تورکیه‌نین کولتور خزانه‌سی پروگرامیندا بو هفته سیزلره دونیادا آنادولونون ان چوخ بیلینن یئرلری‌نین باشیندا گلن کاپادوکیانی تانیداجاییق.
کاپادوکیا بؤلگه‌یه میلاددان اؤنجه 7.جی یوزایلده گلن پرس‌لرین تانیملاماسیلا گؤزل آتلار دیاری. محتشم اراضی یاپیسی و بنزرسیز طبیعتی، ساییلابیلمه‌یه‌جک قدر چوخ قایا‌لارا اویولموش کیلیسه‌سیله،
جامعلریله کؤنول‌لر آچان بیر توریزم بؤلگه‌میز. 1985.جی ایلدن بری یونسکو دونیا مدنیت میراثی لیسته‌سینده هم طبیعتیله هم ده مدنی وارلیقلارییلا یئر آلیر.
کاپادوکیا بؤلگه اولا‌راق قیزیل ایرماق قوسو ایچینده یئر آلان گئنیش بیر جغرافی ساحه‌ده. کایسئری، نئوشهیر، اورگوپ، گؤره‌مه، ایهلارا دره‌سی کیمی یئرلری ده احاطه ائدن گئنیش بیر جغرافیا‌دان بحث ائدیریک. روما دؤورونده کاپادوکیا داها گئنیش بیر جغرافیانی احاطه ائدیردی. گونئیده توروس‌لارا، قوزئیده قارادنیزه قدر یاییلیردی. کاپادوکیا دئییلینجه 16.جی ایلدن اعتیبارا بؤلگه‌نی گزن آوروپا‌لی گزگین‌لرین تانیمیلا پری‌لر اؤلکه‌سی آغلا گلیر. میلیون‌لارجا ایل اوولین‌دن گلن لاوا‌لارین میدانا گتیردیگی قایا‌لار کولک و یاغیش ائروزیونویلا شکیل‌لنه‌رک اوزاق‌دان باخانلارین دوشلر اؤلکه‌سی تانیملاماسینا یول آچیر. تاریخ بویونجا قوزئیندن گونئییه، دوغودان-باتییا یول‌لارین گئچیش نؤقطه‌سی اولماسییلا مختلیف مدنیت‌لرین گوج ساواشینین اورتاسیندا یئر آلمیش بیر بؤلگه. سالدیریلاردان و یاغما‌دان قورونماق اوچون وولکانیک کایالار آسان شکیل وئرمه اؤزللیگیله، بؤلگه اینسانینا گیزله‌نه‌بیله‌جگی یئر آلتی شهرلری یاپماسینا ایمکان وئردی. گیریشلرین بؤیوک قایا‌لارلا باغلاندیغی بو یئر آلتی شهرلری سالدیرقانلاردان قورونماق اوچون یاخشی بیر چؤزومدو. کیفایت قدر یئمه‌یین و ایچمه‌یین آنبارلانماسییلا یوزلرجه، مین‌لرجه انسانین گوونلیگینی تامین ائده‌بیلیردی. بو قایا ائولری‌نین بنزرلری ایندیکی واختدا دا اکینچی‌لیک محصول‌لارین پوزولما‌دان ساخلانماسینی تامین ائدیر.
کاپادوکیا طبیعی گؤزل‌لیک‌لری‌نین یانیندا عینی زاماندا بیر بیرین‌دن اوزاق مرکزلرده قارشیلاشیب گزه‌بیله‌جیینیز محتشم قایا کیلسه‌لرینه ده ائو صاحب‌لیگی ائدیر. بؤلگه خریستیانلیغین روما دؤورونده باسقی آلتیندا اولدوغو گون‌لرده بؤیوک بیر اؤنمه صاحب ایدی. قاداغا‌لی تک تانری‌لی دین‌لرینی یاشاماق و یایماق ایسته‌ین خریستیان اؤندرلر بؤلگه‌نین دوغا قوشول‌لارین‌دان دا فایدا‌لانا‌راق صومعه معماریسینی ایلک اولا‌راق بورادا قایا‌لارین ایچینده اویاراق گرچکلشدیردی. بو دؤورده چوخ آغیر باسقی‌لار یاشاندی. قیرخ عسگرین سویوق بیر گؤل سویونا آتیلا‌راق اعدامی و جسدلری‌نین یاندیریلماسی خریستیان‌لیق اوچون ایلک شهید / مارتیر نومونه‌لرین‌دن بیرینی اولوشدوردو. قیرخلار داغی، قیرخلار کیلسه‌سی کیمی دینی یئرلر آنادولونون بیر چوخ یئرینده گؤرولور. خریستیان تعلیمی بورادا اینسان‌لارین آراسیندا یاییلدی. بؤیوک کونستانتینین خریستیان‌لیغی قبولویلا داها بؤیوک صومعه‌لر بورادا شکیلله‌ندی. آردین‌دان یاشانان پرس و عرب ایستیلا‌لاری بؤلگه‌نین اها‌لی‌سینی یاخشیجا آزالتدی. مالازگیرت سونراسی بؤلگه‌نی حاکیمیت‌لرینه آلان سلجوق‌لو تورکلری و عثمانلی‌لار زامانیندا کاپادوکیا گونوموزه قدر داوام ائدن بیر باریش دؤورو یاشادی. خریستیان اها‌لی بؤلگه‌دکی وارلیغینی 1924ده گرچکلشن موبادیله آنلاشماسینا قدر داوام ائتدیردی. بو تاریخده یونانیستان‌داکی تورک اها‌لی آنادولویا بورادا یاشایان روم اها‌لی یونانیستانا گؤندریلدی. تخمینا 1600 ایل عرضینده یاپیلان یوزلرله کیلسه بؤلگه‌نین دؤرد بیر یانیندا گزیله‌بیلر. کاپادوکیانین توریزمه اؤنه چیخان گؤزل‌لیک‌لرین‌دن بیری ده بالون توریزمی. اورگوپ و گؤره‌مه‌ده یوزلرجه بالن‌لا هاوا‌لانان توریست‌لر کاپادوکیانین محتشم منظره‌سینی یوخاری‌دان گؤره‌بیلیر. هاوا‌دان چکیلن شکیل‌لر دادینا دویولماز خاطیره‌لرین اؤلومسوزلشدیریلمه‌سینی ساغلار.
کاپادوکیا گونوموزده توریست‌لرین بؤیوک ایلگیسیله قارشی قارشییا، اونلارا عینی زاماندا بؤیوک قایا ماغارالارینداکی رستوران‌لاردا محتشم تورک ییه‌جک و ایچه‌جک‌لری سونولور. بو قایا ماغارا رستوران‌لاردا اؤزللیکله هفته سون‌لاریندا تشکیل ائدیلن تورک گئجه‌لریله خالق اویون‌لاری، رقاصه‌لرین قیوراق رقص‌لری قوناق‌لارین بگه‌نی‌سینه سونولور. کاپادوکیانین گؤزل‌لیک‌لرینی اینترنت‌دن ائده‌جیینیز بیر آراشدیرما ایله داها یاخشی تانییابیلرسینیز. بو دویولماز گؤزل‌لیک‌لری یئرینده گؤرمه‌نیز دیله‌گی ایله سیزلری تورکیه‌یه کاپادوکیایا گؤزله‌ییریک.
