یازار : " تؤرک دیلینی اؤیره نین، چونکو اونلارین حاکمیتی چوخ اوزون سؤره جکدیر." پیامبر اکرم
+0 چره جلی
جانیمین سون نفسی
گئجه خلوتجه بیزه سئوگیلی یار گلمیش ایدی،
اوزو آیدان دا گؤزل نازلی نیگار گلمیش ایدی.
تر آخیب گول یاناغیندان، بولود اؤرتموشدو آیی،
اونو دوشمنمی قوووب، کؤنلو قوبار گلمیش ایدی؟
اونا من گؤز یئتیریب خلوتی باخدیم، باخدیم،
اووچونون اوولاغینا کؤرپه شیکار گلمیش ایدی.
اویویوب هر ایکیمیز راحت اولوب بیر یاتدیق،
بختیمین باغچاسینا گوللو باهار گلمیش ایدی.
دئدی: - گئتمک دمیدیر، سؤیله، نه ایسترسن یار؟
بیر اؤپوش ایسته‌دیم اوندان... یئری وار، گلمیش ایدی.
آغلاییب گئتدی او یار، گؤز یاشی یاندیردی منی،
اودلارا یاندی دیلیم، سانکی شرار گلمیش ایدی.
ائی نظامی! - دئدی - بیردن آییلیب، گؤردوم او یوخ،
دئمه رؤیادا بیزه چشمی-خومار گلمیش ایدی.
شعری از استاد نظامی
یازار : " تؤرک دیلینی اؤیره نین، چونکو اونلارین حاکمیتی چوخ اوزون سؤره جکدیر." پیامبر اکرم
+0 چره جلی
تاپشیریق
اؤکوز، پلنگ دوشدو یولا
دووشان اولدو یولداشیمیز
بالیق،
ایلان، آت یولدادیر
قویون اتی بوزباشیمیز
میمون، تویوغو چنگه لر
ایت، دونوزون،ایزین سیلر
سیچان، اؤکوزدن تئز گلر
دونوز اولار سای باشیمیز
تاپشیریرام سؤزومه باخ
بعضی سؤزلری گل بوراق
چیخسا جیزیغیندان
آیاق!!
ضررین گؤرر باشیمیز!!!
هورکوتمهیین دوووشانی
یئسه ده چؤلده یووشانی
دوغرو سؤزدو یوخ یالانی
هورکوتسک پیشر آشیمیز
بو ایللرین قدرینی بیل
ساللاق سؤیود کیمی اَییل
هاوا پیسدی دالدان اکیل
آرخا دورماز سیرداشیمیز!!
یئر سورونمز برک اولاندا
پاییز گولر گول سولاندا!
توستو گؤزلره دولاندا
اود توتار یانار قاشیمیز!!
دوشن اوچاق یئری اَزیر
شوکر ائلهییر گئدن وزیر!!!
بیری اورمو گؤلون
گزیر
قورو اولوبدور یاشییمیز
شیمشک ده بیزی یاخانماز!!
چایلار دنیزه آخانماز!!
کیمسه بیزه چپ
باخانماز!!
قوجا چیندیر قارداشیمیز!!!
بایرامیز اولسون موبارک
یازدا بیتهجکدیر چیچک
آتین (موزالان)ی گئدک!!
اونسوز دا وار دیلداشیمیز!
موزالان
تورک ایللرینین سیراسی:
سیچان، اؤکوز،
پلنگ، دووشان،
بـالیـق، ایـلان، آت، قـویـون،
میمـون، تویـوق، ایت، دونـوز
یازار : " تؤرک دیلینی اؤیره نین، چونکو اونلارین حاکمیتی چوخ اوزون سؤره جکدیر." پیامبر اکرم
+0 چره جلی
بو چتینلیق دونیاسنا
قیزیم خوش گلدین خوش
گلدین
اعتبار یوخ وفاسنا
قیزیم خوش گلدین خوش
گلدین
سالام گولوم سالام
نازم
هم سوزومسن همده سازم
هم سسمسن هم آوازم
قیزیم خوش گلدین خوش
گلدین
یازار : " تؤرک دیلینی اؤیره نین، چونکو اونلارین حاکمیتی چوخ اوزون سؤره جکدیر." پیامبر اکرم
+0 چره جلی
بیزه گلن شعرلردن
لوطف ائیله آقا! گل گئجه نی سن سحر ائیله
توپراقی بو مظلوملار اوچون سن گهر ائیله
کاخلار دوزه لیب یوخسولودا داره چکیبلر
کاخلاری ییخیب ائولرین آنجاق کپر ائیله
بیز شیعه لرین گؤزلری یولدا، گله جک سن!
