قتلگاه کربلا زبانحال امام حسین (ع):اثر: مرحوم ذهنی زاده و حاج حسن جهازچی و حاج سیدعلی اکبرصد
یازار : " تؤرک دیلینی اؤیره نین، چونکو اونلارین حاکمیتی چوخ اوزون سؤره جکدیر." پیامبر اکرم
+0 چره جلی
ای آب فرات ای آدی سو صحبتی آتش
آوازه سی اندوه و مصیبت سسی دلکش
دریا کیمی آخ چوللره سن خرّم و خندان
قوی آغلیه یر گوی که حسین تشنه ویروب جان
ای دور عطش ظلمتینون آب حیاتی
خضرین گوزونون مایه ی اشک حَسَراتی
قان دجله سی ایجاد ایلین هر قطراتی
طغیان ایلیوب کاش او صحراده داشِیدون
قان دجله لری باشدان آشانجا سن آشِیدون
قوی دور ور بون گلشن اولوب گللره دولسون
گللرده قزل گل لر آچوب غنچه لر اولسون
پیغمبرین امّا سارالوب گللری سولسون
سن بیر ایچیم اولما او سوسوز گلشنه قسمت
یاندورسون او گلزاری سنه آتش حسرت
گلشنده اولان گل لریوین روحینه باخما
گلزار پیمبردن اوتان گلشنه باخما
گلشن سوواروب دللری نسگل اودا یاخما
سندن سو ایچن غنچه لرین باغری قان اولسون
دنیاجه اگر گلشنون اولسا یالان اولسون
بیر گلشنی سولدورموسان ای سو سوسوزوندان
عالم لر اونون غنچه ی نوخیزینه قربان
ویردی اونا قان سو یرینه زهرلی پیکان
دوندردی بهارین بیر ایچیم قان سو خزانه
بلبل لرینی قویدی اُلونجه یانا یانه
بلبل لری گورسن که اوخور گل بوداغیندا
خوش لحنیله وار بیر یارالی دل سراغیندا
ایستر که طنینِ غم آچا گل قولاقیندا
سویلر نه گل و گلشن و بلبل نه ترانه
سولسون گوروم ای کاش گلستان زمانه
ای حشره کیمی تیر شماتت لره آماج
آخدیقجا ایدن صبر و دل عالمی تاراج
بیر عدّه سوسوز اولدولا بیر گون سنه محتاج
بیر قطره سویون گوردوله قان قاندی بهاسی
سو صحبتینون کلمه سینون جاندی بهاسی
هر سرو کنارینده آچان بیر ساری لاله
بیر تشنه جگر قیز دیه سن الده پیاله
سقّایه دیر باخ سارالان صورت آله
گور داغ عطشدن نجه وار دلده شراره
یاندیم سوسوزومودان سنه قربان ایله چاره
ای اوّل خلقتده سولار مایه ی رشکی
سرچشمه سی گوزلردن آخان تشنه لر اشکی
مین شوقیله گَتدی سنه سقّا قوری مشکی
بیر مشک سو دولدورماقا قوللار قلم اولدی
سو مشکیده اوخلاندی، بوشالدی قانا دولدی
اشعارآیینی _ متن نوحه،مدح ومرثیه اهلبیت
امر ایلدی سجّاده او گون خالق عزّت
قبر شهدائیله او دشته ویره زینت
هر چند گَلوب قبره قویا اهل قبیله
شه دفنی ولی حقدن اولوب امر علیمه
گَلدی اودی قربانگهِ اولاد خلیله
بوینوندا اگرچه واریدی قید اسارت
باخدی او بلا دشتی گوروب گُلشنه بنزَر
قاندان گُل آچان یاره گُلِ سوسنه بنزَر
عرض ایتدی بابا هانسی یارالی سنه بنزَر
گُل تک بدنوندن نه نشان وار نه علامت
لازمدی کفن گوردی شهنشاه قتیله
لایق کفن آختاردی او بی مثل و بدیله
دنیا بویی نسگلدی بو غم آل خلیله
بیر پاره حصیره ایده ناچار قناعت
یغدی او حصیره آتانین پاره وجودین
گَتدی کَسیلن اَللرینی دستِ وَدودین
تاپدی او کیچیک بارماقینی منبع جودین
دفن اولمیه ناقص بدن علّت خلقت
اول قبر که اولموشدی معیّن شهِ دینه
قبره او حصیریله قویولدی او دفینه
هر ذرّه سینین قیمتی عالمجه خزینه
عالمدن اوزی اولماسا چوخ آزدی بو قیمت
باخدی او دفینه دُرِِ رخشانی چوخ ایستر
قُنداق دولوسی لعلِ بَدَخشانی چوخ ایستر
بُلموشدی حسین اصغر عطشانی چوخ ایستر
ویردی آتا آغوشینه یاتسون بالا راحت
گوردی آلوب آغوشینه خورشید سهیلی
بُلدی نه گوزل گَلدی ربابین اَله میلی
بو باره ده ایستوب که ملول اولمیه لیلی
بیر قبر اَیاق آتدا درست ایتدی او حضرت
شهزادیه اوز شانیله لایق ایدوب اِعزاز
بُلدی شهداده هامودان اکبری ممتاز
شاهون اَیاقی آتدا قویوب ایتدی سرافراز
یوخ عرش خداده او اَیاق آتداکی رفعت
خلق ایتمز اولار که بیرینین مثلینی بی چون
اوچ پاک وجود اولدی او بیر قبریده مدفون
فخر ایتدی او شش گوشه مزاریله او هامون
اولماز دیدی بیر یرده بو عزّت بو جلالت
فارغ آتا دفنیندن اولوب حضرت سجّاد
یازدی اوز اَلیله آتاسی قبرینه بیر آد
بو قبرِ حسیندور که اولوب کشته ی بیداد
بیر ایله حسینی که سوسوز اولدوروب امّت
مشهودیدی سجّاده هامی باطن و ظاهر
دربان گوروب ایستر ایله بیر درگه طاهر
زیبنده دی درباره حبیبِ بن مظاهر
ویردی اونا بو منصبی، آرتوردی شرافت
باخدی او تُراب اوسته توکولموش شهدایه
بنزَر هاموسی گوردی گونه اولدوزا آیه
سالماز دیدی گوی هیچ بیروزون مثلینه سایه
هر گون یِر اوزون دولدورا گر اهل شهادت
بو جمع بویوردی هامی بیر جمعیده بیردی
پروانه دی، هر یِتمیشینین شمعیده بیردی
جان بیر، قانی بیر، مَسلَکی بیر، شرعیده بیردی
بیر قبر ایدر بیر بیله بیر جمعه کفایت
بیر گنجده قویدی بیر ایله جوهر عشقی
بیر رشتیه دوزدی اور قَدَر گوهر عشقی
بیر قبریده دفن ایتدی هامی جوهر عشقی
یعنی بودی معنای مساوات و اخوّت
حسرت گوزیله دوندی فرات اوستونه باخدی
باخجاق یوزه گوز چشمه سی دریا کیمی آخدی
یاندوردی جهانی شرر آهینه یاخدی
قالدی دیدی سو اوسته سینان کشتی صولت
ایلوب تبعیّت هامی اول خضره دلیله
یوز قویدی هامی مَصرَعِ سردار قتیله
گورجک عمو نعشین چوخ اثر ایتدی علیمه
ا... عموم عبّاسه بویوردی ایده رحمت
مثلی عمومون عالم امکاندا تاپولماز
حقّی نه آتام، فاطمه بوینوندان آچلماز
هیچ بیر گُله بیر بیله جفا خاری ساچلماز
هیچ پیکره دَگمَز بو قَدَر زخم و جراحت
ایتدی عموم عبّاس آتاما ایله مواسات
بیر قارداشا قارداش او مواسات ایده هیهات
عالِمدی اونا عالمِ اسرار خفیّات
ایلر شهدا غبطه، ایدن اجر کرامت
بیر قبر همان یرده او سقّایه قازلدی
نه قبر، فرات اوستونه پیرایه قازلدی
پیرایه دیمه غم ایوینه پایه قازلدی
گیت قبرین اوزون گور سنه شرح ایلیه محنت
بیر دوغرانانون همّت دیرینه سی اوسته
یوز لعلینی جمع ایلدی گنجینه سی اوسته
قویدی کَسیلن اَللرینی سینه سی اوسته
زهرایه او اَللردیله اسبابِ شِفاعت
قویدی عمونی قبره دونوب قبرینه یازدی
بو مرقد عبّاس مَهِ مُلک حجازدی
دنیا بویی قان آغلیه هر گوز بونا آزدی
یاتدی او کیچیک قبریده ایله اوجا قامت
یغدی هامی خندان گُلِ گُلزار وفانی
بیر گُلشنه دوندَردی همان دشت بلانی
سولدورماز او گُلزاری بیر آفات خزانی
هر آفت او گُلزاره ویرر تازه طَراوت
قورتاردی یانار قلبیله دفن شهدانی
ترک ایلدی آغلار گوزیله کرب و بلانی
بُهت آتشینه یاندوروب اول جمعِ وفانی
بیر طَرفَهُ العِین ایچره ایدوب کوفیه عودت
گوردی نجه کوفه هامی بام و هامی برزن
مملُوّ جماعتدی ولو مرد اولا یا زن
گویا هامونون عُلقه کَسوب روحی بدندن
یوخ بیر نفرینده نفسین چَکماقا قدرت
گویا که قیامتدی جماعت هامی حیران
هر کس اولوب اوز ایتدیقی اعماله پشیمان
یا اَیُّهَا الاِنسان دیه سن سَسلوری رحمن
محشر تک اولوب کوفه عجب وادی حیرت
زینب دانشور ایله اثر واردی سَسینده
بیر ذی نفسین یوخدی سَس اصلاً نفسینده
هر عالی و دانی وار ایشیتماق هوسینده
بیر کلمه دن اولمور ایده بیر کیمسنه غفلت
جلب ایلیوب اوز صحبتینه خاصّ و عوامی
هر کلمه سی بیر شرح حقیقتدی تمامی
بیر لهجه ده ایلور خانم انشاد کلامی
گویا که علینین اوزودور ایلوری صحبت
سرگرمیدی حینی که خانم شرح و بیانه
ویرمیشدی تکان صحبتی هر پیر و جوانه
بیردن هامی گوز دوندی باخوب نوکِ سِنانه
بیر باشی گوروبلر که ایدر آیه تلاوت
گرچه نچه گوندور آییروبلار بدنیندن
ایمدی دیه سن گَُل دَریلوب شاخه ی گُلدن
آلوده دی خاکستره رخساری ولیکن
آرتورموش او خاکستر او رخساره ملاحت
داوودی سالوب حیرته آواز حجازی
دعوت به حقیقت ایلوری اهل مجازی
عیسایه نشیب اوجی ایدوب دار فرازی
بو اوج مسیحایه اولوب مایه ی حسرت
کهف آیه سینی ایله اوخور ناطق قرآن
معناده قویوب کهف رقیم اهلینی حیران
