (ائی مککه اهلی! رببینیزین بو نعمتینه) آرتیق شوکور ائدرمیسینیز؟

81. امریله برکت وئردیگیمیز یئره (شاما) دوغرو شدتله اسن کولیی ده سولئیمانا بیز رام ائتدیک. بیز هر شئیی بیلنیک!

82. بیز شیطان‌لاردان قوواس‌لیق ائدن‌لری و باشقا ایشلر گؤرن‌لری (ائو تیکن‌لری، مئحراب دوزل‌دن‌لری) ده اونون ایختیارینا وئردیک. بیز (سولئیمانین امرین‌دن چیخماسین‌لار، گؤردوک‌لری ایشلری تزه‌دن کورلاماسین‌لار، فیتنه-فساد تؤرتمه‌سین‌لر دئیه) اونلارین اوستونده گؤز اولوردوق.

83. (یا رسولوم!) اییوبو دا (یادا سال)! بیر واخت او، رببینه یالواریب دعا ائده‌رک بئله دئمیشدی: منه بلا اوز وئردی (سنه پناه گتیردیم). سن رحم‌لی‌لرین رحم‌لی‌سیسن!

84. بیز (اییوبون) دعاسینی قبول بویوردوق، اونو دوچار اولدوغو بلا‌دان (خسته‌لیک‌دن و عائله‌سینه اوز وئرمیش موصیبت‌دن) قورتاردیق. درگاهیمیزدان (اییوبا) بیر رحمت و (تانری-یاا) عبادت ائدن‌لره عیبرت درسی (اؤیود-نصیحت) اولسون دئیه، (هلاک اولموش) اؤولادلارینی قایتاریب اونا وئردیک، اوسته‌لیک بیر او قدر ده علاوه ائتدیک.

85. (یا رسولوم!) ایسمای‌لی، ایدری‌سی و زولکیف‌لی ده (یاد ائت)! اونلارین هر بیری صبر ائدن کیمسه‌لردن ایدی.

86. بیز اونلاری مرحمتیمیزه قوووشدوقدوق (پیغمبر ائتدیک). اونلار، دوغرودان دا، صالح بنده‌لردن ایدی‌لر.

87. زون-نونو (بالیق صاحبی یونی‌سی) دا خاطیرلا! بیر زامان او (کوفر ائتمکده حدی آشمیش اوممتینه قارشی) غضب‌لنه‌رک چیخیب گئتمیش و (بیزه خوش گلمه‌ین بو سبیرسیزلیگینه گؤره) اونو مؤهنته دوچار ائتمیجییمیزی (گوجوموز، یاخود هوکموموزون اونا یئتمیجیینی) گومان ائتمیشدی. اما سونرا قاران‌لیق‌لار ایچینده (بالیغین قارنیندا؛ گئجه‌نین، یاخود دنیزین ظولمتینده): (پروردیگارا!) سن‌دن باشقا هئچ بیر تانری یوخ‌دور. سن پاکسان، موقددسسن! من ایسه، حقیقتن، ظالم‌لاردان اولموشام (امرینه قارشی چیخا‌راق اؤزومه ظلم ائلمیشم) ،-دئییب دعا ائتمیشدی.

88. بیز اونون (یونی‌سین) دعاسینی قبول بویوردوق و (بالیغین قارنین‌دان چیخارتماقلا) اونو قم‌دن قورتاردیق. بیز مؤمین‌لره بئله نجات وئریریک!

89. (یا رسولوم!) زکریانی دا (یادا سال)! بیر واخت او: ائی رببیم! منی تک (کیمسه‌سیز، واریث‌سیز) بوراخما. سن واریث‌لرین ان یاخشی‌سیسان! (بوتون مخلوقات یوخ اولار، آنجاق سن قالارسان!) – دئیه یالواریب رببینه دعا ائتمیشدی.

90. بیز (زکریانین) دعاسینی قبول بویوردوق، اونا یحیانی بخش ائتدیک و زؤوجه‌سینی (دوغماغا) قابیل بیر حالا گتیردیک. اونلار خئییرلی ایشلر گؤرمه‌یه تلسر (یاخشی عمل‌لر ائتمکده بیر-بیرینی اؤتمه‌یه چالیشار)، اومید و قورخو ایله (رحمتیمیزه اومید بسله‌ییب عذابیمیزدان قورخا‌راق) بیزه عبادت ائدیردی‌لر. اونلار بیزه موتعقی ایدی‌لر.

91. (یا رسولوم!) ایسمتینی (بکارتینی) قورویانی دا (مریمی ده یاد ائت)! بیز اؤز روحوموزدان (اؤزوموزون یاراتدیغیمیز روح‌دان جبرایل واسطه‌سیله) اونا اوفوردوک، اونو و اوغلونو (آتا‌سیز دوغولموش عیسینی) عالم‌لره (ملک‌لره، بوتون اینسان‌لارا و جین‌لره) بیر نشانه  ائتدیک.

92. (ائی اینسان‌لار!) حقیقتن، بو (تؤوحید دینی اولان ایسلام) تک بیر دین اولا‌راق سیزین دینینیزدیر. من ده سیزین رببینیزم. بونا گؤره ده یالنیز منه عبادت ائدین!

93. اما (اینسان‌لار دین باره‌سینده) اؤز آرا‌لاریندا فیرقه‌لره بؤلونوب پارچالاندی‌لار. اونلارین هامی‌سی بیزیم حضوروموزا قاییدا‌جاق‌لار. (بیز ده مووافیق صورتده عمل‌لری‌نین اوزینی وئرجییک).

94. هر کیم مؤمین ایکن یاخشی ایشلر گؤرسه، اونون زحمتی دانیلمایا‌جاق‌دیر (موکافاتی تامامیله اؤدنیله‌جک‌دیر). شوبهه‌سیز کی، بیز اونون اوچون (گؤردوگو ایشلری ملک‌لر واسطه‌سیله عمل دفترینه) یازیریق.

95. محو ائتدیگیمیز هر هانسی بیر مملکت اهلی‌نین (قیامت قوپانا قدر توبه ائتمک اوچون بیر ده دونیایا، یاخود حاق دینه) قاییتماسی مومکون دئییل‌دیر (حرام‌دیر).

96. نهایت، یعجوج-معجوج (سددی‌نین) آچیلیب (داغیلیب) اونلار هر طرف‌دن (آلچاق و یوکسک تپه‌لردن) سورعتله (محشره) آخیشدیق‌لاری زامان؛

97. دوغرو وعد (قیامت گونو) یاخینلاشدیقدا کافیر اولان‌لارین گؤزلری (دحشت‌دن) درحال برلیب: وای حالیمیزا! بیز (دونیادا) بون‌دان قافیل ایدیک. خئیر، بیز ظالم اولموشوق (پیغمبرلرین دئدیک‌لرینه اینانماماقلا ظلم ائتمیشیک)! – دئیرلر.

98. (ائی مککه اهلی!) سیز و تانری دان قئیری عبادت ائتدیگینیز بوت‌لر ایسه جهنم یاناجاغیسینیز (اودونوسونوز). سیز اورا وارید اولاجاقسینیز!

99. اگر بون‌لار تانری اولسایدی‌لار، اورا گیرمزدی‌لر. هامی‌سی اورادا همیشه‌لیک قالا‌جاق‌لار.

100. اونلاری اورادا اینیلتی (آه-ناله) گؤزله ییر. اونلار اورادا (هئچ بیر خوش سؤز) ائشیتمزلر.

101. (یاخشی عمل‌لرین موکافاتی اولا‌راق) اؤنجه‌دن اؤزلرینه ان گؤزل نعمت (جننت، ابعدی سعادت) یازیلمیش کس‌لر – محض اونلار اوندان (جهنم‌دن) اوزاقلاشدیریلمیش اولا‌جاق‌لار.

102. اونلار (جهنمین) اوغولتوسونو ائشیتمه‌یه‌جک‌لر. اونلار (جننتده) اورک‌لری‌نین ایستدیگی (نعمت‌لر) ایچینده ابعدی قالا‌جاق‌لار.

103. اونلاری ان بؤیوک قورخو (ایسرافیلین سورو آخیرینجی دفعه چالینیب جهنم‌لیک‌لرین جهنمه آتیلماسی) محضون ائتمه‌یه‌جک‌دیر. ملک‌لر اونلاری قارشیلاییب: بو سیزه وعد اولونموش گونونوزدور! – دئیه‌جک‌لر.

104. گؤیو کیتاب صحیفه‌سی کیمی بوکوب قاتلایاجاغیمیز گونو (قیامت گونونو) یادینیزا سالین. (او گون اینسان‌لاری) ایلک دفعه (یوخ‌دان) یاراتدیغیمیز کیمی قایتاریب (دیریلدیب) اوولکی حالینا سالاریق. بیز یئرینه یئتیرمه‌لی اولدوغوموز وعدی موطلق یئرینه یئتیرجییک. (بیز قیامت گونو سیزی دیریلدیب لوت-اوریان، آنادانگلمه وضعیتده محشره گتیرمیی وعد ائتمیشدیک. بیز اونو موطلق ائدجییک).

105. بیز کیتاب‌دان (تؤورات‌دان، یاخود لؤوحی-محفوظدان) سونرا زبوردا دا (جننت تورپاغینا، یئر اوزونه و یا موقددس) تورپاغا یالنیز منیم صالح بنده‌لریمین داخیل اولاجاغینی یازمیشدیق.

106. حقیقتن، بوندا دا (قورآندا دا تانری-یاا) عبادت ائدن بیر اوممت‌دن اؤترو (کیفایت قدر) مویزه (اؤیود-نصیحت) واردیر.

107. سنی ده (یا رسولوم!) عالم‌لره (بوتون اینسان‌لارا و جین‌لره) آنجاق بیر رحمت اولا‌راق گؤندردیک. (سن تکجه اینسان‌لارا دئییل، عینی زاماندا جین‌لره ده پیغمبر گؤندریلمیسن. بوتون عالم‌لر اهلی، او جمله‌دن گؤی‌دکی ملک‌لر، یئردکی اینسان‌لار و جین‌لر سنین ووجودونلا شرفه نایل اولورلار. سنین ساینده گوناهکارلارا مؤهلت وئریلمیش، حتی سنی اینکار ائدن‌لرین بئله جزاسی قیامته قدر تعخیره سالینمیش‌دیر. مؤمین‌لر ایسه سنه ایمان گتیرمکله دونیادا بؤیوک ثاواب قازانیب آخیرتده یوکسک درجه‌لره، ابعدی سعادته نایل اولا‌جاق‌لار).

108. (موشریک‌لره) دئ کی، منه، حقیقتن، بئله وحی اولونور: سیزین تانرینیز آنجاق بیر اولان تانری‌دیر. بون‌دان سونرا (اونا) اطاعت ائتمه‌یه (موسلمان اولماغا) بویون قویاجاقسینیزمی؟

109. (یا رسولوم!) اگر اونلار (ایمان‌دان) اوز دؤندرسه‌لر، دئ: (منه وحی اولونانی) سیزه اولدوغو کیمی (هامییا عینی درجه‌ده) بیلدیردیم. سیزه وعد اولونان شئیین (قیامت گونونون و یا مؤمین‌لرین قلبه‌سی‌نین) یاخینمی، اوزاقمی اولدوغونو بیلمیرم.

110. شوبهه‌سیز کی، (تانری) آشکار (اوجا‌دان) دئییلن سؤزو ده، سیزین گیزلتدیک‌لرینیزی ده بیلیر!

111. من بیلمیرم، بلکه ده، (جزانیزین) تعخیره سالینماسی سیزی ایمتاهانا چکمک و بیر مدت (عجلینیز چاتانا قدر) سیزه گون-گوزران وئرمک اوچون‌دور .

112. (پیغمبر) دئدی: ائی رببیم! (منیمله منی تکذیب ائدن مککه موشریک‌لری آراسیندا) عدالتله حؤکم ائت. سیزین منه عاید ائتدیگینیز صیفت‌لره (دئدیگینیز پیس سؤزلره) قارشی یاردیم دیلنیلمه‌سی کیمسه یالنیز رحمان اولان رببیمیزدیر


قرآن-نین تورکجه ترجومه سی‎ > ‎
22-الحج

ال-حجج (حجج) سوره‌سی

(مدینه‌ده نازیل اولموش‌دور، 78 آیه‌دیر)

باغیشلیلان و رحم ائدن تانری-نین آدینان

1. ائی اینسان‌لار! رببینیزدن قورخون. (تانری-نین عذابین‌دان قورخوب پیس عمل‌لردن چکی‌نین، یالنیز اونا عبادت و اطاعت ائدین). حقیقتن، قیامت گونونون (آخیر ساعتین) زلزه‌له‌سی دحشت‌لی شئی‌دیر!

2. اونو گؤرجیینیز گون هر بیر امزیک‌لی قادین امیزدیردیگی اوشاغینی اونودار، هر بیر حامیله قادین باری-هملینی (واختین‌دان اول) یئره قویار (اوشاق سالار). اینسان‌لاری سرخوش گؤررسن، حال بوکی اونلار سرخوش دئییل‌لر. آنجاق تانری-نین عذابی چوخ شدت‌لی‌دیر!

3. تانری حاقیندا هئچ بیر شئی بیلمه‌دن (علم‌سیز-دلیل‌سیز رببیمیز ملک‌لردن اؤزونه اؤولاد گؤتورموش‌دور - دئیه) موباهیسه ائدن و تانری-یاا آسی اولموش هر بیر شیطانا اویان اینسان‌لار دا واردیر.

4. (شیطان) حاقیندا عزل‌دن بئله یازیلمیش‌دیر (حؤکم ائدیلمیش‌دیر): هر کس اونونلا (شیطانلا) دوستلوق ائتسه، (شیطان) اونو یول‌دان چیخاردیب جهنم عذابینا سوروکلیر.

5. ائی اینسان‌لار! اؤلن‌دن سونرا یئنی‌دن دیریلجیینیزه شوبهه‌نیز وارسا (ایلک یارادیلیشینیزی یادا سالین). حقیقتن، بیز سیزی (بابانیز آدمی) تورپاق‌دان، سونرا منی‌دن (نوتفه‌دن)، سونرا لاختالانمیش قان‌دان، داها سونرا مویین، تام بیر شکله دوشموش (واختیندا دوغولموش) و دوشممیش (واختین‌دان اول دوغولموش) بیر پارچا اتدن یاراتدیق کی، (قودرتیمیزی) سیزه گؤسته‌رک. ایستدیگیمیزی آنا بتنینده مویین بیر مدت (عادتن، دوققوز آی) ساخلایار، سونرا سیزی (اورا‌دان) اوشاق اولا‌راق (دوغوروب) چیخارداریق. سونرا یئتکین‌لیک چاغینا (اوتوز-قیرخ یاش‌لارینا) یئتیشسینیز دئیه (سیزی بؤیودریک). کیمینیز (بو حده چاتمامیش) وفات ائدر، کیمینیز ده اؤمرون ائله بیر رزیل (ان ایختیار) چاغینا چات‌دیری‌لار کی، واختیله بیلدیگینی (تامامیله اونودوب کؤرپه اوشاق کیمی) بیلمز اولار. (ائی اینسان!) سن یئر اوزونو قوپقورو گؤررسن. بیز اونا یاغمور ائندیردیگیمیز زامان او، حرکته (جانا) گلیب قابارار (یاخود خمیر کیمی آجییار) و هر نؤو گؤزل (مئیوه‌دن، بیتکی‌دن) بار گتیرر.

6. بو (اینسان یارادیلیشی‌نین موختلیف مرحله‌لری، اؤلو تورپاغین جانا گتیریلمه‌سی) اونا گؤره‌دیر کی، تانری حاق‌دیر، اؤلولری دیریل‌دیر و او، هر شئیه قادیردیر!

7. بو (هم ده بئله بیر دانیلماز حقیقته اینانماغینیز اوچون‌دور کی) او ساعت (قیامت گونو) موطلق گله‌جک‌دیر، اونا هئچ بیر شکک-شوبهه یوخ‌دور و تانری قبیرلرده اولان‌لاری دیریلده‌جک‌دیر!

8. اینسان‌لار ایچینده (ابو جهل کیمی) ائله‌سی ده واردیر کی، هئچ بیر شئی بیلمه‌دن، حاق یولو گؤسترن هئچ بیر رهبری (یاخود توتارلی دلی‌لی) و نورانی (سما‌دان ائندیریلیب حؤکمونو آچیق بیل‌دیرن) کیتابی اولما‌دان تانری باره‌سینده موباهیسه ائدر.

9. او، بوینونو (تکببورله ساغا-سولا) ایه‌رک (اینسان‌لاری) تانری-نین یولون‌دان چیخارماق مقصدیله بونو ائدر. اونو دونیادا روسوایچی‌لیق گؤزله ییر، قیامت گونو ایسه اونا جهنم اودونون عذابینی داددیراجاغیق!

10. (او زامان اونا بئله دئییله‌جک:) بو، (دونیادا) اؤز اللرینله ائتدیگین گوناه‌لارین جزاسی‌دیر، یوخسا تانری بنده‌لرینه اصلا ظلم ائدن دئییل‌دیر!

11. اینسان‌لاردان ائله‌سی ده واردیر کی، تانری-یاا شککله عبادت ائدر. اگر اونا بیر خئییر توخونسا، (دینی باره‌سینده) آرخایین اولار (ایسلام‌دان مؤحکم یاپیشار). یوخ، اگر اونا بیر بلا (موصیبت) اوز وئرسه، چؤهره‌سی دییشر (ایسلام‌دان اوز دؤندریب یئنه کوفره قاییدار). بئله‌سی دونیانی دا الدن وئرر، آخیرتی ده. آچیق-آشکار زیان بودور، بو!

12. او، تانری-یاا بوراخیب اؤزونه نه ضرر، نه ده خئییر وئرن بوت‌لره تاپینار. حاق یول‌دان آزیب اوزاق دوشمک ده بودور!

13. اؤزو ده ضرری خئییرین‌دن داها چوخ (جهنمه داها یاخین) اولانا عبادت ائدر. او (بوت) نه پیس یاردیمچی، نئجه ده پیس یولداش‌دیر!

14. حقیقتن، تانری ایمان گتیریب یاخشی ایشلر گؤرن‌لری (آغاجلاری) آلتین‌دان چای‌لار آخان جننت‌لره داخیل ائدر. تانری ایستدیگینی ائدر.

15. هر کیم تانری-نین دونیادا و آخیرتده اونا (اؤز پیغمبرینه) یاردیم گؤسترمیجیینی زنن ائدیرسه، قوی گؤیه (ائوی‌نین تاوانینا) بیر ایپ اوزاتسین، سونرا دا (ایپی بوغازینا سالیب) کسسین (اؤزونو اوندان آسسین) و گؤرسون کی، اونون بو حیله‌سی غضبینه سبب اولان شئیی (تانری-نین پیغمبره گؤسترجیی یاردیمی) آرا‌دان قال‌دیرا بیلرمی؟ (البته، قال‌دیرا بیلمز! تانری-نین اؤز پیغمبرینه یاردیم ائتمه‌سینی ایستمه‌ین‌لر، غضب‌لرین‌دن اؤزلرینی آسسا‌لار دا، پارتلاییب چاتلاسا‌لار دا، تانری اونا دونیادا ظفر، آخیرتده ایسه یوکسک مقام‌لار نصیب ائده‌جک‌دیر).

16. بیز (قورآنی) بئله‌جه آچیق-آشکار آیه‌لر شکلینده نازیل ائتدیک. تانری دیلدیگینی دوغرو یولا مووففق ائدر.

17. حقیقتن، تانری ایمان گتیرن‌لر (موسلمان‌لار)، یهودی‌لر، سابیی‌لر (اولدوزپرست‌لر)، خاچ‌پرست‌لر، آتش‌پرست‌لر و موشریک‌لر آراسیندا قیامت گونو (حاق ایله باطیلی آییرد ائده‌رک) حؤکمونو وئره‌جک‌دیر. شوبهه‌سیز کی، تانری هر شئیه شاهیددیر! (اونلارین نه ائتدیک‌لرینی و نیه لاییق اولدوق‌لارینی چوخ گؤزل بیلیر!)

18. (ائی اینسان!) مگر گؤی‌لرده و یئرده اولان‌لارین (بوتون جان‌لی‌لارین)، گونشین، آیین و اولدوزلارین، داغ‌لارین، آغاجلارین و حیوان‌لارین، اینسان‌لارین بیر چوخونون (مؤمین‌لرین) تانری-یاا سجده ائتدیگینی گؤرمورسنمی؟ بیر چوخونا دا (کافیرلره ده) عذاب واجیب اولموش‌دور. تانری-نین آلچالتدیغی کیمسنی هئچ کس یوکسلده (سعادته قوووش‌دورا) بیلمز. حقیقتن، تانری دیلدیگینی ائدر!

19. رببی باره‌سینده موباهیسه آپاران بو ایکی زومره (مؤمین‌لر و کافیرلر بیر-بیرینه) دوشمن‌دیر. اونو اینکار ائدن‌لر اوچون آتش‌دن پالتار بیچیلمیش‌دیر؛ باش‌لارینا دا قاینار سو تؤکوله‌جک‌دیر.

20. او سو ایله قارین‌لاریندا اولان‌لار (باغیرساق‌لاری، جیرلری) و دری‌لری اریدیله‌جک‌دیر.

21. هله اونلار اوچون (باش‌لارینا وورولا‌جاق) دمیر توپپوزلار دا واردیر.

22. (کافیرلر) اورا‌دان – (جهنمده دوشدوک‌لری) قم‌دن قورتارماق ایستدیکجه، یئنی‌دن اورا قایتاری‌لار و (اونلارا:) دادین آتشین عذابینی! (دئیی‌لر).

23. حقیقتن، تانری ایمان گتیریب یاخشی ایشلر گؤرن‌لری (آغاجلاری) آلتین‌دان چای‌لار آخان جننت‌لره داخیل ائده‌جک‌دیر. اونلار اورادا آلتون و اینجی‌لرله بزنه‌جک‌لر (قیزیل‌دان و میرواری‌دن بیلرزیک‌لر تاخا‌جاق‌لار)، اورادا لیباس‌لاری دا ایپک‌دن اولا‌جاق‌دیر!

24. اونلار (دونیادا) تمیز (پاک) سؤزه (لا ایلاهه ایللاللاها، یاخود قرآنا) مووففق اولموش، هم ده تانری-نین بیندیگی یولا (ایسلاما) یؤنلدیلمیش‌لر.

25. کافیر اولوب (اینسان‌لاری) تانری یولون‌دان، هم یئرلی‌لر، هم ده گلمه‌لر اوچون (قیبله، معبد) ائتدیگیمیز مسجیدولحرام‌دان دؤندرن‌لره و اورادا ظلمه، هاقسیزلیغا مئیل ائتمک ایسته‌ین‌لره ده شدت‌لی عذاب‌دان داددیراجاغیق!

26. (یا رسولوم!) یادینا سال کی، بیر زامان ایبراهیمه کعبه‌نین یئرینی بیلدیریب بئله بویورموشدوق: منه هئچ بیر شئیی شریک قوشما، ائویمی طواف ائدن‌لر، نامازا دوران‌لار، روکوع ائدن و سجده‌یه قاپانان‌لار (ناماز قیلان‌لار) اوچون (بوت‌لردن) تمیزله!

27. اینسان‌لاری حججه چاغیر کی، اونلار سنین یانینا (ایستر) پیادا و (ایسترسه ده) هر اوزاق یول‌دان یول‌لانان هر چور آریق (یورغون-آرغین) دوه‌لر اوستونده (سوواری اولا‌راق) گلسین‌لر.

28. بئله کی، اؤز منفت‌لری‌نین شاهیدی اولسون‌لار و معلوم گون‌لرده تانری-نین اونلارا روزی وئردیگی (دؤردایاق‌لی) حیوان‌لارین اوستونده (اونلاری قوربان کسرکن) اونون آدینی چکسین‌لر (بیسمیللاه دئسین‌لر). اونلاردان اؤزونوز ده یئیین، بیچاره (زاوال‌لی) یوخسول‌لارا دا یئدیردین!

29. سونرا حجج عمل‌لرینی (دیرناق کسمک، ساچینی قیرخماق، یاخود قیسالتماق و س.) یئرینه یئتیرسین‌لر (و یا کیرلرینی تمیزله‌سین‌لر)، نزیرلرینی وئرسین‌لر و (نوحون توفانین‌دان سالامات چیخمیش، یاخود بشر اؤولادی اوچون ایلک زیارتگاه اولان) قدیم ائوی (کعبنی) طواف ائتسین‌لر!

30. (ائی اینسان‌لار! حججین سیزه واجیب اولان عملی) بودور. و هر کس (ایحرامدا ایکن) تانری-نین حرام بویوردوق‌لارینا حؤرمت (ریایت) ائتسه، بو، رببی یانیندا اونون اوچون خئییرلی اولار. (حرام اولدوغو مایده سوره‌سینده) سیزه دئییلن‌لردن باشقا، قالان حیوان‌لار (اونلارین اتینی یئمک) سیزه حالال ائدیلمیش‌دیر. بئله اولدوغو تق‌دیرده، موردار (باش‌دان-آیاغا موردارلیق اولان) بوت‌لردن قاچین، یالان سؤزلردن ده (تانری-یاا شریک قوشماق‌دان دا) چکی‌نین -

31. باطیل‌دن حاقا دؤنه‌رک یالنیز تانری-یاا تسلیم اولدوغونوز و اونا شریک قوشمادیغینیز حالدا! تانری-یاا شریک قوشان کیمسه گؤی‌دن دوشن، قوش‌لارین اونو سورعتله آلیب آپاردیغی، یاخود کولیین سوووروب اوزاق‌لارا آتدیغی بیر شئیه (مخلوقا) بنزر.

32. (ائی اینسان‌لار! سیزه امر ائتدیگیم) بودور. و هر کس تانری-نین مراسیمینه (حجج عمل‌لرینه، یاخود قوربان‌لیق حیوان‌لارا) حؤرمت ائتسه، بو (حؤرمت)، شوبهه‌سیز کی، قلب‌لرین تقواسیندا‌دیر (تانری دان قورخماسیندا‌دیر).

33. سیزین اوچون (قوربان‌لیق حیوان‌لاردا) مویین بیر واختا قدر منفت واردیر. (کسی‌لنه قدر اونلاری مینر، سودونو ایچر، یونون‌دان ایستیفاده ائدرسینیز). سونرا اونلارین گتیریلیب کسیلجیی یئر (مینا) قدیم ائو (کعبه) ایستیقامتینده‌دیر. (یاخود حجج عمل‌لرینی یئرینه یئتیرمکده سیزین اوچون قیامته قدر منفت واردیر. حجج گون‌لری کعبه‌یه توپلانار، بوتون موسلمان‌لارا لازیم اولان دینی و دونیوی مسئله‌لر باره‌سینده مصلحت-مشورت ائدرسینیز).

34. بیز هر بیر اوممت اوچون قوربانگاه (یاخود معبد) مویین ائتدیک (و یا هر بیر اوممته قوربان کسمیی لازیم بیلدیک) کی، تانری-نین اونلارا روزی وئردیگی (دؤردایاق‌لی) حیوان‌لارین اوستونده (اونلاری کسدیک‌لری زامان) تانری-نین آدینی چکسین‌لر (بیسمیللاه دئسین‌لر). سیزین تانرینیز یالنیز بیر اولان تانری‌دیر. یالنیز اونا تسلیم اولوب اطاعت ائدین. (یا رسولوم!) سن ده (تانری-یاا) اطاعت ائدن‌لره (توازؤکار اولان‌لارا جننتله) موژده وئر!

