سنینله یم، سولدوگونش باتدی آی     

قافییه لر فیکره دالیر هارداسان؟
گؤزلریمین قاراسیندا لای بالای         

 آیریلیغدی چؤکوب قالیر هارداسان؟         

باغیریرام سسیم باتیر ایچیمده        

 سنسیزلیگیم سنه چاتیر ایچیمده
بو شاختادا - شاختا یاتیر ایچیمده     

گونش آخیب قاش قارالیر هارداسان؟            

 یازی یازان قارا یازیب یازیمی !!!            

 هئچ بیلمیرم هارا یازیب یازیمی!!!؟
سینم اوسته آلدیم سینیق سازیمی   

 بوساز سندن ایلهام آلیر هارداسان؟        

سن خزره چئوریلیرسن بیر آندا         

 من دومانا قارق اولورام دوماندا
بارماقلاریم شاه پرده یه جوماندا       

 تئل قیریلیرماهنی سولور هارداسان؟

بوتون اؤلکه‌لرده هر بؤلگه‌نین اؤزل بیر دئییمی اولار. آزربایجان بؤلگه‌لری‌ده بو آخیش‌دان مستثنی دییل. دیلین ادبی و دئییم اوزونون فرقلی اولمالارینین بیر ندنی، دانیشیقلاری آسانلاتماق، سؤزجوکلری داها یوموشاک و داها راحات دیله گتیرمک‌دیر.

رسمی و کیتابی یازماقلاردا، سؤزجوکلری دئدیگیمیز کیمی ایشلتمک یانلیش‌دیر، یانی داها ادبی یازمالی‌ییق و دیل یاساراریندان چیخمامالی‌ییق.

آزربایجان تورکجه‌سینه دوغرو-دوزگون ائیتیم اولمادیغنا گؤره، بو یانلیشلیقلار بیزیم یازیلاریمیزدا داها چوخ گؤرونور. او اوزدن بو پست‌دا، محاوره دگیشیم‌لرین یاسالارین یازدیم، بو یاسالاری اوخوماقلا، سؤزجوکلرین دئییم و ادبی اولدوقلارین آنلایا بیلرسیز. (آردیندا…)

1. بعضی دئییملرده سؤزجوکون سون حرفی «ک K» یادا «گ G» اولسا، «هـ H»یا چئویریلر.

اؤرنک: کوللوک -> کوللوه | چؤرک -> چؤره | گرک -> گره

2. سؤزجوکون سون حرفی «ق Q» اولسا، «خ X»یا چئویریلر.

اؤرنک: تویوق -> تویوخ | قاچاق -> قاچاخ

3. «ن N» دان سونرا آراسیز «م M» گلسه، «ن N» حرفی «م M»یا چئویریلر.

اؤرنک: دؤنمه -> دؤممه | یانماق -> یامماق | قانماز -> قامماز

4. «دانdan » اکلنتی‌سی، «ن N» حرفیندن سورا گلسه، «د D» حرفی «ن N» اولار.

اؤرنک: یاندان -> یاننان | گوندن -> گوننن | جاندان -> جاننان

5. بعضی بؤلگه‌لرده (ماراغا، ملیک‌کندی)، «ر R» یا حذف اولار یادا «ی Y»یا چئویریلر.

اؤرنک: قارداش -> قایداش | جیرماق -> جییماخ | کیریخما -> کیییخما

6. اگر «پP »دان سونرا آراسیز «م M» گلسه، اوندا هر ایکیسیده «ب B» اولار.

اؤرنک: تاپماجا -> تابباجا | یاپما -> یاببا | کؤپمک -> گؤببه

7. «دD » و «نN »دان سونرا، «لL » گلسه، «لL » دالینداکی حرفه چئویریلر.

اؤرنک: آدلاماق -> آدداماق | دانلا -> داننا

8. «رR »دان سونرا «ل L» گلسه، «ر R» حرفی «ل L»یا چئویریلر.

اؤرنک: گؤررلر -> گؤرللر | گؤزلرلر -> گؤزلللر

9. «بB »دان اؤنجه «ن N» گلسه، «ن N» حرفی «م M» اولار.

اؤرنک: آنبار -> آمبار | شنبه -> شمبه

بو دگیش‌لره یازیلاریمیزدا دیققت وئرسک، یانلیشلارین یوزده‌سین اندیریب و داها گؤزل و اوخومالی یازیلار یازا بیله‌ریک.

بو یازینی یازماق اوچون “تحلیل زبان ترکی آزربایجانی به طریق ریاضی” کیتابیندان چوخ فایدالاندیم. بودیرلی کیتابی، دکتر حسین حق‌پرست جنابلاری یازیبلار.