ایلور هامویه حقّینی اعجازیله اعلان
تا عُذر یِری قالمیه اِتمام اولا حُجّت
ذهنی سنی مشغول ایلیوب فکر و خیالون
چوخداندی که آخمازدی سنون طبعِ زلالون
ا... گوتوره دلده کی اندوه و ملالون
توفیق اولوب آخِرده سنه رحلت آیت
هر اهل کلام اهل حدیث اولسا و یا غیر
دفن شهدا نظمینه گر ایستیه بیر سیر
ارشاد ایلیوم من اونی درک ایلیه تاخیر
صافی یازان اشعاریده وار اوزگه فصاحت
من غلام خانه زادم نوکرم سنه وفالی مندن اینجیمه که یتموب خدمتیم بو چولده باشه
یعنی عراقی مسکن ایدنده شه حجاز دوردی قطارلر دایانوب هودج هودجه منده او طمطراقه باخاردیم کناریدن ردّ اولدی پرده خارج ایدوب نازنین باشین قصد نزول ایدنده او خاتون محترم شهزاده اکبر عزّتیله صاق قولون دوتوب هودجدن اندیروب یره اول سرو قامتی تا دوشمه سین اوق قامته نامحرمین گوزی ایتدیم سوال کیمدی بو خاتون محترم آندیردی بیر نفر منه ایما و رمزیله یاده سالوب او گوردوقوم اجلال و شوکتی مبهوتیدیم گوروم که همان شان صاحبین باخدیم او دمده بیر نچه بی رحم ساربان ایستردیلر که میندیره لر هر اسیره نی سویلردیلر اماندی گلون بیزدن ال چکون ا... رضاسینه بیزی شامه آپارمیون جمع ایتدیلر قاچانلاری قمچی وورا وورا سسلندی شمر قافله نی لنگه وورمیون زینب جواب ویردی که ای ظالم امر ویر هرگز حریم عفّت و عصمت حریم لرین اولماز حرم غزاله لری اشقیایه رام نازین بو نازنین لریمون چکمه سم اوزوم شمرین اشاره سیله کنار اولدی کوفیان چوخ اضطراب و وحشت و هولیله میندیروب تیترردی ناقه لرده خزان برگی تک تمام بعضی دیردی عمّه یریم راحت اولمادی بعضی دیردی من هارا عریان دوه هارا یکسر مینن لرین گویه قالخاردی ناله سی بیر زینب اولدی یرده قالان بیر غریب امام بیمار سویلدی غم و محنت طبیبینه بوکدی دیزین قویاندا ایاق زینب حزین قارداش بالاسی عمّه یخلدی هر ایکّیسی باخموب اِناث طایفه سین یا که ناخوشی ایش یتدی بیر مقامه که بیمار ضعف ایدوب ایستوب او زاری حاله گتورسون سو تاپمادی آچدی گوزون دوزوب بیبی سین ایلسون سوار آخِر امام عصریده میندیردی ساربان قطب مدار عالم اولوب واژگون یره سعد اوغلونا یتوردوله ای میر قافله بیر ظلمه باخ دیموب یرینی راحت ایلیون باخموب علاوه بسدور اونا غلّ جامعه امر ایتدی دورمیون گیدون ایمدی طنابیله خسته بدن، یولون زحماتی، اوزی اسیر بولمم نه چکدی شامه کیمی بو فشاریله
کربلاده بیر تعارض کفر و ایمان ایلدی بو تعارض معنی ایمانی اعلان ایلدی ظاهراً گرچه ایکی لشکر مقابل دوردولار باطناً امّا مقابل حقّ و باطل دوردولار روبرو کفر تمام و دین کامل دوردولار اهل نیران قصد قتل اهل رضوان ایلدی چکدی صف بیر سمتیده انصار شاهنشاه دین یعنی یتمیش بیر نفر جاندان گیچن اهل یقین بیر طرفده لشکر کفّاریدی هشتاد مین بو ایکی صف بو تناسب کونی حیران ایلدی ایستدی بنیان دینی اهل کفر ایتسون خراب قتلف عام اولسون او چولده اهل ایمان شیخ و شاب خطّ بطلان ایستدی کفره چکه اهل کتاب بو خطه قانی مرکّب کلکی پیکان ایلدی باطله بیر خطّ بطلان چکدی الحق اهل حق اولدی ظاهر باطن جاءالحق و باطل زهق بیله فتحین شکرینه حق اهلی هر کس بیر طبق قرمزی گل تک بدن تقدیم جانان ایلدی بو قزل گللر دولیدی گرچه خار تیریله برگ برگ اوراقیدی هر تک تکی شمشیریله لیک لطف یاره باخ آلدی نه چوخ تقدیریله دوندروب هر برگی بیر سولماز گلستان ایلدی بو گلستاندا آچان هر برگ گل پیرایه سی اولدی قرآنون یازیلمیش قانیله بیر آیه سی دهریده بو آیه لردی اصل قرآن مایه سی حشره تک بو آیه لر تثبیت قرآن ایلدی مکتب قرآنیدن هر بیر آلان تصدیقینی خوش گوروب اعمالینون آیاتیله تطبیقینی قانیله ایتدی موشّح نائسه تشویقینی جان و مالین شوقیله قرآنه قربان ایلدی چوخ بیر عالی مدرسه طفّ ایچره تاسیس ایتدیلر درس اسلامیّتی دنیایه تدریس ایتدیلر قولاً و فعلاً مرام دینی تقدیس ایتدیلر دین بو تقدیس اهلینه تقدیر شایان ایلدی موبمو شرح ایتدیلر اسلام تعلیماتینی ویردیلر اعمالیله هر نکته توضیحاتینی اَلْحَقُ یُعْلُوا وَ لا یُعْلا عَلَیْه اثباتینی صفحه ی خاکه کتابت هر آخان قان ایلدی ویردیلر آزاده لیق سرمشقینی هر بیر کسه اگمسون باش دهریده هر مرد اولان کس ناکسه عالمه بولدوردولر هر قدر باد ظلم اسه قامت مردی گورنمز اگدی چوگان ایلدی آز جماعت دشمنه نه باش اگوب نه قاچدیلار عین مغلوبیّت ایچره جاده ی فتح آچدیلار سینیه هر بیر یارادن بیر قزل گل ساچدیلار هر بیرین قان آغلیان هر یاره خندان ایلدی هر علاقه فکرینی دنیاده باشدان آتدیلار شوقیله ترویج اسلام اوسته قانه باتدیلار اهل اسلامی اویالدوب اوزلری خوش یاتدیلار بیله خدمت دینه یتمیش بیر مسلمان ایلدی دیده ی حق بینیله گوردی او یتمیش بیر نفر کاخ ظلم آل سفیانی یخانماز خشک و تر سیل خون ایستر بیله قصری ایده زیر و زبر هر کس اوز قان چشمه سی زخمین فراوان ایلدی قاتدیلار قان چشمه لردن بیر بیره سیل ایتدیلر اصغرین قانیله هر بیر نقصی تکمیل ایتدیلر ووردولار بیداد کاخین خاکه تبدیل ایتدیلر سیله باخ هر کاخ ظلمی سست بنیان ایلدی ایتدی یتمیش بیر نفر توحید اهلی اتّحاد اتّحادیکه ویروب آموزگار دین یاد جمعی بیر اولدی او جمعون آشنایه دوندی یاد غبطه سین بو اتّحادین هر بیر انسان ایلدی بو حقیقی اتّحادیله همان مردان دین ایلیوب ایمانه تکیه اولدی پشتیبان دین سرفراز ایتدی لوای دینی سربازان دین سربلند هر فرد فردین ذات سبحان ایلدی دوشدولر ایسّی قوم اوسته پاره پاره زخمدار یاره لردن عارضه اِنّا فَتَحْنا یازدیلار نی بویی آخِر اوجالدی راس هر خُرد و کبار قانلی باشلار آفتاب فتحی تابان ایلدی تا جهان وار چرخیده تابنده دور خورشید و ماه بلکه تا وار هر قدر بو آفرینش دستگاه اهل دینی روسفید و اهل کفری روسیاه بو نچه یوز گوزلری قانیله الوان ایلدی بو نچه یوز گوزلری قانیله الوان شیخ و شاب یازدیلار جان صفحه سینده شرح دینه بیر کتاب هر کس او قانیله یازدی همّتینجه فصل و باب نقطه ی هر حرفیده مین نکته کتمان ایلدی بو کتابه اوّلین قسمتده اصحاب وفا مسلم و عون و حبیب و غیر احباب وفا شرحه شرحه جسمیده شرح ایتدی بیر باب وفا هر باخان بیر کلمیه مین شرح عنوان ایلدی بو تمامه راد صیداوی یازان باب نماز بو حقایق اوستونه قویماز سالا پرده مجاز ای عجب بیر کلمه سوزده بیر جهان ابراز راز فضله باخ هر حرفیده مین فصل پنهان ایلدی بیر گویه باخدی دیدی پیغمبر اوغلی الصّلات الصّلات ای تشنه لعلی عالمه آب حیات ظهردور وقت فریضه عَجِّلوا قَبْلَ الوَفات بیر دعای خیر اونا شاه شهیدان ایلدی ایتدی فرمایش بلی سن ایلدون ذکر نماز حق سنی اهل نماز اولماقلا ایتسون سرفراز پرچمیم عمران رکن دینه ایلر اهتزاز رکن دینی امّت بی دین ویران ایلدی بوردا وار بیر نکته ی باریک شرحی معضلات خوشدی لَمْ یُسْبَقْ و لَمْ یُلْحَق شهادت یا صلات هر کس اوز اندازه ی فکرینجه درک ایلر نکات شه دعاسی گرچه مشکل حلّین آسان ایلدی لاجرم اهل حقیقت رغم هر اهل مجاز اوز یاراسیندان آخان قانیله آلدی دستماز قیلدی اوّل وقت آخِر عمر جمعاً بیر نماز بو نمازی هر نمازه رکن ارکان ایلدی بو نمازیکه قیلیندی خوفیله اخفاتیله عالمی دولدوردی جهر صیت تهلیلاتیله تا قیامت هر نماز اهلین او تکبیراتیله وقت اوّل هر نمازه امر و فرمان ایلدی بیر نماز خوف او گون قیلدی بیر عدّه رادمرد تا نمازین قیلماسون خوفیله هر آزادمرد خانه ی ایمانی جمعی خانمان بر باد مرد تا خراب آباد وار بالمرّه عمران ایلدی گیزلنن خورشید عزّت سایه ی شمشیرده اهلینه گوستردی صورت سایه ی شمشیرده جاودانی