35. او کس‌لر کی، تانری-نین آدی چکیلنده (ذکر ائدیلنده) قلب‌لری (قورخودان) تیتریر، اوز وئرن موصیبت‌لره صبر ائدر، ناماز قیلار و اونلارا وئردیگیمیز روزی‌دن (احتیاجی اولان‌لارا) صرف ائدرلر.

36. بیز قوربان‌لیق دوه‌لری ده تانری-نین نیشانه‌لرین‌دن (اونون حاق دینی‌نین علامت‌لرین‌دن) ائتدیک. سیزین اوچون بو قوربان‌لاردا (دینی و دونیوی) خئییر واردیر. آرتیق اونلاری آیاق اوسته دوردوق‌لاری (سول علی باغلی، ساغ علی و ایکی آیاغی آچیق وضعیتده اولدوق‌لاری) حالدا کسرکن اوست‌لرینده تانری-نین آدینی چکین (بیسمیللاه دئیین). اونلار بؤیرو اوسته دوشن (جان‌لاری چیخدیغی) زامان (اتین‌دن) اؤزونوز ده یئیین، (یانینیزدا اولوب اوتاندیغین‌دان) ال آچمایانا (لاکین وئری‌لنه ائعتراض ائتمه‌ینه) و دیلنچییه ده یئدیردین. اونلاری (قوربان‌لیق حیوان‌لاری) سیزه بئله رام ائتدیک کی، بلکه، (نعمتیمیزه) شوکر ائدسینیز!

37. اونلارین نه اتی، نه ده قانی، البته، تانری-یاا چاتماز. تانری-یاا چاتا‌جاق اولان یالنیز سیزین تقوانیزدیر (صمیمی-قلب‌دن ائتدیگینیز عبادت‌دیر). تانری سیزی دوغرو یولا یؤنلتدیگی (سیزه حججین عمل‌لرینی گؤستردیگی) اوچون اونو (لاییقینجه) اوجا توتاسینیز دئیه، بون‌لاری سیزه بئله رام ائتدی. (ائی محمّد!) ائحسان ائدن‌لره (جننتله) موژده وئر!

38. شوبهه‌سیز کی، تانری ایمان گتیرن کس‌لردن (کافیرلرین عذاب-اذیتینی) دف ائدر. تانری، حقیقتن، هئچ بیر خاینی، نانکورو سئومز!

39. ظلمه معروز قالدیق‌لارینا گؤره ووروشان‌لارا (کافیرلره قارشی تانری یولوندا دؤیوشمه‌یه) ایزین وئریلمیش‌دیر. تانری اونلارا یاردیم ائتمه‌یه، البته، قادیردیر!

40. او کس‌لر کی، حاق‌سیز یئره، آنجاق رببیمیز تانری‌دیر - دئدیک‌لرینه گؤره یوردلاریندان‌ (مککه‌دن) چیخاریلدی‌لار. اگر تانری اینسان‌لارین بیر قیسمینی دیگر قیسمی ایله (موشریک‌لری مؤمین‌لرله) دف ائتمسیدی، سؤزسوز کی، ایچه‌ری‌سینده  تانری-نین آدی چوخ ذکر اولونان سومعه‌لر (راهیب‌لرین یاشادیغی موناستیرلار)، کیلسه‌لر، معبدلر (یهودی معبدلری) و مسجیدلر داغیلیب گئدردی (دارماداغین ائدی‌لردی). تانری اونا (اؤز دینینه) یاردیم ائدن‌لره، شوبهه‌سیز کی، یاردیم ائدر. حقیقتن، تانری یئنی‌لمز قوت، قودرت صاحبی‌دیر!

41. او کس‌لر کی، اگر اونلاری یئر اوزونده یئرلشدیرسک (اونلارا بیر یئر وئرسک)، ناماز قیلار، زکات وئرر، (اینسان‌لارا) یاخشی ایشلر گؤرمیی امر ائدیب، پیس ایشلر گؤرمیی قاداغان ائدرلر. بوتون ایشلرین سونو (نتیجه‌سی) تانری-یاا عایددیر. (تانری قیامت گونو عمل‌لرینه مووافیق اولا‌راق مؤمین‌لره موکافات، کافیرلره ایسه جزا وئره‌جک‌دیر).

42. (یا رسولوم!) اگر (بو موشریک‌لر) سنی تکذیب ائدرلرسه (اوریینی قیسما). سن‌دن اول نوح، آد و ثمود طایفه‌سی دا (پیغمبرلرینی) تکذیب ائتمیشدی.

43. ایبراهیم طایفه‌سی دا، لوت قومو ده،

44. مدین اهلی ده (پیغمبرلرینی تکذیب ائتمیشدی). موسی دا (فیرعونون اؤزو و جاماعتی طرفین‌دن) یالانچی ساییلمیشدی. کافیرلره (بیر قدر) مؤهلت وئردیم، سونرا اونلاری (عذابلا) یاخالادیم. (بیر گؤریدین، کوفر ائتدیک‌لرینه، پیغمبرلری یالانچی ساییب اینکار ائتدیک‌لرینه گؤره) منیم اونلاری اینکار ائتمییم نئجه اولدو! (اونلارا وئردیگیم نعمتی موصیبتله اوز ائتدیم!)

45. نئچه-نئچه مملکتی (اها‌لی‌سینی) ظلم ائدرکن محو ائتدیک؛ اونلار آلت-اوست اولموشدو (ائولرین تاوان‌لاری چؤکموش، دیوارلاری اونلارین اوستونه ییخیلمیشدی). نئچه-نئچه قویولار، نئچه-نئچه مؤهتشم قسرلر بومبوش قالمیشدی.

46. مگر اونلار (پیغمبرلری یالانچی حساب ائدن کافیرلر) یئر اوزونده گزیب دولاشمیرلارمی کی، دوشونن قلب‌لری (بصیرت گؤزلری)، ائشی‌دن قولاق‌لاری اولسون؟ حقیقتن، گؤزلر کور اولماز، لاکین سینه‌لرین‌دکی اورک‌لر (قلب گؤزو) کور اولار. (کافیرلر کئچمیش اوممت‌لرین باشینا گلن موصیبت‌لری ظاهری گؤزلری ایله گؤرسه‌لر ده، قلب گؤزو ایله گؤروب اونلاردان هئچ بیر عیبرت آلمعزلار).

47. (یا رسولوم!) اونلار سنی تلسدیریب عذابین تئز گلمه‌سینی ایستییرلر. تانری اؤز وعدینه اصلا خیلاف چیخماز! رببی‌نین درگاهیندا بیر گون سیزین سایدیغینیزین (حئسابلادیغینیز واختین) مین ایلی کیمی‌دیر!

48. نئچه-نئچه مملکته (مملکت اهلینه) ظلم ائتدیک‌لری (کافیر اولدوق‌لاری) حالدا مؤهلت وئردیم، سونرا اونلاری (عذابلا) یاخالادیم. آخیر دؤنوش آنجاق منه‌دیر! (اونلار، نهایت، منیم حضوروما گله‌جک، قازاندیق‌لاری گوناها گؤره ابعدی عذابا دوچار اولا‌جاق‌لار).

49. دئ: ائی اینسان‌لار! من سیزی یالنیز آچیق-آشکار بیر قورخودانام (تانری-نین عذابی ایله آچیق-آشکار قورخودان، خبردار ائدن بیر پیغمبرم)!

50. ایمان گتیریب یاخشی ایشلر گؤرن‌لری (گوناه‌لاردان) باغیشلانما و توکنمز (میننت‌سیز) روزی گؤزله ییر!

51. آیه‌لریمیزدن (قورآنی باطیل ائتمک‌دن) اؤترو سعی گؤستریب (پیغمبری) عاجیز ائتمک ایسته‌ین‌لره (یاخود پیغمبری مغلوب ائتمکله خالقی ایمان‌دان دؤندرمه‌یه جهد ائدن‌لره) گلدیکده ایسه، محض اونلار جهنم‌لیک‌دیرلر!

52. (یا رسولوم!) بیز سن‌دن اول ده (شریعت صاحبی اولان) ائله بیر رسول، (شریعت صاحبی اولماییب اونون آردینجا گئدن) ائله بیر نبی (پیغمبر) گؤندرمدیک کی، او، (هر هانسی بیر شئیی) آرزو ائتدیکده شیطان اونون آرزوسونا (دیلیینه وسوه‌سه یولو ایله) بیر خلل قاتماسین! (یاخود او، آیه‌لریمیزی اوخوماق ایستدیگی زامان شیطان اونو چاشدیریب اوخودوغو آیه باره‌سینده پیس بیر فیکیر تلقین ائتمه‌سین!) لاکین تانری شئیطانین وسوه‌سینی باطیل (یوخ) ائدر. سونرا ایسه تانری اؤز آیه‌لرینی مؤحکملدر. تانری (هر شئیی) بیلن‌دیر، حیکمت صاحبی‌دیر!

53. (تانری اونا گؤره بئله ائدیر کی) شئیطانین وسوه‌سه‌سینی قلب‌لرینده مرض (نیفاق، شکک مرضی) و اورک‌لری قاتی (سرت) اولان‌لار (موشریک‌لر) اوچون بیر سیناق واسطه‌سی ائتسین. شوبهه‌سیز کی، ظالم‌لار (مونافیق‌لر، موشریک‌لر و کافیرلر) حاق‌دان اوزاق بیر نیفاق ایچینده‌دیرلر (ایختیلافدا‌دیرلار).

54. و علم وئریلن کس‌لر ده بیلسین‌لر کی، حاق (قورآن) سنین رببین‌دن‌دیر. آرتیق اونا اینانسین‌لار و اورک‌لری اوندان آرخایین اولسون. شوبهه‌سیز کی، تانری ایمان گتیرن‌لری دوغرو یولا یؤنلدر!

55. کافیر اولان‌لار ایسه قیامت گونو غفلتن باش‌لاری‌نین اوستونو آلانادک، یاخود هئچ بیر خئیری اولمایان (سمره‌سیز) بیر گونون (اونلارین کؤکونو کسه‌جک بدر ووروشونون) عذابی اونلارا گلیب یئتیشندک (قورآن باره‌سینده) شکک-شوبهه‌ده اولماقدا داوام ائده‌جک‌لر.

56. او گون (قیامت گونو) حؤکم یالنیز تانری نین‌دیر. (تانری) اونلارین (موشریک‌لرین و مؤمین‌لرین) آراسیندا حؤکم ائده‌جک‌دیر. ایمان گتیریب یاخشی ایشلر گؤرن‌لر نیم جننت‌لرینده اولا‌جاق‌لار!

57. کافیر اولان‌لار، آیه‌لریمیزی یالان حساب ائدن‌لر ایسه روسوایئدیجی بیر عذابا دوچار اولا‌جاق‌لار!

58. تانری یولوندا هیجرت ائدن‌لره، سونرا (بو یولدا) اؤلدورولن‌لره، یاخود اؤلن‌لره تانری، حقیقتن، گؤزل روزی (جننت روزی‌سی) وئره‌جک‌دیر. شوبهه‌سیز کی، تانری روزی وئرن‌لرین ان یاخشی‌سی‌دیر!

59. (تانری) اونلاری راضی قالا‌جاق‌لاری (خوشهال اولا‌جاق‌لاری) بیر یئره (جننته) داخیل ائده‌جک‌دیر. حقیقتن، تانری (هر شئیی) بیلن‌دیر، (بنده‌لرینه قارشی) هلیم‌دیر!

60. (تانری-نین حؤکمو) بودور. و هر کیم اؤزونه وئریلن جزا کیمی جزا وئرسه، سونرا یئنه ده (موشریک‌لرین موسلمان‌لاری مککه‌دن قوودوق‌لاری کیمی) تجاووزه معروز قالسا، شوبهه‌سیز کی، تانری اونا یاردیم ائدر. حقیقتن، تانری (اؤزونومودافیه مقصدیله دوشمن‌دن اینتیقام آلان مؤمین بنده‌سینی) عفو ائدن‌دیر، باغیشلایان‌دیر!

61. بو بئله‌دیر. (تانری ظالما قارشی، ظالمین ظلمون‌دن خلاص اولماق اوچون مزلوما یاردیم ائدر، چونکی او، هر شئیه قادیردیر). نئجه کی، تانری گئجنی گوندوزه، گوزدوزو ده گئجه‌یه قاتار. (تانری بنده‌لری‌نین منافئیی نامینه بعضن اینسان‌لار داها چوخ روزی قازانا بیلسین‌لر دئیه، گوندوزو قیسالدیب گئجنی اوزادار). تانری (هر شئیی) ائشی‌دن‌دیر، گؤرن‌دیر!

62. بو بئله‌دیر. چونکی تانری حاق، (موشریک‌لرین) اوندان باشقا عبادت ائتدیک‌لری (بوت‌لر، تانری‌لار) ایسه باطیل‌دیر. حقیقتن، تانری (هر شئی‌دن) اوجا‌دیر، بؤیوک‌دور! (تانری-نین تانری‌لیغی اؤز-اؤزلوگونده مؤوجود اولدوغو اوچون او حاق، بوت‌لرین تانری‌لیغی اؤز-اؤزلوگونده مؤوجود اولمادیغی اوچون اونلار باطیل‌دیر. بونا گؤره ده یالنیز تانری-یاا عبادت ائدیلمه‌لی‌دیر!)

63. (یا رسولوم!) مگر تانری-نین گؤی‌دن یاغمور ائندیردیگینی و یئر اوزونون (اونونلا) یامیاشیل اولدوغونو گؤرمورسنمی؟ حقیقتن، تانری (گؤزلنیلمه‌ین یئردن روزی یئتیرمکله بنده‌لرینه) لوطفکاردیر، (اونلارین هر ایشین‌دن) خبرداردیر.

64. گؤی‌لرده و یئرده نه وارسا، هامی‌سی اونون‌دور (اونون قودرتین‌دن یارانمیش اثردیر). حقیقتن، تانری احتیاج‌سیزدیر، (هر چور) شوکوره، تعریفه لاییق‌دیر! (هر ایشی بینیلن‌دیر!)

65. (یا رسولوم!) مگر تانری-نین یئرده اولان‌لاری (حیوان‌لاری)، دنیزده اونون امریله اوزن گمی‌لری سیزه رام ائتدیگینی و اونون ایزنی اولما‌دان یئره دوشه بیلممه‌سی اوچون گؤیو توتوب ساخلادیغینی گؤرمورسنمی؟ حقیقتن، تانری اینسان‌لارا شفقت‌لی‌دیر، مرحمت لی‌دیر!

66. سیزی (عزل باش‌دان) دیریل‌دن، سونرا (عجلینیز چاتاندا) اؤلدوره‌جک، داها سونرا (قیامت گونو) یئنه دیریلده‌جک محض اودور.

67. بیز (کئچمیش‌دن بری) هر اوممت اوچون بیر شریعت مویین ائتدیک کی، اونا عمل ائدرلر. ائله ایسه (موشریک‌لر) بو ایشده (دین، شریعت ایشینده، یاخود قوربان‌لیق‌لار باره‌سینده) سنینله موباهیسه ائتمه‌سین‌لر. (یا رسولوم!) سن اونلاری اؤز رببینه (عبادت ائتمه‌یه، اونون حؤکم‌لرینی یئرینه یئتیرمه‌یه) دعوت ائت. شوبهه‌سیز کی، سن دوغرو یولداسان (دینده‌سن).

68. (یا رسولوم!) اگر (موشریک‌لر اؤز کسدیگینیز قوربان‌لارین اتین‌دن یئدیگینیز حالدا، بس تانری-نین اؤلدوردوگو، یعنی اؤز عجه‌لی ایله اؤلموش حیوان‌لارین اتینی نیه یئمیرسینیز دئیه) سنینله موباهیسه ائتسه‌لر، (اونلارا) بئله جاواب وئر: تانری سیزین نه ائتدیگینیزی داها یاخشی بیلیر!

69. ایختیلافدا اولدوغونوز مسئله‌لر باره‌سینده تانری قیامت گونو آرانیزدا اؤز حؤکمونو وئره‌جک‌دیر!

70. (یا رسولوم!) مگر بیلمیرسنمی کی، تانری گؤیده و یئرده نه وارسا (هامی‌سینی) بیلیر؟ حقیقتن، بو، (لؤوحی-مهفوز دئییلن) بیر کیتابدا‌دیر. شوبهه‌سیز کی، بو (بوتون بون‌لاری بیلمک) تانری اوچون آسان‌دیر!

71. (موشریک‌لر) تانری-یاا قویوب ائله بیر شئیه عبادت ائدرلر کی، (تانری اونا عبادت ائدیلمه‌سی حاقدا) هئچ بیر دلیل نازیل ائتممیش‌دیر. و (موشریک‌لرین) اونا دایر هئچ بیر بیلیگی ده (دلی‌لی-ثبوتو دا) یوخ‌دور. ظالم‌لارا (موشریک‌لره) هئچ بیر یاردیم ائدن اولماز!

72. آیه‌لریمیز اونلارا آچیق-آشکار صورتده اوخوندوغو زامان (یاخود آچیق-آشکار آیه‌لریمیز اوخوندوقدا) کافیر اولان‌لارین چؤهره‌سینده بیر ایکراه (نیفرت) سئزرسن. اونلار آیه‌لریمیزی اوخویان‌لارین اوستونه آز قالا هوجوم چکسین‌لر. (یا رسولوم!) دئ: سیزه بون‌دان (قورآن اوخوندوغو زامان ائتدیگینیز نالاییق حرکت‌لردن) داها پیسینی خبر وئریممی؟ – جهنم (اودو)! تانری اونو کافیرلره وعد ائتمیش‌دیر. او نه پیس مسکن‌دیر! (نه پیس قاییدیش یئری‌دیر!)

73. ائی اینسان‌لار! بیر مثل چکیلدی، اونا قولاق آسین! شوبهه‌سیز کی، تانری دان قئیری عبادت ائتدیگینیز بوت‌لر هئچ بیر میلچک ده یارادا بیلمزلر – لاپ هامی‌سی بونون اوچون بیر یئره ییغیشسا بئله! اگر میلچک اونلاردان (بوت‌لرین اوستونده اولان‌لاردان) بیر شئی گؤتوروب آپارسا، اونو میلچک‌دن گئری آلا بیلمزلر. ایسته‌ین ده عاجیز، ایستنیلن ده! (بوت‌لر ده عاجیز، میلچک ده، یاخود بوت‌لره عبادت ائدن ده عاجیز، عبادت ائدیلن بوت‌لر ده!)

74. (موشریک‌لر) تانری-یاا لاییقینجه قیمتلندیرمه‌دی‌لر (اوجا توتمادی‌لار). حقیقتن، تانری یئنی‌لمز قوت صاحبی، قودرت صاحبی‌دیر!

75. تانری ملک‌لردن ده ائلچی‌لر (پیغمبرلر) سئچر، اینسان‌لاردان دا. حقیقتن، تانری (هر شئیی) ائشی‌دن‌دیر، گؤرن‌دیر!

76. (تانری) اونلارین اؤنلریندکینی ده، آرخالارینداکینی دا (نه ائتدیک‌لرینی و نه ائده‌جک‌لرینی) بیلیر. بوتون ایشلر (نتیجه ائعتیباریله آخیرتده) تانری-یاا قاییدار! (قیامت گونو بوتون مخلوقات اؤز عمل‌لری ایله بیرلیکده تانری-نین حضوروندا دورا‌جاق‌دیر).

77. ائی ایمان گتیرن‌لر! (ناماز قیلدیقدا) روکوع ائدین، سجده‌یه قاپانین؛ رببینیزه عبادت ائدین و یاخشی ایشلر گؤرون کی، نجات تاپاسینیز! (متلبینیزه یئتیشسینیز!)

78. (ائی مؤمین‌لر!) تانری یولوندا لاییقینجه جیهاد ائدین. او (اؤز دینی اوچون) سیزی سئچدی و دینده سیزین اوچون هئچ بیر چتین‌لیک یئری قویمادی – آتانیز ایبراهیمین دینی (دینینده اولدوغو) کیمی. (ائی محمّد اوممتی!) تانری بون‌دان (قورآن نازیل اولمامیش‌دان) اول ده، بوندا (قورآندا) دا سیزه موسلمان آدینی وئردی کی، (قیامت گونو) پیغمبر (دینین تبلیغی، سیزین اونا ایمان گتیرمیینیز، اطاعت ائتمیینیز باره‌ده) سیزه، سیز ده (اوولکی پیغمبرلرین تانری-نین حؤکم‌لرینی اؤز اوممت‌لرینه چاتدیردیق‌لاری حالدا) اینسان‌لارا شاهید اولاسینیز. ائله ایسه (واخت‌لی-واختیندا) ناماز قیلین، زکات وئرین و تانری-یاا سیغی‌نین. (تانری) سیزین ایختیار صاحبینیزدیر. او نه یاخشی ایختیار صاحبی، نئجه ده گؤزل ایمدادا یئتن‌دیر


قرآن-نین تورکجه ترجومه سی‎ > ‎
23-المؤمنون

ال-مومینون (مؤمین‌لر) سوره‌سی

(مککه‌ده نازیل اولموش‌دور، 118 آیه‌دیر)

باغیشلیلان و رحم ائدن تانری-نین آدینان

1. حقیقتن، مؤمین‌لر نجات تاپمیش‌لار! (جننته نایل اولماقلا متلب‌لرینه چاتیب ابعدی سعادته قوووشموش‌لار!)

2. او کس‌لر کی، نامازلاریندا (هر شئیی اونودا‌راق روحن و جیسمن یالنیز تانری-یاا) موتعقی اولوب (اونا) بویون ایرلر! (تانری-نین قارشی‌سیندا کیچی‌لرلر!)

3. او کس‌لر کی، لاغلاغی‌دان (لوزوم‌سوز شئی‌لردن، قاداغان اولونموش عمل‌لردن) اوز دؤندررلر؛

4. او کس‌لر کی، زاکات وئررلر؛

5. او کس‌لر کی، آییب یئرلرینی (زینا‌دان) قورویوب ساخلایارلار؛

6. آنجاق زؤوجه‌لری و جارییه‌لری استثنا اولماقلا. اونلار (زؤوجه‌لری و جارییه‌لری ایله گؤره‌جک‌لری بو ایشدن اؤترو) قینانمعزلار.

7. بون‌دان آرتیغینی ایسیه‌ین‌لر (حالال‌دان حراما آددایا‌راق) حدی آشان‌لاردیر (تانری-نین امرینی پوزان‌لاردیر).

8. او مؤمین‌لر کی، امانت‌لرینی و عهدلرینی قورویوب ساخلایارلار (اونلارا تاپشیریلمیش امانته خیانت ائتمز، وئردیک‌لری سؤزو یئرینه یئتیررلر)؛

9. نامازلارینا ریایت ائدرلر (همیشه واخت‌لی-واختیندا ناماز قیلارلار)؛

10. اونلاردیر (بیلین) واریث اولان‌لار –

11. فیردووس جننتینه واریث اولان‌لار، اورادا ابعدی قالان‌لار!

12. بیز، حقیقتن، اینسانی ترته‌میز (سوزولموش) پالچیق‌دان یاراتدیق. (بیز آدمی تورپاق‌دان، آدم اؤولادینی ایسه سوزولموش خالص پالچیق‌دان – نوتفه‌دن خلق ائتدیک).

13. سونرا اونو (آدم اؤولادینی) نوتفه حالیندا مؤحکم بیر یئرده (آنا بتنینده) یئرلشدیردیک.

14. سونرا نوتفنی لاختالانمیش قانا چئویردیک، سونرا لاختالانمیش قانی بیر پارچا ات ائتدیک، سونرا او بیر پارچا اتی سوموک‌لره دؤندردیک، سونرا سوموک‌لری اتله اؤرتدوک و داها سونرا اونو بامباشقا (یئنی) بیر مخلوقات اولا‌راق یاراتدیق. یارا‌دان‌لارین ان گؤزه‌لی اولان تانری نه قدر (اوجا، نه قدر) اولودور!

15. (بئله بیر یارادیلیش‌دان) سونرا سیز موطلق اؤلجکسینیز!

16. سونرا سیز قیامت گونو یئنی‌دن دیریلدیلجکسینیز!

17. آند اولسون کی، بیز سیزین اوستونوزده یئددی یول (گؤی) یاراتدیق. بیز (اونلارین آلتین‌داکی) مخلوقات‌دان دا خبرسیز دئیی‌لیک. (اونلاری قورویوب ساخلاییر، نه ائتدیک‌لرینی بیلیریک).

18. بیز گؤی‌دن لازیمی قدر یاغمور ائندیردیک و اونو یئرده (دنیزده، چایدا، گؤل‌لرده و قویولاردا) ساخلادیق. بیز، سؤزسوز کی، اونو آپارماغا دا (یوخ ائتمه‌یه ده) قادیریک!

19. سونرا سیزین اوچون اونونلا (او سو ایله) خورما و اوزوم باغ‌لاری یاراتدیق. سیزین اوچون اورادا بیر چوخ مئیوه‌لر واردیر کی، اونلاردان یئییرسینیز.

20. (سیزین اوچون همچی‌نین منشأ ائعتیباریله) سینا داغین‌دان چیخان بیر آغاج دا (یاراتدیق کی)، او، یئین‌لر اوچون زئیتون و (چؤریین اوستونه یاخیلان، خؤره‌یه قاتیلان) یاغ بیتیرر.

21. حقیقتن، حیوان‌لاردا (ائو حیوان‌لاریندا) دا سیزین اوچون بیر عیبرت واردیر. بیز اونلارین قارین‌لاریندا اولان‌دان (سوددن) سیزه ایچیردیریک. اونلاردا سیزین اوچون داها بیر چوخ منفت‌لر ده واردیر. (بعضی‌لرینی مینیر، بعضی‌لری‌نین یونون‌دان، بعضی‌لری‌نین ایسه توکون‌دن ایستیفاده ائدیرسینیز). هم ده اونلاردان یئییرسینیز!

22. هم اونلارین، هم ده گمی‌لرین اوستونده (بیر یئردن باشقا یئره) داشینیرسینیز.

23. حقیقتن، بیز نوحو اؤز قومونه پیغمبر گؤندردیک. او بئله دئدی: ائی قوموم! تانری-یاا عبادت ائدین. سیزین اوندان باشقا (عبادت ائده‌جک) هئچ بیر تانرینیز یوخ‌دور. مگر (تانری-نین عذابین‌دان) قورخمورسونوز؟

24. (نوح) قومونون کافیر باشچی‌لاری (تابئچیلیگینده اولان‌لارا) دئدی‌لر: بو سیزین کیمی یالنیز آدی بیر اینسان‌دیر. (پیغمبرلیک ادعاسی ایله) سیزه بؤیوکلوک ائتمک ایستییر. اگر تانری (اوندان باشقاسینا عبادت ائتممییمیزی) ایستسیدی، (بیزه پیغمبر اولا‌راق اینسان دئییل) ملک‌لر گؤندرردی. بیز بونو (نوحون تبلیغ ائتدیگی تؤوحیدی) اولو بابا‌لاریمیزدان (کئچمیش اوممت‌لردن) ائشیتممیشیک.

