یالان دنیا( استاد شهریار)
یازار : " تؤرک دیلینی اؤیره نین، چونکو اونلارین حاکمیتی چوخ اوزون سؤره جکدیر." پیامبر اکرم
+0 چره جلی
بیر گون یولوم دوشدی مزارستانا
ایله حس ایلدیم دوران یاتبدی
گوردوم انسانلاری سسیز صداسیز
بیلدیم دن قورتاریب درمان یاتبدی
سویکدیم بیر داشا ناتوان دیزی
زیارت ایلدیم اخر اویمیزی
گوردوم دار قبرده ظالم چنگیزی
ایلیب دنیانی ویران یاتبدی
ایستدیم قایدام ایاق دایاندی
باخدیم بیر قبره اورگیم یاندی
دنیانی ترک ادیب بیر آز زماندی
یار وصلین گورممیش جوان یاتبدی
حیرصدن دیشلریم بیر بیرین یدی
گوزوم گاه اغلادی گاه گولومسدی
داشین اوستوند کی یازیلار ددی
شاعر آستا یری انسان یاتبدی
القانا بویادی دیشیم دوداقی
هر ندن چتیندی اولاد فراقی
گوردوم بیر قبرده خیردا اوشاقی
اناسینان اوزاق گریان یاتبدی
اویما بو دنیانین پیس مرامنا
دنیا سلیمانلار چکمیش کامینا
یولچی تعنه ورور شاه مقامنا
اقادان یوخاری چوبان یاتبدی
اوردا هیتلر دوروب جنایت اتمز
یولداش یولداشیا خیانت اتمز
یوخسولوخ بیر کسی خجالت اتمز
توپراق ایچینده هامی یکسان یاتبدی
توپراق آلتیندا اریب بدنلر
گلدیگیم ندندی گتدیگیم ندن
بیریسی تابایپ اوچ قارچ کفن
قراندریق مکاندا عریان یاتبدی
اوردا نه جلاد وار نه دار آغاجی
قارداشین تانمور اوردا خان باجی
دونوب یار یارینا باخمور قیقاجی
اداسیز عشوسیز جیران یاتبدی
تپراق التیندا گوردوم من آیرلمازی
گلیب گتمگینه حیران یاتبدی
یقین بیل ابجد و بورهان, "على"دیر
بیان-ى توحید و قورآن, "على"دیر
محممد مئعراجا واردیغى گئجه
قاپیدا گؤردویو آرسلان, "على"دیر
چیخاردى اوزویو, وئردى نیشانه
"حقیقت" گؤردو کیم سوبحان, "على"دیر
"حق" ایله قیلدى دوخسان مین کلامى
اوتوز مین سیرر ایله سیردان, "على"دیر
چیخاریب یئر اوزوندن گؤیه اول دم
آپاریب گتیره ن رحمان٫ "على"دیر
گؤروب یئر اوزره بیر گونبد یاسینمیش
عجاییب گونبد-ى خضران٫ "على"دیر
ایچینده سورولور سیرر-ى حقیقت
قورولموش محشر و میزان٫ "على"دیر
ایره لى یئریییب٫ قاپىنى قاخدى
آنا کیمسن؟ دئیه سوران٫ "على"دیر.
دئدى کیم: خادیمم٫ خئیرالنسایام
هم اول دم قاپىنى آچان٫ "على"دیر
چو گؤردو قیرخ ارى وار٫ سیرر-ى قودرت
ایچینده سرور-ى مردان٫ "على"دیر
ایچرى گیریبن قیلدى محببت
بیرى قیرخ٫ قیرخى بیر یاپان٫ "على"دیر
عجاییب رمز ایچینده قالدى احمد
بو رمزى گؤستره ن آسان٫ "على"دیر
بیرینه چالدى٫ قیرخیندان قان آخدى
هم اول دم نشترى چالان٫ "على"دیر
چیخاردى بیر اوزوم ساییل دونوندا
الینه خادیمین سونان٫ "على"دیر
ازیلدى شربت اولدو٫ ایچدى اونلار
جونون و عاشیق و حئیران٫ "على"دیر
چالیندى کف و دست٫ قوپدو سماعى
بولارى مست ائده ن مستان٫ "على"دیر
ایچیلدى شربت و ییرتیلدى تولبند
اوزویون گؤسته رن نیشان٫ "على"دیر
یوخ ایکن یئر و گؤى٫ عرش ایله کورسو
حقیقت میزانین قوران٫ "على"دیر
بو معنىدن "على" سیرردیر٫ یقین بیل!
خواریج گؤزونه سینان٫ "على"دیر
بو بیچاره "ختایى"نین پناهى
داواسیز دردلره درمان٫ "على"دیر.