بیر شرافت سایه ی شمشیرده کسب او گون بیر لحظه ده بو رادمردان ایلدی یازدی باب توبه نی حرّ ریاحیّ شهید آچدی نومید اهل عصیانه گوزل باب امید ایلدی روی گنهکار سیاهین قان سفید غسل توبه قانلا غرق بحر عصیان ایلدی ووردی بیر غوطه او قان دریاده بیحد ذوقیله نوش ایدوب شهد شهادتدن ئولونجه شوقیله تاپدی جاویدی بقا نفسین فنایه سوقیله بو بقادن غبطه خضر آب حیوان ایلدی کوی عشقه ایستدی تاپسون او گمگشته سبیل قرب عزّتده عزیز اولسون اوزون دوتدی ذلیل صدقیله باب نجات امّته دوشدی دخیل خاکراهی توتیای دیده ی جان ایلدی توکدی گوزدن اشک تر، ایسلاندی خاک پای شاه عرض ایدوب کای هاربینه ملجاء و پشت و پناه من خطاکارم گنهگارم پشیمان روسیاه عذرخواهم بیر گناهیم کونی پژمان ایلدی نیلیوم چارم ندور ای چاره سیزلر چاره سی نیلسون دنیاده بیر دنیا خطا آواره سی ووردی بیر اود جانه آه سردیم آتش پاره سی حدّتی خوناب چشمی آتش افشان ایلدی ال منیم دامن سنون ای معدن رحم و کرم گر کسیلسه اللریم دامانون الدن ویرمرم دامنون کسسن گینه ال دامنوندن چکمرم تا گورم شه بو دواسیز درده درمان ایلدی اودلانوب بسکه سمندر تک شرار آهینه ایلدی آهی اثر رحم و کرم درگاهینه موج ووردی بحر رحمت بنده خاطرخواهینه میزباناً رافتیله حرّی مهمان ایلدی بیر نظرله قیلدی شه اوز خاکسارین کیمیا دردینه محتاج درمان اولدی هر درده دوا ایمدیده وار عرض حال ایلر اونا شاه و گدا چوخلارین بیله تذلّل صاحب شاه ایلدی آل هاشم هر خصوصیّتده ممتاز اولدولار هر صفات عالیه انجام و آغاز اولدولار کاملاً اسرار دینه کاشف راز اولدولار باطن دینی بنی هاشم نمایان ایلدی سبقت ایتدی آل هاشمده شبیه مصطفی اولدی نسل آل ابراهیمدن اوّل فدا ایلدی بیر همّتیله نصرت دین خدا همّتین عالمده سرمشق جوانان ایلدی ایستدی رخصت ادبله خسرو بی یاردن عرض قیلدی کای حریم قربی دور اغیاردن اذن ویر تا خاک پایونده نثار ثاردن گورسون اکبر کوکب بختین فروزان ایلدی بو منای عشقیده ای مایه ی فخر خلیل هیچ فدایه اولماز اسماعیل تک فدیه بدیل اولمیان قربان کویون دوشمین بو گون قتیل هم اوزین هم هاجرین عمره پشیمان ایلدی آلدی بو دللر شکسته دل شهنشاهین دلین اوغلینون گوردی مخمّر دینیله اب و گلین لیک حیف اولسون عطش دلدن سالوب شیرین دلین گوزده بحر اشک شه موج ایتدی طوفان ایلدی ایتدی فرمایش که ای آرام دل نور بصر اذن ویردیم گیت، گیدر روحیمده سن گیتسن اگر لیک بیر لحظه قباقیمجه یری ایلوم نظر سروناز اکبری بو سوز خرامان ایلدی شه قباقینجه دوشوب شهزاده بیر آز ووردی گام اوغلینون آردینجه باخدی بیر دولی گوزله امام دوتدی یوز گوگ سمتینه عرض ایلدی کای لاینام شاهد اول امّت بیزه ظلمینده طغیان ایلدی بیر جوان اولدی مبارز بو گروهه ای خدا خَلق و خُلق و منطقی آئینه ی احمد نما کُلَّمَا شْتَقْنا عَلی خَیْرِ الْاَنامِ مصطفی اشتیاقیم دردینه شوقیمجه درمان ایلدی خجلتیله دوردی شهزاده چکوب دلدن بیر آه عرض ایدوب کای آسمان عزّته خورشید و ماه من سنون قربانوام ای فدیه ی عشق اله چوخ خجل قربانینی الطاف سلطان ایلدی شهریارا سیز عظیم الشّانسوز قدروز جلیل ماسِوا ذات عزیزوز پیشگاهینده ذلیل کسب فخر خدمتوزده صرف نقد جان قلیل شه منی فدیه قبول ایتدی چوخ احسان ایلدی لطف مخصوصوز ولو مخصوص عزّتدور منه گو بو رفتاروز تقاضای محبّتدور منه آند اولا زهرایه چوخ اسباب خجلتدور منه اوّلین آثار خجلت عمری پایان ایلدی لاجرم آیریلدی گوندن مین دلیله مشتری مشتری جان نقدینه کالای قتله مشتری مشتری آردینجا گون جاری یوزه اشک تری چون فرات و دجله شه دامانین عمّان ایلدی گیتدی شهزاده، دوروب تلّ اوسته شاهنشاه دین گوردی اوغلی سخت سست ایلوب عنان مرکبین دشمن اوسته آت سالوب گویا امیرالمومنین حمله دشمن اوستونه چون شیر یزدان ایلدی تا یتیشدی مرکز میدانه سست ایتدی رکاب هم لجام توسنین سخت ایتدی سبط بوتراب بادپیما دوردی اوستونده یوزی بیر آفتاب آب تابی چشمه ی خورشیدی سوزان ایلدی باشلادی کفّاره دعوت دینه پیغمبر کیمی کوفیانه حجّت اتمام ایلدی حیدر کیمی توکدی دریای فصاحتدن سوزی گوهر کیمی ارزش هر گوهری بو گوهر ارزان ایلدی حیف او ملّت بسکه غفلت باده سیندن مستیدی پست فطرت ملّته هر پند عالی پستیدی جمله سی پابند فکر قتل و بند و بستیدی آشیانه دللرینده بسکه شیطان ایلدی یازدی ابواب مواساتی مواسات هیکلی هیکلیله تربیت ویرمیشدی دامان علی بیله نفسی ایلر دامن تربیت ایلر بلی تربیت هر پاک نفسی پاک دامان ایلدی ایله مبسوط و مفصّل بابی عبّاس علی بیر عتاب نفسیده یازدی مفصّل مجملی اختیار ایتدی بو منظوره قلم ایکّی الی چون سویا دگمیشدی کسرین بونلا جبران ایلدی تیر پرّانیله دولدوردی وجودین یوز گوزین اوج اعلای مواساته همای ایتدی اوزین صفحه ی رخساره گوز قانیله یازدی بو سوزین گوز سو گورماق دردیمه اوخ یاخشی درمان ایلدی سو کیمی یوزلرده گورموشدی سوسوزلار اشکینی اوز گوزوندن آرتیق ایلردی حراست مشکینی بو مروّتلر آپاردی بو حراست رشکینی شاهپرسیز شاهبازی تیرباران ایلدی اوخ اوخ اوستن سانجیلوب پر دوردی پر اوسته ز بس مرغ روحه اوخ الیندن تنگ اولوب اوخلی قفس مشکل اولدی حضرت عبّاسه تجدید نفس سینه سین ظلم اوخلاری ازبسکه شان شان ایلدی
آل هاشم زاده سفیانه بیعت ایلمز
ئولماقا خلق اولموش اولاد بشر تقدیردن
مرگ ال چکمز گریبان جوان و پیردن
مرد استقبال ایدر مرگی دم شمشیردی
اولماسا قتل و شهادت مرگه رغبت ایلمز
مرگدن نامرد عالمده هراس و باک ایدر
مرد اولان قتل وشهات اوسته سینه چاک ایدر
آنینا ذلت توزی قونسا قانیله پاک ایدر
لمحه ای بو واجب فوری ده غفلت ایلمز
بیز بنی هاشم دوشن گوندن یراوزره سایه میز
باغلیوب شمشیربندیله قماطی دایه میز
زین اشهب مهدیمیز خود و زره پیرایه میز
جز رسوم جنگ هیچ بازی ده شرکت ایلمز
بیز بنی هاشم که فخریه سیادتدور بیزه
اولیندن دینه قربان اولماق عادتدور بیزه
سروریت عالمه ذ اتی شرافتدور بیزه
بیزلره اللهدن اوزگه سروریت ایلمز
هر حمیده بیر صفاته اول و آخر بیزوخ
هر خبائثدن یگانه طیب و طاهر بیزوخ
لا جرم هر جلوه گهده باطن و ظاهر بیزوخ
بیز تجلی ایتمه ساق جلوه حقیقت ایلمز
قطره شیری که بیز میل ایلروخ پستاندن
گوهر سطوتدی بیر دریای بی پایاندن
چشمه دور جاری دل اوسته دیندن ایماندن
کیم دیر بو تربیت ترفیع رتبت ایلمز
هاشمی دور هاشمی خرد ایستوراولسون یا کبار
خواه پیر سالخورده خواه طفل شیرخوار
هر بیری دعوا گونی مردانه مرد کارزار
دشمنیله دولسا دنیا خوف و وحشت ایلمز
من حسین ابن علی ابن ابیطالب اگر
ایستسم بیر لمحه ده ای فرقه بیداد گر
آتش قهریم سیزی بالمره یاندیرماز مگر
رحمیمیزدن قهریمیز هر چند سبقت ایلمز
مرد قطعه قطعه دوغرانسادم شمشیریله
سینه سی مخزن کیمی دولسا خدنگ و تیریله
دست خالی پنجه در پنجه آچاگر شیریله
شیوه نامردلردن استعانت ایلمز
ایتمه سم بو یولدا ترک سر مرامه یتمرم
ساربانه ویر مال بیعت یزیده ویرمرم
شامه ده گتسه باشیم ذلتله شامه گتمرم
بو عقیدمده منی بیر کس ملامت ایلمز
مرده ننگین زندگی بیر وصله ناجور دور
سرخ رودین اوسته ئولماق زنده لیق مشهوردور
بو منیم آختاردیقیم قان صحنه لی عاشوردور
بو حسین غوغای عاشوراده غفلت ایلمز
شافع یوم جزایم ای گروه بی تمیز
غیظیله آلسام اله بو گونده گر شمشیر تیز
ایلرم بر پا بو چولده شور یوم رستخیز
یوخسا شوریم بو بیاباندا قیامت ایلمز
قوم نوحی بولون دریا یاران موسی منم
داره گیتماقدان هراسه دوشمین عیس منم
آلماقا بدعت قاباقین باش ویرن یحیی منم
بو حسین باشدان گچر تقبیل بدعت ایلمز