25. بو آدامدا، ساده‌جه اولا‌راق، بیر دلی‌لیک وار. (اونا جین توخونموش‌دور). هله بیر مدت گؤزلیین! (یا ساغالیب خسته‌لیک‌دن خلاص اولار، بیر ده بئله شئی‌لر دانیشماز؛ یا دا اؤلوب گئدر، جانیمیز قورتارار).

26. (نوح اونلارین بو سؤزلرین‌دن و ایمان گتیرمه‌یه‌جک‌لرین‌دن معیوس اولوب) بئله دئدی: ائی رببیم! اونلارین منی یالانچی حساب ائتمک‌لرینه قارشی منه یاردیم ائت!

27. بیز (نوحا) بئله وحی ائتدیک: گؤزلریمیز اؤنونده (نظارتیمیز آلتیندا) و وحییمیز عذره (سنه اؤیردجییمیز کیمی) گمینی دوزلت. نهایت، (اونلاری محو ائتمک باره‌سینده) امریمیز گلدیگی و تن‌دیر قاینادیغی (تن‌دیردن و یا یئر اوزون‌دن، یاخود گمی‌نین قازانین‌دان سو قایناییب داشدیغی) زامان هر حیوان‌دان بیری ائرکک، بیری دیشی اولماقلا بیر جوت، همچی‌نین علئیهینه (اؤلومونه) اولجه‌دن حؤکم وئریلمیش کیمسه‌لر استثنا اولماقلا، (قالان) عائله عضو‌لرینی (و ایمان گتیرن‌لری) گمییه مین‌دیر. ظلم (کوفر) ائدن‌لر باره‌سینده منه مراجعت ائتمه (اونلارین باغیشلانماسینی من‌دن ایلتیماس ائتمه). چونکی اونلار سویا غرق اولا‌جاق‌لار.

28. سن یانیندا اولان‌لارلا بیرلیکده گمییه مینن کیمی: بیزی ظالم طایفه‌نین الین‌دن قورتاران تانری-یاا حمد اولسون! – دئ.

29. همچی‌نین (گمی‌دن ائننده) بئله دئ: ائی رببیم! منی موبا‌رک (خئییر-برکت‌لی) بیر یئره ائندیر. سن سیغینا‌جاق وئرن‌لرین ان یاخشی‌سیسان!

30. شوبهه‌سیز کی، بوندا (اینسان‌لار اوچون) عیبرت‌لر واردیر. حقیقتن، بیز (بلا، موصیبت گؤندرمکله بنده‌لریمیزی) ایمتاهانا چکیریک!

31. اونلاردان سونرا باشقا بیر نسیل (آد طایفه‌سینی) یاراتدیق.

32. اونلارا اؤزلرین‌دن بیر پیغمبر (هودو) گؤندردیک. (او، طایفه‌سینا دئدی: ) تانری-یاا عبادت ائدین. سیزین اوندان باشقا (عبادت ائده‌جک) هئچ بیر تانرینیز یوخ‌دور. مگر (تانری-نین عذابین‌دان) قورخمورسونوز؟

33. طایفه‌سی‌نین کافیر اولان، آخیرته قوووشا‌جاق‌لارینی (قیامت گونو دیریلیب حاق-حساب اوچون تانری-نین حضوروندا دورا‌جاق‌لارینی) یالان حساب ائدن و دونیادا نعمت وئردیگیمیز عیان - اشرافی (تابئچیلیگینده اولان‌لارا) دئدی: بو سیزین کیمی آنجاق آدی بیر اینسان‌دیر؛ یئدیگینیزدن یئییر، ایچدیگینیزدن ایچیر. (او نه جور پیغمبر اولا بیلر؟)

34. اگر سیز اؤزونوز کیمی آدی بیر اینسانا اطاعت ائتسه‌نیز، شوبهه‌سیز کی، زیانا اوغرایارسینیز. (آدی بیر بشره آلدانیب دونیادا شان-شؤهرتینیزی، آد-سانینیزی ایتیررسینیز).

35. او سیزه اؤلوب تورپاق و سور-سوموک اولدوق‌دان سونرا (قبیرلرینیزدن دیریلدیلیب) چیخاریلاجاغینیزیمی وعد ائدیر؟

36. وعد اولوندوغونوز شئی چوخ اوزاق‌دیر، چوخ اوزاق! (بو، قئیری-مومکون‌دور!)

37. بیزیم حیاتیمیز یالنیز بو دونیادا‌دیر. (بیریمیز) اؤلور، (بیریمیز) دیریلیریک. (بیریمیز دونیایا گلیر، بیریمیز دونیا‌دان گئدیریک). بیز (اؤلن‌دن سونرا بیر داها) دیریلدیله‌جک دئیی‌لیک!

38. بو، ساده‌جه اولا‌راق، تانری-یاا ایفتیرا یاخان بیر آدام‌دیر. بیز اونا ایمان گتیرن دئیی‌لیک!

39. (او پیغمبر) بئله دئدی: ائی رببیم! اونلار منی یالانچی حساب ائتمه‌لرینه قارشی منه یاردیم ائت!

40. (تانری) بویوردو: بیر آزدان پئشمان اولا‌جاق‌لار!

41. (بیر آز سونرا) حقیقتن، قورخونج (توکورپدیجی) بیر سس اونلاری بورودو. بیز اونلاری (سئل اوستون‌دکی) سامان چؤپونه دؤندردیک. ظالم (کافیر) طایفه‌محو (تانری-نین رحمتین‌دن اوزاق) اولسون!

42. اونلاردان سونرا باشقا-باشقا نسیل‌لر (صالح، لوت و شوئیب طایفه‌‌لارینی) یاراتدیق.

43. هئچ بیر اوممت اؤز عجلینی (اؤلوم، یاخود جزا واختینی) نه قاباقلایار، نه ده یوبادا بیلر!

44. سونرا بیر-بیری‌نین آردینجا (اوممت‌لره) پیغمبرلر گؤندردیک. هر اوممته اؤز پیغمبری گلدیکجه اونو یالانچی سایدی‌لار. بیز ده اونلاری بیر-بیری‌نین آردینجا محو ائدیب (ایزی-توزو قالمایان) افسانه‌لره دؤندردیک. ایمان گتیرمه‌ین طایفه‌محو (تانری-نین رحمتین‌دن اوزاق) اولسون!

45. سونرا موسینی و قارداشی هارونو آیه‌لریمیزله و (وهدانیتیمیزی ثبوت ائدن) آچیق-آشکار بیر دلیلله گؤندردیک،

46. فیرعونون و اونون عیان-اشرافی‌نین یانینا. اونلار (ایمان گتیرمیی) تکببورلرینه سیغیشدیرماییب اؤزلرینی یوخاری توتان جاماعت اولا‌راق قالدی‌لار (یاخود مصرده حاکم اولدوق‌لاری ایسرایل اوغول‌لارینا عذاب-اذیت وئرمکده داوام ائتدی‌لر).

47. (فیرعون و عیان-اشرافی) دئدی‌لر: بونلارین طایفه‌سی بیزه بیر قول کیمی اطاعت ائتدیگی حالدا، بیز اؤزوموز کیمی ایکی آدی اینسانا ایمانمی گتیرجییک؟

48. بئله‌لیکله، اونلاری یالانچی سایدی‌لار و نتیجه‌ده محوه دوچار ائدیلن‌لردن اولدولار.

49. حقیقتن، بیز موسایا کیتابی (تؤوراتی) وئردیک کی، بلکه، (ایسرایل اوغول‌لاری) دوغرو یولا یؤنلسین‌لر!

50. مریم اوغلونو (عیسینی) و (باکیره) آناسینی (قودرتیمیزدن یارانمیش) بیر نشانه  ائتدیک. اونلاری آباد (راحت) و آخار سولو اوجا بیر یئرده یئرلشدیردیک.

51. (موختلیف زامان‌لاردا آیری-آیری اوممت‌لره گؤندردیگیمیز پیغمبرلره بئله بویوردوق: ) ائی پیغمبرلر! تمیز (حالال) نعمت‌لردن یئیین و یاخشی ایشلر گؤرون! (واجیب و کؤنول‌لو عبادت‌لری هم ظاهرن، هم ده گیزلی، همیشه یئرینه یئتیرین!) من، حقیقتن، سیزین نه ائتدیک‌لرینیزی بیلیرم!

52. بو (تؤوحید دینی ایسلام) تک بیر دین اولا‌راق سیزین دینینیزدیر، من ده سیزین رببینیزم. من‌دن (عذابیم‌دان) قورخون!

53. اما (اوممت‌لر) اؤز دینینی آرا‌لاریندا پارچالاییب فیرقه-فیرقه اولدولار (موختلیف مذهب‌لره آیریلدی‌لار). هر فیرقه اؤز دینینه سئوینیر. (اؤز دینینی حاق، دیگر دین‌لری باطیل حساب ائدیب بون‌دان ممنون اولور).

54. (یا رسولوم!) سن اونلاری بیر مدت (عجل‌لری چاتانا قدر) اؤز شاشقین‌لیق‌لاری ایچینده بوراخ!

55. مگر (کافیرلر) ائله زنن ائدیرلر کی، اونلارا (دونیادا) وئردیگیمیز وار-دؤولت و اؤولادلا

56. بیز اونلارین یاخشی‌لیق‌لارینا تلسیریک؟ خئیر، آنلامیرلار! (کافیرلره دونیادا ایستدیک‌لرینی وئریب تدریجله اونلاری عذابا یاخینلاشدیرماغیمیزی، آز سونرا غفلتن باش‌لاری‌نین اوستونو آلاجاغیمیزی دوشونمورلر!)

57. حقیقتن، رببی‌نین قورخوسون‌دان تیر-تیر اسن‌لر؛

58. رببی‌نین آیه‌لرینه اینان‌لار؛

59. رببینه شریک قوشمایان‌لار؛

60. اورک‌لری رببی‌نین حضورونا قاییداجاقلاریندان‌ قورخویا دوشوب وئرمه‌لی اولدوق‌لارینی (زکاتی، سدقنی) وئرن‌لر –

61. محض اونلار یاخشی ایشلر گؤرمه‌یه تلسر (بیر-بیری ایله یاریشار) و بو ایشلرده (باشقالاریندان‌) اؤنده گئدرلر.

62. بیز هئچ کسی گوجو چاتمایان ایشی گؤرمه‌یه وادار ائتمریک. (هر کسی یالنیز قوه‌سی چاتدیغی قدر یوکلیریک. نامازی آیاق اوسته قیلا بیلمه‌ین اوتوروب قیلا بیلر. خسته‌لیگینه، ضعیف‌لیگینه گؤره اوروج توتا بیلمه‌ین اوروجونو یئیه بیلر). بیزده حاقی سؤیله‌ین بیر کیتاب واردیر. اونلارا (حاق‌سیز یئره اصلا) ظلم اولونماز.

63. لاکین (کافیرلرین) قلب‌لری بون‌دان (قورآن‌دان) خبرسیزدیر (بو باره‌ده جهالت ایچینده‌دیر) . اونلارین بون‌دان باشقا (تانری-یاا خوش گئتمه‌ین) آیری ایشلری ده واردیر کی، ائله اونلاری ائدیب دورارلار (کوفر ائدیب گوناها باتارلار).

64. نهایت، اونلارین ناز-نعمت ایچینده یاشایان باشچی‌لارینی عذابلا یاخالادیغیمیز زامان (بدر ووروشو گونو) فریاد ائدیب ایمداد دیلیرلر.

65. (اونلارا بئله دئییرلر: ) یالواریب-یاخارمایین، بو گون بیزدن سیزه هئچ بیر یاردیم یئتیشمز!

66. آیه‌لریمیز سیزه اوخوندوغو زامان آرخا چئویریردینیز (اونلاری یالان حساب ائدیب اینانمیردینیز).

67. (کعبه اهلیسینیز، سیزه هئچ بیر شئی اولماز، دئیه ایمان گتیرمیی) اؤزونوزه سیغیشدیرماییب گئجه‌لر توپ‌لانا‌راق (قورآن و پیغمبر باره‌سینده) آغزینیزا گلنی دئییردینیز (یاخود اونلاردان اوز دؤندریردینیز).

68. مگر (موشریک‌لر) کلام (تانری کلامی - قورآن) حاقیندا دوشونوب داشینمیرلارمی؟ یاخود اونلارا اولو بابا‌لارینا (کئچمیش اوممت‌لرینه) گلمه‌ین بیر شئی گلدی؟ (اونلار قورآنین، پیغمبرین حاق اولدوغونو نیه آنلامیرلار؟ مگر اولو بابا‌لارینا ایبراهیم، ایسمایل، موسی کیمی پیغمبرلر گلمدیمی؟ یاخود اونلارا تؤورات، سوهوف کیمی کیتاب‌لار نازیل اولمادیمی؟)

69. یوخسا اؤز پیغمبرینی تانیمادی‌لار و بونا گؤره اونو اینکار ائدیرلر؟

70. یاخود: اوندا دیوانه‌لیک وار؟ – دئدی‌لر. خئیر، پیغمبر اونلارا حاقلا (قورآنلا) گلدی. لاکین اونلارین اکثریتی حاقی خوشلامیر.

71. اگر حاق (قورآن) اونلارین نفس‌لری‌نین ایستک‌لرینه تابع اولسایدی (و یا تانری اونلارین ایستدیک‌لری کیمی حرکت ائتسیدی)، گؤی‌لر، یئر و اونلاردا اولان‌لار (بوتون مخلوقات) کورلانیب گئدردی (عالم بیر-بیرینه قاریشیب نیزامی پوزولاردی). خئیر، بیز (موشریک‌لره) اونلار اوچون اؤیود-نصیحت (و پیغمبر اؤز قوم‌لرین‌دن اولدوغو اوچون شرف اولان قورآنی) گتیردیک، اونلار ایسه اؤزلرینه ائدیلن اؤیود-نصیحت‌دن (و شرف‌لرین‌دن) اوز دؤندریرلر.

72. یوخسا (یا رسولوم!) سن اونلاردان (اؤز پیغمبرلیگینه، حاقی تبلیغ ائتدیگینه گؤره) بیر موزد (اوجرت) ایستییرسن؟ رببی‌نین اجری (دونیادا وئردیگی روزی، آخیرتده وئرجیی موکافات) داها خئییرلی‌دیر. او، روزی وئرن‌لرین ان یاخشی‌سی‌دیر!

73. اصلینده سن اونلاری دوغرو یولا (ایسلام دینینه) دعوت ائدیرسن!

74. آخیرته اینانمایان‌لار ایسه دوغرو یول‌دان ساپان‌لاردیر!

75. اگر بیز اونلارا رحم ائدیب دوشدوک‌لری موصیبت‌دن قورتارساق، اونلار شاشقین وضعیتده یئنه ده آزغین‌لیق‌لاریندا داوام ائدرلر. (مککه‌یه یئددی ایل عرضینده عجلیق، قیت‌لیق اوز وئرمیشدی. مککه موشریک‌لری پیغمبرین یانینا گئدیب بو بلا‌دان قورتارما‌لاری اوچون تانری-یاا دعا ائتمیی خواهیش ائتمیشدی‌لر. پیغمبرین دعاسین‌دان سونرا مککه‌ده بوللوق اولموش، جاماعتین گوزرانی تامامیله یاخشیلاشمیشدی. بونون موقابیلینده پیغمبره ایمان گتیرمک اوزینه، موشریک‌لر اونا وئردیک‌لری عذاب-اذیتی داها دا گوجلندیرمیشدی‌لر).

76. بیز حقیقتن، اونلاری عذابلا یاخالادیق، لاکین اونلار یئنه اؤز رببینه اطاعت ائتمه‌دی‌لر، (اونا) یالواریب-یاخارمادی‌لار (ایمان گتیرمه‌دی‌لر کی، گتیرمه‌دی‌لر).

77. نهایت، اونلارین اوزونه بیر عذاب قاپی‌سی آچدیغیمیز (بدر ووروشونون موصیبتینه دوچار ائتدیگیمیز) زامان درحال اومیدسیزلییه قاپیلدی‌لار (دیل‌لری-آغیزلاری قورویوب، مات-متتل قالدی‌لار).

78. سیزه قولاق، گؤز و اورک وئرن اودور. سیز (تانری-نین نعمت‌لرینه) چوخ آز شوکور ائدیرسینیز.

79. سیزلری یئر اوزونده یارادیب تؤره‌دن (یئر اوزونه یاییب سپه‌له‌ین) اودور. سیز (قیامت گونو) اونون حضورونا جمع ائدیلجکسینیز.

80. دیریل‌دن ده، اؤلدورن ده اودور. گئجه و گوندوزو بیر-بیری‌نین آردینجا گئدیب-گلمه‌سی ده اونون امریله‌دیر. مگر (تانری-نین قودرتینی، عبادته بوت‌لرین دئییل، محض اونون لاییق اولدوغونو) درک ائتمیرسینیز؟

81. خئیر، اونلار دا اوولکی‌لرین (کئچمیش اوممت‌لرین) دئدیک‌لری کیمی دئدی‌لر.

82. (کئچمیش اوممت‌لر) بئله دئمیشدی‌لر: مگر بیز اؤلوب تورپاق و سور-سوموک اولدوق‌دان سونرا بیر ده دیریلدیلجییک؟

83. حقیقتن، بیزه ده، آتا‌لاریمیزا دا اؤنجه بو (دیریلمه) وعد اولونموشدو. بو، قدیم‌لرین (کئچمیش اوممت‌لرین) افسانه‌لرین‌دن (اویدورمالاریندان‌) باشقا بیر شئی دئییل‌دیر.

84. (یا رسولوم! بو موشریک‌لره) دئ: اگر بیلیرسینیزسه، (بیر دئیین گؤرک) بو یئر و یئر اوزونده اولان‌لار (بوتون مخلوقات) کیمین‌دیر؟

85. اونلار موطلق: آللاهیندلر! – دئیه جاواب وئره‌جک‌لر. سن ده دئ: بس ائله ایسه (مخلوقاتی یاراتماغا قادیر اولان کسین اؤلن‌دن سونرا اونلاری یئنی‌دن دیریلده بیلجیینی) دوشونمورسونوز؟

86. دئ: یئددی (قات) گؤیون رببی، او (بؤیوک) عظمت‌لی عرشین رببی (صاحبی) کیم‌دیر؟

87. (موشریک‌لر) موطلق: (بون‌لار) تانری نین‌دیر! – دئیه جاواب وئره‌جک‌لر. اوندا سن ده دئ: بس ائله ایسه (تانری-نین عذابین‌دان) قورخمورسونوز؟

88. دئ: اگر بیلیرسینیزسه، (بیر دئیین گؤرک) هر شئیین حؤکمو الینده اولان، (ایستدیگینی) حمایه ائدن، اما اؤزونون حمایه‌یه احتیاجی اولمایان کیم‌دیر؟

89. اونلار موطلق: (بو قودرت، بو وسف‌لر یالنیز) تانری نین‌دیر! – دئیه جاواب وئره‌جک‌لر. سن ده دئ: بس ائله ایسه (شیطانا آلدانیب حاقا بویون قویماق‌دان، تانری-نین آیه‌لرینه اینانماق‌دان و یالنیز اونا عبادت ائتمک‌دن) نه جور (آلدانیلیب) دؤندریلیرسینیز؟

90. خئیر، بیز اونلاری حاقی (حاق یول اولان ایسلام دینینی) گتیردیک. اونلار ایسه، شوبهه‌سیز کی، یالانچی‌دیرلار!

91. تانری (اؤزونه) هئچ بیر اؤولاد گؤتورممیش‌دیر. (نه عیسی اونون اوغلو، نه ده ملک‌لر اونون قیزلاری‌دیر. عکسینه، اونلارین هامی‌سی تانری-نین قودرتین‌دن یارانمیش مخلوقات‌لاردیر). اونونلا یاناشی (عبادت ائدیله‌جک) هئچ بیر تانری یوخ‌دور. اگر بئله اولسایدی، اوندا هئچ بیر تانری الاهیدده اؤز یاراتدیق‌لاری ایله گئدر، (اؤز مخلوقاتینی آییریب آپارار) و اونلارین بیر قیسمی (دونیا‌داکی پادشاه‌لار کیمی) دیگرینه اوستون اولماغا چالیشاردی. تانری موشریک‌لرین (اونا) عاید ائتدیک‌لری صیفت‌لردن تامامیله کناردیر!

92. او، قئیبی ده، آشکاری دا بیلیر. تانری (موشریک‌لرین) اونا قوشدوغو شریک‌لردن چوخ اوجا‌دیر!

93. (یا رسولوم!) دئ: ائی رببیم! اگر (موشریک‌لره) وعد ائتدیگین عذابی منه گؤستره‌جکسنسه،

94. اوندا منی ظالم طایفه‌نین ایچینده قویما، ائی رببیم! ( منی ده اونلارلا بیرلیکده هلاک ائتمه. منی راضی قالدیغین کس‌لرله بیر یئرده ائت! )

95. (یا رسولوم!) بیز اونلارا وعد ائتدیگیمیزی (عذابی) سنه گؤسترمه‌یه، البته، قادیریک!

96. سن پیس‌لیگی یاخشی‌لیقلا دف ائت! (گؤزل خیسلت صاحبی اولوب سنه پیس‌لیک ائدنی، اذیت وئرنی عفو ائت!) بیز (موشریک‌لرین بیزه) عاید ائتدیک‌لری صیفت‌لری (و سنین حاقیندا دئدیک‌لری نالاییق سؤزلری) داها یاخشی بیلیریک!

97. و دئ: ائی رببیم! من شیطان‌لارین وسوه‌سه‌لرین‌دن سنه سیغینیرام!

98. اونلارین یانیمدا اولمالاریندان‌ (ایشلریمه خلل قاتمالاریندان‌) سنه پناه گتیریرم، ائی رببیم!

99. نهایت، (موشریک‌لردن) بیری‌نین اؤلومو گلیب چاتدیغی زامان او بئله دئیر: ائی رببیم! منی گئری (دونیایا) قایتار!

100. بلکه، (ایندییه قدر) زای ائتدیگیم اؤمروم موقابیلینده یاخشی بیر ایش گؤروم! (یاخود، بو گونه قدر ترک ائتدیگیم ایمانا قاییدیب صالح بیر عمل ائدیم!) خئیر، بو اونون دئدیگی بوش (فایدا‌سیز) بیر سؤزدور. اونلارین اؤنونده دیریلیب (حاق-حساب اوچون تانری-نین حضوروندا) دورا‌جاق‌لاری گونه (قیامت گونونه) قدر مانعه (اؤلدوک‌دن سونرا قیامتدک قالا‌جاق‌لاری برزخ عالمی) واردیر.

101. سور چالیناجاغی گون آرتیق آرا‌لاریندا نه قوهوملوق (علاقه‌سی) اولار، نه ده اونلار بیر-بیرین‌دن سوروشوب حال-اهوال توتارلار. (قیامت گونو هئچ بیر قوهوملوق فایدا وئرمز، قوهوم‌لار بیر-بیرینی تانیماز؛ هره اؤز هاییندا اولار).

102. محض ترزی‌لری آغیر گلن‌لر (دونیادا یاخشی عمل‌لری چوخ اولان‌لار) نجات تاپارلار.

103. ترزی‌لری یونگول گلن‌لر (دونیادا چوخ‌لو گوناه قازانان‌لار) ایسه اؤزلرینه زیان ائدن‌لردیر. اونلار جهنمده ابعدی قالارلار.

104. جهنم اودو اونلارین اوزونو یاندیرار. اونلار اورادا (اوست دوداق‌لاری باش‌لاری‌نین تن اورتاسینا، آلت دوداق‌لاری ایسه گؤبک‌لرینه قدر اوزانا‌راق) دیش‌لری آغارمیش وضعیتده دورارلار.

105. (اونلارا دئیی‌لر: ) مگر منیم آیه‌لریم سیزلره اوخونموردومو؟ سیز ایسه اونلاری یالان حساب ائدیرسینیز!

106. اونلار دئیرلر: ائی رببیمیز! رزیل تالئییمیز (بدبختلیگیمیز) بیزه قلبه چالدی و بیز حاق یول‌دان آزان بیر جاماعت اولدوق!

107. ائی رببیمیز! بیزی اورا‌دان (جهنم اودون‌دان چیخارت! اگر بیر ده (سنین خوشونا گلمه‌ین پیس ایشلره) قاییتساق، شوبهه‌سیز کی، ظالم (اؤزوموز اؤزوموزه ظلم ائتمیش) اولاریق .

108. (تانری) بویورار: اورادا زلیل (معیوس) وضعیتده دوروب قالین و منه هئچ بیر شئی دئمیین! (جهنم اودون‌دان خلاص ائدیلمیینیزی من‌دن دیلمیین!)

109. چونکی بنده‌لریم‌دن بیر زومره (مؤمین‌لر) وار ایدی کی، اونلار: ائی رببیمیز! بیز (سنه) ایمان گتیردیک. آرتیق بیزی باغیشلا، بیزه رحم ائت. سن رحم ائدن‌لرین ان یاخشی‌سیسان! – دئییردی‌لر.

110. سیز ایسه اونلاری مسخره‌یه قویوردونوز. (بو مسخره، لاغلاغی باشینیزی او قدر قاتمیشدی کی) منی یادا سالماغی بئله سیزه اونوتدورموشدو. سیز (ایستئهزا ایله) اونلارا گولوردونوز.

111. حقیقتن، من صبر ائتدیک‌لرینه گؤره اونلاری موکافاتلاندیردیم. اونلار نجات تاپان‌لاردیر (اوغورا یئتن‌لردیر)!

112. (تانری قیامت گونو کافیرلره) بئله بویورا‌جاق‌دیر: یئر اوزونده نئچه ایل قالدینیز؟

113. اونلار: بیر گون، بیر گون‌دن ده آز، هر حالدا، سایان‌لاردان (اینسان‌لارین عمل‌لرینی سایان ملک‌لردن) سوروش! – دئیه جاواب وئره‌جک‌لر.

114. تانری بویورا‌جاق: اگر (حقیقتی) بیلیرسینیزسه، سیز (اورادا) چوخ آز قالدینیز! (دونیا حیاتی آخیرت حیاتی ایله موقاییسه‌ده اولدوقجا قیسا‌دیر).

115. یوخسا سیزی ابس یئره یاراتدیغیمیزی و (قیامت گونو دیریلیب حاق-حساب اوچون) حضوروموزا قایتاریلمایاجاغینیزی گومان ائدیردینیز؟

116. حقیقی حؤکمدار اولان تانری (هر شئی‌دن) اوجا‌دیر. اوندان باشقا هئچ بیر تانری یوخ‌دور. او، کریم (اوجا، قیمت‌لی) اولان عرشین رببی‌دیر! (تانری-نین رحمتی، خئییر-برکتی، پیغمبرلره گلن وحی عرش‌دن نازیل اولدوغو اوچون او کریم‌دیر).

117. کیم تانریلا یاناشی باشقا بیر تانرییا عبادت ائدرسه - بونون اوچون ایسه اونون هئچ بیر دلی‌لی یوخ‌دور – (قیامت گونو) اونون جزاسینی رببی اؤزو وئره‌جک‌دیر. حقیقتن، کافیرلر نجات تاپمعزلار!

