کئندین یوخاری ده آرخ ایشلمه سی شکیللری
بو بیر ایشدی کی هر ایل ده ایکی سری تکرار اولور
و آبیاری فقط تمامی اکینچیلردن پول آلیر بدون اینکه
 اکینچیلره بیر ایش گوره لر دئمه لی دی کی 40 کیلومتر
آرخ ایشتریخ تا سو کئنده کئله و اونون بهره سینین یاریسین آبیاریه وئریق.

گئندین دورد دئنه گورپوسو کئندین بیرلیکینن تیکیلر
 بو بابتدن گئنین اهالیسینن از جمله بخشدار محترم چاربوشدان آغای ستاریدن تقدیر و تشکر اولور.
اومودوموز بودو کی آغای بخشدار مرحمت ائلیه کئندین هر مجیدین قاباغینا بیر بویوک سطل آشغال قویا تا مراسیم نن سورا آت اشغال ائشیه توکیلمیه.متاسفانه شورالار فکر ائلیللر گئند آغ سققللری اولارین نوکرلری دیلئر اونا گوره هئچ بیری گورپو تیکیلنده ال آتمادیلار فقط دئستور وئردیلر.


آرتیرمالیق کی شورالار و دهیاریمیز بو ایکی ایلین ایچینده کئندین چوخ ایشلیبلر از جمله کئندین نوسازیسینن بئش دنه گورپو تیکمغینن آشغاللاری کئدن ائشیه آپارماخدان و غیره بولارین ایشلرینن دی.

یازان : جعفر احمدیه
 





نشر شان آی
شناسنامه کتاب:
نام کتاب: باکریلر
نویسنده: جعفر احمدیه
نوبت چاپ : اول -1390
شابک: 7-0-92729-600-978
کلیه حقوق مادی و معنوی این کتاب متعلق به مولف می باشد
آدرس: اورمیه خیابان امام پاساژ ارک طبق بالا پلاک 61
تلفن 2243769-0441



فهرست
مهدی امینی 5
آقا مهدی باکری 6
اوزلرینی دانان لار 7
باکری لر 10
باکری ئولکه سی امامینی سئوندی 11
باکرلر دیاری 15
باکری وار 17
بحرین 19
بو عاشورا گونودور 21
حریم 24
حسین لر شهادتی 26
حق 27
حمید باکری 29
حمید دن من دئسم 31
حمید قارداش 33
خاطره لر ساخلانیب 34
سن شهید باکری ....................................37
شهید لر دییردی باکری لر 39
عاشورا دییری 41
فاطمه خاتون 43
فاطمه عملرین 45
قیرخ نه دیر 47
کیم دیر بو حسین 50
گوزلمک (انتظار) 52
انتظار مهدی اوچون 54
مهدی سئویللر 56
مهدی نئچه ایگیدیر 58
مهدی ووراجاق 60
مهدی نن مهدی یه ساری 62
مهدی امینی
آناسی حورمتلی چوخ سایغی لی دی
یوخسوللار دردینی یاخشی تانیر دی
اورمیه ئولکه سی اونی تانیردی
دارلک ده بیر قانلی دویوش سالیندی
کمینده مهدی نن چوخلاری قالدی



آقا مهدی (باکری)
سئویملی حیاتین ایندی واریندی
تانری نان اولماقین ایندی واریندی
راحات لیق کونولده ایندی واریندی
گوزللیک محشر ده ایندی واریندی
قالانلار نیسگلی هردن گورسه نیر
کونولده سیخینتی هردن بیلله نیر
کنایه سوزلردن بعضا" دیلله نیر
قوی دئسین دئینلر حق گوزلله نیر
بویوک بیریئریشی گورن اولوبسان
کیملیکین باغینا سو باغلادیب سان
کیملیکی هر کیمسه ساخلادیر گئدیر
گوزللر باغین نان اوزولوب گئد میر
قالاجاق اوکیمسه وارلیق ایچینده
وارلیقلار بیلله در اونی اوزونده
تانرینین رحمتی آقا مهدی یه
مهدی لر یوللاری پارلاق دی بیزه

اوزلرینی دانانلار
اوزلرینی دانان لار آلچاقلیقا دوشوب لر
آلچاقلیقی گورمویوب اوندا وارلیق دئیب لر
اوزگه لرین اوجاقین آلچاق اولان یاندیریر
اوزلرینی بوراخیب اوزگه دیلین بارلادیر
آلچاق اولان کیمسه لر دیللرینی تانیمیر
آزاده لیق بویاقین وارلیقلارینا یاخمیر
آلچاق اولان چالیشقان اوزگه یوکون آپاریر
اوزونی کورپی ائدیب اوزگه لره یول آچیر
ظالیم لر سلطه سینی، آلچاق لارینان سالیر
آلچاق لاری آلدادیر اوستونه کورپی سالیر
بوکه کولتور پایلارین الیمیزدن آلیرلار
بو که وارلیق بناسین ئولکه میزدن قیریرلار
بو که شرف بناسین آرامیزدان سیلیر لر
بو که دیلین قایداسین یازقی لاردان یویورلار
بو که بیزی خیردالدیب ائل آدیندا دئییر لر
بو که ملت پایلارین الیمیزه وئرمیر لر
بونلار هاممی ظولمدی ظالیم روا قیلیب دی
ظالیم گوجلی اولانماز ملت اوزی سینیب دی
اونلار بیزدن گوجلرین آرتیم لارا سالیب لار
اونلار بیزیم وارلیقی اوزلرینه توتوب لار
بیزدن آلچاق اولانلار اونلارا یاردیم ائدیب
یوک لرینی اونلارین آلیب دالینا گئدیب
بیزدن آلچاق اولانلار بویاقلارین گوتوروب
اوز دیلینی بوراخیب اونلاردان دیل بورج آلیب
بیزدن آلچاق اولانلار اونلارینان بویویوب
اونلارینان قوزانیب اونلارینان چورویوب
بیزدن آلچاق اولانلار کولتورلرین یاندیریر
بوداق لارین وارلیقین کوک لرین نن قیردیریر
بیزدن آلچاق اولانلار خیانتی سالیرلار
بو مللتین وارلیقین اللرین نن آلیر لار
بیزدن آلچاق اولانلار دایانیشدا اولمازلار
دایانیشا تعصب بیر آزجا دا سالمازلار
بیزدن آلچاق اولانلار بیزلری سیندیریرلار
اوستونی اوزگه لرده بیزلره آختاریرلار
بیزدن آلچاق اولانلار آییری دیلی توتورلار
آییری دیلده یازقی نی اوزلری بارلادیرلار
بیزدن آلچاق اولانلار نئجه ظالیم بویودیر
ایلک اوزون سیندیریر سونرا نسلین قیردیریر

باکری لر
اورمیه بسله دیب بیزده وارلیقی
کیملیک باغلارین نان آللیک شانلیکی
عسگرخان توپراقی رایحه وئریر
قایت گل سوزلرین آیدین بیلدیریر
عزتی شهید لر اوزلوکه سالیب
اوزلوکون قاجلاری تالان سالدیریب
شهید لر قالان دیر حیاتا دایاق
بیزلرین حیاتی اونلاردان اویاق
داریخما که اوزون وارلیق تانیر سان
باشچی لار وارلیقین یاخشی قانیر سان
منیم ده اویودوم اوزلوکه اولار
اوزلوکده کیم قالار افتخار توتار
باکری اعتقاد یولون توتوب دی
باکری جانین نان مایا قویوب دی
باکری وار یوخون اینام ائدیب دی
باکری ایمانا گئییم سالیب دی
قالان لار دئسین لر نه لر ائدیب لر
عدالت مولکونده نمنه دئیب لر