تابع اولماز رکن دین اسلامدن بیگانیه
اگمیوب هرگز باش اگمز نفس عالی دانیه
ایلمز جان جهان بیعت یزید جانیه
اهل علیین دنی طبعه اطاعت ایلمز
من هامی صدق و صفاده مصطفایه وارثم
هم حیا و شرمده خیرالنسایه وارثم
دینه قربانم علی المرتضایه وارثم
بنده حق غیر دین بیر اوزگه صحبت ایلمز
خضر مسعوده دلیل آب حیوانم اوزوم
چشمه آب حیاتم گر چه عطشانم اوزوم
سو کنارینده سوسوز جانانه قربانم اوزوم
دینه قربان اولمین درک سعادت ایلمز
تشنه کامم من اوزوم لعل لبیم آب حیات
وصل یاره تشنیم نه تشنه آب فرات
قانیمه غرق اولام اسلامه اهلینه ویرم نجات
مسلمین آزاد اولا فکر اسارت ایلمز
باخمیون بی یاورم ای اشقیای کین شعار
اوغلی قارداشی ئولن بیر بی کسم دل داغدار
ایستسم قیلام هامی نیروزی یکسر تارومار
کس قباقیمده دایانماز استقامت ایلمز
آل هاشم که هوای دینیله پر شوردی
سعیی وار ترویج دینه هر قدر مقدوردی
دین یولوندا ئولسه احیای بشر منظوردی
هر قدر رنج و بلا گورسه شکایت ایلمز
( ذهنی زاده) باشلادی اوز زینت دیواننی
گیتدی تکمیل ایتمدی اشعارینین نقصانینی
ایلدی تعقیب اونون(تائب)گوزل عنوانینی
خامه سی فکر ایتمدی یاخشی کتابت ایلمز
(تائبا)ذهنی یازان سوزلر اولار سوزلر گوزی
سن یازانمازسان او شیرین دل یازان شیرین سوزی
سن سوزون یاز دوز سالارسوزصاحبی حتمااوزی
کیم دیر اوندا سوزون کسب حلاوت ایلمز
اولموش عالملر سنه مرهون منّت یا حسین
اولماسیدی نهضتون ای نهضتون فرد جهان
دیندن انسانیتدن کیمسه تاپمازدی نشان
قهقرا ایلردی قبل از بعثته پیر و جوان
یر یوزین چولقاردی کفر و بربریّت یا حسین
تازه ایستوردی درخت دین اولسون بارور
آز قالوردی باغبان بو باغدن دَرسون ثمر
ناگهان گلدی اجل الدن گیدوب خیر البشر
مصطفی دفنینده غصب اولدی خلافت یا حسین
غصب اولان گوندن خلافت دوندی دور روزگار
دوتدی باطل مرکز حق و حقیقتده قرار
عدّه ای پست و اراذل اولدی صاحب اقتدار
کفر و ظلم و بدعته صرف اولدی قدرت یا حسین
غفلتی که چولقادی بیر نچّه ساعت امّتی
باعث اولدی اهل اسلامین پوزولسون امّتی
تئز پراکنده اولوب اسلامیان جمعیّتی
اهل اسلام اولدی بیر آشفته ملّت یا حسین
دین اسلامی که دانش اوسته اولموش استوار
بلکه دانش دیندن تاپموش جهاندا انتشار
بیله دینین مصدرینده تاپدی بیر عدّه قرار
صرف جاهل مست صهبای ریاست یا حسین
اوّلین تاثیر غفلت آتش افزون بیر شرار
بیر شراری که پیمبر درگهین یاندیردیلار
ایتدیلر روبَه صقتلر اللهین شیرین شکار
بی حیالر ایتدیلر تحمیل بیعت یا حسین
آز قالوردی دین و قرآن کوکبی تاپسون اُفول
مجتبی ایتدی حمایت ایلدی صلحی قبول
ایله صلحه فکری کوته لر باخوب اولدی ملول
گوردی دور اندیشلر دینه حمایت یا حسین
بیله صلحه هر باخان تاریخده اهل صفا
درک ایدر دینه نه خدمت ایلیوبدور مجتبی
بیله عالی رهبرین افکارینه صد مرحبا
صلح یله ابقای دین تاپدی ضمانت یا حسین
شمع عمرین مجتبی دین اوسته خاموش ایلدی
دین و قرآن اوسته دنیانی فراموش ایلدی
دین یولوندا عاقبت زهر جفا نوش ایلدی
گُستَروب صبر اهلینه صبرینده حیرت یا حسین
تا سنون دورین یتوشدی گوردون ای شاه زَمَن
عالم اسلام اولوب دنیای آشوب و فِتَن
یوخدی اصل دین و داد دین مظلومه یِتَن
سندن ایتدی دین مظلوم استعانت یا حسین
داده گوردون یتمَسن ای فخر اولاد بشر
نه بشر، اسلام و انسانیّت اللردن گیدر
کفر قویماز یر یوزینده دین و قرآندان اثر
سخت اولوبدور اهل دینه موقعیّت یا حسین
گوردون ای عین الهی دیده ی حق بینیله
کفر ایدور جنگ نهانی دینیله آئینیله
دین گرک گیتسون و یا نفس برابر دینیله
دینه سن اولدون برابر در حقیقت یا حسین
تیزبین چشمیله سالدون ماسوایه بیر نظر
سندن اوزگه گورمدون دینه برابر بیر نفر
باغلادون قرآنه قربان اولماقا محکم کمر
بیر کمر که آچمادی غیر از شهادت یا حسین
آشیانین ترک ایدوب مرغ قطا تک ای عجب
ترک قیلدون خائفاً یثرب دیارین نصف شب
همرهون اوز اهل بیتون، غم الیندن جان به لب
ظاهراً بیت الَلهه ایتدون عزیمت یا حسین
امن ایویندِیدون سن ای عالملره امن و امان
حکم قتلون صادر ایتدی شام امیری ناگهان
مکّه ده قالسان قانون بولدون توکللر بی گمان
باشلانار بیت خدایه حتک حرمت یا حسین
تا یِتیشدی هشتم ذی الحجّه روز ترویه
باشلانوب حُجّاجیدن احرامه ذکر تلبیه
گوردولر سنده ایدوبسن تکیه رُکن کعبیه
ایلوسن نهضتلی حَجّوندن حکایت یا حسین
گوردون عالم عالم بیداد و کفر و زوردور
دولت عدل و دیانت وصله ی ناجوردور
بیله دنیاده حیات، انسانیتدن دوردور
باشلادون اوندا علیه کفره نهضت یا حسین
ایستدون بو نهضتون عالمده عالم گیر اولا
تا جهان وار نهضتونده بیر جهان تاثیر اولا
هر زمان سرمشق اَحرار جوان و پیر اولا
اهل کفره گوش مال و درس عبرت یا حسین
بو مقدّس نهضتونده ای یگانه رادمرد
باشه یغدون دهرده ممتاز یِتمیش اهل درد
باشلادون دنیا بویی بیداد کفریله نبرد
واقعاً ویردون نشان چوخ عالی همّت یا حسین
همّتون شخصیّتون تک عالی و ممتازیدی
عرصه ی دنیا مجال همّتونده آزیدی
لشکرون هر چند یِتمیش بیر نفر سربازیدی
لیک هر سرباز بیر نیروی دولت یا حسین
کیم بولر نه قدریمیش نیروسی هر سربازیوین
سود امر، یا نوجوان، یا پیرتر سربازیوین
بیر جهان نیروسی وار تک سود امر سربازیوین
چولقیوب دنیانی بو سربازه حیرت یا حسین
واردی بیر دنیا سوزوم بو سود امر سربازیله
یوز قویان گهواره دن میدانه یکّه تازیله
مرگی استقبال ایدن لبخندیله، مین نازیله
اوخلاناندا ایتدون اول سربازی رویت یا حسین
بعضی سربازون جهان دیده جوان، دل پیریدی
حلمیده دریا، شجاعتده آجیقلی شیریدی
دشمنه دعوا گونی بیر سینمیان شمشیریدی
سینماسین شمشیر سرباز شریعت یا حسین
بعضی سربازون سیه چهره غلام زر خرید
زر خریدی که قانیله ایتدی دنیانی خرید
هر ایکی دنیا سرافراز و سعید و رو سفید
شه لر اولسون بیله سربازه رعیّت یا حسین
بعضی سربازون جوان هاشمی، روشن ضمیر
بیر جوان که دانِش دینینده بیر فرزانه پیر
مرحبا بیر مادره ویرمیش بیله سربازه شیر
هاشمیّاته بو فخر ایلر حکایت یا حسین
بعضی سربازون نهال جعفری، نورس جوان
سِنّی سَگّیز دوقّوز، اوندان آرتوق اولماز بی گمان
قامت مردانه سی هم قدِّ تیغ جان ستان
نوک شمشیرین اُپردی یرده تربت یا حسین
بعضی سربازون یگانه رادمرد سرفراز
قامت ممتازینه مخصوص نچّه امتیاز
سر سپَه، سقّا، علمدار شهنشاه حجاز
خاصّه دارای بِنَفسی اَنتَ رُتبَت یا حسین
بعضی سربازون اون اوچ سنّینده بیر طفل صغیر
بیر صغیری که شهادت اشتیاقینده کبیر
بیر اَمامه باشدا وار، اَگنینده پیراهن حریر
نه زِرِه، نه طاس کُلَه دن وار علامت یا حسین
بیر شتابیله سالوب آت رزمگاهه تند و تیز
گو که مقصد بزم جاناندور نه میدان ستیز
دوغرانار باخماز وجودی قطعه قطعه ریز ریز
چوخدی چون چوخ دوغرانان قربانه قسمت یا حسین
آه او ساعتدن بو سربازون یخیلدی توپراقا
گُل وجودی بَنزَدی پامال اولان گُل یَپراقا
حسرت اولدی تاپمادون فرصت هرایه یِتماقا
وار هنوز ایمدی همان نسگل، او حسرت یا حسین
جان ویروردی مسلم ابن عوسجه گلدی حبیب
سویلدی واردور وصیّت، سویله ای عزّت نصیب
گوزلرین آچدی بویوردی جان سنون جان بو غریب
قان حنا موضوعنه واردور اشارت یا حسین
بو هامی لشکر که جمعاً عدّه ی معدودیدی
حیطه ی همّت لری بی حدّ و نامحدودیدی
نهضتونده مقصدون هر فردینه مقصودیدی
نفس واحد نفسین ایتمیشدی جماعت یا حسین
«ذهنی سائل» سنون درگاهیوه دوشموش دخیل
روز و شب ذکر وصائبده ایدر اشکین سبیل
لطف قیلسان روز محشرده اونا اولسان دلیل
مسکنی حتماً اولار فردوس و جنّت یا حسین