118. (یا رسولوم!) دئ: ائی رببیم (بیزی) باغیشلا و رحم ائت! (اوممتیمین گوناهلاریندان‌ کئچ، توبه‌میزی قبول بویورماقلا بیزه مرحمت اتا ائت!) سن رحم ائدن‌لرین ان یاخشی‌سیسان



قرآن-نین تورکجه ترجومه سی‎ > ‎
24- النور

ان-نور (نور) سوره‌سی

(مککه‌ده نازیل اولموش‌دور، 64 آیه‌دیر)

باغیشلیلان و رحم ائدن تانرین آدینان

1. بو، (سما‌دان) نازیل ائدیب (حؤکم‌لرینی) واجیب بویوردوغوموز بیر سوره‌دیر. بیز اوندا آچیق-آشکار آیه‌لر نازیل ائتدیک کی، بلکه، دوشونوب عیبرت آلاسینیز!

2. زیناکار کیشیگی و زیناکار قادینا یوز چوبوق وورون. تانری-یاا و آخیرت گونونه اینانیرسینیزسا، تانری-نین دینی باره‌سینده (بو ایشین ایجراسیندا) اوریینیز اونلارا یومشالماسین و مؤمین‌لردن بیر دسته ده اونلارین عذابینا شاهید اولسون. (بو، سوبای کیشییه و ارسیز قادینا عایددیر. ائولی کیشی و قادین زینا ائتدیکده ایسه اونلارین جزاسی داشقالاق ائدیلمک‌دیر).

3. زیناکار کیشی آنجاق زیناکار، یاخود موشریک بیر قادینلا ائولنه بیلر. زیناکار قادین دا یالنیز زیناکار، یاخود موشریک بیر کیشییه اره گئده بیلر. بو (بئله بیر ائولنمه)، مؤمین‌لره حرام ائدیلمیش‌دیر.

4. ایسمت‌لی قادینلا زینا ایسناد ائدیب، سونرا (دئدیک‌لرینی تصدیقله‌یه‌جک) دؤرد شاهید گتیره بیلمه‌ین شخص‌لره سکسن چوبوق وورون و اونلارین شهادتینی هئچ واخت قبول ائتمیین. اونلار سؤزسوز کی، (تانری-نین اطاعتین‌دن چیخمیش) اصل فاسیق‌لردیر.

5. بون‌دان (ناموس‌لو قادین‌لارا آتدیغی بؤهتان‌دان) سونرا توبه ائدیب اؤزلرینی اصلاح ائدن‌لر استثنا اولماقلا. چونکی تانری (توبه ائدن‌لری) باغیشلایان‌دیر، رحم‌لی‌دیر!

6. آروادلارینا زینا ایسناد ائدیب اؤزلرین‌دن باشقا شاهیدلری اولمایان‌لارین هر بیری اؤزونون دوغرو دانیشان‌لاردان اولدوغونا دایر دؤرد دفعه تانری-نین آدی ایله (اشهه‌دو بیللاهی – تانری-یاا شاهید گتیریرم، دئیه) شهادت وئرمه‌لی‌دیر.

7. بئشینجی دفعه: اگر یالان دانیشان‌لاردان‌دیرسا، تانری اونا لعنت ائله‌سین! (دئمه‌لی‌دیر).

8. قادی‌نین دا (حاکمین حضوروندا) اری‌نین یالان دانیشان‌لاردان اولماسی باره‌ده دؤرد دفعه تانری-یاا شاهید توتماسی عذابی اوندان دف ائدر.

9. بئشینجی دفعه: اگر (اری) دوغرو دانیشان‌لاردان‌دیرسا، تانری اونا (قادی‌نین اؤزونه) لعنت (غضب) ائله‌سین! (دئمه‌لی‌دیر).

10. اگر تانری-نین سیزه نعمتی و مرحمتی اولماسایدی، تانری توبه‌لری قبول ائدن، حیکمت صاحبی اولماسایدی (حالینیز نئجه اولاردی)؟ (او، گوناهکارلارین جزاسینی درحال وئریب اونلاری روسوای ائدردی).

11. حقیقتن، (آیشه باره‌سینده) یالان خبر گتیرن‌لر اؤز ایچرینیزده اولان بیر زومره‌دیر (مونافیق‌لردیر). اونو (او خبری) پیس بیر شئی زنن ائتمیین. او، بلکه ده، سیزین اوچون خئییرلی‌دیر. او زومره‌دن اولان هر بیر شخصین قازاندیغی گوناهین جزاسی واردیر. اونلاردان گوناهین بؤیوگونو اؤز اوستونه گؤتورنی (آبدولاه ابن اوبئییی) ایسه (قیامت گونو) چوخ بؤیوک (شدت‌لی) بیر عذاب گؤزله ییر!

12. مگر او یالان سؤزو ائشیتدیگینیز زامان مؤمین کیشی‌لر و قادین‌لار اؤز اورک‌لرینده (اؤزلری حاقیندا یاخشی فیکیرده اولدوق‌لاری کیمی، دوست‌لاری‌نین دا اهلی-ایا‌لی باره‌سینده) یاخشی فیکیرده اولوب: بو، آچیق-آیدین بیر بؤهتان‌دیر! – دئمه‌لی دئییلدیلرمی؟

13. (آیشه‌یه ایفتیرا یاخان‌لار) نه اوچون اؤزلری‌نین دوغرو اولدوق‌لارینی تصدیق ائده‌جک دؤرد شاهید گتیرمه‌دی‌لر؟ مادام کی، شاهید گتیرمه‌دی‌لر، دئمه‌لی، اونلار تانری یانیندا اصل یالانچی‌دیرلار!

14. اگر تانری-نین دونیادا و آخیرتده سیزه نعمتی و مرحمتی اولماسایدی، او یالان سؤزونوزه گؤره سیزه شدت‌لی بیر عذاب توخوناردی.

15. او زامان کی، سیز (مونافیق‌لرین یایدیغی) یالانی دیلینیزه گتیریر، بیلمدیگینیز سؤزو آغزینیزا آلیر و اونو یونگول (آسان، اینسانا گوناه گتیرمه‌ین) بیر شئی سانیردینیز. حال بوکی بو (پیغمبرین اهلی-ایا‌لی حاقیندا نالاییق سؤز دانیشماق) تانری یانیندا چوخ بؤیوک گوناهدیر!

16. مگر سیز اونو ائشیتدیگینیز زامان: بیزه بونو (بو یالانی) دانیشماق یاراشماز. آمان (تانری)! بو، چوخ بؤیوک بیر بؤهتان‌دیر! – دئمه‌لی دئییلدینیزمی؟

17. تانری سیزه اؤیود-نصیحت وئریر کی، اگر مؤمینسینیزسه، بیر داها بئله شئی‌لر ائتمیسینیز.

18. و تانری سیزین اوچون آیه‌لرینی (بئله اطراف‌لی، آچیق-آیدین) ایضاح ائدیر. تانری (هر شئیی) بیلن‌دیر، حیکمت صاحبی‌دیر!

19. مؤمین‌لر آراسیندا (اونلاری نفوذدان، حؤرمت‌دن سالماق مقصدیله) پیس سؤز یایماق ایسته‌ین‌لری دونیادا و آخیرتده شدت‌لی بیر عذاب گؤزله ییر. (هامی‌نین عملینی، یاییلان شاییه‌لرین، آتیلان بؤهتان‌لارین دوغرو اولوب-اولمادیغینی) آنجاق تانری بیلیر، سیز بیلمزسینیز!

20. اگر تانری-نین سیزه نعمتی و مرحمتی اولماسایدی، تانری شفقت‌لی، رحم‌لی اولماسایدی (حالینیز نئجه اولاردی)؟ (دئدیگینیز یالان‌لارا، یاخدیغینیز ایفتیرا‌لارا گؤره سیزی درحال محو ائدردی).

21. ائی ایمان گتیرن‌لر! شئیطانین یولونو توتوب گئتمیین! کیم شئیطانین گئتدیگی یوللا گئتسه، او، (اینسان‌لارا) چیرکین، پیس ایشلر گؤرمیی (زینا ائتمیی، یالان دانیشماغی، اؤزگه‌لره بؤهتان آتماغی) امر ائدر. اگر تانری-نین سیزه نعمتی و مرحمتی اولماسایدی، سیزدن هئچ کس هئچ واخت (گونعهدان) پاک اولمازدی. لاکین تانری دیلدیگینی (گونعهدان) پاک ائدر. تانری (هر شئیی) ائشی‌دن‌دیر، بیلن‌دیر!

22. آرانیزدا اولان فضیلت و ثروت صاحب‌لری قوهوم-اقرابایا، میسکین‌لره و تانری یولوندا هیجرت ائدن‌لره (هئچ بیر شئی) وئرمه‌یه‌جک‌لرینه آند ایچمه‌سین‌لر. (اونلاری) عفو ائدیب، (جزالان‌دیرماق‌دان) واز کئچسین‌لر! مگر سیز (بو یاخشی‌لیق موقابیلینده) تانری-نین سیزی (گوناه‌لارینیزی) باغیشلاماغینی ایستمیرسینیز؟ تانری (بنده‌لرینی) باغیشلایان‌دیر، رحم ائدن‌دیر!

23. زینا‌دان خبری اولمایان ناموس‌لو، ایسمت‌لی مؤمین قادین‌لاری زینادا اتهام ائدن‌لر دونیادا و آخیرتده لعنته دوچار اولارلار. اونلاری (قیامت گونو) چوخ بؤیوک بیر عذاب گؤزله ییر.

24. قیامت گونو (اونلار دونیادا قازاندیق‌لاری گوناه‌لارینی داندیقدا) دیل‌لری، اللری و آیاق‌لاری ائتدیک‌لری عمل‌لر باره‌سینده اونلارین علئیهینه شهادت وئره‌جک‌دیر.

25. او گون تانری اونلارین جزاسینی لاییقینجه وئره‌جک و اونلار تانری-نین (تانری-نین اونلارا وئردیگی وعدین) آچیق-آشکار بیر حاق اولدوغونو بیله‌جک‌لر!

26. موردار قادین‌لار موردار کیشی‌لره، موردار کیشی‌لر ایسه موردار قادین‌لارا، ائله‌جه ده تمیز قادین‌لار تمیز کیشی‌لره، تمیز کیشی‌لر ده تمیز قادین‌لارا لاییق‌دیرلر. (پیس سؤزلر پیس آدام‌لارا، پیس آدام‌لار پیس سؤزلره، ائله‌جه ده یاخشی سؤزلر یاخشی آدام‌لارا، یاخشی آدام‌لار دا یاخشی سؤزلره لاییق‌دیرلر). بون‌لار (آیشه و سفوان کیمی پاک آدام‌لار) اونلارین (مونافیق‌لرین) دئدیک‌لرین‌دن (یالان، پیس سؤزلردن) اوزاق‌دیرلار. اونلاری (گوناه‌لاردان) باغیشلانما و (جننتده) توکنمز (میننت‌سیز) روزی گؤزله ییر!

27. ائی ایمان گتیرن‌لر! باشقا‌لاری‌نین ائولرینه (سیزین اولمایان ائولره) صاحب‌لرین‌دن ایجازه آلما‌دان و اونلارا سلام وئرمه‌دن گیرمیین. بو، (ادب-ارکان باخیمین‌دان) سیزین اوچون داها یاخشی‌دیر. بلکه، (تانری-نین بو امری‌نین حیکمتینی) دوشونوب آنلایاسینیز (و همیشه یاددا ساخلاییب اونا عمل ائدسینیز).

28. اگر اورادا هئچ کسی تاپمعصاز، سیزه ایجازه وئریلمیندک ایچری گیرمیین. سیزه گئری دؤنون! – دئییلسه، گئری دؤنون. بو، تانری-نین یانیندا سیزین اوچون داها تمیز بیر داورانیش‌دیر. تانری نه ائتدیک‌لرینیزی بیلن‌دیر!

29. ایچه‌ری‌سینده  اشیانیز اولان (کاروانسارا، مئهمان‌خانا، اومومی ایستیفاده یئرلری کیمی) قئیری-مسکون ائولره (ایجازه‌سیز) داخیل اولماق سیزین اوچون گوناه دئییل‌دیر. تانری سیزین آشکار ائتدیک‌لرینیزی ده، گیزلی ساخلادیق‌لارینیزی دا (آشکاردا دا، گیزلینده ده نه ائتدیگینیزی) بیلیر!

30. (یا رسولوم!) مؤمین کیشی‌لره دئ کی، گؤزلرینی حرام ائدیلمیش شئی‌لردن چئویرسین‌لر (نامحرمه باخماسین‌لار)، آییب یئرلرینی (زینا‌دان) قوروسون‌لار (و یا اؤرتولو ساخلاسین‌لار). بو اونلار اوچون (ادب-ارکان، تمیزلیک باخیمین‌دان) داها یاخشی‌دیر. شوبهه‌سیز کی، تانری اونلارین نه ائتدیک‌لرین‌دن خبرداردیر!

31. مؤمین قادین‌لارا دئ کی، گؤزلرینی حرام بویورولموش شئی‌لردن چئویرسین‌لر (نامحرمه باخماسین‌لار)، آییب یئرلرینی (زینا‌دان) قوروسون‌لار (و یا اؤرتولو ساخلاسین‌لار)؛ اؤز-اؤزلوگونده گؤرونن (ال، اوز) استثنا اولماقلا، زینت‌لرینی (زینت یئرلری اولان بویون، بوغاز، قول، آیاق و س. نامحرمه) گؤسترمه‌سین‌لر؛ باش اؤرتوک‌لرینی یاخا‌لاری‌نین اوستونه چکسین‌لر (بویون‌لاری و سینه‌لری گؤرونمه‌سین)؛ زینت یئرلرینی ارلرین‌دن، یاخود اؤز آتالاریندان‌، یاخود ارلری‌نین آتالاریندان‌ (قاییناتالاریندان‌)، یاخود اؤز اوغوللاریندان‌، یاخود ارلری‌نین اوغوللاریندان‌، یاخود اؤز قارداشلاریندان‌، یاخود قارداش‌لاری‌نین اوغوللاریندان‌، یاخود باجی‌لاری‌نین اوغوللاریندان‌، یاخود اؤز (موسلمان) قادینلاریندان‌، یاخود صاحب اولدوق‌لاری (موشریک) جارییه‌لردن، یاخود کیشی‌لیگی قالمامیش (اونلارلا بیرلیکده یئمک یئین) خیدمتچی‌لردن، یاخود قادین‌لارین محرم یئرلرینی هله آنلامایان اوشاق‌لاردان باشقاسینا گؤسترمه‌سین‌لر؛ گیزلتدیک‌لری بزک شئی‌لرینی (خالخال‌لارینی) گؤسترمک اوچون آیاق‌لارینی (یئره و یا بیر-بیرینه) وورماسین‌لار. ائی مؤمین‌لر! هامینیز تانری-یاا توبه ائدین کی، نجات تاپاسینیز! (متلبینیزه چاتاسینیز!)

32. (ائی مؤمین‌لر!) آرانیزدا اولان سوبای کیشی‌لری و ارسیز قادین‌لاری، املیسالئه (یاخود ائولنمه‌یه قابیل) کؤله و جارییه‌لرینیزی ائولن‌دیرین. اگر اونلار یوخسول‌دورلارسا، تانری اؤز لوطفو ایله اونلاری دؤولت‌لی ائدر. تانری (لوطفو، مرحمتیله) گئنیش‌دیر، (هر شئیی) بیلن‌دیر!

33. ائولنمه‌یه قوه‌سی چاتمایان‌لار (مادی ایمکانی اولمایان‌لار) تانری اؤز لوطفو ایله اونلارا دؤولت وئرنه قدر ایففت‌لرینی قورویوب (اؤزلرینی زینا‌دان) ساخلاسین‌لار. کؤله‌لرینیزدن موکاتبه ائتمک (اولجه‌دن باغلانیلمیش یازی‌لی موقاویله‌یه اساساً مویین مبلغ پول قازانیب آغاسینا وئمک شرطیله کؤله‌لیک‌دن آزاد اولماق) ایسته‌ین‌لرله - اگر اونلاردا بیر خئییر (موقاویله‌دکی شرط‌لرین یئرینه یئتیریلمه‌سی اوچون قودرت) گؤرورسونوزسه - موکاتبه ائدین. اونلارا تانری-نین سیزه وئردیگی مال‌دان وئرین. (زکات‌دان اونلارا او قدر وئرین کی، اؤزلرینی ساتین آلیب آزاد ائده بیلسین‌لر). اگر جارییه‌لرینیز ایسمت‌لرینی قورویوب ساخلاماق ایسته‌سه‌لر، فانی دونیا مالی الده ائتمک خاطرینه اونلاری زینایا مجبور ائتمیین. کیم اونلاری (جارییه‌لری زیناکارلیغا) مجبور ائدرسه، (بیلسین کی) اونلارین بو مجبوریتین‌دن سونرا، البته، تانری (زیناکارلیغا وادار اولان‌لاری) باغیشلایار، رحم ائدر. (زیناکارلیغا وادار ائدیلن جارییه‌لرین گوناهی اونلار بو ایشله اؤز خوشونا دئییل، زور گوجونه مشغول اولدوق‌لاری اوچون همین جارییه‌لرین اؤزلرینه دئییل، اونلاری پول قازانماق مقصدیله زیناکارلیغا سؤوق ائدن آغا‌لاری‌نین بوینونا دوشر).

34. حقیقتن، بیز (قورآندا) سیزه (حاقی ناهاق‌دان آییرد ائدن) آچیق-آشکار آیه‌لر، سیزدن اول گلیب-گئدن‌لر (کئچمیش اوممت‌لر) باره‌سینده مثل‌لر (حکایه‌لر) و موتتقی‌لر اوچون اؤیود-نصیحت نازیل ائتدیک.

35. تانری گؤی‌لرین و یئرین نورودور. (کایناتی یارادیب اونا نور وئرن، یئر و گؤی اهلینه حاق یولو گؤسترن خالیق‌دیر). اونون (پیغمبریمیزین و مؤمین‌لرین قلبینده اولان) نورو، ایچینده چیراق اولان بیر تاخچایا (چیراق‌دانا) بنزر؛ تاخچا‌داکی او چیراق بیر قندیلین ایچینده‌دیر، او قندیل ایسه، سانکی پارلاق بیر اولدوزدور. او چیراق نه شرقده، نه ده قربده (عالمین اورتاسیندا) اولان موبا‌رک بیر زئیتون آغاجین‌دان یاندیریلیر. (شرقده دئییل‌دیر کی، گونش باتدیقدا، قربده ده دئییل‌دیر کی، گونش دوغدوقدا قاران‌لیقدا قالسین). اونون (زئیتون آغاجی‌نین) یاغی اؤزونه اود توخونماسا دا، سانکی (هاراداسا) ایشیق ساچیر. او، نور اوستونده نوردور. تانری دیلدیگینیز اؤز نورونا قوووشدورور (ایستدیگینه اؤز نورونو بخش ائدیب جننت یولو اولان ایسلام دینینه یؤنل‌دیر). تانری (حقیقتی آنلایا بیلسین‌لر دئیه) اینسان‌لار اوچون مثال‌لار چکیر. تانری هر شئیی بیلن‌دیر!

36. (همین تاخچا و چیراق) تانری-نین تیکیلیب اوجالدیلماسینا و اؤز آدی‌نین ذکر ائدیلمه‌سینه ایزین وئردیگی او ائولرده‌دیر (او مسجیدلرده‌دیر) کی، اورادا سحر-آخشام اونو تقدیس ائدیب شأنینه تعریف‌لر دئیرلر.

37. او کس‌لر کی، نه تیجارت، نه آلیش-وئریش اونلاری تانری-یاا ذکر ائتمک‌دن، ناماز قیلماق‌دان و زکات وئرمک‌دن یاییندیرماز. اونلار قلب‌لرین و گؤزلرین حال‌دان-حالا دوشجیی (دحشت‌دن اورک‌لرین دویماق‌دان، گؤزلرین گؤرمک‌دن قالاجاغی) بیر گون‌دن (قیامت گونودن) قورخارلار.

38. (اونلارین واخت‌لی-واختیندا، لازیمینجا عبادت ائتمه‌لری، تانری دان قورخوب پیس‌لیک‌دن چکینمه‌لری اونا گؤره‌دیر کی) تانری اونلارا ائتدیک‌لری عمل‌لرین ان گؤزل موکافاتینی (یاخود گؤردوک‌لری ان یاخشی ایشلرین اوزینی) وئرسین، اونلارا اولان لوطفونو آرتیرسین. تانری دیلدیگینه سای‌سیز-حساب‌سیز روزی وئرر.

39. (تانری-نین وهدانیتینی دانان، قورآنی یالان حساب ائدن) کافیرلرین عمل‌لری اوجسوز-بوجاق‌سیز چؤل‌دکی (صحرا‌داکی) ایلغیما بنزر کی، سوسوزلوق‌دان اوریی یانان اونو سو بیلر. نهایت، گلیب اونا یئتیشدیگی زامان اونون هئچ نه اولدوغونو گؤرر. او اؤز عملی‌نین یانیندا آنجاق تانری-نین جزاسینی تاپار. (تانری دا) اونون جزاسینی (لاییقینجه) وئرر. تانری تئزلیکله حاق-حساب چکن‌دیر.

40. یاخود (اونلارین عمل‌لری) زنگین دنیزین ظولمتینه بنزر. اونو بیر دالغا، او دالغانین اوستون‌دن بیر دالغا، اونون دا اوستون‌دن بیر بولود (دالغا) – ظولمت اوستون‌دن ظولمت اؤرتر. او، الینی چیخارتدیقدا، هارداسا اونو گؤرمز. تانری بیر کسه نور بخش ائتمه‌سه، اونون نورو اولماز.

41. (یا رسولوم!) مگر گؤی‌لرده و یئرده اولان‌لارین (ملک‌لرین، اینسان‌لارین، جین‌لرین)، قانادلارینی آچیب (قاتار-قاتار) اوچان قوش‌لارین تانری-یاا تقدیس ائدیب شأنینه تعریف‌لر دئدیک‌لرینی گؤرمورسنمی؟! تانری اونلاردان هر بیری‌نین دعاسینی، شوکور-سناسینی (یاخود اونلارین هر بیری اؤز دعاسینی، شوکر-سناسینی) بیلیر. تانری اونلارین نه ائتدیک‌لرینی (لاییقینجه) بیلن‌دیر!

42. گؤی‌لرین و یئرین حؤکمو تانری نین‌دیر. آخیر دؤنوش ده تانری-یاا‌دیر!

43. مگر گؤرمورسنمی کی، تانری بولودلاری قووار، سونرا اونلاری بیر آرایا توپلایار، سونرا دا اوست-اوسته ییغیب توپا حالینا سالار. و گؤرورسن کی، (او بولودلارین) آراسین‌دان یاغمور چیخار، سونرا تانری گؤی‌دن داغ‌لار کیمی (چوخ و بؤیوک) دولو یاغدیرار، سونرا دا اونونلا ایستدیگینی بلایا دوچار ائدر، ایستدیگین‌دن ده اونو سوووشدورار. بولودلارین شیمشیی‌نین پاریلتی‌سی آز قالا گؤزلری کور ائدر.

44. تانری گئجنی گوندوزه (گوندوزو ده گئجه‌یه) چئویرر. حقیقتن، بوندا (گئجه و گوندوزون بیر-بیری‌نین آردینجا گئدیب-گلمه‌سینده) بصیرت صاحب‌لری اوچون بیر عیبرت واردیر.

45. تانری هر حیوانی (جانلینی) بیر سودان (نوتفه‌دن) یاراتمیش‌دیر. اونلارین بعضی‌سی قارنی اوسته سورونور، بعضی‌سی ایکی، بعضی‌سی ایسه دؤرد آیاق اوستونده گزیر. تانری ایستدیگینی یارا‌دیر. حقیقتن، تانری هر شئیه قادیردیر!

46. حقیقتن، بیز (حؤکم‌لریمیزی، حالال و حرام بویوردوق‌لاریمیزی، حاق یولو) آچیق-آیدین (بیل‌دیرن) آیه‌لر نازیل ائتدیک. تانری دیلدیگینی دوغرو یولا (ایسلام دینینه) یؤنلدر.

47. (مونافیق‌لر: ) تانری-یاا، پیغمبره ایمان گتیردیک، اطاعت ائتدیک! – دئیر، بون‌دان سونرا ایسه اونلاردان بیر دسته (پیغمبردن) اوز چئویرر. بئله‌لری مؤمین (دیل‌لری ایله اورک‌لری بیر اولان موسلمان) دئییل‌لر.

48. (مونافیق‌لر) آرا‌لاریندا حؤکم ائتمک اوچون تانری-نین (تانری-نین کیتابی‌نین) و پیغمبری‌نین یانینا چاغیریلدیقدا اونلاردان بیر دسته (اونون یانینا گلمک‌دن، حاقا بویون قویماق‌دان) درحال اوز چئویرر.

49. اگر حاق اونلارین طرفینده اولسا، اطاعت ائدیب (تئز) اونون یانینا گلرلر.

50. اونلارین قلب‌لرینده مرضمی (شکک، نیفاق مرضیمی) وار؟ یاخود تانری-نین و پیغمبری‌نین اونلارا جؤور، حاق‌سیزلیق ائده‌جک‌لرین‌دن قورخورلار؟ خئیر، اونلار اؤزلری زولمکاردیرلار! (تانری-یاا آسی اولماقلا اؤزلری-اؤزلرینه ظلم ائدیرلر!)

51. آرا‌لاریندا حؤکم وئرمک اوچون تانری-نین (تانری-نین کیتابی‌نین) و پیغمبری‌نین یانینا چاغیریلدیق‌لاری زامان مؤمین‌لرین سؤزو آنجاق: ائشیتدیک و اطاعت ائتدیک! – دئمک‌دن عبارت‌دیر. نجات تاپان‌لار دا محض اونلاردیر!

52. تانری-یاا و اونون پیغمبرینه اطاعت ائدن‌لر، تانری دان قورخوب چکینن‌لر – محض بئله‌لری اوغورا چاتان‌لاردیر (ابعدی سعادته - جننته قوووشان‌لاردیر).

53. (یا رسولوم، مونافیق‌لر) اونلارا امر ائتدیگین زامان موطلق (جیهادا) چیخا‌جاق‌لاری حاقدا تانری-یاا چوخ مؤحکم آند ایچدی‌لر. اونلارا دئ: (یالان‌دان) آند ایچمیین، اطاعتینیز معلوم‌دور (یاخود سیزدن طلب اولونان آند یوخ، آدیجه اطاعت‌دیر). حقیقتن، تانری نه ائتدیک‌لرینیزدن خبرداردیر!

54. دئ: تانری-یاا اطاعت ائدین، پیغمبره اطاعت ائدین. (چونکی پیغمبره اطاعت ائتمک ائله تانری-یاا اطاعت ائتمک‌دیر). اگر (پیغمبرین امرین‌دن) اوز دؤندرسه‌نیز، (بیلین کی) اونون وظیفه‌سی آنجاق اونا تاپشیریلانی، سیزین ده وظیفه‌نیز آنجاق سیزه تاپشیریلانی یئرینه یئتیرمک‌دیر. اگر اونا اطاعت ائتسه‌نیز، دوغرو یولو تاپمیش اولارسینیز. پیغمبرین اؤهده‌سینه دوشن ایسه یالنیز (دینی، تانری-نین حؤکم‌لرینی، ریسالتینی) آچیق-آشکار تبلیغ ائتمک‌دیر.