باکری لر ئولکه سی امامینی سئوندی
کیملیکینی ساخلادیر اوزلوکونی بارلادیر
باکری لر ئولکه سی وارلیقینی پارلادیر
بیرلیکین یوللاریندا ارنلر توپلاشیرلار
دوشونجه لرباغیندا بیرلیکی ساخلادیرلار
باکری لر وارلیقی ئولکه نی پارلاقدیریر
کرامتی اوزلوکدن ئولکه میزده ساخلادیر
یوللاری پارلاق اولان آلچاق اوجا گورندی
شیطانلارین حققاسین کولتورونده بیلندی
زوری الینه سالان اوز یولونی دئیندی
حکومت ده امامی اوزی اوچون چکندی
چکیر حکومت اونی اما امام باغلانمیر
کیملیکینی ساخلادیب عدالتی ساخلادیر
حکومتین ایستکین امام اوزی بیلیری
وارلیق یولوندا امام عدالتی سئویری
امام عدالت دئیر کولتور عدالتینی
مللتیمیز قاتیشیر سئویر حکومتینی
ملت عدالتینده امامینا باغلانیر
محبتی امامین کونوللرده قالانیر
امام اوباسی بللی قاپی لاری آچیق دی
امامین پارلاق یولی مللتینه تانیق دی
ملت اوزی کولتورون امامینان آرتیریر
ملت دوشونجه سین نن سلطه چی لرداشلانیر
باکری لر ئولکه سی امامینی سئوندی
اماملارین تانییان شیطاننان ال چکندی
امام عدالتینده کولتوروموز بارلانار
کولتور لرین کاساسی آنا دیلی ساخلانار
اوزلوکونی ساخلادان عدالتدن قیریلماز
اوزلوکونن آیریلان عدالتی تانیماز
من عرف نفسنی عدالتین یولودی
اوزلوکی ساخلاماقلیق کرامتین بیری دی
کرامتدن آیریلان نئجه عدالت بیلر
شیطان مگر عدالت یوللارینی بیلدیرر
کولتور عدالتینی امام بیزه دئیندی
باکری لر ئولکه سی عدالتی سئوندی
باکری وارلیقینی حق یولوندا وئریبدی
ایلک اوزون تانییب سونرا تانری دئیب دی
سئوگی یولوندا سئویل تانریسینا سالاندی
تانری وئرن پایلاردان شهادتی آلاندی
شهادته چاتانلار دئریلیگی پایلارلار
سویلارین وارلیقلارین کرامتده ساخلار لار
وارلیق یولی کرامت شهید لرینن آلار
شهید لرین وارلیقی کرامتی پارلادار
کورپه لر اوزلوک لرین ایلک تانیسین
سونرا عدالت یولون شیطانلاردان آیرسین
کولتور وارلیقین عدالتده ساخلاسین
وارلیقینین یولوندا آل قانینی پایلاسین
قان دئریلیک وئرندی کربلا بیلله دیبدی
شیعه نین وارلیقلارین قانلاری گورسه دیبدی
زامان شافاق چاغیندا ایلک عدالت یازیر
سونرا نوحین وارلیقی عدالتی ساخلادیر
نوحون اولاد لارینان سویلاریمیز قالاندی
بیلیم کولگه لرینده کولتورون ساخلادان دی
آنا دیلی وارلیقی اصالتده اولاندی
اصالتی ساخلییان آتانی ساخلاداندی
زامان داواملیقیندا عدالته باغلانار
عدالتین یولوندا اماملارین تانیدار
کیمسه سینسا شیطانا جهنمه یوللانار
جهنمین یولوندا طاغوت لار دا بارلانار
طاغوت لاردان آیریلان امامینی تانییار
اوزلوکونی ساخلادان حققین یولوندا اولار
***


باکری لر دیاری
باکری لر دیاری آنا ئولکه اولاندی
وارلیقیندا تعصب سویلارینا سالاندی
تعصب لار یولونی بیر بیرینه آچاندی
وارلیق لاری قالماقا تعصب ساخلاداندی
ساخلانیلسین تعصب قاجلارین حققاسین نان
بارلی اولسون باخچالار کولتورلرین وارین نان
کافری باشدان آچماق سوزوموزده آخایدی
سوی وارین نان وارلیقی سیلماق یولی اولایدی
کافرین گیزلین اوزی آیدینلیقا چیخایدی
شافاقلارین ایشیقی کولتورلره آخایدی
هجرت بیزیم کولتوره وارلیقینی سالایدی
کافرلردن آیریلماق، سویلاریمیز توتایدی
کافر لرین سیلماقی، سویوموزدان چیخایدی
تانری وئرمیش وارلیقلار، واریمیزدا اولایدی
سویلار سینسا کافره تانریدان آیریلیللار
تانریدا آیریلان لار کافر لیقی توتورلار
کافر لرین پایلارین تانری الین نن آلار
پایلارینین قدرینی بیلن پایین آرتیرار
سویلاریمیز کولتورون باکری لر ساخلادار
باکری لر قانلاری حق یوللاریندا آخار
ئولچونی اسکیک توتان اسکیک لیقدا قالاجاق
فرعون لار یولون گئدان دنیزده بوغولاجاق
بویاق بیزه سالدیران نقشه لری اوخونسون
آغ قیریمی سالدیران قیرمیزی قیریم توتسون
سویلارین وارلیقلاری اینام وئرر اونلارا
اینام توتان سویلارین، یولی گئدر تانریا
باکری لردن اویود سویلاریمیز آلاجاق
آزادلیقین بایراقین ئولکه میزه ووراجاق
دار قفس لر ایچین نن کولتوروموز چیخاجاق
وارلیقلارین بو کولتور، دالغالارا سالاجاق
***





باکری لر وار
نه بیلیم گوزل ندیر، ایستک ندیر، فایدا ندیر
خلق اوچون تاریخ ندیر، سوز ندیر، کتاب ندیر
آغری لار امت دن قامت بوکدیریر
سینیق قامتده ایش ندیر ایشچی ندیر
ایستییللر یاناقین باخچالاری چیچک سالا
آمما بو چیچک لرین بوداقیندا تیکان ندیر
نه بیلیم کونول دولی اودلا اولان کیمسه ندیر
آلاو یوخ اودلار اوستون توپراق آلیب حکمت ندیر
آلخا بولخا اولانا اوزلوکون آنلامی ندیر
جومماقین دنیزلره فایدالاری بیزه ندیر
بیلمیرم ارن کیمدیر سوی لارا آرخامیز ندیر
هاممی یول ایتگینی دیر بیرلیکه چاره میز ندیر
بیری اوزون دانیری قاباقجیلا تئز ال تاپا
بیری کوکون دانیری اولا که شاخصیت تاپا!
او بیری کورپه یه آیریلیق وئریر ایزین توتا
بو طرفدن قیرمیزی آلاو سالیر وارلیق یانا
آی بالا اود لاییر سان بو وارلیقی، اوزون گوله!
او که اوز ارین یادا ساتدی اونی قاج اولدوردی
او که اوزلوکون داندی قاج اونا آرخا اولمادی
بو ایزلرین ایشیقی عالمده مشعل دیر بوگون
او فلسطین قادینی صهیونا نشتردی بوگون
اوزلوکون اگر آتیب صهیونی توتسایدی بالا
ندن اوز اوبالاسینی یوللادی دا قانا باتا
یاشایش قان ایستیری یوخ که اولا جاندا قالا
لاله رنگینده اولا پارچالانمیش باشدان آخا
بو داریشلیق قفسی سیندیریب کن سویا سالا
گئنیشلی حیصه اولا بویوک دنیز له قووشا
بورادا قاباقجادان باکری لر یول صافلادیب
قانداکی گوزل آلی جوشلانان دنیزه سالیب
بودنیز درین دنیز ناققالارا اوبا دنیز
دالغالی جوشغون دنیز بیر یئرده قالمئیان دنیز
بونون آرام اولماسی اولار داها که اولمویا
وارلیقین دار قفسی پاتلایب کن دا قالمئیا
نه قدر دنیز که وار، دالغاسی وار باکری وار
یا کی ایتگینلره یول، گوسترمه وار باکری وار
***