عشقونده خدا جان ویرورم قان آراسندا
قان لجه سنه غرقم اوزوم فلک نجاتم
نوحی چکن ام ساحله طوفان آراسندا
مین نوح پناهنده منه من سنه یارب
دریایه دونن قانلو بیابان آراسندا
گردابه بو صحرادی سالان کشتی نوحی
داغلار بویی امواج خروشان آراسندا
یاندیم سوسوزومدان سودیدیم تاپمادیم آخر
آلدیم سو سراغین سولی پیکان آراسندا
اوخلار منه من اوخلارا حسرت دولانوردوخ
بو حسرت بی اول و پایان آراسندا
اوچ شعبه لی بیر اوخ یتیشوب گوگلومی آلدی
تاپدی یارامی زخم فراوان آراسندا
گوردی که سینیق قلبیم اولوب محفل جانان
مکث ایلمه دی محفل جانان آراسندا
پیکانی بولوب یاریم اوچون پیک محبت
ویردیم اونا منزل دل ویران آراسندا
اوخلار اوخا پیوندیدی هر چند بدنده
پر آچدیم او چوخ ناوک پران آراسندا
یاغدیردی بو قوم اوستومه باران خدنگی
سیل اولدی قانیم آخدی او باران آراسندا
مین دفعه حسین دوغرانا حقی گنه قویماز
ضایع اولا بو فرقه بطلان آراسندا
حاج حسن جهازچی:
بو وسعتیله یر یوزی من خانه بدوشم
یر یوخ منه بو عالم امکان آراسندا
الله ایوینی مامن ایدم قویمادی دشمن
مسکن ایله دیم من بو بیابان آراسندا
ویرانه نی آباد ایدرم قانیملن من
عالم گوره تا گنج اولی ویران آراسندا
بیر فلک نجاتم اوزوم اوز غرقیمه خوشدل
بحر کرم خالق منان آراسندا
بیعت ایلمز فاطمه نین اوغلی یزیده
مین دفعه اگر دوغرانا میدان آراسندا
ناپاک الینه پاک الیمی ویرمرم اصلا
قربان کیمی تقسیم اولونام قان آراسندا
من ساربانا بو الی ویرم نه یزیده
گور هانسی برازنده دی قرآن آراسندا
آغلالا منه شیعه لرین تا به قیامت
ساخلالا عزا قالسالا زندان آراسندا
بو فاجعه تاسیس اولونوب روز سقیفه
تصویب اولونوب فرقه شیطان آراسندا
حاج سیدعلی اکبر صدرالدینی:
عشقونده یانوب بال و پریم سهلیدی یا رب
بیر نحویله کیم شمع شبستان آراسندا
قان بحری تلاطم ایلدی یخدی بو چولده
بیر سرو کیمی اوغلومی طوفان آراسندا
بو عرصه ده سو ویردیله خار ستمیله
بیر غنچیه مین بلبل خوشخوان آراسیندا
شادم بونا اوز قانیمه دین اوسته بویاندیم
جانانیمه بیر هدیه دی قان جان آراسندا
صد شکر اولا اوز عهدیمی پایانه یتوردوم
قالموبدی قصور اول و پایان آراسندا
هر تیر بلا گلدی اوزوم باغریما باسدیم
یر ویردیم اونا بو دل سوزان آراسندا
بیر برهه زمانی ایکی استاد حضورین
صدری ایلدی درک دبستان آراسندا
شرکت ایلدی یازدیلا بو سوزلری باهم
خوشدور دیوله آدلاری عنوان آراسندا
استاد سخن ذهنی و مرحوم فراهت
گوهر گتوروبلر در و مرجان آراسندا
اون بیتی ده منضم ایلدی سید صدری
مشهوریدی خادمدی محبان آراسندا
قارداشون یخوبلا قولسوز ای شه زمن یارالی
باش یارالی گوز یارالی یوز یارا بدن یارالی
بسکه بد نظر توخوندی هاشمی قمر جماله
ووردی چشم زخم الیندن قانلی توپراقیله هاله
قورخورام دیم او بدرون دوندی ایشگه بیر هلاله
آز قالور جداده گورسون هر گیدن گلن یارالی
سندن اخذ ایدوب ابوالفضل هر فضیلت و کمالی
محضرونده خدمتیمده اولمیوب قصور اولالی
تک بو گون اولوب که دوشدوم اقتداریدن یارالی
سیّدی سنه بُلورسن من صدیق جان نثارم
آستان عزّتونده بیر ذلیل خاکسارم
بیر قصور خدمت اوسته سرفکنده شرمسارم
روی خجلتیم یر اوسته سورتولوب گیدن یارالی
چنگ ووردوم ال چاتونجا ذیل و همّت و تلاشه
آخِر اللریم کسیلدی کشمکش دایاندی باشه
وار هنوز او کشمکشلر باشیم اوسته من یارالی
من او شیریدیم که مین لر شیر شرزه لر شکاریم
دشمنین بیلین قراردی قانلی پنجه دن فشاریم
ایمدی پنجه سی کسیلموش شیره دوندی روزگاریم
دسته ی شغال الینده دست و پنجه دن یارالی
قان آخور یارالاریمدان هر نفس نفس آلاندا
خاصّه باشیمی کسنلر زحمته منی سالاندا
روحیم ایستوری که اوچسون حالدن حالا قالاندا
پیکریمده تاپماز امّا روزن اولمین یارالی
من یارالیه غریبه قان اگرچه داغ داش آغلار
پیکریمده گوز گوز اولموش یاره لرده قارداش آغلار
اوز گوزوم ولی سنون بو نسگلونده قانیاش آغلار
سن بیلی بوکولموش اولدون من بیلی بوکن یارالی
بیر سو صحبتی اولوندی تلّی من آشان زماندا
گوزلیم سو اوسته قالدی گوزده سو داشان زماندا
برق تیغیمیله دریا لشکره جوشان زماندا
بو شرارده دردیم اولدی سوزی سونمین یارالی
اسدی صرصر مخالف قوپدی بیر مهیب طوفان
قورخودان قاچان الیندن تنگ اولوب وسیع میدان
خطّ سیرینی ایتوردی گویده هر خدنگ پرّان
یول آزان خدنگلردن اولدی چوخ دوشن یارالی
بیر قیامت اولدی سالماز مثلینی زمانه یاده
بیر بیرین قاچور ایاخلور چه سواره چه پیاده
چوخلارین بو چولده گیتدی خرمن حیاتی باده
چوخلاری یخلدی یرده شیون ایلین یارالی
من او گیر و دار ایچینده فوراً آت بیلینده یاتدیم
کیپریگیم کیمی دوزولموش اوخلاری گوزومدن آتدیم
آت سالوب سو اوسته بیر باش یول آچوب فراته چاتدیم
من سویوندوم ایتدی دشمن قلبیمی محن یارالی
من فراتدن چخاندا خیمیه ساری شتابان
اوخ آتانلارا او ساعت سعدین اوغلی ویردی فرمان
ایلیون بو هاشمینی ای گروه تیر باران
اوخلیون بو شاهبازی دوشدون اوخ یین یارالی
دوتدی بیر قرا بولود تک اوخ فضای کارزاری
چالدی اودلی اِلدیریملار هر خدنگ جانشکاری
یاغدی چوخلی قان یاغشلار، قانلی سیل لر اولدی جاری
ایلدی منی او سیل لر سرو ریشه کن یارالی
موج ووردی قانلی سیل لر که منی خوب آپارسون
داغ کیمی دایاندیقیمدان ریشه می قازوب قوپارسون
آتدیم اللریمی بلکه غرقه دن منی قوتارسون
اللریمده گیتدی اولدوم قان آرا اوزَن یارالی
قول بوداق لاری وورولموش دوشدی سرو بوستانین
گللریم سارالدی سولدی، گیتدی ذوقی گلستانین
هانسی گلدی گوگلون آلسون دلشکسته باغبانین
دلدن اولدی لاله داغلی یاس و یاسمن یارالی
سیّدی دیولّه هر کیم بسلیه سنه ارادت
جان ویرن زمانی ایلر گل جمالیوی زیارت
لطف قیل منیمده اولسون قسمتیمده بو سعادت
بو قتیل کویون اولسون عارضون گورن یارالی
من دیمم بو کمترینه لطفیوی زیادت ایله
لیک من غلامه شانون قدریجه عنایت ایله
گیتدیم الدن اولسا ممکن گَل منی عیادت ایله
قبله سینی گورسون اُلسون صاق صولا دونن یارالی
هر نفسده مرغ روحیم واردی اوچماقا هوسده
منده ایلرم تامّل بیر دقیقه هر نفسده
ایستورم بیر آز یوبانسون روحیمون قوشی قفسده
روحینی باش اوسته گورسون بیرده جان ویرن یارالی
سن بُلورسن انتظارین دردی چوخ یاماندی قارداش
اُلدوم انتظار الیندن دورموری گوزومده قانیاش
قورخورام که سن گَلینجه آیریلا گیده سنان باش
من اُلم دیسونله اُلدی حسرتون چکن یارالی
لطفون اولسا ایله سن گر سرفراز عیادتیمدن
هیچ یره منی آپارما مصرع شهادتیمدن
قوی یوزوم قوری یر اوسته من اُلوم خجالتیمدن
اِللریم دیسونله ایللر وای خجل اُلن یارالی
گورسن اوخلی گوز قان آغلار آغلادان منی او اوخدی
نه بو یاره لردی کاری که ستاره دنده چوخدی
اوخلی مشکیده سو یوخدی آغلادان منی او یوخدی
مشکی اوخلاناندا سقّا اوخشار آغلین یارالی
غم یمه که بیرقون من ساخلیانمادیم سرافراز
قانلی پرچمیم اُلمده قبریده یاتامدا یاتماز
ضامنم اوزوم که بیر دم اهتزازدن دایانماز
حشر اولونجا قبریم اوسته گورسنر اسن یارالی
نوفل ایلین ستمدن عرشه ظلملر دایاندی
ایسّی قان سپیلدی باشدان دشمنیم آلشدی یاندی
پرچمیم باشمدان اُپدی قرمزی قانا بویاندی
پرچمیمده منده اولدوخ القان آغلین یارالی
بس او یارم اولدی کاری رختی صبریمین سویولدی
ال هانی باشا قویِیدیم اورگیم باشی اویولدی
گَلدی مرتضی نجفدن باشیمه الی قویولدی
دیدی یوز یوزه قویاق گَل من یارالی سن یارالی
قانیمه سوسوز اوخ ایل مشکیمه اگیلدی دوزدن
کاش اگیلمیِیدی مشکه دوز گَلوب دگِیدی گوزدن
مشکیمون گوزی آخونجا گوز قانی آخِیدی گوزدن