55. تانری آرانیزدان ایمان گتیریب یاخشی ایشلر گؤرن‌لره - یالنیز منه عبادت ائدرلر، هئچ نیی منه شریک قوشمعزلار دئیه - اونلاری اؤزلرین‌دن اوولکی‌لر کیمی یئر اوزونون واریث‌لری ائدجیینی (ایسرایل اؤولادینی یئر اوزونده کافیرلرین یئرینه گتیردیگی کیمی اونلاری دا موشریک‌لرین یئرینه گتیرجیینی)، اونلار (مؤمین‌لر) اوچون اونلارین تانری-نین اؤزو بیندیگی دینینی (ایسلامی) مؤحکملندیرجیینی (هر طرفه یایاجاغینی) و اونلارین قورخوسونو سونرا امین-آمان‌لیقلا (آرخایینچی‌لیقلا) ازو ائدجیینی وعد بویورموش‌دور. بون‌دان سونرا کوفر ائدن‌لر، شوبهه‌سیز کی، (تانری-نین اطاعتین‌دن چیخمیش) اصل فاسیق‌لردیر!

56. ناماز قیلین، زکات وئرین و پیغمبره اطاعت ائدین کی، سیزه رحم اولونسون!

57. (تانری-نین وهدانیتینی اینکار ائدن) کافیرلرین یئر اوزونده (اؤز رببینی) عاجیز ائده بیلجیینی (تانری-نین عذابین‌دان قاچیب جان‌لارینی قورتارا بیله‌جک‌لرینی) گومان ائتمیین. اونلارین مسکنی جهنم‌دیر. او، نئجه ده پیس سیغینا‌جاق‌دیر!

58. ائی ایمان گتیرن‌لر! صاحب اولدوق‌لارینیز (کؤله و کنیزلر)، حدی-بولوغا چاتمایان‌لار (یانینیزا داخیل اولماق ایستدیکده) بو اوچ واختدا سیزدن ایجازه آلسین‌لار: صوبح نامازین‌دان اول، گونورتا (یاتیب دینجلمک، استراحت ائتمک اوچون) پالتارینیزی چیخارتدیغینیز زامان و گئجه نامازین‌دان سونرا. (بو واخت‌لار اینسان پالتارینی چیخاردا بیلر، زؤوجه‌سی ایله بیر یئرده اوزانیب ایختیلات ائده بیلر و ی. آ.) بو اوچ واخت سیزین اوچون خلوت واخت‌دیر (پالتارسیز اولا بیلرسینیز). قالان واخت‌لاردا بیر-بیرینیزین یانینا (ایجازه‌سیز) گیریب-چیخماقدا سیزه ده، اونلارا دا هئچ بیر گوناه یوخ‌دور. تانری آیه‌لری سیزه بئله ایضاح ائدیر. تانری (هر شئیی) بیلن‌دیر، حیکمت صاحبی‌دیر!

59. سیزدن اولان اوشاق‌لار دا حدی-بولوغا چاتاندا (یانینیزا داخیل اولماق ایستدیک‌لری زامان) اؤزلرین‌دن اوولکی‌لر کیمی ایزین ایسته‌سین‌لر. تانری اؤز آیه‌لرینی سیزه بئله ایضاح ائدیر. تانری (هر شئیی) بیلن‌دیر، حیکمت صاحبی‌دیر!

60. (هئیزدن و دوغوش‌دان کسیلدیک‌لری اوچون) اره گئتمه‌یه اومیدی قالمایان یاش‌لی قادین‌لارین قاداغان اولونموش زینت‌لرینی (زینت یئرلرینی نامحرمه) گؤسترمه‌دن اوست پالتارینی (چارشاب، نیقاب، بورونجک و س.) چیخارماسیندا گوناه یوخ‌دور. بونونلا بئله، (همین گئییم‌لری سویونماق‌دان) چکینمه‌لری اونلار اوچون داها یاخشی‌دیر. تانری (هر شئیی) ائشی‌دن‌دیر، بیلن‌دیر!

61. کورا، چولاغا، خسته‌یه (باشقا‌لاری ایله بیر یئرده اوتوروب یئمک یئمکده) گوناه یوخ‌دور. سیزین اؤزونوزه ده اؤز ائولرینیزده، یاخود آتا‌لارینیزین ائولرینده، یاخود آنا‌لارینیزین ائولرینده، یاخود قارداش‌لارینیزین ائولرینده، یاخود باجی‌لارینیزین ائولرینده، یاخود عمی‌لرینیزین ائولرینده، یاخود بیبی‌لرینیزین ائولرینده، یاخود دایی‌لارینیزین ائولرینده، یاخود خالا‌لارینیزین ائولرینده، یاخود آچارلاری اللرینیزده اولان (سلاهیتینیز چاتان) ائولرده، یاخود دوست‌لارینیزین ائولرینده یئمک یئمک‌دن هئچ بیر گوناه گلمز. بیر یئرده، یاخود آیری-آیری‌لیقدا یئمیینیزده ده هئچ بیر گوناه یوخ‌دور. ائولره داخیل اولدوغونوز زامان اؤزونوزو (بیر-بیرینیزی، قوهوم-اقربانیزی، دوست‌لارینیزی و دینداش‌لارینیزی) تانری درگاهین‌دان برکت و خوشلوق دیله‌ین بیر سلاملا سالاملایین. تانری آیه‌لری سیزه بئله ایضاح ائدیر کی، دوشونوب داشیناسینیز!

62. حقیقتن، مؤمین‌لر آنجاق تانری-یاا و اونو پیغمبرینه ایمان گتیرن، اومومی بیر ایش (جیهاد، جومه خوطبه‌سی، مصلحت-مشورت) اوچون پیغمبرله بیر یئرده اولدوقدا اوندان ایزین آلمامیش بیر یئره گئتمه‌ین کیمسه‌لردیر. (یا رسولوم!) سن‌دن ایزین ایسته‌ین‌لر - محض بئله‌لری تانری-یاا و اونون پیغمبرینه اینانان‌لاردیر. اگر اونلار بعضی ایشلری اوچون سن‌دن ایزین ایسته‌سه‌لر، اونلاردان اؤزون ایستدیگینه (یانین‌دان گئتمه‌یه) ایزین وئر و اونلار اوچون تانری دان باغیشلانما دیله. حقیقتن، تانری (بنده‌لرینی) باغیشلایان‌دیر، رحم ائدن‌دیر!

63. پیغمبری چاغیرماغی اؤز آرانیزدا بیر-بیرینیزی چاغیرماغینیزلا عینی توتمایین! (پیغمبری اؤزونوز بیر-بیرینیزی چاغیردیغینیز کیمی چاغیرمایین. اونا محمّد، نه دئییرسن؟ یوخ، بلی! بویور، ائی تانری-نین ائلچی‌سی، ائی تانری-نین پیغمبری! – دئیه جاواب وئرین. و یا پیغمبرین دعاسینی اؤز دعانیز کیمی حساب ائتمیین. اونون دعاسی، سیزینکی‌لردن فرق‌لی اولا‌راق، تانری درگاهیندا موطلق قبول اولونار). حقیقتن، تانری سیزلردن (خوطبه زامانی مسجیددن) خلوت سوووشوب آرا‌دان چیخان‌لاری بیلیر. اونون (تانری نین، یاخود پیغمبرین) امرینه قارشی چیخان‌لار باش‌لارینا گله‌جک بیر بلا‌دان، یاخود دوچار اولا‌جاق‌لاری شدت‌لی بیر عذاب‌دان هزر ائتسین‌لر!

64. بیلین و آگاه اولون کی، گؤی‌لرده و یئرده نه وارسا، (هامی‌سی) تانری نین‌دیر. او، حقیقتن، سیزین نه عمل صاحبی اولدوغونوزو (هانسی مذهبه قوللوق ائتدیگینیزی) بیلیر. تانری (مخلوقاتین، یاخود مونافیق‌لرین دیریلیب) اونون حضورونا قایتاریلا‌جاق‌لاری گون (قیامت گونو) اونلارا (دونیادا) نه ائتدیک‌لرینی بیل‌دیره‌جک‌دیر. تانری هر شئیی بیلن‌دیر



قرآن-نین تورکجه ترجومه سی‎ > ‎
25-الفرقان

ال-فورقان (فرقلندیرمه) سوره‌سی

(مککه‌ده نازیل اولموش‌دور، 77 آیه‌دیر)

باغیشلیلان و رحم ائدن تانرین آدینان

1. عالم‌لری (اینسان‌لاری و جین‌لری تانری-نین عذابی ایله) قورخوتماق اوچون (حاقی باطیل‌دن آییران) قورآنی اؤز بنده‌سینه (محمّده) نازیل ائدن تانری نه قدر (اوجا، نه قدر) اولودور! (اوجا‌لاردان اوجا‌دیر؛ ازه‌لی و ابعدی‌دیر، خئییر-برکتی بول و دایمی‌دیر!)

2. او تانری کی، گؤی‌لرین و یئرین حؤکمو (سلطنتی) اونون‌دور. او (اؤزونه) هئچ بیر اؤولاد گؤتورممیش‌دیر؛ مولکونده هئچ بیر شریکی یوخ‌دور. او، هر شئیی یاراتمیش و اونو (اونون نه جور اولاجاغینی) تق‌دیر (عزل‌دن مویین) ائتمیش‌دیر.

3. (موشریک‌لر ایسه) اونو قویوب هئچ بیر شئی یارادا بیلمه‌ین، عکسینه، اؤزلری یارادیلان، اؤزلرینه نه بیر ضرر، نه ده بیر خئییر وئره بیلن، دیریلتمه‌یه، اؤلدورمه‌یه، حیات وئرمه‌یه و (اؤلن‌دن سونرا قیامت گونو) یئنی‌دن دیریلتمه‌یه گوج‌لری چاتمایان‌لاری (بوت‌لری) اؤزلرینه تانری‌لار قبول ائتدی‌لر.

4. کافیر اولان‌لار: بو (قورآن) اونون (محمّدین) اویدورماسین‌دان باشقا بیر شئی دئییل‌دیر. اونا بو ایشده باشقا بیر طایفه‌(یهودی‌لر) یاردیم ائتمیش‌دیر! – دئیه‌رک (اؤزلری بو باطیل ادعا‌لاری ایله) ظلمه (کوفره) و بؤهتانا یووارلاندی‌لار.

5. اونلار همچی‌نین: بو، قدیم‌لرین افسانه‌لری‌دیر (یالان سؤزلردیر). او (محمّد) اونلاری (یهودی‌لره) یازدیرتمیش‌دیر؛ (ازبرلنمه‌سی اوچون) سحر-آخشام (محمّدین) اؤزونه اوخونور ، - دئدی‌لر.

6. (یا رسولوم!) دئ: اونو (قورآنی) گؤی‌لرین و یئرین سیررینی بیلن (تانری) نازیل ائتمیش‌دیر. حقیقتن، او، (مؤمین‌لری) باغیشلایان‌دیر، رحم ائدن‌دیر!

7. (موشریک‌لر) دئدی‌لر: بو نئجه پیغمبردیر کی، یئمک یئییر، بازارلاری گزیب دولاشیر؟ مگر اونا اؤزو ایله بیرلیکده (اینسان‌لاری تانری-نین عذابی ایله) قورخودان (و اونون حقیقی پیغمبر اولدوغونو تصدیق ائدن) بیر ملک گؤندریلمه‌لی دئییلمی؟

8. یاخود اونا (روزی قازانماق‌دان اؤترو بازارلاری دولاشماسین دئیه گؤی‌دن) بیر خزینه ائندیرمه‌لی و یا اوندان (اونون مئیوه‌سین‌دن) یئییب دولانماق اوچون بیر باغی اولما‌لی دئییلدیمی؟ ظالم‌لار (موشریک‌لر مؤمین‌لره) دئدی‌لر: سیز آنجاق اووسونلانمیش (بونا گؤره ده آغلینی ایتیرمیش) بیر آداما تابع اولورسونوز!

9. (یا رسولوم!) بیر گؤر سنین بارنده نئجه مثل‌لر چکدی‌لر! (سنی دیوانه‌یه بنزتدی‌لر، پیغمبرلیگی‌نین حقیقی اولدودوغونو تصدیق ائتمک اوچون گؤی‌دن ملک ائندیریلمه‌سینی طلب ائتدی‌لر!) آرتیق (دوغرو یول‌دان) آزدی‌لار و بیر داها (حاقا) یول تاپا بیلمزلر!

10. (یا رسولوم!) اگر ایسته‌سه، سنه اوندان (موشریک‌لرین دئدیک‌لرین‌دن) داها یاخشی‌سینی – (آغاجلاری) آلتین‌دان چای‌لار آخان جننت‌لر وئره بیلن، سنین اوچون قسرلر یارادا بیلن تانری نه قدر (اوجا، نه قدر) اولودور!

11. لاکین اونلار (تکجه سنی دئییل) او ساعتی دا (قیامتی ده) یالان سایدی‌لار. بیز ده او ساعتی (قیامتی) یالان حساب ائدن‌لر اوچون (جهنمده) شدت‌لی بیر آتش حاضیرلادیق.

12. او (آتش) اونلاری اوزاق‌دان گؤرونجه (کافیرلر) اونون غضبله قایناماسینی و اوغولتوسونو ائشیدرلر.

13. اونلار اللری بویون‌لارینا باغلی وضعیتده او آتش‌دن دار بیر یئره آتیلدیق‌لاری زامان (دونیادا تانری-یاا آسی اولدوق‌لارینا گؤره اؤزلرینه بد دعا ائدیب) اؤلوم دیلیرلر.

14. (اونلارا ایستئهزا ایله دئیی‌لر: ) بو گون اؤزونوزه بیر اؤلوم دیلمیین، چوخ اؤلوم دیلیین! (بئله بیر گونده بیر دفعه واوئیلا دئمک‌دن، بیر دفعه اؤزونه اؤلوم ایستمک‌دن هئچ نه چیخماز. تانری-نین عذابی اینتها‌سیز و دحشت‌لی اولدوغو اوچون دفعه‌لرله واوئیلا دئییب، دفعه‌لرله اؤزونوزه اؤلوم دیلملیسینیز!)

15. (یا رسولوم!) اونلارا دئ: بو (جهنم اودو) یاخشی‌دیر، یوخسا تانری دان قورخوب پیس عمل‌لردن چکیلن‌لره بیر موکافات و سیغینا‌جاق اولا‌راق وعد ائدیلن خولد جننتی؟

16. اونلار اوچون اورادا ایستدیک‌لری هر شئی واردیر. اونلار اورادا ابعدی قالا‌جاق‌لار. بو، (بنده‌لر طرفین‌دن) سنین رببین‌دن (یئرینه یئتیریلمه‌سی) ایستنیلن بیر وعده دیر. (بنده‌لر اؤز یاخشی عمل‌لری موقابیلینده تانری-نین اونلارا جننت قیسمت ائتمه‌سینی دیلمیش، تانری دا اونلارا بو باره‌ده وئردیگی وعدی یئرینه یئتیرمیش‌دیر).

17. (تانری موشریک‌لری) و اونلارین تانری دان قئیری عبادت ائتدیک‌لرینی (بوت‌لری) محشره توپلایاجاغی گون (قیامت گونو) بئله بویورا‌جاق‌دیر: منیم بو بنده‌لریمی (حاق یول‌دان) سیز (بوت‌لر) چیخارتدینیز، یوخسا اونلار اؤزلری یول‌دان چیخدی‌لار؟

18. (بوت‌لر) دئیه‌جک‌لر: سن پاکسان، موقددسسن! سنی قویوب (اؤزوموزه) باشقا دوست‌لار (هامی‌لر) قبول ائتمک بیزه یاراشماز. لاکین سن اونلارا و آتا‌لارینا او قدر نعمت وئردین کی، حتی (سنین اؤیود-نصیحتینی، قورآنی) خاطیرلاماغی بئله اونوتدولار و (بونا گؤره ده) محوه محکوم ائدیلمیش بیر طایفه‌اولدولار!

19. (تانری بویورا‌جاق‌دیر: ) (ائی موشریک‌لر، سیزین تانری‌لارینیز) دئدیک‌لرینیزی تکذیب ائتدی‌لر. آرتیق نه عذابی (اؤزونوزدن) سوووشدورار، نه ده (اؤزونوزه) بیر یاردیم ائده بیلرسینیز. سیزدن ظلم ائدن‌لره (تانری-یاا شریک قوشان‌لارا) شدت‌لی بیر عذاب داددیراجاغیق .

20. (یا رسولوم!) سن‌دن اول گؤندردیگیمیز پیغمبرلر ده، شوبهه‌سیز کی، یئمک یئیر، (روزی قازانماق اوچون) بازارلاری گزیب دولاشاردی‌لار. سیزین بیر قیسمینیزی دیگرینیزه سیناق واسطه‌سی ائتدیک کی، گؤرک (مؤهنت‌لره) دؤزه بیلجکسینیزمی؟ (بیرینیزی وارلی، دیگرینیزی کاسیب، بیرینیزی ساغلام، دیگرینیزی خسته، ضعیف ائتدیک کی، هانسینیزین داها سبیرلی، داها دؤزوم‌لو اولدوغونو، تانری-نین اؤز ازه‌لی حؤکمو ایله اونا وئردیگی قیسمته راضی اولوب-اولمادیغینی بیلک). سنین رببین (چتین‌لیک‌لره صبر ائدن‌لری و اونلاردان قورخان‌لاری) گؤرن‌دیر!

21. بیزیمله قارشی‌لاشا‌جاق‌لارینا اومید ائتمه‌ین‌لر (قیامت گونو دیریلیب حاق-حساب اوچون حضوروموزدا دورا‌جاق‌لاریندا قورخمایان‌لار): بیزه (محمّدین حقیقی پیغمبر اولدوغونو تصدیق ائدن) ملک‌لر ائندیریلمه‌لی، یاخود بیز (اونون دوغرو دانیشیب-دانیشمادیغینی بیلمک اوچون) رببیمیزی گؤرمه‌لی ایدی! – دئدی‌لر. حقیقتن، اونلار اؤزلری باره‌سینده تکببوره قاپیلدی‌لار و (تانری-یاا بیلاواسیته گؤرمک، اونونلا دانیشماق ایستمه‌یه جورعت ائتمکله) آزغینلاشیب حدی چوخ آشدی‌لار.

22. ملک‌لری گؤره‌جک‌لری گون – همین گون گوناهکارلارا (جننتله) هئچ بیر موژده اولماز. (ملک‌لر اونلارا: ) (سیزه شاد خبر ائشیتمک) حرام‌دیر! – دئیرلر.

23. اونلارین ائتدیک‌لری هر هانسی بیر (یاخشی) عملی بیز قصداً (هاوا‌دان اوچان) داغینیق ذرره‌لره (توز دنه‌لرینه) دؤندرریک! (اونلارین قوهوم-اقرابایا، یوخسول‌لارا گؤستردیک‌لری یاردیمین، قوناغا، قریبه ائتدیک‌لری حؤرمتین و دونیادا گؤردوک‌لری دیگر یاخشی ایشلرین ذرره قدر قیمتی اولماز!)

24. او گون جننت اهلی‌نین قالاجاغی یئر داها یاخشی، استراحت ائدجیی یئر داها گؤزل اولا‌جاق‌دیر!

25. گؤیون (یئددی قات سمانین یوخاری‌سین‌دان ائنن آغ) بولودلا پارچالاناجاغی، ملک‌لرین بؤلوک-بؤلوک (یئره) ائندیرلجیی گون -

26. او گون حقیقی هؤکمران‌لیق (مولک) آنجاق رحمانا مخصوص‌دور؛ او، کافیرلر اوچون ایسه چتین بیر گون اولا‌جاق‌دیر.

27. او گون ظالم (کوفره دوشمکله اؤزونه ظلم ائدن پئشمانچی‌لیق‌دان) اللرینی چئینه‌ییب دئیه‌جک‌دیر: کاش کی، من پیغمبر واسطه‌سیله (اؤزومه) دوغرو بیر یول توراردیم؛

28. وای حالیما! کاش فیلانکه‌سی اؤزومه دوست ائتمییدیم؛

29. آند اولسون کی، قورآن منه گلدیک‌دن سونرا منی اوندان (قرآنا ایمان گتیرمک‌دن) او ساپدیردی. شیطان اینسانی (یول‌دان چیخارتدیق‌دان، بلایا سالدیق‌دان سونرا) یالقیز بوراخار (زلیل، روسوای ائدر).

30. پیغمبر ده ائی رببیم! حقیقتن، قوموم بو قورآنی ترک ائتمیشدی! – دئیه‌جک.

31. (یا رسولوم! بو مککه موشریک‌لرینی سنه دوشمن ائتدیگیمیز کیمی) ائله‌جه ده (سن‌دن اول) هر پیغمبر اوچون گوناهکارلاردان بیر دوشمن ائتمیشدیک. رببی‌نین سنه بیر رهبر، بیر مددکار اولماسی کیفایت ائدر!

32. کافیرلر: قورآن اونا (محمّده) بوتؤو (بیردفه‌لیک) ائندیریلمه‌لی ایدی! – دئدی‌لر. (یا رسولوم!) سنین اوره‌گینه  سبات (قتیت) وئرمک اوچون بیز اونو آیه-آیه (تدریجه) نازیل ائتدیک. (قورآنین آز-آز ائندیریلیب، آغیر-آغیر اوخونماسی اونون ازبرلنمه‌سینی و معنا‌لاری‌نین آنلاشیلماسینی آسانلاشدیریر).

33. (یا رسولوم! موشریک‌لر) سنین یانینا گلیب ائله بیر مثل چکمزلر کی، بیز سنه (اونون) دوغروسونو و (اونلارین گتیردیک‌لری مثال‌لاردان) ایضاحاتجا داها یاخشی‌سینی گتیرمیک.

34. اونلار (قیامت گونو) جهنمه اوزوسته سوروکلنیب گتیریله‌جک کس‌لردیر. اونلار ان پیس یئرده اولان، ان چوخ یول‌دان آزان کیمسه‌لردیر.

35. حقیقتن، بیز موسایا کیتاب (تؤورات) وئردیک و قارداشی هارونو دا اونا وزیر (یاردیمچی) ائتدیک.

36. و (اونلارا) دئدیک: آیه‌لریمیزی یالان حساب ائتمیش بیر طایفه‌نین (فیرعون اهلی‌نین) یانینا گئدین! سونرا بیز اونلاری (سودا باتیرماقلا) بوسبوتون محو ائتدیک.

37. بیز نوح قومونو ده پیغمبرلریمیزی تکذیب ائتدیک‌لری واخت سودا بوغدوق و اونلاری اینسان‌لار اوچون بیر عیبرت درسی ائتدیک. بیز ظالم‌لار اوچون ده شدت‌لی بیر عذاب حاضیرلامیشیق.

38. بیز آدی دا، ثمودو دا، (شوئیبین) رسس اهلینی ده، همچی‌نین اونلارین آراسیندا اولان بیر چوخ نسیل‌لری ده (یئرله یئکسان ائتدیک).

39. بیز اونلارین هر بیری اوچون جوربجور مثل‌لر چکدیک، (اما اؤیود-نصیحت‌لریمیزه قولاق آسمادیق‌لارینا گؤره) اونلاری یئرلی-دیب‌لی یوخ ائتدیک.

40. (قورئیش موشریک‌لری تیجارت اوچون شاما گئدرکن) فلاکت یاغیشی یاغمیش شهره (واختیله لوت طایفه‌سی‌نین یاشادیغی سدوم شهرینه) گلیب چاتمیشدی‌لار. مگر اونو (او شهرین باشینا نلر گلدیگینی) گؤرمدیلرمی؟ خئیر، اونلار اؤلدوک‌دن سونرا یئنی‌دن دیریلمه‌یه اینانمیرلار. (اؤزلرین‌دن اوولکی کافیرلرین باش‌لارینا گتیردیگیمیز موصیبت‌لردن عیبرت آلمایان مککه موشریک‌لری هله ده قیامت باره‌سینده شکک-شوبهه ایچینده‌دیرلر).

41. (یا رسولوم!) اونلار سنی گؤردوکده آنجاق مسخره‌یه قویور (و بئله دئییرلر): تانری-نین پیغمبر گؤندردیگی شخص بودورمو؟

42. اگر بیز (بوتپرستلیگیمیزده) سبیر (سبات) گؤسترمسیدیک، آز قالا بیزی تانری‌لاریمیزا تاپینماق‌دان ساپدیرمیشدی . اونلار عذابی (قیامت عذابینی) گؤردوکده حاق یول‌دان کیمین داها چوخ آزدیغینی بیله‌جک‌لر.

43. (یا رسولوم!) نفسینی اؤزونه تانری ائدنی گؤردونمو؟ اونون وکی‌لی (زامینی) سنمی اولا‌جاقسان؟ (اونو بد عمل‌لردن سنمی چکیندیریب ساخلایا‌جاقسان؟ او اؤزو حاقی آختاریب تاپما‌لی، اونا قایل اولما‌لی‌دیر!)

44. یوخسا ائله گومان ائدیرسن کی، اونلارین اکثریتی (سن دئین سؤزو) ائشیده‌جک و یا (عقل‌لی-باش‌لی) فیکیرلشه‌جک؟ اونلار حیوان کیمی‌دیرلر، بلکه، اوندان داها چوخ ذلالت یولوندا‌دیرلار. (حیوان حیوان‌لیغی ایله اؤز منفتینی بیلیب اونا ضرر گتیرن بیر ایشی گؤرمز. بون‌لار ایسه نه خئییرلرینی، نه ده ضررلرینی آنلایارلار).

45. مگر رببی‌نین کؤلگنی (گونچیخان‌دان گونباتانادک) نئجه اوزاتدیغینی گؤرمورسنمی؟ اگر ایستسیدی، اونو دایم اؤز یئرینده ساخلایاردی. سونرا بیز گونشی (کؤلگه‌یه) بیر علامت ائتدیک. (اگر گونش اولماسایدی، کؤلگه بیلینمزدی).

46. سونرا اونو (او کؤلگنی گونشین یوکسلمه‌سی ایله) یاواش-یاواش اؤزوموزه طرف چکدیک. (اگر کؤلگنی یئره بیردن سالیب، بیردن چکسیدیک، اینسان‌لار واهیمه‌یه دوشردی‌لر).

47. سیزین اوچون گئجنی اؤرتوک، یوخونو راحت‌لیق یارا‌دان، گوندوزو ده (روزی قازانماق‌دان اؤترو) حیات (ایش، فعالیت واختی) یارا‌دان اودور.

48. کولک‌لری رحمتی (یاغیشی) اؤنونده موژدچی اولا‌راق گؤندرن ده اودور. بیز گؤی‌دن ترته‌میز سو ائندیردیک کی،

49. اونونلا اؤلو بیر یئره جان وئرک، یاراتدیغیمیز حیوان‌لاری و بیر چوخ (بوتون) اینسان‌لاری سیراب ائدک!

50. (ذاتی-اقدسیمه) آند اولسون کی، (اونلارا وئریلن نعمت‌لری) یادا سالسین‌لار دئیه، بیز (همین سویو) اونلارین آراسیندا پایلاشدیردیق. بونونلا بئله، اینسان‌لارین اکثریتی نانکورلوق‌دان باشقا بیر شئی ائتمه‌دی (نانکورلوغوندا دیرنیب قالدی).