بحرین
ایندی دنیز اولوبان وارلیقیندا دالغا وار
سلطه لرین کولگه سی وارلیق سنده کورلادار
سلطه لرین کولگه سی قویماز بیتن لر چیخا
قالخان لارین وارلیقین ساخلار گونش توتمویا
آمما آخان قانلارین سلطه کوکونه چاتیر
سلطه لرین کوک لرین توپراق آلتدا کورلادیر
بحرین لی سینمادین سن اوزلوکویون ساخلادین
سلطه دیلین بوراخیب وارلیق دیلین وارلادین
اوزگه لرین بویاقین سیلیب اوزلوک پارلادین
سینیق قامت بوراخیب ایاق اوسته قالخیب سان
ایاق اوسته دورماقدا سن وارلیقی توتوب سان
سلطه ایستیر سیندیرا اوز بویاقین یاخدیرا
ملی وارلیقی سن نن، آییری سالیب قوپادا
آمما سن دا قالخیب سان ارنلرین قان وئریر
ارنلرین قانلاری وارلیق لارین ائینه دیر
ئولن دا اولماسان سن گونده لیک ئولوموینن
داها آلچاق قالماسان حیات اسکیک لیقی نن
داها قورخان دگیل سن اینجیک لردن قاچاسان
داها سینان دگیل سن یاشاملارا سینا سان
او چاغدا که قان آخیر آزادلیقی آلدیریر
اوچاغدا که قان اخیر وارلیق لاری ساخلادیر
او چاغدا که قان آخیر حق وارلیقین بیلله دیر
داها قورخو قورتولوب قاج اللری باغلانیب
قورخو اولان چاغلارا قاج لار واری توولانیب
سنین گوجون تانریدان یئرین بهشت اولاندی
آزادلیقا چالیشان بهشت لرده قالاندی
ایگید لرین اونودمور اونلار شهید اولوب دی
شهید لرین وارلیقین تانری اوزی آلیب دی
شهادتی سن تاپدین وارلیق لارا چاتان سان
شهید لرین یولوندا باشی اوجا قالان سان
شهید لرین قانلارین هر چاغدا ساخلادان سان
شهید کرامت وئریر ملی وارلیق باغینا
شهید آزادلیق دئییر ملی کولتور وارینا
شهید سئوگی سالدیریر آزادلیق آلماق لیقا
شهید ایشیق سالدیریر کیملیک لرین وارینا
***
بو عاشورا گونی دیر
گیزلینی آیدین ائدیر نقاب لاری سالیری
یزیدلری تانیدیر صداقتی ساخلیری
باشچی لاری، آزاد لیق، انسانلارا دئییری
مومن لره، باشچی نی گورسه دیری
یزید لرین وارلیقین، هاممیا بیلله دیری
ساخلاماقا وارلیقی، شهادتی دئییری
شرافتی دویوشده اوردولارا وئریری
دویشی باشلاماقدا، قاجلارین گورسه دیری
سلطه چی لر سیندیر ماقا یول سالیر
خیمه لره سو یولونی باغلادیر
آغرینی سالدیرانلار هربیریولوینان سالیر
توده لرین کولتورون اوزلرینه یاندیریر
یزید سلطه سالماقا سو یوللارین باغلادیر
خیرداجا کورپه لرین رمق لرین آلدیریر
ایندی رمق آلماقا دیل یولونی باغلیر لار
اوزلرینه چاتماقا بللی آخیم سالیر لار
سویلارا سلطه سالان بویوروقون سالدیریر
سویلاری آلدادماقا بویاقلارین یاخدیریر
اوردولارین گوزلری هاممی حسینه باخیر
حسینده سئوگی وارین، ایندی ده تاریخ تانیر
سئوگی لری حسینین، یولونی بیلله دیب دی
شهیدلرین حیاتی وارلیقی گورسه دیب دی
حسین دویوشی دئمیر قاج دویوشی باشلادیر
حقیقتین وارلیقین بوردا حسین خوشلادیر
بوعاشورا یازقی سی قانینان امضائ اولور
کرامتین آخیمی آخار قانینان دولور
شثیطانلارین وارلیقی ایستیر آخیم کورلادا
آخیم لارین اولماسین جبر ایشینه باغلادا
بوردا زینب نداسی گونش کیمی پارلانیر
گونش لرین ساچینان شیطان الی باغلانیر
زامانلارین آخیمی دوشونجه نی پاسلادیر
طاغوت لارین وارلیقی گئنه سلطه سالدیریر
عدالتین شهیدی ئولچولرین دئیب دی
عدالت ده کرامت سویلار اوچون بیلیب دی
کولتور عدالت لری لاپ اونملی اولوب دی
سویلار دیلین باغلادان عدالت یاندیریب دی
ایندی بو چاغلارین دا عاشوراسی بللی دی
کل ارض کربلا مومن لره سسلی دی
***


حریم
وارلیقلارین ئولچوسی یارانیشدا یازیلیب
وارلیقلاری ساخلاماق یاشاملارا سالینیب
حیوانلار عالمینده ئولچولری بللی دیر
ئولچولرین سینیری حریم لره آدلی دیر
حیوانلار اوز حریمین اوزگه سینه بیلله دیر
حریمی ساخلاماقلیق تهلکه نی دیلله دیر
حیوان حیوانلیقیندا حریم لره اینانیر
حریمی قالماقینا قانلی دویوش یارانیر
گوجسیز اولان حیوانلار اوزلرینی دانمیری
حریمی ساخلاماق لیق سوداسینی آتمیری
دائم خریطه سالیر نئجه اونی ساخلاسین
اوزگه لرین وارلیقین حریمینده کورلاسین
دوشونجه ساحه سینده حریم اونملی زاددیر
دوشونجه لر پایاسی لاپ دا اصیل مواد دیر
بیر حیاتین ایچینه فتنه سالان تانینار
فتنه نی یاتید ماقا وارلیقلاری اودلانار
انسانلارین وارلیقی دوشونجه ینن قالاندی
دوشونجه نی کورلادان فتنه لری سالاندی
ویروس لاری سالدیران دوشونجه یه اولاندی
ویروس لاری تانیماق ایلک آددیم قالاندی
سلطه لرین وارلیقی ویروس آخیم لاری دی
سلطه لری پاک لاماق آخیمین کورلاماقدی
دیل باغینا سلطه لر کولگه لرین سالماسین
آنا دیلی سویلاردان ویروس لارا قالماسین
آنا دیلین حریمی ازل گوندن یازیلیب
حریمینی یاندیران اوزونه آلاو آچیب
انسانلارین حریمین شهیدلری ساخلادار
سلطه لرین وارلیقی شهید لری اونودار
یاشاملارا حیاتی شهید قانی پایلادار
شهید دئری قالاندی تانریدان ایلغار آلار
***


حسین لر شهادتی
وارلیق دی سالیر دالغاسین سسه
سس دی قوزانیر حق دن نفسه
عدالت هر گون تئزه یول سالیر
عدالت اوچون حسین تانینیر
حکومت بو چاغدا آلدانیش وئریر
ملتدن کولتوری آپاریر سیلیر
ملت تانیمادی حق امامینی
ملت توتمادی تانرینین کلامینی
حیاتا سیندیلار یزید آللاد دی
یزیدیلره اوزلرین پیس قاتدی
حسین لر شهادت یوللارین آچدی
دئیریلیک وارینی شهید لر تاپدی
کولتورده آلدانیش سالان سلطه لر
دوشونجه باغلارین پوزان سلطه لر
کیملیکه بویاقی یاخان اولور لار
عدالتی اونلار بویاق لادیر لار
***

