سرود ملی آزربایجان در سال 1324
یازار : " تؤرک دیلینی اؤیره نین، چونکو اونلارین حاکمیتی چوخ اوزون سؤره جکدیر." پیامبر اکرم
+0 چره جلی
سنسن بیزه آنا وطن
سنسن بیزه نعمت وئرن
سنسن بیزه روحی - روان
یاشا یاشا آزربایجان
ال اوزاتدى یادلار سنه،
پوزماق اوچون عیزتینى،
قالخدى شرفلى فیرقه‌میز
حیفظ ائله‌دى حؤرمتینى،
آزادلیغى برپا ائدیب،
نیشان وئردى قودرتینى،
آرزو ائدیر ائللریمیز،
دونیا بویو شؤهرتینى،
سنسن بیزه آنا وطن،
سنسن بیزه نعمت وئرن،
سنسن بیزه روح و روان،
یاشا- یاشا آزربایجان!
آزربایجان آزربایجان
آسلانلارین مکانی‌سان
سن قوردوغون یئنی حیات
خالقیمیزا وئردی نجات
گؤزل گونلر گتیریبسن
ستارخانلار یئتیریبسن
قوی یوردوموز جنت اولسون
دوشمن باغری قانلا دولسون
سنسن بیزه آنا وطن
سنسن بیزه شهرت وئرن
سنسن بیزه روحی - روان
یاشا یاشا آزربایجان
شعر: میرمهدی اعتماد
ائلیمین رنگی سولور سنده اوتور باخ ساوالان
ائلیمین گولشنین شاختا ویریر سولمادادی
غم کدر لشگری گلمکده اوره گ دولمادادی
ائلده کی خیردا اوشاخلار داها فارس اولمادادی
بوغمه دؤزمه گولوم ایلدیریم اول شاخ ساوالان
ائلیمین رنگی سولور سنده اوتور باخ ساوالان
غیرتی بیزدن آلیلار هانی تورکون بالاسی
گولشنه سالدیلار اوت بیتمییه تورکون لالاسی
کوکسومه ویردیلار اوخ هئچ دئمدیم آخ ساوالان
ائلیمین رنگی سولور سنده اوتور باخ ساوالان
دین آدیلان داراشیبدیر زلی میلت جانینا
هانسی دیندیر کی دئییر خالقی بویا اؤز
قانیناداراشیر ایندی یالان خالقیمیزین ایمانینا
حاقی ویر قیناقیوا سن سئل اولوب آخ ساوالان
ائلیمین رنگی سولور سنده اوتور باخ ساوالان
گون باتیب بیزلره پیس یئرده نه شاه اولدی ظولوم
ظولم الینن سارالیب،گوله لنییب سولدی گولوم
روحوما ویردیلار اوت یاندی جانیم چیخدی کولوم
بابکین خنجرین آل دون گوزونه تاخ ساوالان
ائلیمین رنگی سولور سنده اوتور باخ ساوالان
تورک بالاسی فارس دانیشیر قیرجانیر ائل اوباسین کئتدی دئیر کن دانیر
من باخیرام قلبیم ائله اوتلانیر دای بوجهالت منی گئتدی جانا
گور نه گلیر یالقیز آزربایجانا
قیزلاریمیز تورکو دیلین عار بیلیر ایت بالاسین اؤزلرینه یار بیلیر
داش کلمی ایندی شیرین نار بیلیر ارسی سئویب قلبی اولوب غم خانا
گور نه گلیر یالقیز آزربایجانا
صوبح یئتیشیب تهرانا کئتدن ممیش یاغلانیب آخشام چاغ اولوب داریوش
دینمه دئییر سن منه قویما قمیش قورداسان اصلیم چاتاجاخ تهرانا
گؤرنه گلیر یالقیز آزربایجانا
گلسه نبی ایندی قاشین آلدیرار ساچ اوزادیب بوغلارا تیغ سالدیرار
عیش قوروب خلق کیمی چالدیرار باخ دوشوبدور ائلیمه فیرتانا
گؤرنه گلیر یالقیز آزربایجانا
غیرتی بیز ساتمیشیق ایندی پولا یوردوموزا هرنه اولور قوی اولا