خجلتیمدن اولمیِیدیم یوزی گولمین یارالی
مشکیمه دگن او پیکان کاش که دگیدی گوزدن
مشکیمون سویون توکنده توکدی آبرومی یوزدن
آیری اوخ یتیشدی داده آنّما اگیلدی دوزدن
آبرو چوخالدی یوزده خون سرخیلن یارالی
یاندوران قوم اوسته یاندوم یاندوروب یاخان عطشدن
اودلانور یانور وجودیم اودلانان یانان گونشدن
جانه دویموشام خصوصاً باشیم اوسته کشمکشدن
چاره سیزلَدیم نیدر بیر چاره بُلمین یارالی
بیر سئوال حجّه "سائل" وورموسان بو دامنه چنگ
بی گمان بو ایل اولارسان اهل حجّیله هم آهنگ
طرز نوحه اوستادون "هندی" دور اولوب شباهنگ
حقّینی اونوتما قالسون شیوه ی سخن یارالی
راوی دیر که حاضریدیم من او گونکی گون
کوی بلاده قافله ی عشق آچاردی بار
گوردوم عزیز فاطمه نون نه جلالی وار
تا امر ایدوب نزوله شهنشاه تاجدار
گوردوم بیر هودج اورتوگی زردوز و زرنگار
بیر بانوی مجللّه بیر معدن وقار
فوراً دیزین خم ایلدی عبّاس نامدار
صولدان حسن نشانه سی قاسم غلام وار
اطرافین آلدی نچّه جوان گلذار
شمشاد قدّلر چکوب اطرافینه حصار
ایله لّه خدمتیله بنی هاشم افتخار
زینبدی بو زمانه ده زهرایه یادگار
ایلردیم حیرتیله اونون حالینه نظار
کیم لر بو گون سوار ایدر ای ربّ کردگار
مامور اولوندی تا اسرانی ایده سوار
فریاد ایده ایده الی باشدا ایدوب فرار
بسدور که ایلدوز بو قدر ظلم بی شمار
ویرسز اگر وطن بیزه چوخ خوشدی بو دیار
اِرکَبن امری جمعه گینه ویردی انتشار
گون باتدی تیز مینون که اولاخ شامه رهسپار
نامحرمان کوفه چکیلسون هامی کنار
ممکن دگل سوار ایده اغیار بدشعار
نخجیر هر زمانیده صیّاددن قاچار
مینمزله بو جهت بولاری ساربان وورار
قالموب اسیرلر آراسندا بیر حمله دار
هم نازنین اوشاقلاری هم بیر بیرین کبار
اطفال شور و شیونه گلمیشدی چون هزار
یولّانسا ناقه من اوتورا بولمرم یخار
اولدوم عجب زمانه ده ذلّتلره دچار
باشه ووروب تمامیسی ایلردی آه و زار
صاق و صولا باخاردیلا حیرتله دلفگار
گل عمّه میندیریم سنی من اولما اشکبار
طاقت گتورمدی که واریدی چوخ انکسار
شمر شریر غیظه گلوب الده بیر تتار
وورمازلا شرم ایتمدی منظور او نابکار
باشین دیز اوسته زینب آلوب لیک شرمسار
سپسون یوزینه اشک ترین ایلدی نثار
امکانی اولمادی ولی میندیردی اضطرار
امّا اولانمادی دوه اوستونده برقرار
توپراقلار اوسته دوشدی دوتوب صورتین غبار
بالای ناقه ده اوتورانمور علیل زار
اولسون مریض ناقه سی لازمدی راهوار
زنجیر آغور، وجود اوزی خسته، بدن نزار
باغلون ایاقلارین دوه قارنیندا استوار
زنجیر و کونده ویردی خصوصاً اونا فشار
قرخ منزله گجه گونوزی ایتدیلر گذار
دور یاتما بو قان ایچره اماندور آتام اوغلی
قارداش غمی قارداشه گراندور آتام اوغلی
امـدادووه ایمـدی منـی سن سسلمدون بس
گلدیم گوزون آچ بیرده منیم ویر سسیمه سس
آچ گوزلرووی گور باشون اوستونده بو بی‌کس
کیمدور که سنه ناله کُناندور آتام اوغلی
یاندیم سنی من نزع روان اوسته که گوردوم
تیر اجلـون راست نشان اوسته که گوردوم
بیر حالته قالدیم سنی جان اوسته که گوردوم
باخسان اؤلوم آثاری عیان‌دور آتام اوغلی
قان ایچره خسوف ایلدی تا ماه جمالون
آغلار گؤزومـه عالمی تار ایتدی ملالون
هـر قـدر وارام دلـده مؤثّردی بو حالون
شُغلوم سنه فریاد و فغان‌دور آتام اوغلی
گورکیـم گـوروب عالمده بیله حال غم‌افزا
سو اوسته بو حالیله سوسوز جان ویره سقّا
سن گیتدون اوزون قالدی دیلیمده آدون امّا
هـر لحظه منـه ورد زبان‌دور آتام اوغلی
گیتدون دیمدون قارداشیمون دشمنی چوخدور
یالقوزدی اوغولسوزدی داخی کیمسه‌سی یوخدور
قارداش چاغوراندا سسیمه سس ویرن اوخدور
ایجاب ایئدنیم تیغ و سِناندور آتام اوغلی
همـدردیمیــدون آگهیــدون درد دلیمـدن
گیئتدون ایلیم آرخام الیمی اوزدون ایلیمدن
کسکین قلجیم دوشدی بوگون قارداش الیمدن
واضحدی بو مطلب نه نهاندور آتام اوغلی
دشمن یری‌وار یانسا بو احوالیمه قارداش
امّـا دیمورم باخ منیم اؤز حالیمه قارداش
رحم ایئت گوزی یولدا قالان اطفالیمه قارداش
جـام اَلـده تمامـی نگرانـدور آتـام اوغلی
نولدی سنه سو وعده‌سینون فکرین آتوبسان
بیر مشگ سو اوسته سوکیمی قانه باتوبسان
ضعف ایلموسن قان آپاروب یا که یاتوبسان
دور قارداشوون حالی یاماندور آتام اوغلی
بـو آز سپهیلــه کـه علمداریمــدون سن
بــولمزدیله مغلــوب منـی لشگر دشمن
گیئتدون کیمه بس تاپشوروم آیا عَلَمی من
بیـرق سپهـه عُمده نشاندور آتام اوغلی
سرداریمدون سن منیم ای کان شجاعت
سندن الیمـی اوزدی بو بیرحم جماعت
صبر ایله دالونجـه گلورم منده بوساعت
تأخیـرده یوخ خَیْـر زیاندور آتام اوغلی
تـا اَلـده اَسَردی علمـون پرچمی عبّاس
ایئتمزدی باجون زینب اسارت غمی عبّاس
امنیّتیـدی عترتیمــون عالمــی عبّـاس
سنسیز اولارا سخت زماندور آتام اوغلی
جسمون سو کنارینده سینیق زورقه بنزر
دور سالما بو گرداب خطرناکیده لنگر
چک ساحله طوفانه دوشوب آل پیمبر
دریـای بـلا مـوج زنانـدور آتـام اوغلی
ای تَرک سر و جان نه صداقتلو جوانسان
پروانـه کیمی شمع محبّتـده یانانسان
آخـر نفسونـده گینه منـدن نگرانسان
حاشا نظرونده سر و جان‌دور آتام اوغلی
نه قارداشیدون من بولورم اؤزگه‌سی بولمز
مین عالم اولا عالمه مثلون داخی گلمز
بیر قدّی که قارداش اؤلومی بوکدی دوزلمز
بو مسئلـه مشهـور جهان‌دور آتام اوغلی
دورت قارداشی بیر گونده اؤلن قارداشون حالی
نـه حالــه قالـور اهل دل ایستر اولا حالی
بِخصـوص کُمَکسیـز قالالار اهـل و عیالی
بیر یرده که وحشتلو مکاندور آتام اوغلی
شل اولسون او اواللّه که صول و صاقووی سالدی
بـو اللّــری کسـدی قولومون قوّه‌سین آلدی
سندن صورا دردیم چوخالوب چارم آزالدی
گوزدن جگریم قانی رواندور آتام اوغلی
هانســی ستمیلــه اؤلــن آیــا سنه بنزر
سیننده چاتوب باش باشا اوخ مخزنه بنزر
جسمون باخورام بیر پوزولان گلشنه بنزر
باشدان باشا پامالی خزان‌دور آتام اوغلی
از بس اوخی اوخ اوسته ووروب لشگر اعدا
جسمون پر آچوب بس هانی شهپرلرون آیا
ای اوج رشادتــده هنـر صاحبـی عَنقا
همّت گونی وقت جَوَلاندور آتام اوغلی
غم چکمه اَلون یوخ سیله‌سن قانی گوزوندن
من سیلّم اوزوم حالـووه چوخ یانّام اوزوندن
قـول بوینـووا سالاّم اؤپرم قانلو یوزوندن
وار اوزگه مرامون گینه آندور آتام اوغلی
باش چک سنه قربان کسیلن قارداشا قارداش
خنجر چکوب اون یِتدی شقی بیر باشا قارداش
بوندان چون اولِیدی سنه چوخ شائق اولِیدیم
تشریفوه قربان کسیلوب لایق اولِیدیم
شانون دگی مندن سنه اظهار ارادت
شانوندی ولی بنده لره لطف و سیادت
گل چاکر جان بر لبوی ایله عیادت
گور بیر منه قارداش او عیادتده نَلَر وار
افسوس صد افسوس سنه درد کمر وار
قربان کسیلن قارداشوام قارداشا خاطر
بیر السیزم اللرده قالان بیر باشا خاطر
یولدا نگران یولدا گوزوم یولداشا خاطر
قارداش دیمورم من سنیلن قارداشام آخِر
چوخداندی بو یوللاردا سنه یولداشام آخِر
ای نور رخی کنگره ی عرشده لامِع
هر شاه و گدا درگهوه خاضِع و خاشِع
بو شانیله سندن نه گوزل راخدی تواضِع
شاها بو تواضِعده ده شاهانه اثر وار
من خاک رهِ مقدموه رفعت سر وار
حاشا که قدم رنجوه زیبندیم ای شاه
شهزادیم امّا سنه بیر بندیم ای شاه
بیر بنده ی شرمنده، سرافکندیم ای شاه
نیزه بویی باشیم اوجالا باشیم اوجالماز
دنیا بویی سو خجلتیم آرتار که آزالماز
بیر مشک سو تحصیلینه قیلدون منی مامور
بیر طالعه سیر ایله اودا اولمادی مقدور
عفو ایله گذشت ایله اوزون دوت منی مامور
نیلوم که اَلیم قالمادی خدمت گله اَلدن
گوردون اوزون اوزدوم اَلیمی من بیله اَلدن
خدمت قیزلیم چخمادی خالص محکوندن
بیر اود گوتوره بولمدیم اودلی اورکوندن
