قورتولوش ساواشی یئنی بیتمیش. جمهوریتین تمل داش‌لاری قویولماغا باشلامیشدی. داها سونرا اینگیلتره تاختینا اوتورا‌جاق اولان شاهزاده ادوارد اؤلکه‌سی‌نین موستملکه‌سی اولان هیندیستانی زیارت ائدیردی. توپ و ترامپت سس‌لری آراسیندا گمی‌سین‌دن ایندی.

آتاتورک، بیر میللتین یئنی‌دن دوغوشو:

-
سلام سئوگی‌لی دینلییجی‌لر، آتاتورک سئوگی و ماراغیندا بیرلیکدییک. بو گون بیر ایلدیر مدت گلن بیرلیکدلیگیمیزی سون دوراغینداییز. آتاتورکه میننتدارلیغیمیزی، بیر بؤیوک آتاتورکچونون سؤزلری تقدیم ائدجگیک بو گون ...

----------
بو گون سیزلرله اسکی باخان، یازار، اوستاد، سیاستچی اولان گئرچک بیر آتاتورکچونون فیکیرلرینه قولاق وئرجگیک. بیر سوی-قصد نتیجه‌سینده حیاتینی ایتیرن پروفسور دوکتور احمد تانر کیشلالی‌نین سؤزلرینه ...
10 ژوئیه 1939-جو ایلده توکاتین بیر محلی اولان زیله‌ده دوغولدو احمت تانر کیشلا‌لی. اؤلدورولدوگو تاریخ اولان 21 اوکتوبر 1999 تاریخینه قدر همیشه آتاتورکچو خطینده یاشادی. "چیچک‌لرینیز" دئدیگی شاگیردلرینی اؤیرتمه‌یه داوام ائتدی. سیتکی اولوچ-ون یازدیغی "ایکی تورکون اؤلومو" آدلی بیوقرافیا کیتابیندا یئر آلدیغی کیمی، کیشلالینین، عائله صحبت‌لرینده چوخ تئز وورغولادیغی بیر عنصور وار ایدی: "کونفرانس‌لاردا، ژورنالیستیک‌دن، کیتاب یازماق‌دان وازگئچه‌بیلیریم" دئییردی، "اما اؤیرنجیلریمیز، اصلا! چونکی اونلار تک اومید و گوون قایناغیمیز ... اونلار منیم انرژی قایناغیم ... "
پروفسور دوکتور احمد تانر کیشلا‌لی، 1978-جی ایلده مدنیت ناظیری اولا‌راق وظیفه ائتدی. ان سون آنکارا اونیورسیته‌سی مطبوعات نشر یوکسک مکتبینده درس وئریردی. بیر چوخ نشر اولونموش اثری اولان پروفسور دوکتور احمد تانر کیشلا‌لی، گئرچک بیر آیدین و آتاتورکچویدو.
پروفسور کیشلا‌لی، "اوروپا‌لی تورک‌لر و آتاتورک" آدلی مقاله‌سینده بئله دئییردی: "تاریخ لنینی، تیتویو دئییل، آتاتورکو حاق‌لی چیخاردی. خالقچی‌لیق قانونون‌دان دونیوی‌لیگه، خالقچیلیقدان جمهوریتچیلیغه، کمالیزمین حاق‌لی‌لیغی و اعتبارلی‌لیغی یاشانان تاریخ طرفین‌دن ثبوت ... کمالیزمین محصولو اولان "دونیوی جمهوریت" شخصیتین ائورنسللیغی، هر کئچن گون بیر آز داها گون ایشیغینا چیخیر. "

-
پروفسور دوکتور احمد تانر کیشلا‌لی، "آتاتورک و غرب آدلی" مقاله‌سینده ایسه، تاریخ‌دن بیر میزاحی کؤچوره‌رک، آتاتورکون باتیلیلاشما‌دان قصدیم اویقارلاشما اولدوغونو ایفاده ائتدی:
----------
"قورتولوش ساواشی یئنی بیتمیش. جمهوریتین تمل داش‌لاری قویولماغا باشلامیشدی. داها سونرا اینگیلتره تاختینا اوتورا‌جاق اولان شاهزاده ادوارد اؤلکه‌سی‌نین موستملکه‌سی اولان هیندیستانی زیارت ائدیردی. توپ و ترامپت سس‌لری آراسیندا گمی‌سین‌دن ایندی. و بؤیوک بیر خیال قیریق‌لیغی یاشادی.
اونو قارشیلاماغا، یالنیز بیر نئچه میهراجه ایله بیر نئچه یئرلی وظیفه‌لی گلمیشدی. کدرلیدی. آتاسی بئشینجی جورجا بیر مکتوب یازدی.
- گؤره‌سن بو وضعیت، گاندی‌نین تشکیل ائتدیگی بیر آلچالدما نوماییشی اولا بیلرمی؟
اینگیلیس کرالین‌دان گلن جواب تاریخه کئچمیش‌دیر:
- خیر! بونون سببینی مصطفی کمالین آچدیغی قورتولوش ساواشیندا آختارماق داها دوغرو اولار ... "
... اصلینده آتاتورکون باشیندا اولان "باتیلیلاشما" دئییل، "اویقارلاشما" دیر. اوسته‌لیک ده، اؤز میللی خصوصیت‌لریمیزی قورویا‌راق اویقارلاشما‌دیر.
تورک تاریخی‌نین گون ایشیغینا چیخاریلماسی ایشلرینی آتاتورک باشلاتمیش‌دیر. بیر طرف‌دن اورتا آسیایا، کنار یان‌دان هیتیتلره، آنادولونون تاریخی درین‌لیک‌لرینه قدر گیدیلمسی‌نین قاباقجی‌لی آتاتورک‌دور. تقلیدچی سارای مدنیتین‌دن، آنادولونون مین ایللیک مدنیت سینتزینه دؤنوش آتاتورکون اثری‌دیر.
آتاتورک نه خاریجی سرمایه‌یه قارشی اولموش‌دور، نه ده باشقا خالق‌لارلا امکداشلیغا ... اما، هر موضوعدا اولدوغو کیمی، بو موضوعلاردا دا ایمتیناع ائدیلمز بیر اؤن شرطی واردیر: جمعیتین اورتاق فایداسی و برابرلیک! "