51. اگر ایستسیدیک، هر مملکته (اینسان‌لاری عذابیمیزلا) قورخودان بیر پیغمبر گؤندرردیک. (لاکین سنی، یا رسولوم، ان بؤیوک شرفه نایل ائدیب بوتون بشریته پیغمبر گؤندردیک).

52. (یا رسولوم!) کافیرلره اطاعت ائتمه و اونلارا قارشی (قورآنلا) بؤیوک بیر جیهاد ائت! (وار گوجونله ووروش!)

53. بیری‌نین سویو چوخ شیرین، دیگرینینکی ایسه اولدوقجا شور (آجی) اولان ایکی دنیزی قوووش‌دوران، آرا‌لاریندا (بیر-بیرینه قارشماماق اوچون) مانعه و کئچیلمز سدد قویان اودور!

54. اینسان‌لاری سودان (نوتفه‌دن) یارا‌دان، اونلاری (بیر-بیری ایله) اصل قوهوم (قان قوهومو) و سونرا‌دان قوهوم ائدن اودور. رببین (هر شئیه) قادیردیر! (بیرینجی، آتا-آنا طرف‌دن، ایکینجی ایسه باجی، قیز طرف‌دن اولان قوهوملوق‌دور).

55. (بئله اولدوغو تق‌دیرده موشریک‌لر) تانری-یاا قویوب اؤزلرینه نه خئییر، نه ده ضرر وئره بیلن‌لره (بوت‌لره) عبادت ائدیرلر. کافیر اؤزونون حاق اولان رببینه آرخا چئویرر. (و یا کافیر اؤز رببینه قارشی شیطانا یاردیم ائدر).

56. (یا رسولوم!) بیز سنی یالنیز (مؤمین‌لره جننتله) موژده وئرن و (کافیرلری جهنم عذابی ایله) قورخودان بیر پیغمبر اولا‌راق گؤندردیک.

57. دئ: من سیزدن بونا (دینی، پیغمبرلیگی تبلیغ ائتمه‌یه) گؤره هئچ بیر موزد (اوز) ایستمیرم، آنجاق رببینه طرف دوغرو یول تاپماق دیله‌ین کیمسه‌لر ایستییرم. (من اؤز پئیغمبرلیگیمه گؤره سیزدن هئچ بیر شئی ایستمیرم، لاکین ایمان گتیرمیش بیر شخص مالینی تانری یولوندا صرف ائتسه، اونا دا مانع اولان دئییلم).

58. (یا رسولوم!) اؤلمز، همیشه دیری اولانا (تانری-یاا) بئل باغلا و اونو حمد-سنا ایله تقدیس ائت (و یا اونون نعمت‌لرینه شوکور ائده‌رک ناماز قیل). (تانری نین) اؤز بنده‌لری‌نین گوناهلاریندان‌ خبردار اولماسی (اونلاری لاییقینجه جزالاندیرماغا) کیفایت ائدر.

59. او، گؤی‌لری، یئری و اونلارین آراسین‌داکی‌لاری آلتی گونه خلق ائدن، سونرا عرشی یارادیب اونا حاکم اولان رحمان‌دیر. بونو بیر بیلن‌دن (تانری-نین اؤزون‌دن و یا جبرایل‌دن) خبر آل!

60. اونلارا (موشریک‌لره): رحمانا (رحم‌لی اولان تانری-یاا) سجده ائدین! – دئییلدیگی زامان، اونلار: رحمان ندیر؟ بیزه امر ائتدیگین شئیه سجدمی ائدجییک؟ – دئیه جاواب وئررلر. بو (سجده امری) اونلارین (ایمانا اولان) نیفرتینی داها دا آرتیرار.

61. سمادا بورج‌لر یارا‌دان، اورادا بیر چیراق (گونش) و نورلو آی ووجودا گتیرن (تانری) نه قدر (اوجا، نه قدر) اولودور!

62. (تانری-نین قودرتینی همیشه) یادا سالماق و (نعمت‌لرینه) شوکور ائتمک ایسته‌ین‌لر اوچون گئجنی و گوندوزو بیر-بیری‌نین آردینجا گتیرن ده اودور!

63. رحمانین (اصل) بنده‌لری او کس‌لردیر کی، اونلار یئر اوزونده تمکینله (توازؤکارلیقلا) گزر، جاهیل‌لر اونلارا سؤز آتدیق‌لاری (خوش‌لارینا گلمه‌ین بیر سؤز دئدیک‌لری) زامان (اونلاری اینجیتممک اوچون) سلام دئیرلر.

64. اونلار گئجنی رببی اوچون سجده و قیام (ناماز) ایچینده کئچیررلر.

65. و بئله دئیرلر: ائی رببیمیز! جهنم عذابینی بیزدن سوووش‌دور. شوبهه‌سیز کی، اونون عذابی همیشه‌لیک‌دیر!

66. دوغرودان دا، او، نه پیس مسکن، نه پیس یئردیر!

67. اونلار (مال‌لارینی) خرجلدیکده نه ایسرافچی‌لیق، نه ده خسیس‌لیک ائدر، بو ایکی‌سی‌نین آراسیندا اورتا بیر یول توتارلار.

68. اونلار تانریلا یاناشی باشقا بیر تانرییا عبادت ائتمز، تانری-نین حرام بویوردوغو جانا ناهاق یئره قییماز (اونو اؤلدورمز)، زینا ائتمزلر. هر کس بونو (بو ایشلری) ائتسه، جزاسینی چکر.

69. قیامت گونو اونون عذابی قات-قات اولار و (او، عذاب) ایچینده زلیل اولوب ابعدی قالار.

70. آنجاق توبه ائدیب ایمان گتیرن و یاخشی ایشلر گؤرن‌لردن باشقا! تانری اونلارین پیس عمل‌لرینی یاخشی عمل‌لره چئویرر. تانری باغیشلایان‌دیر، رحم ائدن‌دیر!

71. هر کس توبه ائدیب یاخشی ایش گؤرسه، او، شوبهه‌سیز کی، تانری-یاا طرف یاخشی بیر دؤنوشله (تانری-نین رضاسینی قازانمیش حالدا) دؤنر.

72. او کس‌لر کی، یالان یئره شاهیدلیک ائتمز، فایدا‌سیز بیر شئیله راستلاشدیق‌لاری (لاغلاغی بیر صحبت ائشیتدیک‌لری) زامان اونلاردان اوز چئویریب ووقارلا کئچر (اؤزونو لیاقتله آپاریب اونلارا اهمیت وئرمز)؛

73. او کس‌لر کی، رببی‌نین آیه‌لری ذکر اولوندوغو واخت اؤزونو اونلارا قارشی کار و کور کیمی آپارماز (عکسینه، اونلارا جانی-دیل‌دن قولاق آسار)؛

74. و او کس‌لر کی: ائی رببیمیز، بیزه زؤوجه‌لریمیزدن و اوشاق‌لاریمیزدان (سنه اطاعت ائمکله بیزی سئویندیریب) گؤزوموزون ایشیغی (ببیی) اولا‌جاق اؤولادلار ائحسان بویور و بیزی موتتقی‌لره ایمام (رهبر) ائت! – دئیرلر.

75. محض بئله‌لری (تانری یولوندا بوتون چتین‌لیک‌لره، اذیت‌لره) صبر ائتدیک‌لرینه گؤره جننت گوشه‌سی (جننت‌دکی یوکسک مقام‌لاردان بیری) ایله موکافاتلان‌دیریلا‌جاق، اورادا (ملک‌لر طرفین‌دن) ائحتیراملا، سلاملا قارشی‌لانا‌جاق‌لار.

76. اونلار اورادا ابعدی قالا‌جاق‌لار. او، نه گؤزل منزیل، نه یاخشی ایقامتگعهدیر!

77. (یا رسولوم، بو مککه موشریک‌لرینه) دئ: اگر عبادتینیز اولماسا، رببیمین یانیندا نه قدیر-قیمتینیز اولار؟ سیز (قورآنی و اؤز پیغمبرینیزی) تکذیب ائتدینیز. بونا گؤره ده (نه دونیادا، نه ده آخیرتده عذاب) یاخانیزدان ال چکمه‌یه‌جک‌دیر


 26-الشعراء

اش-شورا (شاعرلر) سوره‌سی

(مککه‌ده نازیل اولموش‌دور، 227 آیه‌دیر)

باغیشلیلان و رحم ائدن تانرین آدینان

1. تا، سین، میم!

2. بون‌لار (حاقی باطیل‌دن آییران، نشانه ‌لری، حؤکم‌لری) آچیق-آیدین کیتابین آیه‌لری‌دیر.

3. (یا رسولوم! مککه موشریک‌لری) ایمان گتیرمه‌یه‌جک‌لر دئیه، بلکه، اؤزونو هلاک ائده‌سن؟! (اؤزونو هلاکمی ائده‌جکسن؟)

4. اگر ایستسک، گؤی‌دن اونلارا بیر آیه (دلیل) گؤندرریک، اونلار دا اونا (سس‌سیز-سمیرسیز) بویون اییب دورارلار.

5. اونلارا رحمان‌دان (رحم‌لی اولان تانری دان) ائله بیر اؤیود-نصیحت (خبردارلیق) گلمز کی، اوندان اوز دؤندرمه‌سین‌لر.

6. اونلار (قورآنی) یالان حساب ائتدی‌لر. اونلارین ایستئهزا ائتدیک‌لری‌نین (قورآنین موشریک‌لره وئریله‌جک عذاب باره‌سین‌ده کی) خبرلری گلیب اونلارا چاتا‌جاق‌دیر. (قیامت گونو، یاخود بدر دؤیوشونده بوسبوتون معیوس اولا‌جاق‌لار).

7. مگر اونلار یئر اوزونه باخیب اورادا نؤوبنؤو گؤزل (بیتکی‌لر و مئیوه‌لر) یئتیشدیردیگیمیزی گؤرمورلرمی؟

8. شوبهه‌سیز کی، بوندا (قورآنی و پیغمبری تکذیب ائدن‌لر اوچون تانری-نین وهدانیتینه، قودرتینه دلالت ائدن) بیر علامت واردیر. لاکین اونلارین اکثریتی ایمان گتیرمزلر.

9. حقیقتن، رببین یئنی‌لمز قوت، مرحمت صاحبی‌دیر! (کافیرلردن اینتیقام آلار، توبه ائدن بنده‌لرینی باغیشلایار!)

10. (یا رسولوم!) یادینا گتیر کی، بیر زامان رببین موسایا بئله بویورموشدو: گئت او ظالم طایفه‌نین یانینا –

11. فیرعون طایفه‌سی‌نین یانینا (و اونلارا دئ کی، منی قویوب باشقا‌لارینا عبادت ائتمک‌دن، ایسرایل اؤولادلارینا اذیت وئرمک‌دن) مگر قورخمورلار؟

12. (موسی) دئدی: ائی رببیم! اونلارین منی یالانچی سایاجاقلاریندان‌ قورخورام!

13. اورییم سیخیلیر، دیلیم ده آچیلمیر. بونا گؤره هارونا دا (پیغمبرلیک) وئر! (جبرای‌لی اونا گؤندریب نوبوووت بخش ائت!)

14. (بیر قیبتینی اؤلدوردوگومه گؤره) اونلارین قارشی‌سیندا بوینومدا بیر گوناه دا وار. بونون اوچون منی اؤلدوره‌جک‌لرین‌دن قورخورام .

15. (تانری) بویوردو: خئیر! (فیرعون سنی اصلا اؤلدوره بیلمز!) هر ایکینیز نشانه ‌لرینیزله (فیرعونون یانینا) گئدین. شوبهه‌سیز کی، بیز ده سیزینله بیرلیکده (فیرعون طایفه‌سی‌نین نه دئدیگینی) ائشیدجییک!

16. فیرعونون یانینا گئدیب بئله دئیین: بیز عالم‌لرین رببی‌نین پئیغمبرلریگیک!

17. ایسرایل اوغول‌لارینی بیزیمله بیرلیکده (شاما) گؤندر! (اونلارا عذاب-اذیت وئرمه!)

18. (موسی هارونلا فیرعونون یانینا گئدیب بو سؤزلری دئین‌دن سونرا فیرعون اونو تانیییب) دئدی: بیز سنی کؤرپه اوشاقکن یانیمیزا آلیب بؤیوتمدیکمی؟ سن ایللرجه یانیمیزدا قالمادینمی؟

19. آخیردا ائلدیگینی ده ائلدین (بیر قیبتینی ووروب اؤلدوردون). سن نانکورون بیریسن!

20. (موسی) دئدی: من اونو ائدرکن جاهیل‌لردن ایدیم. (منه هله پیغمبرلیک بخش ائدیلممیش، تؤورات نازیل اولمامیشدی).

21. بونا گؤره ده سیزدن قورخوب قاچدیم. سونرا رببیم منه حیکمت (پیغمبرلیک) ائحسان بویوردو و منی شریعت صاحبی اولان پیغمبرلردن ائتدی.

22. بوینوما میننت قویدوغون بو نعمت ده (منی سربست بوراخیب) ایسرایل اوغول‌لارینی (اؤزونه) قول ائتدیگینه گؤره‌دیر. (ایسرایل اؤولادینی کؤله ائتدیگین حالدا، منی اؤز یانینا آلیب بؤیوتدوگونو باشیمامی قاخیرسان؟)

23. فیرعون دئدی: عالم‌لرین رببی ندیر؟ (نه جور شئی‌دیر؟)

24. (موسی: ) اگر یقین ایناناجاقسینیزسا، (بیلین کی) او، گؤی‌لرین، یئرین و اونلار آراسیندا اولان‌لارین (بوتون مخلوقاتین) رببی‌دیر! – دئیه جاواب وئردی.

25. (فیرعون) اطرافین‌داکی‌لارا: ائشیتدینیزمی؟ – دئدی. (موسینین جاوابی منیم سوالیما اویغون گلمیر. من اوندان عالم‌لرین رببی‌نین ماهیتی، کئیفیتی و جینسی باره‌سینده سوروشورام، او ایسه منه اونون صیفت‌لری، عمل‌لری حاقیندا جاواب وئریر).

26. (موسی) دئدی: او سیزین ده، اولو بابا‌لارینیزین (کئچمیش آتا‌لارینیزین) دا رببی‌دیر!

27. (فیرعون اطرافین‌داکی‌لارا: ) سیزه گؤندریلمیش پیغمبر، شوبهه‌سیز کی، دیوانه‌دیر! – دئدی.

28. (موسی) دئدی: اگر (عقل‌لی-باش‌لی) دوشونه بیلیرسینیزسه، (آنلایین کی) او، شرقین، قربین و اونلارین ایکی‌سی‌نین آراسیندا اولان‌لارین رببی‌دیر!

29. (فیرعون: ) اگر من‌دن باشقا تانری قبول ائتسن، سنی موطلق دوستاق ائده‌جه‌یم! – دئدی.

30. (موسی) دئدی: اگر سنه (دئدیک‌لریمین دوغرو اولدوغونو ثبوت ائده‌جک) آچیق-آشکار بیر شئی (دلیل) گتیرسم نئجه؟

31. (فیرعون) اگر دوغرو دئییرسنسه، دی اونو گتیر! – دئدی.

32. (موسی) اساسینی (یئره) آتان کیمی، او درحال آچیق-آشکار بیر اژداها اولدو.

33. سونرا الینی (قولتوغونون آلتین‌دان، یاخود قوینون‌دان) چیخارار-چیخارتماز او، باخان‌لارا آغاپپاق گؤروندو (پارلار بیر نور کسیلدی).

34. (فیرعون) اطرافین‌داکی‌لارا دئدی: شوبهه‌سیز کی، بو، چوخ بیلیک‌لی بیر سئحربازدیر!

35. او اؤز سئحری ایله سیزی (قورخودوب) یوردونوزدان چیخارتماق ایستییر. نه بویورورسونوز؟ (نه ائدک؟)

36. اونلار دئدی‌لر: اونو و قارداشینی بیر قدر گیزلت و شهرلره ده آدام‌لار (ییغان‌لار) گؤندر کی،

37. بوتون بیلیک‌لی (باجاریق‌لی) سئحربازلاری (توپلاییب) سنین یانینا گتیرسین‌لر!

38. نهایت، سئحربازلار معلوم بیر گونون مویین واختیندا (بایرام گونو گونورتا چاغی) ییغیلدی‌لار.

39. (فیرعونون خیدمتچی‌لری طرفین‌دن جاماعتا) دئییلدی: سیز ده ییغیلیرسینیزمی؟

40. اگر سئحربازلار (موسایا) اوستون گلسه‌لر، گومان کی، بیز ده اونلارا تابع اولاریق!

41. سئحربازلار گلن کیمی فیرعونا دئدی‌لر: اگر بیز (موسایا) قالیب گلسک، یقین کی، بیزه بیر موزد (موکافات) وئریله‌جک، ائله دئییلمی؟

42. (فیرعون) دئدی: بلی! و اوسته‌لیک سیز (منه) یاخین آدام‌لار اولاجاقسینیز!

43. موسی اونلارا دئدی: (سئحر آلت‌لرینیزدن یئره) نه آتاجاقسینیز، آتین!

44. اونلار ایپلرینی و اسا‌لارینی یئره آتیب: فیرعونون شان-شؤوکتینه (قودرتینه) آند اولسون کی، بیز اوستون گلجییک! – دئدی‌لر.

45. بون‌دان سونرا موسی دا اساسینی (یئره) آتدی. (اسا) درحال (بیر اژداها اولوب) اونلارین هوققابعزلیقلا دوزلتدیگی شئی‌لری اوددو.

46. سئحربازلار (بونو گؤرن کیمی) سجده‌یه قاپاندی‌لار.

47. و دئدی‌لر: بیز ایمان گتیردیک عالم‌لرین رببینه!

48. موسینین و هارونون رببینه!

49. (فیرعون) دئدی: من سیزه ایزین وئرممیش‌دن اول سیز اونا ایمان گتیردینیز، چونکی او، حقیقتده سیزه سئحر اؤیرتمیش اولان بؤیوگونوزدور. (هئچ ائیبی یوخ‌دور. عذابیمین نه اولدوغونو) سؤزسوز کی، بیلجکسینیز. موطلق ال-آیاغینیزی چارپاز کسدیریب هامینیزی چارمیخا چک‌دیره‌جه‌یم!

50. (ایمان گتیرمیش سئحربازلار) دئدی‌لر: ضرری یوخ‌دور، بیز اؤز رببیمیزه طرف (تانری-نین حضورونا) دؤنجییک!

51. بیز (سنه تابع اولان، یاخود زمانه اهلی ایچینده موسایا و اونون تبلیغ ائتدیگی دینه) ایلک ایمان گتیرن‌لر اولدوغوموزا گؤره رببیمیزین ختا‌لاریمیزی باغیشلایاجاغینا اومید ائدیریک!

52. (سونرا) موسایا بئله وحی ائتدیک: قول‌لاریملا بیرلیکده (مصری ترک ائدیب) گئجه یولا چیخ. سیز، شوبهه‌سیز کی، (فیرعونون اوردوسو طرفین‌دن) تعقیب ائدیلجکسینیز!

53. فیرعون شهرلره (عسگر) ییغان‌لار گؤندردی.

54. (او، بئله دئییردی: ) شوبهه‌سیز کی، بون‌لار (ایسرایل اؤولادی) کیچیک بیر طایفه‌دیر!

55. اونلار (بزک شئی‌لریمیزی گؤتورمکله، مصری آتیب گئتمکله) بیزی قزبلندیرمیش‌لر. (و یا: ایسرایل اوغول‌لارینا چوخ اذیت وئردیگیمیزه گؤره اونلار بیزه قارشی غضب‌لی‌دیرلر).

56. بیز ایسه قوت‌لی (یاخشی سیلاهلانمیش، یاخود آییق-ساییق، ایشیمیزی بیلن) بیر جاماعتیق!

57. نهایت، بیز اونلاری (فیرعونو و طایفه‌سینی) باغ‌لاردان و بولاق‌لاردان چیخارتدیق.

58. خزینه‌لردن و (نیل اطرافین‌داکی) گؤزل (برکت دولو) یئردن کنار ائتدیک.

59. (او یئرلردن اونلاری) بئله‌جه چیخارتدیق و ایسرایل اوغول‌لارینی اورا‌لارا واریث ائتدیک.

60. (فیرعون و عسگرلری) گونش دوغدوقدا اونلارین (ایسرایل اوغول‌لاری‌نین) آرخاسینجا دوشدولر.

61. ایکی دسته (طایفه‌) بیر-بیری ایله قارشیلاشدیغی زامان موسینین جاماعتی دئدی: (ایشیمیز بیتدی!) آرتیق یاخالاندیق!

62. (موسی) دئدی: خئیر، رببیم منیمله‌دیر. او، موطلق منه یول گؤستره‌جک‌دیر!

63. اوندا موسایا بئله وحی ائتدیک: اسانلا دنیزه وور! (موسی اساسینی دنیزه ووران کیمی) او درحال یاریلدی (ایسرایل اوغول‌لاری‌نین سویونا مووافیق اولا‌راق اون ایکی هیسه‌یه بؤلوندو) و هر حیسه بؤیوک (اوجا) بیر داغ کیمی اولدو.

64. او بیری‌لری (فیرعون اهلینی) ده اورا یاخینلاشدیردیق (دنیز ساحلینه توپلادیق).

65. موسی و اونونلا بیرلیکده اولان‌لارین هامی‌سینی خلاص ائتدیک.

66. او بیری‌لری (فیرعون طایفه‌سینی) ایسه سویا غرق ائتدیک.

67. شوبهه‌سیز کی، بوندا (موسینین بو حکایهینده) بیر عیبرت واردیر. لاکین اونلارین (فیرعون طایفه‌سی‌نین، قدیم مصر اها‌لی‌سی‌نین، یاخود مککه موشریک‌لری‌نین) اکثریتی ایمان گتیرمه‌دی.

68. (یا رسولوم!) حقیقتن، سنین رببین یئنی‌لمز قوت، مرحمت صاحبی‌دیر! (کافیرلردن اینتیقام آلار، تؤبوه ائدن بنده‌لرینی باغیشلایار!)

69. (یا رسولوم!) اونلارا ایبراهیمین حکایهینی سؤیله!

70. او زامان کی، او اؤز آتاسینا و طایفه‌سینا دئمیشدی: نیه عبادت ائدیرسینیز؟

71. اونلار: بوت‌لره عبادت ائدیر و اونلارا تاپینماقدا داوام ائدیریک! – دئیه جاواب وئرمیشدی‌لر.

72. (ایبراهیم) دئمیشدی: اونلاری چاغیردیغینیز (دعا ائتدیگینیز) زامان سیزی ائشیدیرلرمی؟

73. یاخود سیزه بیر خئییر و یا ضرر وئره بیلیرلرمی؟

74. اونلار: خئیر، آنجاق بیز اؤز آتا‌لاریمیزین بئله (عبادت) ائتدیک‌لرینی گؤردوک! – دئیه جاواب وئرمیشدی‌لر.

75. (ایبراهیم) دئمیشدی: ایندی نیه عبادت ائتدیگینیزی گؤرورسونوزمو؟-

76. سیزین و اولو بابا‌لارینیزین؟

77. عالم‌لرین رببی استثنا اولماقلا، اونلار (سیزین بوت‌لرینیز) منیم دوشمنیم‌دیر.

78. منی یارا‌دان و منی دوغرو یولا یؤنل‌دن اودور!

79. منی یئدیردن ده، ایچیردن ده اودور!

80. خستلندیگیم زامان منه یالنیز او، شفا وئریر.

81. منی اؤلدوره‌جک، سونرا (یئنی‌دن) دیریلده‌جک اودور.

82. و قیامت گونو ختامی باغیشلایاجاغینا اومید ائتدیگیم ده اودور!

83. ائی رببیم! منه حیکمت (پیغمبرلیک، علم) بخش ائت و منی (سنین رضانی قازانمیش) صالح‌لرله (یاخشی‌لار زومره‌سینه) قوووش‌دور!

84. سونرا گلن‌لر آراسیندا منه یاخشی آد قیسمت ائله! (گله‌جک نسیل‌لر منی همیشه یاد ائتسین‌لر، خاطریمی عزیز توتوب آدیمی حؤرمتله چکسین‌لر!)

85. منی نیم جننت‌لری‌نین واریث‌لرین‌دن ائت!

86. آتامی باغیشلا! شوبهه‌سیز کی، او، (حاق یولو) آزان‌لاردان اولدو!

87. (اینسان‌لارین قبیرلرین‌دن چیخاردیلیب) دیریلدجیی گون (قیامت گونو) منی زلیل (روسوای) ائتمه!

88. او گون کی، نه مال-دؤولت، نه ده اؤولاد بیر فایدا وئرر!

89. آنجاق ساغلام (تمیز، داخیلینده شکک-شوبهه‌یه، کوفره، شیرکه و نیفاقا یئر اولمایان) بیر قلبله تانری-نین حضورونا گلن کیمسه‌دن (مؤمین‌لردن) باشقا!

90. (او گون) جننت تانری دان قورخوب پیس عمل‌لردن چکیلن‌لره یاخینلاش‌دیری‌لار.

91. جهنم ده آزغین‌لارا گؤستری‌لر.

92. و اونلارا بئله دئیرلر: عبادت ائتدیک‌لرینیز (بوت‌لر) هارادا‌دیر؟

93. تانری دان باشقا (عبادت ائتدیک‌لرینیز؟). اونلار سیزه یاردیم ائده بیلرلرمی؟ یاخود اؤزلرینه بیر یاردیم‌لری چاتارمی؟

94. اونلار (موشریک‌لر) و آزغین‌لار (اوزوقوی‌لو اوست-اوسته) اورایا (جهنمه) آتی‌لارلار!

95. ایبلی‌سین بوتون عسگرلری ده (اورا سوروکلنیب سالینارلار).

96. اونلار اورادا (اؤز بوت‌لری و ریس‌لری ایله) چنه-بوغاز اولوب دئیرلر:

97. تانری-یاا آند اولسون کی، بیز (حاق یول‌دان) آچیق-آیدین آزمیشدیق!

98. چونکی بیز سیزی (سیز بوت‌لری) عالم‌لرین رببی ایله برابر توتوردوق.

99. بیزی یالنیز گوناهکارلار آزدیردی.

100. ایندی آرتیق نه شفاعت ائدن کیمسه‌لریمیز،

101. نه ده بیر مئهریبان دوستوموز وار!

102. کاش بیر ده (دونیایا) دؤنه بیلیدیک؛ مؤمین‌لردن اولاردیق!

103. حقیقتن، بوندا (ایبراهیمین بو حکایهینده) بیر عیبرت واردیر. حال بوکی اونلارین (ایبراهیم قومونون، یاخود بو احوالاتا قولاق آسان‌لارین) اکثریتی ایمان گتیرمه‌دی.

104. حقیقتن، سنین رببین یئنی‌لمز قوت، مرحمت صاحبی‌دیر! (کافیرلردن اینتیقام آلار، توبه ائدن بنده‌لرینی باغیشلایار!)

105. نوح طایفه‌سی پیغمبرلری تکذیب ائتدی. (اونلار نوحو یالانچی سایدی‌لار. بیر پیغمبری تکذیب ائتمک بوتون پیغمبرلری تکذیب ائتمک دئمک‌دیر).