سالدیم اَلیمی یولدا یاپوشسون اَتکوندن
اَلدن اَتکون کسمه کسیلمیش اَله خاطر
عبّاسی گذشت ایله قان اولموش دله خاطر
هر وقت وفا یوللارینی طیّ ایدن اولسام
بو شاه رهِ دور و درازی گیدن اولسام
باشدان اَیاقا مهر و وفا بیر بدن اولسام
بیر ذرّه وفا جوهره سیندن عَرَض اولماز
تشریفوین اوّل قدمیندن عَوَض اولماز
تشریف گَتور منّتی منده شرف اولسون
دلدن بویانان نسگل اودی برطرف اولسون
بو فرصتی فوت ایلمه جای اَسَف اولسون
نسگل لر اولار فکر بنی آدمه گَلمَز
اَلدن گیدر عبّاس داخی عالمه گَلمَز
من که سنه خدمتده وفور ایسترم اولسون
غم غصّه لریم دلده سُرور ایسترم اولسون
دشمنلریوین گوزلری کور ایسترم اولسون
بولسونله بیزیم عالم سرّ و سریمیز وار
قارداشلقمیزدان سوای عالملریمیز وار
ممکندی بوشالمیش قدح غم دولا بیرده
ممکندی سولان گل آچا بیرده سولا بیرده
ممکندی دوشَن قافله دوشسون یولا بیرده
ممکندی بو دنیا گیده دنیا گَله کرّات
امّا بیز ایکی قارداشی بیرده گورده هیهات
بوللم بو فرات اوستی منه قبر اولی قارداش
بوردا نه سرشکیله نه گوزلر دولی قارداش
گَل مصلحت اولسا اوزون آچ بو یولی قارداش
هر چند گَلَن یوللاریوی بیر گَلَن اولماز
امّا بو یولی سَن گَله سَن گَلمیَن اولماز
چوخلار سنه قربان کسیلوب مهر و وفادن
چوخلار گَلی قربانون اولار صدق و صفادن
تا واردی جهان نام و نشان وار بو منادن
هیچ قربانوین قانی بو گرمیّتی گورمَز
هیچ گوز بیله وحدت بیله جمعیّتی گورمَز
تاپدیم او زمان که آنادان فیض ولادت
وقف ایتدی منی اوندا سنه شاه ولایت
بو باشدا سَنون کیدی که منِیدی امانت
بو سن بو امانت کیمه بذل ایلوسن ایله
حفظینده قصور اولدی نه عدل ایلوسن ایله
قان ایچره یاتان دولت بیداریله باهم
قیلموش اوزینه عزّت دارینی فراهم
دولت بودی عزّت بودی عالمدی بو عالم
بو عالمی تاپماز مگر اهل دل اولانماز
دنیا و متاعیندن اونون غافل اولانماز
بو عالمی تاپماقدان اوتور لیل و نهاری
بیر عمریدی ایلردیم اوزوم روز شماری
اَلمِنَّةُ لِلَّه که نصیب ایلدی باری
چوخ خون دل عمریمده یِمیشدیم بو گون اوسته
بیر باش ایکی قول نذر دیمیشدیم بو گون اوسته
من ماه بنی هاشمم ای شمس ولایت
گون نوری آیا دوشمَسه آیدا نه شرافت
گَل باشیمه سال پرتو مخصوص عنایت
گورسونله که من شیفته ی نور حسینم
دوتسونلا نظرلرده که منظور حسینم
.گورسونله که بی کس دگولم یاخشی کسیم وار .
.بیر سن کیمی بی کس شه فریاد رَسیم وار.
بیر گون که اُلنلَر یغیشار حشره دوباره
هر کیم اَتکون دوتماز، اَلی بوش یوزی قاره
اَلسیزلره اوندا گوره سَن بس نَدی چاره
حلّال اول اوزون اوندا بو مشکللره قارداش
بیر اَل یتور اللرده قالان اللره قارداش
گیتدیم منیله قبره گیدر دلده بو حسرت
دنیاجه منه عمر ویرِیدی ید قدرت
بو عمری اولونجه ایلییِیدیم سنه خدمت
هر لحظه ده مین دفعه اولِیدیم دیریلِیدیم
هر دفعه ده مین یول سنه قربان کسیلِیدیم
یازمیش او شهادت که منه خامه ی تقدیر
اولماز بولورم امر مقدّر تاپا تغییر
سعییم بودی قتلونده بیر آز یوز ویره تاخیر
باشیم قوشا خنجرلریله باش باشا قارداش
بیر دمده غنیمتدی اقلّاً یاشا قارداش
بنزردیم او سروه که رسا قامتی اولسون
بو قامتیله گلشنیوین زینتی اولسون
هر سروی گوروم قول بوداغین حسرتی اولسون
توپراقلار اوتورسون قریلان قول بوداقندا
کوکو قالا قمریلرینون دل دوداقندا
سو اولمادی تا من دایانِیدیم سوزوم اوسته
راضیدیم او ساعت یخلِیدیم یوزوم اوسته
نوفل یاراسی باشدان اُوتوردی گوزوم اوسته
چون گوردی اَلیم آختاریرام حیف اَله دوشمز
من اَلسیزه اَل آچدی که بیرده اَله دوشمز
ای بنده چیلوق عالمینون عالم رازی
عالم سر کویونده دی محراب نمازی
من اهل نیازین سنه وار راز و نیازی
قویما آرامیزدا بو یولی فاصله دوشسون
راز دلیمیز حیفدی دلدن دله دوشسون
فخریم بودی پرورده سیَم سایه ی لطفون
سرمایه ی عمریدی گران مایه ی لطفون
اندازه ی شانوندی منه پایه ی لطفون
ذرّات سنون لطفوین امّیدینه بسته
من ذرّه، سنون لطفوین امّیدینه بسته
بیر عالم اسراره گیدوب یِتملیم من
راز دلیمی گیتمه میش عرض ایتملیَم من
بیر نیمه نگاهیمده دیوب گیتمه لیَم من
وار قانلی گوزون طیِّ لسانی باخشیندا
سوزلر آخاجاق غمزه ده گوزلر آخشیندا
قویسِیدی قضا قویمازیدیم غم سنه گلسون
هر درد و غمون اولسا برادر منه گلسون
درمان سیز اولان دردی گوروم دشمنه گلسون
بو ملّت کافِر که مسلمانی تاپیلماز
بیر حاله سالوبلار منی درمانی تاپیلماز
قاموس معانیده کی معنای محبّت
بازار حقیقتده کی کالای محبّت
سوداگریِ عشقده سودای محبّت
خاک رهون اولماقدی خوشا بیر ایله خاکه
قربان او قدم لردن اوپَن تربت پاکه
اللهین اگر عمر بیوک نعمتی اولسا
بو عمر عزیزین نقدر لذّتی اولسا
عالم هامی بیر لحظه سینین قیمتی اولسا
صرف اولماسا خدمتده سنه ای شهِ خوبان
نقمتدی، بو نعمت دگی عمریم سنه قربان
"ذهنی" یارادیر نوحه ده هنگامه ی اخلاص
امّیدیله آلموش اَلینه خامه ی اخلاص
یازمیش نه گوزل طرز بیله نامه ی اخلاص
هر کلمه سی مین راز دلیمدن خبر ایلر
اعماق دل اهل دله چوخ اثر ایلرمنبع؛دیوان سائل اثر مرحوم ذهنی زاده –انتشارات منشور تبریز
صاق الیم گیتدی صول اللی دینه خدمت ایلرم
تا منی گهواریه سالدی آنام ام البنین
ویردی بیر سود سینه دن هر قطره سی آئین دین
بسلدی دینه منی حامی امیرالمومنین
جوهر ذاتیمدی دینیمدن حمایت ایلرم
بو حمایت نه فقط قید حیاته بسته دور
نه بو عرصه گاهده سعی و ثباته بسته دور
بلکه تاثیرات اصلیسی مماته بسته دور
جان ویرم بو یولدا تحصیل نتیجت ایلرم
گر چه من شهزاده فرزند رشید حیدرم
لیک بو یالقوز اوغولسوز شهریاره چاکرم
دینیمامرایلوربوشاهین نصرتینده جان ویرم
جان و دلدن دینیمون امرین اطاعت ایلرم
صادر ایتسیدی منه سلطانیم امر کارزار
ضرب تیریله آلاردیم روزگاروزدن دمار
نیلیوم مامور ایدوب تحصیل آبه شهریار
شاهیمون اجرای فرمانینده دقت ایلرم
قالمیوب با شدا هوای میمنه یا میسره
بو امیده سو ویرم تشنه بنات حیدره
لا محاله بیر ایچیمده شیرخواره اصغره
من اولام سقا اوقالسون تشنه حسرت ایلرم
هانسی مذهبده روا دورای گروه کین شعار
اوچ گیجه گوندوزنه سودنه سوتاپا بیرشیرخوار
تشنه لیقدان درک ایده ششماهه طفلی اختیار
من او وضع حا ل رقت باره رقت ایلرم
تشنه لر امری اولوب منجر عطشدن بیر یره
آزقالور خوردا اوشاقلارتشنه لیقدان جان ویره
ناروا دور نامسلمانلار بو ظلموز کافره
منتقم قهاره ظلموزدن شکایت ایلرم
سیزده واربیرخواب غفلت کیم اویانمازیاتمسوز
جبت وطاغوتی دوتوب حبل المتینی آتمسوز
تولانوب آز جیفه دنیایه دینی ساتمسوز
انتبا هوزده ئولومدن استعانت ایلرم
ال که مندن ای گروه پست فطرت سالمسوز
بولموسوز هانسی الی سیز بی مروت سالمسوز
پیکر اسلامدن بیر دست قدرت سالمسوز
حقدن اسلامه استدعای قدرت ایلرم
شاهباز شاهدن مکریله سالدوز شاهپر
اوستیمه دورت بیرطرفدن پر آچوب تیر سه پر
بسکه اوخ وردوز وجودیم اوخدان آچدی بال و پر
بو وجودی شاهیمه شاهین دولت ایلرم
اوستومه هر قدر یاغدور ساز خدنگ اوسته خدنگ
حیدر کرارین اوغلی حمله دن ایتمز درنگ
شعله لندیرسوز نقدری آتش سوزان جنگ
یانماقا مثل سمندر منده سبقت ایلرم
بیر سو مشگی اوسته یوزمین اوخ کماندان رد ایدون
اوخ الندن مشگی حفظ ایتماق طریقین سد ایدون
سیز کمال ظلمی پی در پی خمیده قد ایدون
عاقبت منده حسینی قوس قامت ایلرم
سیز بو گون ایله بولورسوز ای گروه کینه جو
بو کشاکشده کلید فتحدور بیر مشگ سو
مشگی اوز قانیمله دولدورام سودا نه آبرو
قان قبالینده سویی بی قدر و قیمت ایلرم
ثابتم عهد الستیمده بلا پیمانینه