حق
فیکیر نن تفاهم سوزه باغلانیر
سوزلرین ارکانین فیکیر ساخلادیر
حق سوزی عدالت گوزللیک اولور
یاشاما، اعتبار عدالت وئریر
روحدان باغلی لیق حقه باغلانیر
حقوقی نظام لار حقدن بارلانیر
اجرائی ضمانت حققی ساخلادیر
اختیار فایداسین صاحابی آلیر
گورسه نیر ایندی دا اختیار یوخدی
سویوموز دیلینده یازماقی یوخدی
ظالیملر بوحقی بیزلردن الیر
نظامی حقوق لار بیزدن حق دانیر
گورسه دیر شیطانلار حققی باغلادیر
تانری نین آدینان سویو آلدادیر
سویوموز شیطانا ندن باغلانیر
سوزلوکدن حق وارین سویوموز دانیر!!
تانریا بنده لر حققی تانیسین
اوزلرین احده محکم باغلاسین
شیطانا دانماسین وارلیقین پوزا
شیطانی دانلاسین اوزلوکون توتا
شیطانینان تانری بیر یئرده اولماز
شیطانا سینان لار تانری نی توتماز
حققی نن تکلیفه یوللار سالینیب
تکلیف دن حقلرین واری ساخلانیب
بورجی وار بیزلره ایندی سلطه نین
بورجونی وئرماقلیق اونادی بیلین
بورجلی بورجونی وئرمالی اولار
سویوموز یازقی سین گئنه باشلادار
***


حمید باکری
تلفن خانا کوچه سی بیر خاطره ساخلادیب
کونوللرین بوخچاسین بیر باش بورا باغلادیب
یاد دان چیخان اولانماز بوردا یارالی گوردوم
جبهه لردن گلمیشدی نئجه وفالی گوردوم
حمید یارالی اولوب گلیب ساغالماق دایدی
اوشاقلارین عیالین، تئزه بیر گورماقدایدی
کیم بیلیردی بو گوروش سون گوروشی اولاجاق
بوردان گئدن بو ایگید داها دا گلمئیاجاق
دامجی دنیز ایچینده دنیزینن آدلانیر
هر دامجی بیر دنیز دیر دنیزینن ساخلانیر
شهادتین دنیزی دامجی لاری ساخلادیر
شهید لرین سروری حقیقتی پارلادیر
سویلارین وارلیقیندا شهید پارلاق اولاندی
آزادلیقین حیاتین شهیدلر ساخلاداندی
باکری لر وارلیقا دایاق لیقین سالیب لار
من عرف نفسنی، یوللاریندا قالیب لار
کیمسه اوزون تانیسا حقیقتی تانییار
حقیقتی تانییان، اوزلوکونی بارلادار
حمید آنا دیلینده حورمتی بسله دیر دی
عدالته یاردیمین جبهه ده سس له دیر دی
***


حمید دن من دئسم
فیکیرلی ایگید لر جوشا گلدیلر
قاجی ازمگه قوشا گلدیلر
ایکی پهلوان وارلیق دئدیلر
سویلار اوردوسوندا باشا گلدیلر
فیکیر ده سینمئیان اعتقاد لی لار
دنیانی آتیب بهشت تاپدیلار
ئولکه میز آننی ناچیراق یاپدیلار
سویدا عزیز لیک بئله آلدیلار
حمید دن من دئسم مهدی دن
سن دی ارنلر وارلارین نان دی
سلطه لر سالماقا اوردو چکن وار
سینیر لار سیندیریب سلطه سالان وار
شیطانین لار اویونون بورا سالان وار
سویوموز حورمتین بوردا پوزان وار
خائن لر ئولکه ده چیراق وئر مه سین
اوزلرین شیطانا شیرین دئمه سین
اسلامین گوجلری عدالت دئسین
ایگید لر توپلانیب گوجون بلله سین
سئللر قاباقی ساخلانماز اولار
سویلار اوردوسی دایانماز اولار
قاجلاری سیندیریب دالی آپارار
سویلارین وارلیقین قاجلاردان آلار
اوستون اولماقا قان بویاقلاناق
ایگیدلر قانینان آخیم لار سالاق
سویوموز حمید لر مهدی لر وئر سین
هر چاغدا تانریا بنده لیک دئسین
***


حمید قارداش
سلام من به خیبر
که پر داد به برادر
جدائی ها بیفتاد میان دو برادر
خیبر و بدر پل شدند، بهشتی ها رد شدند
حمید و مهدی هر دو به پیش حیدر شدند
***
حمید قارداش نه اولدی دونیا سنه دار اولدی
رضوان باغینی گوردون بورا قارانلیق اولدی
حمید قارداش نه اولدی آیریلماقا سئویندین
سن آیریلیب اوچماقدا بیزدن قابیاقدا گئد دین
***

خاطره لر ساخلانیب
عدالت ایسته ماق قانیمیزدا اولاندی
عدالتی دادماق مایالارین قویاندی
بیر چاغدا بو عدالت تهلکه یه قالمیشدی
ملت قاجی اوردوسون باسقین لیقا قویموشدی
سلطه چی لر تالانا خریطه لر چکمیشدی
تالان اوچون سیندیرماق یوللارینی گلمیشدی
ملت دایانماق ایستیر ارنلری توپلاشیر
حیات لارین باغلاری سویوموز دا وارلاشیر
حیات لارین باغلاری قالماقینا سو ایستیر
شهیدلر اوز قانینان سویو حیاتا وئریر
ایندیکی بو دئیریلیک شهید لره باغلانیب
حیاتیمیز وارلیقی شهید لردن دادلانیب
باکری لر وارلیقی حیاتا وارلیق آلیب
باکری لر یوللاری بورادان دی پارلالنیب
***

ایگیدلر اوردوسون نان خاطره لر ساخلانی
خاطره لر باغلاری ایندی داها آدلانیب
بیر گون سویداشلارینان سوز بیر اولدوک یاردیما
اوزاق یوللاردان گئچیب بیز قاتیشدیک اوردویا
اهوازی ایستک ائدیب اوردا یولی باشلادیک
گئدیب اورایا چاتیب اوردوگاهین خوشلادیک
شهادتی سئونلر اوردوگاهیندا قالدیک
چوخلی او چاغدان گئچیب ایندی سوزون خوشلادیک
ایش بئله گتیریب دی گئچنلری ساخلییاک
وارلیق اوچاغدا قالار گئچمیشی بیز پارلاداک
عاشورا اوردوسوندا باکری لر واریدی
مهدی حمید رحمتلیک اوردا چالیشقانیدی
اونلارین سئوگی لری ارنلری چکیر دی
عاشورانین اوردوسی اونلارینان یاشیر دی
باکری لر گورماقا بیر گون یولی باشلادیک
ایستک لره چاتماقا چوخلی یئری دولاندیک
زیارت گلدی اله چوخ آختاران نان سونرا
کونول دینج اولدی ائله گوروش تاپان نان سونرا
اوردوگاهدا قالمیشدیک خریطه لر سالینا
چاتا یوروش چاغلاری اوردو یئریش سالدیرا
***
سن، شهید باکری
رحمت لیک، یاندیردین پارلاق چیراقی
رحمت لیک سالدیردین ایشیق وارلیقی
رحمت لیک، یازدیردین قانلا اوزلوکی
رحمت لیک، بیلدیردین دوزگون سوزلوکی
سویوموز تانیری سونمز ایشیق سان
سویوموز قانیری اونا دایاق سان
شوکورلر تانریا قیلماق ائدیریک
تانریدان کرامت وارا ایستیریک
کرامت اوزلوکون وارلیقلاری دیر
کرامت سوزلوکون قالماق لاری دیر
کرامت باکری آل قانلاری دیر
کرامت دایانیش وارلیق باری دیر
سینیلماز سویلاردا، کرامت اولار
سلطه یه سینان لار پوزقون لوق توتار
سلطه لر ایلک ده آلچاق لیق سالار
سیندیرماق یولوندا وارلیق یاندیرار
سویلارین دیللری، وارلیقلاری دیر
دیل باغی اونلارین کیملیک لری دیر
اوزلرین دانان لار سلطه یه سینار
سلطه یه سینان لار خیانت سالار
سن شهید باکری، سینیلماز اولدون
سلطه یه سینمادین وارلیقی قویدون
سن شهید باکری، شمع کیمی یاندین
وارلیقین ایشیقین سویا جالادین
سن شهید باکری، سوی دایاقی سان
کیملیکین، اوزلوکون ان پارلاقی سان
***