106. او زامان کی، قارداش‌لاری نوح اونلارا دئدی: مگر (کوفر ائتمیینیزه گؤره) قورخمورسونوز؟

107. شوبهه‌سیز کی، من سیزین اوچون ائعتیبار اولوناسی (بئل باغلانیلاسی) بیر پیغمبرم! (وعدیمه خیلاف چیخماز، امانته خیانت ائتمرم!)

108. آرتیق تانری دان قورخون و منه اطاعت ائدین!

109. من بونون (دینی، ریسالتی تبلیغ ائتمیین) موقابیلینده سیزدن هئچ بیر موزد (اوز) ایستمیرم. منیم موکافاتیم آنجاق عالم‌لرین رببینه عایددیر!

110. آرتیق تانری دان قورخون و منه اطاعت ائدین!

111. اونلار: سنه ان رزیل (سفیل، یوخسول) آدام‌لار تابع اولموشکن، بیز سنه ایمانمی گتیرجییک؟ – دئدی‌لر.

112. (نوح) دئدی: من اونلارین نه ائتدیک‌لرینی (داخیلن نه جور اولدوق‌لارینی) بیلمیرم!

113. اگر باشا دوشورسونوزسه، (بیلین کی) اونلارین حاق-حسابی (ایمان‌لاری‌نین ظاهری، یاخود داخی‌لی اولدوغو، اورک‌دن ایمان گتیریب-گتیرمدیک‌لری) یالنیز رببیمه عایددیر! (من آنجاق ظاهره باخیرام!)

114. و من ایمان گتیرن‌لری قووان دا دئییلم!

115. من یالنیز (گوناهکارلاری تانری-نین عذابی ایله) آچیق-آشکار قورخودان بیر پیغمبرم!

116. اونلار دئدی‌لر: ائی نوح! اگر (دئدیگین سؤزلردن و بوت‌لریمیزی تحقیر ائتمک‌دن) ال چکمه‌سن، موطلق داشقالاق ائدیله‌جکسن!

117. (نوح) دئدی: ائی رببیم! حقیقتن، قوموم منی تکذیب ائتدی.

118. آرتیق منیمله اونلار آراسیندا سن حؤکم وئر، منی و منیمله بیرلیکده اولان مؤمین‌لری (بو عذاب‌دان) قورتار!

119. بونا گؤره ده بیز اونو (نوحو) و اونونلا بیرلیکده یوک‌لو گمیده اولان‌لاری خلاص ائتدیک.

120. سونرا یئرده قالان‌لاری سودا بوغدوق!

121. شوبهه‌سیز کی، بوندا (نوحون بو حکایهینده) بیر عیبرت واردیر. حال بوکی اونلارین (نوح طایفه‌سی‌نین، یاخود بو حکایهه قولاق آسان‌لارین) اکثریتی ایمان گتیرمه‌دی.

122. حقیقتن، سنین رببین یئنی‌لمز قوت صاحبی، مرحمت صاحبی‌دیر! (کافیرلردن اینتیقام آلار، توبه ائدن بنده‌لرینی باغیشلایار!)

123. آد تایداسی دا پیغمبرلری تکذیب ائتدی.

124. او زامان کی، قارداش‌لاری هود اونلارا دئدی: مگر (کوفر ائتمیینیزه، پیغمبرلری یالانچی سایماغینیزا گؤره تانری-نین عذابین‌دان) قورخمورسونوز؟

125. شوبهه‌سیز کی، من سیزین اوچون ائعتیبار اولوناسی (بئل باغلانیلاسی) بیر پیغمبرم!

126. تانری دان قورخون و منه اطاعت ائدین!

127. من بونون (دینی، ریسالتی تبلیغ ائتمیین) موقابیلینده سیزدن هئچ بیر موزد (اوز) ایستمیرم. منیم موکافاتیم آنجاق عالم‌لرین رببینه عایددیر!

128. دوغرودانمی سیز هر تپه‌ده بیر کؤشک (علامت) قوروب (گلیب-گئدن‌لری مسخره‌یه قویا‌راق) ایلنیرسینیز؟

129. سانکی (دونیادا) ابعدی قالاجاقسینیز دئیه (یئرالتی) سو هؤوزه‌لری (قالا‌لار، یاخود قسرلر) تیکیرسینیز!

130. و (بیرینی) یاخالادیقدا دا ظالم‌لار کیمی یاخالاییرسینیز! (اونون وحشیجه‌سینه دؤیوب اؤلدورورسونوز!)

131. آرتیق تانری دان قورخون و منه اطاعت ائدین!

132. قورخون او کس‌دن کی، آنلاییب بیلدیگینیز شئی‌لری (نعمت‌لری) سیزه اتا ائتدی!

133. سیزه هئیوانات، اوغول-اوشاق،

134. باغ‌لار و چئشمه‌لر وئردی!

135. من بؤیوک گونون (قیامت گونونون) سیزه اوز وئره‌جک عذابین‌دان قورخورام!

136. اونلار دئدی‌لر: بیزه اؤیود-نصیحت وئرسن ده، وئرمه‌سن ده، بیزیم اوچون عینی‌دیر (دینیمیزدن دؤنن دئیی‌لیک).

137. بو (بیزدن) اوولکی‌لرین عادتین‌دن (گؤردوک‌لری ایشلردن) باشقا بیر شئی دئییل‌دیر! (یاخود بیزه دئدیگین بو سؤزلر قدیم‌لرین اویدورمالاریندان‌ باشقا بیر شئی دئییل‌دیر!)

138. و بیز عذابا دا دوچار اولمایاجاغیق!

139. اونو (هودو) یالانچی سایدی‌لار. بیز ده اونلاری محو ائتدیک. شوبهه‌سیز کی، بوندا (هودون بو حکایهینده) بیر عیبرت واردیر. حال بوکی اونلارین اکثریتی ایمان گتیرمه‌دی.

140. حقیقتن، سنین رببین یئنی‌لمز قوت، مرحمت صاحبی‌دیر! (کافیرلردن اینتیقام آلار، توبه ائدن بنده‌لرینی باغیشلایار!)

141. ثمود طایفه‌سی دا پیغمبرلری تکذیب ائتدی.

142. او واخت کی، قارداش‌لاری صالح اونلارا دئدی: مگر (کوفر ائتدیگینیزه، پیغمبرلری یالانچی حساب ائتدیگینیزه گؤره تانری-نین عذابین‌دان) قورخمورسونوز؟

143. شوبهه‌سیز کی، من سیزین اوچون ائعتیبار اولوناسی (بئل باغلانیلاسی) بیر پیغمبرم! (وعدیمه خیلاف چیخماز، امانته خیانت ائتمرم!)

144. آرتیق تانری دان قورخون و منه اطاعت ائدین!

145. من بونون (تانری-نین حؤکم‌لرینی، ریسالتی تبلیغ ائتمیین) موقابیلینده سیزدن هئچ بیر موزد (اوز) ایستمیرم. منیم موکافاتیم آنجاق عالم‌لرین رببینه عایددیر!

146. مگر سیز ائله بورادا اونلارین ایچینده آرخایین‌لیقلا قالاجاقسینیز؟

147. باغ‌لار و چئشمه‌لر ایچینده،

148. اکین‌لر و لتیف چیچک‌لی (گؤزل مئیوه‌لی) خورما‌لیق‌لار ایچینده (خاطرجم‌لیکده عؤمور سورجکسینیز)؟

149. داغ‌لاردان (سانکی دونیادا ابعدی یاشایاجاقسینیز دئیه، اؤزونوزه) مهارتله (و یا تکببورله) ائولر یونوب دوزلدجکسینیز؟

150. آرتیق تانری دان قورخون و منه اطاعت ائدین!

151. (گوناه ائتمکله) حدی آشان‌لارین امرینه تابع اولمایین (اونلارا بویون ایمیین)!

152. او کس‌لر کی، یئر اوزونده فیتنه-فساد تؤردر و (پیس ایشلردن، گوناه عمل‌لردن ال چکیب اؤزلرینی) اصلاح ائتمزلر!

153. اونلار دئدی‌لر: حقیقتن، سن (عمل‌لی باش‌لی) اووسونلانمیش‌لاردانسان! (دیوانه‌نین بیریسن! سن هاردان پیغمبر اولدون؟)

154. سن ده بیزیم کیمی آنجاق آدی بیر اینسانسان! اگر دوغرو دانیشان‌لاردانسانسا (حقیقی پیغمبرسنسه)، بیزه (تانری دان) بیر نشانه  گتیر!

155. (صالح) دئدی: بو، (تانری-نین نشانه ‌سی اولان) دیشی (مایا) بیر دوه‌دیر. سو ایچمک نؤوبه‌سی بیر گون اونون، بیر گون سیزین‌دیر! (بیر گون چئشمه‌دن او، سو ایچسین، بیر گون ده سیز ایچین. بیر-بیرینیزه مانع اولمایین!)

156. اونا هئچ بیر پیس‌لیک ائتمیین، یوخسا بؤیوک گونون (قیامت گونون) عذابی سیزی یاخالایار!

157. اما اونلار (دونی) توتوب کسدی‌لر، سونرا دا (عذاب قورخوسو ایله) پئشمان اولدولار.

158. آرتیق عذاب اونلاری یاخالادی (هامی‌سی محو اولدو). شوبهه‌سیز کی، بوندا (صالحین بو حکایهینده) بیر عیبرت واردیر. حال بوکی اونلارین اکثریتی ایمان گتیرمه‌دی.

159. حقیقتن، سنین رببین یئنی‌لمز قوت، مرحمت صاحبی‌دیر! (کافیرلردن اینتیقام آلار، توبه ائدن بنده‌لرینی باغیشلایار!)

160. لوت طایفه‌سی دا پیغمبرلری تکذیب ائتدی.

161. او زامان کی، قارداش‌لاری لوت اونلارا دئدی: مگر (کوفر ائتدیگینیزه، پیغمبرلری یالانچی سایدیغینیزا گؤره تانری-نین عذابین‌دان) قورخمورسونوز؟

162. شوبهه‌سیز کی، من سیزین اوچون ائعتیبار اولوناسی (بئل باغلانیلاسی) بیر پیغمبرم! (وعدیمه خیلاف چیخماز، امانته خیانت ائتمرم!)

163. آرتیق تانری دان قورخون و منه اطاعت ائدین!

164. من بونون (تانری-نین حؤکم‌لرینی، ریسالتی تبلیغ ائتمیین) موقابیلینده سیزدن هئچ بیر موزد (اوز) ایستمیرم. منیم موکافاتیم آنجاق عالم‌لرین رببینه عایددیر!

165. دوغرودانمی سیز بشر اؤولادین‌دان یالنیز ائرکک‌لرله یاخین‌لیق ائدیرسینیز؟

166. و رببینیزین سیزین اوچون یاراتدیغی قادین‌لارینیزی ترک ائدیرسینیز؟ سیز (گوناه ائتمکله) حدی آشان بیر جاماعتسینیز!

167. اونلار دئدی‌لر: ائی لوت! اگر (بو سؤزلرینه، بیزی دانلاماغا) سون قویماسان، (اؤز یوردون‌دان) موطلق قووولا‌جاقسان!

168. (لوت) دئدی: حقیقتن، من سیزین عملینیزه نیفرت ائدن‌لردنم!

169. ائی رببیم! منی و عائلمی بونلارین گؤردوگو (پیس) ایشدن (اونلارین بد عمل‌لری‌نین جزاسین‌دان) قورتار!

170. آرتیق لوتو و بوتون عائله‌سینی (عذاب‌دان) خلاص ائتدیک.

171. آنجاق گئریده قالان بیر قادین (لوتون گوناهکار اؤورتی) استثنا اولماقلا!

172. سونرا دا او بیری‌لری محو ائدیب کؤکونو کسدیک.

173. اونلارین اوستونه (قیزمار داش‌دان) بیر یاغیش یاغدیردیق. (پیغمبر طرفین‌دن تانری-نین عذابی ایله) قورخودولان‌لارین یاغیشی نه یامان یاغیش‌دیر!

174. شوبهه‌سیز کی، بوندا (لوتون بو حکایهینده) بیر عیبرت واردیر. حال بوکی اونلارین اکثریتی ایمان گتیرمه‌دی.

175. حقیقتن، سنین رببین یئنی‌لمز قوت، مرحمت صاحبی‌دیر! (کافیرلردن اینتیقام آلار، توبه ائدن بنده‌لرینی باغیشلایار!)

176. ایکه اهلی ده پیغمبرلری تکذیب ائتدی.

177. او زامان کی، شوئیب اونلارا دئدی: مگر (کوفر ائتدیگینیزه، پیغمبرلری یالانچی سایدیغینیزا گؤره تانری-نین عذابین‌دان) قورخمورسونوز؟

178. شوبهه‌سیز کی، من سیزین اوچون ائعتیبار اولوناسی (بئل باغلانیلاسی) بیر پیغمبرم! (وعدیمه خیلاف چیخماز، امانته خیانت ائتمرم!)

179. آرتیق تانری دان قورخون و منه اطاعت ائدین!

180. من بونون (تانری-نین حؤکم‌لرینی، ریسالتی تبلیغ ائتمیین) موقابیلینده سیزدن هئچ بیر موزد (اوز) ایستمیرم. منیم موکافاتیم آنجاق عالم‌لرین رببینه عایددیر!

181. اؤلچوده دوز اولون، (اونو) اسکیل‌دن‌لردن اولمایین!

182. دوز ترزی ایله چکین!

183. اینسان‌لارین حاقینی آزالتمایین! (جاماعتین مالینی اسکیلتمیین. کیمین حاقی ندیرسه، اونو دا وئرین!) یئر اوزونده فیتنه-فساد تؤرتمیین!

184. و سیزی ده، سیزدن اوولکی نسیل‌لری ده یارا‌دان‌دان قورخون!

185. اونلار دئدی‌لر: حقیقتن، سن (عمل‌لی-باش‌لی) اووسونلانمیش‌لاردانسان! (دیوانه‌نین بیریسن! سن هارا، پیغمبرلیک هارا؟)

186. سن ده بیزیم کیمی آدی بیر اینسانسان! بیزه ائله گلیر کی، سن یالانچی‌نین بیریسن!

187. اگر، دوغرو دانیشان‌لاردانسانسا (حقیقی پیغمبرسنسه)، گؤیون بیر پارچاسینی اوستوموزه ائندیر!

188. (شوئیب) دئدی: سیزین نلر ائتدیگینیزی رببیم داها یاخشی بیلیر!

189. نهایت، اونو (شوئیبی) تکذیب ائتدی‌لر و بونا گؤره ده بولودلو گونون (قیزمار گونش‌دن سونرا پئیدا اولان قارا بولودون) عذابی اونلاری یاخالادی. حقیقتن، او، بؤیوک (مودهیش) بیر گونون عذابی ایدی.

190. شوبهه‌سیز کی، بوندا (شوئیبین بو حکایهینده) بیر عیبرت واردیر. حال بوکی اونلارین اکثریتی ایمان گتیرمه‌دی.

191. حقیقتن، سنین رببین یئنی‌لمز قوت، مرحمت صاحبی‌دیر! (کافیرلردن اینتیقام آلار، توبه ائدن بنده‌لرینی باغیشلایار!)

192. شوبهه‌سیز کی، بو (قورآن) عالم‌لرین رببی طرفین‌دن نازیل ائدیلمیش‌دیر!

193. اونو جبرایل (روحولمین) ائندیردی:

194. (گوناهکارلاری تانری-نین عذابی ایله) قورخودان (خبردار ائدن) پیغمبرلردن اولاسان دئیه، سنین قلبینه (نازیل ائتدی)؛

195. اؤزو ده آچیق-آیدین عرب دیلینه.

196. حقیقتن، او (قورآنین نازیل اولاجاغی خبری، معناسی و حؤکم‌لری؛ پیغمبرین وسفی)، اوولکی‌لرین (کئچمیش پیغمبرلرین) کیتابلاریندان‌ مؤوجوددور.

197. مگر ایسرایل اؤولادی عالیم‌لری‌نین (قورآنین ایلاهی کیتاب، سنین حقیقی پیغمبر اولدوغونو) بیلمه‌لری اونلار (بو کافیرلر) اوچون بیر دلیل (ثبوت) دئییلمی؟

198. اگر اونو عرب اولمایان‌لاردان (عربجه بیلمه‌ین‌لردن) بیرینه (بعضی‌سینه) نازیل ائتسیدیک؛

199. و او (قورآنی) اونلارا (مککه موشریک‌لرینه و کافیرلره) اوخوسایدی، (بو شخص عرب دیلینی یاخشی بیلمیر، قئیری-عربه تابع اولماق، اونون آردینجا گئتمک بیزه آییب‌دیر دئیه) اونا ایمان گتیرمزدی‌لر.

200. بیز (کوفرو، اینادکارلیغی) گوناهکارلارین قلبینه بئله سالاریق.

201. اونلار شدت‌لی عذابی گؤرمیندک (قرآنا) اینانمعزلار.

202. (عذاب) اونلارا غفلتن، اؤزلری ده حیسس ائتمه‌دن گلر.

203. او زامان اونلار دئیرلر: عجبا، (توبه ائتمک، ایمان گتیرمک اوچون) بیزه مؤهلت وئریلجکمی؟

204. ایندی (گوناهکارلار) عذابیمیزین (دونیادا اونلارا) تئزمی گلمه‌سینی ایستییرلر؟

205. (یا رسولوم! گؤرورسنمی، اگر بیز اونلارا (کافیرلره) ایللرجه نعمت (گون-گوزران) وئرسک،

206. سونرا وعد (تهدید) اولوندوق‌لاری (عذاب) اونلارا یئتیشسه،

207. اونلارا وئریلمیش اولان نعمت‌لر (عذابیمیزی) اونلاردان دف ائده بیلمز. (هئچ بیر شئی اونلارا وئریله‌جک عذابی گئری قایتارا بیلمز. عکسینه، فیراوان حیات، بول نعمت اونلارین گوناه‌لارینی، جینایت‌لرینی داها دا آرتیرار).

208. بیز هئچ بیر مملکتی اورا پیغمبر گؤندرمه‌دن محو ائتمدیک!

209. (پیغمبرلری) اؤیود-نصیحت وئرمک اوچون (گؤندردیک). بیز ظالم دئیی‌لیک!

210. (قورآنی) اصلا شیطان‌لار ائندیرمه‌دی.

211. بو اونلارا لاییق دئییل‌دیر. اونلار (بونو) هئچ باجارا دا بیلمزلر!

212. آخی اونلارا (وحی ائشیتمک، ملک‌لرین صحبتینه قولاق آسماق) قاداغان ائدیلمیش‌دیر.

213. ائله ایسه چکین، تانریلا یاناشی باشقا بیر تانرییا عبادت ائتمه، یوخسا عذابا دوچار ائدیلن‌لردن اولارسان!

214. و ان یاخشین قوهوم‌لارینی قورخوت!

215. سنه تابع اولان مؤمین‌لری قانادین آلتینا آل! (اونلارلا یومشاق داوران، نزاکتله رفتار ائت، یاردیم‌لرینه چات!)

216. اگر (یاخین قوهوم‌لارین، اشیرتین) سنه قارشی چیخسا‌لار، اونلارا بئله دئ: شوبهه‌سیز کی، من سیزین عمل‌لرینیزدن اوزاغام!

217. و یئنی‌لمز قوت صاحبینه، مرحمت صاحبیده توککول ائت!

218. او تانری کی، سنی نامازا دوراندا دا گؤرور،

219. سجده ائدن‌لر ایچینده دولاناندا دا.

220. حقیقتن، (هر شئیی) ائشی‌دن، بیلن اودور!

221. (ائی موشریک‌لر!) شیطان‌لارین کیمه نازیل اولدوق‌لارینی سیزه خبر وئریممی؟

222. اونلار هر بیر یالانچییا، گوناهکارا نازیل اولارلار.

223. (شیطان‌لار ملک‌لردن اوغرون-اوغرون) ائشیتدیک‌لری (آددا-بوددا) سؤزلری اونلارا تلقین ائدرلر. (یاخود کاهین‌لر شیطان‌لارین اویدورما‌لارینا قولاق آسارلار). اونلارین اکثریتی یالانچی‌دیر!

224. (موشریک و کافیر) شاعرلره گلینجه، اونلارا یالنیز آزغین‌لار اویار!

225. مگر گؤرمورسنمی کی، اونلار هر بیر وادیده سرگردان گزیب-دولاشیرلار؟ (هر طرفه مئیل ائدیر، بیرینی یالان‌دان مده، دیگرینی ایسه ابس یئره هجو ائدیرلر!)

226. و اونلار ائتمدیک‌لری شئی‌لری دئییرلر! (اونلارین دئدیک‌لری‌نین اکثریتی یالان‌دیر!)

227. آنجاق ایمان گتیریب یاخشی ایشلر گؤرن، تانری-یاا چوخ ذکر ائدن و ظلمه اوغرادیق‌دان سونرا اینتیقامینی آلان‌لاردان باشقا! ظلم ائدن‌لر ایسه (اؤلن‌دن سونرا) هانسی دؤنوشه دؤنه‌جک‌لرینی (هارا قاییدا‌جاق‌لارینی، عاقیبت‌لری‌نین نئجه اولاجاغینی، هانسی اینقیلابلا سارسیلا‌جاق‌لارینی) موطلق بیله‌جک‌لر

 27-النمل

ان-نمل (قاریشقا‌لار) سوره‌سی

(مککه‌ده نازیل اولموش‌دور، 93 آیه‌دیر)

باغیشلیلان و رحم ائدن تانرین آدینان

1. تا، سین! بو، قورآنین و (حاقی باطیل‌دن آییران) آچیق-آیدین بیر کیتابین آیه‌لری‌دیر!

2. مؤمین‌لره (دوغرو یول گؤسترن) رهبر و (جننتله) موژده‌دیر.

3. او کس‌لر کی، (واخت‌لی-واختیندا، لازیمینجا) ناماز آیلیر، زکات وئریر و آخیرته مؤحکم اینانیرلار.

4. حقیقتن، آخیرته اینانمایان‌لارین (پیس) عمل‌لرینی اؤزلرینه یاخشی گؤستردیک. اونلار (اؤز آزغین‌لیق‌لاری ایچه‌ری‌سینده ) شاشقین بیر وضعیتده‌دیرلر.

5. اونلاری (دونیادا) چوخ پیس عذاب گؤزله ییر، (ایمانی کوفره دییش‌دیرمک‌لرینه گؤره) آخیرتده ان بؤیوک زیانا اوغرایا‌جاق کس‌لر ده اونلاردیر!

6. (یا رسولوم!) حقیقتن، قورآن سنه حیکمت صاحبی اولان، (هر شئیی) بیلن تانری طرفین‌دن تلقین (وحی تعلیم) اولونور.

7. بیر زامان موسی (مدین‌دن مصره گئدرکن) عائله‌سینه دئمیشدی: من بیر اود گؤردوم، (سیز بورادا دورون) من ده گئدیب اوندان سیزه بیر خبر، یاخود بیر گؤز گتیریم کی، قیزیناسینیز .

8. موسی (آلووون) یانینا چاتدیقدا بئله بیر نیدا گلدی: آلووون یانیندا اولان (موسی) و اطرافیندا اولان‌لار (ملک‌لر و یا پیغمبرلر) موبا‌رک کیمسه‌لردیر (برکت‌لی‌دیرلر). عالم‌لرین رببی اولان تانری پاک‌دیر، موقددس‌دیر! (بوتون عیب و نقصان‌لاردان کناردیر!)

9. یا موسی! یئنی‌لمز قوت، حیکمت صاحبی اولان تانری منم!

10. عصا (یئره) آت! (موسی عصا یئره آتدی). او، (عصان) ایلان کیمی قیوریلدیغینی گؤردوکده دؤنوب قاچدی، هئچ دالا دا باخمادی. (بیز اونا بئله بویوردوق: ) یا موسی، قورخما! پیغمبرلر منیم حضورومدا قورخمعزلار.

11. یالنیز (گوناه ائتمکله اؤزونه) ظلم ائله‌ین (قورخما‌لی‌دیر). لاکین (پیس‌لیک ائتدیک‌دن) سونرا توبه ایله پیس‌لیگی یاخشیلیغا چئویرن کس (بیلسین کی، من بئله‌سینی) باغیشلایانام، رحم ائدنم!

12. الینی قوینونا (کؤینیی‌نین یاخاسینا، یاخود قولتوغونون آلتینا) قوی کی، فیرعونا و اونون طایفه‌سینا گؤندریلن دوققوز نشانه ‌دن بیری اولا‌راق عیب‌سیز-قوسورسوز آغاپپاق (پارلاق بیر نور کیمی) چیخسین. حقیقتن، اونلار (تانری-نین اطاعتین‌دن چیخمیش) فاسیق بیر جاماعت‌دیر!

13. نشانه ‌لریمیز آشکار شکیلده گلیب اونلارا چاتدیقدا: بو، آچیق-آیدین بیر سئحردیر! – دئدی‌لر.

14. (نشانه ‌لریمیزین) حقیقی‌لیگینه داخیلن مؤحکم امین اولدوق‌لاری حالدا، حاق‌سیز یئره و تکببور اوزون‌دن اونلاری اینکار ائتدی‌لر. (یا رسولوم!) بیر گؤر فیتنه-فساد تؤره‌دن‌لرین آخیری نئجه اولدو!

15. بیز داوودا و سولئیمانا علم (اینسان‌لار آراسیندا موباهیسه‌لی مسئله‌لری هلل ائدیب عدالت‌لی حؤکم چیخارتماق، قوش‌لارین دیلینی بیلمک و ی. آ.) وئردیک. اونلار دئدی‌لر: بیزی اؤز مؤمین بنده‌لری‌نین چوخون‌دان اوستون توتان تانری-یاا حمد اولسون!

16. سولئیمان داوودا (پیغمبرلیکده، علمده و مولکده) وره‌سه اولدو و دئدی: ائی اینسان‌لار! بیزه قوش دیلی اؤیردیلدی و (پیغمبرلره، پادشاه‌لارا نصیب اولان) هر شئی‌دن وئریلدی. بو، حقیقتن آچیق-آشکار بیر لوطف‌دور!

17. (بیر گون) سولئیمانین جین‌لردن، اینسان‌لاردان و قوش‌لاردان عبارت قوشونو توپلاندی. اونلار جرگه-جرگه دوزولوب (نیزاملا) گئدیردی‌لر.

18. نهایت، اونلار (تایف‌دکی، یاخود شام‌داکی) قاریشقا وادی‌سینه گلیب چاتدیقدا بیر قاریشقا (قاریشقا‌لارین پادشاهی) دئدی: ائی قاریشقا‌لار! یووا‌لارینیزا گیرین کی، سولئیمان و اوردوسو اؤزلری ده بیلمه‌دن سیزی (آیاق‌لاری آلتیندا) باسیب ازمه‌سین‌لر!

19. (سولئیمان قاریشقانین) بو سؤزون‌دن گولومسه‌ییب دئدی: ائی رببیم! منه منیم اؤزومه و آتا-آناما ائحسان بویوردوغون نعمته شوکور ائتمک، سنین راضی قالاجاغین یاخشی ایش گؤرمک اوچون ایلهام (قوت) وئر! و منی اؤز مرحمتینه صالح بنده‌لری‌نین زومره‌سینه داخیل ائت!

