قوشا چای یازیلاری
یازار : " تؤرک دیلینی اؤیره نین، چونکو اونلارین حاکمیتی چوخ اوزون سؤره جکدیر." پیامبر اکرم
+0 چره جلی
عاشیق
بیر منه بیر نسخمه باخدی مطبین باغلادی !
آغلادیم دوشدوم ایاقینه ددیم دردیم ندی ؟
سویلدی کی سن مریض عشق سن مجنون کیمی دیوانه سن !
گت فقط یالوار نگاره آتماسین گوزدن سنی !
سنین ایچین
داغلارا دومان چوکسه،
اوداغ من چکن آهدی.
عاشیق سوزون گیزله در،
سوزون دوزون گیزله در،
سن چمنه چیخاندا ،
لاله اوزون گیزله در.
گوزلرین خومار ایندی،
یاش توکر یومار ایندی،
توک زولفون سینن اوسته،
گورن نار اومار ایندی.
آچیلارام گول کیمی،
اوخورام بولبول کیمی،
گویولومه دگن اولسا،
ساراللام سونبول کیمی
نگاریم
آی اوزلو نگاریم کیمه مهمان اولاجاقسان
بیر سویله کیمین شانینه شایان اولاجاقسان
شاهلیق چتری وار باشین اوستونده بو آخشام
عنبر چترینله کیمه سلطان اولاجاقسان
شکر دئمیرم من سنه اوندان دا شیرین سن
دلبر نئجه بیر بختوره جان اولاجاقسان
ظلمت گئجه سن نورلی چیراغ، پیس گوزه گلمه
ای آب حیات سن کیمه جانان اولاجاقسان
گئتدین نئجه بس تاب ائله سین هجره نظامی
او خسته ایکن، سن کیمه درمان اولاجاقسان
اورمو گولی
بیر داملا گؤز یاشین ،خلت ائیلیین
سیز الله سو-سوزدو ، اورمو گؤلونه
او قدر سو-سوزدو ، قلبی یانیری
بیر اویوج سو تؤکون ، اورمو گؤلونه
بو گؤلون آغری‌سی ، دونیا بویونجا
یئر-گؤی اونودوبدو اونو دویونجا
قانیمیز قوروسون ! گؤل قورویونجا
گلین بیز سو تؤکک ، اورمو گؤلونه
آغلایاق هدیه ائدک گؤز یاش‌لارینی
بلکه جان وئرک بیز ، اورمو گؤلونه
اوریین یانماییر ! آغلییا بیلمیرسن !
قان وئرک داماردان ، اورمو گؤلونه
بو گؤلون قازلاری هایانا گئتدی ؟
یام یاشیل یازلاری هایانا گئتدی ؟
کئیفی‌نین سازلاری هایانا گئتدی ؟
سو وئرک سازلانسین اورمو گؤلونه
بیگانه باخا‌جاق ، اؤگئی بو گؤله
یانماسا دوغما اؤزو ، اورمو گؤلونه
هارداسان سن ائی ، گؤلون صاحبی ؟
بیگانه خور باخار اورمو گؤلونه
گلین آغلارکن ، بیز هدیه ائدک
بو قان‌لی گؤز یاشین ، اورمو گؤلونه
تحقیر بسدی ، گلین گلین آماندی
خار اولماق ایستمه ، اورمو گؤلونه
بیلمدیم هانسی اللر ! چای‌لاری کسدی
گوناه بس نه یمیش ، اورمو گؤلونه
بولاق‌لار گورودو ، نه بره بسدی ؟
میناس داغی آغلار ، اورمو گؤلونه
اگر موسلمان‌سیز ؟ روا گؤرمیین
بیر ایچیم سو وئرین ، اورمو گؤلونه
گله جاقسان
کوچلرده
یئنی دن دولاناق
گله جاقسان گلین دون نان
الروندا بیر گول دسته سی
سس سیز گله جاقسان
آدوو قویاجاقسان رویا
منده آدیمی قویارام یوخو
من همه شه لیک یوخو
سن همه شه لیک رویا
بوندان سورا کیمسه سنی گورسه
منده گوره
آی کیمی بولاغدا