بیز شیعه لره لطفونو قیل بیر نظر ائیله
بیر هفته بویو منتظریک جمعه گلئیدی
بو عشقیمیزین اؤلکه سینه بیر گذر ائیله
فتنه آغاجین کافیر اکیب ظولمدو باری
گل ریشه لرین سهمینی کسگین تبر ائیله
سن گلمه دین آخیر یازیغین عالمی یاندی
ای کاش گله سن، گل بو اودو بی ثمر ائیله
سنسیز اورگه یاره وورور دشمن نادان
بیر پیک ایله بو یاره لی قلبی خبر ائیله
مین جمعه اولا « دتلی » تیکیب گؤز یولون اوسته
کئتدین سفره، لوطف ائله ترسه سفر ائیله
حبیب کارگر اسد (دتلی)
یازار : " تؤرک دیلینی اؤیره نین، چونکو اونلارین حاکمیتی چوخ اوزون سؤره جکدیر." پیامبر اکرم
+0 چره جلی
حق آشیقی و عدالتی تبلیغ ائدن عرفان
صاحیبی، صوفی شاعیر آشیق آلی نین یارادیجیلیغی ایله آشیق شئعیری نین یئنی
عؤمرو، یئنی دؤورو باشلاندی.
۱۸۰۱-جی ایلده گؤیچه ماحالی نین قیزیل ونگ
کندینده یوخسول بیر عاییلهده دونیایا گلن آشیق آلی ۱۹. عصر گؤیچه آشیق
موحیطی نین ان اونلو صنعتکارلاریندان بیری اولدو.
یازار : " تؤرک دیلینی اؤیره نین، چونکو اونلارین حاکمیتی چوخ اوزون سؤره جکدیر." پیامبر اکرم
+0 چره جلی
آنا بیر سئوگی دی نازدی،
آنا بیر نغمه دی سازدی،
آنا باشدان باشا آنلامدی اؤرکدی،
آنامین یایلیقی بیر چنگه ایپک‌دی-
غونچادی گولدو چیچک‌دی.
یازار : " تؤرک دیلینی اؤیره نین، چونکو اونلارین حاکمیتی چوخ اوزون سؤره جکدیر." پیامبر اکرم
+0 چره جلی
گئجه نین باغرینی گونش یاراندا
من یاتدیم,سن یاتدین هامی میز یاتدیق
شافاق آچیلاندا نورون ساچاندا
بوتونلوکله بیز ظولمته باتدیق
یازار : " تؤرک دیلینی اؤیره نین، چونکو اونلارین حاکمیتی چوخ اوزون سؤره جکدیر." پیامبر اکرم
+0 چره جلی
ائتـمه تـعجّب آخ نیـیـه شیـدا قـوجـالـدی تئـز
شوخلوق گؤتورمز ای دادا،ائل دردی دیر بو درد
آذربایجانین کلاسیک اولدوزلاریندان اولان، عزیز یازیچی و شاعیر ، اوستاد
یحیی شیدا حضرتلری یئنی بیر حیاتا قدم قویدو. دونیادان کؤچمکدن باشقا درین
آیریلیق یوخدور. بو آغیر خبری ائشیتمک کؤنلوموزو کدرلندیرسه ده آنجاق بونا
اینانیریق کی او حضرتین قالارغی چالیشمالاری و اثرلری آدین دیری ساخلاماق
اوچون کیفایتدیر. اوستاد شیدانین غزللرینده سئوگی جریان تاپیب ، اینامدان ،
ایلقاردان سؤز آچیلیر. اونون روحونون پاکلیغینا گؤزل شعرلری ایله ایمان
گتیرمک اولار.
یازار : " تؤرک دیلینی اؤیره نین، چونکو اونلارین حاکمیتی چوخ اوزون سؤره جکدیر." پیامبر اکرم
+0 چره جلی
یازار : " تؤرک دیلینی اؤیره نین، چونکو اونلارین حاکمیتی چوخ اوزون سؤره جکدیر." پیامبر اکرم
+0 چره جلی
خوی‌دا 2 تروریست اؤلدورولدو
خوی‌دا عسگرلر و تروریستلر چاتیشدی.
خوی‌دا پژاک/کودار ایله انقیلاب گؤزتچی‌لری آراسیندا چیخان چاتیشمادا 2 عسگر ایله 2 تروریست اؤلدو.
ایران
رسمی خبر آژانسی ایرنانین خبرینه گؤره، خوی والی‌سی حسین سیوانی اصل، دونن
گئجه رازی سرحد بؤلگه‌سینده پژاک/کودار تروریستلریله ایران عسگرلری
آراسیندا چاتیشما چیخدیغینی سؤیله‌دی.
سیوانی اصل، چاتیشمادا 2
تروریستین اؤلدورولدوگونو 5 تروریستین ده یارالاندیغینی ایفاده ائتدی.
سیوانی اصل، 2 پاسدارین دا حیاتینی ایتیردیگینی آچیقلادی.