توپراغا گر ارمنی یا کورد دولا سئلدی باسیر ایندی بیزیم ورگانا
گور نه گلیر یالقیز آزربایجانا
دردیمی گورتدوم آرازی آتدادیم اؤردادا بودرد چارا تاپمادیم
روس دانیشان خلقی گوروب چاتدادیم چوندوباکی اولدو دا روس خانا
گور نه گلیر یالقیز آزربایجانا
کیم وطنین ایستسه دینن چیخار چونکی وطن سئوگیسی قلبین سیخار
قلبی سیخیلسا خانی تختدن ییخار یار اوره گین قویماکی حقین قانا
گور نه گلیر یالقیز آزربایجانا
آخ یئنه واخسیز خؤروزوم بانادی کیم ائشیدیب گوردی منی دانادی
بوینوما ایپ سالماغیمی انلادی قلبیمه اود سالدی کی فیکریم یانا
گور نه گلیر یالقیز آزربایجانا
گور نه گلیر یالقیز آزربایجانا
نه گؤردون
یاسلی یاپالاق فارسی دانیشماقدا نه گؤردون؟
ای بابکین اولادی نه چون اصلینـــــــــــی داندین؟
اویدون یارامازلار فئلینه اولدون اویونجـــــــــــــــاق
آنجاق نه بیلیم بلکی ده افشین دن اوتاندیـــــن!
هرزه سو کیمین اؤزگه لرین آرخینا آخدیــــــــــن
تورکون گؤزونه سن نیه یاد گؤزلوگو تاخدیـــــــن؟
شیمشک اولالی اؤز کوکونو آتشه یاخدیـــــــــن
یوز حئیف اولا کی تاریخی سن ترسینه قاندین
تورکون اولوسو،بیر قوجامان کوکلی چیناردیــــــر
اولدوز کیمی پارلاق بو ائلین گئچمیشی واردیر
بیر داغ اولالی اؤزگه سی بیر سخره دیــواردی
داغدان چئویریب اؤز نیه دیواره دایاندیـــــــــــن؟
آچ تاریخی بو ائلده اولان شهرته بیر بــــــــــاخ
تومروس آنادان دالقالانان جرعته بیر بــــــــــاخ
قورقوت دده ستار اتالی میللته بیر بــــــــــــاخ
بیگانه لرین توهمتینه یوخسا ایناندیـــــــــــن؟
بیگانه بیزه مکر ایله توهمت داشی آتـــــدی
چوخ کیمسه چاشیب اؤزلوگونو اؤزگیه ساتدی
آلچاتدی اؤزون ،اؤزگه سینی عرشه اوجالتدی
سویله گؤزلیم سن نیه باخدیقجا اوساندیـن؟
تاریخلره گئتدیکجه بیزیم یول ـ ایزیمیــــــز وار
گویلرده هیلال بیر آییمیز ـ اولدوزومــــــوز وار
مئیداندا بوکولمز قولوموز سرت دیلیمیـــز وار
آیدین بو حقیقت لری گؤردون نیه داندیــــن؟
بسله نیر قلبیمده سونسوز حؤرمت آزربایجانا
ایسترم دونیادا من حریت آزربایجانا
سانمایین اؤز یوردومون اسرارینا بیگانه یم
من اونون سودای عشقیندن بوجور دیوانه یم
شمعه بنزر ،دؤوره سینده فیرلانان پروانه یم
قویمارام اصلا قویولسون منت آزربایجانا
شاعیرم بیر بولبولم من آشیانیم دیر وطن
سیرگاهیم دیر افقلر ، خوابگاهیم دیر چمن
چؤلده بیتمیش لاله لر،داغلاردا آچمیش یاسمن
هر بیری وئرمیش یئنه بیر زینت آزربایجانا
من خیانت ائتمه دیم مرحوم اولان اجدادیما
ارث تک وئردیم بو یوردو قهرمان ائولادیما
حفظ ائدیب بو اؤلکه نی باش ایمه سین جلادیما
اونلارین آوازی وئرسین شهرت آزربایجانا
