قیزیم خوش گلدین خوش گلدین
یازار : " تؤرک دیلینی اؤیره نین، چونکو اونلارین حاکمیتی چوخ اوزون سؤره جکدیر." پیامبر اکرم
+0 چره جلی
بو چتینلیق دونیاسنا
قیزیم خوش گلدین خوش گلدین
اعتبار یوخ وفاسنا
قیزیم خوش گلدین خوش گلدین
سالام گولوم سالام نازم
هم سوزومسن همده سازم
هم سسمسن هم آوازم
قیزیم خوش گلدین خوش گلدین
هم قیزمسان هم گولومسن
هم گولوم هم بولبولومسن
سن ساچلاری سونبولومسن
قیزیم خوش گلدین خوش گلدین
آرزم اودی اوجالاسان
چتینلیقدن باج آلاسان
سنده من تک قوجالاسان
قیزیم خوش گلدین خوش گلدین
قدم گوتور یاخشی یولدا
اوزو ساخلا یوخدا بولدا
باشا جان گئد قالما یولدا
قیزیم خوش گلدین خوش گلدین
دانشاندا یاخشی دانش
یادا یاد اول دوستا تانش
کوسسن اگر بارش دانش
قیزیم خوش گلدین خوش گلدین
اویناماقن وقتینی بیل
وقتین دئیب لر یئددی ایل
دوققوز یاشندا نماز قیل
قیزیم خوش گلدین خوش گلدین
همیشه قالمازسان اوشاق
خشین اولما اول یوموشاق
چتینلیقلرله توتوشاق
قیزیم خوش گلدین خوش گلدین
آتا آناو قدرینی بیل
دئمه گینن اونلارا دیل
آغلاد ما سن گوز یاشی سیل
قیزیم خوش گلدین خوش گلدین
آتاوا یاخشی بیر قیز اول
هر دنده سال بوینونا قول
پیسدن بوشال یاخشینان دول
قیزیم خوش گلدین خوش گلدین
آنان دئین سوزلره باخ
سوزکی چخدی آغزدان قاخ
خسته لرین کونلون آلاخ
قیزیم خوش گلدین خوش گلدین
یاز سام اگر چوخدی سوزوم
سنی بیللم من اوز گوزوم
داها قالمر منده دوزوم
قیزیم خوش گلدین خوش گلدین
دوزوموم یوخ آیری قالام
بیرجه سنسن منیم بالام
قادالارو اوزوم آلام
قیزیم خوش گلدین خوش گلدین
ازل گونده خرداجایدن
دیشی دوشموش بیر قوجایدن
خیال ائد مه کی اوجایدن
قیزیم خوش گلدین خوش گلدین
یایاقلاری ساللانبدی
دوداخلاری باللانبدی
دیندیرنده آللانبدی
قیزیم خوش گلدین خوش گلدین
خلیل یازر خوش قالاسان
سن منه نازلی بالاسان
دوز مکتبدن درس آلاسان
قیزیم خوش گلدین خوش گلدین
1380-11-29
