او قدر ایلمیشم عومریده خطا یارب

اورک سوزون دیماقا ایلورم حیا یارب

هوای نفس منی هر یانا چکیب اپاروب

همیشه  ایلمیشم نفسیمه  جفا  یارب

نه چاره وار منه گر شامل اولماسا حالیما

بو ایدا سندن اولان  رحمت و عطا یارب

شفیع  درگهیوه من گتوردوم اون دوردی 

و بیرده تاج  ایلدیم  قرانی    باشا یارب

منیم گناهیم اگر چه باشا گلن دگوری

ولیک رحموه حاشا قیاس اولا یارب

ذلیل و خوارم الهی اوزون الیمدن دوت

منه عنایت ایله حق مرتضا  یارب

بهانه اولدی شب قدر کوی عشقه گلم

من ایستیم ایده سن دردیمه دوا  بارب

گناه  کاردا  اولسام سنه  بو آی     قوناقام

کومکلیک ایله اولوم سنلن  آشنا   یارب

 هوشمند

آند وئرم سنی اوز قدرت و  امکانیوه  یارب

نظر ائت سفره احساندا کی مهمانیوه یارب

دوت بو نادانون الیندن کی قالوب نفسین الینده

آند وئرم  سنی بوآیدا  کی  احسانیوه  یارب

نیلیوم مهربان الله خجلم اوز  عملیمدن

دیه بولمم سوزیمی درگه رحمانیوه  یارب

سن بویوردون  چاغوررون  تا من اجابت  ایلیوم

هانسی عنوان چاغوروم شامل اولا شانیوه یارب

ایندی کی دوتمسان ال آچمشام ال درگهیوه

الیمی بوشمالا رحم ایله  بو نالانیوه یار ب

گر چی من یانمالیام رحم  ائله یاندیرما منی

گل دوچار ائتمه منی آتش هجرانیوه یارب

گلمیشم دگهیوه رحمتیوه وار   نظریم

کی منی یول ویرسن روضه رضوانیوه یارب

محمد هوشمند