20. سونرا (سولئیمان) قوش‌لاری یوخلاییب دئدی: (تورپاق آلتیندا سویون هارادا اولدوغونو بیلن) هودهودو (شاناپیپیگی) نیه گؤرمورم؟ یوخسا او بورادا یوخ‌دور؟

21. آند اولسون کی، اونا شدت‌لی بیر عذاب وئرر، یا دا توتوب کسرم (بوغازینی اوزرم). یاخود دا او (عذرلو سببه گؤره بورادا اولماماسی اوچون) آشکار بیر دلیل گتیرسین!

22. بیر آزدان (هودهود) گلیب دئدی: سنین بیلمدیگین بیر شئیی اؤیرندیم. سنه سبا‌دان دوغرو بیر خبر گتیرمیشم.

23. من اونلارا (سبا اهلینه) پادشاه‌لیق ائدن بیر قادین گؤردوم. اونا (دونیادا شاه‌لارا لازیم اولان) هر شئی وئرریلمیش‌دیر. اونون چوخ بؤیوک (عظمت‌لی) بیر تاختی واردیر.

24. من اونون و طایفه‌سی‌نین تانری-یاا قویوب گونشه سیتاییش ائتدیک‌لرینی گؤردوم. شیطان (چیرکین) عمل‌لرینی اونلارا گؤزل گؤسترمیش، اونلاری (دوغرو) یول‌دان ساپدیرمیش‌دیر. بونا گؤره ده حاق یولونو تاپا بیلمیرلر.

25. گؤی‌لرده و یئرده پونهان اولانی (یاغیشی، بیتکی‌لری) آشکارا چیخاردان، اونلارین گیزلینده و آشکاردا ائتدیک‌لری هر شئیی بیلن تانری-یاا سجده ائتمه‌سین‌لر دئیه (شیطان بئله ائتمیش‌دیر).

26. او بؤیوک عرشین رببی (صاحبی) اولان تانری دان باشقا هئچ بیر تانری یوخ‌دور!

27. (سولئیمان هودهوده) دئدی: باخاق گؤرک دوغرو دئییرسن، یوخسا یالانچیسان!

28. منیم بو مکتوبومو آپاریب (گؤی‌دن) اونلارا آت، سونرا یاخین بیر یئره چکیلیب دور، باخ گؤر نه جاواب وئره‌جک‌لر!

29. (سبا حؤکمداری بلقیس سولئیمانین مکتوبونو آلیب اوخویان‌دان سونرا) دئدی: ائی عیان‌لار! منه چوخ حؤرمت‌لی بیر مکتوب گؤندریلدی (آتیلدی).

30. او مکتوب سولئیمان‌دان‌دیر و او بیسمیللاهیر-رحمانیر-رحیم لدیر (بیسمیللاهلا باش‌لانیر).

31. (مزمونو بئله‌دیر: ) منه قارشی تکببور گؤسترمیین و یانیما موتعقی (موسلمان) اولا‌راق گلین! (منیم دعوتیمه سایمعزلیقلا یاناشمایین. تانری-یاا تسلیم اولا‌راق یانیما گلین) .

32. (بلقیس) دئدی: ائی عیان‌لار! بو ایش باره‌سینده منه رایینیزی بیل‌دیرین. من سیزینله مثلهتلشممیش هئچ بیر ایش گؤرن (حؤکم وئرن) دئییلم!

33. اونلار دئدی‌لر: بیز بؤیوک بیر قوت و قودرت صاحیبیگیک. (گوج‌لو اوردوموز، سورساتیمیز، حرب آلت‌لریمیز وار. اؤزوموز ده تجروبه‌لی، ماهیر دؤیوشچولریک). حؤکم سنین‌دیر. نه امر ائدجیینه اؤزون باخ (فیکیرلش)!

34. (بلقیس) دئدی: حؤکمدارلار بیر اؤلکه‌یه (زورلا) گیردیک‌لری زامان اونو خارابازارا چئویرر، خالقی‌نین بؤیوک‌لرینی ده زلیل (قول، اسیر) ائدرلر. اونلار محض بئله حرکت ائدرلر. (حؤکمدارلارین عادتی، داورانیشی بئله‌دیر).

35. من اونلارا بیر هدیه گؤندره‌جه‌یم؛ گؤروم ائلچی‌لر نه ایله قاییدا‌جاق‌لار! (اگر سولئیمان پیغمبردیرسه، اونو رد ائدر؛ یوخ، اگر آنجاق بیر پادشعهدیرسا، قبول ائدر).

36. (ائلچیباشی بلقی‌سین گؤندردیگی هدیه ایله) سولئیمانین یانینا گلدیکده او دئدی: سیز منه مال-دؤولتلمی یاردیم ائدیرسینیز؟ تانری-نین منه وئردیگی (پیغمبرلیک، سلطنت) سیزه وئردیگین‌دن (دونیا مالین‌دان) داها یاخشی‌دیر. اما سیز (دونیانین بربزیینه آلدانیب) اؤز هدیه‌لرینیزله سئوینیرسینیز.

37. دورما، اونلارین (سبا اهلی‌نین) یانینا قاییت! آند اولسون کی، (اگر موتعقی اولا‌راق یانیما گلمه‌سه‌لر) گوج‌لری چاتمایا‌جاق بیر اوردو ایله اوست‌لرینه گئدیب اونلاری اؤز یوردون‌دان زلیل و خار وضعیتده چیخارداریق!

38. (سولئیمان) دئدی: ائی عیان‌لار! اونلار موتعقی وزیتده (موسلمان اولا‌راق) یانیما گلممیش هانسینیز اونون (بلقی‌سین) تاختینی منه گتیره بیلر؟

39. جین‌لردن اولان (چوخ قوت‌لی و نهنگ) بیر ایفریت دئدی: سن یئرین‌دن (تاختین‌دان) قالخمامیش من اونو سنه گتیررم. من بو ایشی گؤرمه‌یه چوخ قوت‌لییم، ائعتیبارلییام! (منیم بلقی‌سین تاختینی گؤتوروب گتیرمه‌یه گوجوم چاتار. من تاختین اوزرینده اولان قیزیل-گوموشه، لعل-جواهیراتا علیمی بئله وورمارام، اونلاردان هئچ بیر شئی گؤتورمرم!)

40. (سولئیمان تاختین داها تئز گتیریلمه‌سینی ایسته‌دی). کیتاب‌دان (تانری-نین کیتابین‌دان، یاخود لؤوحی-محفوظدان) بیر قدر خبری اولان بیری‌سی (جبرایل، یاخود خیزیر و یا سولئیمانین چوخ عقل‌لی و تدبیرلی وزیری آسف ابن برخیا) دئدی: من اونو سنه بیر گؤز قیرپیمیندا (گؤزونو یوموب آچینجا) گتیررم! (سولئیمان) اونو (تاختی) یانیندا حاضر دورموش گؤرونجه دئدی: بو، رببیمین لوطفون‌دن‌دیر (مرحمتین‌دن‌دیر). منی ایمتاهانا چکمیی اوچون‌دور کی، گؤرک (اونون نعمتینه) شوکور ائده‌جه‌یم، یوخسا نانکور اولاجاغام! کیم (رببیمین نعمتینه) شوکور ائتسه، یالنیز اؤزو اوچون (اؤز خئیرینه) شوکور ائدر؛ کیم نانکور اولسا، (بیلسین کی) حقیقتن، رببیم (اونون شوکرونه) مؤهتاج دئییل‌دیر، کرم صاحبی‌دیر! (تانری دونیادا قدیربی‌لنه ده، نانکورا دا، مؤمینه ده، کافیره ده لازیمینجا روزی و گون-گوزران وئرر، چونکی او، توکنمز مرحمت صاحبی‌دیر!)

41. (سولئیمان) دئدی: (بلقه‌سین) تاختینی تانیماز حالا سالین، گؤرک اونو تانییا‌جاق، یا یوخ؟!

42. (بلقیس) گلدیکده اونا: تاختین بو جوردورمو؟ – دئییلدی. او دا: سانکی اودور! – دئیه جاواب وئردی. (سولئیمان قادی‌نین درین زکا صاحبی اولدوغونو گؤرونجه دئدی: ) بیزه اوندان داها اؤنجه (تؤوحید حاقیندا) علم وئریلمیش و بیز (اوندان داها قاباق تانری-یاا) موتعقی (موسلمان) اولموشوق!

43. (سولئیمان) اونا تانری دان باشقاسینا (گونشه، آیا) عبادت ائتمیی قاداغان ائتدی. (یاخود تانری دان باشقاسینا تاپینماسی او قادینا تانری-یاا عبادت ائتمه‌یه مانع اولموشدو). چونکی او، کافیر بیر طایفه‌دان ایدی.

44. (بلقه‌سین اقلینی، زکاسینی یوخلاماق مقصدیله) اونا بئله دئییلدی: سارایا داخیل اول! (سولئیمانین سارایی بوللوردان تیکیلدیگی و آلتینا سو بوراخیلدیغی اوچون بلقیس) سارایی گؤردوکده اونو درین بیر گؤلمچه حساب ائتدی و (پالتاری ایسلانماسین دئیه) آتیینی قالدیردی (بال‌دیرلارینی آچدی). او (سولئیمان): بو (سو دئییل) بوللوردان تیکیلمیش (شففاف) بیر سارای‌دیر! – دئدی. (بلقیس) دئدی: ائی رببیم! من (گونشه سیتاییش ائتمکله) اؤزومه ظلم ائتمیشدیم. من آرتیق سولئیمانلا (سولئیمانین سایه‌سینده) عالم‌لرین رببی اولان تانری-یاا تسلیم اولدوم!

45. بیز ثمود طایفه‌سینا – تانری-یاا عبادت ائدین دئیه، قارداش‌لاری صالحی (پیغمبر) گؤندردیک. (صالح اؤز طایفه‌سی‌نین یانینا گلن کیمی) اونلار بیر-بیری ایله چکیشن (دوشمنچی‌لیک ائدن) ایکی فیرقه‌یه (مؤمین‌لره و کافیرلره) آیریلدی‌لار.

46. (صالح) دئدی: ائی قوموم! سیز نه اوچون یاخشی‌لیق‌دان قاباق پیس‌لییه تلسیرسینیز؟ (توبه‌دن قاباق عذابی، مرحمتدن اؤنجه ظلمو ایستییرسینیز؟) نه اوچون تانری دان باغیشلانماغینیزی دیلمیرسینیز کی، بلکه، رحم اولوناسینیز؟

47. اونلار دئدی‌لر: بیزه سنین و یانیندا اولان‌لارین اوجباتین‌دان اوغورسوزلوق اوز وئردی. (آیاغینیز بیزه دوشمدیگی اوچوب پیس گونه قالدیق، جوربجور موصیبت‌لره دوچار اولدوق). (صالح) دئدی: سیزین اوغورسوزلوغونوز تانری دان‌دیر. بلکه ده، (اطاعت ائدیب-ائتمیجیینیزی بیلمک اوچون تانری طرفین‌دن) ایمتاهان اولونورسونوز.

48. (ثمود طایفه‌سی‌نین یاشادیغی هیرج آدلی) شهرده دوققوز کیشی وار ایدی کی، یئر اوزونده فیتنه-فساد تؤردر، اصلا یاخشی بیر ایش گؤرمزلر.

49. اونلار اؤز آرا‌لاریندا تانری-یاا آند ایچیب بئله دئدی‌لر: بیز گئجه اونا و عائله‌سینه (یاخود اونا ایمان گتیرن‌لره) هوجوم ائدیب (هامی‌سینی) اؤلدوره‌جک، سونرا دا اونون (قانینی آلماق ایسته‌ین) قییومونا دئیجییک کی، بیز اونون عائله‌سی‌نین (کیم‌لر طرفین‌دن) اؤلدورولدوگونو گؤرممیشیک (اؤلدورولدوگو یئرده اولمامیشیق) و بیز، حقیقتن، دوغرو دانیشیریق!

50. اونلار بیر حیله قوردولار. بیز ایسه اؤزلری ده بیلمه‌دن (گؤزلنیلمه‌ین بیر عذابلا) حیله‌لری‌نین جزاسینی وئردیک.

51. (یا رسولوم!) بیر گؤر اونلارین حیله‌لری‌نین آخیری نئجه اولدو. بیز اونلارین (دوققوز کیشی‌نین) اؤزلرینی ده، طایفه‌‌لارینی دا بوسبوتون یوخ ائتدیک.

52. بو، ظلم‌لری اوزون‌دن اونلارین بومبوش (ویران) قالمیش ائولری‌دیر. حقیقتن، بوندا (قودرتیمیزی) آنلاییب بیلن بیر قوم اوچون عیبرت واردیر!

53. ایمان گتیریب (تانری-یاا شریک قوشماق‌دان، اونا آسی اولماق‌دان) قورخان‌لاری ایسه خلاص ائتدیک!

54. لوتو دا (پیغمبر گؤندردیک). او زامان (لوت) اؤز طایفه‌سینا دئمیشدی: گؤزونوز گؤره-گؤره چیرکین ایشلمی مشغول اولورسونوز؟ (ائتدیگینیز عملین قباهتینی، گوناهینی باشا دوشه-دوشه هله ده اونا داوام ائدیرسینیز!)

55. سیز قادین‌لاری قویوب شهوتله ائرکک‌لرین یانینامی (اوستونمی) گئدیرسینیز؟ حقیقتن، سیز جاهیل بیر تایفاسینیز!

56. (لوت) طایفه‌سی‌نین جاوابی یالنیز: لوتون عائله‌سینی یوردونوزدان قوووب چیخاردین. چونکی اونلار (بیزیم گؤردوگوموز ایشلردن) تمیز قالماق ایسته‌ین اینسان‌لاردیر! – دئمک‌لری اولموشدو.

57. بونا گؤره ده بیز اونو و عائله‌سینی خلاص ائتدیک، یالنیز اؤورتینی (عذاب ایچینده) قالان‌لاردان اولماسینی تق‌دیر ائتدیک. (جانیندا نه اولدوغونو بیلدیگیمیز اوچون اونون باره‌سینده عزل‌دن بئله حؤکم وئردیک).

58. اونلارین اوستونه (قیزمار داش‌دان) بیر یاغیش یاغدیردیق. (پیغمبرلر واخیته‌سیله تانری-نین عذابین‌دان) قورخودولان‌لارین یاغیشی نه یامان ایمیش!

59. (یا رسولوم!) دئ: حمد اولسون تانری-یاا! سلام اولسون (تانری-نین پیغمبر) سئچدیگی بنده‌لرینه! (ائی مککه اهلی!) تانری یاخشی‌دیر، یوخسا (موشریک‌لرین) اونا شریک قوشدوق‌لاری (بوت‌لر)؟!

60. (بوت‌لر یاخشی‌دیر) یوخسا گؤی‌لری و یئری یارا‌دان، سیزین اوچون گؤی‌دن یاغمور ائندیرن کیمسه؟! سونرا بیز او یاغمورلا سیزین اوچون گؤزل باغچا‌لار یئتیشدیردیک. (اگر تانری-نین یاراتدیغی و یئره ائندیردیگی سو اولماسایدی) سیز (او باغچا‌لارین) آغاجلارینی گؤیرده بیلمزدینیز. مگر تانریلا یاناشی باشقا بیر تانریمی وار؟! لاکین (موشریک‌لر بوت‌لرینی تانری-یاا) برابر توتان بیر طایفه‌دیرلار! (یاخود اونلار قصداً حاق یول‌دان یایینان بیر قوم‌دورلر!)

61. (بوت‌لر یاخشی‌دیر) یوخسا یئری (سیزین اوچون) مسکن یارادیب اورتاسیندا چای‌لار آخی‌دان، اوزرینده (تیترمه‌سین دئیه) مؤحکم دورموش داغ‌لار برقرار ائدن و (شیرین و شور سولاری بیر-بیرینه قاریشماسین دئیه) ایکی دنیزین آراسیندا مانعه قویان کیمسه؟! مگر تانریلا یاناشی باشقا بیر تانریمی وار؟! لاکین (موشریک‌لرین) اکثریتی (تانری-نین وهدانیتینی، اونون نه قدر عظمت‌لی اولدوغونو) بیلمیرلر!

62. (بوت‌لر یاخشی‌دیر) یاخود علی هر یئردن اوزولوب داردا قالان بیری‌سی اونا دعا ائتدیگی زامان اونون دعاسینی قبول بویوران، (سیزدن) شرعی سوووش‌دوران، سیزی یئر اوزونون واریث‌لری ائدن کیمسه؟ مگر تانریلا یاناشی باشقا بیر تانریمی وار؟ سیز نه آز دوشونوب دانیشیرسینیز؟

63. یاخود قورونون و سویون (صحرانین و دنیزین) ظولمت‌لرینده سیزه دوغرو یول گؤسترن، کولک‌لری اؤز رحمتی (یاغیشی) اؤنونده بیر موژدچی اولا‌راق گؤندرن کیمسه؟! مگر تانریلا یاناشی باشقا بیر تانریمی وار؟! تانری (موشریک‌لرین) اونا شریک قوشدوقلاریندان‌ (بوت‌لردن) اوجا‌دیر!

64. یاخود (مخلوقاتی) اؤنجه یارا‌دان (اؤلدوک‌دن) سونرا (قیامت گونو) اونو یئنی‌دن دیریل‌دن، سیزه گؤی‌دن (یاغیشلا)، یئردن (نؤوبنؤو بیتکی‌لرله، مئیوه‌لرله) روزی وئرن کیمسه؟! مگر تانریلا یاناشی باشقا تانریمی وار؟ دئ: (ائی موشریک‌لر!) اگر (تانری-نین شریک‌لری اولدوغونو) دوغرو دئییرسینیزسه، دلیلینیزی گتیرین!

65. (یا رسولوم!) دئ: تانری دان باشقا گؤی‌لرده و یئرده اولان هئچ کس قئیبی بیلمز! اونلار یئنی‌دن نه واخت دیریله‌جک‌لرینی ده بیلمزلر!

66. خئیر، اونلارین (موشریک‌لرین) علمی آخیرتی قاوراییب درک ائده بیلمز. خئیر، اونلار (آخیرت) باره‌سینده شکک-شوبهه ایچینده‌دیرلر. خئیر، اونلار اونا قارشی کوردورلار! (موشریک‌لر آخیرته اینانمادیق‌لاری حالدا، نه اوچون اونون باره‌سینده سوال وئریرلر؟! مگر اونلارین علمی بئله بیر سوال وئرمه‌یه کیفایتدیرمی؟! و یا موشریک‌لر آخیرت حاقیندا یالنیز قبیرلرین‌دن چیخاردیلیب دیریلدیله‌جک‌لری زامان بیله‌جک‌لر کی، بو دا اونلارا هئچ بیر فایدا وئرمه‌یه‌جک‌دیر!)

67. کافیرلر دئدی‌لر: مگر بیزلر و آتا‌لاریمیز تورپاق اولدوق‌دان سونرا (دیریلدیلیب قبیرلریمیزدن) چیخاردیلاجاغیق؟

68. حقیقتن، بو (دیریلمه) بیزه وعد اولوندوغو کیمی، اؤنجه آتا‌لاریمیزا دا (وعد اولونموشدو). بو، قدیم‌لرین افسانه‌لرین‌دن (یالان سؤزلرین‌دن) باشقا بیر شئی دئییل‌دیر!

69. (یا رسولوم!) دئ: یئر اوزونو گزیب-دولاشین، گوناهکارلارین آخیری‌نین نئجه اولدوغونا بیر باخین!

70. (یا پیغمبریم!) اونلاردان (کافیرلرین تکذیب ائتمه‌لرین‌دن) اؤترو کدرلنمه و (سنه قارشی) قوردوق‌لارینا (حیله‌لره) گؤره ده اوریینی قیسما!

71. اونلار: اگر دوغرو دانیشیرسینیزسا، (دئیین گؤرک) بو وعد (بیزی قورخوتدوغونوز عذاب وعده‌سی) نه واخت یئرینه یئته‌جک‌دیر؟ – دئیه سوروشارلار.

72. دئ: تئز-تلسیک ایستدیگینیز (عذابین) بیر حیسه‌سی، بلکه ده، آرتیق سیزه گلیب چاتماق اوزره‌دیر! (موشریک‌لر اونلارا وعد اولونان عذابین بیر حیسه‌سینی اوهود ووروشوندا داددی‌لار، قالانینی ایسه جهنمده دادا‌جاق‌لار!)

73. (یا رسولوم!) حقیقتن، سنین رببین اینسان‌لارا مرحمت لی‌دیر، لاکین اونلارین اکثریتی (تانری-نین بو مرحمتینه) شوکور ائتمز.

74. شوبهه‌سیز کی، سنین رببین اونلارین اورک‌لری‌نین گیزلی ساخلادیغی و اؤزلری‌نین آشکار ائتدیک‌لری هر شئیی (قلب‌لرین سیرلرینی و آچیق-آشکار عمل‌لرینی) بیلیر.

75. گؤی‌لرده و یئرده (هئچ کسین بیلمدیگی) ائله بیر گیزلی شئی یوخ‌دور کی، آچیق-آیدین کیتابدا (لؤوحی-محفوظدا) اولماسین!

76. حقیقتن، بو قورآن ایسرایل اوغول‌لارینا ایختیلافدا اولدوق‌لاری شئی‌لرین اکثریتینی آنلادیب خبر وئریر.

77. و شوبهه‌سیز کی، او مؤمین‌لره بیر هیدایت (دوغرو یولو گؤسترن رهبر) و مرحمتدیر.

78. حقیقتن، سنین رببین اونلارین (دینی مسئله‌لرده ایختیلافدا اولان‌لارین) آراسیندا اؤز حؤکمونو (عدالتله) وئره‌جک‌دیر. او، (هر شئیه) قالیب اولان‌دیر، (هر شئیی) بیلن‌دیر!

79. (یا رسولوم!) سن آنجاق تانری-یاا توککول ائت، چونکی سن آچیق-آیدین حقیقی دینده‌سن (حاق یولداسان).

80. شوبهه‌سیز کی، سن نه اؤلولره (حاقی) باشا سالا بیلر، نه ده دؤنوب گئدن کارلارا (حاقا) چاغیریشی ائشیت‌دیره بیلرسن!

81. سن او کورلاری دوشدوک‌لری ایری یول‌دان دوز یولا گتیره بیلمزسن. سن (حاقی) یالنیز آیه‌لریمیزه اینانان‌لارا ائشیت‌دیره بیلرسن. محض اونلار موسلمان‌دیرلار. (تانری-یاا اورک‌دن اینانیب اونا جانلا-باشلا اطاعت ائدرلر).

82. اونلارا دئییلن سؤز یئرینه یئتدیگی (قیامت یاخینلاشدیغی) زامان اونلار اوچون یئردن (مؤمین‌لرله کافیرلری خصوصی نیشانلا بیر-بیرلرین‌دن آییران) بیر حیوان چیخارداریق کی، اونلارلا دانیشیب (بیزیم آدیمیزدان): اینسان‌لار آیه‌لریمیزه اینانمیردی‌لار! – دئیر.

83. او گون هر اوممت‌دن آیه‌لریمیزی تکذیب ائدن‌لری دسته-دسته ییغاریق. سونرا اونلار (بیر یئره جمع ائدیلیب محشره) سوروکلنرلر.

84. اونلار (حاق-حساب یئرینه) گلیب چاتدیقدا (تانری) بویورار: آیه‌لریمیزی آنلامادیغینیز (بیلمدیگینیز) حالدا، اونلاری یالانمی حساب ائدیردینیز؟ یاخود سیز (دونیادا) نه ائدیردینیز؟ (او نه ایش ایدی کی، گؤروردونوز؟)

85. ائتدیک‌لری ظلم (کوفر) اوزون‌دن اونلارا دئییلن سؤز یئرینه یئتر (وعد اولوندوق‌لاری عذاب، موصیبت باش‌لارینا گلر). اونلار هئچ دانیشا دا بیلمزلر!

86. مگر گئجنی اونلارین استراحتی اوچون (قاران‌لیق) یاراتدیغیمیزی، گوندوزو ایسه (ایشلرینی گؤرمک، روزی قازانماق اوچون) ایشیق‌لی ائتدیگیمیزی گؤرمورلرمی؟ ایمان گتیرن بیر طایفه‌اوچون بوندا (تانری-نین وهدانیتینه، قودرتینه دلالت ائدن) علامت‌لر واردیر.

87. سور چالیناجاغی گون تانری-نین ایستدیک‌لرین‌دن (محرم ملک‌لردن، یاخود تانری-نین یانیندا همیشه دیری اولان شهیدلردن) باشقا، گؤی‌لرده و یئرده اولان‌لار (بوتون مخلوقات) دحشت‌لی بیر قورخویا دوشر و اونلارین هامی‌سی اونون حضورونا موتعقی (زلیل) وضعیتده گلر.

88. (او گون) داغ‌لارا باخیب اونلاری دونموش (حرکت‌سیز دورموش) زنن ائدرسن، حال بوکی اونلار بولود کئچدیگی کیمی کئچیب گئدرلر. بو، هر شئیی باجاریقلا (یئرلی-یئرینده) ائدن تانری-نین گؤردوگو ایشدیر. حقیقتن، او، ائتدیگینیز (بوتون) عمل‌لردن خبرداردیر!

89. هر کس (رببی‌نین حضورونا) یاخشی عملله (تؤوحید کلمه‌سی ایله، صمیمی-قلب‌دن ایمانلا) گلسه، اونو (بو عملین) موقابیلینده داها یاخشی بیر موکافات (جننت) گؤزله ییر. بئله‌لری او گون (قیامت گونو) دحشت‌لی قورخودان دا امین اولارلار.

90. (رببی‌نین حضورونا) پیس عملله گلن‌لر ایسه جهنم اودونا اوزوسته آتی‌لارلار. (ملک‌لر اونلارا بئله دئیرلر: ) بو، یالنیز (دونیا‌داکی پیس) عمل‌لرینیزین جزاسی‌دیر! (سیزه آرتیق هئچ بیر شئی ائدیلمیر!)

91. (یا رسولوم! دئ: ) منه آنجاق بو شهرین (مککه‌نین) رببینه عبادت ائتمک امر اولوموش‌دور. ائله بیر شهر کی، (رببیم) اونو موقددس توتموش‌دور. (اورادا قان تؤکمک، بیر کسه ظلم ائتمک قاداغان اولونموش‌دور. باشقا یئرده حالال اولان شئی‌لر اورادا حرام بویورولموش‌دور). هر شئی یالنیز اونون‌دور. منه موسلمان (تانری-یاا تسلیم) اولماق امر ائدیلمیش‌دیر!

92. و منه قورآن اوخوماق (بویورولموش‌دور)! هر کس دوغرو یولدا اولسا، یالنیز اؤزو (اؤز خئیری) اوچون دوغرو یولدا اولموش اولار. هر کس دوغرو یول‌دان چیخسا، (اونا) دئ: من یالنیز (اینسان‌لاری تانری-نین عذابی ایله) قورخودان پیغمبرلردنم! (منیم وظیفم آنجاق دینی تبلیغ ائتمک‌دیر. هچ کسی ایمان گتیرمه‌یه مجبور ائدن دئییلم!)

93. و دئ: حمد اولسون تانری-یاا! او اؤز آیه‌لرینی (قودرت نیشانه‌لرینی) سیزه گؤستره‌جک، سیز ده اونلاری گؤروب تانییاجاقسینیز. رببین ائتدیگینیز عمل‌لردن (مککه موشریک‌لری و کافیرلرین گؤردوگو ایشلردن) اصلا خبرسیز دئییل‌دیر