پئیغمبر حضرتی خدیجه‌نی نییه اۇنوتموردو؟

حضرت رسولوللاه (س) حضرت آیشه ایله عائله‌ صؤحبتی‌نین بیرینده حضرت خدیجه‌نی یاد ائده‌رک، اۇزون-اۇزون اوْندان بحث ائده‌رک، اؤتن گۆنلری خاتیرلامیشدی. حضرت آیشه اوْندان سوْروشموشدو:

- یا رسولوللاه، ایللر اول وفات ائتمیش یاشلی بیر قادینی بۇ قدر خاتیرلاماغین نه فایداسی وار؟ الله سنه اوْندان داها گنج و داها گؤزه‌لینی بخش ائدیب. آغزیندا دیشی بئله قالمامیش قوْجا قادی‌نین عوضینه گنج بیر قادین بخش ائدیب.

حضرت رسولوللاه (س) حضرت آیشه‌یه بۆتون خانیملارا عیبرت اوْلا بیله‌جک بۇ سؤزلرله جاواب وئریب:

- یا آیشه، ایللر اؤتدویو حالدا خدیجه‌نی اۇنوتماماغیمین سببی اوْنون خاریجی گؤزللیگیندن دئییل. هر کس منی اینکار ائتدیکده، خدیجه منه ایناندی، منی تسدیق ائتدی. اطرافیمداکیلار منه یالانچی دئدیکده، خدیجه منه دوْغرو سؤزلو اوْلدوغومو، مقصدیمدن ال چکمه‌مه‌ییمی سؤیله‌دی. اینسانلار مندن قپیک اسیرگه‌دیکده، خدیجه بۆتون ثروتینی منیم ایختییاریما وئردی. دۆنیادا یالنیز قالدیغیمدا خدیجه اصلا منی ترک ائتمه‌دی، بۇنلارین هامیسی‌نین مۆوققتی چتینلیکلر اوْلدوغونو دئدی. باخ، بۇ سببلردن، اوْنون فداکارلیغینا گؤره خدیجه‌نی اۇنوتمورام.