شهیدلر دئیری دی (باکری لر)
باخیرام من آییا یاری گورسه نیر
یاریسی پارلاقدان پارلاق بیلله نیر
یاریسی قارانلیق کدر دیلله نیر
وارلیقیم کدر ده هدر بلله نیر
باخیرام گونشه بولوت قاباقدا
یئل گلیر هر یاننان بولوت داغیدا
گونشین ساچلاری دوشسون اوبایا
ایشیقین وارلارین قاتسین وارلارا
نئچه ایل نئچه آی نئچه گون اولوب
سئویل لر یوللاری بئله اوزانیب
شهید لر دئیری دیر هارادا قالیب
تانری نین یانیندا شهید دایانیب
شهید لر آییق دیر سئچیر هر نه نی
حیاتدا یاتان چوخ بیلمیر حققانی
حیات لار قاجلاری گیزلین اولور لار
گیزلین جه ایز لرین یولون آچیر لار
سالیر لار بیزلری بللی ایزلره
بولانیق سولاردان بالیق بئله ده
باکری لر گورور بو آخیم لاری
هه له بیزده چوخ وار یوخی اولماقی
***
عاشورا دئییری
حق اودیر که حق سیز سویلاردان آلیر
فطری پایلاری نین یولون باغلادیر
عاشورا دئییری که حق تانین سین
پای سیز قالانا اونی تانید سین
میزان لار یولونا قوربانلیق ایستیر
شهید لر سروری قوربانلیق وئریر
عاشورا دئییری تکلیف بللی دیر
شهیدلر قانینان دئیریلیک وئریر
عاشورا ایستیری اصلاح لیق ائده
پیامبر امتی یانلیش گئد مئیه
عاشورا دویوش دیر منکرات اوچون
ظالیم لرکولگه سین داغیدماق اوچون
یاخشی یا بویوروق حرکت وئریر
پیس لردن آرامش وارین سیلدیریر
عاشورا بیلدیریر آزاده کیمدیر
دنیا یا آللانان منافق کیمدیر
عاشورا گورسه دیرفساد نمنه دیر
منافق فاسدی نئجه ائینه دیر
عاشورا بیلله دیر حکومت لره
عدالت اولماسا سوخولسون یئره
عاشورا بیلله دیر قان اوستون اولار
ظالیم لر وارلیقی داغیلمیش قالار
سویلارین کولتوری قیامدا اولسون
عاشورا اویودون دئیری ساخلاسین
***
فاطمه خاتون
دانیشیقین یوللارین نییه سالان اولمادی؟
آزادلیقین فایداسین نییه یازان اولمادی؟
عدالتین بایراقی نییه اسن اولمادی؟
حق آختاران کیمسه لر نییه اوزه چیخمادی؟
فاطمه نین فدکی نییه اوندا قالمادی؟
حسینین اوز طایفاسی نییه اوننان اولمادی
جهاد اکبر نییه مسلماندا قالمادی
عدالته اورتالیق ئولکه نییه سالمادی
کیمسه زوری چوخ اولدی آلدادمانی باشلادی
سوی لارین وارلیق لاری اللرینده قالمادی
دوشوندورن سویلاریوارلیقیندا اولمادی
یزیدی لر یوللارین نییه دوز یول توتمادی
هر کیم ده زور چوخ اولدی زور ساخلاما ایسته دی
مظلوملاری یاراددی ظولمی اوزی قوزادی
دوشونجه لر باغینا آلاو سالان چوخالدی
دوشوندورن باغلاری گوزلردن گیزلین سالدی
انسانلیقا خیانت طاغوت لارین یولی دی
طاغوت لاری سیندیران موسی نین دا اوزی دی
فرعون ایستیر موسی نین کوکون وارلیقدان قازا
فرعون ایستیر اوزونی وارلیق لارینان یازا
آمما مگر عدالت سئون تانری اولمویوب؟
مظلوملارین آرخاسی تانری مگر قالمویوب ؟
سویلارین کولتورلری طاغوت لاردان اودلانیر
فاطمه نین وارلیقی ندن آغری دا قالیر
دار باخیشلی اولانلار دانیشیقدان قاچار لار
دانیشیقدان قاچان لار سوز باغلارین بیچر لر
***

فاطمه غملرین
اوزادی که بوگون قولای بیلیر سن
ایلک دی همن دی اونی سئویر سن
شهادت یوللارین گئدن اولموشدون
شهادت قاپی سین آچیق قویموشدون
یانلیش یئریشنده اوزون گورسه دیب
سویون نان قیریلماق قولای بیلله نیب
اوزگه یه دایانان دایاق لیق توتماز
اوزگه لر بیز لره تعصب سالماز
شهادت آرزی سی سیزده واریدی
ایندی ده شهادت یولی آچیق دی
سلطه ده راضی لیق شهادت باغلار
عدالت یوللارین سلطه لر کورلار
شهادت سئونلر ابوذر گورسون
ربذه تک لیقین واریندا بیلسین
سیندیریر دایاقین تک لیقه سالیر
پیغمبر دوست لارین سلطه داغیدیر
قاجلارین سایلاری گوجلری هئچ دیر
عدالت یازقی سی سوزی بیلدیریر
کونولدن ایکی لیک اوزاق اولایدی
شاشغی لار اینامی آپارمئیایدی
ئولومون اوراقی بیچن اولاجاق
سلطه نین عوموری سونا چاتاجاق
فاطمه غملرین اوزی اوداجاق
بهشتین یولوندا پارلاق قالاجاق
***

قیرخ ندیر
هر یئر کربلا، هر گون ده عاشورا دی
هر گون ده عاشورا، دبیللی قیرخی واردی
قیرخ نه دیر تهلکه نی بیلدیریر؟
قیرخ نه دیر اوز وئرمه نی وئر دیریر؟
قیرخ ندیر دالغالاری گورسه دیر
قیرخ ندیر یولی بیر ده گئدمه دیر؟
قیرخ ندیر بیلدیریش اوز وئرمه یه؟
قیرخ ندیر پارلاق ایش گورسدمه یه؟
سلطه ایستیر اورتوگون گونش اوستونه سالا
گونش دئییر پارلاقی قارانلیقی داغیدا
سلطه ایستر یئریشین یوللارینی باغلادا
گونش ایستیر یئریشه خاطیره لی یول سالا
سلطه ایستر وارلیقی گونش دن اییری سالا
گونش ایستیر وارلیقی قارانلیقا تانیدا
سلطه ایستیر گونشه اوز سوزون ایناندیرا
گونش ایستیر حققینی وارلیقینان تانیدا
آغری گلیب چاتیب دی سلطه ظولمون سالدیریب
سینیقی حق اوستونه او باخیشیندا سالیب
آمما سینیق اوستون دی وارلیقینی بیلله دیر
ساخلاییر قیرخینی یوللارینی گورسه دیر
بیلدیریر قیرخ ندیر بئین لره سالدیریر
حیاتدا اوز وئرمه نی گئنه وارا بیلدیریر
قیرخ توتمانین ایچینده دالغالاری گورسه دیر
شهیدلرین دنیزین دالغا گئنه ترپه دیر
بیلدیریشی سالیر لار اوز وئرمه لر ساخلانا
ایشیق لاری ساچیر لار شکیل لری بلله نا
آنلاملارا دوشرگه بورالاردا سالینیر
دوشونوشون وارلیقی بئینلرده تاپیلیر
دوشرگه ده عقیده گلن لرده بارلانیر
سلطه سالان کولگه لر اوزون چکیر داغیلیر
اوستون سینیق گئنه ده توپلاشیری وار سالا
شهید لرین یوللارین پارلاق اولموش ساخلادا
اوستون سینیق گئنه ده اوستونلوگه چالیشیر
اوستونلوکده اولانلار بونلارینان توپلاشیر
دوزوم لرین باغیندا اوستون سینیق ساخلانیر
طاغوت لارین وارلاری زامان لاردا اودلانیر
اوستون سینیق کیملیکین ساخلادیری پارلادیر
تانری وئرمیش کیملیکدن حق پارلاقین قوزادیر
***


