ای عمو من بیر غزالم قالمیشام صیّاد اَلینده
قویما بو یالقیز جوانی مین نفر جلّا اَلینده
ای عمو من بیر غزالم قالمیشام صیّاد اَلینده
قویما بو یالقیز جوانی مین نفر جلّا اَلینده
ای عموی گُلعُذاریم قالمیوب صبر و قراریم
کیم گوروب ای شهریاریم قان حنا داماد اَلینده
مکتب عشق ایچره مین ایل ایتمیشم اوّلده تحصیل
درس عشقیم اولدی کامل با وفا استاد اَلینده
آتش دل بیرطرفده، دلده نسگل بیر طرفده
قانلو قاتل بیر طرفده خنجر فولاد اَلینده
گلمه سَن گر باشیم اوسته اشکیم آرتار قاشیم اوسته
اُللم اوز گوز یاشیم اوسته ناله و فریاد اَلینده
مرغ دل قالدی هوسدن آز قالور اوچسون قفسدن
قاسمون دوشدی نفسدن فرقه ی بیداد اَلینده
گَل نظر قیل من اسیره رحم ایدن یوخ دستگیره
بیرجه باخ شمشیر و تیره قوم بد بنیاد اَلینده
ای قرار و طاقت دل، اولدی دل مقصودی حاصل
قاتلیم دورموش مقابل قالمیشام جلّاد اَلینده
کیم گوروب آخِر بو حالی اوچی سیراب اُوو یارالی
گور گوزومده اشک آلی رحمسیز صیّاد اَلینده
خسته دل ایلر خیالون آختارار زیبا جمالون
قویما اوز افسرده حالون خاطر ناشاد اَلینده
آتش دل بیر طرف غش خاک غربت آه دلکش
تک قالوب بیر جان بو آتش آب و خاک و باد اَلینده
«صافیا» یوخدور پناهین بیل بغیشلَلّر گناهین
حشرده هر رو سیاهین اولسا بو افراد اَلینده