تابعم صدقیله دلدن کربلا سلطانینه
قان گوارا دور سودان لب تشنه شه قربانینه
جان سوسوز ویرم بو یولدا جانه منت ایلرم
من فدای کوی حقم حق طریقین گچمرم
نفسیی نفس حسین بن علیدن سچمرم
نیلورم سو سلسبیل و کوثر اولسا ایچمرم
تا حسینیم ایچمیوب سو تابعیت ایلرم
گورمدوز آلدیم فراتی ضرب تیغ تیزیله
توسنی ووردوم سویا مهمیز خار انگیزیله
ایچمدیم سو بو دل عطشان آتش بیزیله
ایمدیده سو ایستسه نفسیم ملامت ایلرم
ظاهرا غملی گوگل سو مشگینه مشعوفدور
همتیم سعییم تلاشیم حفظنه مصورفدور
باطنا مشگیم سولی پیکانیله مالوفدور
ایمدیدن بو محنتیله طرح الفت ایلرم
ال تاپار بولم بو یولدا فرقه گمره منه
آرزو طوماریمی ظلموز ایدر کوته منه
پرچمین اما امانت تاپشورب چون شه منه
هر خیانتدن مصون حفظ امانت ایلرم
سعی ایدرسوز پرچمیم یاتسون بوگون جنگاهده
تا قوپا شور قیامت بارگاه شاهده
قویمارام قویسامدا حکما باش و جان بوراهده
التزامین قامت شور قیامت ایلرم
گر یره گوگلر توکولسه عالم اولسا تار و مار
حاش لله پرچم اسلام اولسون خاکسار
بیر قیامت شوری قامت اوسته قیلام استوار
حشر اولونجا اهتزازین من ضمانت ایلرم
تا الیمده قبضه شمشیر خون آشامدور
شاهد فتح و ظفردن اهل کین ناکامدور
قویمارام یاتسون بو بیرق بیرق اسلامدور
خاکسار اولسامدا نصب اوج رفعت ایلرم
بسکه اولدوز غفلتیله جمله سرگرم قتال
بیلمدوز هر توکدوقوز قان اوز قانوزدور لامحال
ایتدی قصد قربتوز اسلام دینین پایمال
من بو باطل قصد قربتدن برائت ایلرم
سیز هر اندازه اوزاقسوز عترت یاسین دن
بیر او قدری فاصله واردیندن آئین دن
مکه معلوم اولوندی بیخبر سوز دیندن
مایل اولساز من سیزی دینه هدایت ایلرم
امن ایوین ناامن قیلدوز بیتین اوز اصحابینه
عرضه نی تنگ ایلدوز حل و حرام احبابینه
بیزده گلدوخ بو چوله اتمام حج آدابینه
حجیمون تکمیل نقصانیده همت ایلرم
باغلیاندان کعبه دن بو وادیه احرام غم
وردیمیز لبیکدی یولاردا صبح و شام غم
عاقبت بو سرزمین ایتدی بیزه اتمام غم
انتهای غمده شکر بی نهایت ایلرم
هر طوافیم قورتاروب دور سرای حقده
آزقالوب سعیم باشا یتسون صفای حقده
قوچ کیمی قربان کسیلم بو منای حقده
کربلانی کعبه اهل حقیقت ایلرم
قیلماقا ختم طوافه حکم شرعیله نماز
باشلادیم عالی تیمم ممکن اولماز دستماز
بو تیممدور من ممتازه مخصوص امتیاز
توپراقا وورام الی بیربیر کفایت ایلرم
صاق الیم توپراقدادور ای فرقه بیدادگر
ختمدور امر تیمم صول الیمده دوشسه گر
اوندا دوشسم سجده حالینده نماز اولماز مگر
نیلیوم بیر سجدیه لابد قناعت ایلرم
منته لله همان سجدم نه عادی سجده دور
مثلی اولماز بیر تذلل آستان سجده دور
کربلانون مایه فخری حجاز و نجده دور
حاش لله بو مباهاته منیت ایلرم
بیز جماعتدن اولار که قانه غلطان ایلدوز
آق محاسنلر که القانیله الوان ایلدوز
سرو قامتلر که توپراقیله یکسان ایلدوز
فرد فردین مصرعین سجدمده تربت ایلرم
با صفا سعی خیام اوسته نه جای هلهله
ایلرم بین فرات و خیمگهده هروله
ایتمیون تحلیقیمه تعجیل صبر ایلون هله
من اوزوم باشوم آچوق قالجاق اشارت ایلرم
من گرگ آئین حجیله ایدم رمی جمر
سیز منه رمی ایلوسوز ای قوم کین تیر سه پر
محرمه دینوزده حرمت تیرباراندور مگر
منکه هر اوخ گلسه سینم اوسته حرمت ایلرم
ناوک دلدوزه کیمسه مایل اولماز من کیمی
خوشدلم اوخلار دوزولسون سینمه مخزن کیمی
نوک پیکان چولقاسا بو قامتی جوشن کیمی
جوشنه مردانه بو قامتله زینت ایلرم
ذهنی سائل که خادمدور بیزه ایستر صله
ایستوری زنگ غم دارینی قلبندن سیله
نخل امیدین ایکی دنیا یتورم حاصله
مشکله هر لحظه دوشسه حل او ساعت ایلرم
منبع:http://asheghanmovla.persianblog.ir
منبع اصلی : کتاب دیوان سائل اثر مرحوم حاج عبدالعظیم ذهنی زاده –انتشارات منشور تبریز چاپ 1389
ایچدون آخِر سو یرینه قان اوغول
بسکه سن لب تشنه قالموشدون علی
گل کیمی سولموش سارالموشدون علی
سو سراغین اوخدان آلموشدون علی
گیتدون اولدون قانیوه غلطان اوغول
زهرلی اوخدا نه لذّت تاپموسان
یاتموسان خوش استراحت تاپموسان
ای سولان غنچه طراوت تاپموسان
اولموسان بیر لاله ی نعمان اوغول
حقلیم موجه گلوب اشکیم داشا
درد و غم دریاسی تک باشدان آشا
بو بوغازون اوخ بیچوب باشدان باشا
یا کسوبدور ناوک پیکان اوغول
نسگلیم اودلار جهانی برملا
وار یری هر سود امر سودسوز قالا
کیم گوروب اوخلانسون آلتی آیلوق بالا
نوک تیر اولسون اونا پستان اوغول
نه منم یالقوز یانان احوالیوه
یاندی دشمنلر آلشدی حالیوه
حرمله گوندردی استقبالیوه
زهرلی اوچ شعبه بیر پیکان اوغول
تا سنی ویردی نشان شه دشمنه
من ایشیتدیم گلدی دشمن شیونه
چوخ امید ایتدیم ویره لّر سو سنه
حیف امّیدیم اولوب حرمان اوغول
حرمله باخدی گل نورسته سن
حسّ سیز بلبل کیمی دل خسته سن
اوخلینده گوردی سن جان اوسته سن
نه بهانه ایلدی عنوان اوغول
قلبیمی آهیله بیجا اویمارام
ناله دن بلبل کیمی من دویمارام
قانلی قونداقون یر اوسته قویمارام
خوشدی سینمده اولا مهمان اوغول
قویدی هر کس خوان بزم یاره گُل
همّتیجه یولّادی دلداره گُل
امّ لیلا ویردی بیر صد پاره گُل
منده ویردیم غنچه ی خندان اوغول
گون ایوینده سن سوسوز جان ویرموسن
شاهد اول بو عهد و پیمانیمده سن
قسمت اولسا اُلمه سم گورسم وطن
گون ایوینده اگلشم سوزان اوغول
نسگلون دلدن فراموش ایتمرم
آتشین اُلسمده خاموش ایتمرم
هیچ سرین سو جرعه سی نوش ایتمرم
تا اُلم عهدیم تاپا پایان اوغول
آلتی آی هر نصف شبلرده نجه
سود ویروب وقتونده قویمازدوم گجه
سود امن وقتون آیلسام بو گئجه
نیلیوم من خانمان ویران اوغول
غفلت اولسیدی آج اولسیدون اگر
سینه مین سود موجی ایلردی خبر
من سنه نامهربان اولدوم مگر
آج سوسوز ویردون آناسیز جان اوغول
ایل بُلر فوت اولسا گر بیر سود امر
کیم بُلر بیچاره مادردن خبر
آخشام اولجاق سینه سین بیر سود گزر
سود دیمه بیر آتش سوزان اوغول
خون ناحقّون سَپیلدی گویلره
قانلِ خط ویردی سپهر اخضره
انتقامون قالدی روز محشره
وای اگر عدل ایلسه دیوان اوغول
دیدیروب اوخ دایه سی سن گولموسن
گولماقون قان آغلادیرمیش بُلموسن
وای آنان اُلسون علی سن اُلموسن
ویرموسن جان دوشموسن بیجان اوغول
نسگلون اودلی اوکلر داغلادی
چاره من بیچاریه یول باغلادی
غنچه وش گولدون یاران قان آغلادی
غنچه گولسه گوسترور القان اوغول
کوسموسن مندن دیمیشدیم آغلاما
وورما دیرناخ سینمی چوخ داغلاما
گل گذشت ایت پوزشه یول باغلاما
آغلامن آغلار گوزه قربان اوغول
اوخ دگنده قوخموسان دیسگینموسن
دوشموسن ضعف عالمینده اینموسن
هر دیلیله دیندیرنده دین مینموسن
بس نیدیم من خانمان ویران اوغول
بسکه گوزدن گوزیاشی توکدوم سنه
سیل تک موج ایتدی داشدی دامنه
دوندی دریایه یقین اولدی منه
تیز قوپاردار قانلو بیر طوفان اوغول
تیز او طوفان قوپدی تاخیر اولمادی
هیچ کیمی گردابه من تک سالمادی
سن کیمی روحیمده الده قالمادی
ایلدی مستغرق طغیان اوغول
ساخلارام بو انتقامی محشره
ایلرم شکوه خدای داوره
سینمی ویرّم نشان پیغمبره
ایلرم دل دردیمی اعلان اوغول
بوش دوشه سالدیم سنی من آغلادیم
سن خراش ایتدوقجا سینه داغلادیم
لاعلاج اولدوم الیوی باغلادیم
بُلمدیم جبراً آچار دوران اوغول
گَل ویراخ رخصت گوز اشک آلینه
آغلاشاق قان بیربیرین احوالینه
آغلاسن بو اوغلی اُلموش حالینه
آغلیوم منده سنه هر آن اوغول
حقلیم باشی آچوخ قاچسام چوله
ناله دن ناله یولون آچسام چوله
دسته دسته ساچ یولوب ساچسام چوله
آغلیام چوللرده سرگردان اوغول
من دیردیم آغلاما بیر یات اوغول
خون دل گوزیاشیمه آز قات اوغول
نه منی بیله گوزوندن آت اوغول
گوزلرون قربانی بو گریان اوغول