کیمدیر بوحسین
کیمدیر بو حسین پارلاقینی هاممی بیلیر
کیمدیر بو حسین شهادتین هاممی دئییر
کیم دیر بو حسین بولوتلاری قان یاغدیریر
کیمدیر بو حسین دویغو لاردا سئل آخیدیر
کیمدیر بو حسین سئوگی لره بویاق سالیر
کیمدیر بو حسین سئویللری مات ساخلادیر
کیم دیر بو حسین عالمه آنلام آنلادیر
کیم دیر بو حسین وارلیقی ساغلام ساخلادیر
کیم دیر بوحسین قارانلیقین اولدوزی دی
کیم دیر بو حسین عدالت تاجی نین تاجی
کیم دیر بو حسین سلطه لره سینیلمیری
کیم دیر بو حسین عدالتی بیلدیریری
کیم دیر بو حسین کرامته چاغیریری
کیم دیر بو حسین شرافتی بیلدیریری
کیم دیر بو حسین حکومته دایانمیری
کیم دیر بوحسین عدالته یول سالیری
کیم دیر بو حسین حکومتی تانیدیری
کیم دیر بو حسین بیلیم باغین بارلادیری
بو حسین دیر فاطمه نین بالاسی
شهید عدالت دیر بونون آتاسی
کیم دیر شهید عدالت؟ علی اوزی دی
ندیر کربلا؟ علی یولونون سوزی دی
نبی نین نوه سی علی نین بالاسی
عدالت بایراقلارین بو ساخلاداسی
دنیاچی لار نه ائدیر حسین ئولدورور
کربلا چوللرینی قانا بورودور
قانلارین قایناقی دیر کربلا چولی
هر یئر کربلادان عدالت یولی
***



گوزله مک ( انتظار )
اصیل بیرگوزله مکی سویوموز بارلادیب دی
مهدی دا اوز یولوندا فایدالاری سالیب دی
مهدی نین یوللاری دا گوزله مکی خوشلادیب
سویوموز فایداسینی هانسی چاغلار دا آلیب
گوزله مکین باغیندا باغلانمیشیق
اوزگه لرین سوفرلارین آچمیشیق
تانری دئین چالیشمادان قالمیشیق
عدالتین یوللاریننان چیخمیشیق
بو دنیا چوخ اوز گتیرن دنیادی
بزکله نیب گوزه دولان دنیادی
بو دنیایا باخان اونا آلدانیر
زوری اولان سلطه یولون آختاریر
دنیا دئییر بویوک لوگوم بیلله نیب
الین دا کی آلدیگین آز بلله نیب
چالیشگینان اوزگه لردن آلان اول
اوزگه لره زور یولونی سالان اول
طاغوت لاری دنیا طاغوت ائله دی
فرعون لاری دنیا فرعون بسله دی
سوی وارینی دنیا بیزدن آلمادی
دنیا سئون آلماقینی باشلادی
یاتان اولدوک اوغری یولون باشلادی
الده چیراق اوغورلاماق باشلادی
آنا دیلین سوفرالارین آپاردی
تالان سالیب بیزی پای سیز ساخلادی
پایلاریمیز آنا دیلده آزالیب
یئل آپاریب یا دا طاغوت کورلادیب
یارانیشین چونکی تانری یارادیب
گئنه هله بو وارلیقین ساخلایب
گوزله مکده بو پای وارلیق گوزلویور
عدالتی سوی وارینان سسله ییر
طاغوت لارا سون گون لرین بیلدیریر
حق واریندا اوجالماسین دیندیریر
***

انتظار مهدی اوچون
عدلین آلاوی ظولمی یاندیرسین
ظولمی سالانی توپراقا سالسین
اوردولار دویوشی سلطه یه سالسا
گوجلی اولماقلیقین یولونی توتسا
گوجسیز یئرینی گوجلی ائده للر
دویوش سنگرین سینماز بیلرلر
چئوریم سالماقا یوللارین سالین
عدالت بایراقین اوردویا آلین
هاممی لیق یئریش کوتوک سالاندیر
اوزلوک وارینی سویلار توتان دیر
اوزلوک سازلانماسی باشلانیش توتار
کرامت یوللاری یولون آچدیرار
دوشونجه یئرلری فیکر سالدیرار
ساده لیک حیصه سین سویلاردان آتار
نفاق و اختلاف گره ک قالماسین
بیرلیک نغمه لرین سویلار باشلاسین
شهامت لی اولان دوشونجه لی لر
اوزلرین قاجلاردان اوستون بیلن لر
اوردونی حاضیر لار قاج دویوشونه
ایناملی اولماقی دئییر اوزونه
بئله بیر انتظار ایشی سازلادار
فیکیر پاسلارینی سیلر آپارار
بئله بیر انتظار گوجلری یئغار
گوجلی اولماقینان قاجی سیندیرار
بئله بیر انتظار عدلی سالدیرار
کولتور عدالتین سویا آلدیرار
بئله بیر انتظار شرافت سالار
ظولمون بایراغینی چکر داغیدار
بئله بیر انتظار مهدی اوچون دیر
مهدی عدالتین رسالتی دیر
***

مهدی سئوللر
قیامی مهدی نین حق اوچون اولار
قارانلیق وارینا حق آلاو سالار
حقیقت سویلاردا آیدین اولاجاق
انتظار حق اوچون یولون آچاق
حقیقت آختاران عبادت ائدیر
انتظاری ساخلادان اومود بسله دیر
سویلاردا عدالت چالیشماق دئییر
چالیشماق یوللارین انتظار وئریر
آنلام وار انتظار گورومده اولسون
چئوریمین یولونی باطله آچسین
یئریش لر فیکری بئله اولایدی
خریطه ایشلره ان بوی سالایدی
سلطه نین بایراقی گویده اسمه سین
اوزلوکون قاجلاری وارلیق دئمه سین
دوغرو منتظر لر مهدی سئوللر
مهدی نین یولوندا قانلار وئرللر
مجاهد کیمسه لر تانری دئیللر
تانری نین عدلینی وارلیق بیلللر
مجاهد قانینان ارن گوجله نر
ارنلر سلاحی حقده دیلله نر
ظالیم لر ایچینده یوخدیر انتظار
انتظار توتانلار ظالیمی یاپار
***

مهدی نئجه ایگید دیر ( باکری )
نئجه بویوک روحی وار اوزلوکونی آتمیری
جبهه لرده دایانیب مللتینی ساخلیری
دیندیریللر بئله سین آنا دیلده دانیشیر
مهدی نئجه ایگید دیر وارلیقینی ساخلادیر
آنا دیلی وارلیق دیر مهدی لاپ یاخشی بیلیر
کرامتی وارلیقدا مهدی گوزل پارلادیر
تلویزیون یاییردی اونون دئمیش سوزلرین
بیلله دیری مللته او اوردا اوزلوک لرین
کیمسه اوزون دانسا اوندا دایاق لیق اولماز
اوزون دانان کیمسه لر جان نان مایا قویانماز
کیمسه اوزون تانیسا، تانری سینی تانییار
تانری سینی تانییان، تانری یولوندا اولار
نئجه گوزل عارف دیر تانریا باغلانیب دی
تانری یولوندا سئویل، سئوگی سینه وئریب دی
مهدی بوتون سئویلیب تانری اونی سئچیب دی
دنیز لرین وارینا اونون وارین قاتیب دی
دامجی لیقدا بوقالماز دنیزلره باغلانیب
دنیزلره باغلانان دنیز آدیندا اولوب
اوزلرینی دانان لار اوزگه لره سینار لار
اوزگه لره سینان لار اوزگه لری توتار لار
اوزگه لری توتان لار تانریدان آیریلار لار
تانریدان آیریلان لار کفره وارلیق ساتار لار
کافر لره سینان لار هاردان اینام تاپاجاق ؟
ملی وارلیق بایراقی الینده او توتاجاق؟!
ملی وارلیق توتانین یاردیمی تانری اولار
یاردیمی تانری اولان قاجلارا اوستون قالار
***







