آراز-آراز قان آراز/ سولطان آراز خان آراز

سنی گؤروم یاناسان/ بیل دردیمی، قان آراز

.......

آراز اوسته، بوز اوسته/ کباب یانار کؤز اوسته

قوی منی اؤلدورسونلر/ دانیشدیغیم سؤز اوسته

.......

آرازی آییردیلار/ قومونان دویوردولار

 من سندن آیریلمازدیم / ظولمینان آییردیلار

.......

آخیتدین گؤزوم یاشین/ گؤروم قوروسون داشین

سنی گؤروم یاناسان/ بس نئیله‌دین یولداشین؟

.......

سن دئییردین کی هئچ واقت،/ قارا بالیق یاتمادی،

گئدیب، یولداش آختاردی،/ ساققالاردان قورخمادی

.......

من عاشیق دان بانیدی/ سحرین دان بانیدی

ایچمه آرازین سویون/ صمدین آل قانیدی

.......

آراز، سندن کیم کئچدی؟/ کیم غرق اولدو، کیم کئچدی؟

صمدی سن بوغمازدین،/ سؤیله باغرین کیم دئشدی؟

.......

آرازام, باتمام قوما،/ او گلمیشدی قوینوما،

آرخادان دوشمن ووروب،/ قانین ییخدی بوینوما.

.......

صمد قاریشدی ائلینه/ درمان آختاردی دردینه

آندیریردی سنه، منه/ ظالیملرله وار ایشیمیز.

.......

ائل یولوندا گئتدی صمد/ جانین فدا ائتدی صمد

آرزیسینا یئتدی صمد/ آچیلدی باغلی قولوموز.

.......

عزا گونو دؤیوش مارشین چالیریق/ ظولم ائدنین یوواسینی تالیریق

قوچاقلار قانینا قانلار آلیریق/ کاش گؤره‌یدی بو گونلری گؤزلرین.

.......

اولکه لره نور ساچیری گونشدن آرتیق/ ائللر سنی سئویر یولداشدان آرتیق

سن بیزه عزیزسن قارداشدان آرتیق/ سؤز قوشدوم آدینا صمد بهرنگی

.......

داها آراز اوسته گمی گلمه‌دی،/

آی اوشاقلار صمد عمی گلمه‌دی

.......

آرازین آرام یئری/ سیزیلدار یارام یئری

هر محنته دؤزه رم/ کسیلیب چارام یئری

.......

نارینجا باخ نارینجا/ ساخلارام سارالینجا

اوقدیر اؤلمویئیدم/ آرزوم یئرین آلینجا

.......

آرازام کوره بندم/ بولبولم گوله بندم

دیندیرمه یین غملی یم/ بیر شیرین دیله بندم

.......

دو گل گئداق داش بولاغا/ سولاری سرخوش بولاغا

بیرینی سن دئی بیرین من/ توکاخ قان گؤز یاش بولاغا

.......

سبلاندا بوز باغلار/ دوره سی یارپوز باغلار

گون او گون اولا قارداش/ شاعر سنه سؤز باغلار

.......

آراز آراز خان آراز/ سلطان آراز خان آراز

چای - بولاغون قوروسون/ منیم تکین یان آراز

.......

هر آخان آراز اولماز/ یاوا سوز آواز اولماز

ائله بئل باغلییانین/ یای یازی آیاز اولماز

.......

آراز کیمی آخئرام / یاندئرئرام یاخئرام
گوزل لرده گوزوم وار/ حسرت ایله باخئرام