----------
1999-جی ایلده بیر سوی-قصد نتیجه‌سینده حیاتینی ایتیرن و بیر دؤور مدنیت ناظیرلیگی ده ائتمیش اولان پروفسور دوکتور احمد تانر کیشلا‌لی، "تورک قادینی نه فرق‌لی؟" باش‌لیق‌لی مقاله‌سینده ایسه، آتاتورکون توفیق فیکرتین بیر سؤزونو چوخ سئودیگینی ایفاده ائده‌رک علاوه ائتدی:
-
"آتاتورک، توفیق فیکرتین بیر سؤزونو چوخ سئویردی: البت سفیل اولورسا قادین، آلچالیر بشر ...
و بئله دئییردی آتاتورک:
- 'داها ساغ-سالامات، داها دوروست اولا‌راق یئرییه‌جگیمیز یول واردیر. بؤیوک تورک قادینینی ایشیمیزه اورتاق ائتمک، حیاتیمیزی اونونلا بیرلیکده حیاتا کئچیرمک. تورک قادینینی علمی، اخلاقی، اجتماعی، اقتصادی حیاتدا کیشی‌نین اورتاغی، یولداشی، کؤمکچی‌سی و دستگی ائتمک یولودور ساغ-سالامات یول. "
قورتولوش ساواشی‌نین ان ایستی گون‌لرینده، مصطفی کمال آنکارادا بیر معلم‌لر قورولتایی ییغمیشدی. هم ده دوشمه‌نین ایرلیلدیگی، مجلیسین کایسئرییه داشینماسی‌نین داها اعتبارلی اولاجاغی موذاکیره‌لری‌نین ائدیلدیگی بیر موحیطده ... و مصطفی کمال او قورولتایا بو وظیفه‌سی وئرمیشدی: تورک قادین و کیشی‌سینه وئریله‌جک تحصیلین قانون‌لارینی تعیین ائتمک.
تورک قادی‌نینا قانونی حقوق‌لارین تامین ائدیلمه‌سی اوچون ایلک آددیم‌لار ساواش آلوو‌لاری آراسیندا آتیلدی. هم ده قادی‌نین "وطنداش" ساییلماسینا بئله قارشی چیخان میللت وکیل‌لری‌نین اکثریتده اولدوغو بیر مجلیسده! "
----------
احمد تانر کیشلا‌لی، "گؤره‌سن آتاتورک قادینی اجتماعی حیاتا فال و تأثیرلی بیر شکیلده قاتماق اوچون نه اوچون بئله چوخ بیر چابا صرف ائتدی؟ ، سوالینا باخین نئجه جواب وئردی:
-
"چونکی قادین جمعیتین یاریسی. و اگر او یارینی اینقیلابینا اورتاق ائده بیلمزسه، معاصیرلشمه ساواشیمی یاری یارییا سرعت ایتیرمیش اولا‌جاقدی!
تورک قادینی سیاسی حقوق‌لارینی فرانسیز قادی‌نین‌دان اون ایل، سوئیس‌ین بعضی کانتونلارینداکی قادین‌لاردان ایسه یاریم عصر اوّل قازاندی. قادینلا کیشی‌نین حقوقی برابرلیگینی تورکیه آوروپا اؤلکه‌لری‌نین چوخون‌دان اوّل رئاللاشدیردی. قادین حاق‌لاری مودافیچی‌لری اوروپادا "برابر ایشه برابر اؤدنیش" سشاواشیمی وئررکن، تورک قادینی اوچون بئله بیر پروبلم چوخ‌دان بری یوخ ایدی. "

----------
سئوگی‌لی آتاتورک دوست‌لاری، سؤزون گوجونو ایتیردیگی نقطه‌دییک ...
داها نه دئییله بیلر کی ...
بیر ایلدیر آتاتورک سئوگی‌سی و ماراغیندا مدت گلن پروقرامیمیزین سونونا گلدیک. بیر باشقا موضوع و پروقرامدا گؤروشمک دیلییله اسن قالین .