قوربان اولسون سنه منیم وارلیغیم/آتـام سنـسـن آنـام سنـسـن نـازیــم ســان
یازار : " تؤرک دیلینی اؤیره نین، چونکو اونلارین حاکمیتی چوخ اوزون سؤره جکدیر." پیامبر اکرم
+0 چره جلی
قوربان اولسون سنه منیم وارلیغیم/آتـام سنـسـن آنـام سنـسـن نـازیــم ســان
آذربـایـجان گـوزل،گـوزل باغـــلار یـــن
سـنیـن قـوخـماز اوجـا اوجـا داغــلار یـــن
بــیرده گــورم سـنین اییـی چـاغــلاریـــن
ستارخانلارچیخسین باشین اوجالسین
ایللر اوتسون تمدونون قوجا لـسیـن
آذر بـایجان باهـاریم سـان یـازیــم ســان
آتـام سنـسـن آنـام سنـسـن نـازیــم ســان
گونول لرده ،سوزدانــیشان ســازیــم ســان
سـنسـیز اولمازیاشـایـشیـن قایـداسی
چـالیـشـمـاغیـن الـشـمـاغین فایداسی
آذربایجان داماریمدا قانیم سان
جیگریم سن اورییم سن جانیم سان
شاهیم سنسن پاشام سنسن خانیم سان
قوربان اولسون سنه منیم وارلیغیم
اولکه سئومک اولماز منیم آرلیغیم
آذربایجان قلبیم سنه یانیو
منی گورن دلی اولموش سانیو
آشق بیلمیین قرقی ندن قانیو
سنسسیز اولام هچ بیرزامان گوله مم
سنین ناکشین یورییمدن سیله مم
آذربایجان دده قورقوت بالاندی
شهرتیوی آغیزلارا سالاندی
بابک آدی تاریخلرده قالاندی
اوشاقلارین افتیخارلار یارالدیپ
دوشما نیوین رنگی روفون سارالدیپ
آذربایجان کوراوغلولار دوغوپسان
سارا خاتین چایلاریندا بوغوپسان
یابانجی لار بو یوردودان قوغوپسان
قوچاق نبی داغلاریندا دایانیپ
دوشمان لارین خام یوخودان اویانیپ
آذربایجان یورک قانه دولوپدی
چیچکلرین قارا باغدا سولوپدی
آراز بیزه بویوک دیوار اولوپدی
ائرمنی لر اوزاق گوروپ بیزلری
ایاق گئچیپ پک یر آلیپ دیزلری
آذربایجان یورکده سوزقالیپدی
بو سوز منی درده بتر سالیپدی
فیکیر منیم راحتیمی آلیپدی
هاچاغ اولار گورم منده خوش گونو
ظولوم لردن سیتم لردن بوش گونو
آذربایجان یارالدیپلار ایفتیخار
نسیمی لر فوضولی لر شهریار
واحید اولدی کریمی یا اینتیظار
تورکی دیلین جوهرینی آلیپ لار
آذر تورکون آغیزلارا سالیپ لار
آذربایجان پاییز گئچر یاز گلر
یاس توکه نه ر قاوال گلر ساز گلر
شن لیک لره ایللر بویو آز گلر
بولوت گئچر اولدوز چیخار آی چیخار
بوز قوردلاردان بوائللرده های چیخار
آذربایجان بولاغ لارین چای اولسون
گوگلریندن اولدوز اولسون آی اولسون
سویوق قیشین چیچکلنسین یای اولسون
آذربایجان دومان اولسون داغ باشی
یورک سوزی : تورکلرین ساغ باشی
بیر چای اولوپ داغلاریندان آخارام
گونش اولسام باغلاریوا باخارام
عشق اوخووی اورییمه تاخارام
آذربایجان یر یوردووا قوربانام
عشق اودووا ایسته ییرم من یانام
آذربایجان قافقاز سنین باشیندی
باکی گوزون تورکیه قانداشیندی
اوزبک قزاق قرقیز دا قارداشیندی
تورکمنی تاتار یا آذراوغلی
هپسی باشدا تورکلرین ار اوغلی
آذربایجان تورک اوغلویام قوخمارام
تورکولره اورک دوستی جان یارام
سونونا دک بوقایدا دا من وارام
قوربان اولسون سنه منیم وارلیغیم
اولکه سئومک اولماز منیم آرلیغمیم
آذربایجان کدر قوصه بیته جک
یابانجیلار بویوردودان گئدجک
دوشمانلارین هپسی بونو بیلجک
آذربایجان اولمز هله وار سسی
ان اسکی دن بورا تورکون اولکه سی
شاعر : محسن اقدمی