داندیلار زیروه بویوندا اوجالان وارلیغیمی

یازدیلار شاختالی سؤزلرده  (یالان ) وارلیغیمی

بیر عؤمور کیملیگیمه دالدالانان ...

دون گئجه ائددیلر آخیردا تالان وارلیغیمی

منی هر بیر اؤتن آنجاق یوواسیز سسلیر ه..........ی

آراز آی دالغالی هیرس ایله جالان وارلیغیمی

باشی توفانلی سهندیم دایاق اول اللریمه

قوی عربلردن آلاق بابک آلان وارلیغیمی

گؤزو دار ییرتیجی لاردان سن اؤزون گل قورتار

ساوالان سینه سی وولکانلی قالان وارلیغیمی

داها گل ال - اله باهم قورویاق قان قارداش

آخشام اوستونده گونش تک سارالان وارلیغیمی

یای دومان یای بوتون ائل لرده یاتان لار بیلسین

سسی یالچینلارا تیتره تمه سالان وارلیغیمی

بیر عؤمور کیملیگیمه قئیده قالان وارلیغیمی

• گئجه لر
• تنگ اولور باشیما تک لیک ساری، عا لم گئجه لر      
•  بیر نفر اولمادی منله اولا همدم گئجه لر
• عشقه بیگانه اولانلار نه بیلیر کیم نه چکیر               
• چکمه سین من چکنی اهل جهنم گئجه لر
• 
  
• بیر منم، بیر بو قلم ، بیرده بو ویرانه کونول             
• اوچوموزده گلیریک ناله یه باهم گئجه لر
• کیمسه بیلمز اورگیم سیررینی دونیادا منیم             
• یاز قلم دورما کی سنسن منه محرم گئجه لر
• 
  
• یارالی کونلومه کوندور وورولان یاره لره               
• مهربان یار الی ایستر قویا مرهم گئجه لر
• نه وئرر گوندوزو مهلت منه هیجران ستمی              
• نه قویار باش یئره بیر لحظه قویام غم گئجه لر
• 
  
• عشقینه صادق اولان جهدیله همت کمرین                   
• درد و غم چکمه یه باغلار بئله محکم گئجه لر
• منده مجنون کیمی زنجیریده گوررم اوزومو             
• اوندا کی زولفون اولار گوزده مجسم گئجه لر
• 
  
• من چکن غم یوکونو بیر گئجه چرخین بئلینه             
• قویسالار، پشت فلک غمدن اولار خم گئجه لر
• پرده لی قویدو سوزون « بارز» ه فاش ائیله مه دی       
• سرَلر اورتویو بو قورخولو مبهم گئجه لر 
• 
  

1.  
   1.  
      1. عباس اسلامی متخلص به بارز

اورمودا بیر آشیق واریدی. درین عقللی، دریا کماللی! دانیشاندا دهانیندان دورر تؤکولر، گولنده جامالیندان نور اَلنیر، آغلایاندا گؤزلرین‌دن ذرره-ذرره اود تؤکولردی. سؤزو بوتؤو، صحبتی شیرین، اوره­یی دریا توتوملویدو اونون. سینه‌سینده یاراشیقلی بیر ساز واردی. ائله بیل بزکلی بیر گلیندی. باخ اونون سازینین جینگیلتی‌سی کؤنول‌لری یئرین‌دن اوینادار، بیر عشقین عنوانینا مین بیر دویغو بسته­ لیردی.بیر آشیق واریدی اورمودا، یارلی-یاراشیقلی بیر آشیق. ایلاهی‌نین طبیعی بویالارین‌دان قاشلارینا قلم چکیلیب، بوی-بوخونون‌داکی عظمتینه حیدر بابانین قدرت پاییندان بیر بیچیم قیسمتی اولموشدو اونون. لهجه‌سینده اولو اورمونون شیرین‌لیک تامی، زنگوله­ سینده کپزین هایلی-هارایلی بنزرتی‌سی یاشاردی. نه سؤزو توکه­ نیردی، نه ده صحبتی. کؤنول دفتری‌نین بنزتمه‌لری عمان‌لارلا یاریشا گیرردی ائله بیل

     نرم افزار Tiraxtur v1.0 توسط یکی از هم میهنان گرامی برای هوادارن بی شمار این تیم ساخته شده است.با استفاده از این نرم افزار می توانید نتایج بازی های تیم تراکتورسازی را به صورت لحظه ای و زنده دنبال کنید.از دیگر قابلیت های این نرم افزار می توان به جدول رده بندی لیگ برتر،برنامه بازی های تراکتور،گالری تصاویر تراکتور،اخبار تیم،اسامی بازیکنان و کادر فنی تیم و تاریخچه تیم اشاره کرد.همچنین تمامی علاقه مندان به فوتبال می توانند از این نرم افزار برای اطلاع از نتایج سایر تیم ها استفاده کنند.