مهدی ووراجاق
جیلوه سین وئریری گول کیمی گولزاره
باهاری یارادیری سویلاردا افکاره
دیلک لر بو دیر جمالی دا گورسه نه
گوروشلر بیلله نه عدالت دا یئته
دئمه سین بیر که گرهک فساد اولا
مهدی قیامینا فساد هر یئری توتا
شیعه آنلامی عدالت ایسته دیر
عدالت وارلیقی ظولمی هلله دیر
شیعه مسئول دیر عدالت آلماقا
طاغوت لار سلطه سین واردان سیلماقا
آخان سولارین پاکلیقی اولسون
گوروملر سالماقا خریطه اولسون
ولایت آخیمی عدالت وئرسین
عدالت ئولچوسون حکومت وئرسین
کولتور عدالتین نبی بیلله دیر
جهالت کلله سین نبی پیله دیر
چالیشقان جهادا عدالت دئییر
مهدی عدالت یولون گورسه دیر
انتظار جهادین یولون بیلله در
کولتورده عدالت سویا دیلله در
سلطه کولتورون مهدی پوزاجاق
عدالت بایراقین مهدی ووراجاق
قیامت بیلن عدالت آتماز
اوستونلوک سالماقا سلطه سالدیرماز
وارلیقی داغیدماق سلطه ایشی دی
وارلیقی ساخلاماق حق یئریشی دی
***


مهدی نن مهدی یه ساری
دئیری دیر شهید لر الله اکبر
چاتیب لار تانریا الله اکبر
حق یولون پارلاقی مهدی اولوب دی
مهدی یه ساری باکری گئدیب دی
علی دن آلیب دی چئوریمین یولون
علی نین آدی نی آلیب قارداشین
علی چون عدالت یولوندا گئد دی
طاغوتون الی نن جانین نان کوچدی
ایکی سی اونلارین چیراق اولدولار
مهدی نن حمید دا ثمر وئردیلر
ئولکه یه چیراق تک مهدی اولموشدی
انقلاب قالماقا جانین قویموشدی
خاطره یادیمدا اوننان واریمدی
هر نه دن اوستون جا اوننان واریمدی
پاسدارلار اوردوصوندا ،گوردوم اونی
اوردونون ایچینده تانیدیم اونی
باسقینا ایلکده قاجلار گلیر دی
هنده وردن شهره هجوم ائدیر دی
بند یولون نان اونلار گلماق ایستیر دی
توشنه ماق قاتیشیق شهره سالیر دی
اوزلوکه ایناملی دی باکری لر
افتخار مایاسی دی باکری لر
طاغوت که باسقین لارینی ایستیری
صدام که سلطه لری نن ایشلیری
مهدی نن قارداشی بیر یول توتدولار
شهادت مولکونه یولی آچدیلار
یولداشلار یول بویی نه لر گوروب لر
اونلاردان خاطره چوخلی دریب لر
واریدیم گئچمیشده منده سپاه دا
دویوشماق واریدی منیم باخیشدا
اویره نیش یئری میز ساحل یئری دی
اورمیه گولونون پلاژ یئری دی
طاغوتا دولانماق یئری بورای دی
ایندی ده اویره نیش یئری بورا دی
بیر گون مهدی اویره نیش ویری
خمپاره آتمیشی اوردا دئیری
دئدی سوزلرینی ایشلرین گورسون
دمیر بویک ایچینده خمپاره آتسین
داغ دوشونده نشان توتان اولوب دی
بیر سنگر وورماقا ایستک سالیب دی
خمپاره گولله سی گئد دی ایستکه
ایستکین اوستونده دئیدی او یئره
دوزه لیش جهاد دا مهدی چالیشدی
جهاد دا خاطره اوننان قالیب دی
کند لرین آراسی یوللارین چکدی
حیدر لو شیر آباد یولی بیری دی
آییری سی زورگوا سنتو یولی ایدی
تقوانی ساخلاماق اونم ایشی دی
زورگوا یولوندا ناهار چاغیدی
گلدی مهدی اورا ناماز قیلیندی
اذانی من دئدیم پیش ناماز مهدی
کونولون باغیندا خاطیره لیدی
بنده لیک یولوندا او حق بنده سی
اصیل لیق اولماقدا اصیل بنده سی
اصلینی آختاران چالیشقان کیمسه
قاجلارا قاجلیقین بیلدیرن کیمسه
قاج لیقدا سلطه یه بو قاج اولاندی
شیطانلار یولونی بو باغلاداندی
جهاد دا چالیشدی بیر چاغلاری او
صونرادا شهردار ایسته نیلدی او
چوخلی یو ل آچماقا آدی یازیلدی
یوللاری سالماقا چالیشیق سالدی
خیاوان امام تکجه بیر گئجه
بویوندا آسفالتی گوردی گور نئجه
دئیر لر آییری بیر یاغیشلی گئجه
دولموشدی ائولره سولار دا نئجه
او یاغیش آلتیندا بیلچه الینده
چالیشیر یاردیم لیق ائده مللته
بیریسی یاغیشدان ضرر لر گورور
باغیریر شهردار بیزی نه قانیر
ایستی یئرده یاتیب ایندی شهردار
دئییری سویوشون بیلدیقی نه وار
بیل الینده مهدی اونا چاتیری
عموجان نه اولوب یاردیم وئریری
قنوون قاباقی توتولموش اولوب
سو داشیب بو قوجا ائوینه دولوب
مهدی بیل الینده قنور تمیز لیر
بو کیمدیر، قوجا بونی اصلا" بیلمیر
بیر کیمسه گلیر مهدی نی تانیر
قوجانی بو ایشدن بتر دا هایلیر
مهدی دئییر هایلاما اونی
قوی آچیم بورادا سویون یولونی
بونلار بیر بوجاقدیر مهدی ایشین نن
خیردا بیر پارلاق دیر کرامتین نن
ان پارلاق اولموشی جبهه ده اولوب
اسلامین یولوندا پارلاقلی قالیب
سئوگی نن سئویلین باغینا گئدیب
عاشورا اوردوسی بوننان دیلله نیب
آذری گنج لر مهدی نی سئویب
مهدی نن اولماقا اورایا گئدیب
خابار لار دولانیب هر یئره چاتیب
کیملیکی اوردودا مهدی ساخلایب
توپلاشدیلار آذری ایگید ارنلر
عاشورا اوردوسون کیملیک بیلنلر
داغیلیری بئله سوز، هر بیر یئره
بو خابار گلیب دی چاتدی بیزه
بیر یولداش زنگ وورور سلام احمدیه
گئدیر لر یولداشلار چول کربلایه
یوللاما جهاد دان اولموش اولاجاق
یولداشلار بیر لیکده گئدمیش اولاجاق
من گئدماق لیقا حاضیرلیق تاپدیم
یولوما تانریدان یاردیم لیق آلدیم
چوخلی سوز یولداشلار شعار دا دئدی
تانریدان قاجلارا سینیق ایسته دی
قاج اودیر که ایستیر سلطه سالدیرا
کیملیکی سویلارین الین نن آلا
قاج اودیر که ایستیر کولگه سالدیرا
اصلین نن آیریلیق سویلارا سالا
قاج اودیر که مادی تالان سالیری
ئولکه نی تالایب بیزدن آلیری
بئله جه بیز گئدیب اهوازا چاتدیق
اورادا بیر یئرده یورقونلوق سالدیق
اورانین بیر گوزل آدی واریدی
شهیدلیق سئونلر دینج اولماقیدی
بیز داها اورادا گئدیب دایاندیق
دنیالیق سئوگی سین باشلاردان آتدیق
بیز اورادا عرشی لر قوناقی اولدوق
هر فیکیر خیالدان آسوده قالدیق
قالماقلیق، دورماقلیق بیزدن آیریلدی
اولماق لیق، گئدماقلیق بیزه یاخیلدی
قاتیشدیق اوردویا بیز دا عسگریق
قرارا کیملیک ده بیز ده گلیریق
بو جانا بو بدن خیردا اولوب دی
عاشورا اوردوسی کورپی سالیب دی
عاشورا اوردوسی اوردوموز اولوب
باشچی سی مهدی نن دا حمید اولوب
بیرینجی والفجری سالان اولوریک
قاجلارین خططینه باسقین سالیریک
صلاح و مهمات گلیب پایلانیر
گورهانلار اوردو دا آیدین بیلله نیر
باسقینی قاجلارا بیز سالمالییق
آلچاقلیق آلتین نان بیز چیخمالییق
شهادت سئونلر ان باغیریر لار
هاممی سی سئوگی نن قاینار لاشیر لار
سئوگی وارلیق بویاقیندا اولوب دی
اولماق دورماق لیقدان باشدا قالیب دی
قاجلارین تانک لاری دوروب قاباقدا
سئویملی آرپی جی ووران هارادا
اوردونی سهمانلیر حمید گلیب دی
منی ده گرهانا باشچی ائدیب دی
واریمدی منیم آرپی جی مهمات
آلمیشدیم چینیمه دئییردیم هیهات
هیهات ظولمه داها سینماریک
اوزلوکی وارلیقی اصلا" دانماریک
تانری نین یوللاری ایشیق لی اولار
اوزلوکده کرامت بوننان آلینار
ایناملی اولانی تانری بیلله دیر
اوزلوکه اینانان تانری دیلله دیر
حق یولوندا دویوش شوکور بلله دیر
وارلیقدان کرامت کولتور بسله دیر
گئدیریک قاجلارین خططین سیندیراق
سینیر دا ایرانین صفرینه چاتاق
گئجه ینن سیندیریب سینیرا چاتدیق
گون اورتا اولانجا اوردا دایاندیق
سویداشلار یولداشلار هاممی اوردایدی
وارلیقی ساخلاماق سوزون سالمایدی
مهدی نین گلماقی اوردا بیللندی
سئوینجین وارلیقی داها دیللندی
گلمیش کن دئدی او، سنگر دوزلدین
قاجین آفندینه سیغیناق وئرین
ایکی اولدی ساعات ناهاردان صونرا
قاجلارین آفندی باشلاندی بورا
قاج گلیر تانکینان گوزلر قارالیر
یاخین لیق هر لحظه سینیرا سالیر
ای تانری مصلحت بور دا نمنه دیر
اوردوموز سینیری حکمتی ندیر
قاجلارین گوجونده آرتیم گورسه نیر
چالیشیر بیزلره سینیق لیق وئریر
بیرینی گورورم تل توپراق اوسته
دئیرم ای ایگید تهلکه ائدمه
گل گینن سیغینا تهلکه یاغیر
قاجلارین گولله سی بیچیب آپاریر
دئدی سن گئد گینان من سئویلمیشم
مهدی یه سئوگییم بونی بیلمیشم
سوزلری آغزیندا گولله یه گلدی
تانکین بیر گولله سی اونی بلله دی
ائله تک بیر آندا حیاتی اوچدی
قالماقدان قیریلیب اولماقا دوشدی
ای تانری سن بیلدین مهدی دئیردی
جانینان مهدی یه سئوگی ائدیر دی
ای تانری یولوندا سیناقلارین وار
ایستک لر نه اولسا بیلیملرین وار
قیسا سوزده دئیم دالی چکیلدیک
پاییز یارپاقلارین اوردودا گوردوگ
مهندس اتابک بیر یولداشیمیز
یاشلانیب گوزلردن بو قارداشیمیز
قاجین بیرگولله سی باشیمی سوتدی
دئدیم باغلا اتابک دا قانی گلدی
گوردوم اونون اللری که تیتیریر
بیر یاننان دا دوز دوز گولله لر گلیر
گئددیم دالداکی تل توپراقا چاتدیم
بیر وانت اوستونه اوزومو آتدیم
داها دا بیلمه دیم نمنه لراولدی
نجور گئد دی وانت هاردان آپاردی
گوزومی آچدیم بندر ماهشهری دیدیم
چول خسته خاناسین نئچه گون بیلدیم
چوخلی بیر یارالی اوردا واریدی
بیر شنوک بیزلردن یزده آپاردی
یزدی ده نئچه گون قالمالی اولدوم
ساغلاملیق دا آلیب اورمویا چوندوم
اورمویا چاتان دا دئدیلر منه
حمید ده یارالی گلیب ائوینه
گئد دیم من حمیدی ائوینده گوردوم
خانیمین اوشاقین گورنئجه گوردوم
محبت ایستی سی ائوین نن یاغیر
باشینا مهربان خانیم دولانیر
اوشاقلار خیردادی بیر آزجا قانیر
حمیدین عزتین تانری آرتیریر
کمیته کوچه سی سنده نه لر وار
باخ نئجه وارلیق لار سنده دایانار
حمیدین اوباسین سن ساخلامیشدین
اونلاردا کولتوری سن بارلامیشدین
آنا دیل وارلیقی سن نن قالمیشدی
حمید اوز کیملیکین سن نن تاپمیشدی
اوغلوینان قیزینی اوندا من گوردوم
حمیده پرستار خانیمین گوردوم
تانیق دی خانیمی او احوالینا
شهادت بویاقی دوشوب جانینا
حمید چون ساغالدی جبهه یه گئد دی
وارلیقین خیبر ده تانریا وئردی
سویوموز حمید لر وارلیقین ساخلار
آل بویاقلاری نان کیملیکین ساخلار
دالیجا قارداشی بدری نن گئد دی
دنیزه قاتیشیب بیر دنیز اولدی
مهدی بیر دنیز دی اونا قاتیشیب
هر دامجی دنیز ده دنیز تک اولوب
مهدی اوز کیملیکین دئییر بیلله دیر
کیملیکین حورمتین تانری بلله دیر
لوزونی تانییان تانری سین قانار
عدالت یولوندا وارلیقین قویار
***

