آذربایجان-ارمنستان جبهه خطینده چاتیشمالار داوام ائدیر.
آذربایجان ساوونما باخانلیغیندان وئریلن آچیقلامادا بو بیلگیله یئر وئریلدی: "دؤیوشلرده ارمنیلره مخصوص ۶تانک، ۱۵ دولایینداتوپچو قورغوسو و محکملندیریلمیش موهندیس قورغولاری محو ائدیلیب، او جمله‌دن یوزدن چوخ حربی قوللوق‌چوسو اؤلوب و یارالانیب. دوشمنله دؤیوشلرده سلاح‌لی قوه‌لریمیزین ۱۲ حربی قوللوق‌چوسو شهید اولوب. ارمنی مؤقعلرینه هاوا ضربه‌لری زامانی عملیاتا جلب اولونان ۱ ام آی-۲۴هلیکوپتری دوشمن طرفین‌دن وورولوب و ۱تانک مین پارتلاییشی زامانی سیرادان چیخیب. مدافعه ناظرلیینین رهبرلیگی دوشمنله دؤیوشلرده شهید اولان حربی قوللوق‌چولارین یاخینلارینا و عائله‌لرینه درین حوزونله باشساغ‌لیغی وئریر و صبر دیلییر. مدافعه ناظری دؤیوشلرده ایشتیراک ائد‌ن شخصی هیاتین دؤیوش قابیلیتینی، حربی تجروبه‌سینی و دؤیوش روحونو یوکسک قیمتلندیریب. مدافعه ناظرلیگی بیلدیریر کی، آتیشکس رژیمی حاقین‌دا آنلاشمانین ارمنیستان طرفین‌دن پوزولماسی تکرارا باش وئررسه دوشمنه وورولاجاق ضربه‌لر داها آغیر و سارسیدیجی اولاجاق‌دیر".
بو آرادا جمهورباشقانی اردوغان ایلهام علی‌یئوی آرایاراق شهیدلردن دولایی باش ساغلیغی دیله‌دی. اردوغان: "چوخ تأسف کی، نئچه ایللر عرضین‌ده داغ‌لیق قاراباغ بؤلگه‌سین‌ده‌کی موناقیشه‌یه مینسک قروپو ائش باشقانلاری لاقید یاناشدیغی اوچون بیز بو منظره ایله قارشی قارشییا قالدیق. اگر مینسک قروپونا ائش باشقانلیق ائد‌نلر عدالت‌لی، قرارلی بیر شکیل‌ده نتیجه حاصیل ائد‌ن آددیملار آتسایدیلار، بئله حادثه‌لر باش وئرمزدی" دئدی.