احمد کاظمی و محمود دولتی با اصرار از وی می‌خواهند که با عبور از دجله و پیمودن فاصله۷۰۰ متری که میان خط اول و خط دوم حمله جان خود را نجات دهد؛ ولی این درخواست هر بار با جواب منفی وی روبرو می‌شد تا اینکه بر اثر اصابت تیر مستقیم سربازان عراقی در تاریخ ۲۵ اسفند ۱۳۶۳ کشته شد.

تیر پرس/ نحوه شهادت شهید مهدی باکری در جزیره مجنون و در عملیات بدر حکایت غریبی دارد.بطوریکه که وقتی سایت ویکی پدیا فارغ از ادبیات احساسی یا ستایش گونه صرفا نحوه شهادت شهید باکری  را”روایت” می کند،قلوب را منقلب می سازد.

به گزارش تیر پرس،سایت ویکی پدیا در خصوص نحوه شهادت شهید باکری نوشته است:

«در حین عملیات بدر و در حالیکه نیروهای عراقی‌ با محاصره کامل سربازان تحت امر باکری در جزیره مجنون در حال زدن تیر خلاص به سربازان مجروح باقی‌مانده بودند، احمد کاظمی و محمود دولتی با اصرار از وی می‌خواهند که با عبور از دجله و پیمودن فاصله۷۰۰ متری که میان خط اول و خط دوم حمله جان خود را نجات دهد؛ ولی این درخواست هر بار با جواب منفی وی روبرو می‌شد تا اینکه بر اثر اصابت تیر مستقیم سربازان عراقی در تاریخ ۲۵ اسفند ۱۳۶۳ کشته شد. در این هنگام در حالی که یاران او سعی در انتقال پیکرش بوسیله قایق به عقب را داشتند قایق هدف اصابت شلیک مستقیم آر پی جی یکی از سربازان عراقی‌ قرار گرفت و در اروند رود غرق شد. پیکر وی و سایر سربازانش هیچگاه یافت نشد و وی همچنان مفقودالجسد می‌باشد.»

شهید مهدی باکری در کنار شهید احمد کاظمی  ساعاتی قبل از شهادت در عملیات بدر